Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

કેરળની એક અદાલતે એક 57 વર્ષીય પૂર્વ ટ્યુટર (ટ્યુશન ટીચર)ને ભૂતકાળમાં સગીર વિદ્યાર્થિની પર વારંવાર જાતીય હુમલો કરવાના ગુનામાં કુલ 18 વર્ષની જેલની સજા ફટકારી છે.&nbsp;
આ કેસની સૌથી ચોંકાવનારી વાત એ છે કે આ ગુનો 11 વર્ષ પહેલા આચરવામાં આવ્યો હતો, પરંતુ તેનો ખુલાસો વર્ષ 2024માં થયો જ્યારે પીડિતા હવે એક મેડિકલ (MBBS) વિદ્યાર્થિની છે.
શું છે સમગ્ર મામલો?
વર્ષ 2013માં જ્યારે પીડિતા ધોરણ 5 માં અભ્યાસ કરતી હતી, ત્યારે તે 57 વર્ષીય આરોપી પાસે ટ્યુશન લેવા જતી હતી. જાન્યુઆરી 2014 સુધી આરોપીએ અનેકવાર માસૂમ બાળકીનું જાતીય શોષણ કર્યું હતું. આરોપીની ધમકીઓને કારણે બાળકીએ આ વાત કોઈને કહી નહોતી અને ધોરણ 6 માં પહોંચતા જ ટ્યુશન છોડી દીધું હતું.
જોકે, આ આઘાતને કારણે તેને વર્ષો સુધી માનસિક પીડા અને ભયમાં જીવવું પડ્યું હતું.
11 વર્ષ બાદ ખુલાસો
પીડિતાએ આ આઘાતને કારણે અનેક માનસિક સમસ્યાઓનો સામનો કર્યો, જેના કારણે તેનું એક શૈક્ષણિક વર્ષ પણ બગડ્યું હતું. તે સતત આઈસોલેશન અને પેનિક ડિસઓર્ડરથી પીડાતી હતી. બાદમાં તેણે મનોચિકિત્સકની મદદ લીધી અને તેનું સ્વાસ્થ્ય સુધર્યું. તેને MBBSમાં એડમિશન પણ મળી ગયું.
વર્ષ 2024 માં, હોસ્ટેલમાં રહેતી વખતે તેણે આરોપી જેવી જ દેખાતી એક વ્યક્તિને જોઈ, જેનાથી તેના જૂના જખમ તાજા થયા અને તે માનસિક રીતે વિચલિત થઈ ગઈ. ડોક્ટર સાથેની પરામર્શ દરમિયાન તેણે આખરે 11 વર્ષ જૂની હકીકત જણાવી, ત્યારબાદ પોલીસે આરોપીની ધરપકડ કરી હતી.
તિરુવનંતપુરમ ફાસ્ટ ટ્રેક સ્પેશિયલ કોર્ટના જજ અંજુ મીરા બિરલાએ આરોપીને IPC અને પોક્સો (POCSO) એક્ટ હેઠળ વિવિધ ગુનાઓમાં કુલ 18 વર્ષની જેલની સજા ફટકારી છે.
જોકે, આ તમામ સજાઓ એકસાથે ચાલશે, તેથી આરોપીએ મહત્તમ 5 વર્ષ જેલમાં રહેવું પડશે. કોર્ટે આરોપી પર 35,000 રૂપિયાનો દંડ પણ ફટકાર્યો છે અને પીડિતાને વળતર આપવાનો આદેશ આપ્યો છે.

જાતીય શોષણના કેસમાં 18 વર્ષની જેલ

પૂર્વ ટ્યુટરે ધોરણ 5માં વિદ્યાર્થિની પર આચર્યું હતું દુષ્કર્મ; 11 વર્ષ બાદ થયો ખુલાસો..

11 વર્ષ જૂના જાતીય શોષણના કેસમાં 18 વર્ષની જેલ

શિક્ષણ ક્ષેત્રમાં મોટો અને ઐતિહાસિક નિર્ણય લીધો છે. કેરળ સરકારે રાજ્યના 2026ના બજેટમાં નાણાપ્રધાન કે.એન. બાલાગોપાલે જાહેરાત કરી છે કે હવે Arts અને Scienceના વિદ્યાર્થીઓને ગ્રેજ્યુએશન સુધીનું શિક્ષણ સંપૂર્ણપણે મફત આપવામાં આવશે.&nbsp;
અત્યાર સુધી રાજ્યમાં મફત શિક્ષણની સુવિધા માત્ર ધોરણ 12 (પ્લસ ટૂ) સુધી મર્યાદિત હતી, પરંતુ હવે તેને ઉચ્ચ શિક્ષણ સુધી વિસ્તરણ આપવામાં આવ્યું છે.
આ નિર્ણય શા માટે ?
સરકારના આ નિર્ણયનો મુખ્ય હેતુ રાજ્યમાંથી વિદ્યાર્થીઓના મોટા પ્રમાણમાં અન્ય રાજ્યો અને વિદેશમાં સ્થળાંતરને ઘટાડવાનો છે. સરકારના અંદાજ મુજબ, ઉચ્ચ શિક્ષણ અને સ્કિલ ટ્રેનિંગ માટે દર વર્ષે લગભગ ₹8,000 કરોડ રાજ્યની બહાર ખર્ચાઈ રહ્યા છે.
આ પરિસ્થિતિને ધ્યાનમાં રાખીને સ્થાનિક સ્તરે ગુણવત્તાસભર શિક્ષણ અને તાલીમની સુવિધા વધારવાનો નિર્ણય લેવામાં આવ્યો છે.
બજેટમાં &lsquo;ગ્લોબલ સ્કૂલ&rsquo; સ્થાપવાનો પ્રસ્તાવ પણ મૂકવામાં આવ્યો છે. આ સંસ્થા આધુનિક ટેકનોલોજી, વ્યાવસાયિક શિક્ષણ, સ્કિલ ડેવલપમેન્ટ અને ભવિષ્યની ટેક્નોલોજી પર ધ્યાન કેન્દ્રિત કરશે.&nbsp;
આ પ્રોજેક્ટ માટે પ્રાથમિક કામગીરી માટે રાજ્ય તરફથી ₹10 કરોડનું પ્રારંભિક ફાળવણી કરવામાં આવી છે.
ઉચ્ચ શિક્ષણમાં સંશોધનને પ્રોત્સાહન આપવા માટે પણ મહત્વપૂર્ણ જાહેરાત કરવામાં આવી છે. હવે યુનિવર્સિટી અને ઉચ્ચ શિક્ષણ સંસ્થાઓમાં નોંધાયેલા ફુલ-ટાઈમ PhD વિદ્યાર્થીઓને, જો તેઓને અન્ય કોઈ ફેલોશિપ ન મળતી હોય, તો દર મહિને ₹15,000ની સહાય આપવામાં આવશે. સ્કોલરશિપ અને ફેલોશિપ યોજનાઓ માટે કુલ ₹38.76 કરોડનું ફાળવણી કરવામાં આવ્યું છે.
રાજ્ય સરકારે ઉચ્ચ શિક્ષણના માળખાને મજબૂત બનાવવા માટે પણ મોટા પ્રમાણમાં રોકાણ કર્યું છે. Higher Education Commissionની ભલામણો અને ચાર વર્ષીય ગ્રેજ્યુએશન કાર્યક્રમ (FYUGP) અમલમાં મૂકવા માટે ₹851.46 કરોડ ફાળવવામાં આવ્યા છે. ઉપરાંત, યુનિવર્સિટીઓની કામગીરી મજબૂત કરવા માટે ₹259.09 કરોડનો અલગ ફંડ પણ રાખવામાં આવ્યો છે.
શિક્ષણ ક્ષેત્રમાં છેલ્લા કેટલાક વર્ષોમાં થયેલી પ્રગતિનો ઉલ્લેખ કરતાં સરકારનું કહેવું છે કે કેરળની ઉચ્ચ શિક્ષણ સંસ્થાઓ રાષ્ટ્રીય સ્તરે સારું પ્રદર્શન કરી રહી છે.
નિષ્ણાતોના મત મુજબ, મફત ઉચ્ચ શિક્ષણની આ પહેલ રાજ્યમાં શિક્ષણની પહોંચ વધારશે, કુશળ માનવબળ તૈયાર કરશે અને લાંબા ગાળે આર્થિક વિકાસમાં પણ મહત્વપૂર્ણ યોગદાન આપશે.
શિક્ષણને વધુ સુલભ અને ગુણવત્તાસભર બનાવવા માટે કેરળ સરકારનો આ નિર્ણય દેશ માટે એક મોડેલ બની શકે છે. શું આવી યોજના અન્ય રાજ્યોમાં પણ લાગુ કરવી જોઈએ?&nbsp;

શિક્ષણ ક્ષેત્રમાં મોટો બદલાવ

શિક્ષણ ક્ષેત્રમાં મોટો બદલાવ, મફત શિક્ષણની જાહેરાત;વિદ્યાર્થીઓ માટે નવી તક કે મોટો પ્રયોગ?

વિદ્યાર્થીઓ માટે બજેટમાં શું ખાસ?

કેરળના કોઝિકોડમાં એક હૃદયદ્રાવક કિસ્સો સામે આવ્યો છે, જેમાં સોશિયલ મીડિયા પર જાહેરમાં થયેલા અપમાનથી વ્યથિત થઈને 42 વર્ષીય દીપક નામના યુવકે ગળેફાંસો ખાઈ આત્મહત્યા કરી લીધી છે.
એક મહિલા ઈન્ફ્લુએન્ઝરે બસમાં મુસાફરી દરમિયાન દીપક પર છેડતીનો આરોપ લગાવી તેનો વીડિયો સોશિયલ મીડિયા પર વાયરલ કર્યો હતો, જેના થોડા જ કલાકોમાં આ કરુણ અંજામ આવ્યો છે.
મળતી માહિતી મુજબ, દીપક એક ટેક્સટાઈલ ફર્મમાં કામ કરતો હતો. શુક્રવારે કન્નુરથી પરત ફરતી વખતે બસમાં ભીડનો લાભ લઈને તેણે છેડતી કરી હોવાનો દાવો એક મહિલા ઈન્ફ્લુએન્ઝરે કર્યો હતો. આ મહિલાએ દીપકનો વીડિયો શૂટ કરીને પોતાના સોશિયલ મીડિયા એકાઉન્ટ પર શેર કર્યો, જે ગણતરીના કલાકોમાં 20 લાખથી વધુ લોકોએ જોયો હતો. વીડિયો વાયરલ થતા જ દીપક આઘાતમાં સરી પડ્યો હતો અને રવિવારે સવારે તે પોતાના રૂમમાં પંખા સાથે લટકતી હાલતમાં મળી આવ્યો હતો.
દીપકના પરિવારજનોનો દાવો છે કે તે નિર્દોષ હતો અને સોશિયલ મીડિયા પર થયેલી બદનામી તે સહન કરી શક્યો નહીં. પરિવારે જણાવ્યું કે વીડિયો વાયરલ થયા બાદ તેણે બે દિવસથી અન્નનો દાણો પણ લીધો ન હતો.
આ ઘટના બાદ ઈન્ફ્લુએન્ઝરે વીડિયો ડિલીટ કરી દીધો છે, પરંતુ હવે તેની સામે આત્મહત્યા માટે દુષ્પ્રેરણાનો ગુનો નોંધવાની માંગ ઉઠી રહી છે. દીપકના પિતાએ ન્યાય માટે મુખ્યમંત્રી પિનારાયી વિજયનને ફરિયાદ કરવાની જાહેરાત કરી છે.
આ કિસ્સાએ સોશિયલ મીડિયા પર થતા 'ઇન્સ્ટન્ટ જસ્ટિસ' અને તેના ગંભીર પરિણામો પર ફરી એકવાર મોટી ચર્ચા જગાવી છે.

કેરળમાં યુવકની આત્મહત્યા

ઈન્ફ્લુએન્ઝરે બસમાં છેડતીનો આરોપ લગાવી વીડિયો મૂક્યો, બદનામીના ડરે યુવકે ફાંસો ખાધો.

વાયરલ વીડિયોએ લીધો જીવ: કેરળમાં યુવકની આત્મહત્યા

કેરળ રાજ્યના કોલ્લમ જિલ્લામાંથી સ્પોર્ટ્સ ઓથોરિટી ઓફ ઈન્ડિયા (SAI)ની હોસ્ટેલમાં તાલીમ લઈ રહેલી બે કિશોરીઓ ગુરુવારે સવારે તેમના રૂમમાંથી મૃત અવસ્થામાં મળી આવતા રમતજગત અને પંથકમાં ચકચાર મચી ગઈ છે. મૃતકોમાં 17 વર્ષીય એથ્લેટિક્સ તાલીમાર્થી સાન્દ્રા અને 15 વર્ષીય કબડ્ડી ખેલાડી વૈષ્ણવીનો સમાવેશ થાય છે.
ઘટનાની વિગતો મુજબ, દરરોજ સવારે તાલીમ માટે હાજર રહેતી આ બંને કિશોરીઓ ગુરુવારે સવારે 5 વાગ્યા સુધી ગ્રાઉન્ડ પર ન પહોંચતા સાથી ખેલાડીઓને શંકા ગઈ હતી. હોસ્ટેલ સત્તાધીશોએ રૂમનો દરવાજો ખખડાવ્યો હતો, પરંતુ અંદરથી કોઈ પ્રતિસાદ ન મળતા અંતે દરવાજો તોડવામાં આવ્યો હતો. રૂમની અંદર બંને કિશોરીઓના મૃતદેહ મળી આવતા હોસ્ટેલ પ્રશાસને તુરંત પોલીસને જાણ કરી હતી. 
પ્રાથમિક અહેવાલો મુજબ, બંને કિશોરીઓએ આત્મહત્યા કરી હોવાની આશંકા સેવાઈ રહી છે.પોલીસ તપાસમાં બહાર આવ્યું છે કે સાન્દ્રા ધોરણ 12માં અભ્યાસ કરતી હતી અને કોઝિકોડની વતની હતી, જ્યારે વૈષ્ણવી ધોરણ 10માં ભણતી હતી અને તિરુવનંતપુરમની વતની હતી.&nbsp;
પોલીસને રૂમમાંથી કોઈ સુસાઈડ નોટ મળી આવી નથી, જેના કારણે મોતના કારણ હજુ પણ અકબંધ રહેલું છે. કોલ્લમ ઈસ્ટ પોલીસે આ મામલે અકસ્માતે મોતનો ગુનો નોંધી ઊંડી તપાસ શરૂ કરી છે.
હોસ્ટેલના અન્ય ખેલાડીઓ, કોચ અને વોર્ડનના નિવેદનો નોંધવાની પ્રક્રિયા હાથ ધરવામાં આવી છે. શું આ કિશોરીઓ કોઈ માનસિક દબાણમાં હતી કે પછી અન્ય કોઈ કારણ હતું, તે દિશામાં પોલીસ તપાસ કરી રહી છે. 
મૃતદેહોને પોસ્ટમોર્ટમ માટે ખસેડવામાં આવ્યા છે અને રિપોર્ટ આવ્યા બાદ જ મોતના સાચા કારણ પરથી પડદો ઉંચકાશે. આ ઘટનાએ સ્પોર્ટ્સ હોસ્ટેલમાં રહેતા ખેલાડીઓની માનસિક સ્થિતિ અને સુરક્ષા પર ગંભીર સવાલો ઉભા કર્યા છે.

બે આશાસ્પદ ખેલાડીઓના કરુણ મોત

કેરળના કોલ્લમમાં એથ્લેટ અને કબડ્ડી ખેલાડીના મૃતદેહ રૂમમાંથી મળી આવતા ચકચાર...

કેરળ: SAI હોસ્ટેલમાં બે આશાસ્પદ ખેલાડીઓના કરુણ મોત

કેરળ પ્રદેશ કોંગ્રેસ સમિતિના અધ્યક્ષ સની જોસેફે જણાવ્યું કે, પાર્ટીએ તેના સસ્પેન્ડેડ ધારાસભ્ય રાહુલ મામકૂટાથિલને પક્ષમાંથી બરતરફ કર્યા છે. રાહુલ મામકૂટાથિલ પર બળાત્કાર જેવા અત્યંત ગંભીર આરોપો લગાવવામાં આવ્યા છે અને આ સંબંધમાં તેમની સામે કેસ નોંધવામાં આવ્યો છે. કોંગ્રેસના નેતાઓએ આ નિષ્કાસનનું સ્વાગત કર્યું છે અને રાહુલ મામકૂટાથિલને તેમની વિધાનસભાની બેઠક પરથી પણ રાજીનામું આપવા માટે વિનંતી કરી છે, જે દર્શાવે છે કે પાર્ટી આ ગંભીર મુદ્દા પર કોઈ સમાધાન કરવા માંગતી નથી.
કેસ 8 બિન-જામીનપાત્ર કલમો હેઠળ નોંધાયો
પોલીસે એક મહિલાની લેખિત ફરિયાદના આધારે રાહુલ મામકૂટાથિલ વિરુદ્ધ કેસ નોંધ્યો છે, જેમાં યૌન શોષણ, લગ્નના બહાને બળાત્કાર અને બળાત્કારજન્ય ગર્ભપાત જેવા આક્ષેપો કરવામાં આવ્યા છે. ફરિયાદ મુખ્યમંત્રી પિનરઈ વિજયનને આપવામાં આવ્યા બાદ આ કાર્યવાહી કરવામાં આવી હતી. આ કેસ 8 બિન-જામીનપાત્ર કલમો હેઠળ નોંધવામાં આવ્યો છે.
રાહુલ મામકૂટાથિલને બરતરફ કરવાનો નિર્ણય
વધુમાં, આ કેસમાં મહિલાની સંમતિ વિના ગર્ભપાત કરાવવા માટે અને અપમાનજનક ડિજિટલ સામગ્રીના પ્રસારણ સંબંધિત માહિતી ટેકનોલોજી અધિનિયમની કલમપણ સામેલ છે. આ તમામ ગુનાઓ માટેની સજા 10 વર્ષથી લઈને આજીવન કેદ સુધીની હોઈ શકે છે. આ ગંભીરતાને ધ્યાનમાં રાખીને, તિરુવનંતપુરમની પ્રિન્સિપાલ સેશન્સ કોર્ટે પણ રાહુલ મામકૂટાથિલની બળાત્કારના આ કેસમાં આગોતરા જામીનની અરજીને ફગાવી દીધી છે, જેના કારણે રાહુલ મામકૂટાથિલની મુશ્કેલીઓમાં વધારો થયો છે. કોંગ્રેસ દ્વારા રાહુલ મામકૂટાથિલને બરતરફ કરવાનો નિર્ણય પક્ષની શૂન્ય સહિષ્ણુતાની નીતિને પ્રતિબિંબિત કરે છે.

રાહુલ મામકૂટાથિલ

બળાત્કાર અને યૌન શોષણના ગંભીર આરોપોને પગલે કોંગ્રેસે તેના ધારાસભ્યને પક્ષમાંથી કર્યા બરતરફ

કોંગ્રેસે કેરળના ધારાસભ્યને પક્ષમાંથી કર્યા બરતરફ

કેરળ સરકારે આજે, શનિવારે (૧ નવેમ્બર, ૨૦૨૫) એક ઐતિહાસિક જાહેરાત કરી છે, જેમાં દાવો કરવામાં આવ્યો છે કે કેરળ ભારતમાં અત્યંત ગરીબી નાબૂદ કરનારું પ્રથમ રાજ્ય બની ગયું છે. કેરળના સ્થાપના દિવસની વર્ષગાંઠના અવસરે મુખ્યમંત્રી પિનરાઈ વિજયને રાજ્ય વિધાનસભાના વિશેષ સત્રમાં આ અંગેની ઔપચારિક ઘોષણા કરી હતી. સત્તારૂઢ LDF સરકારે આ સિદ્ધિનો શ્રેય વર્ષ 2021માં શરૂ કરાયેલા એક વિશેષ પ્રોજેક્ટને આપ્યો છે.
રાજ્ય સરકારે 'એક્સ્ટ્રીમ પોવર્ટી એલિવિએશન પ્રોજેક્ટ' 2021માં શરૂ કર્યો હતો. આ પહેલ ત્યારે શરૂ થઈ, જ્યારે નીતિ આયોગના એક અભ્યાસમાં જાણવા મળ્યું કે કેરળમાં ગરીબી દર સૌથી ઓછો (0.7%) છે.
સ્થાનિક સ્વ-સરકાર મંત્રી MB રાજેશના જણાવ્યા અનુસાર, ગ્રાઉન્ડ લેવલ સર્વે દ્વારા ખોરાક, આરોગ્ય, આવાસ અને આજીવિકા જેવા માપદંડોના આધારે અત્યંત ગરીબ પરિવારોની ઓળખ કરવામાં આવી હતી. આ સર્વે હેઠળ 64,006 પરિવારોના 1,03,099 વ્યક્તિઓને અત્યંત ગરીબ તરીકે ઓળખવામાં આવ્યા હતા અને તેમને ચાર વર્ષના આ પ્રોજેક્ટના લાભાર્થી બનાવવામાં આવ્યા હતા.
વિપક્ષે દાવાને 'કૌભાંડ' ગણાવ્યો
જોકે, રાજ્ય સરકારના આ દાવાને વિપક્ષ, કોંગ્રેસની આગેવાની હેઠળના યુનાઇટેડ ડેમોક્રેટિક ફ્રન્ટ (UDF), દ્વારા તીવ્ર વિરોધનો સામનો કરવો પડ્યો છે. વિપક્ષી નેતા વી. ડી. સતીશનએ મુખ્યમંત્રીના નિવેદનને 'કૌભાંડ' અને ગૃહના નિયમોની 'અવમાનના' ગણાવ્યું હતું. વિપક્ષી નેતાના આ વિરોધને પગલે UDF સભ્યોએ વિધાનસભામાંથી વોકઆઉટ કર્યો હતો.
વિપક્ષના વિરોધ પર પ્રતિક્રિયા આપતા મુખ્યમંત્રી વિજયને કહ્યું કે, "અમે જે કહીએ છીએ, તે જ લાગુ કરીએ છીએ. અમે જે કહ્યું હતું તે અમલમાં મૂક્યું છે. આ જ અમારો વિપક્ષના નેતાને જવાબ છે." આ સાથે જ કેરળમાં AI નાબૂદીના દાવાને લઈને રાજકીય ગરમાવો વધી ગયો છે.
&nbsp;

કેરળ દેશનું પ્રથમ 'અત્યંત ગરીબી મુક્ત' રાજ્ય

કેરળ સ્થાપના દિવસ પર CM વિજયને વિધાનસભામાં ઐતિહાસિક જાહેરાત કરી, વિપક્ષનો વોકઆઉટ

કેરળ દેશનું પ્રથમ 'અત્યંત ગરીબી મુક્ત' રાજ્ય બન્યુ

કેરળના તિરુવનંતપુરમમાં 9 ઓક્ટોબરના રોજ 26 વર્ષીય સોફ્ટવેર એન્જિનિયરની આત્મહત્યાના કેસમાં RSS પર ગંભીર આરોપો લાગ્યા છે. કોટ્ટાયમ જિલ્લાના એલિકુલમના આ એન્જિનિયરનો મૃતદેહ તિરુવનંતપુરમના થમ્પાનૂરના એક લોજના રૂમમાં ફાંસો ખાધેલી હાલતમાં મળી આવ્યો હતો. મૃત્યુ પહેલાં, તેમણે ઈન્સ્ટાગ્રામ પર 15 પાનાનો સુસાઇડ નોટ પોસ્ટ કર્યો હતો.&nbsp;
RSS કેમ્પમાં યૌન શોષણનો આરોપ
આ સુસાઈડ નોટમાં તેમણે સ્પષ્ટપણે જણાવ્યું હતું કે, તે એક વ્યક્તિ અને RSSને કારણે આઘાત સહન કરી રહ્યા છે. તેમણે RSS કેમ્પમાં યૌન શોષણનો ગંભીર આરોપ લગાવ્યો હતો અને દાવો કર્યો હતો કે અન્ય ઘણા બાળકોએ પણ આવો જ અનુભવ કર્યો છે. એન્જિનિયરે સુસાઇડ નોટમાં લખ્યું હતું કે, 'તેઓ મને કોઈ કારણ વગર લાકડીઓથી મારતા. RSSથી વધુ નફરત મને બીજી કોઈ સંસ્થા પર નથી.'&nbsp;
આ પણ વાંચો: <a href="https://www.benefitnews24.com/gujarati/india/kerala-it-professional-commits-suicide-horrific-accusations-against-rss/20708" target="_blank" rel="noopener">કેરળ IT પ્રોફેશનલની આત્મહત્યા: RSS પર ભયંકર આક્ષેપ</a>
માતા-પિતાને બાળકો સાથે સારા સંબંધો વિકસાવવા વિનંતી&nbsp;
આ ઉપરાંત, તેમણે NM નામના એક વ્યક્તિ દ્વારા 3-4 વર્ષની ઉંમરથી જ યૌન શોષણનો પણ ઉલ્લેખ કર્યો હતો, જેના કારણે તે OCDના દર્દી બની ગયા હતા. તેમણે માતા-પિતાને બાળકો સાથે સારા સંબંધો વિકસાવવા માટે વિનંતી કરી હતી જેથી બાળકો તેમના ડર વિશે ખુલ્લેઆમ વાત કરી શકે.
RSSએ દાવા પાયાવિહોણા ગણાવ્યા
જોકે, RSSના દક્ષિણ કેરળ એકમે સોમવારે એક નિવેદન જાહેર કરીને પોતાને સંપૂર્ણપણે નિર્દોષ જાહેર કર્યો છે અને સુસાઈડ નોટમાં લગાવવામાં આવેલા તમામ આરોપોને પાયાવિહોણા ગણાવ્યા છે. RSS એ કહ્યું કે, મૃતકનો પરિવાર ઘણા વર્ષોથી સંઘ સાથે સંકળાયેલો છે અને તેમના પિતા RSSના કાર્યકર હતા. RSS એ આ મામલાની નિષ્પક્ષ તપાસની માંગણી કરી છે અને વિશ્વાસ વ્યક્ત કર્યો છે કે, સ્વતંત્ર તપાસ સંઘની નિર્દોષતા સાબિત કરશે. બીજી તરફ, કોંગ્રેસના સાંસદ પ્રિયંકા ગાંધીએ આ ગંભીર આરોપો પર RSS પાસેથી તાત્કાલિક જવાબ માંગ્યો છે અને કહ્યું છે કે, છોકરાઓનું પણ છોકરીઓ જેટલું જ યૌન શોષણ થઈ રહ્યું છે અને આ જઘન્ય ગુનાઓ પરનું મૌન તોડવું જોઈએ. પોલીસે આ મામલે તપાસ શરૂ કરી છે.

સોફ્ટવેર એન્જિનિયર

સોફ્ટવેર એન્જિનિયરની આત્મહત્યા કેસમાં સંઘે તમામ દાવાઓને પાયાવિહોણા ગણાવ્યા

RSSએ એન્જિનિયર આત્મહત્યા કેસના દાવા નકારી કાઢ્યા

કેરળમાં એક કંપાવનારી ઘટના સામે આવી છે, જેમાં 26 વર્ષીય સોફ્ટવેર એન્જિનિયર આનંદુ અજી થમ્પનૂર એક લોજમાં મૃત હાલતમાં મળી આવ્યો હતો. આત્મહત્યા પહેલા આનંદુએ એક ઇન્સ્ટાગ્રામ પોસ્ટ શેડ્યૂલ કરેલી હતી જેમાં આત્મહત્યા શું કામ કરી? તેના ચોંકાવનારા મુદ્દા જાહેર કરવામાં આવ્યા છે.
કોટ્ટાયમના વતની આનંદુનું મૃતદેહ ગુરુવારે (09 ઓક્ટોબરે) સાંજે લોજના સ્ટાફે શોધી કાઢ્યું હતું. તેણે આત્મહત્યા પાછળનું કારણ તેમના બાળપણમાં રાષ્ટ્રીય સ્વયંસેવક સંઘ (RSS)ના અનેક સભ્યો દ્વારા થયેલું સતત જાતીય અને શારીરિક શોષણ જણાવ્યું હતું. 
સામાન્ય રીતે, સમાજમાં સ્ત્રીઓની સુરક્ષા અને તેમના પરના અત્યાચાર અંગે ચર્ચા થાય છે, પરંતુ આનંદુની આ ઘટનાએ એ કડવી વાસ્તવિકતા સામે લાવી છે કે નાના છોકરાઓનું શોષણ પણ એક ગંભીર અને અવગણાયેલો મુદ્દો છે. વળી, ભારતીય સમાજમાં માનસિક સ્વાસ્થ્યને હજી પણ એક ઉપજાવેલો&nbsp; વિષય (Taboo) માનવામાં આવે છે.&nbsp;
આનંદુએ તેની ઇન્સ્ટાગ્રામની શેડ્યુલ્ડ પોસ્ટમાં સ્પષ્ટ કર્યું કે લાંબા સમયથી ચાલી રહેલી ચિંતા (Anxiety) અને ડિપ્રેશનને કારણે, અને તેના માટે લેવાતી દવાઓના કારણે કામ પર ધ્યાન કેન્દ્રિત ન કરી શકવાથી, તેમણે આ પગલું ભર્યું. તેમણે આ માનસિક બીમારીઓ માટે તેમના બાળપણના આઘાતને જવાબદાર ઠેરવ્યો છે, જે દર્શાવે છે કે આ પ્રકારનું શોષણ માનસિક સ્વાસ્થ્ય પર કેટલો ગંભીર બોજ મૂકે છે.
<blockquote class="instagram-media" style="background: #FFF; border: 0; border-radius: 3px; box-shadow: 0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width: 540px; min-width: 326px; padding: 0; width: calc(100% - 2px);" data-instgrm-captioned="" data-instgrm-permalink="https://www.instagram.com/p/DPlqrW_EYjU/?utm_source=ig_embed&amp;utm_campaign=loading" data-instgrm-version="14">
<div style="padding: 16px;"><a style="background: #FFFFFF; line-height: 0; padding: 0 0; text-align: center; text-decoration: none; width: 100%;" href="https://www.instagram.com/p/DPlqrW_EYjU/?utm_source=ig_embed&amp;utm_campaign=loading" target="_blank" rel="noopener">
<div style="display: flex; flex-direction: row; align-items: center;">
<div style="background-color: #f4f4f4; border-radius: 50%; flex-grow: 0; height: 40px; margin-right: 14px; width: 40px;">&nbsp;</div>
<div style="display: flex; flex-direction: column; flex-grow: 1; justify-content: center;">
<div style="background-color: #f4f4f4; border-radius: 4px; flex-grow: 0; height: 14px; margin-bottom: 6px; width: 100px;">&nbsp;</div>
<div style="background-color: #f4f4f4; border-radius: 4px; flex-grow: 0; height: 14px; width: 60px;">&nbsp;</div>
</div>
</div>
<div style="padding: 19% 0;">&nbsp;</div>
<div style="display: block; height: 50px; margin: 0 auto 12px; width: 50px;">&nbsp;</div>
<div style="padding-top: 8px;">
<div style="color: #3897f0; font-family: Arial,sans-serif; font-size: 14px; font-style: normal; font-weight: 550; line-height: 18px;">View this post on Instagram</div>
</div>
<div style="padding: 12.5% 0;">&nbsp;</div>
<div style="display: flex; flex-direction: row; margin-bottom: 14px; align-items: center;">
<div>
<div style="background-color: #f4f4f4; border-radius: 50%; height: 12.5px; width: 12.5px; transform: translateX(0px) translateY(7px);">&nbsp;</div>
<div style="background-color: #f4f4f4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;">&nbsp;</div>
<div style="background-color: #f4f4f4; border-radius: 50%; height: 12.5px; width: 12.5px; transform: translateX(9px) translateY(-18px);">&nbsp;</div>
</div>
<div style="margin-left: 8px;">
<div style="background-color: #f4f4f4; border-radius: 50%; flex-grow: 0; height: 20px; width: 20px;">&nbsp;</div>
<div style="width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg);">&nbsp;</div>
</div>
<div style="margin-left: auto;">
<div style="width: 0px; border-top: 8px solid #F4F4F4; border-right: 8px solid transparent; transform: translateY(16px);">&nbsp;</div>
<div style="background-color: #f4f4f4; flex-grow: 0; height: 12px; width: 16px; transform: translateY(-4px);">&nbsp;</div>
<div style="width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);">&nbsp;</div>
</div>
</div>
<div style="display: flex; flex-direction: column; flex-grow: 1; justify-content: center; margin-bottom: 24px;">
<div style="background-color: #f4f4f4; border-radius: 4px; flex-grow: 0; height: 14px; margin-bottom: 6px; width: 224px;">&nbsp;</div>
<div style="background-color: #f4f4f4; border-radius: 4px; flex-grow: 0; height: 14px; width: 144px;">&nbsp;</div>
</div>
</a>
<p style="color: #c9c8cd; font-family: Arial,sans-serif; font-size: 14px; line-height: 17px; margin-bottom: 0; margin-top: 8px; overflow: hidden; padding: 8px 0 7px; text-align: center; text-overflow: ellipsis; white-space: nowrap;"><a style="color: #c9c8cd; font-family: Arial,sans-serif; font-size: 14px; font-style: normal; font-weight: normal; line-height: 17px; text-decoration: none;" href="https://www.instagram.com/p/DPlqrW_EYjU/?utm_source=ig_embed&amp;utm_campaign=loading" target="_blank" rel="noopener">A post shared by Anandu Aji (@anantwo_aji)</a>
</div>
</blockquote>

<script src="//www.instagram.com/embed.js" async=""></script>

આજીવન આઘાત માટે RSS જવાબદાર
આનંદુએ તેની પોસ્ટમાં સ્પષ્ટપણે જણાવ્યું કે આત્મહત્યા પાછળ કોઈ અંગત સંબંધ કે દેવું નહીં, પરંતુ તેમની માનસિક સ્થિતિ જવાબદાર છે. તેમણે આ સ્થિતિ માટે RSSને મુખ્ય સંગઠન અને એક ચોક્કસ વ્યક્તિને જવાબદાર ગણાવ્યા છે. પોસ્ટમાં લખ્યું કે તેમના પિતાએ તેમને બાળપણમાં RSS સાથે જોડ્યા હતા અને ત્યાં જ તેમણે આઘાત સહન કર્યો. તેમણે પોતાને 'બળાત્કારનો ભોગ' ગણાવતા સંગઠન પર ગંભીર આક્ષેપો મૂક્યા.&nbsp;
આનંદુએ પોસ્ટમાં 'NM' નામના વ્યક્તિનો ઉલ્લેખ કર્યો, જે RSS અને BJPનો સક્રિય સભ્ય હોવા ઉપરાંત તેમના પાડોશી પણ હતા. આનંદુના પરિવારનો વિશ્વાસુ ગણાતા આ વ્યક્તિએ નાની ઉંમરે તેમનું સતત જાતીય શોષણ કર્યું જેનો આઘાત વ્યક્ત કર્યો કે આ દુર્વ્યવહાર જ ઓબ્સેસિવ-કમ્પલ્સિવ ડિસઓર્ડર (OCD)નું કારણ હતો, જેની જાણ તેમને નિદાન બાદ થઈ. તેમણે RSSના શિબિરો (ITC અને OTC)માં પણ સંગઠનના અજાણ્યા સભ્યો દ્વારા જાતીય અને શારીરિક શોષણનો ભોગ બન્યા હોવાનો આક્ષેપ કર્યો છે.&nbsp;
દયનીય શોષણનો ભોગ બનેલા હોવાના દાવા સાથે, આનંદુએ&nbsp;RSSને 'તીવ્ર નફરત અને દુર્વ્યવહારનો સ્ત્રોત' ગણાવ્યો અને તેના સભ્યો સાથે કોઈપણ પ્રકારનો સંબંધ ન રાખવાની ચેતવણી આપી. તેમણે અન્ય બાળકો સાથે પણ શિબિરોમાં આવું જ શોષણ થતું હોવાનો આરોપ મૂક્યો. ઉપરાંત&nbsp;આવા બાળકોને બચાવવા માટે તાત્કાલિક પગલાં લેવા વિનંતી કરી. સાથે જ, માતા-પિતાને અપીલ કરી કે તેઓ બાળકોને યોગ્ય સેક્સ એજ્યુકેશન આપે અને સારા-ખરાબ સ્પર્શ વિશે જાગૃત કરે, જેથી ડરને કારણે બાળકો ચૂપ ન રહે.
આ ગંભીર આક્ષેપો બાદ કેરળમાં રાજકારણ ગરમાયું છે. સત્તારૂઢ CPIM અને તેની યુવા પાંખ DYFIએ આનંદુની સોશિયલ મીડિયા પોસ્ટમાં કરાયેલા આક્ષેપોની ગહન અને નિષ્પક્ષ તપાસ કરવા માટે પોલીસમાં લેખિત ફરિયાદ નોંધાવી છે. DYFIના ઉપાધ્યક્ષ વી.કે. સનોજે આ ઘટનાને RSSની 'અમાનવીય વિચારધારા'નો પર્દાફાશ ગણાવી છે. હાલમાં પોલીસે અનનેચરલ ડેથનો કેસ દાખલ કરીને આ સમગ્ર મામલે તપાસ શરૂ કરી છે, જેથી મૃત્યુના સંજોગો અને આનંદુના આક્ષેપોની સત્યતા જાણી શકાય.

કેરળ IT પ્રોફેશનલની આત્મહત્યા: RSS પર ભયંકર આક્ષેપ

યુવા એન્જિનિયરે આત્મહત્યા કરતા પહેલા RSS કેમ્પોમાં જાતીય અને શારીરિક શોષણનો કર્યો પર્દાફાશ

કેરળના આરોગ્ય મંત્રી વીણા જ્યોર્જે બુધવારે જાહેરાત કરી કે, આ વર્ષે અત્યાર સુધીમાં રાજ્યમાં પ્રાયમરી એમીબિક મેનિન્ગોએન્સેફાલીટીસ (PAM)ના 69 કેસ નોંધાયા છે, જેમાં 19 દર્દીઓના મૃત્યુ થયા છે. જોકે, તેમણે સ્પષ્ટતા કરી કે ગત વર્ષની જેમ આ વર્ષે કોઈ ચોક્કસ ક્લસ્ટર આઉટબ્રેક જોવા મળ્યો નથી. ગયા વર્ષે કોઝિકોડ, મલપ્પુરમ અને કન્નુર જેવા વિસ્તારોમાં દૂષિત પાણીના કારણે આ રોગ ફેલાયો હતો. આ રોગ નાઈગ્લેરિયા ફોવલેરી નામના પરોપજીવીથી થાય છે, જેને સામાન્ય રીતે "મગજ ખાતા અમીબા" તરીકે ઓળખવામાં આવે છે.
ચેપ અને તેના લક્ષણો
નાઈગ્લેરિયા ફોવલેરી નામનો આ અમીબા તાજા પાણીના સ્ત્રોત, જેમ કે તળાવો, નદીઓ અથવા સ્વિમિંગ પૂલમાં જોવા મળે છે. તે નાક દ્વારા શરીરમાં પ્રવેશીને મગજ સુધી પહોંચે છે. આ રોગ પાણી પીવાથી ફેલાતો નથી. આ ચેપ લાગ્યા પછી રોગ ઝડપથી આગળ વધે છે, જેના લક્ષણોમાં અચાનક તાવ, તીવ્ર માથાનો દુખાવો, ઉબકા, ઉલટી, ગરદન જકડાઈ જવી, મૂંઝવણ, આંચકી અને છેવટે બેભાન થવાનો સમાવેશ થાય છે. આ રોગ અત્યંત દુર્લભ હોવા છતાં, તે ખૂબ જ જીવલેણ સાબિત થઈ શકે છે.
આ પણા વાંચો: <a href="https://www.benefitnews24.com/gujarati/health/brain-eating-amoeba-in-kerala-56-year-old-woman-dies/19008" target="_blank" rel="noopener">કેરળમાં દિમાગ ખાવાવાળા જીવલેણ અમીબાથી 5ના મોત</a>
આરોગ્ય વિભાગ દ્વારા તાત્કાલિક પગલા
આ ખતરાને ધ્યાનમાં રાખીને, કેરળના આરોગ્ય અધિકારીઓએ નેશનલ સેન્ટર ફોર ડિસીઝ કંટ્રોલ સાથે મળીને રાજ્યભરમાં સર્વેલન્સ વધારી દીધું છે. ડૉકટરોને સૂચના આપવામાં આવી છે કે, તેઓ મેનિન્ગોએન્સેફાલીટીસના તમામ કેસોમાં એમીબિક ચેપની તપાસ કરે અને તાત્કાલિક સારવાર શરૂ કરે. મંત્રી જ્યોર્જે જણાવ્યું કે, 2023ના નિપાહ રોગચાળા બાદ કેરળની આરોગ્ય પ્રણાલી વધુ મજબૂત બની છે, જેના કારણે આ વર્ષે PAMના કેસોનું વધુ સારી રીતે સંચાલન શક્ય બન્યું છે.

કેરળમાં 'મગજ ખાતા અમીબા'ના કારણે થતાં પ્રાયમરી એમીબિક મેનિન્ગોએન્સેફાલીટીસના 69 કેસ

કેરળમાં મગજ ખાતા અમીબાના 69 કેસ અને 19 મૃત્યુ

ઓણમ પર્વ દરમિયાન મુથુપિલક્ક સ્થિત પાર્થેસારથી મંદિરે બનાવાયેલા પુકળમ (ફૂલોથી રચાયેલ ચિત્ર)ને લઈને મોટો વિવાદ ઊભો થયો છે. આ બનાવમાં **રાષ્ટ્રીય સ્વયંસેવક સંઘ (RSS)**ના 27 કાર્યકરો સામે પોલીસ ફરિયાદ નોંધાઈ છે.
પુખ્તલમાં &ldquo;ઓપરેશન સિંદૂર&rdquo; અને આરએસએસનો પ્રતીક સમાવેશ થતાં મંદિરે આક્ષેપ કર્યો કે આ કાર્ય કેરળ હાઈકોર્ટના 2023ના આદેશનું ઉલ્લંઘન છે. આદેશ અનુસાર મંદિરમાં કે તેની પરિસરમાં રાજકીય ધ્વજ કે પ્રતીકોનો ઉપયોગ પ્રતિબંધિત છે.
મંદિર સમિતિના કાર્યકર અશોકન સીએ જણાવ્યું: &ldquo;હાઈકોર્ટના નિર્દેશ મુજબ મંદિરમાં કોઈ પ્રતીક કે ધ્વજ મંજૂર નથી. છતાં આરએસએસના કાર્યકરો પોતાના ફૂલોના ચિત્ર સાથે મંદિરસમિતિના પુકળમની બાજુમાં આવી રચના કરી. આથી અથડામણની શક્યતા હતી. અમને ઓપરેશન સિંદૂરનો પૂરો આદર છે, પરંતુ તેને આ રીતે રજૂ કરવું યોગ્ય નથી.&rdquo;
ફરિયાદના આધારે પોલીસે કેસ દાખલ કર્યો છે. પોલીસનું કહેવું છે કે પૂર્વના ઝઘડા ફરી પ્રગટ ન થાય તે માટે કાર્યવાહી જરૂરી હતી.
બીજી તરફ, ભાજપે આ કાર્યવાહી પર તીખો આક્રોશ વ્યક્ત કર્યો. રાજ્ય અધ્યક્ષ રાજીવ ચંદ્રશેખરએ જણાવ્યું: &ldquo;આ કેરળ છે, ભારતનો ગૌરવ છે. પરંતુ અહીં પુકળમમાં 'ઓપરેશન સિંદૂર' લખાયું એટલા માટે એફઆઈઆર કરવામાં આવી છે, જે એકદમ અસ્વીકાર્ય છે. શું કેરળ જમાત-એ-ઇસ્લામી કે પાકિસ્તાનના શાસનમાં છે?&rdquo; તેમણે ચેતવણી આપી કે જો ફરિયાદ પાછી ખેંચવામાં નહીં આવે તો ભાજપ કોર્ટનો દરવાજો ખખડાવશે.
આ રીતે પરંપરાગત ઓણમ પુકળમ હવે રાજકીય-ધાર્મિક વિવાદનું કેન્દ્ર બની ગયું છે.

કોલ્લમ મંદિરે પુકળમથી વિવાદ

આરએસએસના પુકળમથી વિવાદ, 27 કાર્યકરો સામે પોલીસ કેસ

કેરલમાં ફૂલોની રંગોળી કેમ વિવાદ સર્જ્યો?

New Foldable Apple iPhone Duo Price: Appleનો પહેલો ફોલ્ડેબલ iPhone Duo ભારતમાં ₹2,99,900ની શરૂઆતની કિંમત સાથે લોન્ચ થયો છે. 256GB સ્ટોરેજવાળા બેઝ મોડલથી શરૂ થતો iPhone Duo 2TB સ્ટોરેજ વેરિઅન્ટ સુધી ઉપલબ્ધ છે. Appleના જણાવ્યા મુજબ ભારતમાં iPhone Duoના પ્રી-ઓર્ડર 16 ઓક્ટોબરથી શરૂ થશે અને તેનું વેચાણ 23 ઓક્ટોબરથી શરૂ થશે. ઊંચી કિંમતને કારણે ભારતમાં iPhone Duoની કિંમત અને અમેરિકાની કિંમત વચ્ચેનો તફાવત હાલ ચર્ચામાં છે.
ભારતમાં iPhone Duoની કિંમત અમેરિકાથી કેમ વધારે? અમેરિકામાં iPhone Duoની શરૂઆતની કિંમત $1,999 છે, જ્યારે ભારતમાં બેઝ મોડલની કિંમત ₹2,99,900 છે. સીધી કરન્સી કન્વર્ઝન પ્રમાણે બંને દેશોની કિંમતમાં મોટો તફાવત જોવા મળે છે. જોકે, માત્ર લિસ્ટ પ્રાઇસની સરખામણી કરવાથી iPhone Duoની વાસ્તવિક કિંમતનું સંપૂર્ણ ચિત્ર સામે આવતું નથી. અમેરિકામાં Apple દ્વારા દર્શાવવામાં આવેલી કિંમતમાં રાજ્ય પ્રમાણે લાગતો sales tax સામેલ નથી. બીજી તરફ, ભારતમાં દર્શાવવામાં આવેલી ₹2,99,900ની કિંમતમાં લાગુ GST સામેલ છે. તેથી iPhone Duoની India vs US price comparison કરતી વખતે બંને દેશોના ટેક્સ અને આયાત ખર્ચને ધ્યાનમાં લેવો જરૂરી છે.
iPhone Duo ભારતમાં બને છે કે આયાત થાય છે? ભારતમાં iPhone Duoની ઊંચી કિંમત પાછળનું એક મહત્વનું કારણ તેનું સ્થાનિક ઉત્પાદન ન હોવાનું માનવામાં આવે છે. હાલ આ પ્રથમ પેઢીનો ફોલ્ડેબલ iPhone તૈયાર આયાતી યુનિટ તરીકે ભારતમાં આવી રહ્યો છે. તેના કારણે કસ્ટમ્સ ડ્યુટી અને અન્ય આયાત સંબંધિત ખર્ચ અંતિમ રિટેલ કિંમતમાં ઉમેરાય છે. આ ઉપરાંત ફોલ્ડેબલ iPhoneની ઉત્પાદન ટેક્નોલોજી સામાન્ય સ્માર્ટફોન કરતાં વધુ જટિલ છે. ફોલ્ડેબલ ડિસ્પ્લે, હિન્જ અને ફોલ્ડિંગ મિકેનિઝમ જેવા ઘટકો માટે ચોકસાઈભર્યું ઉત્પાદન જરૂરી હોય છે. પ્રથમ પેઢીના ફોલ્ડેબલ ફોનમાં આ ટેક્નોલોજીના કારણે ઉત્પાદન ખર્ચ પણ વધુ રહી શકે છે.
iPhone Duoની કિંમતમાં GST અને આયાત ખર્ચની અસર ભારતમાં મોબાઇલ ફોન પર 18% GST લાગુ પડે છે. આયાતી સ્માર્ટફોન માટે કસ્ટમ્સ ડ્યુટી અને અન્ય આયાત સંબંધિત કર પણ કિંમતના ગણિતમાં મહત્વની ભૂમિકા ભજવે છે. તેથી ₹2,99,900ની રિટેલ કિંમતની સરખામણી સીધી અમેરિકાની $1,999 લિસ્ટ કિંમત સાથે કરવી સંપૂર્ણ રીતે યોગ્ય નથી. કર અને આયાત ખર્ચને અલગ કરીને કરવામાં આવતી ગણતરી અંદાજિત હોય છે. Appleની સપ્લાય ચેઇન, કસ્ટમ્સ વેલ્યુ અને અન્ય ખર્ચના આધારે વાસ્તવિક કિંમતનું માળખું બદલાઈ શકે છે.
શું ભારતમાં iPhone Duo ભવિષ્યમાં સસ્તો થઈ શકે? હવે મોટો સવાલ એ છે કે ભારતમાં iPhone Duoની કિંમત આગામી સમયમાં ઘટશે કે નહીં. તેનો આધાર સ્થાનિક ઉત્પાદન અને સપ્લાય ચેઇન પર રહેશે. જો Apple અથવા તેના મેન્યુફેક્ચરિંગ પાર્ટનર્સ ભારતમાં iPhone Duoનું ઉત્પાદન અથવા એસેમ્બલી શરૂ કરે, તો આયાત સંબંધિત ખર્ચ ઘટી શકે છે. Apple ભારતમાં iPhoneનું ઉત્પાદન સતત વધારી રહ્યું છે, પરંતુ ફોલ્ડેબલ ડિસ્પ્લે અને હિન્જ જેવી જટિલ ટેક્નોલોજીને સ્થાનિક સપ્લાય ચેઇનમાં લાવવામાં સમય લાગી શકે છે. હાલમાં ₹2,99,900ની શરૂઆતની કિંમત સાથે iPhone Duo ભારતીય ગ્રાહકો માટે પ્રીમિયમ ફોલ્ડેબલ સ્માર્ટફોન છે. ભવિષ્યમાં સ્થાનિક ઉત્પાદન વધશે અને ફોલ્ડેબલ ટેક્નોલોજીનું મોટા પાયે ઉત્પાદન થશે તો ભારતમાં iPhone Duoની કિંમત વધુ સ્પર્ધાત્મક બનવાની શક્યતા છે.

ભારતમાં Apple iPhone Duoની કિંમત

અમેરિકામાં $1,999 અને ભારતમાં ₹2.99 લાખ… iPhone Duoની કિંમતમાં આટલો મોટો તફાવત કેમ?

ભારતમાં iPhone Duo આટલો મોંઘો કેમ? ₹2.99 લાખની કિંમતનું ગણિત

Morbi Market Yard Election: મોરબી માર્કેટ યાર્ડ ચૂંટણીના પરિણામ બાદ જિલ્લાના સહકારી રાજકારણમાં નવી ચર્ચા શરૂ થઈ છે. ખેડૂત પરિવર્તન પેનલના ઉમેદવારોએ 14માંથી 9 બેઠકો પર જીત મેળવી છે. પરિણામ બાદ વિજેતા ઉમેદવારો સૌથી પહેલા જેતપર ગામે પહોંચ્યા હતા. ચૂંટણી દરમિયાન જેતપરની ખેડૂતોની મંડળીએ ખેડૂત પરિવર્તન પેનલને ખુલ્લો ટેકો આપ્યો હતો. પેનલના સમર્થકોનો દાવો છે કે આ સમર્થનથી ચૂંટણીમાં માહોલ બદલાયો અને માર્કેટ યાર્ડમાં 30 વર્ષથી રહેલા સહકાર પેનલના વર્ચસ્વનો અંત આવ્યો.
જેતપર ગામે વિજેતા ઉમેદવારોનું ભવ્ય સ્વાગત મોરબી માર્કેટ યાર્ડ ચૂંટણીમાં ખેડૂત પરિવર્તન પેનલની જીત બાદ જેતપર ગામે વિજેતા ઉમેદવારોનું સન્માન કરવામાં આવ્યું હતું. કોંગ્રેસના પૂર્વ ધારાસભ્ય લલિતભાઈ કગથરા, વિજેતા ઉમેદવારો અને કોંગ્રેસના અન્ય આગેવાનો પણ કાર્યક્રમમાં પહોંચ્યા હતા. ખેડૂતો અને મંડળીના સભ્યોએ આતિશબાજી તથા ઢોલ-નગારા સાથે વિજેતાઓનું સ્વાગત કર્યું હતું. ખેડૂતો અને મંડળીના સભ્યોએ નવા ચૂંટાયેલા પ્રતિનિધિઓ પાસે આગામી પાંચ વર્ષ દરમિયાન ખેડૂતોના હિતમાં કામ કરવાની અપેક્ષા વ્યક્ત કરી હતી.
&lsquo;ખેડૂતોએ વિશ્વાસ મૂક્યો છે, હવે તડજોડ ન કરતા&rsquo; જેતપરની મંડળીના સભ્ય સતીષભાઈ અઘારાએ વિજેતા ઉમેદવારોને ટકોર કરી હતી. તેમણે કહ્યું કે ખેડૂતોએ વિશ્વાસ મૂકીને ઉમેદવારોને ચૂંટ્યા છે, તેથી લોભ, લાલચ કે ધમકીના કારણે સત્તાધારી પક્ષ સાથે તડજોડ ન કરવી જોઈએ. આ નિવેદન બાદ મોરબી માર્કેટ યાર્ડની ચૂંટણીના પરિણામને લઈને સહકારી રાજકારણમાં ચર્ચા વધુ તેજ બની છે.
લલિત કગથરાનો દાવો, &lsquo;આ ખેડૂતોની જીત છે&rsquo; કોંગ્રેસના પૂર્વ ધારાસભ્ય લલિતભાઈ કગથરાએ મોરબી માર્કેટ યાર્ડ ચૂંટણીની જીતને કોંગ્રેસની નહીં પરંતુ ખેડૂતોના વિશ્વાસ અને સહકારની જીત ગણાવી હતી. તેમણે દાવો કર્યો કે વર્ષોથી યાર્ડમાં એકચક્રી શાસન હતું અને તેના કારણે ખેડૂતો તથા વેપારીઓને મુશ્કેલી પડતી હતી. કગથરાએ વધુમાં દાવો કર્યો કે જો વેપારી પેનલમાં પૂરતા ઉમેદવારો હોત તો સહકાર પેનલનો સંપૂર્ણ સફાયો થઈ શક્યો હોત.
ભાજપ સાથે તડજોડના આક્ષેપ વચ્ચે ચેતવણી કાર્યક્રમમાં મનોજભાઈ પનારાએ પણ ચૂંટણી બાદની સ્થિતિ અંગે નિવેદન આપ્યું હતું. તેમણે કહ્યું કે ખેડૂતોએ વિશ્વાસ મૂકીને ખેડૂત પરિવર્તન પેનલને સત્તા સોંપી છે. તેમણે ભાજપના કોઈ નેતા દ્વારા ચૂંટાયેલા ઉમેદવારો સાથે તડજોડના પ્રયાસ અંગે ચેતવણી આપતા સ્ટિંગ ઓપરેશન કરવાની વાત કરી હતી. તેમણે વધુમાં કહ્યું કે જો કોઈ ચૂંટાયેલો ઉમેદવાર &lsquo;વેચાશે&rsquo; તો ખેડૂતો વિરોધ કરશે. આ નિવેદનો રાજકીય દાવા અને ચેતવણીના સ્વરૂપમાં છે.
મોરબીના સહકારી રાજકારણમાં શું બદલાશે? મોરબી માર્કેટ યાર્ડ ચૂંટણીમાં ખેડૂત પરિવર્તન પેનલની 14માંથી 9 બેઠકો પર જીત બાદ આગામી પાંચ વર્ષ માટે નવી વ્યવસ્થા સામે આવી છે. ખાસ કરીને 30 વર્ષના સહકાર પેનલના વર્ચસ્વના અંતના દાવાને કારણે આ ચૂંટણીનું પરિણામ રાજકીય રીતે પણ મહત્વનું બન્યું છે. હવે ખેડૂત પરિવર્તન પેનલના ચૂંટાયેલા પ્રતિનિધિઓ માર્કેટ યાર્ડમાં ખેડૂતોના પ્રશ્નો, વેપારીઓ સાથેના વ્યવહાર અને યાર્ડની કામગીરીને લઈને કેવું કામ કરે છે તેના પર ખેડૂતોની નજર રહેશે.

મોરબી માર્કેટ યાર્ડ ચૂંટણીમાં ખેડૂત પરિવર્તન પેનલના વિજેતા ઉમેદવારોનું સન્માન

મોરબી માર્કેટ યાર્ડની ચૂંટણી બાદ વિજેતા ઉમેદવારો સૌથી પહેલા જેતપર કેમ પહોંચ્યા? એક મંડળીના સમર્થનથી ખરેખર બદલાયો આખો ખેલ?

30 વર્ષનું વર્ચસ્વ તૂટ્યું, 14માંથી 9 બેઠકો જીતી… મોરબી માર્કેટ યાર્ડમાં આખરે થયું શું?

Gujarat Drought Declaration Demand Amit Chavda: ગુજરાતમાં વરસાદ ખેંચાતા ખેડૂતોની મુશ્કેલી હવે રાજકીય મુદ્દો બની છે. સૌરાષ્ટ્ર, કચ્છ અને ઉત્તર ગુજરાત સહિતના અનેક વિસ્તારોમાં વરસાદના અભાવે પાક નુકસાન, પીવાના પાણીની અછત, સિંચાઈના પાણીની સમસ્યા અને પશુઓ માટે ઘાસચારાની અછતને લઈને કોંગ્રેસે રાજ્ય સરકાર સામે સવાલો ઉઠાવ્યા છે. ગુજરાત પ્રદેશ કોંગ્રેસ સમિતિના પ્રમુખ અમિત ચાવડાએ સરકાર પર ખેડૂતોની સમસ્યાઓ પ્રત્યે અસંવેદનશીલ હોવાનો આક્ષેપ કરીને તાત્કાલિક અછત અને દુષ્કાળ જાહેર કરવાની માંગ કરી છે.
વિધાનસભામાં કોંગ્રેસે નિયમ 116 હેઠળ તાકીદની જાહેર અગત્યની બાબત પર ચર્ચા માટે નોટિસ આપી હતી. કોંગ્રેસનો દાવો છે કે લાંબા સમયથી વરસાદ ખેંચાવાના કારણે અનેક વિસ્તારોમાં ખેડૂતોની સ્થિતિ ગંભીર બની છે અને સરકાર દ્વારા માત્ર સર્વેની પ્રક્રિયાની રાહ જોવાને બદલે તાત્કાલિક રાહત પગલાં લેવા જોઈએ.
112થી વધુ તાલુકામાં ગંભીર સ્થિતિ હોવાનો અમિત ચાવડાનો દાવો અમિત ચાવડાએ દાવો કર્યો કે ગુજરાતના 112થી વધુ તાલુકાઓમાં વરસાદની સ્થિતિ ગંભીરથી અતિ ગંભીર બની છે. તેમના જણાવ્યા મુજબ, અનેક વિસ્તારોમાં છેલ્લા ચારથી આઠ અઠવાડિયા દરમિયાન પૂરતો વરસાદ થયો નથી, જેના કારણે ખેડૂતોના ઉભા પાકને નુકસાન થવાની સ્થિતિ ઊભી થઈ છે. ચાવડાએ મુખ્યમંત્રી કિસાન સહાય યોજનાની માર્ગદર્શિકાનો ઉલ્લેખ કરતા કહ્યું કે સતત ચાર અઠવાડિયા સુધી વરસાદ ન પડે તો ગંભીર સ્થિતિ અને સતત આઠ અઠવાડિયા સુધી વરસાદ ન પડે તો અતિ ગંભીર સ્થિતિ ગણવામાં આવે છે. કોંગ્રેસના દાવા મુજબ, આવા માપદંડ હેઠળ 112થી વધુ તાલુકાઓ અસરગ્રસ્ત છે.
31 ઓક્ટોબર સુધી સર્વેની રાહ સામે કોંગ્રેસના સવાલ દુષ્કાળ અને અછત જાહેર કરવા માટે સરકાર દ્વારા સર્વેની પ્રક્રિયા હાથ ધરવામાં આવી રહી હોવાના મુદ્દે પણ કોંગ્રેસે સવાલ ઉઠાવ્યો છે. અમિત ચાવડાના જણાવ્યા મુજબ, સરકાર 31 ઓક્ટોબર સુધી સર્વે પૂર્ણ કરવાની વાત કરી રહી છે, પરંતુ ખેડૂતો હાલમાં જ પાક નુકસાન, પાણીની અછત અને આર્થિક મુશ્કેલીનો સામનો કરી રહ્યા છે. કોંગ્રેસનું કહેવું છે કે સર્વે અને નિયમોની પ્રક્રિયા ચાલુ રહી શકે છે, પરંતુ અસરગ્રસ્ત ખેડૂતોને તાત્કાલિક રાહત આપવાના નિર્ણયો પણ લેવા જોઈએ.
પાક નુકસાન વચ્ચે પાક વીમાનો મુદ્દો અમિત ચાવડાએ ગુજરાતમાં પ્રધાનમંત્રી પાક વીમા યોજના અંગે પણ સરકારને ઘેરી છે. તેમણે દાવો કર્યો કે ગુજરાતમાં પ્રધાનમંત્રી પાક વીમા યોજના વર્ષ 2020થી બંધ છે. તેમના જણાવ્યા મુજબ, પાક નુકસાન સામે ખેડૂતો પાસે પૂરતું વીમા રક્ષણ ન હોવાને કારણે વરસાદ ખેંચાવાની સ્થિતિમાં ખેડૂતો પર આર્થિક બોજ વધ્યો છે. કોંગ્રેસે માંગ કરી છે કે અસરગ્રસ્ત વિસ્તારોમાં પાક નુકસાનનો તાત્કાલિક સર્વે કરવામાં આવે અને ખેડૂતોને સીધું વળતર ચૂકવવામાં આવે.
ખેડૂતો માટે કોંગ્રેસની શું માંગ છે? કોંગ્રેસે ગુજરાત સરકાર સમક્ષ દુષ્કાળ અને અછતને લઈને અનેક માંગણીઓ કરી છે. જેમાં 112થી વધુ ગંભીર અને અતિ ગંભીર સ્થિતિ ધરાવતા તાલુકાઓ અંગે તાત્કાલિક નિર્ણય લેવા, પાક નુકસાનનો સર્વે કરી ખેડૂતોને વળતર ચૂકવવા અને ખેડૂતોનું એક વર્ષનું પાક ધિરાણ માફ કરવાની માંગ સામેલ છે. આ ઉપરાંત ખેડૂતોના વીજ બિલમાં રાહત અથવા માફી, પીવાના અને સિંચાઈના પાણીની વ્યવસ્થા, પશુધન માટે પૂરતો ઘાસચારો અને જરૂરિયાતમંદ પરિવારો માટે રોજગારીની વ્યવસ્થા કરવાની પણ કોંગ્રેસે માંગ કરી છે.
&lsquo;માત્ર વીજળી આપવાથી ખેડૂતોની સમસ્યા નહીં ઉકેલાય&rsquo; અમિત ચાવડાએ સરકાર દ્વારા ખેડૂતોને વીજળી અંગે કરવામાં આવતી જાહેરાતો પર પણ સવાલ ઉઠાવ્યા છે. તેમણે કહ્યું કે જો ખેતરમાં સિંચાઈ માટે પાણી ઉપલબ્ધ ન હોય, ભૂગર્ભ જળસ્તર ઊંડું ગયું હોય અને ઉભો પાક બરબાદ થઈ ગયો હોય તો માત્ર વીજળી વધારવાથી ખેડૂતોની સમસ્યા હલ નહીં થાય. ચાવડાએ સરકાર પર મોટા ઉદ્યોગો અને ડેટા સેન્ટરો માટે ઝડપથી નિર્ણયો લેવાનો, જ્યારે ખેડૂતોની મુશ્કેલીમાં તાત્કાલિક નિર્ણય લેવામાં વિલંબ કરવાનો આક્ષેપ પણ કર્યો છે.
ગુજરાતમાં દુષ્કાળ અને ખેડૂત રાહત પર હવે નજર ગુજરાતમાં વરસાદ ખેંચાવાની સ્થિતિ વચ્ચે દુષ્કાળ જાહેર કરવાની કોંગ્રેસની માંગે રાજકીય ચર્ચાને વેગ આપ્યો છે. એક તરફ કોંગ્રેસ અસરગ્રસ્ત તાલુકાઓમાં તાત્કાલિક રાહત, પાક નુકસાનનું વળતર, ધિરાણ માફી અને પાણી-ઘાસચારાની વ્યવસ્થા કરવાની માંગ કરી રહી છે, જ્યારે સરકારની આગળની કાર્યવાહી પર સૌની નજર છે. હવે 112થી વધુ તાલુકાઓ અંગે સરકાર શું નિર્ણય લે છે અને ખેડૂતોના પાક નુકસાન તથા પાણીની સમસ્યાને લઈને કયા રાહત પગલાં જાહેર કરે છે તે મહત્વનું રહેશે.

ગુજરાતમાં દુષ્કાળની સ્થિતિ વચ્ચે પાક નુકસાનથી પરેશાન ખેડૂતો અને સરકાર પાસે રાહતની માંગ

112થી વધુ તાલુકાઓમાં સ્થિતિ ગંભીર હોવાનો કોંગ્રેસનો દાવો, ખેડૂતોના પાકને નુકસાન અને પાણી-ઘાસચારાની સમસ્યા વચ્ચે અમિત ચાવડાએ સરકારને ઘેરી.

ખેડૂતો મુશ્કેલીમાં, સરકાર સર્વેમાં વ્યસ્ત? 112થી વધુ તાલુકા અંગે કોંગ્રેસનો મોટો દાવો!

મોરબી: Fish in Morbi district કેજ કલ્ચર યોજના માછીમારો માટે રોજગાર અને આવકનું નવું સાધન બની રહી છે. રાજ્ય સરકારની આ યોજના હેઠળ મચ્છુ-2 અને બ્રાહ્મણી-1 ડેમમાં કેજ પદ્ધતિથી મત્સ્યપાલનને પ્રોત્સાહન મળી રહ્યું છે. ચાલુ નાણાકીય વર્ષમાં મોરબી જિલ્લાના કુલ 15 લાભાર્થીઓને ફિશ કેજ કલ્ચર યોજના હેઠળ સૈદ્ધાંતિક મંજૂરી આપવામાં આવી છે.પરંપરાગત માછીમારી સાથે હવે મોરબીના માછીમારો આધુનિક મત્સ્યપાલન અને ફિશ કેજ કલ્ચર તરફ આગળ વધી રહ્યા છે. આ પદ્ધતિથી માછલીનું ઉત્પાદન વધારવાની સાથે માછીમારોની આવક અને રોજગારીની તકો વધારવાનો પ્રયાસ કરવામાં આવી રહ્યો છે.
મચ્છુ-2 અને બ્રાહ્મણી-1 ડેમમાં ફિશ કેજ કલ્ચર
રાજ્ય સરકાર દ્વારા 1,000 હેક્ટરથી વધુ વિસ્તાર ધરાવતા જળાશયોમાં ફિશ કેજ કલ્ચર પદ્ધતિથી મત્સ્યપાલનને પ્રોત્સાહન આપવામાં આવે છે. આ યોજના હેઠળ જળાશયમાં કેજ સ્થાપિત કરીને માછલીનું વ્યાવસાયિક ધોરણે ઉત્પાદન કરવામાં આવે છે.ચાલુ નાણાકીય વર્ષમાં આઈ-ખેડૂત પોર્ટલ મારફતે મોરબી જિલ્લાના માછીમારો પાસેથી ફિશ કેજ કલ્ચર યોજના માટે અરજીઓ મંગાવવામાં આવી હતી. મચ્છુ-2 ડેમ માટે 10 અને બ્રાહ્મણી-1 ડેમ માટે 10 સહિત કુલ 20 અરજીઓ મળી હતી.અરજીઓની ચકાસણી બાદ બ્રાહ્મણી-1 ડેમના 10 અને મચ્છુ-2 ડેમના 5 મળીને કુલ 15 લાભાર્થીઓની અરજીઓને સૈદ્ધાંતિક મંજૂરી આપવામાં આવી છે.
બે કેજમાંથી વર્ષે 15થી 20 ટન માછલીનું ઉત્પાદન
મોરબી મત્સ્ય વિભાગ દ્વારા લાભાર્થીઓને ફિશ કેજ ઇન્સ્ટોલેશન અને મત્સ્યપાલન અંગે જરૂરી માર્ગદર્શન આપવામાં આવી રહ્યું છે. એક લાભાર્થીને નિયમ મુજબ વધુમાં વધુ 1,800 ક્યુબિક મીટર વિસ્તારમાં કેજ બનાવવાની જોગવાઈ છે.ફિશ કેજમાં મુખ્યત્વે ફંગેશિયસ જાતિની માછલીનું ઉત્પાદન કરવામાં આવે છે. બે કેજમાંથી એક વર્ષમાં અંદાજે 15થી 20 ટન માછલીનું ઉત્પાદન થઈ શકે છે.આ પ્રકારનું આધુનિક મત્સ્યપાલન માછીમારો માટે વધારાની આવક ઊભી કરવાની સાથે સ્થાનિક સ્તરે રોજગારની નવી તકો પણ ઊભી કરી રહ્યું છે.
ફિશ કેજ કલ્ચર યોજના હેઠળ ₹32.40 લાખ સુધીની સહાય
માછીમારો માટે આ યોજનાની સૌથી મહત્વની બાબત સરકારી આર્થિક સહાય છે. ફિશ કેજ કલ્ચર યોજના હેઠળ નિયમ મુજબ લાભાર્થીઓને 40 ટકા અને 60 ટકા સુધીની સહાય મળવાપાત્ર છે.
મત્સ્ય વિભાગના જણાવ્યા અનુસાર, એક લાભાર્થીને વધુમાં વધુ ₹32.40 લાખ સુધીની સરકારી સહાય મળી શકે છે. આ સહાયથી માછીમારોને કેજ સ્થાપિત કરીને આધુનિક રીતે માછલીનું ઉત્પાદન કરવામાં આર્થિક મદદ મળે છે.
ગત વર્ષે 14 માછીમારોને મળ્યો યોજનાનો લાભ
મોરબી જિલ્લામાં ફિશ કેજ કલ્ચર યોજનાનો અમલ અગાઉ પણ કરવામાં આવ્યો છે. ગત વર્ષે મચ્છુ-2 ડેમના 14 લાભાર્થીઓને આ યોજનાનો લાભ આપવામાં આવ્યો હતો.આ 14 લાભાર્થીઓને રાજ્ય સરકાર દ્વારા અંદાજે ₹4.84 કરોડની સહાય ચૂકવવામાં આવી હતી. હવે ચાલુ વર્ષે પણ મચ્છુ-2 અને બ્રાહ્મણી-1 ડેમના વધુ માછીમારોને યોજનાનો લાભ મળતાં આધુનિક મત્સ્યપાલનને વધુ વેગ મળવાની શક્યતા છે.
માછીમારોને અન્ય મત્સ્ય યોજનાઓનો પણ લાભ
મોરબી જિલ્લાના માછીમારોને માત્ર ફિશ કેજ કલ્ચર યોજના પૂરતો લાભ મળતો નથી. આઈ-ખેડૂત પોર્ટલ મારફતે દરિયાઈ મત્સ્ય ઉદ્યોગ, ભાંભરાપાણી મત્સ્ય ઉદ્યોગ અને આંતરદેશી મત્સ્ય ઉદ્યોગ સહિતની વિવિધ યોજનાઓનો લાભ પણ આપવામાં આવી રહ્યો છે.સરકારની આ યોજનાઓના કારણે પરંપરાગત માછીમારી સાથે સંકળાયેલા લોકો માટે આધુનિક મત્સ્યપાલન, વધુ માછલી ઉત્પાદન, વધારાની આવક અને રોજગારની નવી તકો ઊભી થઈ રહી છે.મોરબીમાં મચ્છુ-2 અને બ્રાહ્મણી-1 ડેમ હવે ફિશ કેજ કલ્ચર અને આધુનિક મત્સ્યપાલન માટે મહત્વના જળાશયો તરીકે આગળ આવી રહ્યા છે.

મોરબીના માછીમારો માટે ખુલ્યો કમાણીનો નવો રસ્તો, 15 લોકોને મળી ફિશ કેજ કલ્ચરની મંજૂરી

મોરબીના આ 2 ડેમ બદલશે માછીમારોની કિસ્મત?

National Film Awards 2026: નેશનલ ફિલ્મ એવોર્ડ સમારોહ દિલ્હીથી ગુજરાતના કેવડિયા ખસેડવાના નિર્ણયને લઈને ચાલી રહેલા રાજકીય વિવાદ વચ્ચે અભિનેતા પરેશ રાવલે મોટું નિવેદન આપ્યું છે. તેમણે ગુજરાતમાં નેશનલ ફિલ્મ એવોર્ડ યોજવાના નિર્ણયનો બચાવ કરતાં કહ્યું કે ગુજરાત ભારતનો જ એક ભાગ છે અને દેશના મોટા કાર્યક્રમો અલગ-અલગ રાજ્યોમાં યોજાવા જોઈએ.
ગુજરાતમાં નેશનલ ફિલ્મ એવોર્ડ યોજવા પર પરેશ રાવલનું નિવેદન
72મો નેશનલ ફિલ્મ એવોર્ડ સમારોહ આ વર્ષે દિલ્હીના બદલે ગુજરાતના કેવડિયામાં યોજાશે. આ નિર્ણયને લઈને રાજકીય ચર્ચા વચ્ચે પરેશ રાવલે કાર્યક્રમનું સ્થળ બદલવા અંગે પોતાની પ્રતિક્રિયા આપી છે.
સમાચાર એજન્સી ANI સાથે વાતચીત દરમિયાન પરેશ રાવલે કહ્યું, &ldquo;શું ગુજરાત બાંગ્લાદેશમાં છે કે પાકિસ્તાનમાં? ગુજરાત તો આપણા દેશનો જ એક ભાગ છે. ત્યાં ચોક્કસપણે આ કાર્યક્રમ થવો જોઈએ.&rdquo;
રાજકીય વિવાદ અંગે સવાલ પૂછવામાં આવતા પરેશ રાવલે કહ્યું, &ldquo;રાજકારણનું કામ જ સવાલો ઉઠાવવાનું છે.&rdquo;&nbsp;તેમણે વધુમાં કહ્યું કે દેશના દરેક મોટા કાર્યક્રમનું આયોજન માત્ર દિલ્હીમાં જ થવું જરૂરી નથી. પરેશ રાવલે ઉદાહરણ આપતાં કહ્યું, &ldquo;26 જાન્યુઆરીની પરેડ દિલ્હીમાં થાય છે ને? તો દરેક કાર્યક્રમ દરેક રાજ્યમાં થવો જોઈએ.&rdquo;
22 સપ્ટેમ્બરે કેવડિયામાં યોજાશે નેશનલ ફિલ્મ એવોર્ડ સમારોહ
નેશનલ ફિલ્મ એવોર્ડ 2026નો સમારોહ 22 સપ્ટેમ્બરે ગુજરાતના કેવડિયા, એટલે કે એકતા નગરમાં યોજાશે. રાષ્ટ્રપતિ દ્રૌપદી મુર્મુ વિજેતા કલાકારો અને ફિલ્મોને રાષ્ટ્રીય ફિલ્મ પુરસ્કારથી સન્માનિત કરશે.
દિલ્હીની બહાર નેશનલ ફિલ્મ એવોર્ડ સમારોહ યોજવાનો નિર્ણય આ વખતે ખાસ ચર્ચામાં છે. જોકે, આ પહેલીવાર નથી જ્યારે આ સમારોહ દિલ્હીની બહાર યોજાયો હોય.
કેવડિયા કેમ છે ખાસ?
કેવડિયા, જેને હવે એકતા નગર તરીકે ઓળખવામાં આવે છે, વિશ્વપ્રસિદ્ધ સ્ટેચ્યુ ઓફ યુનિટી માટે જાણીતું છે.અહીં સરદાર વલ્લભભાઈ પટેલની 597 ફૂટ ઊંચી પ્રતિમા આવેલી છે. સ્ટેચ્યુ ઓફ યુનિટીનું ઉદ્ઘાટન વડાપ્રધાન નરેન્દ્ર મોદીએ 2018માં કર્યું હતું.આ કારણે નેશનલ ફિલ્મ એવોર્ડ જેવા રાષ્ટ્રીય સ્તરના કાર્યક્રમ માટે કેવડિયાની પસંદગી પણ ચર્ચાનો મહત્વનો મુદ્દો બની છે.
નેશનલ ફિલ્મ એવોર્ડનો ઈતિહાસ શું છે?
પ્રથમ નેશનલ ફિલ્મ એવોર્ડ સમારોહ 1954માં દિલ્હીના વિજ્ઞાન ભવનમાં યોજાયો હતો. ત્યારથી મોટાભાગના નેશનલ ફિલ્મ એવોર્ડ સમારોહ દિલ્હીમાં યોજાતા આવ્યા છે.જોકે, દિલ્હીની બહાર પણ આ સમારોહ યોજાઈ ચૂક્યો છે. 17મો નેશનલ ફિલ્મ એવોર્ડ સમારોહ 1971માં ચેન્નાઈમાં યોજાયો હતો.આ જ કારણથી ગુજરાતમાં 72મો નેશનલ ફિલ્મ એવોર્ડ સમારોહ યોજવાનો નિર્ણય પરંપરામાં એક મહત્વપૂર્ણ ફેરફાર તરીકે જોવામાં આવી રહ્યો છે.
કયા કલાકારો અને ફિલ્મોને મળશે નેશનલ ફિલ્મ એવોર્ડ?
આ વર્ષે અનેક જાણીતા કલાકારો અને ફિલ્મોએ નેશનલ ફિલ્મ એવોર્ડમાં સ્થાન મેળવ્યું છે.
<ul data-spread="false">
<li>&lsquo;આર્ટિકલ 370&rsquo; ને શ્રેષ્ઠ ફીચર ફિલ્મનો એવોર્ડ જાહેર થયો છે.</li>
<li>યામી ગૌતમને &lsquo;આર્ટિકલ 370&rsquo; માટે શ્રેષ્ઠ અભિનેત્રીનો એવોર્ડ મળશે.</li>
<li>મલયાલમ સુપરસ્ટાર મામૂટીને &lsquo;બ્રમાયુગમ&rsquo; માટે શ્રેષ્ઠ અભિનેતાનો એવોર્ડ મળશે.</li>
<li>કાર્તિક આર્યનને &lsquo;ચંદુ ચેમ્પિયન&rsquo; માટે શ્રેષ્ઠ અભિનેતાનો એવોર્ડ મળશે.</li>
<li>રણદીપ હુડાને &lsquo;સ્વતંત્ર વીર સાવરકર&rsquo; માટે શ્રેષ્ઠ ડેબ્યુ ડિરેક્ટરનો એવોર્ડ આપવામાં આવશે.</li>
<li>&lsquo;કલ્કી 2898 એડી&rsquo;ને સ્વસ્થ મનોરંજન પૂરું પાડતી શ્રેષ્ઠ લોકપ્રિય ફિલ્મનો એવોર્ડ મળશે.</li>
<li>ધનુષ અભિનીત &lsquo;કેપ્ટન મિલર&rsquo; ને રાષ્ટ્રીય, સામાજિક અને પર્યાવરણીય મૂલ્યોને પ્રોત્સાહન આપતી શ્રેષ્ઠ ફીચર ફિલ્મ તરીકે પસંદ કરવામાં આવી છે.</li>
</ul>
પરેશ રાવલના નિવેદનથી ફરી ચર્ચામાં નેશનલ ફિલ્મ એવોર્ડ
દિલ્હીથી ગુજરાતના કેવડિયા ખાતે નેશનલ ફિલ્મ એવોર્ડ સમારોહ ખસેડવાના નિર્ણયને લઈને રાજકીય વિવાદ ચાલી રહ્યો છે. આ વચ્ચે પરેશ રાવલના નિવેદને ચર્ચાને વધુ વેગ આપ્યો છે.પરેશ રાવલે સ્પષ્ટ રીતે કહ્યું છે કે ગુજરાત ભારતનો જ હિસ્સો છે અને રાષ્ટ્રીય સ્તરના કાર્યક્રમો દેશના અલગ-અલગ રાજ્યોમાં યોજાવા જોઈએ.હવે 22 સપ્ટેમ્બરે કેવડિયામાં યોજાનારા નેશનલ ફિલ્મ એવોર્ડ 2026 સમારોહ પર ફિલ્મ ઈન્ડસ્ટ્રી ઉપરાંત દેશભરની નજર રહેશે.

ફિલ્મ કલાકાર પરેશ રાવલ (AI Generated તસ્વીર)

નેશનલ ફિલ્મ એવોર્ડનું સ્થળ બદલાતા રાજકીય વિવાદ, પરેશ રાવલે આપ્યો ચોંકાવનારો જવાબ

‘શું ગુજરાત પાકિસ્તાનમાં છે?’ નેશનલ ફિલ્મ એવોર્ડ વિવાદ વચ્ચે પરેશ રાવલે એવું શું કહી દીધું?

નવી દિલ્હી: મોબાઈલ રિચાર્જ કરાવતા ગ્રાહકો માટે ફરી એકવાર મોંઘા રિચાર્જનો ઝટકો આવી શકે છે. રિલાયન્સ જિયો (Jio), ભારતી એરટેલ (Airtel) અને વોડાફોન આઈડિયા (Vi) આગામી બે ત્રિમાસિક ગાળામાં મોબાઈલ રિચાર્જ ટેરિફમાં 10થી 20 ટકા સુધીનો વધારો કરી શકે છે. જોકે, કંપનીઓ તરફથી આ ટેરિફ વધારા અંગે હજુ સુધી સત્તાવાર જાહેરાત કરવામાં આવી નથી.જો આ વધારો લાગુ થાય છે તો ગ્રાહકોના માસિક અને વાર્ષિક મોબાઈલ રિચાર્જ ખર્ચમાં સીધી અસર પડી શકે છે.
Jio, Airtel અને Vi રિચાર્જના ભાવ કેમ વધારી શકે?
ટેલિકોમ કંપનીઓ હાલમાં 5G નેટવર્ક, ટેલિકોમ ઈન્ફ્રાસ્ટ્રક્ચર અને ડેટા સેન્ટર સહિતના ક્ષેત્રોમાં મોટા રોકાણ કરી રહી છે. આ વધતા મૂડી ખર્ચ વચ્ચે કંપનીઓ પ્રતિ ગ્રાહક સરેરાશ આવક એટલે કે ARPU (Average Revenue Per User) વધારવા માગે છે.ટેલિકોમ ઉદ્યોગના વિશ્લેષકોના મતે, ટેરિફમાં વધારો કંપનીઓની આવક અને નફાકારકતા વધારવામાં મદદ કરી શકે છે.
મોબાઈલ રિચાર્જમાં 10થી 20% સુધીનો વધારો?
ઉદ્યોગના વિશ્લેષકો આગામી મોબાઈલ ટેરિફ હાઇક 10થી 20 ટકા વચ્ચે રહેવાની શક્યતા વ્યક્ત કરી રહ્યા છે. જોકે કયા Jio, Airtel અથવા Viના પ્લાનમાં કેટલો વધારો થશે તેની ચોક્કસ માહિતી હજુ સામે આવી નથી.આનો અર્થ એ છે કે હાલનો કોઈ પ્લાન જો 10થી 20 ટકા મોંઘો થાય તો ગ્રાહકોએ સમાન ડેટા અને વેલિડિટી માટે અગાઉ કરતાં વધુ રકમ ચૂકવવી પડી શકે છે.
Jioના IPO પહેલાં ટેરિફ હાઇકની શક્યતા
રિપોર્ટ અનુસાર, ઉદ્યોગના નિષ્ણાતો માને છે કે રિલાયન્સ જિયોના IPO પહેલાં મોબાઈલ ટેરિફમાં વધારો થઈ શકે છે.જિયો પોતાના લિસ્ટિંગ પહેલાં બેલેન્સ શીટને મજબૂત બનાવવા અને ARPU વધારવા પર ધ્યાન આપી શકે છે. ભારતમાં મોબાઈલ ડેટા અને ટેલિકોમ સેવાઓના ભાવ ઘણા વૈશ્વિક બજારોની સરખામણીએ ઓછા હોવા છતાં ભારતીય ટેલિકોમ કંપનીઓને 5G અને અન્ય ઈન્ફ્રાસ્ટ્રક્ચર માટે મોટા પ્રમાણમાં મૂડી ખર્ચ કરવો પડે છે.
Jioના સસ્તા રિચાર્જ પ્લાન પર પણ નજર
રિલાયન્સ જિયો પોતાના કેટલાક એન્ટ્રી-લેવલ અને ઓછા કિંમતના રિચાર્જ પ્લાનમાં ફેરફાર કરી રહ્યું છે. ખાસ કરીને ઓછા ખર્ચમાં દરરોજ 1GB ડેટા આપતા કેટલાક સસ્તા પેકની ઉપલબ્ધતા ઘટી રહી છે.
આવી વ્યૂહરચનાથી ગ્રાહકો વધુ ડેટા અથવા વધુ કિંમતના રિચાર્જ પ્લાન તરફ જઈ શકે છે. પરિણામે Jioની પ્રતિ ગ્રાહક સરેરાશ આવક એટલે કે ARPU વધારવામાં મદદ મળી શકે છે.
છેલ્લે મોબાઈલ રિચાર્જના ભાવ ક્યારે વધ્યા હતા?
ભારતમાં Jio, Airtel અને Vi જેવી ટેલિકોમ કંપનીઓ અગાઉ પણ અનેક વખત ટેરિફમાં વધારો કરી ચૂકી છે.
<ul data-spread="false">
<li>ડિસેમ્બર 2019: ટેલિકોમ ટેરિફમાં આશરે 15થી 40 ટકાનો વધારો થયો હતો.</li>
<li>ડિસેમ્બર 2021: એન્ટ્રી-લેવલ ટેરિફ પ્લાનના ભાવમાં આશરે 20 ટકાનો વધારો કરવામાં આવ્યો હતો.</li>
<li>જૂન 2024: Jio, Airtel અને Viએ મુખ્ય મોબાઈલ ટેરિફમાં આશરે 10થી 25 ટકાનો વધારો કર્યો હતો.</li>
<li>ત્યારબાદ Airtelએ કેટલાક એન્ટ્રી-લેવલ રિચાર્જ પ્લાનના ભાવમાં પણ વધારો કર્યો હતો.</li>
</ul>
રિચાર્જ મોંઘું થશે તો ગ્રાહકો પર શું અસર પડશે?
જો આગામી સમયમાં 10થી 20 ટકાનો મોબાઈલ ટેરિફ વધારો લાગુ થાય છે તો સૌથી સીધી અસર ગ્રાહકોના રિચાર્જ બજેટ પર પડશે.84 દિવસ, 180 દિવસ અને 365 દિવસ જેવા લાંબા વેલિડિટીવાળા પ્લાન લેનારા ગ્રાહકોના વાર્ષિક મોબાઈલ ખર્ચમાં પણ નોંધપાત્ર વધારો થઈ શકે છે.હાલમાં Jio, Airtel અને Viએ નવા ટેરિફની સત્તાવાર કિંમત કે અમલની તારીખ જાહેર કરી નથી. તેથી આગામી રિચાર્જ ભાવ અંગે અંતિમ નિર્ણય કંપનીઓની સત્તાવાર જાહેરાત બાદ જ સ્પષ્ટ થશે.

10થી 20% સુધી મોંઘા થઈ શકે રિચાર્જ! આખરે ટેલિકોમ કંપનીઓ કેમ લઈ રહી છે આ તૈયારી?

મોબાઈલ રિચાર્જને લઈને આવી શકે છે મોટો ઝટકો!

Ganesh Chaturthi 2026: ગણેશ ચતુર્થી 2026ને હવે ગણતરીના દિવસો બાકી છે અને ગુજરાતભરમાં ગણેશ પંડાલોની તૈયારીઓ શરૂ થઈ ગઈ છે. અમદાવાદ, સુરત, વડોદરા, રાજકોટ સહિત રાજ્યના અનેક શહેરોમાં ગણેશજીની મૂર્તિ સ્થાપનાની તૈયારીઓ ચાલી રહી છે. જો તમે પણ આ વર્ષે જાહેર પંડાલમાં ગણેશજીની મૂર્તિ સ્થાપિત કરવા જઈ રહ્યા છો, તો મૂર્તિની ઊંચાઈ, પોલીસ પરમિટ, લાઉડસ્પીકરની મંજૂરી અને વિસર્જન સરઘસના નિયમોનું ખાસ ધ્યાન રાખવું પડશે. નિયમોનો ભંગ કરશો તો આયોજકો સામે પોલીસ કાર્યવાહી થઈ શકે છે. અમદાવાદના કૃષ્ણનગરમાં પરવાનગી કરતાં ઘણી વધારે ઊંચાઈની ગણેશ મૂર્તિ લાવવાના તાજેતરના કેસે આ નિયમોની ગંભીરતા ફરી સામે લાવી છે.
ગણેશ મૂર્તિની ઊંચાઈ અંગે શું છે નિયમ? ગણેશોત્સવ દરમિયાન મૂર્તિ સ્થાપનાને લઈને સ્થાનિક તંત્ર અને પોલીસ દ્વારા ઊંચાઈ સહિતના નિયમો નક્કી કરવામાં આવે છે. અમદાવાદમાં લાગુ નિયમો મુજબ માટીની ગણેશ મૂર્તિ બેઠક સહિત 9 ફૂટથી વધુ ઊંચી ન હોવી જોઈએ, જ્યારે POPની મૂર્તિ માટે બેઠક સહિત 5 ફૂટની મર્યાદા અંગે નિયમો છે. આથી ગણેશ પંડાલના આયોજકોએ પોતાના શહેરમાં લાગુ પડતા સ્થાનિક પોલીસ અને વહીવટી તંત્રના જાહેરનામા મુજબ જ મૂર્તિની ઊંચાઈ નક્કી કરવી જોઈએ. માત્ર ગણેશજીની મૂર્તિ નહીં, પરંતુ બેઠક, ટ્રોલી અને પાછળના ડેકોરેશન અથવા સ્ટ્રક્ચરની ઊંચાઈ અંગે પણ સાવચેતી રાખવી જરૂરી છે.
અમદાવાદમાં 22.5 ફૂટની મૂર્તિ મામલે ફરિયાદ અમદાવાદના કૃષ્ણનગર વિસ્તારમાં બાપા સીતારામ ચોક પાસે જાહેર રોડ પર ગણેશજીની ઊંચી મૂર્તિ લાવવામાં આવી હતી. પોલીસના જણાવ્યા મુજબ આયોજક સચિન કુમાવતે 8.5 ફૂટ ઊંચાઈની મૂર્તિ સ્થાપિત કરવાની પરવાનગી લીધી હતી. જોકે, સ્થળ પર લાવવામાં આવેલી મૂર્તિ અને સ્ટ્રક્ચરની કુલ ઊંચાઈ આશરે 22.5 ફૂટ હોવાનું તપાસમાં સામે આવ્યું હતું. તેમાં 4.5 ફૂટની ટ્રોલી, 11 ફૂટની ગણેશ મૂર્તિ અને પાછળ ભગવાન શંકરનું આશરે 7 ફૂટનું ફાઇબર સ્ટ્રક્ચર સામેલ હોવાનું જણાવાયું હતું. પરવાનગી કરતાં વધુ ઊંચાઈનું સ્થાપન કરવાના મામલે કૃષ્ણનગર પોલીસે જાહેરનામાના ભંગ બદલ ફરિયાદ નોંધી છે.
ગણેશ પંડાલ માટે પોલીસ પરમિટ કેમ જરૂરી? જાહેર સ્થળે ગણેશ મૂર્તિ સ્થાપિત કરવા માટે આયોજકોએ સંબંધિત પોલીસ સ્ટેશન અને સ્થાનિક તંત્રની જરૂરી મંજૂરી લેવી પડે છે. લાઉડસ્પીકર માટે પણ અલગથી જરૂરી પરમિટ લેવાની રહે છે. ગણેશ સ્થાપનાની પરમિટ માટે અરજી કરતી વખતે વિસર્જન સરઘસની વિગતો પણ આપવાની રહે છે. આયોજકોએ મંડળના સભ્યોના નામ, સરનામાં અને મોબાઇલ નંબર સહિતની વિગતો આપવી પડી શકે છે. સાથે જ વિસર્જનની તારીખ, સ્થળ અને સરઘસના રૂટની માહિતી પણ આપવાની રહે છે. જો વિસર્જન સરઘસ એક જ પોલીસ ઝોનમાંથી પસાર થવાનું હોય તો સંબંધિત પોલીસ સ્ટેશન મારફતે પરમિટ મેળવી શકાય છે. જ્યારે સરઘસ એકથી વધુ ઝોનમાંથી પસાર થવાનું હોય ત્યારે સંબંધિત ઉચ્ચ પોલીસ કચેરી અથવા વિશેષ શાખાની મંજૂરીની જરૂર પડી શકે છે.
ગણેશ પંડાલમાં ફાયર સેફ્ટીનું પણ ધ્યાન રાખવું પડશે ગણેશ પંડાલમાં મોટી સંખ્યામાં લોકો એકઠા થતા હોવાથી ફાયર સેફ્ટી પણ મહત્વનો મુદ્દો છે. પંડાલ ઊભો કરતા પહેલા ઇમરજન્સી એક્ઝિટ, આગ સામેના સાધનો, વીજળીના જોડાણ અને લોકોની અવરજવર માટે પૂરતી જગ્યા સહિતની સુરક્ષા વ્યવસ્થાનું ધ્યાન રાખવું જરૂરી છે.&nbsp;
ગત વર્ષે પણ સામે આવ્યો હતો નિયમભંગનો કિસ્સો કૃષ્ણનગરમાં આ જ સ્થળે અગાઉ પણ પરવાનગી કરતાં વધારે ઊંચાઈની ગણેશ મૂર્તિ લાવવાના મામલે કાર્યવાહી થઈ હતી. મોટી મૂર્તિ જોવા માટે મોટી સંખ્યામાં લોકો એકઠા થયા હતા. સ્વામિનારાયણ કોમ્પ્લેક્સ પાસે ભોંયરામાં લોકો ઊભા હતા ત્યારે સીડીનો ભાગ ધરાશાયી થતાં 10 લોકો નીચે પટકાયા હતા અને ત્રણ લોકોને ઈજા થઈ હતી.
ગુજરાતમાં ગણેશોત્સવ પહેલાં આયોજકો માટે ખાસ સૂચના ગુજરાતમાં ગણેશ ચતુર્થી 2026ની ઉજવણી પહેલાં આયોજકોએ પોતાના શહેર અને વિસ્તારમાં લાગુ પોલીસ તથા સ્થાનિક તંત્રના તાજા નિયમો તપાસવા જોઈએ. મૂર્તિની મંજૂર ઊંચાઈ, પોલીસ પરમિટ, લાઉડસ્પીકરની મંજૂરી, વિસર્જન સરઘસનો રૂટ અને પંડાલની ફાયર સેફ્ટી જેવી બાબતો પહેલેથી ચકાસી લેવી જરૂરી છે. પરવાનગીમાં દર્શાવેલી મર્યાદા કરતાં મોટી મૂર્તિ લાવવી અથવા મંજૂરી વગર જાહેર સ્થળે પંડાલ ઊભો કરવો ભારે પડી શકે છે. અમદાવાદની તાજેતરની કાર્યવાહી એ વાતનું ઉદાહરણ છે કે ગણેશોત્સવની ભક્તિ સાથે નિયમો અને સુરક્ષાનું પાલન કરવું પણ એટલું જ જરૂરી છે.

ગણેશ ચતુર્થી 2026 પહેલાં ગણેશ મૂર્તિની ઊંચાઈ, પંડાલ પરમિટ અને સુરક્ષા નિયમોની માહિતી

તમારે પણ આ વર્ષે ગણેશજીની મૂર્તિ લાવવાની છે? તો આ ભૂલ બિલકુલ ન કરતા! મૂર્તિની ઊંચાઈ, પોલીસ પરમિટ, લાઉડસ્પીકરથી લઈને વિસર્જન સરઘસ સુધીના કયા નિયમોનું ધ્યાન રાખવું પડશે?

તમારે પણ ગણેશજીની મૂર્તિ લાવવાની છે? આ સાવચેતી નહીં રાખો તો થઈ શકે છે અમદાવાદવાળી!

Vinesh Phogat World Championship Trails: 2026 સિનિયર વર્લ્ડ ચેમ્પિયનશિપની પસંદગી ટ્રાયલ પહેલાં ભારતીય મહિલા કુસ્તીબાજ વિનેશ ફોગાટને મોટો ઝટકો લાગ્યો છે. દિલ્હી હાઈકોર્ટે વિનેશ ફોગાટને 14 સપ્ટેમ્બરે યોજાનારી મહિલા પસંદગી ટ્રાયલમાં ભાગ લેવાની વચગાળાની મંજૂરી આપવાનો ઇનકાર કર્યો છે. જસ્ટિસ સ્વર્ણ કાંતા શર્માએ જણાવ્યું કે હાલના પાત્રતા નિયમોમાંથી વિનેશ ફોગાટને ખાસ છૂટ આપવાનો આ તબક્કે આધાર નથી. વિનેશ ફોગાટની અરજીમાં માતૃત્વ બાદ રમતગમતમાં વાપસી અને પસંદગી પ્રક્રિયા સાથે જોડાયેલો મહત્વપૂર્ણ કાનૂની મુદ્દો ઉઠાવવામાં આવ્યો હતો. હવે દિલ્હી હાઈકોર્ટ એ મુદ્દા પર વિચાર કરશે કે મહિલા ખેલાડીઓ માટે માતૃત્વ, રમતગમતમાં વાપસી અને સ્પર્ધાત્મક પાત્રતા વચ્ચે યોગ્ય સંતુલન કેવી રીતે જાળવી શકાય.
માતૃત્વ બાદ કુસ્તીમાં વાપસી વિનેશ ફોગાટ જુલાઈ 2025માં માતા બની હતી. ત્યારબાદ તેણે ગર્ભાવસ્થા, બાળજન્મ અને પ્રસૂતિ બાદની સ્વસ્થતા માટે કુસ્તીમાંથી વિરામ લીધો હતો. હવે રમતગમતમાં પરત ફર્યા બાદ તે 2026 સિનિયર વર્લ્ડ ચેમ્પિયનશિપ માટેની મહિલા કુસ્તી પસંદગી ટ્રાયલમાં ભાગ લેવા માંગતી હતી. વિનેશે દિલ્હી હાઈકોર્ટમાં દલીલ કરી હતી કે માતૃત્વ અને પ્રસૂતિ બાદની રિકવરીના કારણે તે નિર્ધારિત સમયગાળામાં કેટલીક ફરજિયાત સ્પર્ધાઓમાં ભાગ લઈ શકી નહોતી. તેથી તેણે આ સમયગાળાને ધ્યાનમાં લઈને પસંદગી ટ્રાયલમાં ભાગ લેવા માટે ખાસ છૂટ આપવાની માંગ કરી હતી.
માતૃત્વ અને મહિલા ખેલાડીઓની કારકિર્દીનો સવાલ આ કેસમાં દિલ્હી હાઈકોર્ટે એક મહત્વપૂર્ણ પ્રશ્ન પર ધ્યાન આપ્યું છે. શું મહિલા ખેલાડીને માતા બન્યા બાદ પોતાની રમતગમત કારકિર્દી ચાલુ રાખવા માટે માતૃત્વ અને કારકિર્દીમાંથી એક પસંદ કરવાની સ્થિતિમાં મૂકવી જોઈએ? કોર્ટે માતૃત્વ બાદ મહિલા ખેલાડીઓની રમતગમતમાં વાપસી અને તેમની કારકિર્દી વચ્ચેના સંતુલનને મહત્વપૂર્ણ મુદ્દો ગણાવ્યો છે. જોકે, આ મુદ્દે હાઈકોર્ટનો અંતિમ નિર્ણય હજુ આવ્યો નથી. આગામી સુનાવણીમાં આ બાબત પર વધુ વિગતવાર વિચારણા થઈ શકે છે.
WFIના પસંદગી નિયમો શું કહે છે? રેસલિંગ ફેડરેશન ઓફ ઈન્ડિયા એટલે કે WFIએ 7 સપ્ટેમ્બરે 2026 સિનિયર વર્લ્ડ ચેમ્પિયનશિપ માટે પસંદગી ટ્રાયલના પાત્રતા માપદંડ નક્કી કર્યા હતા. આ નિયમો હેઠળ કુસ્તીબાજો માટે કેટલીક ફરજિયાત ઇવેન્ટ્સમાં ભાગ લેવો જરૂરી છે. દિલ્હી હાઈકોર્ટે નોંધ્યું કે હાલના પાત્રતા નિયમો તમામ ખેલાડીઓ માટે સમાન રીતે લાગુ પડે છે. જો કોઈ કુસ્તીબાજ નિર્ધારિત ફરજિયાત ઇવેન્ટમાં ભાગ લેતો નથી, તો વર્તમાન નિયમો મુજબ તે પસંદગી ટ્રાયલ માટે પાત્ર ગણાતો નથી.
વિનેશ ફોગાટની વર્લ્ડ ચેમ્પિયનશિપની આશા પર અસર 14 સપ્ટેમ્બરની પસંદગી ટ્રાયલમાં વચગાળાની રાહત ન મળતાં વિનેશ ફોગાટ માટે 2026 સિનિયર વર્લ્ડ ચેમ્પિયનશિપમાં સ્થાન મેળવવાનો રસ્તો હાલ મુશ્કેલ બન્યો છે. જોકે, આ કેસ માત્ર વિનેશ ફોગાટની પસંદગી પૂરતો મર્યાદિત નથી. માતૃત્વ બાદ મહિલા ખેલાડીઓની રમતગમતમાં વાપસી, સ્પર્ધાત્મક પાત્રતા અને પસંદગીના નિયમો અંગે હાઈકોર્ટનો આગામી નિર્ણય ભવિષ્યમાં મહિલા ખેલાડીઓ માટે મહત્વપૂર્ણ બની શકે છે.

વિનેશ ફોગાટ અને 2026 વર્લ્ડ ચેમ્પિયનશિપની પસંદગી ટ્રાયલ અંગે દિલ્હી હાઈકોર્ટના નિર્ણય

વિનેશ ફોગાટને વર્લ્ડ ચેમ્પિયનશિપ ટ્રાયલમાં એન્ટ્રી કેમ ન મળી? કોર્ટના નિર્ણયથી મોટો સવાલ ઊભો થયો!

વિનેશ ફોગાટને ટ્રાયલમાં એન્ટ્રી કેમ ન મળી? કોર્ટનો મોટો સવાલ!

નવી દિલ્હી: Indian cricketer મોહમ્મદ શમીએ યુવા ક્રિકેટ સ્ટાર વૈભવ સૂર્યવંશીને તેની ક્રિકેટ કારકિર્દી અંગે મોટી સલાહ આપી છે. દુલીપ ટ્રોફી દરમિયાન શમીએ વૈભવના વખાણ કર્યા અને તેને મળેલી નાની ઉંમરની સફળતા વચ્ચે રમત પર સંપૂર્ણ ફોકસ રાખવા જણાવ્યું. શમીની આ સલાહનો વીડિયો પણ ચર્ચામાં છે.
મોહમ્મદ શમીએ વૈભવ સૂર્યવંશીને શું કહ્યું?
મોહમ્મદ શમીએ વૈભવ સૂર્યવંશીને કહ્યું કે તેણે પોતાની ક્રિકેટ રમત પર સંપૂર્ણ ધ્યાન કેન્દ્રિત કરવું જોઈએ. નાની ઉંમરે વૈભવને ઓળખ, સફળતા અને લોકપ્રિયતા મળી ગઈ છે, પરંતુ લાંબી ક્રિકેટ કારકિર્દી માટે સતત મહેનત અને પોતાની રમતને વધુ મજબૂત બનાવવી જરૂરી છે.શમીએ વૈભવને પોતાની સંભાળ રાખવાની સાથે અત્યાર સુધીની ક્રિકેટ સફરનો આનંદ માણવાની પણ સલાહ આપી.
દુલીપ ટ્રોફીમાં સાથે રમ્યા મોહમ્મદ શમી અને વૈભવ
મોહમ્મદ શમી અને વૈભવ સૂર્યવંશી ઈસ્ટ ઝોનની ટીમ તરફથી દુલીપ ટ્રોફીમાં રમ્યા હતા. ઈસ્ટ ઝોને ફાઇનલમાં સાઉથ ઝોનને હરાવીને દુલીપ ટ્રોફીનો ખિતાબ જીત્યો હતો.ઈસ્ટ ઝોનની આ જીત 13 વર્ષ બાદ આવી હતી. આ મેચ મોહમ્મદ શમી માટે પણ ઐતિહાસિક રહી, કારણ કે તે તેની 100મી ફર્સ્ટ-ક્લાસ મેચ હતી.આ ખાસ પ્રસંગે ઈસ્ટ ઝોનની ટીમે શમીને સહી કરેલી ટી-શર્ટ ભેટ આપી હતી. ટીમ તરફથી વૈભવ સૂર્યવંશીએ આ ભેટ મોહમ્મદ શમીને આપી હતી.
&nbsp;
<blockquote class="twitter-tweet">
A special tribute to <a href="https://x.com/MdShami11?ref_src=twsrc%5Etfw">@MdShami11</a> ✨ Praise for Vaibhav Sooryavanshi 👏 A historic win after 13 years 🏆 Two motivating speeches 🗣️ 🎥 Step inside the East Zone huddle to catch all the precious moments 🙌<a href="https://x.com/hashtag/DuleepTrophy?src=hash&amp;ref_src=twsrc%5Etfw">#DuleepTrophy</a> | <a href="https://x.com/hashtag/EZvSZ?src=hash&amp;ref_src=twsrc%5Etfw">#EZvSZ</a> <a href="https://t.co/F0JSTEUrBq">pic.twitter.com/F0JSTEUrBq</a>
&mdash; BCCI Domestic (@BCCIdomestic) <a href="https://x.com/BCCIdomestic/status/2098025603886956836?ref_src=twsrc%5Etfw">September 10, 2026</a></blockquote>
<script src="https://platform.x.com/widgets.js" async="" charset="utf-8"></script>
&nbsp;
શમીએ વૈભવની કારકિર્દીને લઈને શું કહ્યું?
વૈભવના વખાણ કરતા મોહમ્મદ શમીએ તેની ઉંમર અને પોતાની લાંબી ક્રિકેટ કારકિર્દીનો ઉલ્લેખ કર્યો. શમીએ કહ્યું કે તેની પોતાની કારકિર્દી લગભગ 15-16 વર્ષની રહી છે, જ્યારે ટીમમાં રહેલા આ યુવા ખેલાડીની કારકિર્દી હજુ શરૂઆતી તબક્કામાં છે.શમીએ વૈભવ માટે શુભેચ્છા વ્યક્ત કરતા કહ્યું કે તેને આશા છે કે આ યુવા ક્રિકેટરની કારકિર્દી લાંબી અને સફળ રહેશે.આ સાથે શમીએ વૈભવને ખાસ રીતે સમજાવ્યું કે નાની ઉંમરે મળેલી સફળતા બાદ સૌથી વધુ જરૂરી છે કે તે રમત પર ધ્યાન જાળવી રાખે અને સતત સુધારો કરતો રહે.
વૈભવ સૂર્યવંશીની IPL કારકિર્દી કેવી રહી?
વૈભવ સૂર્યવંશીએ ખૂબ નાની ઉંમરે ભારતીય ક્રિકેટમાં પોતાની ઓળખ બનાવી છે. તેણે માત્ર 14 વર્ષની ઉંમરે IPLમાં ડેબ્યૂ કર્યું હતું અને પોતાની પ્રથમ IPL સિઝનમાં સદી ફટકારીને ક્રિકેટ જગતમાં ખળભળાટ મચાવ્યો હતો.2026ની IPL સિઝનમાં પણ વૈભવે શાનદાર બેટિંગ કરી અને સૌથી વધુ રન બનાવનારા ખેલાડીઓમાં સ્થાન મેળવ્યું હતું. તેની આક્રમક બેટિંગ અને નાની ઉંમરે મોટી સિદ્ધિઓને કારણે તે ભારતીય ક્રિકેટના સૌથી ચર્ચિત યુવા ખેલાડીઓમાં સામેલ થયો છે.
ઈંગ્લેન્ડ સામે ભારત માટે પણ કર્યો ડેબ્યૂ
IPLમાં શાનદાર પ્રદર્શન બાદ વૈભવ સૂર્યવંશીને ભારતની T20 ટીમમાં પણ તક મળી હતી. તેણે ઈંગ્લેન્ડ સામેની T20 શ્રેણીમાં ભારત માટે ડેબ્યૂ કર્યું હતું.જોકે આંતરરાષ્ટ્રીય ક્રિકેટમાં તેની શરૂઆત અપેક્ષા પ્રમાણે રહી નહોતી. તેમ છતાં, તેની ઉંમર જોતા તેની પાસે હજુ લાંબી કારકિર્દી બાકી છે અને આગામી સમયમાં પોતાને સાબિત કરવાની ઘણી તકો મળશે.
શમીની સલાહ વૈભવ માટે કેમ મહત્વની છે?
વૈભવ સૂર્યવંશીએ નાની ઉંમરે જ IPL સદી, ભારતીય ટીમમાં ડેબ્યૂ અને લોકપ્રિયતા જેવી મોટી સિદ્ધિઓ મેળવી છે. આવી સ્થિતિમાં સફળતા વચ્ચે રમત પર ફોકસ જાળવી રાખવો તેની કારકિર્દી માટે સૌથી મહત્વપૂર્ણ બની શકે છે.મોહમ્મદ શમી જેવા અનુભવી આંતરરાષ્ટ્રીય ક્રિકેટરની આ સલાહ વૈભવ માટે મહત્વપૂર્ણ માર્ગદર્શન માનવામાં આવી રહી છે. હવે નજર એ વાત પર રહેશે કે વૈભવ આગામી મેચોમાં પોતાના પ્રદર્શનને કેવી રીતે વધુ મજબૂત બનાવે છે.

કહ્યું- ‘હવે માત્ર રમત પર ધ્યાન આપ’, VIDEO વાયરલ

મોહમ્મદ શમીએ વૈભવ સૂર્યવંશીને આપી મોટી સલાહ

Preity Zinta News: બોલિવૂડ અભિનેત્રી પ્રીતિ ઝિન્ટા (Preity Zinta) પોતાની આગામી ફિલ્મ &lsquo;વાઇબ&rsquo; (Vibe) ને લઈને ચર્ચામાં છે. ફિલ્મના પ્રમોશન દરમિયાન પ્રીતિ ઝિન્ટાએ&nbsp;પાપારાઝી કલ્ચર, સોશિયલ મીડિયા અને સેલિબ્રિટીઝ પર વધતા દબાણ અંગે ખુલાસો કર્યો છે.પ્રીતિ ઝિન્ટાના જણાવ્યા પ્રમાણે, આજના સમયમાં કલાકારનું કામ માત્ર ફિલ્મના સેટ સુધી મર્યાદિત રહ્યું નથી. હવે કપડાં, લુક, સોશિયલ મીડિયા પોસ્ટ્સ, પબ્લિક ઇમેજ અને દેશના મહત્વના મુદ્દાઓ પરની પ્રતિક્રિયા પણ સેલિબ્રિટીના જીવનનો હિસ્સો બની ગઈ છે.
પ્રીતિ ઝિન્ટાને ફિલ્મોમાં વાપસી બાદ શું બદલાયેલું લાગ્યું?
2016માં લગ્ન બાદ પ્રીતિ ઝિન્ટા પરિવાર સાથે અમેરિકામાં સ્થાયી થઈ હતી. હવે તે ફરી ભારતીય ફિલ્મોમાં સક્રિય છે અને પોતાની આગામી ફિલ્મ &lsquo;વાઇબ&rsquo; ના પ્રમોશન માટે મુંબઈમાં છે.ફિલ્મોમાં વાપસી બાદ સૌથી મોટો &lsquo;Cultural Shock&rsquo; શું અનુભવ્યો તે અંગે વાત કરતાં પ્રીતિએ કહ્યું કે સૌથી મોટો ફેરફાર ફિલ્મની અંદર નહીં, પરંતુ ફિલ્મની આસપાસના બદલાયેલા કલ્ચરમાં જોવા મળ્યો છે.તેમના મતે, પહેલાં કલાકારો સેટ પર જતા, અભિનય કરતા અને કામ પૂરું કરીને ઘરે પરત ફરતા. પરંતુ હવે સેલિબ્રિટી તરીકે સેટની બહારનું જીવન પણ સતત લોકોની નજરમાં રહે છે.
પાપારાઝી કલ્ચરથી સેલિબ્રિટીઝ પર વધ્યું દબાણ
પ્રીતિ ઝિન્ટાએ પાપારાઝી કલ્ચર અંગે વાત કરતાં જણાવ્યું કે આજના સમયમાં કલાકારોના દેખાવ અને પબ્લિક ઇમેજ પર સતત નજર રાખવામાં આવે છે.તેમણે કહ્યું કે હવે કલાકારે શું પહેર્યું છે તે પણ ચર્ચાનો વિષય બની શકે છે. &lsquo;એરપોર્ટ લુક&rsquo; પણ સેલિબ્રિટી કલ્ચરનો મહત્વનો ભાગ બની ગયો છે.પ્રીતિના મતે, કલાકાર ખુશ હોય કે દુઃખી, તેની પબ્લિક ઇમેજ અને દેખાવને લઈને પણ લોકોની અપેક્ષાઓ રહે છે. એટલે હવે સેલિબ્રિટી માટે વ્યક્તિગત ક્ષણો પણ ઘણી વખત જાહેર ચર્ચાનો વિષય બની જાય છે.
સોશિયલ મીડિયા પણ બન્યું મોટું પડકાર
પ્રીતિ ઝિન્ટાએ સોશિયલ મીડિયા અને સેલિબ્રિટી પ્રેશર અંગે પણ પોતાની વાત રજૂ કરી.તેમના જણાવ્યા પ્રમાણે, દેશમાં કોઈ મોટી ઘટના બને ત્યારે કલાકારો પાસેથી તેના વિશે જાણકારી રાખવાની અને ઘણી વખત પોતાની પ્રતિક્રિયા આપવાની અપેક્ષા રાખવામાં આવે છે.આ કારણે સેલિબ્રિટીઝ પર શું બોલવું, ક્યારે બોલવું અને યોગ્ય વાત કેવી રીતે રજૂ કરવી તેનું વધારાનું દબાણ રહે છે.પ્રીતિના મતે, હવે એક અભિનેત્રીનું કામ માત્ર કેમેરા સામે અભિનય કરવા સુધી સીમિત નથી રહ્યું. પાપારાઝી, સોશિયલ મીડિયા, પબ્લિક ઇમેજ અને સતત સ્ક્રુટિની પણ સેલિબ્રિટી કરિયરના મહત્વના ભાગ બની ગયા છે.
&lsquo;Vibe&rsquo;માં પ્રીતિ ઝિન્ટાનો સ્પાય-કોમેડી અવતાર
પ્રીતિ ઝિન્ટા હવે પોતાની આગામી ફિલ્મ &lsquo;Vibe&rsquo; માં અલગ અંદાજમાં જોવા મળશે. ફિલ્મમાં તે&nbsp;&lsquo;મેડમ એચ&rsquo; નામની મહત્વની ભૂમિકા ભજવી રહી છે.&lsquo;Vibe&rsquo; એક સ્પાય-કોમેડી ફિલ્મ છે, જેમાં પ્રીતિ ઝિન્ટાનું પાત્ર એક જાસૂસનું છે. ફિલ્મની વાર્તામાં તે એક મોટા મિશન માટે બે અણઘડ મિત્રોની પસંદગી કરે છે અને તેમને મિશન માટે તૈયાર કરે છે.આ ફિલ્મમાં પ્રીતિનો નવો અવતાર તેના ચાહકો માટે ખાસ આકર્ષણ બની શકે છે.
ક્યારે રિલીઝ થશે પ્રીતિ ઝિન્ટાની &lsquo;Vibe&rsquo;?
પ્રીતિ ઝિન્ટા તાજેતરમાં સની દેઓલ સાથે &lsquo;બંટવારા 1947&rsquo; માં જોવા મળી હતી. હવે તેની આગામી ફિલ્મ&nbsp;&lsquo;Vibe&rsquo; 18 સપ્ટેમ્બર, 2026ના રોજ સિનેમાઘરોમાં રિલીઝ થશે.ફિલ્મની રિલીઝ સાથે પ્રીતિ ઝિન્ટાની લાંબા સમય બાદની સક્રિય ફિલ્મી સફર અને તેના નવા સ્પાય-કોમેડી અવતાર પર ચાહકોની નજર રહેશે.
પ્રીતિ ઝિન્ટાના નિવેદનથી શું જાણવા મળ્યું?
પ્રીતિ ઝિન્ટાની વાત પરથી સ્પષ્ટ થાય છે કે આજના સમયમાં બોલિવૂડ સ્ટાર્સ પર કામની સાથે પબ્લિક ઇમેજ જાળવવાનું દબાણ પણ વધી ગયું છે. પાપારાઝી કલ્ચર અને સોશિયલ મીડિયાના કારણે કલાકારોની વ્યક્તિગત અને પ્રોફેશનલ લાઇફ વચ્ચેનું અંતર પણ ઓછું થયું છે.&lsquo;વાઇબ&rsquo;ના પ્રમોશન દરમિયાન પ્રીતિનું આ નિવેદન ફરી એકવાર ચર્ચામાં આવ્યું છે કે આજના સમયમાં સ્ટાર બનવું માત્ર ફિલ્મોમાં અભિનય કરવા પૂરતું રહ્યું નથી.

પ્રીતિ ઝિન્ટાનો ક્લોઝ-અપ શોટ (AI Generated તસ્વીર)

ફિલ્મોમાં વાપસી બાદ શું બદલાયું? પાપારાઝી અને સોશિયલ મીડિયા પર કહી મોટી વાત

પ્રીતિ ઝિન્ટાને ફિલ્મોમાં વાપસી બાદ શું બદલાયેલું લાગ્યું?

નોટબુક સસ્તી થઈ રહી છે… પણ શું તેની પાછળ ભારતીય ઉદ્યોગ માટે મોટું સંકટ ઊભું થઈ રહ્યું છે?

નોટબુક સસ્તી થઈ કે સ્થાનિક ઉદ્યોગ મુશ્કેલીમાં? ASEAN આયાત વચ્ચે ઉત્પાદકોએ સરકાર પાસે કરી આ મોટી માંગ

મિત્ર ગૌરવના સમર્થનમાં ઉતરેલા ઓરીએ આકાંક્ષાની કેટલીક ટિપ્પણીઓ પર ગંભીર સવાલો ઉઠાવ્યા.

ગૌરવ ખન્નાના વિવાદમાં ઓરીએ આખરે કેમ તોડ્યું મૌન?

5 સપ્ટેમ્બર 2026ના રોજ Teacher's Day હોવા છતાં દેશભરમાં બેંક હોલિડે નથી. જાણો આજે બેંક ખુલ્લી છે કે નહીં અને તમારા શહેરમાં સ્થાનિક રજાની સ્થિતિ શું છે.

5 સપ્ટેમ્બર 2026 બેંક હોલિડે: આજે બેંક બંધ છે કે ખુલ્લી? જાણો તમારા શહેરની બેંક રજા

દેશના આકાશમાં મોટો ફેરફાર! IMDની નવી સેટેલાઇટ તસવીરોમાં ભારતના લગભગ 90% વિસ્તારમાં વાદળો ઘટ્યા છે… તો શું ચોમાસું હવે વિદાય તરફ છે?

90% ભારતમાં વાદળો ગાયબ! ચોમાસું નબળું પડ્યું કે હજુ કંઈક મોટું બાકી છે? IMDના આંકડાથી વધ્યું સસ્પેન્સ

મસ્જિદ ધ્વંસ બાદ સહારનપુરમાં હંગામો, ઇકરા હસન હાઉસ અરેસ્ટથી લઈને માયાવતીના નિવેદન સુધી મામલો ગરમાયો

ઉત્તર પ્રદેશના સહારનપુરમાં મસ્જિદ પર બુલડોઝર ચાલ્યું અને પછી જે થયું તેણે રાજકીય ગરમાવો વધારી દીધો!

આખરે સોના-ચાંદીના ભાવમાં આ ઘટાડા પાછળ શું છે? આગામી દિવસોમાં ભાવ વધુ ઘટશે કે ફરી તેજી આવશે? રોકાણકારો માટે આ ઘટાડો શું સંકેત આપે છે? જાણો MCX પર સોના-ચાંદીના ભાવની સંપૂર્ણ સ્થિતિ...

સોનું-ચાંદી ફરી સસ્તાં! એક જ દિવસમાં કેટલો ઘટાડો થયો અને ચાંદી ઓલટાઈમ હાઈથી કેટલી નીચે આવી?

કોર્ટને ધમકીભર્યો ઈ-મેલ મળ્યા બાદ સુરક્ષા એજન્સીઓ એલર્ટ. RDXના ઉલ્લેખથી ચકચાર, બોમ્બ સ્ક્વોડ અને ડોગ સ્ક્વોડ દ્વારા સઘન તપાસ.

એક ઈ-મેલે ગુજરાતની સુરક્ષા એજન્સીઓને દોડતી કરી દીધી… આખરે ઈ-મેલમાં શું લખ્યું હતું?

રેલવેમાં બાઇક કે સાયકલ પાર્સલ કેવી રીતે કરવી? જાણો જરૂરી ડોક્યુમેન્ટ, બાઇક પાર્સલ ચાર્જ, પેકિંગ, ફ્યુઅલ, રસીદ અને ડિલિવરી સહિતના મહત્વના રેલવે નિયમો.

રેલવેમાં બાઇક પાર્સલ કેવી રીતે કરવી? જાણો જરૂરી ડોક્યુમેન્ટ, ચાર્જ અને સંપૂર્ણ નિયમો

ભાજપે વ્હિપ જાહેર કરી છતાં બળવો કેમ ન અટક્યો? રાજકોટ લોધિકા સંઘની ચૂંટણીમાં હવે મામલો બની ગયો છે ‘ભાજપ સામે ભાજપ’નો! 5 બેઠકો પર ભાજપના જ ઉમેદવારો વચ્ચે સીધી ટક્કર

ભાજપે વ્હિપ તો જાહેર કરી, પણ બળવો ન અટક્યો! રાજકોટ લોધિકા ચૂંટણીમાં શું થશે?

જાતિ આધારિત વસ્તી ગણતરીને લઈને રાજસ્થાન નાપુર્વ મુખ્યમંત્રીએ મોદી સરકાર પર આકરા સવાલો ઉઠાવ્યા. કોંગ્રેસે સરકાર પાસે જવાબ માંગ્યો.

Thiruvananthapuram News