Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

Rajkot: રાજકોટમાં લોકગાયિકા માયા આહીર અને જાણીતા લોકગાયક કીર્તિદાન ગઢવીને લઈને સોશિયલ મીડિયા પર શરૂ થયેલી ચર્ચાએ હવે વધુ વેગ પકડ્યો છે.તાજેતરમાં સામાજિક આગેવાન પુરુષોત્તમ પીપળીયાએ સોશિયલ મીડિયા પર કરેલી પોસ્ટ બાદ સમગ્ર મુદ્દો ફરી ચર્ચાના કેન્દ્રમાં આવી ગયો છે.સોશિયલ મીડિયા પર વિવિધ પ્રકારની પ્રતિક્રિયાઓ સામે આવી રહી છે,જેના કારણે આ મામલો માત્ર મનોરંજન જગત પૂરતો મર્યાદિત રહ્યો નથી પરંતુ સામાજિક અને જાહેર ચર્ચાનો વિષય બની ગયો છે.
પુરુષોત્તમ પીપળીયાનો દાવો છે કે મહાનગરપાલિકાના સાંસ્કૃતિક વિભાગ દ્વારા આયોજિત ડાયરા કાર્યક્રમોમાં જાહેર નાણાંમાંથી લોક કલાકારોને ચૂકવવામાં આવેલા મહેનતાણા અંગે પારદર્શિતા હોવી જોઈએ.સોશિયલ મીડિયા પર કેટલાક બિલો પણ વાયરલ થઈ રહ્યા છે, જેમાં ડાયરા કાર્યક્રમો પાછળ નોંધપાત્ર ખર્ચ દર્શાવાયો હોવાનો દાવો કરવામાં આવી રહ્યો છે.જોકે,આ વાયરલ દસ્તાવેજોની સ્વતંત્ર પુષ્ટિ થઈ નથી.
સોશિયલ મીડિયા પર વધી ચર્ચા તાજેતરના દિવસોમાં માયા આહીર અને કીર્તિદાન ગઢવીને લગતા મુદ્દે અનેક પોસ્ટ,વીડિયો અને ટિપ્પણીઓ સોશિયલ મીડિયા પર વાયરલ થઈ રહી છે.લોકો પોતાના-પોતાના અભિપ્રાયો વ્યક્ત કરી રહ્યા છે.આ દરમિયાન સામાજિક આગેવાન પુરુષોત્તમ પીપળીયાની પોસ્ટ બાદ ચર્ચામાં વધુ તેજી આવી છે.ફેસબુક, ઇન્સ્ટાગ્રામ, એક્સ (ટ્વિટર) અને વોટ્સએપ સહિત વિવિધ સોશિયલ મીડિયા પ્લેટફોર્મ પર આ મુદ્દે સતત ચર્ચા ચાલી રહી છે. કેટલાક લોકો પોસ્ટને સમર્થન આપી રહ્યા છે તો કેટલાક તેનો વિરોધ પણ કરી રહ્યા છે.
કલાકારોને ચૂકવવામાં આવેલી મોટી રકમનો ખુલાસો&nbsp; માયા આહિરે એક ડાયરાના 3.50 લાખ અને કીર્તિદાને બે ડાયરાના 10 લાખ લીધા,આ દરમિયાન કુલ 4 ડાયરા થયા હતા. જેમાં માત્ર એક સરકારી કાર્યક્રમમાં માયા આહિરે એક ડાયરાના રૂ. 3.50 લાખ સરકારી તિજોરીમાંથી લીધા હતા.જ્યારે કિર્તીદાન ગઢવીએ 2 ડાયરાના કુલ રૂ. 10 લાખ (રૂ. 5-5 લાખ લેખે બે વાર) ફી પેટે પ્રજાના ટેક્સના પૈસામાંથી વસૂલ્યા હતા.આમ,જે કલાકારો પ્રજાના ટેક્સ પર સવાલ ઉઠાવે છે,તેઓ પોતે જ પ્રજાના ટેક્સના લાખો રૂપિયા સરકારી કાર્યક્રમોમાંથી મેળવે છે.
પુરુષોત્તમ પીપળીયાની પોસ્ટ બાદ વધ્યો વિવાદ સામાજિક આગેવાન પુરુષોત્તમ પીપળીયાએ પોતાના સોશિયલ મીડિયા એકાઉન્ટ પર કરેલી પોસ્ટમાં કેટલાક મુદ્દાઓ ઉઠાવ્યા હોવાનું સામે આવ્યું છે.આ પોસ્ટ વાયરલ થતા અનેક લોકો તેની તરફ આકર્ષાયા અને તેના પર પોતાની પ્રતિક્રિયાઓ આપવા લાગ્યા.આ પોસ્ટ બાદ ચર્ચાનો વ્યાપ વધુ વધી ગયો અને વિવિધ સામાજિક સંગઠનો તેમજ લોકોએ પણ પોતાના અભિપ્રાયો વ્યક્ત કરવા શરૂ કર્યા.
માયા આહીર અને કીર્તિદાન ગઢવી ચર્ચાના કેન્દ્રમાં ગુજરાતી લોકસંગીત જગતમાં માયા આહીર અને કીર્તિદાન ગઢવી બંને લોકપ્રિય નામ છે. તેમના કાર્યક્રમો રાજ્ય ઉપરાંત દેશ-વિદેશમાં પણ યોજાતા રહે છે. તેથી તેમની સાથે જોડાયેલ કોઈપણ મુદ્દો ઝડપથી લોકો સુધી પહોંચે છે.હાલમાં સોશિયલ મીડિયા પર ચાલી રહેલી ચર્ચાને કારણે બંને કલાકારો ફરી ચર્ચાના કેન્દ્રમાં આવ્યા છે.
કલાકારોના નિવેદન અંગે વ્યક્ત કરી નારાજગી પુરુષોત્તમ પીપળીયાએ પોતાના નિવેદનમાં જણાવ્યું હતું કે સુરતમાં યોજાયેલા એક કાર્યક્રમ દરમિયાન ટેક્સ અને સોશિયલ મીડિયા પર વીડિયો બનાવતા લોકો અંગે કરવામાં આવેલી ટિપ્પણી તેમને વાંધાજનક લાગી હતી.તેમના મતે,જાહેર જીવન સાથે સંકળાયેલી વ્યક્તિઓએ સામાન્ય નાગરિકો વિશે નિવેદન આપતી વખતે વધુ જવાબદારી દાખવવી જોઈએ.તેમણે એવો પણ દાવો કર્યો કે જે કલાકારોને જાહેર સંસ્થાઓ દ્વારા આયોજિત કાર્યક્રમોમાં મહેનતાણું ચૂકવવામાં આવે છે, તેઓ પણ પરોક્ષ રીતે જાહેર નાણાંના લાભાર્થી બને છે. જોકે તેમણે સાથે એ પણ સ્પષ્ટ કર્યું કે કોઈપણ કલાકારને પોતાની કલા માટે વ્યાવસાયિક મહેનતાણું મેળવવાનો સંપૂર્ણ અધિકાર છે અને તેના સામે તેમને કોઈ વાંધો નથી. તેમનો મુદ્દો માત્ર જાહેર નાણાંના ઉપયોગ અને જાહેર નિવેદનો વચ્ચેની જવાબદારીનો હતો.
જનતાના પરસેવાના ટેક્સના પૈસા કલાકારોના ઘરમાં પણ પહોંચ્યા છે દિવ્ય ભાસ્કર સાથેની વાતચીતમાં RTI કરનારા રમેશ ઝીલરીયાએ આક્રોશ વ્યક્ત કરતા જણાવ્યું છે કે, દેશનો ગરીબમાં ગરીબ નાગરિક પણ જીએસટી અને પેટ્રોલ-ડીઝલ જેવા માધ્યમોથી સરકારને ટેક્સ ચૂકવે છે. જનતાના પરસેવાના આ જ ટેક્સના પૈસાથી સરકારી અધિકારીઓના પગાર થાય છે, નેતાઓ સુવિધાઓ ભોગવે છે અને આ જ કલાકારોના ઘરમાં પણ તે પૈસા પહોંચ્યા છે. કલાકારોએ જાહેરમાં જનતાનું અપમાન કરીને તેમની લાગણી દુભાવી છે.
સરકારી કાર્યક્રમોમાંથી કરેલી કમાણી પર ઉઠ્યા સવાલ ઉલ્લેખનીય છે કે, આ સમગ્ર ઘટનાએ લોકકલાકારોની નૈતિકતા અને તેમણે સરકારી કાર્યક્રમોમાંથી કરેલી કમાણી પર મોટા સવાલો ઉભા કર્યા છે. સામાન્ય જનતામાં એવી ચર્ચા ચાલી રહી છે કે જે કલાકારો ગરીબ અને મધ્યમ વર્ગના પૈસે જ મોટા કલાકાર બન્યા છે, તેઓ આજે પ્રજાના ટેક્સની મજાક ઉડાવી રહ્યા છે. RTI એક્ટ દ્વારા બહાર આવેલા રૂ.3.50 લાખ અને રૂ.10 લાખના આંકડાએ કલાકારોના બેવડા વલણને ખુલ્લું પાડી દીધું છે. ત્યારે હવે આગામી દિવસોમાં આ મામલો વધુ ગરમાય તેવી શક્યતા છે.
હજુ સુધી કોઈ સત્તાવાર સ્પષ્ટતા નહીં આ સમગ્ર મામલે માયાભાઈ આહિર (Mayabhai Ahir), કીર્તિદાન ગઢવી (Kirtidan Gadhvi) અથવા રાજકોટ મહાનગરપાલિકા તરફથી સત્તાવાર નિવેદન જાહેર કરવામાં આવ્યું નથી. આગામી દિવસોમાં સંબંધિત પક્ષો તરફથી સ્પષ્ટતા આવે છે કે નહીં તેના પર સૌની નજર છે.
&nbsp;

માયાભાઈ આહિરના નિવેદનનો જવાબ? પુરુષોત્તમ પીપળીયાએ જાહેર કર્યા ફીના વિગતવાર આંકડા

રાજકોટમાં ડાયરા વિવાદ વધુ ઘેરાયો

Rajkot Crime News: રાજકોટ શહેરમાં ગુનાખોરીની એક અત્યંત ચોંકાવનારી અને સનસનાટીભરી ઘટના સામે આવી છે, જેણે સમગ્ર પંથકમાં ભારે ચકચાર જગાવી દીધી છે. બુધવારે 8 જુલાઈના રોજ રાત્રિના સમયે શહેરના પોશ ગણાતા નાનામવા રોડ પર આવેલા મોકાજી સર્કલ પાસે આ લોહિયાળ ખેલ ખેલાયો હતો. માત્ર બુલેટ બાઇક સ્પીડમાં ચલાવવા અને રેસિંગ કરવા જેવી સામાન્ય બાબતે ટોકવામાં આવતા મામલો એટલો ઉગ્ર બન્યો હતો કે, આરોપીઓએ પિતાને ગેરકાયદેસર હથિયાર સાથે બોલાવી આતંક મચાવ્યો હતો. આ હુમલા દરમિયાન અંધાધૂંધ 4 રાઉન્ડ ફાયરિંગ કરવામાં આવ્યું હતું, જેમાં 30 વર્ષીય યુવક કૃષ્ણરાજસિંહ જાડેજાનું ઘટનાસ્થળે જ કરુણ મોત નીપજ્યું છે. જ્યારે તેમના પિતરાઇ દાદા રહેન્દ્રસિંહ જાડેજાને માથાના ભાગે ગંભીર ઈજાઓ પહોંચતા તેઓ હોસ્પિટલમાં સારવાર હેઠળ છે. આ આખી ઘટનાના સીસીટીવી ફૂટેજ પણ સામે આવ્યા છે, જેના આધારે પોલીસે તપાસ શરૂ કરી છે.
બુલેટ રેસિંગ રોકવા જેવી સામાન્ય બાબતે શરૂ થઈ માથાકૂટ રાજકોટ તાલુકા પોલીસ સ્ટેશનમાં નોંધાયેલી સત્તાવાર ફરિયાદ અનુસાર, ફરિયાદી કુલદીપસિંહ જાડેજા (જેઓ વ્યવસાયે ખેતી કરે છે અને નાનામવા રોડ પર મોકાજી સર્કલ પાસે 'આશાપુરા કૃપા' નામના મકાનમાં રહે છે) એ સમગ્ર ઘટનાની વિગતો આપી છે. ફરિયાદ મુજબ, 8 જુલાઈના રોજ રાત્રિના અંદાજે 9:00 વાગ્યાના અરસામાં તેઓ જમીને પોતાની શેરીમાં વોકિંગ કરવા નીકળ્યા હતા. આશરે 9:30 વાગ્યા દરમિયાન શેરીમાં તેમના માસીના દીકરા કૃષ્ણરાજસિંહ હરદેવસિંહ જાડેજા ત્રણ અજાણ્યા છોકરાઓ સાથે ઊભા હતા અને તેમની વચ્ચે ઉગ્ર બોલાચાલી ચાલી રહી હતી, જેથી કુલદીપસિંહ ત્યાં ગયા હતા. કુલદીપસિંહે વચ્ચે પડીને પૂછતાં કૃષ્ણરાજસિંહે જણાવ્યું કે, આ છોકરાઓ અવારનવાર આ રોડ પરથી અત્યંત સ્પીડમાં અને સાયલેન્સરના અવાજો કરીને બુલેટ ચલાવે છે અને હલ્લાબોલ મચાવે છે. તેમને અગાઉ પણ ઘણી વાર ગાડી ધીમે ચલાવવા બાબતે સમજાવ્યા હોવા છતાં તેઓ માનતા નથી અને આજે પણ તેઓ ભયજનક રીતે બુલેટ સ્પીડમાં રેસ કરતા હતા. આ બાબતે કૃષ્ણરાજસિંહે તેમને રોક્યા તો તે છોકરાઓમાંથી એકે (જેને બાકીના લોકોએ 'અભિમન્યુ' કહીને બોલાવ્યો હતો) જેમ ફાવે તેમ ગંદી ગાળો આપવાનું શરૂ કર્યું હતું. આનાથી ઉશ્કેરાઈને કૃષ્ણરાજસિંહે તે છોકરાને એક ઝાપટ મારી દીધી હતી અને તેનું નામ પૂછતા તેણે પોતાનું નામ અભિમન્યુ અને પિતાનું નામ રણજીતભાઈ વાળા જણાવ્યું હતું.
આરોપીઓએ પિતાને હથિયાર સાથે બોલાવ્યા ઝાપટ ખાધા બાદ આરોપી અભિમન્યુએ ધમકી આપતા કહ્યું કે, "તમે ઊભા રહો, હમણાં મારા ભાઈ રાજવીરને બોલાવું છું." તેણે તાત્કાલિક કોઈને ફોન કરીને કહ્યું કે, "અમારે અહીં ટી.આર.પી. વાળા રોડે લપ થઈ છે, તું જલ્દી આય." માત્ર 5 જ મિનિટમાં રાજવીર નામનો છોકરો એક્ટિવા લઈને ઘટનાસ્થળે ધસી આવ્યો હતો અને કૃષ્ણરાજસિંહની સામે ઊભા રહીને ઝઘડો કરવા લાગ્યો હતો કે, "શું છે તમારે? મારા ભાઈની સાથે કેમ લપ કરી?" રાજવીરે પણ ગાળો ભંડતા કૃષ્ણરાજસિંહે તેને પણ બે-ત્રણ ઝાપટ મારી દીધી હતી. આ પછી અભિમન્યુ બાજુમાંથી બોલ્યો કે, "ભાઈ તું આપણા પપ્પાને બોલાવ." જેથી રાજવીરે તેના પિતાને ફોન લગાડી કહ્યું કે, "પપ્પા તમે તાત્કાલિક અહીં ટી.આર.પી. વાળા રોડ પર આવો, અહીં મને અને અભિમન્યુને એક અંકલે મારી લીધું છે." ત્યારબાદ કુલદીપસિંહે કૃષ્ણરાજસિંહને કહેલ કે આ છોકરાઓ સાથે આપણે માથાકૂટ નથી કરવી ચાલ ઘરે જઈએ. આથી બંને ભાઈઓ ત્યાંથી નીકળીને કૃષ્ણરાજસિંહના ઘરે જતા રહ્યા હતા અને ફળિયામાં હીંચકા પર બેઠા હતા.
'પપ્પા આને પતાવી જ દયો' - ઘરમાં ઘૂસીને ભત્રીજાની હત્યા, દાદા લોહીલુહાણ થોડીવાર પછી કૃષ્ણરાજસિંહ ફાકી ખાતા હોય, તે દરવાજો ખોલીને ગેટની બહાર પગથિયા પર ઊભા રહીને શેરીમાં થૂંકવા ગયા, ત્યારે જ શેરીમાં મોટો દેકારો સંભળાયો હતો. તેમણે શેરીમાં નજર કરી કુલદીપસિંહને કહ્યું કે, "આપણે જેની સાથે લપ થઈ હતી તે લોકો પાછા આવી ગયા છે." મવડીના નવલનગરમાં રહેતો મુખ્ય આરોપી રણજીત વાળા પોતાના પુત્રો રાજવીર અને અભિમન્યુ તેમજ અન્ય શખસો સાથે ત્યાં પહોંચી ગયો હતો. આરોપીઓને શેરીમાં ગાળો દેતા જોઈ કૃષ્ણરાજસિંહ શેરીમાં ગયા તો બંને પુત્રોએ બૂમ પાડી કે, "આ જો અમારો બાપ આવી ગયો." એટલું કહેતા જ પિતા રણજીત વાળાએ પોતાના હાથમાં રહેલી ગેરકાયદેસર બંદૂકમાંથી હવામાં 3 રાઉન્ડ ફાયરિંગ કરીને આતંક મચાવ્યો હતો. કૃષ્ણરાજસિંહ તેને રોકવા ગયા તો બંને છોકરાઓ (રાજવીર અને અભી) તેમની સાથે મારામારી કરવા લાગ્યા અને પિતાને ઉશ્કેરતા બોલ્યા કે, "પપ્પા આને પતાવી જ દયો, આ જીવતો ન રહેવો જોઈએ, આપણું નામ કેમ લીધું આ લોકોએ!" કૃષ્ણરાજસિંહને ત્રણેય જણા મારવા લાગ્યા અને કુલદીપસિંહ વચ્ચે પડ્યા, પરંતુ રણજીતે તેમને જોરદાર ધક્કો મારી દીધો હતો અને કૃષ્ણરાજસિંહ પર સીધા 2 રાઉન્ડ ફાયરિંગ કર્યા હતા. ગોળીઓ વાગતાં કૃષ્ણરાજસિંહ નીચે પડી ગયા તો તેના છોકરા બૂમો પાડતા હતા કે, "પપ્પા આને મારી જ નાખો, હજી ગોળી મારો આ જીવતો ન રહેવો જોઈએ."
વચ્ચે પડનારા વડીલ પર બંદૂકના કૂંદાથી હુમલો આ દરમિયાન કુલદીપસિંહ દોડીને તેમના માસાને બોલાવવા ગયા અને તેઓ પણ ઘરની બહાર શેરીમાં આવ્યા હતા. આ બનાવ સમયે અવાજ થતાં બાજુમાં રહેતા કૃષ્ણરાજસિંહના પીતરાઈ દાદા રહેન્દ્રસિંહ બહાર આવ્યા હતા. તેઓ પણ વચ્ચે પડવા જતાં આરોપી રણજીતે તેના હાથમાં રહેલી બંદૂક તેમના માથામાં મારી દીધી હતી, જેનાથી તેમને ગંભીર ઈજા થઈ હતી. આ દરમિયાન દિગ્વિજયસિંહ આ લોકોને પકડવા જતાં રણજીતે તેના હાથમાં રહેલી બંદૂક દિગ્વિજયસિંહ સામે તાકીને ધમકી આપી કે, "નજીક ન આવતો નહી તો ઉડાડી દઈશ." એટલી વારમાં કિરીટસિંહ તેના હાથમાં પાઇપ લઈને આવ્યા અને રણજીતને શરીરના ભાગે બે-ત્રણ પાઇપ મારી દીધા હતા. ત્યારબાદ રણજીત તેમજ તેના બંને દીકરાઓ પાર્કિંગ બાજુ ભાગી ગયા હતા. કૃષ્ણરાજસિંહના માથા અને પેટના ભાગમાંથી પુષ્કળ લોહી નીકળતું હોય, તેમને તાત્કાલિક ખાનગી ગાડીમાં ગીરીરાજ હોસ્પિટલ ખાતે સારવાર માટે લાવવામાં આવ્યા હતા. જ્યાં સારવાર દરમિયાન ફરજ પરના ડૉકટરે કૃષ્ણરાજસિંહને તપાસી મરણ ગયેલા જાહેર કર્યા હતા. બીજી તરફ ઈજાગ્રસ્ત રહેન્દ્રસિંહ જાડેજાને પણ ગીરીરાજ હોસ્પિટલમાં સારવારમાં દાખલ કર્યા છે અને હાલ તેમની સારવાર ચાલુ છે.
પોલીસ એક્શન મોડમાં આ સનસનાટીભરી હત્યાકાંડની જાણ થતાં જ રાજકોટ શહેર પોલીસ બેડામાં ભારે દોડધામ મચી ગઈ હતી. ડીસીપી, એસીપી બી. જે. ચૌધરી સહિત ક્રાઇમ બ્રાન્ચ અને તાલુકા પોલીસનો મોટો કાફલો ઘટનાસ્થળે દોડી ગયો હતો અને તાલુકા પોલીસ સ્ટેશનમાં ફરિયાદ નોંધવાની તજવીજ શરૂ કરવામાં આવી હતી. આ હુમલાને અંજામ આપીને ફરાર થઈ ગયેલા આરોપીઓની શોધખોળ કરવા માટે પોલીસે સીસીટીવી ફૂટેજ ચકાસવાની તેમજ લોકેશનના આધારે તપાસ કરવાની તજવીજ હાથ ધરી છે. રાજકોટ ક્રાઇમ બ્રાન્ચના એસીપી ભરત બસિયાએ જણાવ્યું કે, બાઈક ચલાવવા બાબતે થયેલી માથાકૂટમાં રણજીત વાળા અને તેના બે પુત્રો રાજવીર અને અભી વાળા દ્વારા મોકાજી સર્કલ પાસે આ ફાયરિંગ કરવામાં આવ્યું હતું. પોલીસ તપાસમાં એ પણ સામે આવ્યું છે કે, મૃતક કૃષ્ણરાજસિંહનો પરિવાર પોલીસ વિભાગ સાથે જોડાયેલો છે. મૃતકના કૌટુંબિક ભાઈ ગોપાલસિંહ જાડેજા યુનિવર્સિટી પોલીસ સ્ટેશનમાં ડી-સ્ટાફમાં હેડ કોન્સ્ટેબલ તરીકે ફરજ બજાવે છે, જ્યારે તેમનો ભાઈ જીઆરડી (ગ્રામ રક્ષક દળ) ટીમમાં ફરજ બજાવે છે. પ્રાથમિક તપાસ અનુસાર, આ હત્યાની ઘટનામાં 4 થી 5 સશસ્ત્ર શખસો સીધા આવ્યા હતા અને કુલ 7 થી 8 જેટલા શખસો સામેલ હોવાનું અનુમાન છે. પોલીસે આરોપીઓને ઝડપી પાડવા માટે અલગ-અલગ ટીમો બનાવીને ચક્રો ગતિમાન કર્યા છે.

રાજકોટમાં ધોળે દહાડે કાકા-ભત્રીજા પર ફાયરિંગ

નજીવી બાબતે પિતા-પુત્રોએ મચાવ્યો જાહેરમાં આતંક, કાયદો-વ્યવસ્થાના લીરેલીરા

રાજકોટની ફિરોઝ ઉર્ફે ફીરીયો ગેંગના પકડાયેલાં 10 શખ્સોની તસવીર

342 ગુનાઓમાં સંડોવાયેલા ફિરોઝ ઉર્ફે ફીરીયો ગેંગના 20 સભ્યો સામે કાયદાનો ગાળીયો કસાયો

રાજકોટની ‘ફિરોઝ’ ગેંગ સામે ગુજસીટોક હેઠળ કાર્યવાહી

Rajkot Civil Hospital Controversy: રાજકોટની સિવિલ હોસ્પિટલ, જે સમગ્ર સૌરાષ્ટ્રની સૌથી મોટી સરકારી હોસ્પિટલ ગણાય છે, તે ફરી એકવાર ભારે વિવાદના વમળમાં ફસાઈ છે. હોસ્પિટલ તંત્રની ઘોર બેદરકારી અને અત્યંત સંવેદનહીનતાનો એક એવો કિસ્સો સામે આવ્યો છે, જેને સાંભળીને ગમે તેવા માણસનું હૃદય ધ્રૂજી ઊઠે. હોસ્પિટલમાં ગંભીર હાલતમાં સારવાર લઈ રહેલા એક અશક્ત અને અર્ધબેભાન દર્દીને માનવતા નેવે મૂકીને સિક્યુરિટી સ્ટાફે ટીંગાટોળી કરી બહાર રોડ પર ફેંકી દીધો હતો. જો કે, આ મામલો સિવિલ સર્જનના ધ્યાને આવતા નબળા તંત્રને ખખડાવવામાં આવ્યું હતું અને દર્દીને ફરી દાખલ કરી જવાબદારો સામે કડક પગલાં લેવાની ખાતરી અપાઈ છે.
ઝેરી દવાની અસર થતાં યુવાનને સારવાર માટે લવાયો હતો પ્રાપ્ત વિગતો અનુસાર, સુરેન્દ્રનગર જિલ્લાના રાજચરાડી ગામે રહેતો 30 વર્ષીય શ્રમિક યુવાન ગણેશ રામલાલ કટારા ઝેરી દવાની તીવ્ર અસર થવાના કારણે ગંભીર સ્થિતિમાં મુકાયો હતો. તેને 2 જુલાઈના રોજ વહેલી સવારે 1.45 વાગ્યે તાત્કાલિક સારવાર અર્થે રાજકોટની સિવિલ હોસ્પિટલમાં દાખલ કરવામાં આવ્યો હતો, જ્યાં તેની સારવાર શરૂ કરવામાં આવી હતી.
અર્ધબેભાન અવસ્થામાં દર્દી વોર્ડની બહાર નીકળી ગયો હોસ્પિટલમાં સારવાર દરમિયાન, બીજા દિવસે એટલે કે 3 જુલાઈની સવારે ઝેરી દવાની અસરમાં પોતાની શુદ્ધબુદ્ધ ગુમાવી ચૂકેલો આ યુવાન અર્ધબેભાન હાલતમાં પોતાના વોર્ડમાંથી બહાર નીકળી ગયો હતો. નવાઈની વાત એ છે કે આ અસહાય દર્દી આખી રાત OPDની બહાર જમીન પર કણસતી હાલતમાં પડ્યો રહ્યો હતો, પરંતુ રાઉન્ડ પર રહેલા હોસ્પિટલના જવાબદાર સ્ટાફ કે નર્સિંગ કર્મચારીઓમાંથી કોઈની પણ નજર આ દર્દી પર પડી ન હતી.
સિક્યુરિટી સ્ટાફે માનવતા ભૂલી દર્દીને ફૂટપાથ પર ફેંક્યો બહાર કમ્પાઉન્ડમાં દર્દીને કણસતો જોઈ તેને તાત્કાલિક વોર્ડમાં લઈ જઈ સારવાર આપવાની પવિત્ર ફરજ બજાવવાના બદલે સિક્યુરિટી સ્ટાફે ક્રૂરતાની હદ વટાવી દીધી હતી. સવારે 7 વાગ્યાની આસપાસ સિક્યુરિટીના માણસોએ આ ગંભીર દર્દીને 'દારૂડિયો' ગણાવી દીધો હતો. સ્ટાફે આ અર્ધબેભાન શ્રમિકની નિર્દયતાપૂર્વક ટીંગાટોળી કરી અને હોસ્પિટલની બિલકુલ સામે આવેલી SBI બેંકના ગેટ નજીક ફૂટપાથ પર મરવા માટે ફેંકી દીધો હતો. આ અમાનવીય કૃત્ય કર્યા બાદ સિક્યુરિટી સ્ટાફ જાણે કંઈ બન્યું જ ન હોય તેમ ત્યાંથી ચાલતો થયો હતો.
જાગૃત નાગરિકે સિવિલ અધિક્ષકને વાકેફ કર્યા આ હૃદયદ્રાવક ઘટના સવારે ત્યાંથી પસાર થતા અનેક નાગરિકોએ નજરે નિહાળી હતી. કેટલાક લોકોએ જ્યારે સિક્યુરિટી સ્ટાફને રોકવાનો અને પૂછપરછ કરવાનો પ્રયાસ કર્યો, ત્યારે સ્ટાફે આ દર્દી નશાની હાલતમાં હોવાનું કહીને વાતને હસવામાં ઉડાવી દીધી હતી. જોકે, સવારે જ્યારે સિવિલ સર્જન ડો. મોનાલી માકડીયા હોસ્પિટલના રૂટિન રાઉન્ડમાં નીકળ્યા, ત્યારે એક જાગૃત નાગરિકે આ સમગ્ર ઘટના અંગે તેમનું ધ્યાન દોર્યું હતું.
ડો. મોનાલીએ સ્ટાફનો ઉધડો લીધો, દર્દીને ફરી દાખલ કરાયો ઘટનાની ગંભીરતાને સમજીને સિવિલ અધિક્ષક ડો. મોનાલી માકડીયાએ તાત્કાલિક સ્થળ પર હાજર સિક્યુરિટી સ્ટાફ અને અન્ય જવાબદાર કર્મચારીઓનો ભારે ઉધડો લીધો હતો. તેમણે તાત્કાલિક રોડની ફૂટપાથ પર કણસતા દર્દીને ઇમરજન્સી વોર્ડમાં ખસેડી ફરીથી તેની સઘન સારવાર શરૂ કરાવી હતી.
તંત્ર સામે લોકોમાં ભારે રોષ, કડક તપાસની માંગ સિવિલ અધિક્ષક ડો. મોનાલી માંકડિયાએ જણાવ્યું હતું કે, "આ બાબત મારા ધ્યાનમાં આવતા જ દર્દીને ફરી દાખલ કરી સારવાર શરૂ કરાવી દેવામાં આવી છે. આવી ગંભીર ભૂલ બીજીવાર ન થાય તે માટે તપાસના આદેશો અપાયા છે અને જે કોઈ કસૂરવાર સાબિત થશે તેની સામે કડકમાં કડક દાખલારૂપ કાર્યવાહી કરવામાં આવશે. દર્દીઓ પ્રત્યે આવી સંવેદનહીનતા ક્યારેય ચલાવી લેવાશે નહીં." આ સમગ્ર ઘટના પરથી સ્પષ્ટ થાય છે કે સરકારી હોસ્પિટલના વહીવટી તંત્રમાં સંવેદનહીનતા કેટલી હદે વ્યાપેલી છે. એક ગરીબ શ્રમિક દર્દીની જિંદગીની કોઈ કિંમત ન હોય તેવું ચિત્ર અહીં ઉપસી આવ્યું છે. એકલા સારવાર માટે આવેલા દર્દીને સાજો કરવાના બદલે રસ્તા પર મારવા માટે ફેંકી દેવાની આ ઘટના ખરેખર ચિંતાજનક છે. ભવિષ્યમાં આવી કોઈ ઘટના ફરી ન બને તે માટે રાજ્યની સંવેદનશીલ સરકાર પણ આ ગંભીર બાબતમાં કડક વલણ અપનાવે અને કસૂરવારો સામે કાનૂની પગલાં ભરે તે અત્યંત જરૂરી છે.

અર્ધબેભાન દર્દીને ‘દારૂડિયો’ ગણી સિક્યુરિટીએ રોડ પર ફેંકી દીધો

રાજકોટ સિવિલ હોસ્પિટલમાં માનવતા મરી પરવારી

Mayor's U-turn on Jungleshwar expenditure issue: <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">રાજકોટના જંગલેશ્વરમાં થયેલી ડિમોલિશન કામગીરી બાદ ખર્ચનો વિવાદ વધુ વકર્યો છે. ખાણીપીણી, મંડપ, વીડિયોગ્રાફી અને પાણીના સપ્લાય સહિતના ખર્ચ અંગે સવાલો ઉઠ્યા બાદ મનપાની કામગીરી અને રેટ કોન્ટ્રાક્ટ પ્રણાલી પર અનેક પ્રશ્નો ઉભા થયા છે. ત્યારબાદ મેયરના બે અલગ-અલગ નિવેદનોથી સમગ્ર મામલો વધુ ચર્ચામાં આવ્યો છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પહેલા રિકવરીની વાત, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પછી બદલાયું વલણ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પ્રારંભિક નિવેદનમાં મેયર નેહલ શુક્લએ જણાવ્યું હતું કે, ડિમોલિશન કામગીરી દરમિયાન કોઈને નિયમ કરતાં વધુ ચુકવણી થઈ હશે તો તેની તપાસ કરીને કાયદેસરની પ્રક્રિયા મુજબ રકમ વસૂલ કરવામાં આવશે. મનપાના નાણાંનો દુરુપયોગ સહન નહીં કરવામાં આવે તેવી ખાતરી આપવામાં આવી હતી.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ નિવેદનના 24 કલાક બાદ એટલે કે બીજા જ દિવસે મેયરે સ્પષ્ટતા કરતાં જણાવ્યું કે, રેટ કોન્ટ્રાક્ટ હેઠળ કાયદેસર રીતે કરવામાં આવેલી ચૂકવણી પરત મેળવવી શક્ય નથી. તેમના જણાવ્યા મુજબ આ પ્રકારની ચૂકવણી મંજૂર કરાયેલા કરારના આધારે કરવામાં આવી હોવાથી તેમાં ફેરફાર કરી શકાય નહીં.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કમિશનરનું નિવેદન અલગ દિશામાં <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">બીજી તરફ, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">રાજકોટ મહાનગરપાલિકાના કમિશનર તુષાર સુમેરાએ જણાવ્યું કે, ડિમોલિશન કામગીરી સાથે સંબંધિત તમામ બિલોની વિગતવાર ચકાસણી કરવામાં આવશે. તપાસ દરમિયાન કોઈ ગેરરીતિ અથવા વધારાનો ખર્ચ સામે આવશે તો તે મુજબ આગળની કાર્યવાહી અને જરૂરી હોય ત્યાં રિકવરી કરવામાં આવશે. મેયર અને કમિશનરના નિવેદનોમાં વિરોધાભાસના કારણે આ મામલે વધુ સ્પષ્ટતા કરવાની માંગ ઉઠી રહી છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">શું છે સમગ્ર મામલો?<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-ansi-language: EN-US; mso-bidi-language: GU;"> <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જંગલેશ્વર ડિમોલિશન સમયના પાણીના 12 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">લાખના બિલ જાહેર કરતાં સમગ્ર મામલો બહાર આવ્યો હતો. પાણીના કોન્ટ્રાક્ટર ઉમિયા મંડપ સાથે રેઈટ કોન્ટ્રાકટ વર્ષ 2023<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">નાં ઓગષ્ટ માસમાં થયો હતો. ઓગષ્ટ-2025<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">માં કોન્ટ્રાકટ પૂરો થયો હોવા છતાં આચારસંહિતને લઈ નવો કોન્ટ્રાકટ નહીં થતાં કોન્ટ્રાક્ટરે નિયમ મુજબ ડિમોલિશન દરમિયાન પાણી સપ્લાય કર્યું હતું. જો કે વર્ષ 2023<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">માં રેઈટ કોન્ટ્રાકટ થયો ત્યારે હાલના મેયર ડો નેહલ શુક્લ સ્ટેન્ડિંગ કમિટીનાં સભ્ય હતા. તે સમયે તેમણે કોન્ટ્રાકટનો વિરોધ શા માટે ન કર્યો તેવા સવાલ પણ હાલ ઉઠી રહ્યા છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">રેટ કોન્ટ્રાક્ટની સમીક્ષા કરવાનો નિર્ણય <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વિવાદ બાદ મહાનગરપાલિકાએ હાલના તમામ રેટ કોન્ટ્રાક્ટની સમીક્ષા કરવાનો નિર્ણય લીધો છે. જો કોઈ નવી એજન્સી ઓછી કિંમતે સેવા આપવા તૈયાર હશે તો જૂનો કરાર સમાપ્ત કરીને નવી એજન્સી સાથે કરાર કરવાની પ્રક્રિયા હાથ ધરાશે. જો કે, જે કોન્ટ્રાક્ટ પૂર્ણ થઈ ચૂક્યા છે તેના નવા ટેન્ડર સમયસર બહાર પાડવા માટે પણ સંબંધિત વિભાગોને સૂચનાઓ આપવામાં આવી છે. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">જેથી ભવિષ્યમાં આવા વિવાદો ટાળી શકાય.

રિકવરીની ખાતરી બાદ મેયરનું નવું નિવેદન, ‘રેટ કોન્ટ્રાક્ટ મુજબ થયેલી ચૂકવણીમાં કંઈ ન થાય'

જંગલેશ્વરના ખર્ચ મુદ્દે મેયરનો 24 કલાકમાં યુ-ટર્ન

Gondal Parents Murder Son: રાજકોટ જિલ્લાના ગોંડલ તાલુકાના ગુંદાળા ગામમાં મચેલી ભારે ચકચાર વચ્ચે પોલીસે 23 વર્ષીય યુવાનના રહસ્યમય મોતના કેસમાં એક અત્યંત ચોંકાવનારો ખુલાસો કર્યો છે. શરૂઆતમાં જેને આપઘાતનો કિસ્સો ગણાવીને દબાવવાનો પ્રયાસ થતો હતો, તે હકીકતમાં સગા માતા-પિતા દ્વારા જ આચરાયેલી ઘાતકી હત્યા હોવાનું પોલીસ તપાસમાં બહાર આવ્યું છે. મૃતક યુવાનની દારૂ પીવાની કુટેવ અને તેના કારણે ઘરમાં રોજ થતા ઝઘડાઓથી કંટાળીને માતા-પિતાએ જ આ ભયાનક પગલું ભર્યું હતું.
માતાએ એસિડ પીવડાવ્યું, પિતાએ ગળેટૂંપો આપ્યો પોલીસના સત્તાવાર અહેવાલો મુજબ, મૃતક રામ બાબુભાઈ બાંભવા ભારે દારૂડિયો હતો અને અવારનવાર ઘરમાં આવીને ક્લેશ કરતો હતો. 30 જૂનની રાત્રે પણ દારૂના મુદ્દે ઘરમાં ઉગ્ર બોલાચાલી થઈ હતી. ઝઘડો એટલો ઉગ્ર બન્યો કે માતા મનીષાબેન ઉર્ફે મોતીબેને પુત્ર રામને પકડીને બળજબરીથી એસિડ પીવડાવી દીધું હતું. ત્યારબાદ પિતા બાબુભાઈ ઉર્ફે અતુલભાઈ ઘુઘાભાઈ બાંભવાએ પુત્રને ઢોર માર માર્યા બાદ ગળેટૂંપો આપીને જીવ લીધો હતો.
હત્યાને આપઘાતમાં ખપાવવા ભલામણો કરાવી આ કરપીણ હત્યાને આપઘાતમાં ખપાવવા માટે આરોપી પિતાએ ગોંડલ સિવિલ હોસ્પિટલમાં ઝડપથી પેનલ પોસ્ટમોર્ટમ પૂરું થઈ જાય તે માટે કેટલાક સ્થાનિક રાજકીય આગેવાનો અને નેતાઓ મારફતે હોસ્પિટલ અને પોલીસ પર દબાણ લાવવા ભલામણો પણ કરાવી હતી. જોકે, પોલીસની આશંકા અને તીક્ષ્ણ તપાસ સામે આ કાવતરું ખુલ્લું પડી ગયું હતું.
પત્નીએ નોંધાવી FIR માત્ર 4 મહિના પહેલાં જ પરણીને આવેલી મૃતકની પત્ની બંશીબેન બાંભવાએ પોતાના જ સાસુ-સસરા વિરુદ્ધ ગોંડલ તાલુકા પોલીસ સ્ટેશનમાં હત્યાની ફરિયાદ નોંધાવી છે. પોલીસે ગુનો નોંધી બંને આરોપીઓની ધરપકડ કરી છે અને પોલીસ ઇન્સ્પેક્ટર યુ.આર. ડામોર આગળની તપાસ ચલાવી રહ્યા છે. ગુંદાળા ગામમાં બનેલી આ ઘટનાએ સમગ્ર વિસ્તારમાં અરેરાટી ફેલાવી છે. પોતાના જ માતા-પિતા દ્વારા પુત્રની હત્યા કરવાની ઘટના સામે આવતાં સમગ્ર સમાજમાં ભારે ચકચાર મચી છે.

ગોંડલમાં યુવકના રહસ્યમય મોતનો ભેદ ઉકેલાયો

દારૂડિયા પુત્રથી કંટાળી માતા-પિતાએ જ કરી હતી હત્યા, પુત્રવધૂની ફરિયાદ બાદ ખુલાસો

Rajkot : રાજકોટ જિલ્લાના લોધિકા તાલુકામાં ગૌચર જમીનને લઈને વિવાદ ફરી એકવાર ચર્ચામાં આવ્યો છે.જિલ્લા કલેક્ટરે જિલ્લા જમીન માપણી અધિકારી (DILR) દ્વારા આપવામાં આવેલા એક મહત્વપૂર્ણ હુકમને રદ કરતાં સમગ્ર મામલાએ નવો વળાંક લીધો છે. આ ઘટનાએ જમીન વ્યવસ્થાપન, સરકારી મિલકતોની સુરક્ષા અને વહીવટી પ્રક્રિયાઓ અંગે અનેક સવાલો ઉભા કર્યા છે.આ મામલો ખાસ કરીને એટલા માટે ચર્ચામાં છે કે તેમાં ભાજપના એક સ્થાનિક નેતાનું નામ જોડાઈ રહ્યું હોવાના દાવા થઈ રહ્યા છે.જોકે,જ્યાં સુધી સત્તાવાર તપાસ પૂર્ણ ન થાય અથવા સંબંધિત સત્તાધિકારીઓ દ્વારા સ્પષ્ટ જવાબદારી નક્કી ન કરવામાં આવે,ત્યાં સુધી કોઈ વ્યક્તિને દોષિત ગણાવી શકાય નહીં.
શું છે સમગ્ર મામલો? મળતી માહિતી મુજબ,લોધિકા તાલુકામાં આવેલી ગૌચર જમીનના રેકોર્ડ,માપણી અને સીમા સંબંધિત પ્રક્રિયા દરમિયાન DILR દ્વારા એક હુકમ કરવામાં આવ્યો હતો. આ હુકમ સામે રજૂઆત થતાં સમગ્ર કેસ જિલ્લા કલેક્ટર સમક્ષ પહોંચ્યો હતો.કલેક્ટરે કેસના દસ્તાવેજો, નોંધપોથી અને સંબંધિત મુદ્દાઓની સમીક્ષા કર્યા બાદ DILRનો હુકમ રદ કરવાનો નિર્ણય લીધો હોવાનું જાણવા મળે છે. આ નિર્ણય બાદ સમગ્ર મામલો ફરી ચર્ચામાં આવ્યો છે.
37 વીઘા સરકારી અને ગૌચર જમીન મુક્ત કરાઈ લોધિકા ગ્રામ પંચાયત દ્વારા આ આખા કૌભાંડનો પર્દાફાશ કરવામાં આવ્યો હતો. ભાજપના નેતાઓએ સરકારી ખરાબાની અને ગૌચરની જમીનમાં કૌભાંડ આચરીને સત્તાના જોરે DILR (જિલ્લા નિરીક્ષક જમીન દફતર) ની કચેરીમાંથી ખોટી માપણી સીટ બેસાડી દીધી હતી. જો કે, કલેક્ટરે તાત્કાલિક એક્શન મોડમાં આવીને DILR નો આ વિવાદિત હુકમ રદ કરી દીધો છે અને 37 વીઘા જમીનને ફરીથી સત્તાવાર રીતે સરકારી અને ગૌચર જમીન જાહેર કરી દીધી છે.
ગૌચરની જમીન પર શું નેતાઓની મિલીભગત? લોધીકા ગામના નવા સર્વે નંબર 423 અને 428 ની ખાનગી જમીનોમાં રી-સર્વે પ્રમોલગેશન બાદ ક્ષતિ સુધારણાના નામે નાયબ નિયામક જમીન દફ્તર દ્વારા ભાજપ આગેવાનની તરફેણ કરી વર્ષ 2023 ના રોજ હુકમ કરવામાં આવ્યો હતો. આ હુકમના આધારે ખાનગી ખાતેદારોની જમીનની નવી માપણી એવી રીતે ગોઠવી જુની શરતની ખેતીની જમીન ખરીદ કરી છે.મહિલા સદસ્યના પતિ મુકેશભાઈ તોગડિયાએ જણાવ્યું હતું કે, બન્ને સર્વે નંબરવાળી ખેતીની જમીન ટીપ્પણવાળી અને જુની શરતની જમીન છે. આ જમીન 2024 માં કમલેશભાઈ મુળુભાઈ વરૂ પાસેથી વેંચાણ દસ્તાવેજથી ખરીદ કરી હોવાથી જમીનના માલિક અને કબ્જેદાર બનેલ છીએ.
ગ્રામપંચાયતની લડત રંગ લાવી સરકારી જમીનના કમલેશભાઈ વરૂ,અજ્યભાઈ બાલધા,રાજકોટ જિલ્લા પંચાયતના મહિલા સદસ્યના પતિ અને ભાજપના આગેવાન મુકેશભાઈ તોગડીયા અને કૌશિકભાઈ કમાણીએ ગૌચર અને ખરાબાની જમીન દબાવી ખાનગી માપણીશીટ બેસાડી આખું કારસ્તાન કર્યું હોવાનું બહાર આવ્યું છે.તેઓએ ખોટા રેકોર્ડ બનાવી ગૌચર અને ખરાબાની જમીન દબાવી ખાનગી માપણીશીટ બેસાડી દેવામાં આવી હોવાનો ઘટસ્ફોટ થયો છે.લોધીકા ગ્રામ પંચાયતે કલેક્ટરને ફરિયાદ કરી આક્ષેપ કર્યો હતો કે, ખાનગી પક્ષકારો અને સરકારી અધિકારીઓની મિલીભગતથી મૂળ ટીપ્પણ અને નકશાઓ સાથે છેડછાડ કરીને સરકારી ગૌચરની જમીન પચાવી પાડવાનું મોટું કૌભાંડ આચરવામાં આવ્યું છે.
DILRનો હુકમ રદ કરતા કલેક્ટર લોધિકાની ગૌચર જમીનને લઈને ઉભા થયેલા વિવાદે ફરી એકવાર સરકારી જમીનોના સંરક્ષણ અને વહીવટી પારદર્શિતાના મુદ્દાને કેન્દ્રસ્થાને લાવ્યો છે. જિલ્લા કલેક્ટર દ્વારા DILRનો હુકમ રદ કરાતા સમગ્ર કેસમાં નવો વળાંક આવ્યો છે.હાલ આ મામલામાં અંતિમ સત્ય સત્તાવાર તપાસ અને વહીવટી પ્રક્રિયા પૂર્ણ થયા બાદ જ સ્પષ્ટ થશે.તેથી કોઈપણ વ્યક્તિ અથવા પક્ષ અંગે અંતિમ નિષ્કર્ષ પર પહોંચતા પહેલાં સત્તાવાર દસ્તાવેજો અને તપાસના પરિણામોની રાહ જોવી જરૂરી છે.
સ્થાનિક સ્તરે ચર્ચાનો વિષય લોધિકા અને આસપાસના વિસ્તારોમાં આ સમગ્ર મુદ્દો ચર્ચાનો વિષય બન્યો છે. ગ્રામજનોમાં પણ ગૌચર જમીન અંગે પારદર્શિતા જળવાઈ રહે તેવી માંગ ઉઠી રહી છે.સ્થાનિક લોકોનું માનવું છે કે સરકારી જમીન અંગે લેવામાં આવતા દરેક નિર્ણયમાં પારદર્શિતા અને કાયદાનું સંપૂર્ણ પાલન થવું જોઈએ જેથી ભવિષ્યમાં આવા વિવાદો ઊભા ન થાય.જમીન સંબંધિત વિવાદોમાં આવક વિભાગ, DILR, મામલતદાર, પ્રાંત અધિકારી અને જિલ્લા કલેક્ટર સહિતના વિવિધ સ્તરે કાર્યવાહી થઈ શકે છે.જો કોઈ પક્ષને કોઈ નિર્ણય સામે વાંધો હોય તો તે નિયમ મુજબ ઉચ્ચ સત્તા સમક્ષ અપીલ કરી શકે છે. આ સમગ્ર પ્રક્રિયાનો હેતુ કાયદેસર અને પારદર્શક નિર્ણય સુનિશ્ચિત કરવાનો હોય છે.

લોધિકામાં ભાજપ નેતા વિવાદમાં,કલેક્ટરે DILRનો નિર્ણય રદ થતાં રાજકીય હલચલ

રાજકોટમાં ગૌચર જમીન કૌભાંડનો મોટો ખુલાસો

Rajkot Demolition : રાજકોટ શહેરના જંગલેશ્વર વિસ્તારમાં થયેલી ડિમોલિશન કાર્યવાહી છેલ્લા ઘણા સમયથી ચર્ચામાં રહી છે.ગેરકાયદેસર બાંધકામો સામે હાથ ધરાયેલી આ કાર્યવાહી દરમિયાન અનેક મકાનો અને દબાણો દૂર કરવામાં આવ્યા હતા.હવે આ સમગ્ર પ્રકરણમાં વધુ એક મહત્વપૂર્ણ વળાંક આવ્યો છે. રાજકોટ મહાનગરપાલિકા (RMC) દ્વારા ડિમોલિશન કામગીરી પાછળ દર્શાવવામાં આવેલા આશરે રૂ.27 લાખના ખર્ચને નામંજૂર કરવામાં આવ્યો છે. આ નિર્ણય બાદ વહીવટી તંત્ર,અધિકારીઓ અને સમગ્ર પ્રક્રિયા અંગે ફરી સવાલો ઉભા થયા છે.મહાનગરપાલિકાના નિર્ણય બાદ સ્પષ્ટ સંકેત મળ્યો છે કે જાહેર નાણાંના ખર્ચ અંગે હવે વધુ કડક વલણ અપનાવવામાં આવશે.જો કોઈ ખર્ચ નિયમો મુજબ યોગ્ય રીતે મંજૂર ન થયો હોય અથવા જરૂરી પ્રક્રિયાનું પાલન ન થયું હોય તો તેવા ખર્ચને મંજૂરી આપવામાં નહીં આવે.
ડિમોલીશન દરમિયાન થયેલા 27 લાખના વિવાદિત ખર્ચની દરખાસ્ત નામંજૂર સ્ટે. ચેરમેન પરેશ પીપળીયાનાં જણાવ્યા મુજબ આજે સ્ટેન્ડિંગ કમિટીની બેઠક મળી હતી. જેમાં મુખ્ય ત્રણ જ દરખાસ્ત હતી. જેમાં જંગલેશ્વર ડિમોલિશન દરમિયાન થયેલા રૂ. 27 લાખના ખર્ચની દરખાસ્ત માટે ટેન્ડરની નિયત પ્રક્રિયા કરવામાં આવી નહીં હોવાનું સામે આવતા આ ખર્ચ નામંજૂર કરવામાં આવ્યો છે.&nbsp;
શું હતો સમગ્ર મામલો? જંગલેશ્વર વિસ્તારમાં ગેરકાયદેસર બાંધકામો અને દબાણો સામે મહાનગરપાલિકાએ મોટા પાયે ડિમોલિશન હાથ ધર્યું હતું. આ કાર્યવાહી માટે ભારે પોલીસ બંદોબસ્ત,જેસીબી,પોકલેન,ટ્રેક્ટર,ડમ્પર સહિતના મશીનો તેમજ વિવિધ માનવબળનો ઉપયોગ કરવામાં આવ્યો હતો.કાર્યવાહી બાદ આ સમગ્ર અભિયાનનો ખર્ચ અંદાજે રૂ.27 લાખ દર્શાવવામાં આવ્યો હતો.જોકે આ ખર્ચની મંજૂરી માટે રજૂ થયેલી દરખાસ્તની સમીક્ષા દરમિયાન અનેક મુદ્દાઓ સામે આવતા તેને નામંજૂર કરવાનો નિર્ણય લેવાયો હોવાનું જાણવા મળે છે.
તોતિંગ ખર્ચની આંતરિક તપાસ&nbsp; મળતી વિગતો મુજબ, રાજકોટના જંગલેશ્વર ખાતે મોટા પાયે ચાલેલી ડિમોલિશન ડ્રાઇવમાં એજન્સી દ્વારા રજૂ કરવામાં આવેલા આ તોતિંગ ખર્ચની આંતરિક તપાસ કરવામાં આવી હતી. બિનજરૂરી રીતે વધારીને રજૂ કરાયેલા આ બિલિંગને પગલે રાજકોટ મનપાની સ્ટેન્ડિંગ કમિટી અને સત્તાધીશોએ કડક વલણ અપનાવ્યું છે અને સ્પષ્ટ કરી દીધું છે કે ખાણીપીણી અંગે આ પૈસાની હાલ કોઈ પણ પ્રકારની ચુકવણી એજન્સીને કરવામાં આવશે નહીં.
રેટ કોન્ટ્રાક્ટની પુનઃ સમીક્ષા કરાશે મેયર ડો. નેહલ શુક્લએ આ મામલે જણાવ્યું હતું કે,રેટ કોન્ટ્રાક્ટની સમીક્ષા,પુનઃ સમીક્ષા અને તેને રદ કરવા બાબતે મેં સ્ટેન્ડિંગ કમિટીના સભ્યો અને ચેરમેનને એક અનુરોધ કર્યો હતો કે આની પુનઃ સમીક્ષા થવી જોઈએ.જે અન્વયે સ્ટેન્ડિંગ કમિટી દ્વારા એવો ઠરાવ કરવામાં આવી રહ્યો છે, જેની માહિતી હાલ મને ચેરમેન દ્વારા આપવામાં આવી છે કે હાલ જે કોઈ પણ રેટ કોન્ટ્રાક્ટ અસ્તિત્વમાં છે તે બધા જ રેટ કોન્ટ્રાક્ટની પુનઃ સમીક્ષા કરવામાં આવશે. આ સમીક્ષા કર્યા બાદ જેમાં જરૂર જણાય તે તમામમાં રેટ કોન્ટ્રાક્ટ રદ કરીને રીટેન્ડરની પ્રક્રિયા હાથ ધરવામાં આવશે.
કેસમાં ગંભીર વિસંગતતાઓ સામે આવી આ ચકચારી મામલે રાજકોટના મેયરે મીડિયા સમક્ષ મહત્વનું નિવેદન આપતાં જણાવ્યું હતું કે, "કાયદાકીય જોગવાઈઓ અને અગાઉના રેટ કોન્ટ્રાક્ટ મુજબ ભૂતકાળમાં ચૂકવાયેલા પૈસા પરત લઈ શકાય તેમ નથી,કારણ કે કાયદાકીય રૂપથી રેટ કોન્ટ્રાક્ટ મુજબ પેમેન્ટ કરવું ફરજિયાત હોય છે. પરંતુ આ કેસમાં ગંભીર વિસંગતતાઓ સામે આવી છે.
રેટ કોન્ટ્રાક્ટની ગંભીરતાથી સમીક્ષા&nbsp; મેયરે રાજકોટના ટેક્સપેયર્સના નાણાંનો દુરુપયોગ રોકવા માટે એક મોટી જાહેરાત કરી છે કે, વિવાદોમાં ઘેરાયેલા હાલના તમામ રેટ કોન્ટ્રાક્ટની ગંભીરતાથી સમીક્ષા કરવામાં આવશે. એટલું જ નહીં, આ શંકાસ્પદ રેટ કોન્ટ્રાક્ટને તાત્કાલિક પ્રભાવથી રદ્દ કરીને સંપૂર્ણ પારદર્શિતા સાથે નવો કોન્ટ્રાક્ટ આપવા માટે નવું ટેન્ડર બહાર પાડવામાં આવશે. રાજકોટ મનપાના આ સપાટાથી ભ્રષ્ટ તત્વો અને એજન્સીઓમાં ફફડાટ વ્યાપી ગયો છે.&nbsp;
જાહેર નાણાં અંગે કડક વલણ સ્થાનિક સ્વરાજ્ય સંસ્થાઓમાં જાહેર નાણાંના ઉપયોગ અંગે છેલ્લા કેટલાક સમયથી પારદર્શિતા વધારવા પર ભાર મૂકવામાં આવી રહ્યો છે. મહાનગરપાલિકાનો આ નિર્ણય પણ તે દિશામાં મહત્વપૂર્ણ માનવામાં આવી રહ્યો છે.નિયમોનું પાલન કર્યા વિના અથવા યોગ્ય મંજૂરી વિના કરવામાં આવેલા ખર્ચને મંજૂરી ન આપવાનો અભિગમ આગામી સમયમાં અન્ય વિભાગો માટે પણ ઉદાહરણ બની શકે છે.
ડિમોલિશન બાદ અનેક વિવાદો જંગલેશ્વર ડિમોલિશન કાર્યવાહી બાદ અનેક પ્રકારના વિવાદો સામે આવ્યા હતા. અસરગ્રસ્ત પરિવારો દ્વારા વિવિધ રજૂઆતો કરવામાં આવી હતી. કેટલાક લોકોએ કાર્યવાહીની પદ્ધતિ અંગે પ્રશ્નો ઉઠાવ્યા હતા તો બીજી તરફ મહાનગરપાલિકાએ સમગ્ર કાર્યવાહી કાયદેસર હોવાનું જણાવ્યું હતું. ત્યારબાદ પાણીના બિલ સહિતના વિવિધ મુદ્દાઓ પણ ચર્ચામાં આવ્યા હતા. હવે ડિમોલિશનના ખર્ચને લઈને ફરી ચર્ચા શરૂ થઈ છે.
રાજકીય પ્રતિક્રિયાઓ મામલો સામે આવ્યા બાદ રાજકીય વર્તુળોમાં પણ ચર્ચા શરૂ થઈ છે.વિપક્ષ દ્વારા સમગ્ર ખર્ચની તપાસની માંગ ઉઠી શકે છે, જ્યારે સત્તાપક્ષ જાહેર નાણાંના યોગ્ય ઉપયોગ અંગે પોતાના નિર્ણયને યોગ્ય ગણાવી શકે છે.આગામી મહાનગરપાલિકાની બેઠકોમાં પણ આ મુદ્દો ચર્ચાનો વિષય બની શકે છે.હવે મહાનગરપાલિકા દ્વારા સંબંધિત વિભાગ પાસેથી વધુ સ્પષ્ટતા માંગવામાં આવી શકે છે. જો જરૂરી દસ્તાવેજો અને નિયમો મુજબનો આધાર રજૂ કરવામાં આવશે તો ફરીથી ખર્ચ અંગે વિચારણા થઈ શકે છે. જો અનિયમિતતા સાબિત થશે તો જવાબદારો સામે વિભાગીય કાર્યવાહી પણ થઈ શકે છે.
કુલ ખર્ચ રૂ. 46 લાખને પાર પહોંચશે અત્યાર સુધી પ્રજા સામે માત્ર ₹27,20,946 લાખનો ખર્ચ જ આવ્યો છે, પરંતુ વાસ્તવિકતા એ છે કે તેમાં હજુ પાણીનું ₹12,40,028નું બિલ અને મંડપ સર્વિસના ₹6,70,678 બિલનો ઉમેરાવાના બાકી છે. આ તમામ વિગતો ઉમેરતા જંગલેશ્વર ડિમોલિશનનો કુલ ખર્ચ ₹46,31,652ની આસપાસ પહોંચે છે, જે પ્રજાના ટેક્સના પૈસાનો સીધો ધુમાડો છે.

જંગલેશ્વર ડિમોલિશનનો રૂ. 27 લાખનો ખર્ચ નામંજૂર, જાણો સમગ્ર મામલો

જંગલેશ્વર ડિમોલિશન મામલે મનપાનો મોટો ઝટકો

Rajkot Loot Accused Arrested: રાજકોટ જિલ્લાના અગ્રણી ઔદ્યોગિક ક્ષેત્ર શાપર-વેરાવળમાં જૂન મહિનાની 19 તારીખે થયેલી રૂ. 2.49 કરોડની લૂંટના કેસમાં રૂરલ ક્રાઈમ બ્રાંચ અને સ્થાનિક પોલીસને એક મોટી સફળતા મળી છે. પોલીસે રાત-દિવસ એક કરીને આ ચકચારી લૂંટનો ભેદ ઉકેલી નાખ્યો છે અને કાવતરાના મુખ્ય સૂત્રધાર એવા મધ્યપ્રદેશના તેજોરિયા ગામ નજીકના રહેવાસી ત્રણ શાતિર આરોપીઓની ધરપકડ કરી લીધી છે. આ હાઈપ્રોફાઈલ લૂંટ કેસમાં પોલીસે હાલમાં આરોપીઓ પાસેથી રૂપિયા 41 લાખની કિંમતનો મુદ્દામાલ રિકવર કર્યો છે. આ લૂંટના બનાવથી સમગ્ર સૌરાષ્ટ્ર પંથકમાં કાયદો અને વ્યવસ્થાની સ્થિતિ સામે અનેક સવાલો ઉભા થયા હતા, જેને પગલે પોલીસે ટેકનિકલ સર્વેલન્સ અને બાતમીદારોના નેટવર્કનો ઉપયોગ કરીને ગણતરીના દિવસોમાં લૂંટારુ ગેંગના સભ્યોને જેલના સળિયા પાછળ ધકેલી દીધા છે.
રાજ્યોની સરહદો ઓળંગીને રૂરલ પોલીસની 15 ટીમોએ ચલાવ્યું આક્રમક સર્ચ ઓપરેશન લૂંટની આટલી મોટી ઘટનાને પગલે રાજકોટ રૂરલ પોલીસ વડા દ્વારા તુરંત એક્શન પ્લાન તૈયાર કરવામાં આવ્યો હતો. ગુનાની ગંભીરતાને ધ્યાનમાં રાખીને રૂરલ પોલીસની જુદી જુદી 15 જેટલી વિશેષ ટીમો બનાવવામાં આવી હતી. આ ટીમો ભૂતકાળમાં આ જ પ્રકારની ધાડ અને લૂંટની ચોક્કસ પદ્ધતિ એટલે કે મોડસ ઓપરેન્ડી ધરાવતી રીઢા ગુનેગારોની ગેંગની શોધખોળમાં દાહોદ, ગોધરા સહિત પાડોશી રાજ્યો જેવા કે મધ્યપ્રદેશ, રાજસ્થાન અને બિહાર સુધી દોડી ગઈ હતી. ત્યાંના સ્થાનિક પોલીસ તંત્રની મદદથી શંકાસ્પદ વિસ્તારોમાં વ્યાપક તપાસ હાથ ધરવામાં આવી હતી. આ દરમિયાન પોલીસને ચોક્કસ કડીઓ હાથ લાગી હતી કે લૂંટારુઓ લૂંટ ચલાવીને સીધા મધ્યપ્રદેશ તરફ ભાગી ગયા છે. આ નક્કર બાતમીના આધારે પોલીસે ત્રણ શખ્સોને દબોચી લીધા હતા અને લૂંટનો માલ કબજે કર્યો હતો.
મોડી રાત્રે દરવાજો તોડી પાંચ બુકાનીધારીઓ ઘરમાં ઘૂસ્યા લૂંટની આ રૂવાડા ઉભા કરી દે તેવી ઘટના વિગતવાર જોઈએ તો, શાપર સ્ટેટના મોભી તરીકે નામના ધરાવતા 77 વર્ષના વૃદ્ધ જીતેન્દ્રસિંહ અજીતસિંહ જાડેજા જૂન મહિનાની 19 તારીખે શાપર ખાતે આવેલા પોતાના નિવાસસ્થાને રાત્રે એકલા સૂતા હતા. મોડી રાત્રે આશરે દોઢ વાગ્યે અચાનક તેમના મકાનનો મુખ્ય દરવાજો તોડીને પાંચ બુકાનીધારી લૂંટારુઓ ઘરમાં ઘૂસી આવ્યા હતા. ઘરમાં સામાનની તોડફોડ અને ખાંખાખોળાનો અવાજ થતાં જ જીતેન્દ્રસિંહ અચાનક જાગી ગયા હતા. તેઓ કંઈ સમજે અથવા પ્રતિકાર કરે તે પહેલાં જ એક બળવાન લૂંટારો લોખંડની પાઇપ સાથે તેમની છાતી પર ચડી ગયો હતો. લૂંટારાએ જીતેન્દ્રસિંહને જોરદાર મુક્કો મારીને પાડી દીધા હતા અને બૂમાબૂમ ન કરે તે માટે મોઢે ડૂચો દઈ દીધો હતો. આ દરમિયાન બાકીના ચાર લૂંટારુઓએ ઘરના કબાટ અને તિજોરીઓના તાળાં તોડીને લૂંટ ચલાવી હતી.
કબાટમાંથી 2.47 કરોડ રોકડા અને પરવાનાવાળી રાઇફલ લઈને લૂંટારુઓ રફુચક્કર થયા તિજોરીઓ તોડ્યા બાદ બુકાનીધારી લૂંટારુઓ કબાટમાં રાખવામાં આવેલી જમીન વેચાણની રોકડી રકમ રૂપિયા 2 કરોડ 47 લાખ, રૂપિયા 2 લાખની કિંમતના સોનાના દાગીના તેમજ જીતેન્દ્રસિંહનો મોબાઈલ ફોન અને તેમની સુરક્ષા માટે રાખેલી 12 બોરની પરવાનાવાળી લાયસન્સવાળી રાઇફલ પણ લૂંટી ગયા હતા. લૂંટ ચલાવ્યા બાદ લૂંટારુઓએ વૃદ્ધને હાનિ ન પહોંચે તે માટે તેમને બાજુના એક રૂમમાં પૂરી દીધા હતા અને બહારથી લોક કરીને ભાગી ગયા હતા. લૂંટારુઓ ગયા બાદ જીતેન્દ્રસિંહ કોઈ પણ રીતે રૂમનો દરવાજો ખોલીને બહાર આવ્યા હતા. ઘરમાં તપાસ કરતા બધો સામાન વેરવિખેર હતો. ઘરમાં પોતાની પત્નીનો બીજો મોબાઈલ ફોન પડેલો હોવાથી તેમણે તુરંત જ રાજકોટના ભક્તિનગર સ્ટેશન પ્લોટ વિસ્તારમાં રહેતા પોતાના પુત્ર જયવિરસિંહ ઉર્ફે ટીનુભા જાડેજાને ફોન કરીને આ ભયાનક આપવીતી જણાવી હતી.
રિયલ એસ્ટેટ ધંધાની જમીન વેચાણની કરોડોની રકમ ઘરમાં હોવાની જાણેભેદુએ રેકી કરી હતી ભોગ બનનાર જીતેન્દ્રસિંહના પુત્ર જયવિરસિંહ જાડેજા શાપરમાં મારુતિ પેટ્રોલ પંપ ધરાવે છે અને રિયલ એસ્ટેટ ક્ષેત્રે પણ મોટું નામ ધરાવે છે. હાલમાં જ તેમની શાપર સ્થિત બિનખેતીની જમીનનું વેચાણ ચાલુ હોવાથી તેના પેમેન્ટ પેટે આવેલી કરોડોની રોકડ રકમ શાપરના આ ઘરમાં જ રાખવામાં આવતી હતી. આ જમીન વેચાણના કામ સબબ જીતેન્દ્રસિંહ શાપરના ઘરે એકલા રહેતા હતા, જ્યારે તેમના પત્નીના પગનું ઓપરેશન હોવાથી તેઓ કેટલાક દિવસોથી રાજકોટ પુત્રના ઘરે રહેતા હતા. પોલીસની પ્રાથમિક તપાસમાં બહાર આવ્યું છે કે, આરોપીઓના સગા અગાઉ શાપર વિસ્તારમાં જ રહેતા હોવાથી તેમને ઘરની ભૌગોલિક સ્થિતિ, વૃદ્ધ ઘરમાં એકલા હોવાની અને ઘરમાં જમીન વેચાણની કરોડોની રોકડ રકમ પડી હોવાની ચોક્કસ માહિતી હતી. આ જાણેભેદુઓએ દિવસો સુધી ઘરની રેકી કર્યા બાદ જ આ આખી લૂંટના કાવતરાને અંજામ આપ્યો હતો. હાલમાં પોલીસ બાકીના ફરાર આરોપીઓ અને બાકીના મુદ્દામાલને શોધવા વધુ તપાસ ચલાવી રહી છે.

મધ્યપ્રદેશની ગેંગના ત્રણ સાગરીતો ઝડપાયા, રૂપિયા 41 લાખની કિંમતનો મુદ્દામાલ રિકવર

શાપર-વેરાવળમાં 2.49 કરોડની લૂંટનો ભેદ ઉકેલાયો

કાજુ કતરી, પાણી બાદ ડ્રોન-વીડિયોગ્રાફીના રૂપિયા 22 લાખના બિલની ચર્ચા, RMC શંકાના ઘેરામાં

જંગલેશ્વર ડિમોલિશનઃ હવે વીડિયોગ્રાફી બિલનો વિવાદ

હેપ્પી બર્થડે કહેવા પર માસૂમ વિદ્યાર્થીને ઢોરમાર, વિદ્યાર્થીઓને સજા આપનાર શિક્ષક સસ્પેન્ડ

વડોદરાની બે નામાંકિત શાળાઓમાં બાળકો સાથે શું થયું?

India Medicine Price Reduction: દેશમાં ડાયાબિટીસ, હાઈ બ્લડ પ્રેશર (BP) અને હૃદયરોગ જેવી ગંભીર બીમારીઓથી પીડાતા લાખો દર્દીઓ માટે મોટી રાહતના સમાચાર આવ્યા છે.કેન્દ્ર સરકારે આવશ્યક દવાઓની કિંમત પર નિયંત્રણ વધુ મજબૂત બનાવવાના હેતુથી 39 મહત્વપૂર્ણ દવાઓના ભાવ નક્કી કર્યા છે.હવે મેડિકલ સ્ટોર અથવા દવા વેચાણકારો આ દવાઓ મનફાવે તેવા ભાવે વેચી શકશે નહીં.સરકારના આ નિર્ણયથી દર્દીઓના સારવાર ખર્ચમાં ઘટાડો થવાની સાથે દવાઓ વધુ સસ્તા ભાવે ઉપલબ્ધ બનશે.સરકારનો આ નિર્ણય એવા સમયે આવ્યો છે જ્યારે જીવનશૈલી સંબંધિત બીમારીઓ સતત વધી રહી છે અને લાખો લોકો રોજિંદી દવાઓ પર નિર્ભર છે. ખાસ કરીને ડાયાબિટીસ, બ્લડ પ્રેશર અને હાર્ટના દર્દીઓને દર મહિને દવાઓ પાછળ મોટો ખર્ચ કરવો પડે છે. હવે આ નિર્ણય તેમના માટે મોટી રાહતરૂપ સાબિત થઈ શકે છે.
કઈ-કઈ બીમારીઓની દવાઓ સસ્તી થશે? આ નવું જાહેરનામું &nbsp;8 જુલાઈના રોજ ઈશ્યૂ કરવામાં આવ્યું છે. આ યાદીમાં રોજિંદા જીવનમાં તેમજ ગંભીર સ્થિતિમાં ઉપયોગમાં લેવાતી દવાઓ સામેલ છે.જેમાં ડાયાબિટીસ, હાઈ બ્લડ પ્રેશર ,હૃદય રોગ ,ઇન્ફેક્શન ,આંખની બીમારી ,શ્વાસની તકલીફ અને કેન્સર જેવી જીવલેણ બીમારીઓની દવાઓનો સમાવેશ થાય છે.આ લિસ્ટમાં ટેનેક્ટેપ્લેસ ઇન્જેક્શન ,વિટામિન ડી3 ઓરલ સોલ્યુશન,ઇમેટિનિબ ઓરલ સોલ્યુશન તેમજ એમ્પેગ્લિફ્લોઝિન, ટેલ્મીસાર્ટન, એસ્પિરિન, એટોરવાસ્ટેટિન અને ક્લોપીડોગ્રેલના કોમ્બિનેશન ધરાવતી દવાઓના ભાવ નક્કી કરાયા છે.
દર્દીઓને મળશે સીધો લાભ દેશમાં કરોડો લોકો ડાયાબિટીસ, હાઈ BP અને હૃદયરોગની સારવાર લઈ રહ્યા છે. મોટાભાગના દર્દીઓને દરરોજ દવાઓ લેવી ફરજિયાત હોય છે. દવાઓના વધતા ભાવને કારણે ઘણા પરિવારો પર આર્થિક ભાર વધતો હતો.સરકાર દ્વારા ભાવ નક્કી કરવામાં આવતા હવે દર્દીઓને નિયત કિંમતે દવા મળશે. મેડિકલ સ્ટોર પણ નક્કી કરેલી કિંમત કરતાં વધુ રકમ વસૂલી શકશે નહીં.આ નિર્ણયનો સૌથી મોટો લાભ મધ્યમવર્ગ અને આર્થિક રીતે નબળા વર્ગને મળશે, જેમને લાંબા સમય સુધી સતત દવા લેવાની જરૂર રહે છે.
કઈ પ્રકારની દવાઓનો સમાવેશ? સરકારે જે 39 દવાઓના ભાવ નક્કી કર્યા છે તેમાં મુખ્યત્વે આ કેટેગરીની દવાઓનો સમાવેશ થાય છે,ડાયાબિટીસ નિયંત્રણ માટેની દવાઓ,હાઈ બ્લડ પ્રેશરની દવાઓ,હાર્ટ સંબંધિત દવાઓ ,કોલેસ્ટ્રોલ ઘટાડતી દવાઓ,કેટલીક અન્ય આવશ્યક જીવનરક્ષક દવાઓ આ દવાઓ લાખો દર્દીઓ રોજિંદા ઉપયોગમાં લે છે.
નિયમોનું ઉલ્લંઘન કરનારી કંપનીઓ સામે કડક કાર્યવાહી એનપીપીએ ના આદેશ અનુસાર, હવે કોઈ પણ ફાર્માસ્યુટિકલ કંપની આ દવાઓને સરકારે નક્કી કરેલી કિંમત કરતા વધુ ભાવે વેચી શકશે નહીં. તમામ ઉત્પાદકોએ પોતાના ડીલરો અને રાજ્યના ડ્રગ રેગ્યુલેટર ને નવી કિંમતોની તાત્કાલિક જાણકારી આપીને અપડેટેડ પ્રાઇસ લિસ્ટ &nbsp;મોકલવી પડશે, જેથી દર્દીઓ સુધી સાચા ભાવે દવા પહોંચી શકે.
આ ઉપરાંત, કંપનીઓ દવાઓ પર મનસ્વી રીતે જીએસટી ઉમેરી શકશે નહીં; તેઓ ટેક્સ માત્ર ત્યારે જ ઉમેરી શકશે જ્યારે તે ખરેખર સરકારમાં ચૂકવવામાં આવ્યો હોય. જો કોઈ કંપની નિયમોનું ઉલ્લંઘન કરીને વધુ કિંમત વસૂલશે, તો તેની પાસેથી વધારાની રકમ વ્યાજ સાથે વસૂલવામાં આવશે.આ કડક કાર્યવાહી એસેન્શિયલ કોમોડિટીઝ એક્ટ હેઠળ કરવામાં આવશે,જેથી દર્દીઓનું શોષણ અટકાવી શકાય.
કેટલી દવાઓના કેટલા ભાવ નક્કી કરાયા? NPPAએ દવાઓની પ્રતિ ગોળી, પ્રતિ કેપ્સ્યુલ, પ્રતિ મિલીલીટર અથવા પ્રતિ વાયલના આધારે નવી રિટેલ કિંમત જાહેર કરી છે.
&nbsp;
<blockquote class="twitter-tweet">
National Pharmaceutical Pricing Authority (NPPA) has capped the retail price of 39 medicines including that for hypertension, diabetes heart disease etc <a href="https://t.co/7vpm5U9cCC">pic.twitter.com/7vpm5U9cCC</a>
&mdash; ANI (@ANI) <a href="https://x.com/ANI/status/2075791732579651719?ref_src=twsrc%5Etfw">July 11, 2026</a></blockquote>

<script src="https://platform.x.com/widgets.js" async="" charset="utf-8"></script>

&nbsp;
ફાર્મા કંપનીઓ માટે શું છે નવા નિયમો? NPPAના આદેશ મુજબ જે કંપનીઓ માટે આ ભાવ નક્કી કરવામાં આવ્યા છે તેઓ આથી વધુ કિંમતે દવા વેચી શકશે નહીં.જો આગામી 12 મહિનામાં કોઈ બીજી કંપની આ જ દવા બજારમાં લોન્ચ કરશે તો તેને પણ આ જ નિર્ધારિત કિંમત અથવા તેનાથી ઓછી કિંમતે વેચવી પડશે.કંપનીઓએ નિર્ધારિત સમયમર્યાદામાં NPPAના પોર્ટલ પર દવાઓની કિંમત અને અન્ય જરૂરી માહિતી જમા કરાવવી ફરજિયાત રહેશે.
મેડિકલ સ્ટોર પર રહેશે નજર સરકારે સ્પષ્ટ કર્યું છે કે જે દવાઓના ભાવ નક્કી કરવામાં આવ્યા છે, તે દવાઓ વધુ કિંમતે વેચવામાં આવશે તો સંબંધિત દવા વેચાણકાર સામે કાર્યવાહી થઈ શકે છે.નિયામક સંસ્થાઓ દ્વારા સમયાંતરે બજારમાં વેચાતી દવાઓના ભાવ પર નજર રાખવામાં આવશે.જો કોઈ મેડિકલ સ્ટોર ગ્રાહકો પાસેથી નક્કી કરેલી કિંમત કરતાં વધુ રકમ વસૂલશે તો ફરિયાદના આધારે કાર્યવાહી થઈ શકે છે.
NPPAની કામગીરી નેશનલ ફાર્માસ્યુટિકલ પ્રાઇસિંગ ઓથોરિટી (NPPA) એ ભારત સરકારની એક સ્વતંત્ર નિયમનકારી સંસ્થા છે, જેની સ્થાપના 1997માં થઈ હતી. તેનું મુખ્ય કામ જીવનરક્ષક અને આવશ્યક દવાઓની કિંમત નક્કી કરવાનું અને દવા કંપનીઓ મનસ્વી ભાવ ન વસૂલે તે સુનિશ્ચિત કરવાનું છે.
દેશમાં સ્વાસ્થ્ય ખર્ચ અને રાહત ભારતમાં ડાયાબિટીસ, હાઈ બ્લડ પ્રેશર અને હૃદય રોગના દર્દીઓની સંખ્યા સતત વધી રહી છે. હેલ્થ ઈકોનોમિસ્ટ્સના મતે, વૃદ્ધો અને લાંબા સમયથી બીમાર દર્દીઓ ધરાવતા પરિવારોનું 20% થી 30% માસિક બજેટ માત્ર દવાઓ પાછળ જ ખર્ચાઈ જાય છે. વિશ્વ આરોગ્ય સંસ્થા (WHO) પણ માને છે કે ભારતમાં સ્વાસ્થ્ય પર થતો આઉટ-ઓફ-પોકેટ ખર્ચ એટલે કે દર્દીઓના ખિસ્સામાંથી થતો ખર્ચ વૈશ્વિક સરેરાશ કરતા ઘણો વધારે છે. આવી સ્થિતિમાં જરૂરી દવાઓની કિંમતો પર અંકુશ રાખવાનો આ નિર્ણય લાખો દર્દીઓ માટે મોટી રાહત સાબિત થઈ શકે છે.
&nbsp;

ડાયાબિટીસ,BP અને હાર્ટના દર્દીઓને મળશે સસ્તી દવાઓ,સરકારે 39 દવાઓના ભાવ નક્કી કર્યા

હવે મેડિકલ સ્ટોર નહીં કરી શકે મનમાની!

ઓડિશાના જગન્નાથપુરીમાં યોજાતી ભગવાન જગન્નાથજીની રથયાત્રાની ફાઈલ તસવીર

ઇસ્કોન સામે કલિંગ સેનાનો પરંપરા ભંગનો આરોપ, જગન્નાથપુરીની રથયાત્રાથી દૂર રહેવા આપી ચીમકી

રથયાત્રા મામલે કલિંગ સેનાની ઈસ્કોનને આકરી ચેતવણી!

Swiggy Instamart Gets 9 FSSAI Notices : દેશભરમાં ઓનલાઈન ગ્રોસરી અને ક્વિક કોમર્સ સેવાઓનો ઉપયોગ ઝડપથી વધી રહ્યો છે.લોકો હવે દૈનિક જરૂરિયાતની વસ્તુઓ મિનિટોમાં ઘરે મંગાવી રહ્યા છે.પરંતુ આ સુવિધા વચ્ચે ખાદ્યપદાર્થોની ગુણવત્તાને લઈને ગંભીર પ્રશ્નો પણ ઉભા થઈ રહ્યા છે.તાજેતરમાં સ્વિગી ઇન્સ્ટામાર્ટ દ્વારા સપ્લાય કરાયેલા સડેલા ઇંડા અને બગડેલા દૂધ અંગે ગ્રાહકની ફરિયાદ સામે આવ્યા બાદ મામલો ચર્ચામાં આવ્યો છે.ફરિયાદ બાદ ગ્રાહકને રિફંડ આપવામાં આવ્યું, જ્યારે ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI) દ્વારા કંપનીને 9 નોટિસ ફટકારવામાં આવી હોવાનું જાણવા મળ્યું છે.આ ઘટનાએ ઓનલાઈન ફૂડ અને ગ્રોસરી ડિલિવરી પ્લેટફોર્મ પર ગુણવત્તા નિયંત્રણ અને ગ્રાહકોની સુરક્ષા અંગે ફરી ચર્ચા જગાવી છે.
શું છે સમગ્ર મામલો? માહિતી મુજબ એક ગ્રાહકે સ્વિગી ઇન્સ્ટામાર્ટ પરથી દૂધ અને ઇંડાની ખરીદી કરી હતી.ઓર્ડર મળ્યા બાદ ગ્રાહકે જોયું કે ઇંડા સડેલા હતા અને દૂધ પણ બગડેલું હતું.ત્યારબાદ ગ્રાહકે કંપનીમાં ફરિયાદ નોંધાવી હતી.ગ્રાહકે સોશિયલ મીડિયા પર પણ સમગ્ર ઘટના શેર કરી હતી, જેના કારણે આ મામલો ઝડપથી વાયરલ થયો હતો. અનેક અન્ય ગ્રાહકોએ પણ પોતાના અનુભવ શેર કર્યા અને ખાદ્ય વસ્તુઓની ગુણવત્તા અંગે સવાલો ઉઠાવ્યા.ફરિયાદ બાદ સ્વિગી ઇન્સ્ટામાર્ટે ગ્રાહકનો સંપર્ક કરીને સમગ્ર મામલાની માહિતી મેળવી હતી. ત્યારબાદ ગ્રાહકને ઓર્ડરની સંપૂર્ણ રકમ પરત આપવામાં આવી હતી.કંપનીએ ગ્રાહકની ફરિયાદને ગંભીરતાથી લઈ આંતરિક તપાસ શરૂ કરી હોવાનું પણ જાણવા મળ્યું છે.
FSSAI એ કઈ ફરિયાદો બાદ 9 નોટિસ ફટકારી? FSSAI નોટિસ મુજબ, Swiggy Instamart પર ગંભીર આરોપો છે. ફરિયાદોમાં ગ્રાહકોને સડેલા ઈંડા, બગડેલું દૂધ અને સમયસીમા સમાપ્ત થઈ ગયેલા પ્રોટીન પાવડર નાસ્તા પીરસવામાં આવ્યા હોવાનો આરોપ છે. આ ફરિયાદોમાં સમાપ્ત થઈ ગયેલા માલનું વેચાણ, અયોગ્ય સંગ્રહ અને હેન્ડલિંગ, લાઇસન્સિંગ સમસ્યાઓ અને ગ્રાહકોની ફરિયાદોને યોગ્ય રીતે ઉકેલવામાં અસમર્થતા જેવા મુદ્દાઓનો સમાવેશ થાય છે.
&nbsp;
<blockquote class="twitter-tweet">
FSSAI has issued 9 notices to Swiggy Instamart following multiple consumer complaints alleging violations under the FSS Act 2006. The FBO has been directed to submit a detailed explanation &amp; compliance report failing which appropriate legal action will be initiated <a href="https://x.com/hashtag/FSSAINotice?src=hash&amp;ref_src=twsrc%5Etfw">#FSSAINotice</a> <a href="https://t.co/wxejz38L7T">pic.twitter.com/wxejz38L7T</a>
&mdash; FSSAI (@fssaiindia) <a href="https://x.com/fssaiindia/status/2075823306322964592?ref_src=twsrc%5Etfw">July 11, 2026</a></blockquote>

<script src="https://platform.x.com/widgets.js" async="" charset="utf-8"></script>

&nbsp;
FSSAI એ &lsquo;X&rsquo; પર આપી માહિતી સોશિયલ મીડિયા પ્લેટફોર્મ X પર એક પોસ્ટમાં ફૂડ સેફ્ટી સ્ટાન્ડર્ડ્સ ઓથોરિટી ઓફ ઇન્ડિયા (FSSAI) એ આ અંગે માહિતી આપી હતી. રેગ્યુલેટરે જણાવ્યું કે તેણે FSSAI એક્ટ 2006 હેઠળ નિયમોના ઉલ્લંઘનને ધ્યાનમાં રાખીને ઇન્સ્ટામાર્ટને 9 નોટિસ જારી કરી છે.ગ્રાહકોની ફરિયાદોમાં આરોપ લગાવવામાં આવ્યો છે કે, સ્વિગી ઇન્સ્ટામાર્ટ દ્વારા એક્સપાયર થયેલા, બગડેલા, સડેલા, દૂષિત અને અસુરક્ષિત ફૂડ પ્રોડક્ટ્સની સપ્લાય કરવામાં આવી હતી. રેગ્યુલેટરે પ્લેટફોર્મને વિગતવાર સ્પષ્ટીકરણ આપવા અને કમ્પ્લાયન્સ રિપોર્ટ &nbsp;સબમિટ કરવાનો નિર્દેશ આપ્યો છે. જો તેમ કરવામાં નહીં આવે તો ઇન્સ્ટામાર્ટ સામે યોગ્ય કાનૂની કાર્યવાહી શરૂ કરવામાં આવશે.ફરિયાદોમાં સ્વિગી ઇન્સ્ટામાર્ટ દ્વારા દૂષિત ઇંડા અને દૂધ, બગડેલી પેકેજ્ડ ફૂડ આઇટમ્સની ડિલિવરી કરવાના આરોપો પણ લગાવવામાં આવ્યા છે. FSSAI એ ખોટા, અમાન્ય અથવા એવા લાઈસન્સ નંબર પણ જોયા છે, જે અસ્તિત્વમાં જ નથી. ફૂડ બિઝનેસ કરતી કંપનીઓને કથિત રીતે તેમના FSSAI રજિસ્ટ્રેશનમાં નોંધાયેલા નામો કરતાં અલગ નામોથી લિસ્ટ કરવામાં આવી રહી હતી.
લાઇસન્સ અને નબળી સેવા પર FSSAI ની કાર્યવાહી મામલો સામે આવ્યા બાદ ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI) પણ સક્રિય બની હતી.તપાસ દરમિયાન વિવિધ નિયમોના પાલન અંગે પ્રશ્નો ઉભા થતા FSSAI દ્વારા કુલ 9 નોટિસ ફટકારવામાં આવી હોવાનું જાણવા મળ્યું છે.નોટિસમાં ખાદ્ય પદાર્થોના સંગ્રહ, ગુણવત્તા નિયંત્રણ, સપ્લાય ચેન અને ગ્રાહક સુરક્ષા સંબંધિત મુદ્દાઓ અંગે સ્પષ્ટતા માંગવામાં આવી હોવાનું માનવામાં આવે છે.
નોટિસ માત્ર હલકી ગુણવત્તાવાળા ખોરાકને જ સંબોધિત કરતી નથી, પરંતુ કંપનીની સંચાલન પદ્ધતિઓ પર પણ પ્રશ્નો ઉભા કરે છે. કેટલાક કિસ્સાઓમાં, FSSAI એ જણાવ્યું હતું કે FSSAI લાઇસન્સ નંબરોનો ઉપયોગ ખોટા,અમાન્ય અથવા અસ્તિત્વમાં ન હતા.ઘણા ઉત્પાદનોમાં ખોટા લાઇસન્સ નંબર હતા અથવા અમાન્ય હતા.એવો પણ આરોપ છે કે કેટલાક ખાદ્ય વ્યવસાયો અલગ નામથી કાર્યરત હતા, ભલે તેઓ અલગ નામથી નોંધાયેલા હતા.
અમાન્ય લાઇસન્સ વિના વેચાયેલ માલ તપાસ દરમિયાન, FSSAI ને પ્લેટફોર્મ પર વિક્રેતા ઓનબોર્ડિંગ અને ચકાસણી સિસ્ટમમાં નોંધપાત્ર ખામીઓ જોવા મળી. સ્વિગી ઇન્સ્ટામાર્ટ પર સૂચિબદ્ધ કેટલાક ખાદ્ય વ્યવસાયોમાં ખોટા, અમાન્ય અથવા અસ્તિત્વમાં ન હોય તેવા FSSAI લાઇસન્સ નંબરો હતા. વધુમાં, ઘણા ખાદ્ય વ્યવસાય ભાગીદારોને એવા નામો હેઠળ સૂચિબદ્ધ કરવામાં આવ્યા હતા જે તેમના સત્તાવાર FSSAI નોંધણી નામોથી સંપૂર્ણપણે અલગ હતા.આનાથી ખાદ્ય ઉત્પાદનોની ટ્રેસેબિલિટી, એટલે કે, ઉત્પાદનનો સ્ત્રોત અને તેની ગુણવત્તા દેખરેખ અંગે ગંભીર પ્રશ્નો ઉભા થયા છે.
પ્લેટફોર્મ ફરિયાદને ગંભીરતાથી લઈ રહ્યું ન હતું FSSAIના જણાવ્યા મુજબ,ગ્રાહકોએ એવો પણ આરોપ લગાવ્યો હતો કે ફરિયાદો નોંધાવવા અથવા મામલો વધુ વકરવા છતાં, Swiggy Instamart એ સંતોષકારક પ્રતિભાવ આપ્યો નથી અથવા કોઈ સુધારાત્મક પગલાં લીધા નથી.એક ફરિયાદીએ જણાવ્યું હતું કે આવી ગંભીર ખાદ્ય સુરક્ષા ચિંતાને સંબોધવાને બદલે, પ્લેટફોર્મે ફક્ત રિફંડ જારી કર્યું અને મામલો ફગાવી દીધો. FSSAI એ સ્પષ્ટ કર્યું કે આ નોટિસ વિક્રેતા ઓનબોર્ડિંગ, ફરિયાદ નિવારણ પ્રણાલી અને ખાદ્ય સુરક્ષા પાલન પ્રણાલીમાં ખામીઓને પ્રકાશિત કરે છે.
NOICE Eggs માં શું મામલો હતો ? FSSAI એ તેની નોટિસમાં જણાવ્યું હતું કે NOICE Eggs એવા બ્રાન્ડ નામ હેઠળ વેચાઈ રહ્યું હતું જે કંપનીના હાલના FSSAI લાઇસન્સ હેઠળ માન્ય ઉત્પાદન શ્રેણીનો ભાગ નહોતું. FSSAI એ નિર્દેશ આપ્યો છે કે જ્યાં સુધી તે માન્ય લાઇસન્સના દાયરામાં ન આવે ત્યાં સુધી ઉત્પાદન વેચવામાં ન આવે. જો જરૂરી હોય તો તેણે લાઇસન્સમાં સુધારા કરવા પણ કહ્યું છે.ગ્રાહકોએ પણ ઓનલાઈન મંગાવેલી ખાદ્ય વસ્તુઓની ગુણવત્તા ચકાસવાની આદત વિકસાવવી જોઈએ, જ્યારે કંપનીઓએ માત્ર ઝડપી ડિલિવરી નહીં પરંતુ સુરક્ષિત અને ગુણવત્તાયુક્ત ખાદ્ય પદાર્થો પહોંચાડવાની જવાબદારીને પણ સર્વોચ્ચ પ્રાથમિકતા આપવી જરૂરી છે.
FSSAI એ Swiggy Instamart પાસેથી શું માંગ કરી? ફૂડ રેગ્યુલેટરે કંપનીને તમામ આરોપોનો વિગતવાર, દસ્તાવેજીકૃત જવાબ આપવાનો નિર્દેશ આપ્યો. તેણે ગુણવત્તા નિયંત્રણ, ખાદ્ય સુરક્ષા દેખરેખ, ઇન્વેન્ટરી મેનેજમેન્ટ, સ્ટોક રોટેશન, સ્ટોરેજ, હેન્ડલિંગ અને વધારાના નિયંત્રણો અંગે સંપૂર્ણ માહિતી પણ માંગી. FSSAI એ કંપનીને દરેક ઘટનાનું મૂળ કારણ વિશ્લેષણ, લેવામાં આવેલા સામૂહિક અને નિવારક પગલાંની વિગતો, ગ્રાહક ફરિયાદનું નિરાકરણ અને ભવિષ્યમાં આવી ઘટનાઓને રોકવા માટે લેવામાં આવેલા પગલાં સબમિટ કરવા પણ કહ્યું. નિર્ધારિત સમયમર્યાદામાં પાલન અહેવાલ સબમિટ કરવામાં નિષ્ફળતાના પરિણામે ફૂડ સેફ્ટી એન્ડ સ્ટાન્ડર્ડ્સ એક્ટ 2006 હેઠળ વધુ કાર્યવાહી થઈ શકે છે.

સ્વિગીને FSSAIએ ફટકારી 9 નોટિસ, ગ્રાહકોને સડેલા ઇંડા,બગડેલું દૂધ અને એક્સપાયર્ડ ફૂડ આપ્યું

સ્વિગી ફૂડના શોખીનો ચેતી જાજો!

Pandya Store Actor Rohit Chandel Arrested: ભારતીય ટેલિવિઝન જગતમાંથી એક અત્યંત ચોંકાવનારા અને આઘાતજનક સમાચાર સામે આવ્યા છે. "પંડ્યા સ્ટોર" અને "કાશીબાઈ બાજીરાવ બલ્લાલ" જેવા સુપરહિટ ટીવી શોમાં પોતાના દમદાર અભિનયથી ઘર-ઘરમાં જાણીતા બનેલા પ્રખ્યાત ટીવી અભિનેતા રોહિત ચંદેલની મુંબઈ પોલીસે ધરપકડ કરી લીધી છે. 29 વર્ષીય અભિનેતા રોહિત ચંદેલ પર એક 16 વર્ષની સગીર છોકરીની છેડતી કરવાનો, તેનો પીછો કરવાનો, વારંવાર ફોન કોલ કરીને માનસિક રીતે હેરાન કરવાનો અને તેના પર શારીરિક હુમલો કરવાનો ગંભીર આરોપ મૂકવામાં આવ્યો છે. આ હરકતોના કારણે મુંબઈ પોલીસે અભિનેતા વિરુદ્ધ કડક કલમો સહિત બાળકોના જાતીય અપરાધો સામે રક્ષણ આપતા વિશેષ કાયદા એટલે કે પોક્સો (POCSO) હેઠળ કેસ દાખલ કર્યો છે, જેને પગલે સમગ્ર કલાકાર આલમ અને તેના ચાહકોમાં મોટો આંચકો લાગ્યો છે.
અલગ-અલગ નંબરોથી હેરાનગતિ અને ઘર પાસે હુમલાનો ગંભીર આરોપ મુંબઈ પોલીસના સત્તાવાર સૂત્રો અને FIR માંથી મળતી વિગતો અનુસાર, મુંબઈના પૂર્વીય ઉપનગરોમાં રહેતી એક 16 વર્ષની સગીર છોકરીએ પંત નગર પોલીસ સ્ટેશનમાં અભિનેતા રોહિત ચંદેલ વિરુદ્ધ આ ગંભીર ફરિયાદ નોંધાવી હતી. ફરિયાદમાં પીડિતાએ જણાવ્યું છે કે આરોપી અભિનેતા તેને તેના મોબાઈલ ફોન પર વારંવાર કોલ કરીને પરેશાન કરતો હતો. જ્યારે સગીરાએ તેનો ફોન ઉપાડવાનું બંધ કરી દીધું, ત્યારે રોહિતે હાર માનવાને બદલે અનેક અલગ-અલગ મોબાઈલ નંબરોનો ઉપયોગ કરીને તેને સતત ફોન કરીને હેરાન કરવાનું ચાલુ રાખ્યું હતું. પોલીસની પ્રાથમિક તપાસમાં સામે આવ્યું છે કે સગીર છોકરી અને આરોપી રોહિત એકબીજાને અગાઉથી ઓળખતા હતા. પરિસ્થિતિ ત્યારે વધુ વણસી જ્યારે 5 જુલાઈના રોજ રોહિત ચંદેલે સગીરાના ઘર અને તેની હાઉસિંગ સોસાયટી પાસે જઈને કથળેલી વર્તણૂક આચરી હતી. ફરિયાદ મુજબ, 5 જુલાઈના રોજ રોહિતે છોકરીને રસ્તામાં બળજબરીથી રોકવાનો પ્રયાસ કર્યો હતો અને તેનો પીછો કર્યો હતો. જ્યારે સગીરાએ આ પીછો અને અડપલાંનો જોરદાર વિરોધ કર્યો, ત્યારે અભિનેતાએ કાયદાનો ડર રાખ્યા વિના તેની સાથે જાહેર રસ્તા પર ઉગ્ર દલીલો શરૂ કરી દીધી હતી. રોહિતે સગીરાને અત્યંત અપશબ્દો કહીને ગાળો આપી હતી અને તેની સાથે દુર્વ્યવહાર કરીને કથિત રીતે તેના પર શારીરિક હુમલો પણ કર્યો હતો, જેમાં છોકરીને સામાન્ય ઇજાઓ પહોંચી હતી.
દહિસર સ્થિત ઘરેથી ધરપકડ આ ભયાનક ઘટના બાદ પીડિત છોકરીના પરિવારે હિંમત દાખવીને 10 જુલાઈના રોજ મુંબઈની પંત નગર પોલીસનો સંપર્ક સાધ્યો હતો અને સત્તાવાર ફરિયાદ નોંધાવી હતી. અહેવાલો મુજબ, સગીરાની ફરિયાદ મળતાની સાથે જ પોલીસે મામલાની ગંભીરતાને જોઈને ભારતીય દંડ સંહિતા (IPC) ની કલમ 78 (પીછો કરવો) અને 115(2) (સ્વેચ્છાએ ઇજા પહોંચાડવી અથવા નુકસાન પહોંચાડવાનો ઇરાદો) ઉપરાંત કડક પોક્સો (POCSO) એક્ટ હેઠળ ગુનો નોંધી લીધો હતો.
સ્પેશિયલ પોક્સો કોર્ટમાં રજૂઆત કેસ નોંધાયાના થોડા જ કલાકોમાં શુક્રવારે એટલે કે 10 જુલાઈના રોજ પંત નગર પોલીસની એક વિશેષ ટીમે મુંબઈના દહિસર વિસ્તારમાં આવેલા રોહિત ચંદેલના નિવાસસ્થાને દરોડો પાડીને તેની ધરપકડ કરી લીધી હતી. ધરપકડ કર્યા બાદ કાનૂની પ્રક્રિયાના ભાગરૂપે મુંબઈ પોલીસ દ્વારા આરોપી અભિનેતાને વિશેષ પોક્સો કોર્ટ સમક્ષ રજૂ કરવામાં આવ્યો હતો. કોર્ટે ગુનાની ગંભીરતા અને પુરાવાઓ એકત્રિત કરવાની જરૂરિયાતને ધ્યાનમાં રાખીને અભિનેતાને પોલીસ કસ્ટડીમાં મોકલી આપવાનો આદેશ કર્યો છે. હાલમાં મુંબઈ પોલીસ આ સમગ્ર ઘટનાક્રમનો સાચો ક્રમ ઉજાગર કરવા માટે આરોપીના મોબાઈલ ફોન, કોલ ડિટેઇલ રેકોર્ડ્સ (CDR) અને અન્ય તમામ મહત્વપૂર્ણ ડિજિટલ પુરાવાઓની ઊંડાણપૂર્વક અને વૈજ્ઞાનિક તપાસ ચલાવી રહી છે. જોકે, રોહિત ચંદેલ કે તેની મેનેજમેન્ટ ટીમ તરફથી આ આખા વિવાદ અને ધરપકડ અંગે હજુ સુધી કોઈ જાહેર નિવેદન કે સત્તાવાર ટિપ્પણી બહાર પાડવામાં આવી નથી.
ક્રિકેટના મેદાનથી ટીવી સ્ક્રિન સુધીની સફર કાનૂની મુશ્કેલીઓમાં ઘેરાયેલો 29 વર્ષીય રોહિત ચંદેલ ભારતીય ટેલિવિઝનનો એક ખૂબ જ જાણીતો ચહેરો છે. મૂળ મહારાષ્ટ્રના નંદુરબાર જિલ્લાના શહાદા ગામનો વતની રોહિત અભિનયની દુનિયામાં પ્રવેશતા પહેલા એક વ્યાવસાયિક ક્રિકેટર હતો. તે મહારાષ્ટ્ર ક્રિકેટ એસોસિએશન (MCA) તરફથી સ્થાનિક ક્રિકેટ રમતો હતો અને આ સિવાય માર્શલ આર્ટ્સમાં પણ પોતાના જિલ્લાનું રાજ્ય સ્તરે પ્રતિનિધિત્વ કરી ચૂક્યો છે. વર્ષ 2015 માં તે ક્રિકેટ છોડીને ગ્લેમર વર્લ્ડમાં પોતાનું નસીબ અજમાવવા અને અભિનયની કારકિર્દી બનાવવા માટે મુંબઈ આવ્યો હતો. શરૂઆતના દિવસોમાં તેને માયાનગરીમાં અસંખ્ય આર્થિક અને માનસિક સંઘર્ષોનો સામનો કરવો પડ્યો હતો અને લગભગ 90 જેટલા ઓડિશનમાં સતત નકારાયા બાદ આખરે તેને એક ટીવી જાહેરાતમાં કામ મળ્યું હતું.
રોહિતની અભિનય કારકિર્દી જાહેરાત બાદ તેને "હર મુશ્કિલ કા હલ અકબર બીરબલ" શોથી ટેલિવિઝનની દુનિયામાં સત્તાવાર ડેબ્યૂ કરવાની તક મળી હતી. ત્યારબાદ તે "ચંદ્રગુપ્ત મૌર્ય," "તમન્ના," અને "યે ઉન દિનોં કી બાત હૈ" જેવી ઘણી લોકપ્રિય ધારાવાહિકોમાં નાની-મોટી ભૂમિકાઓમાં દેખાયો હતો. વર્ષ 2022 માં તેણે ડિઝની+ હોટસ્ટારની જાણીતી વેબ શ્રેણી "એસ્કેપ લાઈવ" માં રાજકુમારનું પાત્ર ભજવ્યું હતું. જોકે, રોહિતને અસલી સફળતા ઝી ટીવીના ઐતિહાસિક શો "કાશીબાઈ બાજીરાવ બલ્લાલ" માં મુખ્ય પાત્ર બાજીરાવ ભજવીને અને સ્ટાર પ્લસના લોકપ્રિય શો "પંડ્યા સ્ટોર" માં ધવલ મકવાણાની મજબૂત ભૂમિકા ભજવીને મળી હતી, જેણે તેને ઘર-ઘરમાં લોકપ્રિય બનાવ્યો હતો. હાલના દિવસોમાં તે ટીવી શો "સૈરાબ" માં મહત્વની ભૂમિકામાં જોવા મળી રહ્યો છે, પરંતુ આ ગંભીર કાનૂની વિવાદના કારણે હવે તેની કારકિર્દી પર મોટું જોખમ ઊભું થયું છે.

16 વર્ષની સગીરાનો પીછો કરી રસ્તા પર હુમલો કરવાનો ગંભીર આરોપ

'પંડ્યા સ્ટોર' ફેમ અભિનેતા રોહિત ચંદેલની ધરપકડ

Greece Flight Window Mishap: ગ્રીસના આકાશમાં હવામાં જ એક મોટી વિમાની દુર્ઘટના સર્જાતા સર્જાતા રહી ગઈ છે. રાયનએર (Ryanair) એરલાઇન્સની એક ફ્લાઇટ જ્યારે 30 હજાર ફૂટની અધધ ઊંચાઈ પર ઉડી રહી હતી, ત્યારે અચાનક વિમાનની એક બારી તૂટી ગઈ હતી. બારી તૂટવાના કારણે કેબિનની અંદર હવાનું દબાણ અચાનક ખૂબ જ ઓછું થઈ ગયું હતું, જેને તબીબી અને તકનીકી ભાષામાં ડિકમ્પ્રેશન કહેવામાં આવે છે. આ હબકાવી દેનારી ઘટના ગ્રીસના થેસાલોનિકીથી જર્મનીના મેમિંગેન જઈ રહેલી ફ્લાઇટમાં મેસેડોનિયાના આકાશની ઉપર બની હતી. હવાનું દબાણ ઘટતાં જ બારીની નજીક બેઠેલા 61 વર્ષીય વૃદ્ધ મુસાફર તીવ્ર વેગ સાથે વિમાનની બહાર ખેંચાવા લાગ્યા હતા અને તેમનું માથું તથા ખભાનો ભાગ બારીની બહાર નીકળી ગયો હતો, જેનાથી પ્લેનમાં સવાર અન્ય મુસાફરોના જીવ તાળવે ચોંટી ગયા હતા.
સામાન્ય રીતે વિમાનમાં મુસાફરી દરમિયાન, મુસાફરોની સુરક્ષાને ધ્યાનમાં રાખીને બધી બારીઓ અને દરવાજા સંપૂર્ણપણે હવાચુસ્ત રીતે બંધ રાખવામાં આવે છે. જોકે, આ આંતરરાષ્ટ્રીય ફ્લાઇટમાં હવામાં જ બારી તૂટી જતાં એક અત્યંત ખતરનાક અકસ્માત સર્જાયો હતો. આકાશમાં આટલી ઊંચાઈ પર હવાનું દબાણ પૃથ્વીના વાતાવરણ કરતાં ઘણું ઓછું હોય છે, જેથી પ્લેનની અંદર કૃત્રિમ રીતે દબાણ જાળવવામાં આવે છે. પરંતુ બારી તૂટતાં જ અંદરની હવા પૂરપાટ વેગે બહાર નીકળવા લાગી હતી, જેના સકંજામાં આ વૃદ્ધ મુસાફર આવી ગયા હતા.
સીટ બેલ્ટ અને પત્નીની સતર્કતાએ વૃદ્ધને મોતના મુખમાંથી બહાર કાઢ્યા બારી તૂટતાં જ સર્જાયેલી અરાજકતા વચ્ચે એક ચમત્કારિક અને રોમાંચક બચાવ જોવા મળ્યો હતો. પ્રત્યક્ષદર્શીઓ અને એરલાઇન્સના અધિકારીઓએ જણાવ્યું હતું કે, ભયાનક પવનના કારણે વૃદ્ધ જ્યારે બારીની બહાર ફેંકાઈ રહ્યા હતા, ત્યારે તેમની બાજુમાં બેઠેલી તેમની પત્નીએ અત્યંત બહાદુરી પૂર્વક અને સમયસૂચકતા વાપરીને તેમના પગ જોરથી પકડી રાખ્યા હતા. સદનસીબે, પીડિત મુસાફરે પોતાનો સીટ બેલ્ટ બાંધેલો રાખ્યો હતો અને તેણે આ અકસ્માત દરમિયાન પણ બેલ્ટ ખોલ્યો ન હતો, જેના કારણે તેમનું આખું શરીર વિમાનની બહાર ગયું ન હતું અને તેઓ નીચે પડી જવાથી બચી ગયા હતા. પોતાની નજર સામે આ ભયાનક દ્રશ્ય જોઈને આસપાસ બેઠેલા સાથી પ્રવાસીઓ પણ તુરંત વહારે આવ્યા હતા અને તેમણે વૃદ્ધને જોરથી પકડીને પાછા પ્લેનની અંદર ખેંચી લીધા હતા. ઘાયલ મુસાફર સર્બિયાનો પ્રવાસી હોવાનું જાણવા મળ્યું છે. જોકે તે વિમાનમાંથી બહાર પડતાં બચી ગયો હતો, પરંતુ હવામાં તીવ્ર ઘર્ષણ થવાના કારણે તેને શરીર પર દાઝી જવા જેવી ગંભીર ઇજાઓ થઈ છે. ફ્લાઇટ લેન્ડ થયા બાદ તેને સારવાર માટે તાત્કાલિક સ્થાનિક હોસ્પિટલમાં દાખલ કરવામાં આવ્યો છે, જ્યાં હાલ ડોક્ટરોના જણાવ્યા મુજબ તેની હાલત સંપૂર્ણપણે સ્થિર છે.
ટાયર ફાટવા જેવો જોરદાર અવાજ અને કેબિનમાં ઓક્સિજન માસ્ક નીચે આવ્યા આ કાળઝાળ ઘટના શુક્રવારે વહેલી સવારે ઘટી હતી, જ્યારે વિમાને ગ્રીસના સમય મુજબ સવારે 5.55 વાગ્યે થેસાલોનિકીથી જર્મની જવા માટે સફળતાપૂર્વક ઉડાન ભરી હતી. ફ્લાઇટમાં સવાર એક મહિલા મુસાફરે રેડિયો થેસાલોનિકીને આપેલા ઇન્ટરવ્યુમાં તે ડરામણી ક્ષણો યાદ કરતાં જણાવ્યું હતું કે, ઘટના સમયે ફ્લાઇટમાં હાજર મોટાભાગના મુસાફરો ઊંઘમાં હતા અને તેમની આંખો બંધ હતી. ત્યારે જ અચાનક વિમાનનું ટાયર ફાટ્યું હોય તેવો એક જોરદાર વિસ્ફોટ જેવો અવાજ સંભળાયો હતો અને તેની સાથે જ ચારેય બાજુથી લોકોની ચીસાચીસ શરૂ થઈ ગઈ હતી.
'પ્લેનની અંદર ડિકમ્પ્રેશન થયું' મહિલાએ ઉમેર્યું કે, અમને તરત જ ખ્યાલ આવી ગયો કે પ્લેનની અંદર ડિકમ્પ્રેશન થયું છે. ચીસો સાંભળીને થોડીવાર માટે તો મને એવું લાગ્યું કે કોઈ મુસાફરે ભૂલથી વિમાનનો ઇમરજન્સી દરવાજો ખોલી નાખ્યો છે. આ અકસ્માત બાદ તરત જ પ્લેનમાં ઇમરજન્સી ઓક્સિજન માસ્ક આપોઆપ નીચે આવી ગયા હતા અને આખી કેબિનમાં એક અજાણી તીવ્ર ગંધ ફેલાઈ ગઈ હતી, જેનાથી લોકો વધુ ભયભીત થઈ ગયા હતા. તે જ સમયે અમે જોયું કે એક મુસાફરનું માથું અને ખભા બારીની બહાર હતા, જેને લોકોએ પકડી રાખ્યો હતો.
એન્જિનના કાટમાળથી બારી તૂટવાની આશંકા ગ્રીક મીડિયાના પ્રારંભિક અહેવાલો અનુસાર, વિમાન હવામાં હતું ત્યારે તેના એન્જિનમાંથી કોઈ કાટમાળનો ટુકડો છૂટો પડીને બારી સાથે અથડાયો હોઈ શકે છે, જેના કારણે બારીની શીટ તૂટીને અલગ થઈ ગઈ હતી. જોકે, રાયનએર એરલાઇન્સ કે નાગરિક ઉડ્ડયન વિભાગ દ્વારા આ કારણની હજુ સુધી કોઈ સત્તાવાર અને આખરી પુષ્ટિ કરવામાં આવી નથી. આયરિશ એરલાઇન્સ રાયનએરે એક સત્તાવાર નિવેદન જારી કરીને જણાવ્યું છે કે, ઉડાન ભર્યાના થોડા જ સમયમાં મુસાફર વાળી બારી તૂટી જવાના કારણે પાયલોટે નિયમો અનુસાર તુરંત જ વિમાનને પાછું થેસાલોનિકી તરફ વાળી દીધું હતું.
પ્લેનનું સુરક્ષિત ઇમરજન્સી લેન્ડિંગ ત્યારબાદ વિમાનનું એરપોર્ટ પર સામાન્ય અને સુરક્ષિત રીતે ઇમરજન્સી લેન્ડિંગ કરાવવામાં આવ્યું હતું અને તમામ મુસાફરોને ટર્મિનલ પર સુરક્ષિત રીતે પરત ખસેડાયા હતા. એરલાઇને વધુમાં સ્પષ્ટતા કરી હતી કે, બાકીના મુસાફરોને જર્મનીના મેમિંગેન ખાતે તેમના નિયત સ્થળે પહોંચાડવા માટે તાત્કાલિક અન્ય બીજા વૈકલ્પિક વિમાનની વ્યવસ્થા કરવામાં આવી હતી. હાલમાં આ ગંભીર તકનીકી ખામી અને ઘટના પાછળના વાસ્તવિક કારણો શોધવા માટે ઉચ્ચ સ્તરીય તપાસ ચાલુ રાખવામાં આવી છે.

30 હજાર ફૂટની ઊંચાઈએ પ્લેનની બારી તૂટી

મુસાફર હવામાં ફેંકાવા લાગ્યો, પત્નીએ આ રીતે બચાવ્યો જીવ

Ahmedabad Crime News: શહેરમાં માસૂમ બાળકીઓની સુરક્ષા સામે ગંભીર સવાલો ઉઠાવતી એક અત્યંત આઘાતજનક અને માનવતાને શર્મસાર કરનારી ઘટના મેઘાણીનગર વિસ્તારમાંથી સામે આવી છે. પાડોશમાં રહેતી માત્ર 5 વર્ષની એક નાની બાળકીને રમાડવાના બહાને પોતાના ઘરે બોલાવી તેની સાથે શારીરિક અડપલાં કરી છેડતી કરનાર અને દુષ્કર્મનો પ્રયાસ કરનાર 73 વર્ષના એક વૃદ્ધની પોલીસે ધરપકડ કરી લીધી છે. વયસ્ક હોવાના નાતે પાડોશના પરિવારજનો જેમના પર આંધળો ભરોસો મૂકતા હતા, તે વૃદ્ધે પોતાની માનસિક વિકૃતિનું પ્રદર્શન કરીને નરાધમતાની તમામ સીમાઓ વટાવી દીધી હોવાનું સામે આવ્યું છે. આ ચકચારી ઘટનાને પગલે સમગ્ર વિસ્તારમાં ભારે રોષ અને અરેરાટી વ્યાપી ગઈ છે.
રમાડવાના બહાને ઘરે બોલાવી આચર્યું ખરાબ કૃત્ય મળતી સત્તાવાર માહિતી મુજબ, મેઘાણીનગર પોલીસ સ્ટેશન વિસ્તારની એક સોસાયટીમાં રહેતી 5 વર્ષની માસૂમ બાળકી પાડોશમાં રહેતા 73 વર્ષીય નંદલાલ આસવાણીના ઘરે રમવા માટે ગઈ હતી. નંદલાલ આસવાણી નિવૃત્ત જીવન જીવે છે અને હાલ ટામેટાની દુકાન ચલાવી વેપાર કરે છે. તે અવારનવાર આ માસૂમ બાળકીને રમાડવાના બહાને પોતાના ઘરે બોલાવતો હતો. આ દરમિયાન આરોપીએ પોતાની વિકૃત માનસિકતા દર્શાવીને નાની બાળકી સાથે શારીરિક અડપલાં શરૂ કર્યા હતા અને તેના ગુપ્ત ભાગો પર હાથ ફેરવીને ઘૃણાસ્પદ કૃત્ય આચર્યું હતું. વૃદ્ધના આ અણછાજતા અને શંકાસ્પદ વર્તનથી બાળકી ખૂબ જ ગભરાઈ ગઈ હતી અને તેને અસહ્ય શારીરિક પીડા થતાં તે રડતી-રડતી પોતાના ઘરે પહોંચી હતી.
બાળકીએ માતા-ફોઈને જણાવી આપવીતી ગભરાયેલી માસૂમ બાળકીએ પોતાના ઘરે પહોંચીને માતા અને ફોઈને નંદલાલ દ્વારા કરવામાં આવેલા ખરાબ કૃત્ય અંગે રડતા-રડતા તમામ આપવીતી જણાવી હતી. પોતાની વ્હાલસોયી પુત્રી સાથે પાડોશમાં જ રહેતા વૃદ્ધે આવી નીચ હરકત કરી હોવાનું જાણીને પરિવારના સભ્યો સ્તબ્ધ થઈ ગયા હતા. પરિવારે જરાય સમય ગુમાવ્યા વિના તાત્કાલિક ધોરણે ઇમરજન્સી હેલ્પલાઇન નંબર 112 પર ફોન કરીને પોલીસ કંટ્રોલ રૂમને આ ઘટનાની જાણ કરી હતી. કંટ્રોલ રૂમ તરફથી તાત્કાલિક મેસેજ મળતાં જ મેઘાણીનગર પોલીસ સ્ટેશનનો કાફલો સહેજ પણ વિલંબ કર્યા વિના તુરંત જ ઘટનાસ્થળે દોડી આવ્યો હતો અને પરિસ્થિતિને કાબૂમાં લઈને કાયદેસરની કાર્યવાહી શરૂ કરી હતી.
પોક્સો એક્ટ હેઠળ ગુનો દાખલ આ મામલે એસીપી રીના રાઠવાએ પત્રકારોને માહિતી આપતાં જણાવ્યું કે, પીડિત બાળકીની માતાની સત્તાવાર ફરિયાદના આધારે પોલીસે ગુનો દાખલ કરીને 73 વર્ષીય આરોપી નંદલાલ આસવાણીને કાયદાના સકંજામાં લઈ તુરંત ધરપકડ કરી લીધી છે. પોલીસની પ્રાથમિક પૂછપરછમાં સામે આવ્યું છે કે આરોપી અત્યંત વિકૃત માનસિકતા ધરાવે છે, જેના કારણે તેની સામે પોક્સો (POCSO) એક્ટ સહિતની કટોકટીભરી કલમો હેઠળ ગુનો નોંધીને તપાસ તેજ કરવામાં આવી છે. હાલમાં પોલીસ આરોપીની કડક પૂછપરછ કરી રહી છે અને એ દિશામાં પણ ઊંડાણપૂર્વક તપાસ ચલાવવામાં આવી રહી છે કે આરોપી આ પ્રકારની વિકૃત પ્રવૃત્તિઓ કેટલા સમયથી આચરી રહ્યો હતો. આ ઉપરાંત તેણે ભૂતકાળમાં આ વિસ્તારની અન્ય કોઈ નાની બાળકીઓને પણ પોતાની હવસનો શિકાર બનાવી છે કે કેમ, તે અંગે આસપાસના લોકોની પણ ગુપ્ત પૂછપરછ શરૂ કરવામાં આવી છે.

રમાડવાના બહાને બાળકી સાથે છેડતી કરનાર 73 વર્ષીય નરાધમ ઝડપાયો, પોક્સો હેઠળ ગુનો દાખલ

મેઘાણીનગરમાં 5 વર્ષની માસૂમ પર દુષ્કર્મનો પ્રયાસ

આરોપી મુખ્ય વિદ્યુત નિરીક્ષક એ.બી.ચૌધરી અને તેના નિવાસ સ્થાનની ફાઈલ તસવીર

ઊર્જા, પેટ્રોકેમિકલ્સ વિભાગે મુખ્ય વિદ્યુત નિરીક્ષક એ.બી.ચૌધરીને સમય પહેલાં નિવૃત્ત કર્યા

ઓપરેશન ગંગાજળઃ વર્ગ-1 અધિકારી ફરજ પહેલાં નિવૃત્ત!

Amreli: ગુજરાતના અમરેલી જિલ્લામાં સિંહના હુમલામાં યુવકના મોતના કેસમાં વન વિભાગે મહત્વપૂર્ણ કાર્યવાહી હાથ ધરી છે. તપાસ દરમિયાન સામે આવ્યું છે કે ઘટનાથી પહેલાં કેટલાક યુવકો દ્વારા જંગલ વિસ્તારમાં મેટિંગ કરી રહેલા સિંહ યુગલની નજીક જઈ તેમની પજવણી કરવામાં આવી હતી. આ મામલે વન વિભાગે બે યુવકોની ધરપકડ કરી કાયદેસરની કાર્યવાહી શરૂ કરી છે. આ સમગ્ર ઘટના બાદ ફરી એકવાર જંગલી પ્રાણીઓ સાથે બેદરકારીભર્યા વર્તન અને વન્યજીવ સુરક્ષાને લઈને ગંભીર પ્રશ્નો ઉભા થયા છે.આ ઘટના માત્ર એક અકસ્માત નથી, પરંતુ વન્યજીવ પ્રત્યેની બેદરકારી અને નિયમોના ભંગના ગંભીર પરિણામોનું જીવંત ઉદાહરણ બની છે. વન વિભાગના અધિકારીઓએ સ્પષ્ટ કર્યું છે કે જંગલી પ્રાણીઓને ઉશ્કેરવા અથવા તેમની કુદરતી પ્રવૃત્તિમાં ખલેલ પહોંચાડવી કાયદેસર ગુનો છે.
શું છે સમગ્ર ઘટના? પ્રાપ્ત માહિતી મુજબ અમરેલી જિલ્લાના જંગલ વિસ્તારમાં કેટલાક યુવકો સિંહોને જોવા માટે ગયા હતા.તે દરમિયાન બે સિંહ મેટિંગમાં વ્યસ્ત હતા. આ દરમિયાન કેટલાક યુવકોએ ખૂબ નજીક જઈને મોબાઇલમાં વીડિયો બનાવવાનો પ્રયાસ કર્યો હતો. એટલું જ નહીં, સિંહોનું ધ્યાન ખેંચવા માટે અવાજ કરવો અને તેમની નજીક જવાની હરકતો પણ કરવામાં આવી હોવાનું તપાસમાં સામે આવ્યું છે.વન વિભાગના જણાવ્યા અનુસાર આવી હરકતોથી સિંહ આક્રમક બન્યા અને ત્યારબાદ હુમલાની ઘટના બની. આ હુમલામાં એક યુવકનું મોત થયું હતું, જ્યારે અન્ય લોકો જીવ બચાવીને ભાગી ગયા હતા.
ઘટના બાદ વન વિભાગે સ્થળનું નિરીક્ષણ કર્યું હતું. આસપાસના સીસીટીવી ફૂટેજ, મોબાઇલ વીડિયો અને સ્થાનિક લોકોના નિવેદનોના આધારે તપાસ શરૂ કરવામાં આવી હતી.તપાસ દરમિયાન સામે આવ્યું કે કેટલાક યુવકો દ્વારા સિંહ યુગલની પજવણી કરવામાં આવી હતી. વન વિભાગે પુરાવાના આધારે બે યુવકોની ઓળખ કરી તેમની ધરપકડ કરી છે.અધિકારીઓનું કહેવું છે કે આરોપીઓએ જંગલી પ્રાણીઓથી સુરક્ષિત અંતર જાળવવાના નિયમોનું ઉલ્લંઘન કર્યું હતું.
મેટિંગ પ્રક્રિયા દરમિયાન સિંહની પજવણી કરી મળતી માહિતી અનુસાર, લીલીયા પંથકના અંટાળિયા વિસ્તારમાં સિંહની મેટિંગની પ્રક્રિયામાં દરમિયાન કેટલાક શખસોએ નિયમોનું ઉલ્લંઘન કરીને સિંહની એકદમ નજીક જઈને તેને પજવવાનું શરૂ કર્યું હતું. આ ઉશ્કેરણીના કારણે સિંહે હુમલો કર્યો હતો. જેમાં સોહિલ મુજાવર નામના યુવકને ગંભીર ઇજાઓ પહોંચતા તેનું મોત નીપજ્યું હતું. ઘટનાની જાણ થતાં જ વન વિભાગની ટીમ દોડી આવી હતી અને સ્થળ પરથી અન્ય બે શખસોનેપકડી &nbsp;લીધા હતા.આ શખ્સોએ સિંહ પજવણીની લાઈવ વીડિયોગ્રાફી પણ કરી હતી. જોકે, વન વિભાગની કાર્યવાહીની ગંધ આવી જતાં પકડાઈ જવાના ડરથી આરોપીઓએ ગુનાના પુરાવાનો નાશ કરવા માટે પોતાના મોબાઈલમાંથી તમામ વિડીયો ડેટા ડિલીટ કરી નાખ્યો હતો.
મોબાઈલ FSLમાં મોકલાશે વન વિભાગની તપાસ દરમિયાન એક ચોંકાવનારો ખુલાસો થયો છે. હાજર રહેલા યુવકોના મોબાઈલ ચેક કરતા જાણવા મળ્યું કે, તેમણે સિંહદર્શનના ફોટોગ્રાફ્સ અને વીડિયો ડિલીટ કરીને મોબાઈલ ડેટા ફોર્મેટ મારી દીધો હતો. આ કારણે વન વિભાગની શંકા વધુ દ્રઢ બની છે. હવે આ શંકાસ્પદ મોબાઈલ ફોનને ફોરેન્સિક સાયન્સ લેબોરેટરીમાં મોકલવામાં આવશે, જેથી ડિલીટ થયેલો ડેટા રિકવર કરી શકાય.
કયા કાયદા હેઠળ કાર્યવાહી? લીલીયા વન વિભાગે આ મામલે કડક વલણ અપનાવતા વાઇલ્ડ લાઇફ પ્રોટેક્શન એક્ટ 1972ની વિવિધ કલમો હેઠળ ગુનો નોંધીને કાર્યવાહી તેજ કરી છે. વન વિભાગ દ્વારા આ ગુનામાં સંડોવાયેલા આરોપીઓ રેહાનખાન પઠાણ (રહે. અમરેલી) અને યશરાજસિંહ વાજા (રહે. સાવરકુંડલા) ની ધરપકડ કરવામાં આવી છે,જ્યારે ત્રીજા આરોપી અહેમદ ઉર્ફે સોહિલ મેમણ (રહે. અમરેલી) નું મૃત્યુ થયેલ હોવાથી તે મૃતક તરીકે દર્શાવેલ છે. વન વિભાગના જણાવ્યા અનુસાર,આ કાયદા હેઠળ ગુનો સાબિત થાય તો આરોપીઓને 3 થી લઈને 7 વર્ષ સુધીની કડક જેલની સજાની જોગવાઈ છે.હાલમાં લીલીયા વન વિભાગ દ્વારા ધરપકડ કરાયેલા બંને આરોપીઓને કોર્ટમાં રજૂ કરવાની કાનૂની તજવીજ હાથ ધરવામાં આવી છે.
જંગલના નિયમોનું પાલન કરવું દરેક નાગરિકની જવાબદારી છે અમરેલીમાં સિંહના હુમલામાં યુવકના મોત બાદ થયેલી તપાસમાં બે યુવકોની ધરપકડ એ સ્પષ્ટ સંદેશ આપે છે કે વન્યજીવો સાથે બેદરકારીભર્યું વર્તન માત્ર પોતાનો જ નહીં, પરંતુ અન્ય લોકોનો જીવ પણ જોખમમાં મૂકી શકે છે.વન્યજીવો તેમના કુદરતી નિવાસસ્થાનમાં રહે છે અને તેમની કુદરતી પ્રવૃત્તિમાં દખલ કરવી ગંભીર પરિણામો લાવી શકે છે.વન વિભાગની કાર્યવાહી એ યાદ અપાવે છે કે જંગલના નિયમોનું પાલન કરવું દરેક નાગરિકની જવાબદારી છે.આવી ઘટનાઓ ફરી ન બને તે માટે કડક કાયદાકીય કાર્યવાહી સાથે લોકોમાં જાગૃતિ લાવવી, પ્રવાસન દરમિયાન નિયમોનું પાલન કરાવવું અને વન્યજીવ પ્રત્યે જવાબદાર વર્તન અપનાવવું સમયની સૌથી મોટી જરૂરિયાત બની છે.

સિંહ હુમલા કેસમાં વન વિભાગની મોટી કાર્યવાહી,પજવણી કરનાર 2 યુવકોની ધરપકડ

અમરેલીમાં સિંહની પજવણી પડી ભારે!

પ્રતિકાત્મક તસવીર

ભીલવાડા અને બાંસવાડામાં પ્રસૂતિ બાદ માતાઓના મોતથી ખળભળાટ, આરોગ્ય સેવાઓ પર ઉઠ્યા ગંભીર સવાલ

રાજસ્થાનની સરકારી હોસ્પિટલો 'ICU'માં!

ચેરમેન ડોલર કોટેચાની પોલ ન ખૂલે તે માટે સાધારણ સભા પહેલાં 3 ખેડૂત પ્રતિનિધિઓની અટકાયત

ખેતી બેંકની સાધારણ સભા પહેલાં અટકાયતને લઈ વિવાદ!

પાટણ અને મહેસાણા જિલ્લાની કોલેજો સામે કાર્યવાહી, નવા એડમિશન પર સંપૂર્ણ પ્રતિબંધ

ઉ.ગુજરાત યુનિવર્સિટી સંલગ્ન 17 કોલેજોનું જોડાણ રદ

4 રાજ્યો વચ્ચે ઐતિહાસિક સમજૂતી, ગુજરાતને મળશે ₹1,650 કરોડ

ત્રણ દાયકા જૂનો નર્મદા જળ વિવાદ ઉકેલાયો

માથાદીઠ આવકમાં દિલ્હી, કર્ણાટક, તેલંગાણા, તમિલનાડુ બાદ ગુજરાત દેશમાં પાંચમાં સ્થાને

વર્લ્ડ બેંકના અપર મીડલ ઈન્કમ કલબમાં ગુજરાતને સ્થાન

સાયબર પોલીસે આંતરરાજ્ય કોલ સેન્ટરનો કર્યો પર્દાફાશ, 7 ઝડપાયા

શક્તિવર્ધક દવાના નામે કરોડોની છેતરપિંડી

વીંઝોલ અને સરદારપુરા ગામમાં ચાંદીપુરા વાયરસના શંકાસ્પદ કેસો મળ્યા બાદ આરોગ્ય વિભાગ એલર્ટ

ગોધરામાં ચાંદીપુરા વાયરસથી બે બાળકોના મોતથી ફફડાટ!

સુરતમાં વરસાદી તાંડવ,બે દિવસમાં 12 ઇંચ વરસાદ,છઠ પૂજા માટે ખોદાયેલો ખાડો બન્યો જોખમી

ભારે વરસાદે લીધો બે બાળકોનો ભોગ

સમગ્ર વિસ્તાર લશ્કર અને પોલીસ દ્વારા કોર્ડન, ઉચ્ચસ્તરીય તપાસના આદેશ

પોરબંદરમાં ભારતીય નૌસેનાનું માનવરહિત ડ્રોન ક્રેશ

એક જ દિવસમાં 18 ઇંચ વરસાદ,85 વર્ષનો રેકોર્ડ તૂટ્યો,શાળા-કોલેજો અને કાપડ માર્કેટ બંધ