Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

Virar-Bharuch MEMU Train : વલસાડ જિલ્લાના ઉમરગામ તાલુકામાં આવેલા ભિલાડ રેલવે સ્ટેશન પર આજે (28મી જુલાઈ) વહેલી સવારે એક મોટી દુર્ઘટના ટળી હતી. વિરારથી ભરૂચ તરફ જતી મેમુ (MEMU) ટ્રેન ભિલાડ સ્ટેશનના પ્લેટફોર્મ નંબર-1 પર ઊભી રહે તે પહેલાં જ તેનું એન્જિન પાટા પરથી નીચે ઊતરી ગયું હતું. આ ઘટનાને પગલે સ્ટેશન પર અને ટ્રેનમાં સવાર મુસાફરોમાં ભારે અફરાતફરી મચી ગઈ હતી. જોકે, સદનસીબે આ દુર્ઘટનામાં કોઈ જાનહાનિ થઈ નથી.
મુસાફરોમાં મચી અફરાતફરી મળતી માહિતી મુજબ,વહેલી સવારે વિરાર-ભરૂચ મેમુ ટ્રેન ભિલાડ રેલવે સ્ટેશને પહોંચી રહી હતી ત્યારે પ્લેટફોર્મ પર ઊભી રહે તે પહેલાં જ ટ્રેનનું એન્જિન પાટા પરથી ખડી પડ્યું હતું. ઘટના બનતાં જ મુસાફરોના જીવ તાળવે ચોંટી ગયા હતા. બનાવની જાણ થતાં જ રેલવેના ઉચ્ચ અધિકારીઓ અને ટેકનિકલ ટીમ ઘટનાસ્થળે દોડી આવી હતી અને એન્જિનને ફરી પાટા પર લાવવાની કવાયત હાથ ધરી હતી. આ ઘટના કયા કારણોસર બની તે અંગે રેલવે તંત્ર દ્વારા તપાસ શરૂ કરવામાં આવી છે.
પ્લેટફોર્મ પર પહોંચે તે પહેલાં જ એન્જિન પાટા પરથી ઉતર્યું વિરાર-ભરૂચ MEMU ટ્રેન રોજની જેમ વહેલી સવારે ભિલાડ રેલવે સ્ટેશન તરફ આવી રહી હતી. ટ્રેન પ્લેટફોર્મ નંબર-1 પર રોકાવાની હતી, પરંતુ પ્લેટફોર્મ સુધી પહોંચે તે પહેલાં જ એન્જિન અચાનક પાટા પરથી ઉતરી ગયું હતું. ઘટના બનતાં જ ટ્રેનમાં બેઠેલા મુસાફરોમાં ગભરાટ ફેલાઈ ગયો હતો. કેટલાક મુસાફરો તરત જ કોચમાંથી બહાર નીકળવાનો પ્રયાસ કરવા લાગ્યા હતા, જ્યારે સ્ટેશન પર હાજર લોકો પણ ઘટના સ્થળે દોડી આવ્યા હતા. જોકે, ટ્રેનની ગતિ ધીમી હોવાથી કોઈ જાનહાનિ કે ઈજા થઈ નહોતી.
મુંબઈ-અમદાવાદ રેલવે રૂટની ટ્રેન મોડી પડી શકે છે હાલ રેલવે વિભાગ દ્વારા ડિરેલ (પાટા પરથી ઉતરી ગયેલા) થયેલા એન્જિનને ફરી પાટા પર ચડાવવાની કામગીરી યુદ્ધના ધોરણે હાથ ધરવામાં આવી છે. આ ઘટનાના પગલે મુંબઈ-અમદાવાદ રેલવે રૂટ પર ટ્રેન વ્યવહાર અસરગ્રસ્ત બનવાની શક્યતા છે અને કેટલીક ટ્રેનો લાંબા સમય સુધી મોડી પડી શકે છે. રેલવે વિભાગે ઘટનાના કારણોની તપાસ શરૂ કરી છે. પ્રાથમિક તબક્કે કોઈ જાનહાનિ કે ગંભીર નુકસાન થયું નથી, પરંતુ ટ્રેક અને એન્જિનની ટેકનિકલ તપાસ બાદ જ ડિરેલમેન્ટનું ચોક્કસ કારણ સ્પષ્ટ થશે.
રેલવે અધિકારીઓ અને ટેકનિકલ ટીમો તાત્કાલિક સ્થળ પર મળતી માહિતી મુજબ, મેમુ ટ્રેન ભીલાડ રેલવે સ્ટેશન નજીક પહોંચી રહી હતી ત્યારે જ અચાનક એન્જિન પાટા પરથી નીચે ઉતરી ગયું હતું. ટ્રેનમાં રોજિંદા અપડાઉન કરતા કામદારો, નોકરીયાતો તેમજ શાળા-કોલેજના વિદ્યાર્થીઓ મોટી સંખ્યામાં મુસાફરી કરી રહ્યા હતા. ઘટનાની જાણ થતાં જ રેલવે અધિકારીઓ અને ટેકનિકલ ટીમો તાત્કાલિક સ્થળ પર પહોંચી ગઈ હતી.
ભારે વરસાદથી ખોરવાયો હતો ટ્રેક ઉલ્લેખનીય છે કે થોડા દિવસો અગાઉ વલસાડ જિલ્લાના પારડી અને ઉદવાડા વચ્ચે ખડકી નજીક ભારે વરસાદને કારણે રેલવે ટ્રેકની બાજુમાં માટી ધસી પડવાની ઘટના બની હતી. જેના કારણે પણ ટ્રેન વ્યવહારને અસર પહોંચી હતી. હવે ભિલાડ સ્ટેશન પર એન્જિન પાટા પરથી ઉતરવાની ઘટના સામે આવતાં મુસાફરોમાં ફરી એકવાર રેલવે સલામતી અંગે ચિંતા વધી છે. જોકે, રેલવે અધિકારીઓનું કહેવું છે કે ઘટનાની સંપૂર્ણ તપાસ બાદ જરૂરી પગલાં લેવામાં આવશે જેથી ભવિષ્યમાં આવી ઘટનાઓને અટકાવી શકાય.
રેલવે તંત્રે શરૂ કરી તપાસ રેલવે તંત્રે જણાવ્યું છે કે, સમગ્ર ઘટનાની ટેકનિકલ તપાસ હાથ ધરવામાં આવી છે. ટ્રેક, સિગ્નલિંગ સિસ્ટમ અને એન્જિનની સ્થિતિનું વિશ્લેષણ કરવામાં આવી રહ્યું છે. સાથે જ એન્જિનને પાટા પર ચડાવ્યા બાદ ટ્રેકને ફરી કાર્યરત કરવાની કામગીરી પણ ઝડપી ગતિએ હાથ ધરવામાં આવી હતી. આ ઘટનામાં કોઈ જાનહાનિ થઈ ન હોવા છતાં, વ્યસ્ત પશ્ચિમ રેલવે રૂટ પર આવી ઘટના બનતાં સલામતી વ્યવસ્થાને લઈને અનેક સવાલો ઊભા થયા છે. હવે તપાસ અહેવાલ બાદ જ સ્પષ્ટ થશે કે આ દુર્ઘટના પાછળનું ચોક્કસ કારણ શું હતું.
છેલ્લા કેટલાક વર્ષોમાં ઘટનાઓ બની&nbsp; ગુજરાતમાં છેલ્લા કેટલાક વર્ષોમાં રેલવે સંબંધિત કેટલીક નોંધપાત્ર ઘટનાઓ બની ચૂકી છે. ગત જાન્યુઆરીમાં અમરેલી જિલ્લામાં લોકો પાઇલટની સતર્કતાથી પાટા પર મૂકાયેલા અવરોધને કારણે મોટી દુર્ઘટના ટળી હતી. જ્યારે માર્ચ 2025માં અમદાવાદમાં બુલેટ ટ્રેન પ્રોજેક્ટ દરમિયાન બનેલી ઘટનાથી મુંબઈ-અમદાવાદ રૂટની અનેક ટ્રેનો પ્રભાવિત થઈ હતી. હવે ભીલાડ નજીક ભરૂચ MEMU ટ્રેનનું એન્જિન પાટા પરથી ઉતરતાં ફરી એકવાર રેલવે સુરક્ષા અને કામગીરી પર સવાલો ઊભા થયા છે.

ભીલાડ નજીક MEMUનું એન્જિન પાટા પરથી ઉતરતાં અફરાતફરી,રેલવે તપાસ શરૂ

વલસાડમાં મોટી દુર્ઘટના ટળી

Chaitar Vasava Police Defamation Case: ગુજરાતના રાજકારણમાં ખાસ કરીને આદિવાસી બેલ્ટમાં મજબૂત પકડ ધરાવતા આમ આદમી પાર્ટી (AAP) ના ડેડિયાપાડાના ધારાસભ્ય ચૈતર વસાવાની મુશ્કેલીઓમાં સતત વધારો થઈ રહ્યો છે. વન વિભાગના કર્મચારીઓ પર હુમલો કરવાના ચકચારી કેસમાં અદાલતે ફટકારેલી 7 વર્ષની જેલની સજાના આંચકામાંથી હજુ પક્ષ બહાર આવ્યો નથી, ત્યાં ધારાસભ્ય સામે અન્ય એક કાનૂની ગાળિયો કસાયો છે. ગુજરાત પોલીસ વિરૂદ્ધ જાહેર મંચ પરથી વિવાદાસ્પદ અને બદનક્ષીભરી ટિપ્પણી કરવાના મામલે ભરૂચની નામદાર કોર્ટે અત્યંત કડક વલણ અપનાવ્યું છે. કોર્ટે ચૈતર વસાવાને આગામી 29 જુલાઈના રોજ અદાલત સમક્ષ વ્યક્તિગત રીતે હાજર રહેવાનો સ્પષ્ટ આદેશ જાહેર કર્યો છે.
જાહેર મંચ પરથી પોલીસ તંત્રની ગરિમાને ઠેસ પહોંચાડવાનો આરોપ આ સમગ્ર વિવાદની શરૂઆત જુલાઈ 2024 દરમિયાન થઈ હતી. આરોપ અનુસાર, ધારાસભ્ય ચૈતર વસાવાએ એક જાહેર મંચ પરથી સત્તાવાર ફરજ બજાવતા ગુજરાત પોલીસ તંત્ર વિરૂદ્ધ અત્યંત ગંભીર અને વિવાદાસ્પદ નિવેદનો કર્યા હતા. ફરિયાદી પક્ષ અને કાનૂની નિષ્ણાતોના જણાવ્યા અનુસાર, વસાવા દ્વારા કરવામાં આવેલી આ ટિપ્પણીઓ સદંતર પાયાવિહોણી અને કાયદાની મર્યાદા બહારની હતી. આ નિવેદનોના કારણે સમગ્ર પોલીસ વિભાગની ગરિમા, સામાજિક પ્રતિષ્ઠા અને માનભર્યા સ્થાનને મોટું નુકસાન પહોંચ્યું હોવાની વ્યાપક ફરિયાદો ઉઠી હતી. આ ઘટનાને પગલે જિલ્લામાં કાયદો અને વ્યવસ્થાની સ્થિતિ બગડે નહીં તે હેતુથી વસાવા સામે કાનૂની પગલાં ભરવાની તજવીજ તેજ કરવામાં આવી હતી.
એસપીના તપાસ અહેવાલ બાદ ફોજદારી કેસ દાખલ કરાયો ધારાસભ્ય દ્વારા પોલીસ તંત્ર પર લગાવવામાં આવેલા ગંભીર આક્ષેપોને ભરૂચ જિલ્લા પોલીસ વડા (SP) દ્વારા અત્યંત ગંભીરતાથી લેવામાં આવ્યા હતા. તે સમયના એસપી દ્વારા આ બાબતનો એક વિગતવાર અને સત્તાવાર તપાસ અહેવાલ તૈયાર કરવામાં આવ્યો હતો. આ સત્તાવાર તપાસ અહેવાલના મજબૂત આધારોને ધ્યાનમાં રાખીને જ ભરૂચની નામદાર કોર્ટમાં ચૈતર વસાવા વિરૂદ્ધ રીતસરની ફોજદારી ફરિયાદ દાખલ કરવામાં આવી હતી. અદાલતે ગુનાની ગંભીરતા અને લોકપ્રતિનિધિ દ્વારા કરાયેલા જાહેર ઉલ્લંઘનને ધ્યાને લઈને આ કાયદાકીય પ્રક્રિયાને આગળ ધપાવી છે.
સમન્સની બજવણી ન થતાં અદાલતે નવી આખરી મુદત આપી આ પૂર્વે ભરૂચ કોર્ટ દ્વારા ધારાસભ્ય ચૈતર વસાવાને 23 જૂનના રોજ અદાલતમાં હાજર રહેવા માટે સત્તાવાર નોટિસ ફટકારવામાં આવી હતી. જોકે, વસાવા હાલ વનકર્મી હુમલા કેસમાં સજા પામેલા કેદી હોવાના કારણે અને જેલમાં બંધ હોવાથી વહીવટી કારણોસર આ નોટિસની યોગ્ય બજવણી સમયસર થઈ શકી ન હતી. ભરૂચ જિલ્લા સરકારી વકીલ પરેશ પંડ્યાએ કોર્ટ સમક્ષ આ ટેકનિકલ અને વહીવટી બાબતની વિગતવાર કાનૂની રજૂઆત કરી હતી. કોર્ટે સરકારી વકીલની આ રજૂઆતને ગ્રાહ્ય રાખીને જૂની મુદત રદ કરી હતી અને 'ભારતીય નાગરિક સુરક્ષા સંહિતા' (BNSS) ની કાનૂની જોગવાઈઓ હેઠળ આરોપીને પક્ષ રાખવાની તક આપીને હવે આગામી 29 જુલાઈની નવી આખરી તારીખ મુકરર કરી છે.
વનકર્મી હુમલા કેસમાં પત્ની સહિત 9 આરોપીઓને 7 વર્ષની કેદ ચૈતર વસાવા સામેનો અસલી મોટો કાનૂની ફટકો નર્મદા એડીશનલ સેશન્સ કોર્ટ (રાજપીપળા સેશન્સ કોર્ટ) તરફથી આવ્યો છે. વન વિભાગના કર્મચારીઓ પર હુમલો કરવા, હવામાં ફાયરિંગ કરવા અને સરકારી અધિકારીઓને ધમકી આપવાના ચકચારી કેસમાં કોર્ટે ધારાસભ્ય ચૈતર વસાવા, તેમની પત્ની શકુંતલા વસાવા સહિત તમામ 9 આરોપીઓને દોષિત જાહેર કર્યા છે. અદાલતે આ કેસમાં તમામ 4 મહિલા અને 5 પુરૂષ આરોપીઓને 7 વર્ષની સખત કેદની સજા અને પ્રત્યેકને રૂ. 25000 નો દંડ ફટકાર્યો છે. આ ચુકાદા બાદ ચુસ્ત પોલીસ બંદોબસ્ત સાથે ચૈતર વસાવા અને તેમની પત્નીને વડોદરા મધ્યસ્થ જેલ ખાતે ખસેડવામાં આવ્યા છે.
વિપક્ષી નેતાઓનું સમર્થન અને રાજકીય ભવિષ્ય પર સંકટ આ કડક કાનૂની કાયાપલટ બાદ ગુજરાતના રાજકારણમાં ભારે ખળભળાટ મચી ગયો છે. જામજોધપુરના આપના ધારાસભ્ય હેમંત ખવાએ જામનગર સર્કિટ હાઉસ ખાતે તાકીદની પ્રેસ કોન્ફરન્સ યોજીને આ સમગ્ર કાર્યવાહીને રાજકીય દ્વેષભાવથી પ્રેરિત અને લોકશાહી વિરોધી ગણાવી હતી. બીજી તરફ, કોંગ્રેસના આદિવાસી નેતા અને ધારાસભ્ય અનંત પટેલે પણ ચૈતર વસાવાના સમર્થનમાં આવી ભાજપ સરકાર પર આકરા પ્રહારો કર્યા હતા અને ન્યાયપાલિકાની ભૂમિકા સામે સવાલો ઉઠાવ્યા હતા. કાનૂની નિયમો અનુસાર 2 વર્ષ કે તેથી વધુની સજા થવાના કારણે ચૈતર વસાવાનું ધારાસભ્યપદ પણ રદ થવાના આરે છે, ત્યારે 29 જુલાઈની આગામી મુદત તેમના રાજકીય ભવિષ્ય માટે અત્યંત નિર્ણાયક સાબિત થશે.

જેલની સજા બાદ હવે પોલીસની બદનામીના કેસમાં ભરૂચ કોર્ટે પાઠવી નોટિસ

ધારાસભ્ય ચૈતર વસાવા સામે કાનૂની સંકટ

Bharuch Controversy: ભરૂચની ઐતિહાસિક જામા મસ્જિદના વિવાદે હવે મોટું સ્વરૂપ ધારણ કર્યું છે.રાષ્ટ્રીય ધરોહર સમાન આ સ્થળને જૈન તીર્થ અને ચક્રધર સ્વામીની પવિત્ર જન્મસ્થલી તરીકે બચાવવા માટે સંતો અને હિન્દુ સંગઠનો મેદાને આવ્યા છે.આ સંવેદનશીલ મુદ્દે ભરૂચમાં ભવ્ય જનમેદની ઉમટી પડતા સમગ્ર વહીવટી અને પોલીસ તંત્ર દોડતું થઈ ગયું છે.આ વિરોધ પ્રદર્શનમાં માત્ર સ્થાનિક લોકો જ નહીં, પરંતુ સમગ્ર ગુજરાત અને મહારાષ્ટ્રમાંથી પણ મોટી સંખ્યામાં સંતો, મહંતો અને શ્રદ્ધાળુઓ ભરૂચ ખાતે આવી પહોંચ્યા હતા. વિરોધ પ્રદર્શનના ભાગરૂપે હોસ્ટેલ ગ્રાઉન્ડથી એક વિશાળ રેલી શરૂ કરવામાં આવી હતી.&nbsp;
ભારે સૂત્રોચ્ચારો અને ધાર્મિક નારાઓ સાથે આ રેલી કલેક્ટર કચેરીએ પહોંચી હતી, જેના કારણે વાતાવરણ ગરમાયું હતું.સંતોના પ્રતિનિધિમંડળ દ્વારા કલેક્ટરને એક સત્તાવાર આવેદન પત્ર સોંપવામાં આવ્યું હતું. આ સાથે જ આ પવિત્ર સ્થાનની રક્ષા માટે એકત્રિત કરાયેલા હજારો લોકોના હસ્તાક્ષર ધરાવતો પત્ર પણ પ્રશાસનને સુપરત કરાયો હતો. હિન્દુ સંગઠનોનો દાવો છે કે આ સ્થળ મૂળ રાષ્ટ્રીય ધરોહર, જૈન તીર્થ અને ચક્રધર સ્વામીની પવિત્ર જન્મસ્થળ છે. તેના મૂળ અસ્તિત્વ અને ઇતિહાસને બચાવવા માટે સરકાર તાત્કાલિક કાયદાકીય અને કડક પગલાં ભરે તેવી માંગ કરવામાં આવી છે.આ વિવાદ ભારે સંવેદનશીલ હોવાથી અને શહેરમાં અચાનક મોટી જનમેદની એકઠી થવાના કારણે કાયદો અને વ્યવસ્થા જળવાઈ રહે તે માટે પોલીસ કાફલો તૈનાત કરી દેવાયો છે.
ભરૂચમાં ધાર્મિક વિવાદે પકડ્યો વેગ ભરૂચ શહેરમાં આવેલી જામા મસ્જિદ અને તેના ઐતિહાસિક મૂળને લઈને ચાલી રહેલો વિવાદ હવે વધુ ઉગ્ર બનતો જોવા મળી રહ્યો છે. શહેરના શંભુસાગર અને મુનિ સમાજ સહિત વિવિધ જૈન સંતો તેમજ હિન્દુ સંગઠનોએ ઐતિહાસિક જૈન તીર્થના સંરક્ષણની માંગ સાથે વિશાળ રેલી યોજી હતી. મોટી સંખ્યામાં સાધુ-સંતો, મહિલાઓ અને શ્રદ્ધાળુઓ રસ્તા પર ઉતરતા સમગ્ર શહેરમાં આ મુદ્દો ચર્ચાનો વિષય બન્યો હતો.
ઐતિહાસિક વારસો બચાવવા ઉઠ્યો અવાજ જૈન સમાજના આગેવાનોનો દાવો છે કે ભરૂચની જામા મસ્જિદ આવેલી જગ્યા પ્રાચીન સમયમાં જૈન તીર્થસ્થળ તરીકે જાણીતી હતી. સમાજના પ્રતિનિધિઓનું કહેવું છે કે વર્ષો જૂના દસ્તાવેજો, ઐતિહાસિક નોંધો અને પુરાતત્વીય સંદર્ભો આ દાવાને સમર્થન આપે છે. આથી સમગ્ર મુદ્દાની નિષ્પક્ષ તપાસ કરાવી ઐતિહાસિક સત્ય બહાર લાવવાની માંગ ઉઠાવવામાં આવી છે.
પુરાતત્વ વિભાગની નોટિસ બાદ મુદ્દો બન્યો ચર્ચાનો વિષય જુમ્મા મસ્જિદ રાષ્ટ્રીય ધરોહર તરીકે નોંધાયેલ સ્મારક હોવાને કારણે તેની જાળવણી અને સંરક્ષણની જવાબદારી પુરાતત્વ વિભાગ પર આવે છે. સૂત્રોના જણાવ્યા અનુસાર, મસ્જિદના જાળવણી સંબંધિત મુદ્દાઓને લઈને પુરાતત્વ વિભાગ દ્વારા અગાઉ જિલ્લા કલેક્ટરને લેખિત નોટિસ પાઠવવામાં આવી હતી. ત્યારબાદ આ મુદ્દો વધુ ચર્ચામાં આવ્યો હતો. આ સમગ્ર મામલામાં વિવિધ પક્ષો પોતાના-પોતાના દાવા અને રજૂઆતો કરી રહ્યા છે. જોકે, ઐતિહાસિક અને કાનૂની હકીકતો અંગે અંતિમ નિર્ણય સંબંધિત સત્તાધિકારીઓ અને ન્યાયિક પ્રક્રિયા દ્વારા જ સ્પષ્ટ થઈ શકે છે.
કલેક્ટર અને ઉચ્ચ અધિકારીઓએ કર્યું નિરીક્ષણ જિલ્લા કલેક્ટર સહિત વહીવટી અને પોલીસ વિભાગના ઉચ્ચ અધિકારીઓએ પણ જુમ્મા મસ્જિદ વિસ્તારની મુલાકાત લઈને સુરક્ષા વ્યવસ્થાનું નિરીક્ષણ કર્યું હતું. અધિકારીઓએ સ્થળ પર તૈનાત દળોને જરૂરી સૂચનાઓ આપી હતી તેમજ સમગ્ર સ્થિતિ પર નજીકથી નજર રાખવામાં આવી રહી હોવાનું જણાવ્યું હતું. વહીવટી તંત્ર દ્વારા શહેરના નાગરિકોને શાંતિ જાળવવા અને કોઈપણ પ્રકારની અફવાઓથી દૂર રહેવા અપીલ કરવામાં આવી છે. સોશિયલ મીડિયા પર ભ્રામક અથવા ઉશ્કેરણીજનક માહિતી ન ફેલાય તે માટે પણ ખાસ મોનીટરીંગ કરવામાં આવી રહ્યું છે
સંતો અને હિન્દુ સંગઠનોની વિશાળ રેલી આ મુદ્દે જૈન સંતો અને વિવિધ હિન્દુ સંગઠનો દ્વારા ભરૂચમાં વિશાળ રેલીનું આયોજન કરવામાં આવ્યું હતું. હાથમાં બેનરો અને ધ્વજ સાથે મોટી સંખ્યામાં લોકો જોડાયા હતા. રેલી દરમિયાન શાંતિપૂર્ણ રીતે પોતાની માંગણીઓ રજૂ કરવામાં આવી હતી.આયોજકોના જણાવ્યા મુજબ આંદોલનનો મુખ્ય હેતુ કોઈ સમુદાય વિરુદ્ધ નહીં પરંતુ ઐતિહાસિક વારસાના સંરક્ષણ માટે જનજાગૃતિ લાવવાનો છે.ધાર્મિક સંવેદનશીલતાને ધ્યાનમાં રાખીને ભરૂચ શહેરમાં પોલીસ દ્વારા ચુસ્ત બંદોબસ્ત ગોઠવવામાં આવ્યો હતો. રેલીના રૂટ પર પોલીસ તેમજ વહીવટી અધિકારીઓ સતત નજર રાખી રહ્યા હતા. કોઈ અનિચ્છનીય ઘટના ન બને તે માટે વિવિધ વિસ્તારોમાં વધારાની પોલીસ તૈનાત કરવામાં આવી હતી.
શું છે સમગ્ર વિવાદ? જૈન સમાજના કેટલાક આગેવાનોનો દાવો છે કે જામા મસ્જિદનો વિસ્તાર પ્રાચીન જૈન મંદિર અને તીર્થ સાથે જોડાયેલો હતો.બીજી તરફ મુસ્લિમ સમાજના પ્રતિનિધિઓ આ દાવાને નકારી રહ્યા છે અને જામા મસ્જિદને વર્ષોથી ધાર્મિક સ્થળ તરીકે ઓળખાવે છે. બંને પક્ષો દ્વારા પોતાના દાવાના સમર્થનમાં ઐતિહાસિક આધાર રજૂ કરવામાં આવી રહ્યા છે.રેલી બાદ પ્રતિનિધિમંડળ દ્વારા જિલ્લા કલેક્ટરને આવેદનપત્ર પાઠવવામાં આવ્યું હતું. તેમાં સમગ્ર મામલે નિષ્પક્ષ તપાસ કરાવવા, પુરાતત્વ વિભાગના નિષ્ણાતોની સમિતિ રચવા અને ઐતિહાસિક દસ્તાવેજોના આધારે નિર્ણય લેવાની માંગ કરવામાં આવી હતી.
જૈન સમાજમાં ભારે લાગણી જૈન સમાજના આગેવાનોનું કહેવું છે કે આ માત્ર ધાર્મિક નહીં પરંતુ સાંસ્કૃતિક અને ઐતિહાસિક વારસાનો મુદ્દો છે. આથી સરકાર અને સંબંધિત વિભાગો દ્વારા ગંભીરતાથી વિચારણા કરવામાં આવે તેવી અપેક્ષા વ્યક્ત કરવામાં આવી છે.આ સમગ્ર મામલો સોશિયલ મીડિયા પર પણ ચર્ચાનો વિષય બન્યો છે. વિવિધ સંગઠનો અને લોકો પોતાના અભિપ્રાયો વ્યક્ત કરી રહ્યા છે. કેટલાક લોકો ઐતિહાસિક સત્ય બહાર લાવવા તપાસની માંગ કરી રહ્યા છે તો કેટલાક લોકો સામાજિક સૌહાર્દ જાળવવાની અપીલ કરી રહ્યા છે.
&nbsp;

ઐતિહાસિક વારસાના સંરક્ષણ માટે હિન્દુ  અને જૈન સંગઠનોનું વિશાળ જનઆંદોલન

ભરૂચમાં જામા મસ્જિદનો વિવાદ ગરમાયો

Bharuch : ઐતિહાસિક અને ધાર્મિક દૃષ્ટિએ મહત્વ ધરાવતા ભરૂચ શહેરમાં આવેલ જામા મસ્જિદને લઈને ચાલી રહેલો વિવાદ હવે વધુ ગરમાયો છે.'સમરી વિહાર' હોવાનો દાવો કરતી હિન્દુ સંસ્થાઓ અને સંત સમાજે 15 જૂને વિશાળ મહારેલી યોજવાની જાહેરાત કરી છે.આ રેલીમાં માત્ર ગુજરાત જ નહીં પરંતુ મહારાષ્ટ્રના વિવિધ વિસ્તારોમાંથી પણ હજારો ભક્તો અને કાર્યકરો જોડાય તેવી શક્યતા વ્યક્ત કરવામાં આવી રહી છે.સમગ્ર ઘટનાક્રમને લઈને સ્થાનિક પ્રશાસન પણ એલર્ટ મોડ પર આવી ગયું છે અને કાયદો-વ્યવસ્થાની સ્થિતિ જળવાઈ રહે તે માટે વિશેષ તૈયારીઓ શરૂ કરવામાં આવી છે.
શું છે સમગ્ર વિવાદ? ભરૂચની ઐતિહાસિક જામા મસ્જિદને લઈને કેટલાક હિન્દુ સંગઠનો દ્વારા દાવો કરવામાં આવી રહ્યો છે કે આ સ્થળ અગાઉ 'સમરી વિહાર' તરીકે ઓળખાતું હતું અને તેનું ધાર્મિક તેમજ ઐતિહાસિક મહત્વ હિન્દુ પરંપરા સાથે જોડાયેલું છે. આ દાવા બાદ છેલ્લા કેટલાક સમયથી વિવિધ સંગઠનો દ્વારા આ મુદ્દે અભિયાન ચલાવવામાં આવી રહ્યું છે.બીજી તરફ મુસ્લિમ સમાજ અને મસ્જિદ સાથે સંકળાયેલા લોકો આ દાવાઓને નકારી રહ્યા છે અને જામા મસ્જિદને ઐતિહાસિક રીતે મસ્જિદ તરીકે જ ઓળખ આપવામાં આવી હોવાનું જણાવી રહ્યા છે. બંને પક્ષોની અલગ-અલગ માન્યતાઓ વચ્ચે હવે મામલો વધુ ચર્ચાનો વિષય બન્યો છે.
બંધ ચેમ્બરમાંથી મળ્યા જૈન સ્થાપત્યના અવશેષો જાહેર થયેલા વીડિયો અને દાવો કરનારા ધાર્મિક નેતાઓના જણાવ્યા મુજબ, મસ્જિદના ભોંયરામાં એક એવો દરવાજો હતો જે છેલ્લા 700 વર્ષથી ક્યારેય ખોલવામાં આવ્યો ન હતો. પુરાતત્વ વિભાગની પ્રક્રિયા દરમિયાન આ દરવાજો ખોલવામાં આવતા અંદર એક પથ્થરની કોતરણીવાળી વિશાળ શીલા (પિલર) જોવા મળી હતી. આ શીલા પર પ્રાચીન જૈન સ્થાપત્યની અદભુત કોતરણી છે અને તેની અંદર જૈન ધર્મના 19મા તીર્થંકર ભગવાન મલ્લિનાથ તેમજ અન્ય જૈન દેવતાઓની અતિ પ્રાચીન મૂર્તિઓ કંડારેલી હોવાનો દાવો કરાયો છે. જોકે, પુરાતત્વ વિભાગ (ASI) એ હજુ સુધી આ મૂર્તિઓની ચોક્કસ પુરાતત્વીય ઉંમર કે સત્તાવાર ઓળખ અંગે પોતાની આખરી મહોર મારી નથી અને કોઈ સત્તાવાર નિવેદન આપવાથી બચી રહ્યું છે.
ઐતિહાસિક દાવાઓને લઈને ચર્ચા આ વિવાદનો મુખ્ય આધાર ઐતિહાસિક દાવાઓ પર ટકેલો છે. કેટલાક સંશોધકો અને હિન્દુ સંગઠનોનું માનવું છે કે ભરૂચના આ વિસ્તારમાં અગાઉ હિન્દુ ધાર્મિક સંકુલ અથવા સમરી વિહાર અસ્તિત્વમાં હતું. જ્યારે અન્ય ઇતિહાસકારોનું કહેવું છે કે આવા દાવાઓ અંગે સ્પષ્ટ અને સર્વસ્વીકૃત પુરાવાઓ ઉપલબ્ધ નથી.આ મુદ્દે વિવિધ દસ્તાવેજો, પ્રાચીન સંદર્ભો અને ઐતિહાસિક નોંધો અંગે ચર્ચાઓ ચાલી રહી છે. જોકે અંતિમ નિર્ણય કોઈપણ કાયદાકીય અથવા સત્તાવાર પ્રક્રિયા દ્વારા જ શક્ય બનશે.
સોશિયલ મીડિયા પર પણ ચર્ચા તેજ ભરૂચ જામા મસ્જિદ અને સમરી વિહારનો મુદ્દો સોશિયલ મીડિયા પર પણ ભારે ચર્ચાનો વિષય બન્યો છે. વિવિધ પક્ષોના સમર્થકો પોતાના-પોતાના દાવાઓ સાથે પોસ્ટ અને વીડિયો શેર કરી રહ્યા છે. જેના કારણે પ્રશાસન દ્વારા અફવાઓ અને ભડકાઉ સામગ્રી સામે સાવચેતી રાખવા અપીલ કરવામાં આવી છે.સ્થાનિક ધાર્મિક અને સામાજિક આગેવાનો દ્વારા લોકોમાં શાંતિ અને સૌહાર્દ જળવાઈ રહે તે માટે અપીલ કરવામાં આવી છે. તેમનું કહેવું છે કે કોઈપણ પ્રકારના વિવાદનો ઉકેલ કાયદાકીય અને બંધારણીય માધ્યમોથી જ શોધવો જોઈએ.
15 જૂને યોજાશે મહારેલી આ મુદ્દાને લઈને અનેક હિન્દુ સંગઠનો અને સંતો દ્વારા 15 જૂને ભરૂચમાં વિશાળ મહારેલી યોજવાનો નિર્ણય લેવામાં આવ્યો છે.આયોજકોના જણાવ્યા અનુસાર, ગુજરાતના અનેક જિલ્લાઓ ઉપરાંત મહારાષ્ટ્રના નાસિક, ધુળે, જલગાંવ, નંદુરબાર સહિતના વિસ્તારોમાંથી પણ મોટી સંખ્યામાં ભક્તો ભાગ લેશે.રેલીમાં ધાર્મિક આગેવાનો, સામાજિક સંસ્થાઓના પ્રતિનિધિઓ અને વિવિધ સંગઠનોના કાર્યકરો હાજર રહેશે. આયોજકોનું કહેવું છે કે કાર્યક્રમ સંપૂર્ણપણે શાંતિપૂર્ણ રહેશે અને કાયદાકીય મર્યાદાઓનું પાલન કરવામાં આવશે.
પોલીસ અને તંત્ર એલર્ટ મોડમાં રેલીને ધ્યાનમાં રાખીને ભરૂચ જિલ્લા પોલીસ, સ્થાનિક પ્રશાસન અને અન્ય સુરક્ષા એજન્સીઓ સતર્ક બની છે. શહેરના સંવેદનશીલ વિસ્તારોમાં વધારાનો પોલીસ બંદોબસ્ત ગોઠવવાની તૈયારી શરૂ કરવામાં આવી છે.શહેરના મુખ્ય માર્ગો પર પોલીસ પેટ્રોલિંગ વધારાશે.સીસીટીવી અને ડ્રોન દ્વારા નજર રાખવામાં આવશે.બહારથી આવતા લોકોની હિલચાલ પર પણ દેખરેખ રાખવામાં આવશે.સોશિયલ મીડિયા પર ફેલાતી અફવાઓ સામે વિશેષ મોનિટરિંગ કરવામાં આવશે.પ્રશાસન દ્વારા બંને સમાજના આગેવાનો સાથે બેઠક યોજીને શાંતિ જાળવવા માટે અપીલ કરવામાં આવી રહી છે.

'સમરી વિહાર'ના મુદ્દે ગુજરાત-મહારાષ્ટ્રમાંથી ઉમટશે જનમેદની

ભરૂચમાં ધર્મ અને ઇતિહાસ વચ્ચે કયો વિવાદ થયો

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">દેડિયાપાડાના ધારાસભ્ય ચૈતર વસાવાની મુશ્કેલીમાં વધારો થયો છે. બે વર્ષ જૂના કેસમાં ભરૂચ કોર્ટે ચૈતર વસાવાને નોટિસ પાઠવી 23 જૂને હાજર રહેવા આદેશ કર્યો છે. જૂલાઈ-2024માં ચૈતર વસાવાએ ગુજરાત પોલીસ સામે આક્ષેપ કરતું નિવેદન કર્યુ હતું. આ નિવેદનને લઈ ચૈતર વસાવા સામે પોલીસે બદનક્ષીનો કેસ કર્યો હતો. ઝઘડિયા&nbsp;GIDC <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પોલીસ સ્ટેશનમાં તાજેતરમાં નોંધાયેલી બે ફરિયાદો બાદ હવે ભરૂચ કોર્ટે આપેલી નોટિસના પગલે ભરૂચના રાજકારણમાં ગરમાવો આવ્યો છે. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જુલાઈ 2024 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">દરમિયાન ચૈતર વસાવાએ ગુજરાત પોલીસ અંગે વિવાદિત નિવેદન કર્યુ હતું. જાહેર મંચ પરથી ગુજરાત પોલીસની છબીને નુકસાન પહોંચાડે તેવા આક્ષેપો કર્યા હતા. ચૈતર વસાવાના નિવેદન મામલે બદનક્ષીનો મુદ્દો ઉઠતાં કાનૂની કાર્યવાહી શરૂ કરવામાં આવી હતી. બે વર્ષ બાદ ભરૂચ કોર્ટ દ્વારા ગંભીર નોંધ લેવામાં આવી છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ભરૂચની ચીફ કોર્ટમાં ચાલેલા કેસ દરમિયાન મુખ્ય સરકારી વકીલ પરેશ પંડ્યાએ દલીલો કરી હતી. સરકારી વકીલે કોર્ટ સમક્ષ જણાવ્યું હતું કે ધારાસભ્ય ચૈતર વસાવાએ કરેલાં નિવેદનના કારણે પોલીસ તંત્રની પ્રતિષ્ઠાને નુકસાન પહોંચ્યું છે. સરકારી વકીલની દલીલોને ધ્યાનમાં લઈને કોર્ટે આ કેસમાં કાર્યવાહી હાથ ધરી છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ભરૂચ ચીફ કોર્ટે ચૈતર વસાવાને નોટિસ ફટકારી 23 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જૂનના રોજ હાજર રહેવાં આદેશ કર્યો છે. જેના કારણે ભરૂચ જિલ્લામાં ચૈતર વસાવાનો કેસ ચર્ચાસ્પદ બન્યો છે. ભરૂચના તત્કાલિન એસપી મયુર ચાવડાએ રજૂ કરેલા રિપોર્ટના આધારે કાર્યવાહી શરૂ કરવામાં આવી છે. આ રિપોર્ટમાં ધારાસભ્યના નિવેદનને ગંભીર ગણાવી યોગ્ય પગલાં લેવા સૂચવવામાં આવ્યું હતું. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ રિપોર્ટના આધારે સરકારી વકીલે કોર્ટમાં સત્તાવાર ફરિયાદ દાખલ કરી હતી. ચૈતર વસાવાએ આ નિવેદન INDIA <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ગઠબંધનની ઓફિસમાં આપ્યું હતું. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જેમાં તેમણે પોલીસ તંત્ર અંગે કેટલીક ટિપ્પણીઓ કરી હતી. આ નિવેદનો સામે પોલીસ વિભાગે સખત વલણ અપનાવતા હવે મામલો કોર્ટમાં પહોંચ્યો છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">તાજેતરમાં ઝઘડીયા જીઆઈડીસીમાં આવેલી કેમિકલ કંપનીમાં થયેલાં બ્લાસ્ટમાં બે કામદારોના મોત થયા હતા. કામદારોના વળતર મામલે ચૈતર વસાવાએ કંપની મેનેજમેન્ટ સામે આંદોલન કર્યુ હતું. આ સમયે મૃતકના પિતરાઈ ભાઈ વચ્ચે બોલાચાલી થતાં ચૈતર વસાવાએ લાફાવાળી કરી હતી. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">તેના પગલે પોલીસે ચૈતર વસાવા સામે ફરજમાં રૂકાવટ સહિતની બે ફરિયાદો નોંધી હતી. લાફાકાંડનો મામલો હજુ ચાલી રહ્યો છે તેવામાં બે વર્ષ જૂના કેસ સંદર્ભે કોર્ટે નોટિસ પાઠવીને હાજર રહેવા આદેશ કરતાં મામલો ગરમાયો છે.&nbsp;23 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જૂનના રોજ ચૈતર વસાવા હાજર થાય તો કોર્ટ કેવું વલણ અપનાવે છે તેના ઉપર સૌ કોઈની નજર મંડાઈ છે.

ભરૂચ કોર્ટ અને ધારાસભ્ય ચૈતર વસાવાની ફાઈલ તસવીર

વર્ષ 2024માં ગુજરાત પોલીસ અંગે કરેલાં નિવેદન મામલે 23 જૂને હાજર રહેવાં ભરુચ કોર્ટનો આદેશ

ભરૂચ કોર્ટે MLA ચૈતર વસાવાને શા માટે આપી નોટિસ?

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-ansi-language: EN-US; mso-bidi-language: GU;">આમ આદમી પાર્ટીના ધારાસભ્ય ચૈતર વસાવા સાથે નવો વિવાદ શરૂ થયો છે. ભરૂચના ઝઘડિયાની જીઆઈડીસીમાં આવેલી કેમિકલ કંપનીના બ્લાસ્ટમાં મરણ પામેલા રાકેશ વસાવાના પિતરાઈ ભાઈ રાજન વસાવા અને ધારાસભ્ય ચૈતર વસાવા વચ્ચે લાફાવાળી થઈ હતી. મૃતકના ભાઈએ ચૈતર વસાવા સામે પૈસા પડાવવા માટે કંપનીમાં આવ્યા હોવાનો આક્ષેપ કર્યો છે. જ્યારે ચૈતર વસાવાએ સમગ્ર ઘટના મામલે પોલીસની કામગીરી શંકાસ્પદ રહી હોવાનો આક્ષેપ કરી સવાલ ઉઠાવ્યા છે.&nbsp;&nbsp;
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ચૈતર વસાવા સમર્થકો સાથે કંપની પર પહોંચતાં મૃતકના પિતરાઈ ભાઈ રાજન વસાવા અને આમ આદમી પાર્ટીના ધારાસભ્ય ચૈતર વસાવા વચ્ચે લાફાવાળી અને મારામારી થઈ હતી. રોશન વસાવાએ ચૈતર વસાવા સામે માત્ર પૈસા પડાવવા કંપની પર આવ્યા હોવાનો આક્ષેપ કરતાં મામલો ગરમાયો હતો. ત્યારબાદ બોલાચાલી મારામારીમાં પરિણમી હતી. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ભરૂચ જિલ્લાના ઝઘડિયામાં આવેલી જીઆઈડીસીમાં મેટ્રોપોલીટન એક્ઝિકેમ કંપનીમાં તાજેતરમાં લાગેલી આગની ઘટનામાં 2 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કામદારોના મોત થયા હતા. જ્યારે 14 જેટલાં કામદારો દાઝી જતાં સારવાર માટે ખસેડાયા હતા. આ ઘટના મામલે ધારાસભ્ય ચૈતર વસાવા કંપની પર પહોંચતા વાતાવરણ તંગ બન્યું હતું. સ્થાનિક પોલીસે મામલો નિયંત્રણમાં લેવા માટે બળપ્રયોગ કરવાની પણ ફરજ પડી હતી
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ ઘટનાને લઈને સ્થાનિક સ્તરે ભારે તણાવનો માહોલ સર્જાયો છે. ધારાસભ્ય ચૈતર વસાવા પીડિત પરિવારજનો સાથે વાતચીત કરવા સમર્થકો સાથે સ્થળ પર પહોંચ્યા હતા. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જેના કારણે પરિસ્થિતિ વધુ વણસી હતી. સ્થળ પર ભારે હોબાળો સર્જાતાં પોલીસને પરિસ્થિતિ કાબૂમાં લેવા માટે લાઠીચાર્જ કરવાની ફરજ પડી હતી. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ સમયે મૃતકના પરિવારજનોમાં મતભેદ જોવા મળ્યા હતા, તેઓ બે જૂથમાં વહેંચાઈ ગયા હતા. ઘટનામાં મૃત્યુ પામેલા રાકેશ વસાવાના પિતરાઈ ભાઈ રાજન વસાવાએ આક્ષેપ કરતા જણાવ્યું હતું કે, ચૈતર વસાવા માત્ર કંપની પાસેથી પૈસા ઉઘરાવવા માટે આવ્યા છે. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જેના ઘેરા પ્રત્યાઘાતો પડ્યા હતા. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કંપની મેનેજમેન્ટ દ્વારા પીડિતોને યોગ્ય વળતર ચૂકવવાની જાહેરાત કરવામાં આવી હતી. સમગ્ર મામલે તપાસ ચાલી રહી છે અને જવાબદારો સામે કડક કાર્યવાહી કરવાની માંગ ઉઠી રહી છે. ચૈતર વસાવાએ મૃતકોના પરિવારને રૂપિયા 1 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કરોડની સહાય આપવાની માંગ કરી હતી. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">મૃતકના પિતરાઈ ભાઈએ કંપની જોડે સમાધાન થયું હોવા છતાં ચૈતર વસાવા માત્ર પૈસા પડાવવા અને વાતાવરણ ડહોળવા આવ્યા હોવાનો આરોપ લગાવ્યો હતો. જેને લઈને મૃતકના ભાઈ રાજન વસાવા અને ધારાસભ્ય ચૈતર વસાવા વચ્ચે ઝપાઝપી અને લાફાવાળી થઈ હતી. આ ઘટના સોશિયલ મીડિયામાં વાયરલ થતાં મામલો ભારે ચર્ચાસ્પદ બન્યો હતો. જ્યારે ચૈતર વસાવાએ પણ પોલીસની કામગીરી સામે સવાલ ઉઠાવ્યા હતા.&nbsp;

ઝઘડિયાની કેમિકલ કંપની બહાર ચૈતર વસાવા અને મૃતકના ભાઈ વચ્ચે લાફાવાળી થઈ હતી

કેમિકલ બ્લાસ્ટ બાદ મૃતકના પિતરાઈ ભાઈ સાથે જાહેરમાં લાફાવાળી થતાં સ્થિતિ તંગ બની

ઝઘડિયામાં MLA ચૈતર વસાવાનો લાફાનો વિવાદ વકર્યો

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ભરૂચ જિલ્લાના અંકલેશ્વર&nbsp;GIDC <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વિસ્તારમાં ભાડાના મકાનમાંથી MD <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ડ્રગ્સ બનાવાતી ગેરકાયદેસર લેબનો ચોંકાવનારો પર્દાફાશ થયો છે. ભરૂચ સ્પેશિયલ ઓપરેશન ગ્રુપ (SOG)<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ની ટીમે ગુપ્ત માહિતીના આધારે દરોડો પાડી આ સમગ્ર ગેરકાયદેસર પ્રવૃત્તિ બહાર લાવી છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">મળતી માહિતી મુજબ, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અંકલેશ્વર GIDC<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ના રહેણાંક વિસ્તારમાં આવેલી સિદ્ધ કો-ઓપરેટિવ હાઉસિંગ સોસાયટીના બી બ્લોકમાં ભાડે લેવામાં આવેલા ફ્લેટના બાથરૂમમાં ગુપ્ત રીતે લેબોરેટરી તૈયાર કરવામાં આવી હતી. અહીંથી સિન્થેટિક MD <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ડ્રગ્સનું ઉત્પાદન કરવામાં આવતું હતું.
SOG<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ની ટીમે શુક્રવારે મોડી રાત્રે દરોડો પાડતા સમગ્ર સેટઅપ જોઈ ચોંકી ઉઠી હતી. તપાસમાં સામે આવ્યું કે આરોપી એક ફાર્મા કંપનીમાં કેમિસ્ટ તરીકે કામ કરતો હતો. દિવસ દરમિયાન નોકરી અને રાત્રે બાથરૂમમાં બનાવેલી લેબમાં ડ્રગ્સ તૈયાર કરતો હતો.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પ્રાથમિક પૂછપરછમાં આરોપી અનિલ રાખોલિયાએ કબૂલ્યું કે તે વિવિધ કેમિકલ્સ GIDC <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વિસ્તારમાંથી મેળવી અને ઇન્ટરનેટ પરથી માહિતી મેળવી MD <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ડ્રગ્સ બનાવતો હતો. પોલીસે દરોડા દરમિયાન અંદાજે રૂ. 2.44 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">લાખ કિંમતનું 74.88 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ગ્રામ MD <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ડ્રગ્સ તેમજ મોટી માત્રામાં રો મટીરિયલ કબજે કર્યું છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પોલીસે આરોપીની ધરપકડ કરી છે અને તે ડ્રગ્સ કોને સપ્લાય કરવાનું હતું તેમજ આ રેકેટમાં અન્ય કોઈ વ્યક્તિ સંડોવાયેલો છે કે નહીં તેની દિશામાં વધુ તપાસ હાથ ધરી છે. સમગ્ર મામલે ડ્રગ્સ નેટવર્ક સુધી પહોંચવા માટે તપાસ તેજ કરવામાં આવી છે.

અંકલેશ્વર જીઆઈડીસીની એક સોસાયટીના રહેણાંક મકાનમાંથી ડ્રગ્સ બનાવવાની લેબોરેટરી ઝડપાઈ

ફાર્મા કંપનીનો કેમિસ્ટ પોતાના રહેણાંક ઘરના બાથરૂમમાં લેબ બનાવી MD ડ્રગ્સ બનાવતો હતો

અંકલેશ્વર GIDCમાં MD ડ્રગ્સ લેબોરેટરીનો પર્દાફાશ

ભરૂચ શહેરમાં એક મહિલા પોલીસ કોન્સ્ટેબલના આપઘાતની ઘટનાએ પોલીસ તંત્રમાં ચકચાર મચાવી છે. ગત રાત્રિના સમયે ભરૂચ પોલીસ હેડક્વાર્ટર ખાતે આવેલા રહેણાંક રૂમમાં મહિલા કોન્સ્ટેબલે ગળે ફાંસો ખાઈ જીવન ટૂંકાવ્યું હતું.
મૃતકની ઓળખ ભાવનગર જિલ્લાના તળાજા તાલુકાના બોરલા ગામની વતની 27 વર્ષીય પ્રીતિ ઉદેસિંહ પરમાર તરીકે થઈ છે. પ્રીતિ પરમાર છેલ્લા પાંચ વર્ષથી ભરૂચ પોલીસ બેડામાં ફરજ બજાવતા હતા અને હાલ LIB શાખામાં નિયુક્ત હતા.
ઘટનાની જાણ થતા જ પોલીસના ઉચ્ચ અધિકારીઓ તાત્કાલિક હેડક્વાર્ટર પહોંચ્યા હતા. બી ડિવિઝન પોલીસની મદદથી મૃતદેહને નીચે ઉતાર્યા બાદ પોસ્ટમોર્ટમ માટે ભરૂચ સિવિલ હોસ્પિટલ ખસેડવામાં આવ્યો હતો. હાલ તબીબો દ્વારા પેનલ પોસ્ટમોર્ટમ કરવામાં આવી રહ્યું છે.
આપઘાત પાછળનું ચોક્કસ કારણ હજુ અકબંધ છે. બી ડિવિઝન પોલીસે અકસ્માત મોતનો ગુનો નોંધી વધુ તપાસ હાથ ધરી છે. ઘટનાના તમામ પાસાઓને ધ્યાનમાં રાખીને મૃતકના પરિવારજનો તેમજ સહકર્મીઓની પૂછપરછ કરવામાં આવી રહી છે.
આ ઘટનાએ ભરૂચ પોલીસ બેડામાં શોકની લાગણી ફેલાવી છે. તપાસ પૂર્ણ થયા બાદ આપઘાત પાછળનું સાચું કારણ સ્પષ્ટ થવાની શક્યતા છે.
ગઈકાલે વડોદરાથી સમાચાર સામે આવ્યા હતા કે લોકઅપના ટોઇલેટમાં જઈને આરોપીએ પોતાના સ્વેટરની દોરી વડે જ ગળેફફાંસો ખાઈ આપઘાત કર્યો હતો. પ્રશ્ન એ છે શું જાહેર જનતાને સુરક્ષા આપતા પોલીસના મથકો જ હવે અસુરક્ષિત બની ગયા છે ?&nbsp;
વડોદરાની સમગ્ર ઘટના જાણવા અહીં ક્લિક કરો..&nbsp;
<a href="https://benefitnews24.com/gujarati/gujarat/vadodara-accused-commits-suicide-in-panigate-police-lockup/25849">https://benefitnews24.com/gujarati/gujarat/vadodara-accused-commits-suicide-in-panigate-police-lockup/25849</a>&nbsp;

પોલીસ હેડક્વાર્ટરમાં મહિલા કોન્સ્ટેબલનું મોત

ફરજ પૂર્ણ કર્યા બાદ રૂમમાં આપઘાત, પોલીસે અકસ્માત મોતનો ગુનો નોંધ્યો, કારણ જાણવા તપાસ શરૂ

ભરૂચ પોલીસ હેડક્વાર્ટરમાં મહિલા કોન્સ્ટેબલનું મોત

ગુજરાતના રાજકીય ઇતિહાસમાં આદિવાસી પટ્ટો હંમેશા સત્તાનું પ્રવેશદ્વાર રહ્યો છે. આગામી સ્થાનિક સ્વરાજની ચૂંટણીઓને ધ્યાનમાં રાખીને આ વિસ્તારમાં જે પ્રકારે સમીકરણો બદલાઈ રહ્યા છે.
ગુજરાતના રાજકારણમાં જ્યારે પણ પરિવર્તન કે સત્તા ટકાવી રાખવાની વાત આવે છે, ત્યારે 'અંબાજીથી ઉમરગામ' સુધીનો આદિવાસી પટ્ટો કેન્દ્રસ્થાને હોય છે. ગુજરાત વિધાનસભાની ૧૮૨ બેઠકોમાંથી ૨૭ બેઠકો અનુસૂચિત જનજાતિ (ST) માટે અનામત છે, પરંતુ આ પટ્ટાનો પ્રભાવ ૪૦થી વધુ બેઠકો પર સીધો જોવા મળે છે. આગામી સ્થાનિક સ્વરાજની ચૂંટણીના પડઘમ વાગી રહ્યા છે ત્યારે આ વખતે ગરમાવો માત્ર અમદાવાદ, સુરત કે રાજકોટ જેવા મહાનગરોમાં જ નહીં, પરંતુ ડાંગ, નર્મદા, તાપી અને દાહોદના જંગલોમાં પણ સંભળાઈ રહ્યો છે.
<h3 data-path-to-node="6">કોંગ્રેસની 'ઘર વાપસી' અને ભાજપનું 'ગૌરવ'</h3>
એક સમય હતો જ્યારે આદિવાસી પટ્ટો કોંગ્રેસનો અભેદ ગઢ ગણાતો હતો. પરંતુ છેલ્લા એક દાયકામાં ભાજપે 'આદિવાસી ગૌરવ યાત્રા' અને વિવિધ કલ્યાણકારી યોજનાઓ દ્વારા આ ગઢમાં મજબૂત ગાબડું પાડ્યું છે. હાલની સ્થિતિ પર નજર કરીએ તો, કેટલાક મોટા આદિવાસી ચહેરાઓએ તાજેતરમાં કોંગ્રેસનો ખેસ ફરી ધારણ કર્યો છે. આ બદલાવ સૂચવે છે કે કોંગ્રેસ પોતાની ગુમાવેલી જમીન પાછી મેળવવા માટે આક્રમક રણનીતિ અપનાવી રહી છે. બીજી તરફ, ભાજપ સરકારના મંત્રીઓ અને સંગઠન સતત આ વિસ્તારોમાં પ્રવાસ કરીને વિકાસના કામોનું ભાથું પીરસી રહ્યા છે.
<h3 data-path-to-node="8">ચૈતર વસાવા: આદિવાસી રાજકારણનો નવો ચહેરો</h3>
આ વખતના રાજકારણમાં સૌથી મોટું 'એક્સ ફેક્ટર' આમ આદમી પાર્ટીના નેતા અને ડેડીયાપાડાના ધારાસભ્ય ચૈતર વસાવા છે. તેઓ માત્ર એક પક્ષના નેતા તરીકે નહીં, પરંતુ આદિવાસી અસ્મિતાના આક્રમક રક્ષક તરીકે ઉભરી આવ્યા છે. ચૈતર વસાવાએ જે રીતે સ્થાનિક સ્તરે નાના-મોટા નેતાઓને એક તાંતણે બાંધવાનું શરૂ કર્યું છે, તે ભાજપ અને કોંગ્રેસ બંને માટે ચિંતાનો વિષય છે.
તાજેતરમાં તેમણે વિવિધ સ્થાનિક સંગઠનો સાથે બેઠકોનો દોર શરૂ કર્યો છે. આદિવાસી નેતૃત્વની એક ખાસિયત રહી છે કે જ્યારે જળ, જમીન અને જંગલ (Triple J) ના અધિકારોની વાત આવે છે, ત્યારે તેઓ પક્ષીય રાજકારણથી ઉપર ઉઠીને એક થઈ જતા હોય છે. ચૈતર વસાવા આ જ 'સામુદાયિક એકતા'ને પોતાની તાકાત બનાવી રહ્યા છે.
<h3 data-path-to-node="11">સ્થાનિક કનેક્ટની લડાઈ અને યુવા મતદાર</h3>
અત્યારની પરિસ્થિતિનું બારીકાઈથી મૂલ્યાંકન કરીએ તો જણાય છે કે આ વખતે લડાઈ 'હાઈટેક પ્રચાર' કરતા 'સ્થાનિક કનેક્ટ' પર વધુ છે.
<ul data-path-to-node="13">
<li>
ભાજપ: તેમની પાસે સત્તાનું પીઠબળ, પેજ પ્રમુખનું સંગઠન અને અમર્યાદિત સંસાધનો છે.
</li>
<li>
કોંગ્રેસ: તેમની પાસે વર્ષો જૂની કેડર અને આદિવાસી પરિવારો સાથેનો પરંપરાગત નાતો છે.
</li>
<li>
આમ આદમી પાર્ટી: તેમની પાસે ચૈતર વસાવા જેવો ગ્રાઉન્ડ લેવલનો જોશીલો નેતા છે જે સીધો લોકોના પ્રશ્નો ઉઠાવે છે.
</li>
</ul>
પરંતુ આ બધામાં સૌથી નિર્ણાયક પરિબળ 'આદિવાસી યુવા મતદાર' છે. આજનો આદિવાસી યુવાન સોશિયલ મીડિયા પર સક્રિય છે અને તે માત્ર વાયદાઓથી સંતુષ્ટ નથી. તે સ્વાસ્થ્ય સુવિધાઓ, ઉચ્ચ શિક્ષણ અને સ્થાનિક સ્તરે રોજગારીના નક્કર મુદ્દાઓ પર જવાબ માંગી રહ્યો છે. 'બદલાવનો પવન' જો ફૂંકાશે, તો તેનું મુખ્ય કારણ આ યુવા વર્ગની આકાંક્ષાઓ હશે.
શું આદિવાસી પટ્ટો ફરી એકવાર ભાજપ પર ભરોસો મૂકશે? શું કોંગ્રેસ આ વખતે મોટો ઉલટફેર કરવામાં સફળ રહેશે? કે પછી આમ આદમી પાર્ટી આદિવાસી વિસ્તારોમાં ત્રીજા વિકલ્પ તરીકે મજબૂતીથી ઉભરશે? આ સવાલોના જવાબ ભલે ભવિષ્યમાં મળે, પરંતુ એક વાત સ્પષ્ટ છે: આ વખતની સ્થાનિક સ્વરાજની ચૂંટણીમાં આદિવાસી પટ્ટાનું પરિણામ આખા ગુજરાતના રાજકારણની ભાવિ દિશા નક્કી કરશે. અંબાજીથી ઉમરગામ સુધીના આ પટ્ટામાં જે પક્ષ જીતશે, તેનો ૨૦૨૭ની વિધાનસભા ચૂંટણીનો માર્ગ ઘણો સરળ બની જશે.

સત્તાની ચાવી અને પૂર્વપટ્ટીનું મહત્વ

ભાજપ, કોંગ્રેસ અને આપ વચ્ચે ત્રિપાંખિયો જંગ; ચૈતર વસાવા અને બદલાતા સમીકરણો પર ખાસ નજર

આદિવાસી પટ્ટામાં ચૂંટણી પૂર્વે રાજકીય ગરમાવો

ભરૂચ જિલ્લાના જંબુસર તાલુકાના આસરસા ગામ નજીક શનિવારે (6 ડિસેમ્બર) સાંજે આસરસા ખાડીમાં ONGCના ઓઇલ-ગેસ સર્વે માટે જઈ રહેલી બોટ અચાનક પલટી મારી ગઈ હતી. આ દુર્ઘટનામાં બોટ માલિક રોહિતભાઈ વસાવાનું મોત થયું છે, જ્યારે એક શ્રમિક નરેશ રાઠોડ (ઉં.વ. આશરે 30) હજુ લાપતા છે. બાકીના 23 શ્રમિકોને સ્થાનિક માછીમારો અને ગામલોકોએ સુરક્ષિત બહાર કાઢ્યા છે.
<h4 dir="auto">કેવી રીતે થઈ દુર્ઘટના?&nbsp;</h4>
<ul dir="auto">
<li>બોટ આસરસા ખાડીના કિનારેથી માત્ર 50-60 મીટર દૂર ઊભી હતી.</li>
<li>શ્રમિકોને ટ્રેનિંગ આપવા બોટમાં ચઢાવવામાં આવ્યા હતા.</li>
<li>અચાનક ભરતીનું પાણી આવતાં બધા શ્રમિકો એક જ બાજુએ ભેગા થઈ ગયા.</li>
<li>બોટનું બેલેન્સ બગડ્યું અને માત્ર 5-7 સેકન્ડમાં બોટ ઊંધી વળી ગઈ.</li>
<li>બોટ માલિક રોહિતભાઈ કેબિનમાં ફસાઈ ગયા અને બોટ નીચે દબાઈ જતાં તેમનું મોત થયું.</li>
<li>લાઇફ જેકેટ ન પહેરનાર નરેશ રાઠોડ પાણીના પ્રવાહમાં તણાઈ ગયા.</li>
</ul>
<h4 dir="auto">બચાવ કામગીરી</h4>
<ul dir="auto">
<li>ઘટના સ્થળે સ્થાનિક માછીમારો અને ગામના યુવાનોએ તુરંત બચાવ કામગીરી શરૂ કરી.</li>
<li>23 શ્રમિકોને સુરક્ષિત બહાર કાઢી જંબુસર રેફરલ હોસ્પિટલમાં સારવાર અપાઈ.</li>
<li>રોહિતભાઈનો મૃતદેહ બોટમાંથી બહાર કાઢવામાં આવ્યો.</li>
<li>લાપતા નરેશ રાઠોડની શોધખોળ માટે કોસ્ટ ગાર્ડ અને સ્થાનિક પોલીસ-ફાયર બ્રિગેડની ટીમો રવહેલી સવારથી કામે લાગી છે.</li>
</ul>
<h4 dir="auto">પ્રત્યક્ષદર્શીઓના નિવેદન</h4>
મૃતક રોહિતભાઈના પુત્ર પ્રતીક વસાવાએ જણાવ્યું: &ldquo;પાણીની ભરતી આવી એટલે એકસાથે 50-60 લોકો બોટમાં ચઢી ગયા. કોઈએ લાઇફ જેકેટ પણ નહોતા પહેર્યા. બોટ એક તરફ નમી અને પલટી ગઈ. મારા પિતા કેબિનમાં ફસાઈ ગયા.&rdquo;
બચી ગયેલા શ્રમિક ગોપાલ દાસે કહ્યું: &ldquo;અમે લંગર લેવાની તૈયારી કરી રહ્યા હતા, એટલામાં બોટ હલવા લાગી અને 5-7 સેકન્ડમાં જ ઊંધી વળી ગઈ.&rdquo;
<h4 dir="auto">પ્રોજેક્ટની પૃષ્ઠભૂમિ</h4>
<ul dir="auto">
<li>ONGCએ અરબી સમુદ્રમાં ઓઇલ-ગેસ સર્વે માટે એશિયન એનર્જી સર્વિસિસ લિમિટેડને કોન્ટ્રાક્ટ આપ્યો છે.</li>
<li>કંપનીએ આસરસા ગામની 19 બોટ ભાડે લીધી છે.</li>
<li>નવા શ્રમિકોને ટ્રેનિંગ આપવા શનિવારે પહેલી વખત બોટમાં ચઢાવવામાં આવ્યા હતા.</li>
</ul>
જંબુસરના ધારાસભ્ય દેવકુમારસિંહ (ડી.કે.) સ્વામી ઘટના બાદ હોસ્પિટલ પહોંચ્યા અને બચાવ કામગીરીનું નિરીક્ષણ કર્યું.પોલીસે આકસ્મિક મોતનો ગુનો નોંધી વધુ તપાસાત હાથ ધરી છે. લાપતા નરેશ રાઠોડની શોધખોળ ચાલુ છે.

દરિયાકાંઠે બોટ પલટી

બોટ માલિકનું મોત, એક શ્રમિક હજુ લાપતા, 23ને સુરક્ષિત બચાવાયા

જંબુસર નજીક દરિયાકાંઠે બોટ પલટી

AI Scam Detection: Android અને iPhoneમાં સ્કેમ કોલથી બચાવશે આ Safety Features, આજે જ કરો ON AIના વધતા ઉપયોગ સાથે ઓનલાઇન ફ્રોડ અને મોબાઇલ સ્કેમની રીતો પણ વધુ આધુનિક બની રહી છે. સ્કેમર્સ ફેક કોલ, ખોટા મેસેજ, શંકાસ્પદ લિંક અને OTP દ્વારા લોકોને નિશાન બનાવે છે. આવી છેતરપિંડીથી બચવા માટે Google અને Appleએ Android અને iPhoneમાં અનેક સુરક્ષા ફીચર્સ આપ્યા છે.
Google Pixelમાં AI આધારિત Scam Detection શંકાસ્પદ કોલ દરમિયાન સંભવિત સ્કેમની ચેતવણી આપી શકે છે. ભારતમાં આ સુવિધા Pixel 9 અને ત્યારબાદના કેટલાક મોડલ્સ પર ઉપલબ્ધ છે. બીજી તરફ iPhoneમાં Unknown Callers, Spam Calls અને Unknown Sendersને સ્ક્રીન અને ફિલ્ટર કરવાની સુવિધા મળે છે.
Androidમાં સ્કેમથી બચવા માટેના મહત્વના Safety Features
<ol start="1" data-spread="false">
<li style="font-weight: bold;">AI Scam Detectionથી શંકાસ્પદ કોલની ચેતવણી</li>
</ol>
Google Pixelના સપોર્ટેડ ફોનમાં Scam Detection કોલ દરમિયાન સ્કેમર્સ દ્વારા ઉપયોગમાં લેવાતી કેટલીક જાણીતી વાતચીતની પેટર્ન ઓળખીને રિયલ-ટાઇમ ચેતવણી આપી શકે છે.
Google મુજબ Pixel 9 અને ત્યારબાદના મોડલ્સમાં Scam Detection ડિવાઇસ પર જ Gemini Nanoની મદદથી કામ કરે છે. ભારતમાં આ સુવિધા Pixel 9 અને ત્યારબાદના મોડલ્સ માટે ઉપલબ્ધ છે. જોકે Google સ્પષ્ટ કરે છે કે દરેક સ્કેમ કોલ પકડાશે જ એવું નથી અને આ ફીચર 100 ટકા ચોક્કસ નથી.
ક્યાં મળશે: Phone app &gt; Settings &gt; Scam Detection
નોંધ: Scam Detection દરેક Android ફોનમાં ઉપલબ્ધ નથી. તેની ઉપલબ્ધતા ડિવાઇસ, પ્રદેશ અને સોફ્ટવેર પર આધારિત છે.
<ol start="2" data-spread="false">
<li style="font-weight: bold;">Caller ID અને Spam Protection</li>
</ol>
Phone by Googleમાં Caller ID અને Spam Protectionની મદદથી સંભવિત સ્પામ અથવા શંકાસ્પદ કોલની ઓળખ કરવામાં મદદ મળી શકે છે.
આ ફીચર અજાણ્યા અથવા સંભવિત સ્પામ નંબર અંગે ચેતવણી આપી શકે છે, જેથી કોલ સ્વીકારતા પહેલાં સાવચેતી રાખી શકાય. Google Pixelમાં બિલ્ટ-ઇન spam અને scam protection પણ ઉપલબ્ધ છે.
ક્યાં મળશે: Phone app &gt; Settings &gt; Caller ID &amp; spam
<ol start="3" data-spread="false">
<li style="font-weight: bold;">Google Messagesમાં Spam અને Scam Protection</li>
</ol>
Google Messages શંકાસ્પદ મેસેજને ઓળખીને તેને સ્પામ તરીકે ફિલ્ટર કરવામાં મદદ કરે છે. સંભવિત સ્કેમ મેસેજ માટે કેટલીક પરિસ્થિતિમાં ચેતવણી પણ મળી શકે છે.
Google મુજબ Pixel ફોનમાં Messagesની spam protection શંકાસ્પદ મેસેજને અલગ spam folderમાં ખસેડી શકે છે.
ક્યાં મળશે: Google Messages &gt; Settings &gt; Spam protection
<ol start="4" data-spread="false">
<li style="font-weight: bold;">Android 17માં OTPની વધારાની સુરક્ષા</li>
</ol>
OTP ચોરી અથવા OTP hijackingનું જોખમ ઘટાડવા માટે Android 17માં SMS OTP protectionને વધુ વિસ્તૃત કરવામાં આવ્યું છે.
Android 17માં WebOTP અને SMS Retriever formatવાળા OTP મેસેજને અનધિકૃત એપ્સથી સુરક્ષિત રાખવા માટે ત્રણ કલાક સુધીની ઍક્સેસ મર્યાદા લાગુ થઈ શકે છે. Android 17ને target કરતી કેટલીક એપ્સ માટે સામાન્ય SMS OTP પર પણ આ protection લાગુ થાય છે.
આ સુરક્ષાનો હેતુ એવી એપ્સને OTP સુધી તાત્કાલિક પહોંચતા રોકવાનો છે જે તે verification code માટે અધિકૃત recipient નથી.
iPhoneમાં પણ છે સ્કેમ અને Spam Protection
<ol start="1" data-spread="false">
<li style="font-weight: bold;">Unknown Callersને iPhone કરશે Screen</li>
</ol>
iPhoneમાં અજાણ્યા નંબર પરથી આવતા કોલ માટે <code dir="ltr">Ask Reason for Calling</code> વિકલ્પ ઉપલબ્ધ છે. આ સેટિંગ ચાલુ કર્યા બાદ iPhone પહેલા કોલરને તેનું નામ અને કોલ કરવાનું કારણ પૂછે છે. ત્યારબાદ ફોન વાગે છે અને તમે કોલ લેવો કે નહીં તે નક્કી કરી શકો છો.
ક્યાં મળશે: Settings &gt; Apps &gt; Phone &gt; Screen Unknown Callers &gt; Ask Reason for Calling
iPhoneમાં <code dir="ltr">Silence</code> વિકલ્પ પણ છે, જે અજાણ્યા નંબરના કોલને મૌન કરીને voicemail તરફ મોકલી શકે છે.
<ol start="2" data-spread="false">
<li style="font-weight: bold;">Unknown Callersને અલગ ફિલ્ટર કરો</li>
</ol>
iPhoneમાં અજાણ્યા નંબરના કોલને અલગ Unknown Callers listમાં ખસેડી શકાય છે. આથી મહત્વના contacts અને અજાણ્યા નંબર વચ્ચે તફાવત કરવો સરળ બને છે.
ક્યાં મળશે: Settings &gt; Apps &gt; Phone &gt; Call Filtering &gt; Unknown Callers
<ol start="3" data-spread="false">
<li style="font-weight: bold;">Spam Callsને પણ ફિલ્ટર કરી શકાય છે</li>
</ol>
iPhoneમાં carrier દ્વારા ઓળખાયેલા સંભવિત spam અથવા fraud callsને silence કરીને Spam listમાં ખસેડવાની સુવિધા પણ છે. આ વિકલ્પની ઉપલબ્ધતા carrier પર આધારિત હોઈ શકે છે.
ક્યાં મળશે: Settings &gt; Apps &gt; Phone &gt; Call Filtering &gt; Spam
<ol start="4" data-spread="false">
<li style="font-weight: bold;">Unknown Sendersના મેસેજ અલગ રહેશે</li>
</ol>
iPhoneમાં અજાણ્યા લોકો પાસેથી આવતા મેસેજને અલગ Unknown Senders folderમાં ફિલ્ટર કરી શકાય છે. આવા મેસેજ માટે સામાન્ય રીતે નોટિફિકેશન પણ મળતું નથી, જેથી શંકાસ્પદ મેસેજ પર તરત પ્રતિક્રિયા આપવાનું જોખમ ઘટે છે.
ક્યાં મળશે: Messages &gt; Filter &gt; Manage Filtering &gt; Screen Unknown Senders
<ol start="5" data-spread="false">
<li style="font-weight: bold;">શંકાસ્પદ લિંક પર ક્લિક કરતા પહેલાં સાવધાન</li>
</ol>
સ્કેમર્સ ઘણીવાર બેંક KYC, ઇનામ, લોન, એકાઉન્ટ બંધ થવા અથવા પૈસા પરત મળવાના નામે લિંક મોકલે છે. આવી લિંક અજાણ્યા નંબર અથવા વ્યક્તિ પાસેથી આવે તો સીધી ખોલવાને બદલે તેની સત્યતા તપાસવી જરૂરી છે.
ફોનના Safety Features સ્કેમનું જોખમ ઘટાડવામાં મદદ કરે છે, પરંતુ કોઈપણ સુરક્ષા ફીચર સંપૂર્ણ ગેરંટી આપતું નથી.
AI Scam Detection 100 ટકા સુરક્ષા આપે છે?
ના. Google મુજબ Scam Detection દરેક સ્કેમ કોલને ઓળખી શકે એવું નથી અને તેની ચોકસાઈ 100 ટકા નથી. સ્કેમર્સ પોતાની રીતો સતત બદલે છે, તેથી અજાણ્યા નંબર પરથી આવતા કોલમાં સાવચેતી રાખવી જરૂરી છે.
આથી Scam Detection અથવા Spam Protection ચાલુ હોવા છતાં કોઈ વ્યક્તિ સાથે OTP, UPI PIN, પાસવર્ડ, ATM અથવા ક્રેડિટ કાર્ડની વિગતો અને બેંકિંગ માહિતી શેર ન કરવી.
Android અને iPhoneમાં આ Safety Features કેમ મહત્વના છે?
મોબાઇલ ફોન હવે બેંકિંગ, UPI, સોશિયલ મીડિયા અને વ્યક્તિગત માહિતી માટે સૌથી વધુ ઉપયોગમાં લેવાતા ઉપકરણોમાં સામેલ છે. તેથી ફેક કોલ, સ્કેમ મેસેજ, OTP ચોરી અને શંકાસ્પદ લિંકથી બચવા માટે ફોનમાં ઉપલબ્ધ સુરક્ષા ફીચર્સ ચાલુ રાખવા ઉપયોગી બની શકે છે.
Androidમાં AI Scam Detection, Caller ID અને Spam Protection તથા OTP Protection જેવી સુવિધાઓ છે, જ્યારે iPhoneમાં Unknown Call Screening, Spam Filtering અને Unknown Senders Filtering જેવી સુવિધાઓ ઉપલબ્ધ છે. યોગ્ય સેટિંગ્સ સાથે આ ફીચર્સ મોબાઇલ સ્કેમ સામે વધારાની સુરક્ષા આપી શકે છે.

Android અને iPhoneમાં સ્કેમ કોલ, ફેક મેસેજ અને OTP ફ્રોડથી બચવા માટેના ખાસ Safety Features વિશે જાણો.

કોલ પર જ પકડાશે સ્કેમ? Android અને iPhoneમાં છે એવા Safety Features, તમે ON કર્યા છે?

JAMA Blood Group: વૈજ્ઞાનિકોએ શોધ્યું 49મું માનવ બ્લડ ગ્રુપ, ઇઝરાયેલી મહિલાના લોહીથી ખુલ્યું રહસ્ય માનવ બ્લડ ગ્રુપને લઈને વૈજ્ઞાનિકોને મોટી સફળતા મળી છે. JAMA Blood Group Systemને International Society of Blood Transfusion (ISBT) દ્વારા 49મી માન્ય માનવ બ્લડ ગ્રુપ સિસ્ટમ તરીકે સત્તાવાર માન્યતા આપવામાં આવી છે. આ નવી બ્લડ ગ્રુપ સિસ્ટમની શોધ ઇઝરાયેલ અને બ્રિટનની સંશોધક ટીમે એક ઇઝરાયેલી મહિલા અને તેના ભાઈના લોહીના નમૂનાઓમાં જોવા મળેલા અત્યંત દુર્લભ એન્ટિબોડીના અભ્યાસ દરમિયાન કરી હતી.
JAMA બ્લડ ગ્રુપની આ શોધ ખાસ એટલા માટે મહત્વપૂર્ણ છે કારણ કે દુર્લભ બ્લડ ગ્રુપ અથવા દુર્લભ એન્ટિબોડી ધરાવતા દર્દીઓ માટે યોગ્ય રક્ત શોધવું ક્યારેક પડકારજનક બની શકે છે. નવી સિસ્ટમની ઓળખથી આવા દર્દીઓ અને યોગ્ય રક્તદાતાઓને ઓળખવામાં ભવિષ્યમાં મદદ મળી શકે છે.
JAMA Blood Group શું છે?
સામાન્ય રીતે A, B, AB અને O જેવા બ્લડ ગ્રુપ વિશે આપણે વધુ સાંભળીએ છીએ. પરંતુ માનવ લાલ રક્તકણોની સપાટી પર અનેક પ્રકારના એન્ટિજન હોય છે. આ એન્ટિજનના આધારે અલગ-અલગ બ્લડ ગ્રુપ સિસ્ટમ ઓળખવામાં આવે છે. JAMA આવી જ એક નવી બ્લડ ગ્રુપ સિસ્ટમ છે. ISBTએ 2026માં તેને 49મી બ્લડ ગ્રુપ સિસ્ટમ તરીકે માન્યતા આપી છે. ISBTના સત્તાવાર Blood Group Databaseમાં JAMAને સિસ્ટમ નંબર 049 આપવામાં આવ્યો છે અને તેનો સંબંધ F11R gene સાથે છે.
ઇઝરાયેલી મહિલાના લોહીથી કેવી રીતે મળી JAMAની શોધ?
JAMA બ્લડ ગ્રુપની શોધ એક ઇઝરાયેલી મહિલા અને તેના ભાઈના લોહીના નમૂનાઓના અભ્યાસથી થઈ હતી. મહિલાના પ્લાઝ્મામાં એક એવું દુર્લભ alloantibody જોવા મળ્યું, જે અનેક સામાન્ય લાલ રક્તકણો સાથે પ્રતિક્રિયા કરતું હતું. આ અસામાન્ય પ્રતિક્રિયાનું કારણ શોધવા માટે વૈજ્ઞાનિકોએ સેરોલોજિકલ ટેસ્ટિંગ અને આનુવંશિક તપાસ કરી. સંશોધનમાં Whole Exome Sequencingનો પણ ઉપયોગ કરવામાં આવ્યો હતો. આ તપાસથી F11R geneમાં ચોક્કસ genetic variantની ઓળખ થઈ.
F11R gene અને JAM-A પ્રોટીન શું છે?
F11R gene માનવ શરીરમાં Junctional Adhesion Molecule-A એટલે કે JAM-A પ્રોટીન સાથે જોડાયેલો છે. સંશોધકોને જાણવા મળ્યું કે મહિલા અને તેના ભાઈમાં F11R geneના બંને copiesમાં c.644G&gt;A variant હાજર હતો. આ genetic changeને કારણે તેમના લાલ રક્તકણોમાં JAM-Aના Arg215 સાથે જોડાયેલ ચોક્કસ high-prevalence antigen હાજર નહોતું. સંશોધનમાં આ antigenને JAMA બ્લડ ગ્રુપ સિસ્ટમ સાથે જોડવામાં આવ્યું છે. અહીં JAMA અને JAM-A વચ્ચેનો તફાવત સમજવો જરૂરી છે. JAMA નવી બ્લડ ગ્રુપ સિસ્ટમનું નામ છે, જ્યારે JAM-A એ શરીરમાં જોવા મળતું પ્રોટીન છે.
દુર્લભ બ્લડ ગ્રુપમાં રક્ત ચઢાવવું કેમ મુશ્કેલ બને છે?
બ્લડ ટ્રાન્સફ્યુઝન પહેલાં દર્દી અને દાતા વચ્ચે રક્તની સુસંગતતા તપાસવામાં આવે છે. માત્ર A, B, AB અને O અથવા Rh factor પૂરતો નથી. કેટલાક દર્દીઓમાં દુર્લભ antigen સામે antibody બની શકે છે, જે રક્ત ચઢાવતી વખતે પ્રતિક્રિયા પેદા કરી શકે છે. JAMAની શોધમાં પણ દર્દીના પ્લાઝ્મામાં જોવા મળેલા antibodyએ સામાન્ય લાલ રક્તકણો પર રહેલા JAM-Aના ચોક્કસ antigenને ઓળખ્યો હતો. સંશોધન મુજબ દર્દી અને તેના ભાઈમાં આ antigenનો અભાવ હતો.
JAMA બ્લડ ગ્રુપની શોધથી શું ફાયદો થઈ શકે?
નવી બ્લડ ગ્રુપ સિસ્ટમની ઓળખથી દુર્લભ blood group અથવા antibody ધરાવતા દર્દીઓની ઓળખ વધુ ચોક્કસ રીતે કરવામાં મદદ મળી શકે છે. સાથે જ યોગ્ય blood donor શોધવામાં પણ આ પ્રકારની માહિતી ઉપયોગી બની શકે છે. સંશોધનમાં serological testing સાથે genetic testingનો ઉપયોગ કરીને આ દુર્લભ blood group phenotype પાછળનું કારણ શોધવામાં આવ્યું હતું. ભવિષ્યમાં આવી માહિતી transfusion medicineમાં યોગ્ય રક્તની પસંદગી અને દુર્લભ antibody સંબંધિત કેસોના સંચાલનમાં મદદરૂપ થઈ શકે છે.
JAMA પહેલા પણ મળી ચૂક્યાં છે નવા બ્લડ ગ્રુપ
JAMA નવી બ્લડ ગ્રુપ સિસ્ટમ તરીકે સામે આવતી તાજેતરની શોધોમાંથી એક છે. ISBTના સત્તાવાર databaseમાં હાલમાં 49 blood group systems નોંધાયેલા છે. JAMA પહેલાં MAL અને PIGZ જેવી નવી blood group systemsને પણ માન્યતા મળી ચૂકી છે. ISBTના databaseમાં MALને 047, PIGZને 048 અને JAMAને 049 નંબર આપવામાં આવ્યો છે.
માત્ર A, B, AB અને Oથી ઘણું વધારે છે માનવ બ્લડ ગ્રુપ
મોટાભાગના લોકો બ્લડ ગ્રુપ એટલે A+, B+, AB+ અથવા O+ સમજે છે. પરંતુ માનવ લાલ રક્તકણોની સપાટી પર રહેલા અલગ-અલગ antigenને કારણે રક્તની ઓળખ ઘણી વધુ જટિલ છે. ISBTના સત્તાવાર registryમાં અલગ-અલગ blood group systems અને તેમની સાથે જોડાયેલા antigen તથા genetic variantsની માહિતી રાખવામાં આવે છે. JAMAની શોધ બતાવે છે કે માનવ રક્ત અને તેની આનુવંશિક રચના અંગે હજુ પણ મહત્વપૂર્ણ વૈજ્ઞાનિક માહિતી સામે આવી રહી છે. JAMA Blood Groupની આ શોધ ખાસ કરીને દુર્લભ antibody ધરાવતા દર્દીઓ માટે મહત્વપૂર્ણ બની શકે છે. યોગ્ય antigen અને antibodyની ઓળખ રક્ત ચઢાવવાની પ્રક્રિયામાં સુસંગત રક્ત શોધવામાં મદદરૂપ બની શકે છે.

JAMA નામની 49મી માનવ બ્લડ ગ્રુપ સિસ્ટમની શોધ દર્શાવતું વૈજ્ઞાનિક દૃશ્ય. (AI Generated તસ્વીર)

ઇઝરાયેલી મહિલાના લોહીમાં મળેલા દુર્લભ એન્ટિબોડીના અભ્યાસથી JAMA નામની 49મી માનવ બ્લડ ગ્રુપ સિસ્ટમની શોધ થઈ.

49મું માનવ બ્લડ ગ્રુપ મળી આવ્યું, એક મહિલાના લોહીથી કેવી રીતે ખુલ્યું આ રહસ્ય?

Nora Fatehi Bigg Boss 9: નોરા ફતેહીએ Bigg Boss 9માં એન્ટ્રીને લઈને 11 વર્ષ પછી મોટો ખુલાસો કર્યો છે. નોરાએ જણાવ્યું કે શરૂઆતમાં તે સલમાન ખાનના આ રિયાલિટી શોમાં ભાગ લેવા માંગતી નહોતી. પરંતુ એક ખાસ શરત પર તેણે Bigg Boss 9ની ઓફર સ્વીકારી હતી. નોરા માટે આ નિર્ણય બાદમાં તેની કારકિર્દીના મહત્વના વળાંકમાંથી એક બન્યો.
ડિસેમ્બર 2015માં Nora Fatehi Bigg Boss 9માં Wild Card Contestant તરીકે જોડાઈ હતી. તે સમયે નોરા ફિલ્મો અને ગીતોમાં કામ કરી રહી હતી, પરંતુ પોતાના કેટલાક કામના પેમેન્ટને લઈને મુશ્કેલીનો સામનો કરી રહી હતી. તાજેતરના એક પોડકાસ્ટમાં તેણે આ સમયગાળા અને Bigg Bossમાં જોડાવા પાછળની પોતાની શરત વિશે વાત કરી છે.
કામ કર્યું છતાં નોરાને પેમેન્ટ મળતું નહોતું
નોરાએ જણાવ્યું કે તેણે તે સમયગાળા દરમિયાન અનેક ગીતોમાં કામ કર્યું હતું, પરંતુ તેને પોતાના પૈસા સમયસર મળી રહ્યા નહોતા. તેના કહેવા પ્રમાણે, નિર્માતાઓએ કદાચ એજન્સીને પેમેન્ટ કર્યું હતું, પરંતુ તેને પોતાનું પેમેન્ટ મેળવવા માટે રાહ જોવી પડી રહી હતી.
આ જ સમય દરમિયાન તેને Bigg Boss 9માં ભાગ લેવાની ઓફર મળી હતી.
શરૂઆતમાં Bigg Boss કરવાની નોરાએ પાડી હતી ના
નોરાએ કહ્યું કે જ્યારે તેને Bigg Boss માટે ફોન આવ્યો ત્યારે તેણે શરૂઆતમાં ઓફર સ્વીકારવાનો ઇનકાર કર્યો હતો. તે સમયે રિયાલિટી શોને લઈને તેની વિચારસરણી અલગ હતી અને તેને લાગતું હતું કે આ શો તેની કારકિર્દીની દિશા સાથે બંધબેસતો નથી.
પરંતુ જ્યારે તેને શો માટે મળનારા મહેનતાણા વિશે જાણ થઈ ત્યારે તેણે ફરી વિચાર કર્યો. નોરાને સમજાયું કે Bigg Boss તેને મોટી સંખ્યામાં દર્શકો સુધી પહોંચવાનું પ્લેટફોર્મ આપી શકે છે.
નોરાએ Bigg Boss માટે મૂકી હતી આ ખાસ શરત
નોરાના ખુલાસા મુજબ, તે ખરેખર ડાન્સ રિયાલિટી શો Jhalak Dikhhla Jaaમાં ભાગ લેવા માંગતી હતી. તેથી તેણે Bigg Bossના નિર્માતાઓ સમક્ષ શરત મૂકી હતી કે તેને Jhalak Dikhhla Jaaમાં તક આપવામાં આવે તો તે Bigg Boss કરશે.
નોરાએ જણાવ્યું કે તેણે નિર્માતાઓને Jhalak Dikhhla Jaaમાં તક આપવા કહ્યું અને તેના બદલામાં Bigg Bossમાં ભાગ લેવાની તૈયારી દર્શાવી. બાદમાં તેને Jhalak Dikhhla Jaaમાં પણ તક મળી.
Bigg Boss 9માં નોરાની Wild Card Entry
નોરા ફતેહી ડિસેમ્બર 2015માં Bigg Boss 9માં Wild Card Entry તરીકે ઘરમાં પહોંચી હતી. તે શોમાં લાંબા સમય સુધી રહી નહોતી અને જાન્યુઆરી 2016માં બહાર થઈ ગઈ હતી. તે સમયે તેના Wild Card પ્રવેશની માહિતી પણ અહેવાલોમાં નોંધાઈ હતી.
Bigg Boss 9માં નોરા અને પ્રિન્સ નરુલાની નિકટતા પણ ચર્ચામાં રહી હતી. શોમાં બંને વચ્ચેની વાતચીત અને ફ્લર્ટિંગે દર્શકોનું ધ્યાન ખેંચ્યું હતું.
Bigg Boss બાદ Jhalak Dikhhla Jaaમાં પહોંચી નોરા
Bigg Boss 9 પછી નોરા ફતેહી Jhalak Dikhhla Jaa 9માં જોવા મળી હતી. 2016માં શરૂ થયેલી આ સિઝનમાં નોરાએ પણ ભાગ લીધો હતો. આ શોથી નોરાને પોતાની ડાન્સિંગ ટેલેન્ટ દર્શાવવાનું વધુ મોટું પ્લેટફોર્મ મળ્યું. ત્યારબાદ તેની કારકિર્દીમાં ડાન્સ અને ફિલ્મી ગીતોનું મહત્વ સતત વધતું ગયું.
Dilbarથી નોરા ફતેહીને મળી મોટી ઓળખ
નોરા ફતેહીની કારકિર્દીમાં 2018નું વર્ષ મહત્વપૂર્ણ રહ્યું. Satyameva Jayateના Dilbar ગીતથી તેને દેશભરમાં મોટી ઓળખ મળી. ત્યારબાદ Saaki Saaki અને Garmi જેવા ગીતોથી તેની ડાન્સર તરીકેની લોકપ્રિયતા વધુ મજબૂત થઈ.
આજે નોરા ફતેહી અભિનેત્રી, ડાન્સર અને પરફોર્મર તરીકે જાણીતી છે. જોકે, તેની કારકિર્દીના શરૂઆતના તબક્કામાં Bigg Boss 9ની ઓફર અને તેની સાથે જોડાયેલી Jhalak Dikhhla Jaaની શરત એક મહત્વપૂર્ણ ઘટના રહી હતી.
11 વર્ષ પછી સામે આવ્યું Bigg Boss 9નું રહસ્ય
નોરા ફતેહીના તાજેતરના ખુલાસાથી હવે સ્પષ્ટ થાય છે કે Bigg Boss 9માં તેની એન્ટ્રી માત્ર રિયાલિટી શોમાં ભાગ લેવાનો નિર્ણય નહોતો. તેણે આ તકને પોતાની કારકિર્દી માટે ઉપયોગી પ્લેટફોર્મ તરીકે જોઈ હતી અને Jhalak Dikhhla Jaaમાં પહોંચવાની પોતાની ઈચ્છા સાથે તેને જોડીને નિર્ણય લીધો હતો.

નોરા ફતેહીએ Bigg Boss 9માં જોડાવા પાછળની ખાસ શરતનો ખુલાસો કર્યો.

નોરા ફતેહીએ ખુલાસો કર્યો કે શરૂઆતમાં તે Bigg Boss 9 કરવા તૈયાર નહોતી, પરંતુ ખાસ શરત પર શોમાં જોડાઈ અને બાદમાં તેની કારકિર્દીને મોટો વળાંક મળ્યો.

Bigg Boss 9 કે Jhalak Dikhhla Jaa? નોરાએ શોમાં જવા માટે શું શરત મૂકી હતી?

શ્રીલંકા સામેની T20 શ્રેણીમાં 3-0થી ક્લીન સ્વીપ કર્યા બાદ ઈંગ્લેન્ડે ICC પુરુષ T20I ટીમ રેન્કિંગમાં ભારતને પાછળ છોડીને નંબર-1 સ્થાન મેળવી લીધું છે. ઈંગ્લેન્ડ અને ભારત બંનેના રેટિંગ 269 છે, પરંતુ ચોક્કસ ગણતરીમાં ઈંગ્લેન્ડનું રેટિંગ 268.80 છે, જ્યારે ભારતનું રેટિંગ 268.76 છે.
આ માત્ર 0.04 પોઈન્ટના તફાવતને કારણે ઈંગ્લેન્ડ ICC T20I ટીમ રેન્કિંગમાં પ્રથમ સ્થાને પહોંચી ગયું છે. ભારત હવે બીજા સ્થાને છે. શ્રીલંકા સામેની ત્રણેય મેચમાં જીત ઈંગ્લેન્ડ માટે રેન્કિંગની દૃષ્ટિએ પણ મહત્વપૂર્ણ સાબિત થઈ છે.
ICC T20I રેન્કિંગમાં ઈંગ્લેન્ડ નંબર-1 કેવી રીતે બન્યું?
ઈંગ્લેન્ડે શ્રીલંકા સામેની ત્રણ મેચની T20 શ્રેણીમાં એકતરફી પ્રદર્શન કર્યું હતું. ત્રણેય મેચ જીતીને ઈંગ્લેન્ડે શ્રેણી 3-0થી પોતાના નામે કરી. આ પરિણામ બાદ ICC T20I ટીમ રેન્કિંગમાં ઈંગ્લેન્ડનું ચોક્કસ રેટિંગ ભારત કરતા આગળ નીકળી ગયું.
ઈંગ્લેન્ડ પાસે 41 મેચમાંથી 11,021 પોઈન્ટ છે અને તેનું રેટિંગ 268.80 છે. બીજી તરફ ભારત પાસે 64 મેચમાંથી 17,201 પોઈન્ટ છે અને તેનું ચોક્કસ રેટિંગ 268.76 છે. રાઉન્ડ ઓફ કર્યા બાદ બંને ટીમોના રેટિંગ 269 દેખાય છે.
ત્રીજી T20માં શ્રીલંકા માત્ર 124 રનમાં ઓલઆઉટ
શ્રીલંકા સામેની ત્રીજી T20 મેચમાં ઈંગ્લેન્ડે શાનદાર પ્રદર્શન કર્યું હતું. પ્રથમ બેટિંગ કરવા ઉતરેલી શ્રીલંકાની ટીમ 124 રનમાં ઓલઆઉટ થઈ ગઈ હતી.
પથુમ નિસાંકાએ 36 રન અને કામિન્દુ મેન્ડિસે 35 રન બનાવ્યા હતા. આ બંને સિવાય શ્રીલંકાનો કોઈ પણ બેટ્સમેન 20 રન સુધી પહોંચી શક્યો નહોતો.
ઈંગ્લેન્ડ તરફથી સોની બેકર, જોફ્રા આર્ચર અને વિલ જેક્સે બે-બે વિકેટ ઝડપી હતી. 125 રનના લક્ષ્યાંકનો પીછો કરવા ઉતરેલી ઈંગ્લેન્ડની ટીમે શરૂઆતથી જ ઝડપી બેટિંગ કરી હતી.
જોસ બટલર અને હેરી બ્રુકે 39 બોલમાં 85 રનની ભાગીદારી કરીને મેચને એકતરફી બનાવી દીધી હતી. ઈંગ્લેન્ડે 10 ઓવર પૂર્ણ થાય તે પહેલાં જ લક્ષ્યાંક હાંસલ કરીને ત્રીજી T20 પણ જીતી લીધી હતી.
બીજી T20માં ટોમ બેન્ટનની વિસ્ફોટક બેટિંગ
બીજી T20 મેચમાં શ્રીલંકાએ 20 ઓવરમાં 9 વિકેટ ગુમાવીને 145 રન બનાવ્યા હતા. ઈંગ્લેન્ડના લિયામ ડોસને ત્રણ વિકેટ ઝડપી હતી.
જવાબમાં ટોમ બેન્ટને માત્ર 23 બોલમાં અણનમ 52 રનની ઝડપી ઇનિંગ રમી હતી. તેની બેટિંગના આધારે ઈંગ્લેન્ડે લક્ષ્યાંક હાંસલ કરીને મેચ જીતી હતી અને શ્રેણીમાં 2-0ની અજેય લીડ મેળવી હતી.
પ્રથમ T20માં હેરી બ્રુકની અણનમ 114 રનની ઈનિંગ
શ્રીલંકા સામેની પ્રથમ T20 મેચમાં હેરી બ્રુકે શાનદાર બેટિંગ કરીને 49 બોલમાં અણનમ 114 રન બનાવ્યા હતા. બ્રુકે જોસ બટલર સાથે મળીને બીજી વિકેટ માટે 128 રનની ભાગીદારી કરી હતી.
ઈંગ્લેન્ડના પડકારજનક સ્કોરનો પીછો કરતા શ્રીલંકાની ટીમ 135 રનમાં ઓલઆઉટ થઈ ગઈ હતી. દુનિથ વેલ્લાલાગેએ 21 બોલમાં 33 રન બનાવીને શ્રીલંકા તરફથી સૌથી વધુ રન બનાવ્યા હતા.
ICC T20I ટીમ રેન્કિંગમાં ભારત બીજા સ્થાને
શ્રીલંકા સામેની 3-0ની જીત બાદ ઈંગ્લેન્ડ 269ના રેટિંગ સાથે ICC T20I ટીમ રેન્કિંગમાં પ્રથમ સ્થાને છે. ભારત પણ 269ના રેટિંગ સાથે બીજા સ્થાને છે.
ચોક્કસ રેટિંગમાં બંને ટીમો વચ્ચે માત્ર 0.04 પોઈન્ટનો તફાવત છે. ઈંગ્લેન્ડનું રેટિંગ 268.80 અને ભારતનું 268.76 છે.
ICC પુરુષ T20I ટીમ રેન્કિંગ
<ol start="1" data-spread="false">
<li>ઈંગ્લેન્ડ - 41 મેચ, 11,021 પોઈન્ટ, રેટિંગ 269</li>
<li>ભારત - 64 મેચ, 17,201 પોઈન્ટ, રેટિંગ 269</li>
<li>ઓસ્ટ્રેલિયા - 38 મેચ, 9,868 પોઈન્ટ, રેટિંગ 260</li>
<li>ન્યૂઝીલેન્ડ - 50 મેચ, 12,348 પોઈન્ટ, રેટિંગ 247</li>
<li>દક્ષિણ આફ્રિકા - 53 મેચ, 12,881 પોઈન્ટ, રેટિંગ 243</li>
<li>પાકિસ્તાન - 57 મેચ, 13,679 પોઈન્ટ, રેટિંગ 240</li>
<li>વેસ્ટ ઈન્ડિઝ - 56 મેચ, 13,079 પોઈન્ટ, રેટિંગ 234</li>
<li>બાંગ્લાદેશ - 53 મેચ, 11,860 પોઈન્ટ, રેટિંગ 224</li>
<li>શ્રીલંકા - 47 મેચ, 10,334 પોઈન્ટ, રેટિંગ 220</li>
<li>અફઘાનિસ્તાન - 39 મેચ, 8,565 પોઈન્ટ, રેટિંગ 220</li>
</ol>
શ્રીલંકાનું રેટિંગ ઘટ્યું
શ્રેણી શરૂ થાય તે પહેલાં શ્રીલંકા 221 રેટિંગ સાથે નવમા સ્થાને હતું. ઈંગ્લેન્ડ સામે ત્રણેય મેચમાં હાર બાદ શ્રીલંકાનું રેટિંગ ઘટીને 220 થઈ ગયું છે. જોકે ટીમ ICC T20I રેન્કિંગમાં નવમા સ્થાને યથાવત છે.
અફઘાનિસ્તાન પણ 220ના રેટિંગ સાથે 10મા સ્થાને છે.
ઈંગ્લેન્ડની 3-0ની જીતથી ICC રેન્કિંગમાં ફેરફાર
શ્રીલંકા સામેની 3-0ની ક્લીન સ્વીપ બાદ ઈંગ્લેન્ડ હવે ICC T20I રેન્કિંગમાં નંબર-1 ટીમ બની છે. ભારત બીજા સ્થાને છે. બંને ટીમોના રેટિંગ 269 હોવા છતાં ચોક્કસ રેટિંગમાં ઈંગ્લેન્ડ 0.04 પોઈન્ટથી આગળ હોવાથી તેને પ્રથમ સ્થાન મળ્યું છે.

ઈંગ્લેન્ડ ICC T20I રેન્કિંગમાં નંબર-1 અને ભારત બીજા સ્થાને.

શ્રીલંકાને 3-0થી હરાવ્યા બાદ ઈંગ્લેન્ડે ભારતને પાછળ છોડી ICC T20I રેન્કિંગમાં નંબર-1 સ્થાન મેળવ્યું, બંને વચ્ચે માત્ર 0.04 પોઈન્ટનો તફાવત.

0.04 પોઈન્ટનો ખેલ! ભારતને પાછળ છોડીને ઈંગ્લેન્ડ કેવી રીતે બન્યું T20માં નંબર-1?

Rahul Gandhi Indore Visit: મધ્ય પ્રદેશના ઇન્દોરમાં યોજાયેલા &lsquo;છાત્રોની ગૂંજ&rsquo; કાર્યક્રમમાં કોંગ્રેસ નેતા અને લોકસભામાં વિપક્ષના નેતા રાહુલ ગાંધીએ શિક્ષણ વ્યવસ્થા, પરીક્ષા પ્રણાલી, પેપર લીક, સરકારી ભરતી અને યુવાનોના રોજગાર જેવા મુદ્દે કેન્દ્ર સરકાર પર સવાલો ઉઠાવ્યા. 19 સપ્ટેમ્બર 2026ના કાર્યક્રમમાં વિદ્યાર્થીઓ સાથે સંવાદ દરમિયાન રાહુલ ગાંધીએ દાવો કર્યો કે દેશની હાલની વ્યવસ્થા વિદ્યાર્થીઓના પ્રશ્નોથી અસ્વસ્થ છે અને યુવાનોને સવાલ પૂછવાની તક મળવી જોઈએ.
&lsquo;સિસ્ટમ વિદ્યાર્થીઓના સવાલોથી ડરે છે&rsquo; રાહુલ ગાંધીએ કહ્યું કે વિદ્યાર્થીઓ જિજ્ઞાસુ હોય છે અને તેઓ શિક્ષણ, ભરતી તથા દેશની વ્યવસ્થા અંગે પ્રશ્નો પૂછે છે. તેમના જણાવ્યા મુજબ, હાલની &lsquo;સિસ્ટમ&rsquo; સવાલ પૂછનારા વિદ્યાર્થીઓને બદલે સવાલ ન પૂછનારા લોકોને પ્રોત્સાહન આપે છે. આ દરમિયાન તેમણે શિક્ષણ અને અન્ય સંસ્થાઓની કામગીરી અંગે પણ અનેક સવાલો ઉઠાવ્યા.
શિક્ષણ બજેટ અંગે રાહુલ ગાંધીનો દાવો રાહુલ ગાંધીએ શિક્ષણ બજેટને લઈને દાવો કર્યો કે 2014માં શિક્ષણ માટે બજેટનો હિસ્સો 4.6 ટકા હતો, જ્યારે હવે તે 2.6 ટકા થયો છે. તેમણે શિક્ષણ માટે ફાળવાયેલા નાણાંના ઉપયોગ અંગે પણ સવાલ ઉઠાવ્યા અને ગૌતમ અદાણી તથા મુકેશ અંબાણીના નામનો ઉલ્લેખ કર્યો. આ આંકડા અને આરોપો રાહુલ ગાંધીના ભાષણમાં કરાયેલા દાવા તરીકે જ રજૂ કરવામાં આવ્યા છે.
પેપર લીક અને પરીક્ષા વ્યવસ્થા પર સવાલ કાર્યક્રમમાં વિદ્યાર્થીઓએ પેપર લીક, પરીક્ષા અને ભરતી પ્રક્રિયા સાથે જોડાયેલી સમસ્યાઓ રજૂ કરી. રાહુલ ગાંધીએ કહ્યું કે પરીક્ષા વ્યવસ્થામાં ગેરરીતિ કે પેપર લીક થાય તો તેની સીધી અસર મહેનત કરતા વિદ્યાર્થીઓના ભવિષ્ય પર પડે છે. તેમણે પરીક્ષા પ્રણાલીમાં વિશ્વાસ જાળવવાની જરૂરિયાત પર ભાર મૂક્યો. ઇન્દોરના કાર્યક્રમમાં વિદ્યાર્થીઓએ ભરતી પ્રક્રિયામાં વિલંબ અને પરીક્ષાના પરિણામો અંગે પણ પોતાની ચિંતા વ્યક્ત કરી હતી.
શિક્ષક ભરતી અને સરકારી નોકરીનો મુદ્દો રાહુલ ગાંધીએ દેશમાં શિક્ષકોની ખાલી જગ્યાઓ અને શાળાઓના મુદ્દાને પણ પોતાના ભાષણમાં ઉઠાવ્યો. તેમણે દાવો કર્યો કે દેશમાં લગભગ 10 લાખ શિક્ષકની જગ્યાઓ ખાલી છે અને એક લાખ શાળાઓ બંધ થઈ છે. આ દાવાઓ અંગે અન્ય અહેવાલોમાં પણ તેમના ભાષણનો ઉલ્લેખ કરવામાં આવ્યો છે. મધ્ય પ્રદેશના વિદ્યાર્થીઓ અને શિક્ષક ભરતીના ઉમેદવારોએ પણ ભરતીમાં વિલંબ, પરિણામો અને સરકારી નોકરી સંબંધિત મુશ્કેલીઓ અંગે રાહુલ ગાંધી સમક્ષ પોતાની વાત રજૂ કરી હતી.
&lsquo;શિક્ષણ દરેક વિદ્યાર્થીનો અધિકાર&rsquo; રાહુલ ગાંધીએ કહ્યું કે શિક્ષણ દેશના વિકાસનો મહત્વપૂર્ણ આધાર છે અને વિદ્યાર્થીઓને શિક્ષણ સાથે રોજગારની યોગ્ય તક મળવી જોઈએ. તેમણે યુવાનોને પોતાના પ્રશ્નો ઉઠાવવા અને શિક્ષણ તથા ભરતી વ્યવસ્થામાં જવાબદારી અંગે સવાલ પૂછવાની અપીલ કરી. ઇન્દોરના &lsquo;છાત્રોની ગૂંજ&rsquo; કાર્યક્રમમાં શિક્ષણ, પેપર લીક, શિક્ષક ભરતી, સરકારી નોકરી અને યુવાનોના રોજગાર જેવા મુદ્દા ચર્ચામાં રહ્યા. આ મુદ્દાઓને લઈને રાહુલ ગાંધીના નિવેદનો બાદ કેન્દ્ર સરકારની શિક્ષણ અને ભરતી નીતિઓ અંગે રાજકીય ચર્ચા ફરી તેજ બની છે.

ઇન્દોરમાં ‘છાત્રોની ગૂંજ’ કાર્યક્રમમાં રાહુલ ગાંધી

ઇન્દોરમાં રાહુલ ગાંધીના કાર્યક્રમમાં શિક્ષણથી લઈને પેપર લીક અને સરકારી ભરતી સુધી અનેક મુદ્દા ચર્ચામાં આવ્યા!

રાહુલ ગાંધીએ ‘છાત્રોની ગૂંજ’ કાર્યક્રમમાં ઉઠ્યા 5 મોટા મુદ્દા!

CBFC New Film Certification Guidelines: ફિલ્મોમાં ડ્રગ્સ, હિંસા, જાતીય હિંસા અને બાળકો સાથે જોડાયેલા સંવેદનશીલ દ્રશ્યોને લઈને હવે વધુ સ્પષ્ટ નિયમો લાગુ થશે. માહિતી અને પ્રસારણ મંત્રાલયે ફિલ્મ સર્ટિફિકેશન માટે નવી Revised Guidelines જાહેર કરી છે. Central Board of Film Certification (CBFC) માટેની આ નવી ફિલ્મ સર્ટિફિકેશન ગાઈડલાઈન 1991ની જૂની માર્ગદર્શિકાનું સ્થાન લેશે. નવી CBFC ગાઈડલાઈનનો સૌથી મહત્વનો ફેરફાર ડ્રગ્સ અને માદક દ્રવ્યોના દ્રશ્યોને લઈને છે. ફિલ્મમાં નશીલા પદાર્થોના સેવન, ઉપયોગ અથવા હેરફેરને દર્શાવવામાં આવે તો નિર્ધારિત એન્ટી-ડ્રગ ચેતવણી દર્શાવવી પડશે. સાથે જ ફિલ્મમાં દારૂ, ડ્રગ્સના વ્યસન અથવા તમાકુના ઉપયોગને પ્રોત્સાહન આપતા, ન્યાયી ઠેરવતા અથવા મહિમા આપતા દ્રશ્યો ટાળવાના રહેશે.
હિંસા અને જાતીય હિંસા માટે પણ નવા નિયમો નવી ફિલ્મ સર્ટિફિકેશન ગાઈડલાઈન મુજબ હિંસા અથવા અસામાજિક પ્રવૃત્તિઓને પ્રોત્સાહન આપતી કે તેને યોગ્ય ઠેરવતી સામગ્રી સામે CBFCએ સાવચેતી રાખવાની રહેશે. જાતીય હિંસા, છેડતી અથવા મહિલાઓને અપમાનિત કરતા દ્રશ્યોને શક્ય તેટલા ઓછા રાખવાની સૂચના છે. જો આવા દ્રશ્યો વાર્તા માટે જરૂરી હોય તો પણ તેમાં બિનજરૂરી વિગતો ન હોવી જોઈએ.
બાળકો અને પ્રાણીઓ અંગે પણ કડક જોગવાઈ ફિલ્મોમાં બાળકોને હિંસાનો ભોગ બનતા, હિંસા કરતા અથવા હિંસા જોવા માટે મજબૂર કરવામાં આવતા દર્શાવતી સામગ્રી અંગે પણ માર્ગદર્શિકામાં સાવચેતી રાખવામાં આવી છે. બાળ શોષણ દર્શાવતી સામગ્રીથી બચવાની સૂચના આપવામાં આવી છે. આ ઉપરાંત શારીરિક અથવા માનસિક વિકલાંગતા ધરાવતા લોકોનો બિનજરૂરી અપમાન અથવા મજાક ઉડાવતા દ્રશ્યો ટાળવાના રહેશે. પ્રાણીઓ પ્રત્યે બિનજરૂરી ક્રૂરતા અથવા દુર્વ્યવહાર દર્શાવતી સામગ્રી પર પણ ધ્યાન આપવામાં આવશે.
ધાર્મિક, સામાજિક અને રાષ્ટ્રીય સંવેદનશીલતા પર નજર નવી CBFC ગાઈડલાઈન હેઠળ વંશીય, ધાર્મિક અથવા અન્ય સમુદાયનું અપમાન કરતી સામગ્રી અંગે પણ નિયમો છે. સાંપ્રદાયિકતા, અંધશ્રદ્ધા, વૈજ્ઞાનિક વિરોધી વિચારસરણી અથવા રાષ્ટ્રવિરોધી વિચારોને પ્રોત્સાહન આપતી સામગ્રી સામે પણ નિયંત્રણ રાખવામાં આવ્યું છે. કાયદાનો ઉપહાસ કરતી, કોર્ટની ગરિમાને નુકસાન પહોંચાડતી અથવા ભારતની સાર્વભૌમત્વ, અખંડિતતા અને સુરક્ષા સામે જોખમ ઊભું કરતી સામગ્રી અંગે પણ CBFC દ્વારા ચકાસણી કરવામાં આવશે.
U/A 7+, U/A 13+ અને U/A 16+ સર્ટિફિકેટ ફિલ્મોના વય આધારિત પ્રમાણપત્રની વ્યવસ્થા પણ ચાલુ રહેશે. તેમાં U/A 7+, U/A 13+ અને U/A 16+ જેવી કેટેગરીનો સમાવેશ થાય છે. આ વર્ગીકરણનો હેતુ ફિલ્મની સામગ્રી કઈ ઉંમરના દર્શકો માટે યોગ્ય છે તે વધુ સ્પષ્ટ બનાવવાનો છે.
ફિલ્મના શીર્ષકની પણ થશે તપાસ નવી માર્ગદર્શિકા મુજબ CBFC ફિલ્મના શીર્ષકની પણ તપાસ કરશે. ફિલ્મનું નામ ઉશ્કેરણીજનક, અશ્લીલ, વાંધાજનક અથવા પ્રમાણપત્રના નિયમોનું ઉલ્લંઘન કરતું ન હોય તેની ચકાસણી કરવામાં આવશે.
પ્રીતિ ઝિન્ટા, પંકજ ત્રિપાઠી સહિત 18 સભ્યોનું નવું CBFC બોર્ડ નવી ફિલ્મ સર્ટિફિકેશન ગાઈડલાઈનની જાહેરાત સાથે જ CBFCનું પણ પુનર્ગઠન કરવામાં આવ્યું છે. 16 સપ્ટેમ્બર 2026ના રોજ કેન્દ્ર સરકારે 18 સભ્યો સાથે નવા CBFC બોર્ડની રચના કરી હતી. તેમાં પ્રીતિ ઝિન્ટા, પંકજ ત્રિપાઠી, સુનીલ શેટ્ટી, રૂપાલી ગાંગુલી, પલ્લવી જોશી, પ્રિયદર્શન અને રિકી કેજ સહિતના નામ સામેલ છે. નવા બોર્ડની મુદત ત્રણ વર્ષ અથવા આગામી આદેશ સુધી રહેશે. નવી CBFC ફિલ્મ સર્ટિફિકેશન ગાઈડલાઈનથી હવે ડ્રગ્સ, હિંસા, જાતીય હિંસા, બાળ શોષણ અને અન્ય સંવેદનશીલ વિષયો ધરાવતી ફિલ્મોની ચકાસણી માટે વધુ સ્પષ્ટ માપદંડ રહેશે. ખાસ કરીને ડ્રગ્સ સંબંધિત દ્રશ્યોમાં ચેતવણી, સામગ્રીની સંવેદનશીલતા અને વય આધારિત U/A સર્ટિફિકેટ નવી વ્યવસ્થાના મહત્વના મુદ્દા બની રહેશે.

CBFCની નવી ફિલ્મ સર્ટિફિકેશન ગાઈડલાઈન

ડ્રગ્સ, હિંસા, જાતીય હિંસા અને બાળકો સાથે જોડાયેલા દ્રશ્યોને લઈને CBFCએ નવી ગાઈડલાઈન જાહેર કરી

ફિલ્મોના સીનથી લઈને ટાઇટલ સુધી, CBFCએ બદલી નાખ્યા આ નિયમો

Drop in India's Total Fertility Rate: ભારત વિશ્વનો સૌથી વધુ વસ્તી ધરાવતો દેશ છે, પરંતુ દેશની વસ્તીનું ચિત્ર ઝડપથી બદલાઈ રહ્યું છે. ભારતનો કુલ પ્રજનન દર (TFR) હવે 1.9 થયો છે, જે 2.1ના રિપ્લેસમેન્ટ લેવલથી નીચે છે. એટલે એક તરફ ભારતની કુલ વસ્તી હજુ વધી રહી છે, જ્યારે બીજી તરફ નવા જન્મોની સંખ્યા ઘટી રહી છે અને વૃદ્ધ વસ્તીનો હિસ્સો વધી રહ્યો છે. પ્રધાનમંત્રીની આર્થિક સલાહકાર પરિષદ (EAC-PM)ના સપ્ટેમ્બર 2026ના કાર્યકારી પેપર &lsquo;The Ghost of Population Past: How Population Control Persists in India&rsquo;માં ભારતનો ઘટતો પ્રજનન દર, પરિવાર નિયોજન, નસબંધી માટેના પ્રોત્સાહનો અને બે-બાળકના ધોરણ જેવી જૂની વસ્તી નીતિઓનું વિશ્લેષણ કરવામાં આવ્યું છે.
ભારતનો પ્રજનન દર 1.9 થયો, તેનો અર્થ શું? કુલ પ્રજનન દર એટલે એક મહિલા તેના પ્રજનનકાળ દરમિયાન સરેરાશ કેટલા બાળકોને જન્મ આપે છે તેનો અંદાજ. 2.1નો દર સામાન્ય રીતે રિપ્લેસમેન્ટ લેવલ તરીકે ગણવામાં આવે છે. ભારતમાં TFR 1.9 સુધી પહોંચતા લાંબા ગાળે યુવા વસ્તી ઘટવા અને વૃદ્ધ વસ્તી વધવાની સંભાવના અંગે ચર્ચા વધી છે. જોકે, પ્રજનન દર 2.1થી નીચે હોવાનો અર્થ ભારતની કુલ વસ્તી તરત ઘટવા લાગશે એવો નથી. ભૂતકાળના ઊંચા જન્મદરને કારણે દેશમાં મોટી યુવા વસ્તી છે. આ Population Momentumને કારણે નવા જન્મોની સંખ્યા ઘટતી હોવા છતાં કુલ વસ્તી થોડા સમય સુધી વધી શકે છે.
કયા રાજ્યોમાં પ્રજનન દર સૌથી ઓછો છે? EAC-PMના રિપોર્ટ મુજબ ઉત્તર પ્રદેશમાં TFR 2.6 અને બિહારમાં 2.9 છે. આ બંને રાજ્યોને બાદ કરતાં બાકીના ભારતમાં પ્રજનન દર 1.6 આસપાસ છે. દક્ષિણ અને અન્ય કેટલાક રાજ્યોમાં સ્થિતિ વધુ નીચે છે. આંધ્ર પ્રદેશમાં TFR 1.4, તેલંગાણા અને કર્ણાટકમાં 1.5, કેરળ અને તમિલનાડુમાં 1.3 છે. પશ્ચિમ બંગાળમાં 1.3, પંજાબમાં 1.4, મહારાષ્ટ્રમાં 1.4 અને દિલ્હીમાં 1.2નો પ્રજનન દર નોંધાયો છે.
જન્મોની સંખ્યા પણ ઘટી ભારતમાં વાર્ષિક જન્મોની સંખ્યામાં પણ મોટો ઘટાડો થયો છે. EAC-PM મુજબ 2001માં દેશમાં આશરે 2.93 કરોડ જન્મ થયા હતા, જ્યારે 2023માં આ સંખ્યા ઘટીને લગભગ 2.32 કરોડ થઈ હતી. એટલે બે દાયકાથી વધુ સમયમાં વાર્ષિક જન્મોમાં આશરે 20 ટકાનો ઘટાડો થયો છે. આ બદલાવની સીધી અસર દેશના વય માળખા પર પડી શકે છે. ઓછો પ્રજનન દર ધરાવતા રાજ્યોમાં સરેરાશ વય આશરે 35 વર્ષ છે, જ્યારે ભારતની રાષ્ટ્રીય સરેરાશ વય લગભગ 30 વર્ષ છે.
વસ્તી નીતિમાં હવે બદલાવની ચર્ચા EAC-PMના પેપર મુજબ ઓછી પ્રજનન દર ધરાવતા રાજ્યોમાં જૂની વસ્તી નિયંત્રણ નીતિઓની સમીક્ષા જરૂરી બની શકે છે. રિપોર્ટમાં નસબંધી સાથે જોડાયેલા કેટલાક નાણાકીય પ્રોત્સાહનો અને બે-બાળકના ધોરણ આધારિત ગેરલાયકાતો દૂર કરવાની ભલામણ કરવામાં આવી છે. આંધ્ર પ્રદેશમાં બીજા અને ત્રીજા બાળકના જન્મને પ્રોત્સાહન આપતી નીતિ અંગે પણ ચર્ચા થઈ રહી છે. બીજી તરફ, તમિલનાડુમાં ત્રીજા બાળક માટે મહિલા સરકારી કર્મચારીઓની પ્રસૂતિ રજા વધારવાનો નિર્ણય ચર્ચામાં આવ્યો છે.
શું પરિવાર નિયોજન બંધ થશે? EAC-PMનો રિપોર્ટ પરિવાર નિયોજન અથવા ગર્ભનિરોધક સેવાઓ બંધ કરવાની ભલામણ કરતો નથી. રિપોર્ટ પરિવાર નિયોજનને આરોગ્ય, બાળકો વચ્ચે યોગ્ય અંતર અને વ્યક્તિગત પસંદગી સાથે જોડે છે. મુખ્ય મુદ્દો એ છે કે &lsquo;Family Planning&rsquo; અને &lsquo;Population Control&rsquo;ને એક જ બાબત તરીકે ન જોવી જોઈએ. ભારતની વસ્તી હવે માત્ર સંખ્યાનો મુદ્દો નથી. ઘટતો પ્રજનન દર, યુવા વસ્તી, વૃદ્ધાવસ્થા, કામકાજની વસ્તી અને રાજ્ય પ્રમાણે બદલાતી ડેમોગ્રાફિક સ્થિતિ આગામી વર્ષોમાં ભારતની નીતિ અને અર્થતંત્ર માટે મહત્વપૂર્ણ મુદ્દા બની શકે છે.

ભારતમાં પ્રજનન દર ઘટીને 1.9 થયો

EAC-PMના રિપોર્ટમાં સામે આવેલા આંકડા અને બદલાતી વસ્તી નીતિ પાછળની આખી કહાની

ભારતનો પ્રજનન દર 1.9: ઘટતા જન્મદર વચ્ચે હવે બદલાશે વસ્તી નીતિ?

Asian Games 2026: એશિયન ગેમ્સ 2026 માટે જાપાન જવા રવાના થાય તે પહેલાં ભારતીય પુરુષ ક્રિકેટ ટીમ સામે કિટ અને રહેવાની વ્યવસ્થાને લઈને કેટલીક મુશ્કેલીઓ સામે આવી છે. શ્રેયસ ઐયરની આગેવાની હેઠળની ટીમના કેટલાક ખેલાડીઓ હજુ યોગ્ય કદની સત્તાવાર Asian Games kitની રાહ જોઈ રહ્યા હતા. આ મુદ્દે ભારતીય ક્રિકેટ કંટ્રોલ બોર્ડ (BCCI), ભારતીય ઓલિમ્પિક એસોસિએશન (IOA) અને IOAના કિટ સપ્લાયર JSW Inspire વચ્ચે સતત સંકલન ચાલી રહ્યું હતું. જોકે, તાજા અહેવાલો મુજબ મોટાભાગની કિટ-sizing સમસ્યા ઉકેલાઈ ગઈ છે અને બાકીની કિટ પણ ટૂંક સમયમાં પહોંચાડવાની પ્રક્રિયા ચાલી રહી હતી.
ટીમ ઈન્ડિયાને જાપાનમાં બે અલગ જર્સી પહેરવાની રહેશે ભારતીય પુરુષ ક્રિકેટ ટીમને જાપાન પ્રવાસ દરમિયાન બે અલગ પ્રકારની જર્સીની જરૂર પડશે. ટીમ 22 સપ્ટેમ્બરે જાપાન સામે રમાનારી એકમાત્ર T20 મેચમાં પોતાની નિયમિત ભારતીય ટીમની કિટમાં મેદાનમાં ઉતરશે. ત્યારબાદ 28 સપ્ટેમ્બરથી એશિયન ગેમ્સ ક્રિકેટ સ્પર્ધામાં ટીમ સત્તાવાર Asian Games jersey પહેરશે. બે અલગ કિટની જરૂરિયાતને કારણે ખેલાડીઓના કદ અને કિટની ઉપલબ્ધતા અંગે વધારાના સંકલનની જરૂર પડી હોવાનું અહેવાલોમાં જણાવાયું છે.
મોટાભાગની કિટ સમસ્યા ઉકેલાઈ, થોડા ખેલાડીઓની કિટ બાકી IOA સાથે જોડાયેલા સૂત્રોના જણાવ્યા મુજબ, ભારતીય ક્રિકેટરોની કિટના કદને લઈને સમસ્યા ઊભી થઈ હતી, પરંતુ મોટાભાગની સમસ્યાઓનું નિરાકરણ કરવામાં આવ્યું છે. થોડા ખેલાડીઓની યોગ્ય કદની કિટ હજુ બાકી હતી અને તેને ટીમ સુધી પહોંચાડવાની પ્રક્રિયા ચાલી રહી હતી. તેથી ભારતીય પુરુષ ક્રિકેટ ટીમના જાપાન પ્રવાસ પહેલાં કિટ સંબંધિત મોટાભાગની વ્યવસ્થા પૂર્ણ થઈ ગઈ હોવાનું સામે આવ્યું છે.
BCCIએ નાગોયામાં પુરુષ ટીમ માટે અલગ હોટેલ કરી કિટ ઉપરાંત ભારતીય પુરુષ ક્રિકેટ ટીમની Nagoyaમાં રહેવાની વ્યવસ્થા પણ ચર્ચામાં આવી છે. આયોજકો દ્વારા આપવામાં આવેલા કેટલાક રૂમમાં ક્રિકેટ કિટ બેગ રાખવા માટે પૂરતી જગ્યા ન હોવાની માહિતી સામે આવી હતી. આ ઉપરાંત એશિયન ગેમ્સ માટે જાપાન પહોંચેલા કેટલાક ભારતીય ખેલાડીઓને રહેવાની વ્યવસ્થા મેળવવામાં વિલંબનો સામનો કરવો પડ્યો હતો. આ સ્થિતિને ધ્યાનમાં રાખીને BCCIએ ભારતીય પુરુષ ક્રિકેટ ટીમ માટે અલગ હોટેલની વ્યવસ્થા કરી છે. બીજી તરફ ભારતીય મહિલા ક્રિકેટ ટીમ IOA દ્વારા કરવામાં આવેલી રહેવાની વ્યવસ્થામાં રહી રહી છે.
એશિયન ગેમ્સ 2026માં ક્યારે રમશે ટીમ ઈન્ડિયા? શ્રેયસ ઐયરની આગેવાની હેઠળની ભારતીય પુરુષ ક્રિકેટ ટીમ એશિયન ગેમ્સ 2026માં સીધી ક્વાર્ટર ફાઇનલમાં પ્રવેશ કરશે. ભારતની પુરુષ ક્રિકેટ સ્પર્ધાની શરૂઆત 28 સપ્ટેમ્બરે થશે. ભારતને સીધી ક્વાર્ટર ફાઇનલમાં પ્રવેશ મળ્યો છે, જ્યારે અન્ય ટીમો ગ્રુપ સ્ટેજમાંથી આગળ વધશે. ભારત 2023ની હાંગઝોઉ એશિયન ગેમ્સમાં પુરુષ ક્રિકેટનું ગોલ્ડ મેડલ જીતી ચૂક્યું છે. હવે 2026ની એશિયન ગેમ્સમાં ટીમ ઈન્ડિયા પોતાનું ટાઇટલ જાળવી રાખવા માટે મેદાનમાં ઉતરશે. આ રીતે એશિયન ગેમ્સ 2026 શરૂ થાય તે પહેલાં ભારતીય પુરુષ ક્રિકેટ ટીમની કિટ અને Nagoyaમાં રહેવાની વ્યવસ્થાને લઈને પ્રશ્નો સામે આવ્યા છે. મોટાભાગની કિટ-sizing સમસ્યા ઉકેલાઈ ગઈ છે અને BCCIએ પુરુષ ટીમ માટે અલગ હોટેલની વ્યવસ્થા કરી છે. હવે ટીમનું ધ્યાન જાપાન પહોંચ્યા બાદ 22 સપ્ટેમ્બરની T20 મેચ અને ત્યારબાદ 28 સપ્ટેમ્બરથી શરૂ થનારી Asian Games cricket competition પર રહેશે.

એશિયન ગેમ્સ 2026 પહેલા ટીમ ઈન્ડિયાની ક્રિકેટ કિટને લઈને સર્જાયેલી સ્થિતિ

કેટલાક ખેલાડીઓની કિટ હજુ બાકી હતી અને નાગોયામાં રહેવાની વ્યવસ્થાને લઈને પણ સવાલો ઊભા થયા

એશિયન ગેમ્સ 2026 પહેલા ખેલાડીઓ માટે ઊભી થઈ વિચિત્ર સમસ્યા

Gujarat Govt Officer Extension Policy Controversy: સરકારી નોકરીમાં નિવૃત્તિની ઉંમર બાદ અધિકારીઓને એક્સટેન્શન આપવાના મુદ્દે કેન્દ્રીય મંત્રી સી.આર. પાટીલે 19 સપ્ટેમ્બરે સુરતમાં મહત્વનું નિવેદન આપ્યું હતું. સુરતના સરસાણા કન્વેન્શન સેન્ટરમાં યોજાયેલા રોજગાર મેળામાં યુવાઓને સંબોધતા પાટીલે કહ્યું હતું કે, તેઓ નોકરીના અંતિમ સમયમાં આપવામાં આવતા એક્સટેન્શનના સખત વિરોધી છે. તેમના મતે, એક્સટેન્શનના કારણે નવી પેઢીના યુવાનોના હકો અને સરકારી નોકરીની તકો પર અસર પડે છે. પરંતુ પાટીલના આ નિવેદન સાથે ગુજરાત સરકારના તંત્રમાં નિવૃત્તિ બાદ પણ અધિકારીઓની ચાલુ રહેતી જવાબદારીઓનો મુદ્દો ફરી ચર્ચામાં આવ્યો છે. મુખ્યમંત્રી કાર્યાલય એટલે કે CMOની સત્તાવાર વેબસાઇટ પર જ અનેક નિવૃત્ત અધિકારીઓ વિવિધ મહત્વની જવાબદારીઓ સંભાળતા હોવાનું સામે આવ્યું છે. એટલે સવાલ એ છે કે પાટીલ જે એક્સટેન્શનની નીતિનો વિરોધ કરી રહ્યા છે, તેની સામે ગુજરાતના વહીવટી તંત્રમાં નિવૃત્તિ બાદની નિમણૂકોનું ચિત્ર કઈક અલગ કહે છે.
&lsquo;એક્સટેન્શનથી યુવાનોનો એક વર્ષનો અધિકાર છીનવાઈ જાય છે&rsquo; રોજગાર મેળામાં સી.આર. પાટીલે કહ્યું હતું કે, ઘણીવાર 30થી 35 વર્ષના અનુભવનો લાભ લેવા માટે અધિકારીઓને વધુ સમય આપવામાં આવે છે. પરંતુ આ પ્રક્રિયાની અસર યુવા પેઢી પર પડે છે. તેમના કહેવા પ્રમાણે, જો કોઈ કર્મચારીને એક વર્ષનું એક્સટેન્શન આપવામાં આવે તો તે સમયગાળામાં નિયુક્તિની રાહ જોઈ રહેલા યુવાનોની તક ઘટી શકે છે. પાટીલે ખાસ કરીને કહ્યું હતું કે, ઉંમરમાં માત્ર એક દિવસનો વધારો પણ કોઈ લાયક યુવાનને સરકારી નોકરીની તકથી વંચિત કરી શકે છે. તેથી નિવૃત્તિ બાદ આપવામાં આવતા એક્સટેન્શન અંગે તેમણે સ્પષ્ટ વિરોધ વ્યક્ત કર્યો હતો.
CMOની યાદીમાં નિવૃત્ત અધિકારીઓની હાજરી હવે આ નિવેદન વચ્ચે ગુજરાત CMOની સત્તાવાર માહિતી પર નજર કરીએ તો મુખ્યમંત્રી કાર્યાલયમાં નિવૃત્ત અધિકારીઓ વિવિધ જવાબદારીઓ સાથે જોડાયેલા હોવાનું જોવા મળે છે. CMOની ઉપલબ્ધ સત્તાવાર યાદી પ્રમાણે એસ.એસ. રાઠોર એડવાઇઝર, ડી.કે. પારેખ ઓફિસર ઓન સ્પેશિયલ ડ્યુટી, ડી.આર. ત્રિવેદી એડિશનલ સેક્રેટરી, જે.પી. મોઢા જોઈન્ટ સેક્રેટરી, ચૈતન્ય શાહ ઓફિસર ઓન સ્પેશિયલ ડ્યુટી અને ઉદય વૈષ્ણવ ડેપ્યુટી ડાયરેક્ટર ઓફ ઇન્ફોર્મેશન તરીકે જવાબદારી સંભાળી રહ્યા હોવાનું દર્શાવવામાં આવે છે. આંકડા મુજબ CMOમાં કુલ 18 અધિકારીઓની યાદીમાં 7 અધિકારીઓ નિવૃત્તિ બાદ પણ વિવિધ જવાબદારીઓ સાથે જોડાયેલા હોવાનું જણાવાયું છે.
હસમુખ અઢિયા અને એસ.એસ. રાઠોરના કિસ્સા પણ ચર્ચામાં નિવૃત્તિ બાદ સરકારી જવાબદારી સંભાળવાના કિસ્સામાં ડૉ. હસમુખ અઢિયાનું નામ પણ મહત્વનું છે. તેઓ નવેમ્બર 2018માં નિવૃત્ત થયા બાદ જાન્યુઆરી 2023થી ગુજરાતના મુખ્યમંત્રીના પ્રિન્સિપલ એડવાઇઝર તરીકે સેવા આપી રહ્યા છે. આ ઉપરાંત તેઓ GIFT City, GACL અને GMDC જેવી રાજ્યની સંસ્થાઓ સાથે પણ જોડાયેલા રહ્યા છે. એસ.એસ. રાઠોર પણ નિવૃત્ત અધિકારી તરીકે CMOમાં એડવાઇઝરની જવાબદારી સંભાળી રહ્યા છે. ગુજરાત મેરીટાઇમ બોર્ડની સત્તાવાર માહિતીમાં પણ તેઓ ચેરમેન અને મુખ્યમંત્રીના એડવાઇઝર તરીકે દર્શાવવામાં આવ્યા છે.
CMO બહાર પણ નિવૃત્તિ બાદ પુનઃનિમણૂકના કિસ્સા આ મુદ્દો માત્ર CMO પૂરતો સીમિત નથી. નિવૃત્તિ બાદ કરાર આધારિત અથવા અન્ય રીતે સરકારી જવાબદારી સંભાળવાના કિસ્સા અન્ય વિભાગોમાં પણ જોવા મળે છે. પી.આર. પટેલિયાને 31 માર્ચ 2026ની નિવૃત્તિ બાદ 1 એપ્રિલ 2026થી એક વર્ષ માટે કરાર આધારિત માર્ગ અને મકાન વિભાગના સચિવ તરીકે પુનઃનિયુક્ત કરવામાં આવ્યા હતા. 29 ઓગસ્ટ 2026ની બે સરકારી નોટિફિકેશન મુજબ કે.બી. રબાડિયા અને પી.સી. વ્યાસને પણ નિવૃત્તિ બાદ મહત્વની સરકારી જવાબદારીઓ માટે કરાર આધારિત સેવા-વિસ્તરણ આપવામાં આવ્યું હતું. રબાડિયાને સરદાર સરોવર નર્મદા નિગમના ડિરેક્ટર તરીકે, જ્યારે પી.સી. વ્યાસને નર્મદા, જળસંપત્તિ, પાણી પુરવઠા અને કલ્પસર વિભાગના સચિવ તરીકે 31 ઓગસ્ટ 2027 સુધી જવાબદારી સોંપવામાં આવી હતી. એમ.કે. દવેનું નામ પણ તાજેતરના કિસ્સાઓમાં આવે છે. ગાંધીનગર કલેક્ટર તરીકે નિવૃત્ત થયા બાદ જુલાઈ 2026માં તેમને રાજ્યપાલના સચિવ તરીકે એક વર્ષ માટે કરાર આધારિત નિમણૂક આપવામાં આવી હતી.
કૈલાશનાથનથી વિકાસ સહાય સુધીના ઉદાહરણ નિવૃત્તિ બાદ લાંબા સમય સુધી મહત્વની સરકારી જવાબદારી સંભાળવાનું મોટું ઉદાહરણ કે. કૈલાશનાથનનું રહ્યું છે. 2013માં IASમાંથી નિવૃત્ત થયા બાદ તેઓ CMOમાં ચીફ પ્રિન્સિપલ સેક્રેટરી તરીકે લાંબા સમય સુધી કાર્યરત રહ્યા અને જૂન 2024માં CMOમાંથી વિદાય લીધી. બીજી તરફ, ગુજરાતના તત્કાલીન DGP વિકાસ સહાયને પણ તેમની નિવૃત્તિના દિવસે જ છ મહિનાનું એક્સટેન્શન આપવામાં આવ્યું હતું. 1989 બેચના IPS અધિકારી વિકાસ સહાય 30 જૂન 2025ના રોજ નિવૃત્ત થવાના હતા, પરંતુ તેમની સેવા 31 ડિસેમ્બર 2025 સુધી લંબાવવામાં આવી હતી. પાટીલના નિવેદન બાદ હવે ચર્ચા માત્ર &lsquo;એક્સટેન્શન આપવું કે નહીં&rsquo; પૂરતી નથી. એક તરફ યુવાનોના અધિકાર અને રોજગારની તકોનો મુદ્દો છે, તો બીજી તરફ સરકાર માટે લાંબા અનુભવ ધરાવતા અધિકારીઓની સેવાઓનો ઉપયોગ કરવાનો તર્ક પણ છે. પરંતુ પાટીલના નિવેદન બાદ સામે આવેલા આ સરકારી આંકડા અને ઉદાહરણો વચ્ચેનો તફાવત ચોક્કસપણે ચર્ચાનો વિષય બન્યો છે.

CR પાટીલે નિવૃત્તિ બાદ અધિકારીઓને એક્સટેન્શન આપવા અંગે વિરોધ વ્યક્ત કર્યો

CR પાટીલે નિવૃત્તિ બાદ અધિકારીઓને Extension આપવાનો વિરોધ કર્યો

CR પાટીલ બોલ્યા ‘Extension નહીં’, શું ગુજરાત સરકાર માનશે વાત?

WhatsApp Storage Full: તમારા ફોનમાં વારંવાર &lsquo;Storage Full&rsquo;નો મેસેજ આવે છે? WhatsAppના ફોટા, વીડિયો, ડોક્યુમેન્ટ, GIF અને ફોરવર્ડેડ મીડિયા તમારા ફોનની સ્ટોરેજ ઝડપથી ભરી શકે છે. એટલું જ નહીં, સ્ટોરેજ અથવા ક્લાઉડ સ્પેસ ઓછી થવાથી WhatsApp Backupમાં પણ મુશ્કેલી આવી શકે છે.
જો તમે WhatsAppનું સ્ટોરેજ ખાલી કરવા માંગો છો, તો કોઈ થર્ડ-પાર્ટી Cleaner App ઇન્સ્ટોલ કરવાની જરૂર નથી. WhatsAppમાં જ Manage Storage નામનું બિલ્ટ-ઇન ટૂલ આપવામાં આવ્યું છે. આ ફીચરથી તમે સૌથી વધુ જગ્યા લેતી ફાઇલો શોધી શકો છો અને બિનજરૂરી ફોટા, વીડિયો તથા અન્ય મીડિયા ડિલીટ કરીને ફોનમાં જગ્યા બનાવી શકો છો.
WhatsApp Storage Manager શું છે?
WhatsApp Storage Manager અથવા Manage Storage
&nbsp;WhatsAppનું બિલ્ટ-ઇન સ્ટોરેજ મેનેજમેન્ટ ફીચર છે. તેની મદદથી WhatsAppની મીડિયા ફાઇલો કેટલી સ્ટોરેજ લઈ રહી છે તે જોઈ શકાય છે.
આ ફીચર દ્વારા મોટી ફાઇલો, વારંવાર ફોરવર્ડ થયેલા મીડિયા અને ચેટ પ્રમાણે સ્ટોરેજ ઉપયોગ તપાસી શકાય છે. એટલે WhatsAppમાં કઈ ફાઇલ સૌથી વધુ જગ્યા રોકી રહી છે તે શોધવાનું કામ સરળ બની જાય છે.
Android અને iPhone બંનેમાં WhatsAppના સ્ટોરેજ મેનેજમેન્ટ વિકલ્પો ઉપલબ્ધ છે, જોકે સેટિંગ્સના નામ અથવા ઇન્ટરફેસમાં થોડો ફેરફાર હોઈ શકે છે.
WhatsApp Storage Managerથી શું કરી શકાય?
મોટી ફાઇલો સરળતાથી શોધો
Manage Storage વિભાગમાં વધુ જગ્યા લેતી ફાઇલોને શોધી શકાય છે. ખાસ કરીને લાંબા વીડિયો અને મોટા ડોક્યુમેન્ટ્સ ફોનનું સ્ટોરેજ ઝડપથી ભરી શકે છે.
5MBથી મોટી ફાઇલો તપાસો
WhatsAppના સ્ટોરેજ મેનેજમેન્ટમાં 5MBથી મોટી ફાઇલોનો વિભાગ જોઈ શકાય છે. જરૂર ન હોય તેવી મોટી ફાઇલો પસંદ કરીને ડિલીટ કરી શકાય છે.
Forwarded Many Times ફાઇલો દૂર કરો
વારંવાર ફોરવર્ડ કરવામાં આવેલી ફાઇલો પણ WhatsApp સ્ટોરેજનો મોટો હિસ્સો લઈ શકે છે. &lsquo;Forwarded Many Times&rsquo; વિભાગમાં આવી ફાઇલો તપાસીને બિનજરૂરી મીડિયા દૂર કરી શકાય છે.
ચેટ પ્રમાણે સ્ટોરેજ તપાસો
કઈ WhatsApp ચેટ સૌથી વધુ સ્ટોરેજ લઈ રહી છે તે પણ તપાસી શકાય છે. ત્યારબાદ તે ચેટમાંથી મોટા ફોટા, વીડિયો અથવા ડોક્યુમેન્ટ્સ પસંદ કરીને ડિલીટ કરી શકાય છે.
WhatsAppનું સ્ટોરેજ કેવી રીતે ખાલી કરવું?
જો તમારો સવાલ છે કે &lsquo;WhatsApp storage કેવી રીતે ખાલી કરવું?&rsquo;, તો નીચેના સ્ટેપ્સ ફોલો કરો.
Step 1: WhatsApp Settings ખોલો
Android ફોનમાં: WhatsApp ખોલો અને ઉપર જમણી બાજુના ત્રણ ડોટ્સ પર ટેપ કરો. ત્યારબાદ Settings પર જાઓ.
iPhoneમાં: WhatsApp ખોલો અને નીચેના મેનૂમાંથી Settings પસંદ કરો.
Step 2: Storage and Data પર જાઓ
Settingsમાં Storage and Data વિકલ્પ પસંદ કરો.
ત્યારબાદ Manage Storage પર ટેપ કરો.
Step 3: મોટી WhatsApp ફાઇલો શોધો
Manage Storageમાં WhatsApp દ્વારા ઉપયોગમાં લેવાતી સ્ટોરેજની માહિતી જોવા મળશે.
અહીં મોટી ફાઇલોનો વિભાગ તપાસો. જે ફોટા, વીડિયો, GIF અથવા ડોક્યુમેન્ટની જરૂર ન હોય તેને પસંદ કરો અને Delete કરો.
Step 4: Forwarded Many Times મીડિયા ડિલીટ કરો
હવે Forwarded Many Times વિભાગ તપાસો.
અહીં વારંવાર શેર થયેલી ફાઇલો જોવા મળી શકે છે. બિનજરૂરી ફોટા, વીડિયો અને અન્ય મીડિયા પસંદ કરીને ડિલીટ કરો.
Step 5: સૌથી વધુ સ્ટોરેજ લેતી ચેટ તપાસો
Manage Storageમાં ચેટ પ્રમાણે સ્ટોરેજ ઉપયોગ પણ તપાસી શકાય છે.
જો કોઈ ચોક્કસ ચેટ ખૂબ વધારે જગ્યા લઈ રહી હોય, તો તેમાં રહેલા મોટા અને બિનજરૂરી મીડિયા પસંદ કરીને ડિલીટ કરો.
WhatsAppની ફાઇલ ડિલીટ કરતા પહેલા સાવધાન
WhatsAppનું સ્ટોરેજ ખાલી કરતી વખતે ઉતાવળ ન કરો. કોઈ મહત્વની ફાઇલ ડિલીટ થઈ જાય તો તેને પાછી મેળવવી મુશ્કેલ બની શકે છે.
પરિવારના ફોટા, ઓફિસના ડોક્યુમેન્ટ્સ, જરૂરી વીડિયો અથવા અન્ય મહત્વના મીડિયા ડિલીટ કરતા પહેલાં તેને અલગ જગ્યાએ સેવ કરી લો.
ખાસ કરીને મોટી ફાઇલ દેખાય એટલે તેને તરત ડિલીટ ન કરો. પહેલા ફાઇલ ખોલીને તપાસો કે તે ખરેખર બિનજરૂરી છે કે નહીં.
WhatsApp Backup કેમ અટકી શકે છે?
WhatsAppના ફોટા, વીડિયો અને અન્ય મીડિયા વધતા જાય ત્યારે બેકઅપનું કદ પણ વધી શકે છે. જો સંબંધિત Google Drive અથવા iCloud સ્ટોરેજ ઉપલબ્ધ ન હોય, તો બેકઅપ પ્રક્રિયામાં મુશ્કેલી આવી શકે છે. આથી WhatsAppનું બિનજરૂરી મીડિયા નિયમિત રીતે મેનેજ કરવાથી બેકઅપનું કદ નિયંત્રિત કરવામાં મદદ મળી શકે છે.
WhatsAppનું સ્ટોરેજ ફરીથી ફુલ ન થાય તે માટે શું કરવું?
જૂની ફાઇલો ડિલીટ કર્યા પછી પણ જો WhatsAppમાં નવા ફોટા અને વીડિયો સતત ઓટોમેટિક ડાઉનલોડ થતા રહે, તો સ્ટોરેજ ફરીથી ઝડપથી ભરાઈ શકે છે.
Media Auto-Download મર્યાદિત કરો
WhatsAppની Settings &gt; Storage and Dataમાં જઈને મીડિયા Auto-Download સેટિંગ્સ તપાસો.
Mobile Data અને Wi-Fi માટે ફોટા, વીડિયો, ઓડિયો અને ડોક્યુમેન્ટ્સના ઓટોમેટિક ડાઉનલોડને બંધ અથવા જરૂર મુજબ મર્યાદિત કરી શકાય છે.
આ રીતે દરેક ફાઇલ આપમેળે ફોનમાં સેવ થતી અટકાવી શકાય છે અને જરૂર હોય ત્યારે જ મીડિયા ડાઉનલોડ કરી શકાય છે.
Disappearing Messagesનો ઉપયોગ કરો
જે વ્યક્તિગત ચેટ અથવા ગ્રુપમાં મેસેજ લાંબા સમય સુધી રાખવાની જરૂર ન હોય ત્યાં Disappearing Messages ફીચરનો ઉપયોગ કરી શકાય છે. આ ફીચર પસંદ કરેલા સમયગાળા બાદ મેસેજને આપમેળે દૂર કરવામાં મદદ કરે છે.
WhatsApp Storage Full સમસ્યાનો સરળ ઉકેલ
WhatsApp Storage Full થવાનું મુખ્ય કારણ ઘણીવાર સતત આવતા ફોટા, વીડિયો, GIF, ડોક્યુમેન્ટ્સ અને અન્ય મીડિયા હોય છે. ખાસ કરીને મોટા વીડિયો અને વારંવાર ફોરવર્ડ થતી ફાઇલો ફોનની સ્ટોરેજ ઝડપથી ભરી શકે છે.
આવી સ્થિતિમાં WhatsAppનું Manage Storage ટૂલ ઉપયોગી બની શકે છે. તેની મદદથી મોટી ફાઇલો, ફોરવર્ડેડ મીડિયા અને વધુ સ્ટોરેજ લેતી ચેટ શોધીને બિનજરૂરી ડેટા દૂર કરી શકાય છે.
જો તમારા ફોનમાં WhatsAppનું સ્ટોરેજ ફુલ થઈ ગયું છે, તો પહેલા WhatsApp &gt; Settings &gt; Storage and Data &gt; Manage Storage તપાસો. મહત્વની ફાઇલો સાચવી લીધા બાદ બિનજરૂરી મીડિયા ડિલીટ કરો અને Auto-Download સેટિંગ્સને પણ તમારી જરૂરિયાત મુજબ મેનેજ કરો.

WhatsApp Manage Storageથી ફોનનું સ્ટોરેજ ખાલી કરવાની રીત. (AI Generated તસ્વીર)

WhatsApp Storage Fullથી પરેશાન છો? WhatsAppના Manage Storage ટૂલથી મોટી અને બિનજરૂરી ફાઇલો ડિલીટ કરી મિનિટોમાં ફોનની જગ્યા ખાલી કરો.

ફોનમાં વારંવાર આવે છે ‘Storage Full’નો મેસેજ?

ગુજરાતમાં 2027ની વિધાનસભા ચૂંટણી પહેલાં પોલીસ તંત્રમાં મોટો ફેરફાર થવાનો છે? 50થી વધુ IPS અધિકારીઓની સંભવિત બઢતી-બદલીની ચર્ચાએ વધારી રાજકીય ગરમી…

50થી વધુ IPS અધિકારીઓની બદલીની ચર્ચા! અમદાવાદથી સુરત સુધી કોની ખુરશી બદલાશે?

ભાભર અકસ્માતમાં ‘ગુજ્જુ લવ ગુરુ’ ચંદન રાઠોડનું મોત, 2 કલાક પહેલાં જ બનાવ્યો હતો વીડિયો; લાખો ચાહકોમાં શોક.

મોતના 2 કલાક પહેલાં જ બનાવ્યો હતો વીડિયો, પછી અચાનક આવી દુઃખદ ખબર; કોણ હતા ‘ગુજ્જુ લવ ગુરુ’?

ગુજરાત જીતવા નીકળેલી કોંગ્રેસ સામે ભાજપ નહીં, પહેલા પોતાનું જ ઘર સંભાળવાનો પડકાર!

ગુજરાતમાં ભાજપને હરાવવાનો દાવો કરતી કોંગ્રેસ સામે હવે સૌથી મોટો પડકાર ભાજપ નથી, કોંગ્રેસ પોતે જ છે!

બોક્સ ઓફિસ પર મોટો ટ્વિસ્ટ! જૂની ફિલ્મ આગળ નીકળી, નવી ફિલ્મનું કલેક્શન ફિક્કું

‘હનુ-માન અંશ’, ‘મિર્ઝાપુર’ કે ‘હૈવાન’? વીકેન્ડની કમાણીમાં કોણ માર્યું મેદાન?

₹3,383 કરોડની સંપત્તિ ધરાવતો એક ધારાસભ્ય અચાનક મુંબઈના રસ્તા પર ભિખારી બનીને બેસી ગયો. લોકો પાસે મદદ માંગી, કેટલાકે મદદ કરી તો કેટલાકે નજરઅંદાજ કર્યો.

₹3,383 કરોડની સંપત્તિ ધરાવતા ધારાસભ્ય અચાનક ભિખારી કેમ બની ગયા? મુંબઈનો વીડિયો વાયરલ

“₹2,000થી વધુ UPI પેમેન્ટ કરો છો? 15 ઓક્ટોબરથી શું બદલાવ આવશે તે જાણી લો”

“UPI ચલાવનારા દરેક વ્યક્તિ માટે મોટા સમાચાર, 15 ઓક્ટોબરથી બદલાઈ જશે આ નિયમ!”

સાણંદમાં ફરી દીપડાની દહેશત! મોટી દેવતી ગામ પાસે જમીન પર મળ્યા શંકાસ્પદ પંજાના નિશાન.

સાણંદમાં ફરી દીપડાની દહેશત, પંજાના નિશાન અને શ્વાનનું મારણ મળ્યું; વન વિભાગે શું કર્યું?

કોપરની ખાણમાં પાણીનો મોટો ખેલ! વેદાંતાને હવે કરવું પડશે આ મોટું કામ

વેદાંતાને ઝામ્બિયાના રાષ્ટ્રપતિએ કેમ કરી મોટી અપીલ?

ગુજરાત પોલીસમાં 10 IPS-SPS અધિકારીઓની બદલી થઈ ગઈ, પરંતુ ટ્રાન્સફર લિસ્ટમાં એક નામ ન દેખાતા ચર્ચા તેજ!

ગુજરાત પોલીસમાં 10 ટ્રાન્સફર, પણ નકુમનું નામ કેમ નથી?

પ્રદેશ કોંગ્રેસની મંજૂરી વગર માળખું જાહેર કરવાનો શું હતો મામલો? અને નિમણૂકો રદ થયા બાદ ગુલાબસિંહ રાજપૂતે સોશિયલ મીડિયા પર એવી કઈ પોસ્ટ કરી કે બનાસકાંઠા કોંગ્રેસમાં રાજકીય ચર્ચા તેજ થઈ?

Bharuch News