Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

<div>ઉત્તર કન્નડ જિલ્લાના કુમતા તાલુકામાં આવેલી રામતીર્થ પહાડીઓની ગોકર્ણ ગુફામાંથી એક રશિયન મહિલા અને તેનાં બે નાનાં બાળકોને પોલીસે બચાવી લીધાં છે. આ મહિલાની ઓળખ 40 વર્ષીય નીના કુટીના ઉર્ફે મોહી તરીકે થઈ છે, જે બિઝનેસ વિઝા પર ભારત આવી હતી. તેની સાથે તેની બે પુત્રીઓ, 6 વર્ષની પ્રેયા અને 4 વર્ષની અમા, પણ હતી.</div>
<div>&nbsp;</div>
<div>
<div>નીના હિન્દુ ધર્મ અને ભારતીય આધ્યાત્મિક પરંપરાઓથી પ્રભાવિત થઈને ગોવા થઈને ગોકર્ણ પહોંચી હતી. તેણે શહેરી જીવનની ધમાલથી દૂર, ધ્યાન અને પ્રાર્થના માટે રામતીર્થ પહાડીઓની ગુફામાં આશ્રય લીધો હતો. આશ્ચર્યની વાત એ છે કે, આ મહિલા અને તેનાં બાળકો બે અઠવાડિયાંથી આ ગુફામાં કામચલાઉ વ્યવસ્થા સાથે રહેતાં હતાં, જ્યાં ઝેરી સાપ અને ખતરનાક જંગલી પ્રાણીઓનો ભય રહેલો છે.</div>
<div>&nbsp;</div>
<div>
<div>આ બચાવ કામગીરીનું નેતૃત્વ કરનાર ઇન્સ્પેક્ટર શ્રીધરે જણાવ્યું કે, નિયમિત પેટ્રોલિંગ દરમિયાન પોલીસે ગુફાની બહાર લટકતાં કપડાં જોયાં, જેનાથી શંકા જાગી કે ગુફામાં કોઈ રહેતું હશે. ગુફામાં પ્રવેશતાં પોલીસને નીના અને તેનાં બાળકો મળ્યાં. પોલીસે આશ્ચર્ય વ્યક્ત કર્યું કે આ લોકો આવા ખતરનાક સ્થળે કેવી રીતે બચી ગયાં અને તેમણે શું ખાધું-પીધું. શ્રીધરે સંતોષ વ્યક્ત કર્યો કે આ લોકો સાથે કોઈ દુર્ઘટના બની નહોતી.</div>
<div>&nbsp;</div>
<div>
<div>પૂછપરછમાં જાણવા મળ્યું કે નીનાનો વિઝા 2017માં જ પૂરો થઈ ગયો હતો, અને તે ભારતમાં કેટલા સમયથી રહે છે તે સ્પષ્ટ નથી. નીનાએ દાવો કર્યો કે તે આધ્યાત્મિક એકાંતની શોધમાં ગોવાથી ગોકર્ણ આવી હતી. તેણે ગુફામાં રહેવાનું પસંદ કર્યું, જેથી તે ધ્યાન અને પ્રાર્થનામાં લીન રહી શકે.</div>
<div>&nbsp;</div>
<div>
<div>હાલમાં, પોલીસે નીના અને તેનાં બાળકોની રહેવાની વ્યવસ્થા એક સાધ્વીના આશ્રમમાં કરી છે. તેમને ગોકર્ણથી બેંગલુરુ લઈ જવાની અને પ્રત્યાર્પણની પ્રક્રિયા શરૂ કરવાની તૈયારી ચાલી રહી છે. આ માટે સ્થાનિક NGOની મદદથી રશિયન દૂતાવાસનો સંપર્ક કરવામાં આવ્યો છે.</div>
<div>&nbsp;</div>
<div>
<div>આ ઘટના ગોકર્ણના ખતરનાક જંગલોમાં એક મહિલા અને તેનાં નાનાં બાળકોની હિંમત અને આધ્યાત્મિક શોધની એક અનોખી કહાની રજૂ કરે છે. જોકે, આ ઘટના એ પણ દર્શાવે છે કે આવા ખતરનાક સ્થળો પર રહેવું કેટલું જોખમી હોઈ શકે છે, ખાસ કરીને નાનાં બાળકો સાથે.</div>
</div>
</div>
</div>
</div>
</div>

રશિયન મહિલા ગોકર્ણમાં કેવી રીતે પહોંચી તે રહશ્ય

રશિયન મહિલા 2 દીકરી સાથે ગુફામાં રહેતી હતી; જંગલમાં કેવી રીતે બચી ગયા એ અંગે પોલીસ પણ આશ્ચર્યમાં પડી ગઈ

ગોકર્ણની ગુફામાંથી રશિયન મહિલા અને બે બાળકોનું રહસ્યમય બચાવ

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વડોદરા જિલ્લામાં તાલુકા પંચાયતની ચૂંટણીના ફોર્મ ચકાસણી દરમિયાન શૌચાલય મુદ્દે વિવાદ થયો છે. કરજણ અને શિનોર તાલુકા પંચાયતની બેઠકો પર કોંગ્રેસના ઉમેદવારોના ફોર્મ રદ થતાં બંને બેઠકો પર ભાજપના ઉમેદવારો બિનહરીફ થયા છે. બંને બેઠકો ઉપર ફોર્મ રદ થવાનું મુખ્ય કારણ શૌચાલય નહી હોવાનું કારણ આપવામાં આવ્યું છે.&nbsp;
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વડોદરા જિલ્લાના કરજણ તાલુકાની બારસામણી બેઠક પર કોંગ્રેસના હેમલતાબેન વાસદિયા અને ભાજપના જ્યોત્સનાબેન રાજ ઉમેદવાર હતા. જેમાં કોંગ્રેસના ઉમેદવારને ત્યાં શૌચાલય નહીં હોવા મુદ્દે ભાજપના ઉમેદવારે વાંધો ઉઠાવ્યો હતો. તેથી તલાટીએ કરેલી તપાસ બાદ આપેલા રિપોર્ટમાં શૌચાલય નહીં હોવાનો ઉલ્લેખ કરાયો હોવાથી ફોર્મ રદ થયું હતું. કોંગ્રેસના ઉમેદવારે આ નિર્ણય ખોટો હોવાનું કહ્યું છે. કોંગ્રેસના ઉમેદવાર તેઓના મામાને ત્યાં રહે છે અને ત્યાં શૌચાલય હોવાથી ગત વર્ષે તેઓ ગ્રામ પંચાયતમાં તે ચૂંટાયા હોવાનો દાવો કર્યો છે. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">તેવી જ રીતે શિનોર તાલુકા પંચાયતની વિભાગ-1<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ની બેઠક પર ભાજપના પ્રમોદ વસાવાએ કોંગ્રેસના ઉમેદવાર રમેશ વસાવા પાસે શૌચાલય નહીં હોવાનો વાંધો ઉઠાવ્યો હતો. જેમાં તલાટીએ તપાસ કર્યા બાદ રજૂ કરેલા રિપોર્ટમાં શૌચાલય હોવાનો ઉલ્લેખ કર્યો હોવા છતાં કોંગ્રેસના ઉમેદવારનું ફોર્મ રદ કરવામાં આવ્યું છે. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ કેસમાં અધિકારીએ ઉમેદવારે દર્શાવેલા સરનામા પર મુલાકાત લેતાં શૌચાલય નહીં મળ્યું હોવાનું જાણવા મળ્યું છે. જેથી કોંગ્રેસના ઉમેદવારે લીગલ કાર્યવાહી કરવાનો નિર્ણય કર્યો છે. કોંગ્રેસના બે ઉમેદવારોના ફોર્મ રદ થતાં બંને બેઠકો પણ ભાજપના ઉમેદવારો બિનહરીફ જાહેર થયા છે.&nbsp;
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">શૌચાલય ના હોય તો સરપંચ અને ગ્રામ પંચાયતના સભ્ય કેવી રીતે ચૂંટાયા?
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કરજણની બારસામણી બેઠક પર ફોર્મ રદ થતાં કોંગ્રેસના ઉમેદવારે તંત્રના પક્ષપાતી વલણ સામે આક્રોશ વ્યક્ત કર્યો હતો. કોંગી ઉમેદવાર જ્યોત્સનાબેન રાજના પતિ વિપુલભાઈએ કહ્યું કે, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અમે વર્ષોથી મારા મામાને ત્યાં રહીએ છીએ અને એક જ રસોડું છે. શૌચાલયની પણ વ્યવસ્થા છે. જે મુજબ ફોર્મ ભરીને વર્ષ 2018<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">માં હું સરપંચ બન્યો હતો. વર્ષ 2025માં ફોર્મ ભરીને મારી પત્ની ગ્રામ પંચાયતમાં સભ્ય તરીકે ચૂંટાઈ હતી. તે વખતે ફોર્મ મંજૂર થયું હતું. પરંતુ આ વખતે ગત વખતની જેમ જ ફોર્મ ભર્યું હોવા છતાં અમારું ફોર્મ રદ થતાં અમે વિરોધ વ્યક્ત કર્યો છે.

પ્રતિકાત્મક તસવીર

કરજણ અને શિનોર તાલુકા પંચાયતની ચૂંટણીમાં કોંગ્રેસના બે ફોર્મ રદ થતાં ભાજપ ઉમેદવાર બિનહરીફ

વડોદરા જિલ્લામાં શૌચાલય મુદ્દે ચૂંટણી વિવાદ છેડાયો

પશ્ચિમ એશિયામાં વધતા તણાવ અને સ્ટ્રેટ ઓફ હોર્મુઝમાં પ્રવર્તતી અનિશ્ચિતતા વચ્ચે ભારત સરકારે પોતાના નાગરિકો અને દરિયાઈ કર્મચારીઓની સુરક્ષાને સર્વોચ્ચ પ્રાથમિકતા આપતાં મહત્વપૂર્ણ પગલાં લીધાં છે. વિદેશ મંત્રાલય અને શિપિંગ મંત્રાલયે સ્પષ્ટ કર્યું છે કે ભારત પોતાના નાવિકો અને જહાજોની સુરક્ષા માટે સતત સક્રિય છે.
2,337 નાવિકો સુરક્ષિત રીતે ભારત પરત
શિપિંગ મંત્રાલયના એડિશનલ સેક્રેટરી મુકેશ મંગલે જણાવ્યું કે પર્સિયન ગલ્ફ વિસ્તારમાં ફરજ બજાવતા તમામ ભારતીય નાવિકો હાલ સુરક્ષિત છે. ડાયરેક્ટોરેટ જનરલ ઓફ શિપિંગ દ્વારા અત્યાર સુધીમાં કુલ 2,337 ભારતીય નાવિકોને સફળતાપૂર્વક ભારત પરત લાવવામાં આવ્યા છે. છેલ્લા 24 કલાકમાં જ 75 નાવિકોની સુરક્ષિત ઘરવાપસી કરવામાં આવી છે.
અધિકારીઓના જણાવ્યા મુજબ આ ઓપરેશન સતત ચાલુ છે અને જ્યાં પણ જોખમની સ્થિતિ ઉભી થાય છે ત્યાં તાત્કાલિક કાર્યવાહી કરવામાં આવી રહી છે.
ઉર્જા સુરક્ષા માટે ભારતની વૈકલ્પિક રણનીતિ
વિદેશ મંત્રાલયના પ્રવક્તા રણધીર જાયસવાલે જણાવ્યું કે ભારત તેની વિશાળ ઉર્જા જરૂરિયાતોને ધ્યાનમાં રાખીને એક જ સપ્લાયર પર નિર્ભર રહેતું નથી. દેશ હવે વિવિધ દેશોમાંથી તેલની ખરીદી કરીને સપ્લાય ચેઇનને વધુ સુરક્ષિત બનાવી રહ્યો છે.
તેમણે કહ્યું કે 1.4 અબજ લોકોની ઉર્જા સુરક્ષા સરકારની સૌથી મોટી જવાબદારી છે અને ભારત સંતુલિત અને વ્યૂહાત્મક અભિગમ સાથે આગળ વધી રહ્યું છે. હોર્મુઝની ખાડીમાં ફસાયેલા જહાજોને સુરક્ષિત બહાર કાઢવા માટે અનેક દેશો સાથે સતત સંકલન ચાલી રહ્યું છે.
ભારતીય બંદરો પર સામાન્ય કામગીરી ચાલુ
સરકારે ખાતરી આપી છે કે આંતરરાષ્ટ્રીય તણાવ વચ્ચે પણ દેશના તમામ મુખ્ય બંદરો પર કામગીરી સામાન્ય રીતે ચાલી રહી છે. કોઈ પણ બંદર પર ભીડ, વિલંબ અથવા અવરોધ જેવી પરિસ્થિતિ સર્જાઈ નથી.
આ સ્થિતિ દર્શાવે છે કે ભારતની દરિયાઈ અને લોજિસ્ટિક સિસ્ટમ મજબૂત છે અને સંકટના સમયમાં પણ સપ્લાય ચેઇનને જાળવી રાખવામાં સક્ષમ છે.
સરકારની સતત મોનિટરિંગ અને રાજદ્વારી પ્રયાસો
સરકારે જણાવ્યું છે કે જહાજોની અવરજવર સુરક્ષિત માર્ગોથી થાય તે માટે રાજદ્વારી સ્તરે સતત ચર્ચાઓ ચાલી રહી છે. છેલ્લા 24 કલાકમાં કોઈ પણ ભારતીય જહાજ સાથે અનિચ્છનીય ઘટના નોંધાઈ નથી.
અધિકારીઓ મુજબ તેલ પુરવઠો અવિરત રહે તે માટે નવા સ્ત્રોતોની શોધ પણ ઝડપથી આગળ વધી રહી છે. ભારત સરકાર પરિસ્થિતિ પર સતત નજર રાખી રહી છે અને જરૂરી તમામ પગલાં લેવામાં આવી રહ્યા છે.

ભારત હોર્મુઝ મામલે અનેક દેશો સાથે સંપર્કમાં

2,337 નાવિકોને સુરક્ષિત પરત લાવ્યા, ઉર્જા સુરક્ષા માટે વૈકલ્પિક રણનીતિ તેજ

હોર્મુઝ તણાવ વચ્ચે ભારતનું મોટું પગલું

ગુજરાતમાં સ્થાનિક સ્વરાજ્યની ચૂંટણીઓ પહેલા જ રાજકીય માહોલ ગરમાઈ ગયો છે. વડોદરા જિલ્લાના ડભોઈ તાલુકા પંચાયત કચેરી ખાતે શનિવારે હાઈવોલ્ટેજ ડ્રામા સર્જાયો હતો. સાઠોદ બેઠકના કોંગ્રેસ ઉમેદવારનું ફોર્મ જબરજસ્તીથી પરત ખેંચાવવાના મુદ્દે ધારાસભ્ય શૈલેષ મહેતા (સોટા), તેમના પુત્ર અને કોંગ્રેસ કાર્યકરો વચ્ચે ઉગ્ર ઘર્ષણ થયું હતું. ઘટનાને કારણે કચેરી પરિસરમાં તણાવનો માહોલ સર્જાયો હતો.
ઉમેદવારના ફોર્મ ખેંચાવવાનો આરોપ
મળતી માહિતી મુજબ, ડભોઈ તાલુકા પંચાયતની સાઠોદ બેઠક પરથી કોંગ્રેસના ઉમેદવાર અરવિંદભાઈ પાટણવાડીયાનું ઉમેદવારી પત્ર દબાણ અથવા ધમકી આપીને પરત ખેંચાવવાનો પ્રયાસ થઈ રહ્યો હતો. આ અંગે સ્થાનિક કોંગ્રેસ કાર્યકરોને જાણ થતાં જ મામલો ગરમાયો હતો.
કોંગ્રેસ કાર્યકરોનો આક્ષેપ છે કે ધારાસભ્ય શૈલેષ સોટા અને તેમના પુત્ર દ્વારા ઉમેદવારને બિનહરીફ કરવા માટે દબાણ કરવામાં આવ્યું હતું. આ જાણ થતાં જ મોટી સંખ્યામાં કાર્યકરો અને સાઠોદ ગામના રહીશો તાલુકા પંચાયત કચેરીએ પહોંચી ગયા હતા.
કચેરીમાં હાઈવોલ્ટેજ ડ્રામા
કચેરી પરિસરમાં પહોંચતા જ કોંગ્રેસ કાર્યકરોએ ભાજપ વિરુદ્ધ સૂત્રોચ્ચાર શરૂ કર્યો હતો. &ldquo;ભાજપની દાદાગીરી નહીં ચાલે&rdquo; જેવા નારા સાથે વિરોધ પ્રદર્શન કરવામાં આવ્યું હતું. પરિસ્થિતિ થોડી જ વારમાં ઉગ્ર બની ગઈ હતી અને બંને પક્ષો વચ્ચે તણાવ વધી ગયો હતો.
લગભગ 15થી 20 મિનિટ સુધી કચેરીમાં ભારે અફરાતફરીનો માહોલ રહ્યો હતો. ઉશ્કેરાયેલા કાર્યકરો અને ગ્રામજનોએ ધારાસભ્ય શૈલેષ સોટા અને તેમના પુત્ર સાથે ઝપાઝપી અને ધક્કામુક્કી કરી હોવાનું પણ જાણવા મળ્યું છે.
પોલીસનો તાત્કાલિક હસ્તક્ષેપ
ઘટનાની જાણ થતાં જ ડભોઈ પોલીસનો મોટો કાફલો સ્થળ પર પહોંચી ગયો હતો. પોલીસે પરિસ્થિતિને કાબૂમાં લીધી અને બંને પક્ષોને અલગ કર્યા હતા. હાલ સમગ્ર મામલાની તપાસ શરૂ કરવામાં આવી છે અને કાયદેસરની કાર્યવાહી હાથ ધરવામાં આવી રહી છે.
કોંગ્રેસના ગંભીર આક્ષેપ
કોંગ્રેસ પક્ષે આ ઘટનાને લઈને ગંભીર આક્ષેપો કર્યા છે. કોંગ્રેસનું કહેવું છે કે સત્તાધારી પક્ષ ભાજપ ચૂંટણીમાં પોતાના ઉમેદવારોને બિનહરીફ બનાવવા માટે વિપક્ષી ઉમેદવારો પર દબાણ કરે છે અને લોકશાહી પ્રક્રિયાનું હનન કરે છે.
સ્થાનિક નેતાઓએ માંગ કરી છે કે સમગ્ર ઘટનાની નિષ્પક્ષ તપાસ કરવામાં આવે અને દોષિતો સામે કાર્યવાહી કરવામાં આવે.
સ્થાનિક સ્વરાજ્યની ચૂંટણી પહેલા બનેલી આ ઘટનાએ ડભોઈના રાજકારણમાં ગરમાવો લાવી દીધો છે અને હવે સૌની નજર પોલીસ તપાસ અને આગળના રાજકીય પગલાં પર છે.

કોંગ્રેસ ઉમેદવારનું ફોર્મ ખેંચાવવા મુદ્દે ધારાસભ્ય શૈલેષ સોટા સાથે ઝપાઝપી

ઉમેદવારનું ફોર્મ ખેંચાવવાના મુદ્દે ધારાસભ્ય અને કોંગ્રેસ કાર્યકરો વચ્ચે ઘર્ષણ

ડભોઈમાં ચૂંટણી પહેલા રાજકીય ધમાલ

વડોદરા જિલ્લામાં તાલુકા પંચાયતની ચૂંટણીના ફોર્મ ચકાસણી દરમિયાન રાજકીય ગરમાવો જોવા મળ્યો છે. કરજણ અને શિનોર તાલુકા પંચાયતની બેઠકો પર કોંગ્રેસના ઉમેદવારોના ફોર્મ ટેકનિકલ કારણોસર રદ થતા આ બંને બેઠકો બિનહરીફ રીતે ભાજપના ફાળે ગઈ છે. નોંધપાત્ર બાબત એ છે કે, આ બંને બેઠકો માટે ફોર્મ રદ થવાનું મુખ્ય કારણ શૌચાલયનું કહેવાયું છે.
કરજણ અને શિનોરમાં તલાટીના રિપોર્ટને આધારે ફોર્મ રદ
મળતી માહિતી મુજબ, વડોદરા જિલ્લાના કરજણ તાલુકાની બારસામણી બેઠક પર કોંગ્રેસના ઉમેદવાર હેમલતાબેન વાસદિયા અને ભાજપના ઉમેદવાર જ્યોત્સનાબેન રાજ હતા. જેમાં કોંગ્રેસના ઉમેદવારને ત્યાં શૌચાલય નહીં હોવાનો ભાજપના ઉમેદવારે રજૂઆત કરી વાંધો ઉઠાવ્યો હતો. તલાટીના રિપોર્ટમાં પણ શૌચાલય નહીં હોવાનો ઉલ્લેખ હોવાથી ફોર્મ રદ થયું હતું. જો કે, કોંગ્રેસના ઉમેદવારે આ નિર્ણય ખોટો હોવાનું કહ્યું છે. તે મામાને ત્યાં રહે છે અને ત્યાં શૌચાલય હોવાથી ગત વર્ષે જ ગ્રામ પંચાયતમાં તે ચૂંટાયા હોવાનું કહ્યું છે.
આવી જ રીતે શિનોર તાલુકા પંચાયતની વિભાગ-1ની બેઠક પર ભાજપના પ્રમોદ વસાવાએ કોંગ્રેસના ઉમેદવાર રમેશ વસાવા પાસે શૌચાલય નહીં હોવાનો વાંધો ઉઠાવ્યો હતો. જેમાં તલાટીનો રિપોર્ટ શૌચાલય હોવાનું દર્શાવતો હોવા છતાં કોંગ્રેસના ઉમેદવારનું ફોર્મ રદ કરવામાં આવ્યું છે. આ કેસમાં અધિકારીએ ઉમેદવારે દર્શાવેલા સરનામા પર મુલાકાત લેતા તેમાં શૌચાલય નહીં મળ્યું હોવાનું જાણવા મળ્યું છે. જેથી કોંગ્રેસના ઉમેદવારે લીગલ કાર્યવાહી પણ કરવાનું નક્કી કર્યું છે. આમ, કોંગ્રેસના બે ફોર્મ રદ થતાં બંને બેઠકો ભાજપને ફાળે આવી છે.
જો શૌચાલય ના હોય તો હું સરપંચ અને મારી પત્ની પંચાયતની સભ્ય કેવી રીતે ચૂંટાયા?
કરજણની બાર સામણી બેઠક પર ફોર્મ રદ થતાં કોંગ્રેસના ઉમેદવારે હૈયા વરાળ ઠાલવી હતી. કોંગી ઉમેદવાર જ્યોત્સનાબેન રાજના પતિ વિપુલભાઈએ કહ્યું હતું કે, 'અમે વર્ષોથી મારા મામાને ત્યાં રહીએ છીએ અને એક જ રસોડું છે. શૌચાલયની પણ વ્યવસ્થા છે. જે મુજબ ફોર્મ ભરીને વર્ષ 2018માં હું સરપંચ બન્યો હતો. વર્ષ ૨૦૨૫માં આ જ પ્રકારે ફોર્મ ભરીને મારી પત્ની ગ્રામ પંચાયતમાં ચૂંટાઈ હતી. તે વખતે ફોર્મ મંજૂર થયું હતું. પરંતુ આ વખતે ગયા વખતની જેમ જ ફોર્મ ભર્યું હોવા છતાં અમારું ફોર્મ રદ થતાં અમે વિરોધ વ્યક્ત કર્યો છે.'
રણોલી બેઠકના ભાજપના મહિલા નેતા બિનહરીફ જાહેર
બીજી તરફ વડોદરા જિલ્લા પંચાયતની રણોલી બેઠક પરથી ચૂંટણી અંગે ઉમેદવારી નોંધાવનારા ભારતીય રાષ્ટ્રીય કોંગ્રેસ સહિત અપક્ષ ઉમેદવારોએ પોતપોતાના ફોર્મ આજે પરત ખેંચી લેતા રણોલી બેઠકના ભાજપના ઉમેદવાર કૈરવીબા જાડેજા બિનહરીફ ચૂંટાયેલા જાહેર છે.&nbsp;
સાવલીના પૂર્વ ડિરેક્ટરે પણ કોંગ્રેસનું ફોર્મ પાછું ખેંચાવ્યુ
સાવલી તાલુકામાં તાજેતરમાં બરોડા ડેરીની ચૂંટણીમાં પાતળી સરસાઈથી પરાજય પામેલા પૂર્વ ડિરેક્ટર કુલદીપ સિંહ રાહુલજી સામે ભાજપના ધારાસભ્યના ટેકેદાર વિજય બન્યા હતા અને આ બેઠક હાઈ પ્રોફાઈલ બની હોવાથી સમગ્ર જિલ્લામાં ચર્ચાનો વિષય બની હતી. &nbsp;ડેરીના પૂર્વ ડિરેક્ટર હવે તાલુકા પંચાયતની ચૂંટણીમાં પણ સક્રિય બન્યા હતા અને સાવલીની વેજપુર બેઠક ના કોંગ્રેસના ઉમેદવાર પાયલબેન રાઠોડનું ફોર્મ પરત ખેંચાવતા ભાજપના ક્રિષ્નાબેન મહેતા બિનહરીફ જાહેર થયા છે. જ્યારે વડોદરા જિલ્લા પંચાયતની કરજણ તાલુકાની ચોરંદા બેઠક પણ બિનહરીફ થઈ હોવાની માહિતી મળી છે.

કરજણ અને શિનોર બેઠક ભાજપના ફાળે બિનહરીફ

વડોદરામાં શૌચાલયના કારણે ભાજપને વધુ 2 બેઠક મળી

અરવલ્લી જિલ્લાના મોડાસા પંથકની 13 વર્ષીય તરુણી માટે શનિવારનો દિવસ મુસીબત લઈને આવ્યો હતો. શાળામાં સફાઈ દરમિયાન મળેલી એક નાનકડી સેફ્ટી પીન મોઢામાં મૂકવી આ દીકરીને એટલી ભારે પડી કે તેનો જીવ જોખમમાં મૂકાઈ જતા તેને અરવલ્લી પછી હિંમતનગર અને છેવટે અમદાવાદની સિવિલ હોસ્પિટલમાં લાવ્યા બાદ અહીંયાના ઇએનટી તબીબોની સમયસૂચકતા અને કુશળતાને કારણે ગણતરીની મિનિટોમાં પીન બહાર કઢાતા દીકરીને નવું જીવનદાન મળ્યું છે.&nbsp;
મોડાસા વિસ્તારમાં રહેતી 13 વર્ષીય બીજલ શનિવારે શાળાએ ગઈ હતી. સવારના સમયે શાળામાં સફાઈ ચાલી રહી હતી ત્યારે બીજલને જમીન પર પડેલી એક તીક્ષ્ણ સેફ્ટી પીન મળી હતી. તે સમયે બંને હાથમાં ઝાડુ હોવાથી બીજલે ઉતાવળમાં એ પીનને મોઢામાં દબાવી દીધી હતી. પરંતુ વિધિની વક્રતા જુઓ, સફાઈ કરતાં કરતાં અચાનક તેને ખાંસી આવી અને મોઢામાં રહેલી પીન સીધી ગળાની નીચે ઉતરી ગઈ. &nbsp;પીન ગળી જતાં જ બીજલને શ્વાસ લેવામાં તકલીફ થવા લાગી અને ગભરામણ થવા માંડી. પરિવારે તાત્કાલિક તેને મેઢાસણની સરકારી હોસ્પિટલ ખસેડી હતી, જ્યાં સ્થિતિ ગંભીર જણાતા વધુ સારવાર માટે હિંમતનગર લઈ જવામાં આવી. હિંમતનગરમાં પણ પીન કાઢવી શક્ય ન બનતા અંતે અત્યંત નાજુક હાલતમાં તેને અમદાવાદ સિવિલ હોસ્પિટલ રિફર કરવામાં આવી હતી.
સિવિલના ઇએનટી વિભાગના ડો. કલ્પેશ પટેલ અને ડો. શૈલી મહેતાની ટીમે તાત્કાલિક તપાસ હાથ ધરી હતી. એક્સ-રે રિપોર્ટમાં માલૂમ પડ્યું કે અણીદાર પીન ફેફસાંની એકદમ નજીક શ્વાસનળીમાં ફસાયેલી છે. ડો. કલ્પેશ પટેલની સાથે એનેસ્થેસિયા વિભાગના ડો. ભાવના રાવલ અને પ્લમોલોજીસ્ટ ડો. નલીન શાહ, ડો. ઊર્જીતાએ પરામર્શ કરી દૂરબીન વડે પીન કાઢવાનું નક્કી કર્યું. તબીબોની આ ટીમે અત્યંત ચોકસાઈપૂર્વક માત્ર 2 મિનિટમાં જ ફેફસાં પાસે ફસાયેલી પીન બહાર કાઢી લીધી હતી. પીન નીકળતા જ પરિવારે રાહતનો શ્વાસ લીધો હતો. નોંધનીય છે કે, આ કિસ્સો સમાજ માટે લાલબત્તી સમાન છે. દરજીઓ, સુતાર કે ગૃહિણીઓ વારંવાર સોય કે પીન મોઢામાં રાખવાની ભૂલ કરે છે. યાદ રાખો, એક નાનકડી ખાંસી કે છીંક આ આદતને જીવલેણ અકસ્માતમાં ફેરવી શકે છે.&nbsp;

શ્વાસનળીમાં ફસાઈ પીન, 13 વર્ષની બાળકી બચી

મોડાસાની બાળકીના ગળામાં પીન ફસાઈ, સિવિલમાં બચાવ

મહેમદાવાદમાં ભાજપનો દબદબો જોવા મળી રહ્યો છે. દેવકી વણસોલ બેઠક પર અજીતસિંહ ડાભી અને કનીજ બેઠક પર મિતુલ રાઠોડ બિનહરીફ જાહેર થયા છે.
સ્થાનિક સ્વરાજની ચૂંટણીના મતદાન પહેલા જ મહેમદાવાદમાં ભારતીય જનતા પાર્ટીએ ભવ્ય સફળતા મેળવી છે. મહેમદાવાદ તાલુકાની બે મહત્વની અમદાવાદ જિલ્લા પંચાયત બેઠકો પર ભાજપના ઉમેદવારો બિનહરીફ વિજેતા જાહેર થયા છે. કોંગ્રેસના ઉમેદવારોએ અંતિમ ઘડીએ મેદાન છોડી દેતા ભાજપનો વિજય માર્ગ મોકળો બન્યો છે.
 કોણ બન્યા બિનહરીફ વિજેતા? મળતી માહિતી મુજબ, દેવકી વણસોલ જિલ્લા પંચાયત બેઠક પર ભાજપના ઉમેદવાર અજીતસિંહ ડાભી બિનહરીફ ચૂંટાઈ આવ્યા છે. જ્યારે કનીજ જિલ્લા પંચાયત બેઠક પર ભાજપના ઉમેદવાર મિતુલ રાઠોડ બિનહરીફ વિજેતા થયા છે. આ બંને બેઠકો પર કોંગ્રેસના ઉમેદવારોએ પોતાના નામાંકન પત્રો પરત ખેંચી લેતા ચૂંટણી અધિકારી દ્વારા તેમને વિધિવત રીતે બિનહરીફ જાહેર કરવામાં આવ્યા છે.
ધારાસભ્યએ પાઠવ્યા અભિનંદન ચૂંટણી પહેલા જ આ મોટી જીત મળતા ભાજપના કાર્યકરોમાં ભારે ઉત્સાહ જોવા મળી રહ્યો છે. મહેમદાવાદના ધારાસભ્ય અર્જુનસિંહ ચૌહાણે બંને વિજેતા ઉમેદવારોને રૂબરૂ મળીને અભિનંદન પાઠવ્યા હતા અને પક્ષના સંગઠનની શક્તિને બિરદાવી હતી. નોંધનીય છે કે, મહેમદાવાદમાં ભાજપની આ જીતથી જિલ્લા પંચાયતમાં પક્ષનું સંખ્યાબળ અને પકડ વધુ મજબૂત બની છે. હવે આગામી મતદાનના દિવસે અન્ય બેઠકો પર પણ આ વિજયી લહેરની અસર જોવા મળે તેવી શક્યતા છે.

મહેમદાવાદમાં બે જિલ્લા પંચાયત બેઠકો બિનહરીફ  જાહેર

મહેમદાવાદમાં ભાજપનો કેસરીયો લહેરાયો

&nbsp;
&nbsp;વ્યાજખોરોથી કંટાળી ભાવનગરના કેટરિંગના વેપારીનો આપઘાત &nbsp; &nbsp; &nbsp; &nbsp; &nbsp;
ભાવનગરના કૃષ્ણનગર ડેરી રોડ વિસ્તારમાં રહેતા અને કેટરિંગના વ્યવસાય સાથે સંકળાયેલા યુવાને વ્યાજખોરોની ધાકધમકીથી ત્રસ્ત થઈ સુભાષનગર સ્થિત પોતાના ગોડાઉનમાં ગળેફાંસો ખાઈ લીધો હતો.&nbsp;
કૃણાલ ઉમેશભાઈ માંડલિયાએ નોંધાવેલી ફરિયાદ મુજબ, તેમના નાનાભાઈ મેહુલ (ઉં.૩૪) કેટરિંગના વ્યવસાય અર્થે નાણાંની જરૂર પડતા પિન્ટુ ચસ્કામસ્કા વાળા, રવિ ચંદુભાઈ ખોખર તેમજ તેમના વતી ઉઘરાણી કરતા ગોપાલ અને લાલા સાટિયા પાસેથી વ્યાજે નાણાં લીધા હતા. આ ચારેય શખ્સો ઊંચા વ્યાજની વસૂલાત માટે મેહુલને ફોન પર અને રૂબરૂ મળી સતત ધાકધમકી આપતા હતા. આરોપી લાલા સાટિયાએ મેહુલ પાસેથી બળજબરીથી એક્ટિવા પડાવી લીધું હતું, જ્યારે રવિ ખોખરે નાણાં નહીં ચૂકવાય તો ઘરના સભ્યોને બહાર કાઢી ઘર પચાવી પાડવાની ધમકી આપતા મેહુલે ગળેફાંસો ખાઈ આપઘાત કરી લીધો હતો.&nbsp;
&nbsp;

કેટરિંગના વેપારી

વ્યાજખોરોની ધાકધમકીથી ત્રસ્ત કેટરિંગના વેપારીનો આપઘાત

ભાવનગરના કેટરિંગના વેપારીનો આપઘાત

મધ્ય પૂર્વમાં તણાવ વચ્ચે એક ચોંકાવનારો ખુલાસો સામે આવ્યો છે. અહેવાલ મુજબ ઈરાનએ ચીનના જાસૂસી સેટેલાઇટ્સની મદદથી અમેરિકન સૈન્ય ઠેકાણાઓની ગુપ્ત રેકી કરી હતી. આ માહિતીના આધારે યુદ્ધ દરમિયાન અમેરિકાના બેઝને ચોક્કસ નિશાન બનાવવામાં આવ્યા હોવાનો દાવો કરવામાં આવ્યો છે. આ બાબતથી આંતરરાષ્ટ્રીય સ્તરે રાજકીય તણાવ વધી રહ્યો છે.
સેટેલાઇટ ટેક્નોલોજીનો ઉપયોગ
ફાઇનાન્શિયલ ટાઇમ્સના અહેવાલ મુજબ, ઈરાને TEE-01B નામના સેટેલાઇટ્સનો ઉપયોગ કર્યો હતો, જે ચીની કંપની &lsquo;અર્થ આઈ&rsquo; દ્વારા બનાવવામાં આવ્યા છે. ઈરાની સેનાની એરોસ્પેસ ફોર્સે આ સેટેલાઇટ સેવાઓ ખરીદી હતી અને લોન્ચ બાદ થોડા જ સમયમાં તેનો ઉપયોગ શરૂ કરી દીધો હતો. આ સેટેલાઇટ્સ દ્વારા મળેલી તસવીરો અને ડેટા દ્વારા અમેરિકન બેઝની ચોક્કસ સ્થિતિ, ગતિવિધિઓ અને સુરક્ષા વ્યવસ્થા વિશે મહત્વની માહિતી મેળવી શકાઈ હતી.
લીક થયેલા દસ્તાવેજોથી ખુલાસો
અહેવાલમાં જણાવાયું છે કે ઈરાની સેનાના લીક થયેલા દસ્તાવેજોના આધારે આ માહિતી સામે આવી છે. દસ્તાવેજો મુજબ, સેનાના ઉચ્ચ અધિકારીઓએ સેટેલાઇટ મોનિટરિંગ માટે સ્પષ્ટ આદેશ આપ્યા હતા. ત્યારબાદ સેટેલાઇટ દ્વારા એકત્ર કરાયેલા ડેટાનો ઉપયોગ કરીને વિવિધ સૈન્ય ઠેકાણાઓની વિગતો મેળવવામાં આવી હતી.
મધ્ય પૂર્વમાં હુમલાની પૃષ્ઠભૂમિ
28 ફેબ્રુઆરીએ અમેરિકા અને ઇઝરાયેલ દ્વારા ઈરાન પર હુમલા થયા બાદ પરિસ્થિતિ વધુ તણાવપૂર્ણ બની હતી. તેના જવાબમાં ઈરાને ઈરાક, કતાર અને સાઉદી અરેબિયામાં આવેલા અમેરિકન બેઝને નિશાન બનાવ્યા હતા. આ હુમલાઓમાં સેટેલાઇટ દ્વારા મેળવેલી માહિતી મહત્વપૂર્ણ સાબિત થઈ હોવાનું માનવામાં આવે છે.
ચીનનો ઈનકાર અને અમેરિકાની પ્રતિક્રિયા
આ મામલે ચીનએ તમામ આરોપોને ફગાવી દીધા છે. ચીનના વિદેશ મંત્રાલયના પ્રવક્તા લિન જિયાનએ જણાવ્યું કે આ આરોપો નિરાધાર છે અને ચીન પર ટેરિફ લાદવા માટેનું બહાનું બનાવવામાં આવી રહ્યું છે. બીજી તરફ અમેરિકાની તરફથી પણ ચીન સામે કડક વલણ અપનાવવાની શક્યતા વ્યક્ત થઈ રહી છે.
ટ્રમ્પનો આક્ષેપ અને વ્યૂહરચના
પૂર્વ અમેરિકન રાષ્ટ્રપતિ ડોનાલ્ડ ટ્રમ્પએ અગાઉ પણ ચીન પર ઈરાનને મદદ કરવાનો આરોપ લગાવ્યો હતો. તેમણે ચીન પર વધારાના ટેરિફ લગાવવાની ચેતવણી આપી હતી. આવનારા સમયમાં ટ્રમ્પનો ચીન પ્રવાસ પણ નિર્ધારિત છે, જેને ધ્યાનમાં રાખીને આ મુદ્દાને રાજકીય દબાણ તરીકે પણ જોવામાં આવી રહ્યો છે.
વૈશ્વિક અસર અને સેટેલાઇટની પહોંચ
ચીની સેટેલાઇટ્સની રેન્જ માત્ર એશિયા સુધી મર્યાદિત નથી, પરંતુ લેટિન અમેરિકા સહિતના વિસ્તારોને પણ આવરી લે છે. તેથી આ મુદ્દો માત્ર મધ્ય પૂર્વ પૂરતો સીમિત નથી, પરંતુ વૈશ્વિક સુરક્ષા માટે પણ ચિંતાનો વિષય બની રહ્યો છે.
આ સમગ્ર ઘટનાક્રમથી સ્પષ્ટ થાય છે કે આધુનિક યુદ્ધમાં ટેક્નોલોજી અને જાસૂસી સાધનોની ભૂમિકા દિવસેને દિવસે વધી રહી છે, જે ભવિષ્યમાં આંતરરાષ્ટ્રીય રાજકારણને વધુ જટિલ બનાવી શકે છે.

ઈરાને ચીની સેટેલાઈટનો ઉપયોગ કરી અમેરિકન સૈન્ય ઠેકાણાને ટાર્ગેટ કર્યા

ખુલાસાથી વૈશ્વિક રાજનીતિમાં ખળભળાટ

ચીનના જાસૂસી સેટેલાઇટથી ઈરાનની નજર અમેરિકન બેઝ પર?

ગુજરાતની 393 સ્થાનિક સ્વરાજ્યની સંસ્થાઓની 10005 બેઠકો માટેની ચૂંટણીમાં સોમવારે ફોર્મ ચકાસણીમાં 10898ની ઉમેદવારી રદ્દ થયા બાદ આજે 15મી એપ્રિલે બપોરે ત્રણ વાગ્યા સુધી દાવેદારી પાછી ખેંચવા ચૂંટણી આયોગે મહેતલ આપી છે.
ગુજરાતની 393 સ્થાનિક સ્વરાજ્યની સંસ્થાઓની 10005 બેઠકો માટેની ચૂંટણીમાં સોમવારે ફોર્મ ચકાસણીમાં 10898ની ઉમેદવારી રદ્દ થયા બાદ આજે 15મી એપ્રિલે બપોરે ત્રણ વાગ્યા સુધી દાવેદારી પાછી ખેંચવા ચૂંટણી આયોગે મહેતલ આપી છે.આ દરમિયાન અનેક બેઠકો પર ફોર્મ રદ થયા છે અને પરત ખેંચાયા છે. કોંગ્રેસે તેના ઉમેદવારોને છેલ્લી ઘડીએ સંતાડવા પ્રયાસો કરાયા છે. ત્યારે મહિલા કોંગ્રેસના પૂર્વ પ્રમુખ લતા બેને ભાજપને પડકાર ફેંક્યો હતો. તાકાત હોય તો લડી બતાવો હાર જીત તો થવાની છે. સત્તા તમારી પાસે છે તો ઉમેદવારને લઈ જવાની શું જરૂર છે.
 લતાબેને ભાજપને પડકાર ફેંક્યો હતો ગુજરાતમાં અનેક બેઠકો પર કોંગ્રેસ અને આમ આદમી પાર્ટીના ઉમેદવારોના ફોર્મ રદ કરવામાં આવ્યા છે. મેન્ડેડ સહિતની બાબતો રજૂ નહીં થતાં ફોર્મ રદ કરવામાં આવ્યા છે. જ્યારે કેટલીક બેઠકો પર અંતિમ ઘડીએ ધડાધડ ફોર્મ પરત ખેંચાઈ રહ્યાં છે. ત્યારે ડાંગ જિલ્લામાં પણ કોંગ્રેસના સભ્યો અસુરક્ષિત હોવાનું સામે આવ્યું છે. જેથી કોંગ્રેસના પૂર્વ મહિલા કોંગ્રેસ પ્રમુખ લતાબેને ભાજપને પડકાર ફેંક્યો હતો કે, સત્તા તમારી પાસે છે તાકાત હોય તો લડી બતાવો. ઉમેદવારને લઇ જવાની શું જરુર છે. હારજીત તો થવાની છે.
ઉમેદવારને ભાજપ દ્વારા ભગાડી ગયાનો આક્ષેપ ડાંગ જિલ્લામાં ગડદા બેઠકના ઉમેદવારને ભાજપ દ્વારા ભગાડી ગયાનો આક્ષેપ કરાયો છે. ઈલાબેન ચૌધરીને પણ લઇ ગયા હોવાનો આક્ષેપ કરાયો છે. ત્યારે લતાબહેને કહ્યું હતું કે, અમારા ઉમેદવારને કેમ ગભરાવો છે, ગુમરાહ કરવાની શું જરૂર છે. 30 વર્ષથી સત્તા તમારી પાસે છે. તાકાત હોય તો ચૂંટણી લડી બતાવો. હારજીત તો થતી રહેશે.
&nbsp;

આમ આદમી પાર્ટીના ઉમેદવારોના ફોર્મ રદ કરવામાં આવ્યા

સત્તામાં છો તાકાત હોય તો ચૂંટણી લડી બતાવો:કોંગ્રેસ

શહેરમાં નકલી ચલણી નોટો બનાવવાના રેકેટનો પર્દાફાશ કરતા ક્રાઈમ બ્રાન્ચની ટીમે બાપુનગરમાંથી ત્રણ આરોપીઓને ઝડપી પાડ્યા છે. આરોપીઓ પાસેથી ₹500ની 133 નકલી નોટો, પ્રિન્ટ કરેલી શીટ્સ તેમજ અન્ય મુદ્દામાલ જપ્ત કરવામાં આવ્યો છે. તપાસ દરમિયાન જાણવા મળ્યું છે કે આ નોટો લિંબડી ખાતે ઝેરોક્સ મશીન દ્વારા છાપવામાં આવી હતી.
પોલીસને બાતમી મળી હતી કે ગુજરાત હાઉસિંગ બોર્ડના મકાનમાં નકલી નોટો કાપવાની પ્રવૃત્તિ ચાલી રહી છે. આ માહિતીના આધારે દરોડો પાડીને ભાવેશ મકવાણા, અનિલ અશ્વાર અને જીતેન્દ્ર પ્રજાપતિને ઝડપી લેવામાં આવ્યા હતા.પૂછપરછ દરમિયાન ખુલ્યું કે અનિલ મોરબીમાં સિરામિકનો વેપાર કરતો હતો, પરંતુ ધંધામાં નુકસાન થતા તેના પર ₹30 લાખનું દેવું થઈ ગયું હતું. બાદમાં તેણે પોતાના મિત્રો સાથે મળીને નકલી નોટો છાપવાનો પ્લાન બનાવ્યો હતો. ભાવેશે પોતાના ઓળખીત રાહુલ ઉર્ફે કાલિયાનો સંપર્ક કરાવ્યો હતો, જેણે લિંબડીમાં નોટો પ્રિન્ટ કરીને આપી હતી. પોલીસ ફરાર આરોપીની શોધખોળ કરી રહી છે.
નોંધનીય છે કે ઝડપાયેલા આરોપીઓ સામે અગાઉ પણ વિવિધ ગુનાઓ નોંધાયેલા છે. અત્રે ખાસ ઉલ્લેખનીય છે કે થોડા સમય પહેલા જ અમદાવાદ ક્રાઈમ બ્રાન્ચની ટીમે સુરતથી લાવવામાં આવેલી અંદાજે અઢી કરોડ રૂપિયાની બનાવટી ચલણી નોટો સાથે સાત આરોપીઓને ઝડપી લીધા હતા, અને તેમની તપાસમાં ચીન સુધીના કનેક્શન સામે આવ્યા હતા.

નકલી ચલણી નોટો બનાવવાના રેકેટનો પર્દાફાશ

30 લાખની નકલી નોટો ઝડપાય

સ્થાનિક સ્વરાજની ચૂંટણીના દબાણ વચ્ચે અપક્ષનું ફોર્મ રદ કરવાના વિવાદથી રાજકીય ગરમાવો

ચૂંટણી ટાણે ઉમરગામ મામલતદારનો રહસ્યમય આપઘાત

સ્થાનિક સ્વરાજની ચૂંટણી પહેલાં ટિકિટ વિતરણથી ભાજપ-કોંગ્રેસમાં બળવો અને પક્ષપલટાની મોસમ

ટિકિટ મુદ્દે ભાજપ-કોંગ્રેસમાં બળવો અને રાજીનામા

ક્રિકેટથી મેડિકલ સુધીની પ્રેરણાદાયી સફરનું વર્ણન, ડોક્ટરની માનવતા અને સંવેદનાની કહાની

Human First પુસ્તક, એક ડોક્ટરની માનવતાની સફર

સૌથી મોટા સાયબર ફ્રોડમાં ઉત્તર ગુજરાતના 16 શખ્સો ઝડપાયા, કરોડોના નેટવર્કનો ખુલાસો

સાયબર ફ્રોડ મામલે ઉત્તર ગુજરાત બન્યું ‘જામતાડા’

પાડલીયા ઘર્ષણ કેસમાં હાઈકોર્ટનું કડક વલણ, આદિજાતિ હક્કો અને તંત્રની ભૂમિકા સામે સવાલ

દાંતાના પાડલીયા વિવાદઃ હાઈકોર્ટે તંત્રનો ઉધડો લીધો

રાજ્યના પોલીસ વડા ડૉ. કે.એલ.એન રાવે ‘સાયબર સેન્ટર ઓફ એક્સેલન્સ’ની કામગીરીની સમીક્ષા કરી

સાયબર ગુનાઓ બાબતે ગુજરાત પોલીસ ગંભીરઃ DGP

16 વર્ષ બાદ રાષ્ટ્રીય પોલીસ ડ્યુટી મીટમાં ગુજરાત પોલીસ ડોગે ગોલ્ડ જીતી ગૌરવ વધાર્યું

ગુજરાત પોલીસ ડોગ ‘ચેક’એ જીત્યો ગોલ્ડ મેડલ

ઢોસાના ખીરા બાદ બાળકીઓના મોતનો મામલો; માતા-પિતાના રિપોર્ટમાં ઘેનની દવા, હત્યા કે આત્મહત્યા

બે બાળકીના શંકાસ્પદ મોત કેસમાં આવ્યો નવો વળાંક

ડોક્ટરની ચેમ્બર બહાર જ ઢળી પડ્યા જવાન, હાર્ટ એટેકની આશંકા; સારવાર પહેલા જ નિધન