Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

રાજસ્થાનના ડીગ જિલ્લાના પહાડી કસ્બામાં પોલીસ સ્ટેશનથી માત્ર 100 મીટર દૂર, 10મા ધોરણની એક સગીર છોકરીનું ધોળા દિવસે ફિલ્મી શૈલીમાં અપહરણ કરવામાં આવ્યું હતું. બોલેરો કારમાં સવાર સશસ્ત્ર બદમાશોએ ફાયરિંગ કરીને આતંક ફેલાવ્યો હતો અને વિદ્યાર્થિનીને બળજબરીથી કારમાં ફેંકી દીધી હતી અને ભાગી ગયા હતા. ઘટનાની માહિતી મળતા જ પહાડી પોલીસ ઘટનાસ્થળે પહોંચી ગઈ હતી અને ગોપાલગઢ પોલીસ સાથે મળીને અપહરણકર્તાઓને પકડવા અને વિદ્યાર્થીને શોધવાનો પ્રયાસ કર્યો હતો. જોકે, 15 કલાક બાદ પણ પોલીસને કોઈ નક્કર સુરાગ મળ્યો નથી.
અપહરણનો વીડિયો સોશિયલ મીડિયા પર વાયરલ થઈ રહ્યો છે. પીસીસી ચીફ ગોવિંદ સિંહ દોટાસરાએ સોશિયલ મીડિયા પર અપહરણનો વીડિયો શેર કરીને સરકારને ઘેરી છે. તેમણે લખ્યું, "મુખ્યમંત્રી... રાજસ્થાન ક્યાં સુધી સહન કરશે? માત્ર નારા લગાવવા અને ખોટા દાવા કરીને દીકરીઓને સુરક્ષા મળી શકતી નથી. આ શરમજનક તસવીરો તમારા ગૃહ જિલ્લા ભરતપુરમાં સામે આવી છે, જ્યાં 10મા ધોરણની એક વિદ્યાર્થીનીનં અપહરણ થયું છ. દીકરીના જાહેરમાં અપહરણ અને બર્બરતાની ઘટનાઓ દર્શાવે છે કે રાજ્યમાં કાયદાનું શાસન ખતમ થઈ ગયું છે અને તમારા બધા દાવાઓ પોકળ સાબિત થઈ રહ્યા છે."
બદમાશો સોમવારે (24 ડિસેમ્બર) સાંજે બોલેરોમાં આવ્યા હતા. 10મા ધોરણની વિદ્યાર્થીની પહાડી શહેરની એક શાળામાં પરીક્ષા આપીને ઘરે જઈ રહી હતી. અચાનક પોલીસ સ્ટેશનથી 100 મીટર દૂર જ અડધો ડઝન બદમાશો ધસી આવ્યા. તેઓએ તેને બળજબરીથી બેલોરમાં બેસાડી. જ્યારે તેમની સાથે હાજર વિદ્યાર્થીનીઓએ તેને છોડાવવાનો પ્રયાસ કર્યો તો બદમાશોએ ગોળીબાર કર્યો. બદમાશો વિદ્યાર્થિની સાથે ગોપાલગઢ શહેર તરફ ભાગી ગયા હતા.&nbsp;

રાજસ્થાનના ડીગમાં ધોળા દિવસે વિદ્યાર્થીનીનું ફિલ્મી ઢબે અપહરણ

સાથી વિદ્યાર્થીનીઓએ છોડાવાના પ્રયાસ કર્યા તો ગુંડાઓએ ફાયરિંગ ક્યું

સુરત BRTSમાં બેદરકારીની પોલ ખુલી! ચાલુ બસમાં છતનું પેનલ તૂટીને લટક્યું, મુસાફરોની સુરક્ષા સામે સવાલ
સુરત: સુરત BRTS બસ સેવામાં તંત્રની કથિત બેદરકારી દર્શાવતો એક ચોંકાવનારો વીડિયો સોશિયલ મીડિયા પર વાયરલ થયો છે. વીડિયોમાં ચાલુ BRTS બસની અંદરની છતનું પેનલ તૂટેલી હાલતમાં જોખમી રીતે નીચે લટકતું જોવા મળી રહ્યું છે. આ દ્રશ્યો સામે આવતા રોજિંદા મુસાફરોની સુરક્ષાને લઈને ગંભીર સવાલો ઊભા થયા છે.
ચાલુ બસમાં છતનું પેનલ લટકતું જોવા મળ્યું
વાયરલ વીડિયોમાં BRTS બસની અંદરની છતનો એક ભાગ તૂટીને નીચે લટકતો નજરે પડે છે. મુસાફરો બસમાં મુસાફરી કરી રહ્યા હતા ત્યારે જ આ સ્થિતિ જોવા મળતાં કોઈ મોટી દુર્ઘટના સર્જાઈ શકે તેવી ભીતિ ઊભી થઈ હતી.&nbsp;ચોમાસા દરમિયાન બસની સ્થિતિ વધુ કથળેલી જોવા મળતી હોવાનો પણ દાવો કરવામાં આવી રહ્યો છે. વરસાદી પાણી અને બસની અંદરની ખરાબ સ્થિતિને કારણે મુસાફરોને હાલાકીનો સામનો કરવો પડી રહ્યો હોવાના દ્રશ્યો સામે આવ્યા છે.
BRTS બસોની જાળવણી સામે સવાલ
સુરતની BRTS સેવા શહેરના હજારો લોકો માટે રોજિંદા પરિવહનનું મહત્વનું સાધન છે. ત્યારે ચાલુ બસમાં છતનું પેનલ તૂટીને લટકતું હોવાનો વીડિયો સામે આવતા BRTS બસોની મેન્ટેનન્સ અને સમયસરની તપાસ સામે સવાલો ઊભા થયા છે.&nbsp;મુસાફરોની સુરક્ષા માટે બસોને નિયમિત રીતે ચેક કરવામાં આવે છે કે નહીં અને ખામીયુક્ત બસોને રસ્તા પર દોડાવવામાં આવી રહી છે કે કેમ, તે અંગે પણ ચર્ચા શરૂ થઈ છે.
ભાડું વસૂલાય છે, સુવિધા ક્યાં?
મુસાફરો પાસેથી પરિવહન સેવાના નામે ભાડું વસૂલવામાં આવે છે, ત્યારે તેમને સુરક્ષિત અને યોગ્ય સ્થિતિમાં બસ સેવા આપવાની જવાબદારી તંત્રની છે. વાયરલ વીડિયોને પગલે લોકોમાં પણ તંત્ર સામે રોષ જોવા મળી રહ્યો છે.&nbsp;મુસાફરોની માંગ છે કે વાયરલ થયેલા વીડિયોની ગંભીરતાથી તપાસ કરવામાં આવે અને સુરત BRTSની તમામ બસોની મેન્ટેનન્સ અને સુરક્ષા તપાસ કરવામાં આવે.&nbsp;હાલ વાયરલ થયેલા વીડિયોની ચોક્કસ તારીખ અને બસની ઓળખ અંગે સત્તાવાર માહિતી સામે આવી નથી. જોકે, વીડિયો સામે આવ્યા બાદ સુરત BRTS વ્યવસ્થાની જાળવણી અને મુસાફરોની સુરક્ષા ચર્ચાના કેન્દ્રમાં આવી છે.

ચાલુ બસમાં છતનું પેનલ તૂટીને લટક્યું, મુસાફરોની સુરક્ષા સામે સવાલ

સુરત BRTSમાં બેદરકારીની પોલ ખુલી!

વડોદરાના વડસર બ્રિજ નીચે પાર્કિંગ મુદ્દે બબાલ! બે જૂથ વચ્ચે મારામારી, જીમ સંચાલકને માથામાં ઈજા
વડોદરા: શહેરના વડસર બ્રિજ નીચે પાર્કિંગના મુદ્દે બે જૂથ વચ્ચે ઉગ્ર બોલાચાલી બાદ મારામારી થતાં ચકચાર મચી ગઈ છે. આર.કે. ફિટનેસ જીમ પાસે વાહન પાર્ક કરવા બાબતે શરૂ થયેલો સામાન્ય વિવાદ જોતજોતામાં ઉગ્ર બન્યો હતો. મામલો પોલીસ સ્ટેશન સુધી પહોંચતા બંને પક્ષોએ સામસામે ફરિયાદ નોંધાવી છે.
પાર્કિંગ મુદ્દે બોલાચાલી બાદ મામલો બિચક્યો
મળતી માહિતી મુજબ, વડસર બ્રિજ નીચે આવેલા આર.કે. ફિટનેસ જીમ નજીક વાહન પાર્ક કરવા બાબતે બે પક્ષ વચ્ચે બોલાચાલી થઈ હતી. શરૂઆતમાં થયેલી બોલાચાલી બાદ બંને પક્ષો વચ્ચે ગાળાગાળી અને ઉગ્ર બોલાચાલી થઈ હતી. ત્યારબાદ મામલો મારામારી સુધી પહોંચી ગયો હતો.
લાકડાના ડંડાથી હુમલાનો આક્ષેપ
એક પક્ષે આક્ષેપ કર્યો છે કે તેમની સાથે મારામારી કરવામાં આવી હતી અને લાકડાના ડંડાથી હુમલો કરવામાં આવ્યો હતો. આ હુમલામાં જીમના સંચાલક રોશન કુશવાહાને માથાના ભાગે ઈજા થતાં તેમને તાત્કાલિક સારવાર માટે હોસ્પિટલ ખસેડવામાં આવ્યા હતા.&nbsp;આ ઉપરાંત મારામારી બાદ રોશન કુશવાહાને જાનથી મારી નાખવાની ધમકી આપવામાં આવી હોવાનો પણ આક્ષેપ કરવામાં આવ્યો છે.
પરિવારજનો અને મિત્રોએ વચ્ચે પડી છોડાવ્યો
વિવાદ દરમિયાન મારામારી ઉગ્ર બનતાં પરિવારજનો અને મિત્રો વચ્ચે પડ્યા હતા અને રોશન કુશવાહાને વધુ મારમાંથી છોડાવ્યો હોવાનો ફરિયાદમાં ઉલ્લેખ કરવામાં આવ્યો છે.
સામા પક્ષે પણ નોંધાવી ફરિયાદ
બીજી તરફ, સામા પક્ષે પણ ગડદાપાટુનો માર મારવામાં આવ્યો હોવાનો આક્ષેપ કરીને પોલીસ ફરિયાદ નોંધાવી છે. આમ, પાર્કિંગના સામાન્ય મુદ્દે શરૂ થયેલા વિવાદમાં બંને પક્ષો સામસામે આવી ગયા હતા અને મામલો પોલીસ ફરિયાદ સુધી પહોંચ્યો છે.
માંજલપુર પોલીસે તપાસ શરૂ કરી
ઘટનાની જાણ થતાં માંજલપુર પોલીસ દ્વારા બંને પક્ષોની ફરિયાદના આધારે ગુનો દાખલ કરીને તપાસ શરૂ કરવામાં આવી છે. મારામારી પાછળનું ચોક્કસ કારણ, ઘટનામાં કોણ-કોણ સામેલ હતું અને CCTV સહિતના પુરાવાના આધારે સમગ્ર ઘટનાક્રમની તપાસ કરવામાં આવી રહી છે.&nbsp;વડસર બ્રિજ નીચે પાર્કિંગના મુદ્દે થયેલી આ મારામારીને પગલે વિસ્તારમાં ચકચાર મચી ગઈ છે. હવે પોલીસ તપાસ બાદ સમગ્ર ઘટનાની વધુ હકીકતો સામે આવશે.

પાર્કિંગ વિવાદ બન્યો મારામારીનું કારણ! વડોદરામાં બે પક્ષ સામસામે

વડોદરાના વડસર બ્રિજ નીચે બબાલ!

કચ્છ જિલ્લા પંચાયતમાં કોંગ્રેસનો હલ્લાબોલ! &lsquo;એક્સપાયરી દવા&rsquo;થી ચેમ્બર ફાળવણી સુધી સત્તાધીશોને ઘેર્યા
ભુજ: કચ્છ જિલ્લા પંચાયતના વિવિધ મુદ્દાઓને લઈને જિલ્લા કોંગ્રેસે આજે મોરચો ખોલ્યો હતો. કોંગ્રેસના આગેવાનોએ જિલ્લા વિકાસ અધિકારી (DDO)ને આવેદનપત્ર પાઠવી આરોગ્ય, શિક્ષણ, ચેમ્બર ફાળવણી અને સામાજિક ન્યાય સમિતિ સહિતના મુદ્દાઓ પર રજૂઆત કરી હતી. કોંગ્રેસના વિરોધને પગલે જિલ્લા પંચાયત ખાતે ચુસ્ત પોલીસ બંદોબસ્ત પણ ગોઠવવામાં આવ્યો હતો.
આરોગ્ય કેન્દ્રોમાં એક્સપાયરી દવાઓ મળ્યાનો કોંગ્રેસનો આક્ષેપ
કચ્છ જિલ્લા કોંગ્રેસે આરોગ્ય વ્યવસ્થાને લઈને ગંભીર સવાલો ઉઠાવ્યા હતા. કોંગ્રેસના આક્ષેપ મુજબ કચ્છના સામુહિક પ્રાથમિક આરોગ્ય કેન્દ્રો અને સબ સેન્ટરોમાંથી એક્સપાયરી દવાઓ મળી આવી છે.&nbsp;આ સમગ્ર મામલે તાત્કાલિક તપાસ હાથ ધરી જવાબદાર અધિકારીઓ અને કર્મચારીઓ સામે કડક કાર્યવાહી કરવાની માંગ કોંગ્રેસ દ્વારા કરવામાં આવી હતી.
ચેમ્બર ફાળવણી મુદ્દે પણ વિપક્ષનો વિરોધ
જિલ્લા પંચાયતમાં ચેમ્બર ફાળવણીનો મુદ્દો પણ કોંગ્રેસે ઉગ્રતાથી ઉઠાવ્યો હતો. કોંગ્રેસના આક્ષેપ મુજબ બાંધકામ ચેરમેન, કારોબારી ચેરમેન અને ઉપપ્રમુખને નિયમોની વિરુદ્ધ ચેમ્બર ફાળવવામાં આવ્યા છે.&nbsp;કોંગ્રેસે વિપક્ષને પણ નિયમ મુજબ ચેમ્બર ફાળવવાની માંગ કરી છે. જો ચેમ્બર ફાળવણીમાં ભેદભાવ કરવામાં આવશે તો કોર્ટના દરવાજા ખખડાવવાની ચીમકી પણ આપવામાં આવી છે.
સામાજિક ન્યાય સમિતિની રચના સામે સવાલ
ભુજ, ભચાઉ અને મુન્દ્રા તાલુકા પંચાયતમાં સામાજિક ન્યાય સમિતિની રચનાને લઈને પણ કોંગ્રેસે સવાલો ઉઠાવ્યા છે.&nbsp;કોંગ્રેસના જણાવ્યા મુજબ નિયમોને બાજુ પર રાખીને સમિતિઓની રચના કરવામાં આવી છે. જેથી સમગ્ર મામલે યોગ્ય તપાસ કરીને જો ગેરરીતિ થઈ હોવાનું સામે આવે તો આ સમિતિઓ રદ કરવાની માંગ કરવામાં આવી છે.
વિકાસના કામોમાં સત્તાના દુરુપયોગનો આક્ષેપ
આ ઉપરાંત જિલ્લા પંચાયત હસ્તકના આરોગ્ય, રસ્તા અને સિંચાઈના મંજૂર થયેલા કામોમાં ભાજપના ધારાસભ્યો અને નેતાઓ દ્વારા સત્તાના દુરુપયોગનો પણ કોંગ્રેસે આક્ષેપ કર્યો હતો.&nbsp;કોંગ્રેસે આરોપ લગાવ્યો કે કેટલાક વિકાસ કામોમાં ભાજપના પક્ષના નિશાનનો ઉપયોગ કરવામાં આવે છે અને આવા કાર્યક્રમોમાં જિલ્લા પંચાયતના કર્મચારીઓની હાજરી અંગે પણ સવાલો ઊભા થાય છે. સમગ્ર મામલે તપાસ કરીને જવાબદારો સામે કાર્યવાહી કરવાની માંગ કરવામાં આવી છે.
કોંગ્રેસના વિરોધ વચ્ચે ચુસ્ત પોલીસ બંદોબસ્ત
કોંગ્રેસના વિરોધને ધ્યાનમાં રાખીને જિલ્લા પંચાયત પરિસરમાં મોટી સંખ્યામાં પોલીસકર્મીઓને તૈનાત કરવામાં આવ્યા હતા. જિલ્લા પંચાયતમાં પ્રવેશ દરમિયાન કોંગ્રેસના કાર્યકરો અને પોલીસ વચ્ચે ઘર્ષણની સ્થિતિ પણ સર્જાઈ હતી.&nbsp;આમ, કચ્છ જિલ્લા પંચાયતના વિવિધ મુદ્દાઓને લઈને કોંગ્રેસે સત્તાધારી પક્ષ સામે આક્ષેપોની ઝડી વરસાવી છે. હવે કોંગ્રેસ દ્વારા કરવામાં આવેલી રજૂઆતો અને આક્ષેપો અંગે તંત્ર દ્વારા શું તપાસ અને કાર્યવાહી કરવામાં આવે છે તેના પર સૌની નજર રહેશે.
&nbsp;

‘એક્સપાયરી દવા’ મુદ્દે કોંગ્રેસનો વિરોધ

કચ્છ પંચાયતમાં બબાલ!

ઝારખંડમાં વિદ્યાર્થીઓનો ઉગ્ર વિરોધ, વિધાનસભા તરફ કૂચ! પોલીસનો લાઠીચાર્જ-ટીયર ગેસ, JPSCના પૂર્વ ચેરમેનની ધરપકડથી રાજકારણ ગરમાયું
ઝારખંડની રાજધાની રાંચીમાં JPSC-JSSC પરીક્ષાઓમાં ગેરરીતિના આરોપોને લઈને વિદ્યાર્થીઓનું આંદોલન ઉગ્ર બની ગયું છે. હજારો વિદ્યાર્થીઓ વિધાનસભા તરફ કૂચ કરી પહોંચતા પોલીસ અને પ્રદર્શનકારીઓ આમને-સામને આવી ગયા હતા. સ્થિતિ વણસતાં પોલીસે લાઠીચાર્જ કર્યો અને ટીયર ગેસના શેલ છોડ્યા હતા.&nbsp;વિદ્યાર્થીઓ બેરિકેડિંગ તોડીને વિધાનસભા તરફ આગળ વધવાનો પ્રયાસ કરતા પોલીસને કડક કાર્યવાહી કરવાની ફરજ પડી હતી. આ સમગ્ર ઘટનાક્રમ વચ્ચે JPSCના પૂર્વ ચેરમેન એલ. ખ્યાંગ્તેની CID દ્વારા ધરપકડ કરવામાં આવતા મામલો વધુ ગરમાયો છે.
વિધાનસભાથી માત્ર 100 મીટર દૂર પહોંચ્યા વિદ્યાર્થીઓ
JPSC અને JSSCની ભરતી પરીક્ષાઓમાં ગેરરીતિના આરોપોને લઈને છેલ્લા 17 દિવસથી વિદ્યાર્થીઓ આંદોલન કરી રહ્યા છે. સોમવારે મોટી સંખ્યામાં વિદ્યાર્થીઓ વિધાનસભા નજીક પહોંચી ગયા હતા અને ત્યાં ધરણા શરૂ કરી દીધા હતા.&nbsp;વિદ્યાર્થીઓ વિધાનસભાથી આશરે 100 મીટર નજીક સુધી પહોંચી ગયા હતા. તેમને રોકવા માટે પોલીસ દ્વારા કાંટાળા તારની બેરિકેડિંગ કરવામાં આવી હતી અને વોટર કેનન તૈનાત કરવામાં આવ્યા હતા.&nbsp;જોકે, વિદ્યાર્થીઓએ બેરિકેડિંગ પર ચઢીને વિરોધ કર્યો હતો. કેટલાક વિદ્યાર્થીઓ બેરિકેડિંગ પર ડાન્સ કરતા પણ જોવા મળ્યા હતા.&nbsp;પરિસ્થિતિ વધુ તંગ બનતાં પોલીસે લાઠીચાર્જ કર્યો અને ટીયર ગેસના શેલ છોડ્યા હતા. સામે વિદ્યાર્થીઓ તરફથી પાણીની બોટલો અને ચંપલ ફેંકવામાં આવ્યા હોવાના અહેવાલ છે.
વિધાનસભા પર 6 સ્તરની સુરક્ષા
વિદ્યાર્થીઓના આંદોલનને ધ્યાનમાં રાખીને ઝારખંડ વિધાનસભાની આસપાસ કડક સુરક્ષા વ્યવસ્થા ગોઠવવામાં આવી છે. વિધાનસભાને ચારેય તરફથી 6 સ્તરની સુરક્ષાથી ઘેરવામાં આવી છે.&nbsp;સુરક્ષા વ્યવસ્થામાં મોટી સંખ્યામાં પોલીસ જવાનો ઉપરાંત CCTV કેમેરા દ્વારા સતત નજર રાખવામાં આવી રહી છે.&nbsp;આંદોલનને વધુ ધાર આપવા માટે છેલ્લા 9 દિવસથી ભૂખ હડતાળ પર બેઠેલા વિદ્યાર્થી નેતા દેવેન્દ્રનાથ મહતોને એમ્બ્યુલન્સ મારફતે વિધાનસભા માર્ચમાં સામેલ કરવામાં આવ્યા હતા.
ભાજપના ધારાસભ્યો પણ વિદ્યાર્થીઓના સમર્થનમાં
વિદ્યાર્થીઓના આંદોલન વચ્ચે રાજકીય ગરમાવો પણ વધ્યો છે. ભાજપના ધારાસભ્યો વિદ્યાર્થીઓના સમર્થનમાં મુખ્યમંત્રી આવાસ સામે ધરણા પર બેઠા હતા.&nbsp;જોકે, પોલીસે બાદમાં ભાજપના ધારાસભ્યોને ત્યાંથી હટાવી દીધા હતા.&nbsp;આમ વિદ્યાર્થીઓના વિરોધથી શરૂ થયેલો મુદ્દો હવે સરકાર અને વિપક્ષ વચ્ચેના સીધા રાજકીય ટકરાવમાં પણ ફેરવાઈ રહ્યો છે.
17 દિવસથી આંદોલન, 6 વિદ્યાર્થીઓ ભૂખ હડતાળ પર
વિદ્યાર્થીઓ JPSC અને JSSCની પરીક્ષાઓમાં ગેરરીતિના આરોપો સામે કાર્યવાહી કરવાની માંગ સાથે 17 દિવસથી આંદોલન કરી રહ્યા છે.&nbsp;હાલમાં 6 વિદ્યાર્થીઓ ભૂખ હડતાળ પર બેઠા છે. વિદ્યાર્થીઓની મુખ્ય માંગોમાં પરીક્ષાઓ રદ કરવી, સમગ્ર મામલાની નિષ્પક્ષ તપાસ કરવી અને જવાબદાર લોકો સામે કડક કાર્યવાહી કરવાનો સમાવેશ થાય છે.
સરકાર સાથેની બેઠકમાં 98% માંગણીઓ પર સહમતિનો દાવો
રવિવારે વિદ્યાર્થીઓ અને સરકાર વચ્ચે ત્રીજા રાઉન્ડની બેઠક યોજાઈ હતી. સરકારનો દાવો છે કે વિદ્યાર્થીઓની આશરે 98 ટકા માંગણીઓ સ્વીકારી લેવામાં આવી છે.&nbsp;સરકારે JPSC-PT પરીક્ષા રદ કરવા માટે સંમતિ દર્શાવી છે. જોકે, JSSC-CGL પરીક્ષા રદ કરવાની અને સમગ્ર મામલાની CBI તપાસ કરાવવાની માંગ પર હજુ સહમતિ બની નથી.&nbsp;આ જ મુદ્દો વિદ્યાર્થીઓના આંદોલનને વધુ ઉગ્ર બનાવી રહ્યો છે.
JPSCના પૂર્વ ચેરમેન એલ. ખ્યાંગ્તેની CIDએ કરી ધરપકડ
વિદ્યાર્થીઓના ઉગ્ર વિરોધ વચ્ચે CIDએ JPSCના પૂર્વ ચેરમેન એલ. ખ્યાંગ્તેની ધરપકડ કરી છે.&nbsp;21 જુલાઈએ JPSC કાર્યાલયમાં CID અને રાંચી પોલીસે દરોડા પાડ્યા હતા. આ કાર્યવાહી બાદ એલ. ખ્યાંગ્તેએ પોતાના પદ પરથી રાજીનામું આપ્યું હતું.&nbsp;22 જુલાઈએ રાજ્યપાલ સંતોષ કુમાર ગંગવારે તેમનું રાજીનામું મંજૂર કર્યું હતું. ત્યારબાદથી CID દ્વારા તેમની સતત પૂછપરછ કરવામાં આવી રહી હતી અને હવે તેમની ધરપકડ કરવામાં આવી છે.
JPSCના ત્રણ સભ્યોના પણ રાજીનામાં
મામલો અહીં અટક્યો નથી. JPSCમાં વધુ એક મોટો વહીવટી ફેરફાર થયો છે.&nbsp;આયોગના ત્રણ સભ્યો&mdash;અજીતા ભટ્ટાચાર્ય, જમીલ અહેમદ અને અનિમા હાંસદા&mdash;એ પોતાના પદ પરથી રાજીનામાં આપી દીધા છે. ત્રણેયના રાજીનામાં રાજ્યપાલને મોકલવામાં આવ્યા હતા, જેને મંજૂરી આપવામાં આવી છે.&nbsp;હાલ JPSCની ભરતી પરીક્ષાઓમાં ગેરરીતિના આરોપોની CID તપાસ કરી રહી છે. આ તપાસના ભાગરૂપે આયોગના સભ્યોની પૂછપરછ પણ ચાલી રહી છે. આગામી 10 ઓગસ્ટે ડૉ. અજીતા ભટ્ટાચાર્યની પૂછપરછ થવાની છે.
બાબુલાલ મરાંડીએ સરકાર પર સાધ્યું નિશાન
વિપક્ષના નેતા બાબુલાલ મરાંડીએ પૂર્વ JPSC અધ્યક્ષની ધરપકડને લઈને હેમંત સોરેન સરકાર પર આકરો પ્રહાર કર્યો છે.&nbsp;સોશિયલ મીડિયા પ્લેટફોર્મ X પર તેમણે આરોપ લગાવ્યો કે પૂર્વ અધ્યક્ષની ધરપકડ માત્ર દેખાડો છે અને સરકાર બાદમાં ચાર્જશીટ દાખલ કર્યા વિના તેમને ડિફોલ્ટ જામીન અપાવીને સમગ્ર મામલો ઠંડો પાડી શકે છે.&nbsp;મરાંડીએ આરોપ લગાવ્યો કે વિદ્યાર્થીઓની માગ માત્ર JPSC પૂરતી મર્યાદિત નથી. JSSCની સહાયક આચાર્ય, CGL, ઉત્પાદ સિપાહી અને PGT સહિતની પરીક્ષાઓમાં પણ મોટા પાયે ગેરરીતિના આરોપો છે.&nbsp;વિપક્ષે માંગ કરી છે કે જો સરકાર ખરેખર કડક કાર્યવાહી કરવા માગતી હોય તો JPSCના ત્રણેય સભ્યો ઉપરાંત JSSC-CGL પરીક્ષા દરમિયાન જવાબદાર રહેલા તત્કાલીન અધિકારીઓ સામે પણ કાર્યવાહી કરવામાં આવે.
લાઠીચાર્જથી લઈને ધરપકડ સુધી... ઝારખંડમાં રાજકીય તાપમાન ચરમસીમાએ
એક તરફ હજારો વિદ્યાર્થીઓ પરીક્ષામાં ગેરરીતિ સામે રસ્તા પર ઉતર્યા છે, તો બીજી તરફ સરકાર અને વિપક્ષ વચ્ચે આક્ષેપ-પ્રતિઆક્ષેપનો દોર શરૂ થયો છે.&nbsp;વિધાનસભાથી માત્ર 100 મીટર દૂર વિદ્યાર્થીઓનો હલ્લાબોલ, પોલીસનો લાઠીચાર્જ અને ટીયર ગેસ, ભાજપનું ધરણું અને JPSCના પૂર્વ ચેરમેનની ધરપકડ&mdash;આ સમગ્ર ઘટનાક્રમે ઝારખંડની રાજનીતિમાં ભારે ગરમાવો લાવી દીધો છે.&nbsp;હવે સૌથી મોટો સવાલ એ છે કે સરકાર વિદ્યાર્થીઓની બાકી રહેલી માંગણીઓ પર શું નિર્ણય લે છે અને પરીક્ષા ગેરરીતિના આરોપોની તપાસ ક્યાં સુધી પહોંચે છે.

પરીક્ષા ગેરરીતિ સામે વિદ્યાર્થીઓનો જંગ: વિધાનસભા કૂચ દરમિયાન પોલીસનો કડક એક્શન

ઝારખંડમાં વિદ્યાર્થીઓનો હલ્લાબોલ!

બંગાળમાં સરહદ પારનો સનસનીખેજ ખેલ! ચાના ખેડૂતનું અપહરણ કરી બાંગ્લાદેશ લઈ ગયા 20 બદમાશો
પશ્ચિમ બંગાળના જલપાઈગુડી જિલ્લામાં ભારત-બાંગ્લાદેશ સરહદ નજીક ચાના ખેડૂતના અપહરણથી ચકચાર મચી ગઈ છે. 35 વર્ષીય ચાના ખેડૂત દીપાંકર ગોપનું શનિવારે બાંગ્લાદેશી બદમાશોએ અપહરણ કર્યું હોવાનો પરિવારજનોએ ગંભીર આરોપ લગાવ્યો છે. આશ્ચર્યની વાત એ છે કે સરહદ પારથી ઘૂસણખોરીનો પ્રયાસ નિષ્ફળ ગયાના માત્ર ચાર દિવસ બાદ આ ઘટનાને અંજામ આપવામાં આવ્યો હોવાનું કહેવાય છે.
20 બદમાશો સરહદ ઓળંગીને બગીચામાં ઘૂસ્યા
મળતી માહિતી મુજબ, જલપાઈગુડીના રાજગંજ બ્લોકના કુકુરજાન વિસ્તારમાં આવેલા ચાના બગીચામાં દીપાંકર ગોપ કામ કરી રહ્યા હતા. આ દરમિયાન આશરે 20 બાંગ્લાદેશી બદમાશો આંતરરાષ્ટ્રીય સરહદ ઓળંગીને ભારતીય વિસ્તારમાં ઘૂસ્યા અને દીપાંકરને બળજબરીથી પોતાની સાથે લઈ ગયા.
પરિવારજનોનો આરોપ છે કે અગાઉ ઘૂસણખોરીનો પ્રયાસ નિષ્ફળ જતાં બદલો લેવા માટે દીપાંકરને નિશાન બનાવવામાં આવ્યા હતા. બદમાશો તેમને સરહદ પાર કરીને બાંગ્લાદેશના પંચગઢ જિલ્લામાં લઈ ગયા હોવાનો દાવો કરવામાં આવ્યો છે.
અપહરણ બાદ BSF એક્શનમાં
ઘટનાની જાણ થતાં જ બોર્ડર સિક્યુરિટી ફોર્સ એટલે કે BSFના જવાનો ઘટનાસ્થળે દોડી ગયા હતા. દીપાંકરને પરત લાવવા માટે સુરક્ષા એજન્સીઓએ કાર્યવાહી શરૂ કરી હતી.
BSF દ્વારા બાંગ્લાદેશની બોર્ડર ગાર્ડ બાંગ્લાદેશ એટલે કે BGB સાથે સંપર્ક કરવામાં આવ્યો હતો. બંને પક્ષો વચ્ચે ફ્લેગ મીટિંગ પણ યોજાઈ હતી. જોકે, શનિવાર રાત સુધી દીપાંકરની મુક્તિ થઈ ન હતી.
કેટલાક અહેવાલોમાં દીપાંકર BGBની કસ્ટડીમાં હોવાનો દાવો કરવામાં આવ્યો છે.
વીડિયો વાયરલ, પરંતુ પુષ્ટિ હજુ બાકી
આ સમગ્ર ઘટનાની વચ્ચે સોશિયલ મીડિયા પર દીપાંકરનો એક વીડિયો પણ વાયરલ થયો છે. વીડિયોમાં તેઓ કહી રહ્યા હોવાનું જણાય છે કે ભારતીય અધિકારીઓ દ્વારા પકડાયેલા એક બાંગ્લાદેશી નાગરિકને મુક્ત કરવામાં આવશે ત્યાર બાદ જ તેમને છોડવામાં આવશે.
જોકે, આ વાયરલ વીડિયોની સત્તાવાર રીતે પુષ્ટિ થઈ નથી. તેથી વીડિયોમાં કરવામાં આવેલા દાવાને હાલ સ્વતંત્ર રીતે ચકાસી શકાયો નથી. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; સરહદ પર પહેલાથી જ તણાવ
આ ઘટના એવા સમયે સામે આવી છે જ્યારે પશ્ચિમ બંગાળના સરહદી વિસ્તારોમાં બોર્ડર સુરક્ષા અને ફેન્સિંગને લઈને તણાવ જોવા મળી રહ્યો છે.
નવી સરકાર બન્યા બાદ અત્યાર સુધી પશ્ચિમ બંગાળમાં BSFને સરહદ પર આશરે 27 કિલોમીટર જમીન આપવામાં આવી હોવાનું જણાવાયું છે. તેમાંથી 18 કિલોમીટર વિસ્તારમાં ફેન્સિંગ અને 9 કિલોમીટરમાં બોર્ડર આઉટપોસ્ટ વિકસાવવાની યોજના છે.
જલપાઈગુડી, કૂચબિહાર, સિલીગુડી, માલદા અને મુર્શિદાબાદ જેવા સરહદી વિસ્તારોમાં આ કામગીરીને આગળ વધારવામાં આવી રહી છે.
ફેન્સિંગ રોકવાનો પણ પ્રયાસ
છેલ્લા કેટલાક દિવસોમાં મુર્શિદાબાદ અને કૂચબિહારના કેટલાક સરહદી વિસ્તારોમાં ફેન્સિંગ અને સીમાંકનના કામને રોકવાનો પ્રયાસ કરવામાં આવ્યો હોવાના અહેવાલો પણ સામે આવ્યા હતા.
અહેવાલ મુજબ, કેટલાક બાંગ્લાદેશી નાગરિકોએ સરહદ પર સીમાંકનનું કામ અટકાવવાનો પ્રયાસ કર્યો હતો. જોકે, BSFની ચેતવણી બાદ તેઓ ત્યાંથી હટી ગયા હતા.
ભારત-બાંગ્લાદેશ વચ્ચે 4,097 કિમી લાંબી સરહદ
ભારત અને બાંગ્લાદેશ વચ્ચે કુલ 4,097 કિલોમીટર લાંબી આંતરરાષ્ટ્રીય સરહદ છે. કેન્દ્રીય ગૃહ મંત્રાલયના આંકડા મુજબ, આશરે 3,240 કિલોમીટર વિસ્તારમાં ફેન્સિંગ થઈ ચૂકી છે, જ્યારે લગભગ 850 કિલોમીટર સરહદ પર હજુ ફેન્સિંગનું કામ બાકી છે.
આ બાકી રહેલા ભાગમાં આશરે 175 કિલોમીટરનો દુર્ગમ ભૂભાગ પણ સામેલ છે, જેના કારણે સુરક્ષા અને ફેન્સિંગનું કામ પડકારજનક બને છે.
2021માં BSFનો અધિકાર વિસ્તાર વધારાયો
કેન્દ્ર સરકારે વર્ષ 2021માં પશ્ચિમ બંગાળ સહિત કેટલાક રાજ્યોમાં BSFના અધિકારક્ષેત્રમાં વધારો કર્યો હતો. પશ્ચિમ બંગાળમાં BSFનું અધિકારક્ષેત્ર આંતરરાષ્ટ્રીય સરહદથી 15 કિલોમીટરથી વધારીને 50 કિલોમીટર કરવામાં આવ્યું હતું.
આ વિસ્તાર હેઠળ BSFને તલાશી, ધરપકડ અને જપ્તી જેવી કાર્યવાહી કરવાની સત્તા આપવામાં આવી છે.
હાલ દીપાંકર ગોપના અપહરણની ઘટનામાં બંને દેશોની સુરક્ષા એજન્સીઓ વચ્ચે સંપર્ક અને તપાસ ચાલી રહી છે. ચાના ખેડૂતનું ખરેખર ક્યાં અને કઈ પરિસ્થિતિમાં અપહરણ થયું અને તેમને કોણ બાંગ્લાદેશ લઈ ગયું તે અંગે સત્તાવાર તપાસ બાદ જ વધુ સ્પષ્ટતા થશે.

બંગાળમાં સરહદ પારનો સનસનીખેજ ખેલ! ચાના ખેડૂતનું અપહરણ કરી બાંગ્લાદેશ લઈ ગયા 20 બદમાશો

બંગાળમાં સરહદ પારનું મોટું કાંડ!

અમદાવાદના ચર્ચિત જોધપુર દુષ્કર્મ કેસના આરોપી ધર્મસિંહે મધરાતે પોલીસ કાફલા પર હુમલો કરી ભાગવાનો પ્રયાસ કરતાં હડકંપ મચી ગયો હતો. હેબતપુર ખાતે પંચનામાની કાર્યવાહી દરમિયાન આરોપીએ પોલીસ ઇન્સ્પેક્ટર આર.એસ. પરમારની પિસ્તોલ ઝૂંટવવાનો પ્રયાસ કર્યો હતો. આ દરમિયાન થયેલી ઝપાઝપીમાં ફાયરિંગ થયું અને આરોપી સહિત એક પોલીસકર્મી ગોળી વાગવાથી ઈજાગ્રસ્ત થયા હતા.
પંચનામા દરમિયાન અચાનક હુમલો
આનંદનગર પોલીસ દુષ્કર્મના આરોપી ધર્મસિંહને લઈને હેબતપુર ખાતે પંચનામું કરવા પહોંચી હતી. પોલીસને આરોપીએ અગાઉ ફેંકેલા બે મોબાઈલ ફોન પણ સ્થળ પરથી મળી આવ્યા હતા.
પંચનામાની કાર્યવાહી ચાલી રહી હતી ત્યારે આરોપી ધર્મસિંહે અચાનક PI આર.એસ. પરમારની પિસ્તોલ ઝૂંટવવાનો પ્રયાસ કર્યો હતો. આરોપીએ પોલીસ સાથે ઝપાઝપી શરૂ કરતાં પરિસ્થિતિ તંગ બની હતી.
એક પછી એક બે રાઉન્ડ ફાયરિંગ
આ ઝપાઝપી દરમિયાન PI આર.એસ. પરમારે પિસ્તોલમાંથી એક રાઉન્ડ ફાયર કર્યો હતો. આ ફાયરિંગમાં કોન્સ્ટેબલ વિરેન્દ્રસિંહ રાઠોડને સાથળના ભાગે ગોળી વાગી હતી.
ત્યારબાદ આરોપી પોલીસ સાથે ઝપાઝપી કરતો રહ્યો હતો. આ દરમિયાન બીજો રાઉન્ડ ફાયર થયો હતો, જેમાં ગોળી આરોપીના પગમાં વાગી હતી. ગોળી વાગતાં આરોપી જમીન પર ઢળી પડ્યો હતો.
બંને ઈજાગ્રસ્ત થતાં પોલીસ દ્વારા તાત્કાલિક તેમને પોલીસની ગાડીમાં જ સોલા સિવિલ હોસ્પિટલ ખસેડવામાં આવ્યા હતા.
હોસ્પિટલ પહોંચતા જ માફીની ભીખ
હોસ્પિટલ પહોંચ્યા બાદ આરોપી ધર્મસિંહનો અલગ જ ચહેરો જોવા મળ્યો હતો. લંગડાતો ચાલતો આરોપી બાદમાં સ્ટ્રેચર પર હતો અને બંને હાથ જોડીને પોલીસ સમક્ષ સતત માફી માગતો રહ્યો હતો.
આરોપી વારંવાર એક જ વાતનું રટણ કરતો હોવાનું સામે આવ્યું હતું&mdash;
&lsquo;સાહેબ હવે પછી આવું નહીં થાય, એકવાર માફ કરી દો&hellip;&rsquo;
ફાયરિંગની ગંભીર ઘટનાની જાણ થતાં JCP અને DCP સહિતના ઉચ્ચ પોલીસ અધિકારીઓ પણ તાત્કાલિક સોલા સિવિલ હોસ્પિટલ દોડી ગયા હતા.
પોલીસકર્મીની હાલત સ્થિર
સોલા સિવિલ સુપ્રિટેન્ડેન્ટ દિપીકા સિંઘલે જણાવ્યું હતું કે બંને ઈજાગ્રસ્તોને રાત્રે લગભગ 10:30 વાગ્યે હોસ્પિટલ લાવવામાં આવ્યા હતા.
પોલીસકર્મી વિરેન્દ્રસિંહ રાઠોડને જાંઘમાં ગોળી વાગી હતી અને ગોળી શરીરમાંથી નીકળી ગઈ હતી. તેમની સ્થિતિ સ્થિર હતી. પ્રાથમિક સારવાર બાદ તેમને રાત્રે જ પ્રાઇવેટ હોસ્પિટલમાં ખસેડવામાં આવ્યા હતા.
બીજી તરફ આરોપી ધર્મસિંહના જમણા પગમાં ગોળી વાગી હતી. ગોળી અંદર ફસાઈ ન હતી અને નીકળી ગઈ હતી, પરંતુ ગોળી વાગવાના કારણે પગના હાડકામાં ફ્રેક્ચર થયું હતું. ડ્રેસિંગ બાદ તેને ઓર્થોપેડિક વોર્ડમાં દાખલ કરી સારવાર શરૂ કરવામાં આવી હતી.
હોસ્પિટલ તંત્રના જણાવ્યા મુજબ, દર્દીની ફિટનેસને ધ્યાનમાં રાખીને આગળ સર્જરી અંગે નિર્ણય લેવામાં આવશે.
આરોપી સામે વધુ એક ગુનો
ઘટનાને પગલે પોલીસ અધિકારીઓએ પણ કડક કાર્યવાહી શરૂ કરી છે. ઝોન-7 DCP શિવમ વર્માએ જણાવ્યું કે આરોપી ધર્મસિંહ વિરુદ્ધ બોડકદેવ પોલીસ સ્ટેશનમાં વધુ એક ગુનો નોંધવામાં આવશે.
આ મામલે PI આર.એસ. પરમારે આરોપી ધર્મસિંહ વિરુદ્ધ બોડકદેવ પોલીસ સ્ટેશનમાં ફરિયાદ નોંધાવી છે. સમગ્ર કેસની તપાસ PI એસ.જી. ખાંભલા દ્વારા હાથ ધરવામાં આવી રહી છે.
આ રીતે પંચનામા માટે ગયેલી પોલીસ ટીમ સમક્ષ અચાનક સર્જાયેલી ઝપાઝપી, પિસ્તોલ ઝૂંટવવાના પ્રયાસ અને ફાયરિંગની ઘટનાએ અમદાવાદ પોલીસ તંત્રમાં ભારે ખળભળાટ મચાવી દીધો છે.

અમદાવાદ જોધપુર દુષ્કર્મ કેસમાં મોટો ડ્રામા

Surat Civil Hospital Doctor Harsh Pandya Suicide: સુરતની નવી સિવિલ હોસ્પિટલની બોયઝ હોસ્ટેલમાં 30 વર્ષીય રેસિડેન્ટ ડૉક્ટર હર્ષ પંડ્યાના રહસ્યમય આપઘાત કેસમાં એક અત્યંત ચોંકાવનારો અને ગંભીર પર્દાફાશ થયો છે. પ્રાથમિક તપાસ અને પોલીસ કાર્યવાહી દરમિયાન સામે આવ્યું છે કે મૃતક ડૉક્ટર પોતાના સિનિયરો દ્વારા કરવામાં આવતા સતત માનસિક ત્રાસ અને રેગિંગનો શિકાર બન્યા હતા. સિનિયર તબીબોના અસહ્ય દબાણ અને ટોર્ચરિંગથી કંટાળીને તેમણે આ આત્યંતિક પગલું ભર્યું હોવાના સ્પષ્ટ પુરાવા મળી આવ્યા છે, જેના પગલે સમગ્ર સિવિલ હોસ્પિટલ પરિસરમાં અને તબીબી આલમમાં ભારે ચકચાર મચી ગઈ છે.
હોસ્ટેલના રૂમ નંબર 1005 માંથી મળી આવ્યો મૃતદેહ મૂળ અરવલ્લી જિલ્લાના મોડાસાના વતની 29 વર્ષીય ડૉ. હર્ષ સુભાષચંદ્ર પંડ્યા સુરતની ગર્વમેન્ટ મેડિકલ કોલેજમાં માઈક્રોબાયોલોજી વિભાગમાં પ્રથમ વર્ષના પીજી વિદ્યાર્થી તરીકે અભ્યાસ કરતા હતા અને સાથે નવી સિવિલ હોસ્પિટલમાં રેસિડેન્ટ ડૉક્ટર તરીકે ફરજ બજાવતા હતા. તેઓ કેમ્પસમાં આવેલી જીપી બોયઝ હોસ્ટેલના રૂમ નંબર 1005 માં રહેતા હતા. 9 ઓગસ્ટના રોજ સવારે જ્યારે ડૉ. હર્ષ પોતાની નિયમિત ફરજ પર હાજર ન રહ્યા, ત્યારે સિનિયર ડૉક્ટરે તેમને સંપર્ક કરવાનો પ્રયાસ કર્યો હતો. ફોન બંધ આવતા અન્ય સાથી રેસિડેન્ટ ડૉક્ટરને રૂમ પર તપાસ કરવા મોકલવામાં આવ્યા હતા. રૂમ અંદરથી બંધ હોવાથી બૂમો પાડવા છતાં કોઈ પ્રતિસાદ મળ્યો ન હતો. આખરે સિક્યોરિટી સ્ટાફની મદદથી દરવાજો તોડીને અંદર પ્રવેશતા ડૉ. હર્ષ પંખા સાથે દોરી વડે ગળે ફાંસો ખાધેલી હાલતમાં મળી આવ્યા હતા.
ડિસેમ્બરમાં થવાના હતા લગ્ન પિતરાઈ ભાઈ ધર્મેન્દ્ર પંડ્યાના જણાવ્યા અનુસાર, ડૉ. હર્ષ છેલ્લા 6 મહિનાથી સુરતમાં પીજીના પહેલા વર્ષમાં અભ્યાસ કરી રહ્યા હતા. તેઓ સ્વભાવે ખૂબ જ શાંત, પ્રામાણિક, જવાબદાર અને મજબૂત મનોબળ ધરાવતા વ્યક્તિ હતા. તેમણે પોતાનો MBBS નો અભ્યાસ ફિલિપાઈન્સથી પૂર્ણ કર્યા બાદ સારી નોકરી પણ કરી હતી. તેમના ફેબ્રુઆરી માસમાં જ પ્રવેશ મેળવ્યા બાદ થોડા મહિના પહેલાં સગાઈ થઈ હતી અને આગામી ડિસેમ્બર માસમાં તેમના લગ્ન નિર્ધારિત હતા. તેમના પિતા સુભાષચંદ્ર પંડ્યા ધનસુરા સિવિલ હોસ્પિટલમાંથી ક્લાસ-1 M.S. જનરલ સર્જન તરીકે નિવૃત્ત થયેલા છે અને તેમણે પોતે પણ સુરત હોસ્પિટલમાંથી જ અભ્યાસ કર્યો હતો. રક્ષાબંધનના તહેવારના ગણતરીના દિવસો બાકી હતા ત્યારે પરિવારના એકના એક લાડકવાયા દીકરાના મોતના સમાચારથી મોડાસા સ્થિત પરિવાર પર આભ ફાટી પડ્યો છે.
4 સિનિયર રેસિડેન્ટ ડૉક્ટરો સામે આકરી કાર્યવાહી રેગિંગનો ગંભીર મુદ્દો સપાટી પર આવતા જ કોલેજ અને હોસ્પિટલ પ્રશાસન તાત્કાલિક હરકતમાં આવ્યું હતું. એન્ટી રેગિંગ ટીમ અને વિદ્યાર્થીઓની પૂછપરછના આધારે ઘટનામાં સંકળાયેલા 4 સિનિયર રેસિડેન્ટ ડૉક્ટરોની ઓળખ કરવામાં આવી છે, જેમાં ડૉ. નિરાલી વસાવા, ડૉ. અનુજ મહેશ્વરી, ડૉ. હિના ભૂત અને ડૉ. દિક્ષીતા સેસારિયનનો સમાવેશ થાય છે. આ ચારેય આરોપી સિનિયર ડૉક્ટરોને 6 મહિના માટે હોસ્પિટલની કામગીરી, હોસ્ટેલ નિવાસ તેમજ તમામ શૈક્ષણિક અને ટીચિંગ પ્રવૃત્તિઓમાંથી તાત્કાલિક અસરથી સસ્પેન્ડ કરી દેવામાં આવ્યા છે.
પરિવારજનોના ગંભીર આક્ષેપો ઘટનાની જાણ થતાં જ મૃતકના પિતા અને સ્વજનો મોડાસાથી સુરત સિવિલ દોડી આવ્યા હતા. પિતરાઈ ભાઈ ધર્મેન્દ્ર પંડ્યા અને સંબંધી શૈલેષ પાઠકે આરોપ લગાવ્યો હતો કે ડૉ. હર્ષ સાથે કામ કરતા અન્ય સાથી વિદ્યાર્થીઓ અને કલીગ્સના નિવેદનો પરથી સિનિયરોની ભારે ટોક્સિસિટી અને માનસિક ત્રાસ સ્પષ્ટ થઈ રહ્યો છે. સિનિયરો દ્વારા આપવામાં આવતા માનસિક દબાણને કારણે જ તેમણે આ પગલું ભર્યું છે. પિતા સુભાષચંદ્ર પંડ્યાએ પણ જણાવ્યું હતું કે હર્ષ વાતચીતમાં ક્યારેય મોટી ફરિયાદ કરતો નહીં પરંતુ સિનિયરો તરફથી થોડી તકલીફ રહેતી હોવાનો ઉલ્લેખ ચોક્કસ કરતો હતો.
ફોરેન્સિક પોસ્ટમોર્ટમ અને FSL તપાસની માગણી શરૂઆતમાં આઘાતની સ્થિતિમાં પરિવારે સામાન્ય પોસ્ટમોર્ટમ માટે સંમતિ આપી દીધી હતી અને રવિવારે સાંજે સાદું પીએમ કરાયું હતું. પરંતુ બાદમાં ઘટનાસ્થળ અને સંજોગો જોતાં પરિવારને ભારે શંકા જતાં તેમણે મેડિકલ કોલેજના ડીન અને સુપ્રિન્ટેન્ડન્ટની ઓફિસમાં રૂબરૂ રજૂઆત કરી રિ-પીએમ અને ફોરેન્સિક પીએમની માગ કરી હતી. પરિવારનો દાવો છે કે હર્ષ મજબૂત મનોબળ ધરાવતો હતો અને તે જાતે પંખા પર લટકીને આપઘાત કરે તેવો નહોતો. પોલીસ દ્વારા ફરી ઈન્ક્વેસ્ટ ભરીને ફોરેન્સિક પેનલ દ્વારા પીએમ કરવામાં આવ્યું હતું, જેમાં પ્રાથમિક તારણ ફાંસો ખાવાથી મોત થયાનું સામે આવ્યું છે.
સિવિલ હોસ્પિટલ પ્રશાસન સામે ભૂતકાળની ઘટનાઓ અંગે સવાલો મૃતકના સંબંધી શૈલેષ પાઠકે સિવિલ હોસ્પિટલ તંત્રની કાર્યશૈલી સામે તીખા સવાલો ઉઠાવ્યા હતા. તેમણે જણાવ્યું હતું કે સિવિલ હોસ્પિટલમાં આવી ઘટનાઓ વારંવાર બને છે. ભૂતકાળમાં ચોથા વર્ષમાં અભ્યાસ કરતા અંકિત નામના તબીબ પાસે સતત 17-17 કલાક કામ કરાવવામાં આવતું હતું અને તે બેઠા-બેઠા જ અવસાન પામ્યો હતો. તે પણ પોતાના માતા-પિતાનો એકનો એક દીકરો હતો જેમના પિતાએ દેવું કરીને ભણાવ્યો હતો. હોસ્પિટલ તંત્ર માત્ર તપાસ કમિટીઓ રચવાની વિધિ પૂરી કરે છે પરંતુ દોષિતો સામે કોઈ આકરાં પગલાં લેવામાં આવતા નથી.
વિભાગીય વડાની બેદરકારી અને આડા કાન કરવાનો આરોપ પરિવારજનો અને અન્ય વિદ્યાર્થીઓએ આરોપ લગાવ્યો છે કે માઈક્રોબાયોલોજી વિભાગના સિનિયરો દ્વારા અડધો-અડધો કલાક સુધી ટોર્ચરિંગ કરીને અપમાનજનક શબ્દો બોલવામાં આવતા હતા. આ માનસિક હેરાનગતિ અને ત્રાસ અંગે જુનિયર વિદ્યાર્થીઓએ વારંવાર વિભાગીય વડા (HOD) સમક્ષ રજૂઆતો કરી હતી. તેમ છતાં HOD એ તમામ રજૂઆતો પ્રત્યે આડા કાન કર્યા હતા અને કોઈ ઉકેલ લાવવાનો પ્રયાસ કર્યો નહોતો, જેના પરિણામે એક હોનહાર યુવાન ડૉક્ટરે પોતાનો જીવ ગુમાવવો પડ્યો છે.
રાજ્યના આરોગ્ય મંત્રીનો આદેશ અને ઉચ્ચસ્તરીય તપાસ કમિટી આ ગંભીર ઘટના સામે આવ્યા બાદ રાજ્યના આરોગ્ય મંત્રી પ્રફુલ પાનસેરિયાએ તાત્કાલિક કડક વલણ અપનાવ્યું હતું. તેમણે નવી સિવિલ હોસ્પિટલના તબીબી અધિક્ષક અને મેડિકલ કોલેજના ડીનની અધ્યક્ષતામાં ઉચ્ચસ્તરીય તપાસ કમિટીની રચના કરવાનો આદેશ આપ્યો હતો. આરોગ્ય મંત્રીએ મૃતક ડૉક્ટરના પિતા સાથે ટેલિફોનિક વાતચીત કરીને સાંત્વના પાઠવી હતી અને પરિવારને ન્યાય આપવાની તથા દોષિતો સામે સખતમાં સખત કાર્યવાહી કરવાની ખાતરી આપી હતી. કમિટી દ્વારા મોડી રાત્રે 9 જેટલા વિદ્યાર્થીઓની સઘન પૂછપરછ કરીને વિગતો મેળવવામાં આવી હતી.
પોલીસ કાર્યવાહી અને મોબાઈલ-લેપટોપનું જપ્તીકરણ ઘટનાની જાણ થતાં જ ખટોદરા પોલીસનો કાફલો અને ઈન્ચાર્જ તબીબી અધીક્ષક ડૉ. પારુલ વડગામા ઘટનાસ્થળે પહોંચી ગયા હતા. ખટોદરા પોલીસે ઘટનાસ્થળેથી ડૉ. હર્ષ પંડ્યાનો મોબાઈલ ફોન અને લેપટોપ કબજે લીધા છે. એફ.એસ.એલ (FSL) ની ટીમ દ્વારા રૂમમાંથી અન્ય પુરાવાઓ એકત્ર કરવામાં આવ્યા છે. પોલીસે રેગિંગ પ્રતિબંધક કાયદાની વિવિધ કલમો હેઠળ ગુનો નોંધીને સસ્પેન્ડ કરાયેલા ચારેય સિનિયર ડૉક્ટરો સામે કાયદાકીય કાર્યવાહી હાથ ધરી છે અને આ કેસના મૂળ સુધી પહોંચવા માટે ઊંડાણપૂર્વક તપાસ ચલાવી રહી છે.

સુરત સિવિલ હોસ્પિટલમાં ડૉક્ટરે કર્યો આપઘાત, 4 સિનિયર ડૉક્ટરો 6 મહિના માટે સસ્પેન્ડ

રેગિંગે લીધો વધુ એક માસુમ ડૉક્ટરનો જીવ!

પીએમ મોદી અને સુખબીર બાદલની મુલાકાત બાદ અકાલી દળનું મહિલા અનામત બિલને સમર્થન

પંજાબના રાજકારણમાં મોટો ધડાકો

Guru Randhawa Trolling Over New Song Fine Shyt: પંજાબી અને પોપ સંગીત જગતના જાણીતા ગાયક અને સંગીતકાર ગુરુ રંધાવા અવારનવાર પોતાના ચાર્ટબસ્ટર ગીતોને કારણે ચર્ચામાં રહે છે. પરંતુ આ વખતે તેનું નવું રિલીઝ થયેલું ગીત "Fine Shyt" કોઈ પ્રશંસા કે હિટ લિસ્ટમાં સ્થાન મેળવવા માટે નહીં, પરંતુ ગંભીર વિવાદ અને સોશિયલ મીડિયા પર વ્યાપક ટ્રોલિંગના કારણે ટ્રેન્ડ કરી રહ્યું છે. ગીત રિલીઝ થયાના થોડા જ દિવસોમાં નેટીઝન્સે તેના સંગીત, બોલ અને વીડિયો પ્રેઝન્ટેશન પર તીખી પ્રતિક્રિયા આપી છે. મોટાભાગના શ્રોતાઓ અને યુઝર્સે આ ગીતને નિરાશાજનક ગણાવ્યું છે અને ઓનલાઈન પ્લેટફોર્મ્સ પર ગુરુ રંધાવા સામે કટાક્ષ અને આક્રોશ વ્યક્ત કરી રહ્યા છે.
કોર્પોરેટ કલ્ચરની મજાક ઉડાવતો મ્યુઝિક વીડિયો આ મ્યુઝિક વીડિયોની શરૂઆત એક રમૂજી 18+ ડિસ્ક્લેમર સાથે થાય છે. જેમાં સ્પષ્ટતા કરવામાં આવી છે કે વીડિયોમાં કામ કરતા તમામ કલાકારોની ઉંમર 18 વર્ષથી વધુ છે અને દર્શાવાયેલી વાર્તા સંપૂર્ણપણે કાલ્પનિક છે. વીડિયોમાં દર્શકોને મજાકમાં એવી ચેતવણી પણ આપવામાં આવે છે કે તેઓ પોતાની ઓફિસ કે કાર્યસ્થળ પર આ ડાન્સ સ્ટેપ્સ અજમાવવાની ભૂલ ન કરે, નહીંતર HR તેમની સામે કાર્યવાહી કરીને પ્રતિબંધિત કરી શકે છે. વીડિયોમાં ગુરુ રંધાવા એક કોર્પોરેટ ઓફિસના સેટઅપમાં સિનિયર એક્ઝિક્યુટિવ તરીકે દેખાય છે. તે કામ કરી રહ્યો છે ત્યારે તેની આસપાસ મહિલા સાથીદારો વિચિત્ર સ્ટેપ્સ સાથે નૃત્ય કરતી અને ગાતી જોવા મળે છે. આ પ્રેઝન્ટેશનને કારણે કાર્યકારી મહિલાઓ અને કોર્પોરેટ કલ્ચરને ખોટી રીતે રજૂ કરવાનો આક્ષેપ પણ લાગ્યો છે.
સોશિયલ મીડિયા પર નેટીઝન્સનો આકરા પ્રહારો ટ્વિટર (X) અને ઇન્સ્ટાગ્રામ પર ગીત રિલીઝ થતાં જ મીમ્સ અને કટાક્ષપૂર્ણ ટિપ્પણીઓનો પૂર આવ્યો છે. યુઝર્સે ગીતના શબ્દો અને સંગીતની સખત આલોચના કરી છે. એક યુઝરે લખ્યું, "આ સીધું ધ્વનિ પ્રદૂષણ છે." બીજા એક યુઝરે કટાક્ષ કરતા કહ્યું, "બહેરાઓ માટે વધુ એક વિજય!" કેટલાકે ગુરુ રંધાવાની સીધી સરખામણી ટોની કક્કર સાથે કરતા લખ્યું કે, "એવું લાગે છે કે ગુરુ પંજાબી મ્યુઝિક ઇન્ડસ્ટ્રીમાં ટોની કક્કર સાથે સ્પર્ધા કરી રહ્યો છે." આ સિવાય અન્ય ટિપ્પણીઓમાં લોકોએ પોતાનો ગુસ્સો ઠાલવતા લખ્યું, "આ ગીત સાંભળતા પહેલા મારા કાનના પડદા કેમ ન ફાટી ગયા?" કેટલાક યુઝર્સે તો મજાકમાં "ગુરુ રંધાવા રાજીનામું આપો" એવી ઝુંબેશ પણ શરૂ કરી દીધી હતી. કેટલાક લોકોએ એવો પણ દાવો કર્યો હતો કે આ સોંગ AI દ્વારા બનાવવામાં આવ્યું હોય તેવું લાગે છે.
કાર બ્રાન્ડ્સના નામો પણ વીડિયોમાં ગાયબ ગીતના બોલની વાત કરીએ તો, એક ચાહકે રમુજી અંદાજમાં લખ્યું, "ભાઈ, ગીતમાં બધી મોંઘી કાર બ્રાન્ડ્સના નામ બોલી ગયા પણ વીડિયોમાં એક પણ કાર ન બતાવી!" અન્ય એક યુઝરે પૂછ્યું, "તમે કયો દારૂ પીને આ ગીતના શબ્દો લખ્યા હતા, પાજી?" યુઝર્સના મતે અગાઉના ગીતો આના કરતાં ખૂબ સારા હતા. બીજી તરફ, એવું નથી કે બધા જ પ્રતિભાવો નકારાત્મક હતા. ગુરુ રંધાવાના કટ્ટર ચાહકોમાંથી કેટલાકે આ ગીતને તેનું કમબેક ગણાવીને સમર્થન પણ આપ્યું હતું. લોકોએ એવું પણ માન્યું કે આગામી દિવસોમાં આ ગીતના ટ્રેન્ડ પર અસંખ્ય ડાન્સ રીલ્સ જોવા મળી શકે છે.
યશ્વી દેસાઈ સાથે જુગલબંધી અને જાણીતા સેલેબ્સની હાજરી આ વિવાદાસ્પદ ગીત ગુરુ રંધાવા અને ગાયિકા યશ્વી દેસાઈ દ્વારા સંયુક્ત રીતે ગાવવામાં આવ્યું છે. ગીતના બોલ ગુરુ રંધાવા અને ગુરજીત ગિલ દ્વારા લખવામાં આવ્યા છે. મ્યુઝિક વીડિયોમાં માત્ર ગુરુ જ નહીં પરંતુ સોશિયલ મીડિયા અને એન્ટરટેઇનમેન્ટ જગતના જાણીતા ચહેરાઓ પણ જોવા મળે છે. તેમાં રુહી દોસાની, ડિવિનિટી બિષ્ટ, અર્શિયા સિંહા, રાયમા ગ્રોવર અને મેહર કૌર જેવા સેલેબ્સ પોતાની પ્રસ્તુતિ આપતા નજરે પડે છે.
ટ્રોલિંગ વચ્ચે પણ યુટ્યુબ પર વ્યુઝનો ધમાકો ભલે સોશિયલ મીડિયા પર ગીતની સખત ટીકા થઈ રહી હોય, પરંતુ આંકડાકીય દ્રષ્ટિએ ગીત ડિજિટલ પ્લેટફોર્મ પર ધૂમ મચાવી રહ્યું છે. આ ગીત રિલીઝ થયાના માત્ર 2 જ દિવસમાં યુટ્યુબ પર 6 મિલિયનથી વધુ વ્યુઝ મેળવવામાં સફળ રહ્યું છે. ટીકા અને નકારાત્મક પબ્લિસિટી વચ્ચે પણ લોકો આ ગીતને ક્યુરિયોસિટીના કારણે મોટા પ્રમાણમાં જોઈ રહ્યા છે.
જૂના વિવાદોનું પુનરાવર્તન: "અઝુલ" ગીત પર પણ થયો હતો ભારે બબાલ ગુરુ રંધાવા માટે વિવાદો નવા નથી. "Fine Shyt" અગાઉ, ગયા વર્ષે રિલીઝ થયેલા તેના ગીત "અઝુલ" ને લઈને પણ મોટો બબાલ થયો હતો. "અઝુલ" મ્યુઝિક વીડિયોમાં સ્કૂલ ગર્લ તરીકે દર્શાવાયેલી કલાકાર સાથે શિક્ષક અને વિદ્યાર્થી વચ્ચેના રોમેન્ટિક સંબંધો અને અયોગ્ય સગાઈને ગ્લેમરાઇઝ કરવાનો આક્ષેપ થયો હતો. ટીકાકારોએ આરોપ લગાવ્યો હતો કે તે શાળાની છોકરીઓ સાથેના અયોગ્ય સંબંધોને સામાન્ય બનાવવાનો પ્રયાસ હતો, જેનાથી સોશિયલ મીડિયા પર ભારે ચિંતા વ્યાપી ગઈ હતી. "Fine Shyt" ના વિવાદ બાદ ઘણા લોકો માને છે કે ગાયક વારંવાર વિવાદાસ્પદ કોન્સેપ્ટ દ્વારા પબ્લિસિટી મેળવવાનો પ્રયાસ કરી રહ્યો છે.
ઇન્ડી-પોપથી બોલિવૂડ સુધીનો સફળ પ્રવાસ ગુરુ રંધાવા પંજાબી અને ઇન્ડી-પોપ સંગીત ક્ષેત્રનો એક અગ્રણી ગાયક છે. તેણે બોલિવૂડને પણ અનેક યાદગાર અને સુપરહિટ ગીતો આપ્યા છે. તેના ચાર્ટબસ્ટર ટ્રેક્સમાં 'નચ મેરી રાની', 'સ્લોલી સ્લોલી', 'બોર્ડર' અને ફિલ્મ 'સોનુ કે ટીટુ કી સ્વીટી' નું પ્રખ્યાત ગીત 'કૌન નચના' સામેલ છે. તેના ચાહકો આશા રાખી રહ્યા છે કે ભવિષ્યમાં તે વિવાદો છોડીને અગાઉ જેવા ગુણવત્તાસભર ગીતો લાવશે.

કોર્પોરેટ કલ્ચરની મજાક ઉડાવવાનો આક્ષેપ, ઈન્ટરનેટ પર ભારે બબાલ

ગુરુ રંધાવાનું નવું ગીત વિવાદોના વંટોળમાં

GPSC Recruitment Controversy: ગુજરાત લોક સેવા આયોગ (GPSC) ની ભરતી પ્રક્રિયાને લઈને ફરી એકવાર વિવાદ સર્જાયો છે અને પદ્ધતિ સામે ગંભીર સવાલો ઊભા થયા છે. છેલ્લા 25 વર્ષથી વર્ગ-1 અને વર્ગ-2 ની સ્પર્ધાત્મક પરીક્ષાઓની તૈયારી કરાવતા ક્લાસિસના સંચાલક ડૉ. બી. સી. રાઠોડ તથા કોંગ્રેસના નેતા ઠાકરશી રબારીએ GPSC ની ડાયરેક્ટ ભરતીમાં ઓબીસી (OBC) ઉમેદવારો સાથે પક્ષપાત થતો હોવાના સનસનાટીભર્યા આક્ષેપો કર્યા છે. તેમનો દાવો છે કે લેખિત પરીક્ષામાં ઉત્કૃષ્ટ પ્રદર્શન કરનારા OBC ઉમેદવારોને ઇન્ટરવ્યૂમાં જાણીજોઈને ઓછા માર્ક્સ આપી ઓપન મેરિટમાંથી બહાર ફેંકી દેવામાં આવે છે. આ ઉપરાંત, કોંગ્રેસ નેતાએ પોલીસ ભરતીમાં મેદાનની દોડના માર્ક્સ રદ કરવા પાછળ પણ વર્તમાન ચેરમેન હસમુખ પટેલની ભૂમિકા હોવાનો આરોપ લગાવી ઉચ્ચ સ્તરીય તપાસની માગ કરી છે.
લેખિતમાં ટોપર પરંતુ ઇન્ટરવ્યૂમાં ફેલ: ડાયરેક્ટ ભરતીમાં માર્કિંગ સિસ્ટમ સામે આંગળી ડૉ. બી. સી. રાઠોડે સ્પષ્ટતા કરી હતી કે GPSC માં રેગ્યુલર અને ડાયરેક્ટ એમ 2 પ્રકારની ભરતી પ્રક્રિયા હાથ ધરવામાં આવે છે, જેમાં સૌથી વધુ વિવાદ ડાયરેક્ટ ભરતીમાં ઇન્ટરવ્યૂના માર્ક્સને લઈને સામે આવ્યો છે. આંકડાકીય માહિતી આપતા તેમણે જણાવ્યું કે લેખિત પરીક્ષામાં અત્યંત ઊંચા ગુણ મેળવનારા OBC ઉમેદવારોને ઇન્ટરવ્યૂમાં સરેરાશ અત્યંત ઓછા માર્ક્સ આપવામાં આવે છે. આ નીતિના કારણે આ ઉમેદવારો પોતાની યોગ્યતા હોવા છતાં ઓપન મેરિટમાં સ્થાન મેળવી શકતા નથી, જેનાથી અન્ય અનામત વર્ગના ઉમેદવારોને પણ મળવાપાત્ર હક્કનું નુકસાન થાય છે.
306 ની જગ્યાએ 727 ઉમેદવારોને ઇન્ટરવ્યૂમાં બોલાવાયા માહિતી અધિકાર કાયદા (RTI) હેઠળ મળેલી વિગતોનો હવાલો આપતા તેમણે 19 માર્ચ, 2025 ના રોજ જાહેર થયેલી 102 જગ્યાઓની ભરતીનો કિસ્સો પ્રકાશમાં લાવ્યો હતો. જાહેરાત અને નિયમો મુજબ 306 ઉમેદવારોને જ ઇન્ટરવ્યૂ માટે શોર્ટલિસ્ટ કરવાના હતા, પરંતુ તેની જગ્યાએ 727 ઉમેદવારોને ઇન્ટરવ્યૂ માટે બોલાવવામાં આવ્યા હતા. તેમાં પણ ઈડબલ્યુએસ (EWS) વર્ગના જ આશરે 231 ઉમેદવારોને સ્થાન અપાયું હતું, જેના કારણે ભરતી પ્રક્રિયાની શરૂઆતથી જ સામાજિક અનામતનું નિર્ધારિત પ્રમાણ જળવાયું નહોતું અને અન્યાયની શરૂઆત થઈ હતી.
404.20 માર્ક્સ લાવનારને ઇન્ટરવ્યૂમાં માત્ર 59.90 માર્ક્સ મળ્યા આક્ષેપોને મજબૂત કરતા ડૉ. રાઠોડે આંકડાકીય વિગતો રજૂ કરી હતી કે OBC ઉમેદવારોએ લેખિત પરીક્ષામાં સરેરાશ 404.20 જેટલા ઊંચા માર્ક્સ મેળવ્યા હોવા છતાં, ઇન્ટરવ્યૂમાં તેમને સરેરાશ માત્ર 59.90 જેટલા અત્યંત નીચા માર્ક્સ આપવામાં આવ્યા હતા. લેખિત અને ઇન્ટરવ્યૂના માર્ક્સ વચ્ચેનો આ મોટો તફાવત જ શંકા જન્માવે છે. આ પદ્ધતિથી OBC ઉમેદવારોને ઓપન મેરિટમાં જતા અટકાવી દેવામાં આવે છે, જેના કારણે વધુ ગુણ હોવા છતાં તેઓ મેરિટ લીસ્ટમાંથી બહાર થઈ જાય છે.
મેરિટમાં આગળ હોવા છતાં રિજેક્ટ GPSC ની અન્ય પરીક્ષાઓના ઉદાહરણ આપતા તેમણે ઉમેર્યું કે 13 ડિસેમ્બર, 2024 ના રોજ લેવાયેલી આદિજાતિ વિકાસ અધિકારીની પરીક્ષામાં પણ લેખિત મેરિટમાં ટોચના ક્રમે રહેલા અનેક OBC ઉમેદવારો આખરી પરિણામમાં નાપાસ જાહેર કરાયા હતા. આ જ રીતે ઔદ્યોગિક સુરક્ષા અધિકારી અને અન્ય ભરતીઓમાં પણ કુલ માર્ક્સ સામાન્ય કે EWS ઉમેદવારો કરતાં વધુ હોવા છતાં OBC ના ઉમેદવારોને પસંદગી યાદીમાંથી બાકાત રખાયા હતા. 3 અલગ-અલગ ભરતીઓની 110 જગ્યાઓ સામે 31 OBC ઉમેદવારો એવા હતા જેમના કુલ ગુણ પસંદ થયેલા ઉમેદવારો કરતાં વધુ હોવા છતાં તેમની પસંદગી કરવામાં આવી નહોતી.
ઇન્ટરવ્યૂમાં મનસ્વી માર્કિંગ પદ્ધતિ અને 15 હજાર ઉમેદવારોના ભવિષ્ય લટક્યા RTI ના આધારે ડૉ. રાઠોડે વધુ એક ચોંકાવનારો દાવો કર્યો કે GPSC પાસે ઇન્ટરવ્યૂમાં માર્ક્સ આપવા માટેની કોઈ ચોક્કસ કે પારદર્શી માર્કિંગ પદ્ધતિ જ નથી. 3 સભ્યોની પેનલ અંદરોઅંદર ચર્ચા કરીને ગુણ નક્કી કરે છે, જેમાં ચેરમેનનો નિર્ણય આખરી રહે છે. હાલમાં આયોગમાં માત્ર 2 સભ્યો જ કાર્યરત હોવાના કારણે કામગીરી ઠપ થઈ ગઈ છે અને 15000 થી વધુ ઉમેદવારોના ઇન્ટરવ્યૂ લાંબા સમયથી પેન્ડિંગ પડ્યા છે, જેથી ઉમેદવારોનું ભવિષ્ય અંધકારમય બન્યું છે.
પોલીસ ભરતીમાં દોડના માર્ક્સ રદ કરવા પાછળ ચેરમેનની ભૂમિકાનો આક્ષેપ બીજી તરફ, કોંગ્રેસના નેતા ઠાકરશી રબારીએ પણ આ મુદ્દે આકરા પ્રહારો કર્યા હતા. તેમણે GPSC ની લેખિત પરીક્ષામાં શ્રેષ્ઠ ગુણ મેળવનાર OBC ઉમેદવારો સાથે ઇન્ટરવ્યૂમાં થતા અન્યાયની આકરી ટીકા કરી હતી. આ ઉપરાંત, તેમણે આક્ષેપ કર્યો કે પોલીસ ભરતી પ્રક્રિયામાંથી ગ્રાઉન્ડ દોડના ગુણ દૂર કરવાના નિર્ણય પાછળ પણ વર્તમાન ચેરમેન હસમુખ પટેલની જ મુખ્ય ભૂમિકા રહી છે. તેમણે આ સમગ્ર ભેદભાવપૂર્ણ નીતિ અને નિર્ણય પાછળ તટસ્થ તપાસ કરાવવાની જોરદાર માગ કરી છે.

ડાયરેક્ટ ભરતીમાં OBC ઉમેદવારો સાથે અન્યાયના આક્ષેપથી ખળભળાટ

GPSC ની ભરતી પ્રક્રિયા પર ગંભીર સવાલો

ABVPનું ભારે હલ્લાબોલ: પૂર્વ VC નીરજા ગુપ્તા સામે ઉગ્ર આક્રોશ

ગુજરાત યુનિવર્સિટીમાં નાણાકીય ગડબડના આક્ષેપ

ગર્ભવતી પુત્રીને પિતાએ નદીમાં ડૂબાડીને મારી નાખી, પુરાવા માટે ફોટો-વીડિયો પણ બનાવ્યા

આગ્રામાં ઓનર કિલિંગનો અતિ ખૌફનાક કિસ્સો

મહિલા કુસ્તીબાજોના જાતીય શોષણ કેસમાં બ્રિજભૂષણ શરણ સિંહ નિર્દોષ જાહેર

દિલ્હી રાઉઝ એવન્યુ કોર્ટનો ઐતિહાસિક ચુકાદો

સ્ટાર બેટ્સમેન સાઈ સુદર્શન ઈજાના કારણે ટેસ્ટ શ્રેણીમાંથી બહાર

શ્રીલંકા પ્રવાસ પહેલાં ભારતીય ક્રિકેટ ટીમને ઝટકો

ધારાસભ્ય કાંતિ બલરની ઓફિસમાં જ નેતાઓ વચ્ચે લોહિયાળ જંગ

સુરત ભાજપમાં ખુરશી યુદ્ધ

જુનાગઢમાં સત્તાનો રુઆબ: ધારાસભ્ય ભગવાનજી કરગઠિયા ખેડૂત સાથે ગાળાગાળી કરતા વિવાદમાં