Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

Rajkot ACP VG Patel Dismissed: ગુજરાત પોલીસ વિભાગમાં ચકચાર મચાવતો એક અત્યંત મહત્વપૂર્ણ અને કડક નિર્ણય સામે આવ્યો છે. રાજકોટ પોલીસ કન્ટ્રોલરૂમના એસીપી (ACP) વિનાયક જી. પટેલને તેમની નિવૃત્તિના બરાબર એક દિવસ પહેલાં જ ગૃહ વિભાગ દ્વારા નોકરીમાંથી ડિસમીસ (બરતરફ) કરી દેવામાં આવ્યા છે. 31 મેના રોજ વય મર્યાદાના કારણે નિવૃત થનારા આ અધિકારી સામે વડોદરામાં ફરજ દરમિયાન જુગારના એક આરોપીને મદદ કરવાનો ગંભીર આક્ષેપ હતો, જેમાં ખાતાકીય તપાસ બાદ તેઓ દોષિત ઠર્યા છે.
વડોદરાના જુગાર કેસમાં આરોપીને આપી હતી ખાસ 'સલાહ' એસીપી વી. જી. પટેલ જ્યારે વડોદરામાં એચ ડિવિઝનમાં ફરજ બજાવતા હતા, ત્યારે મકરપુરા પોલીસ સ્ટેશનમાં જુગારનો એક ગુનો નોંધાયો હતો. આ કેસના મુખ્ય આરોપી સંજય ઉર્ફે ભુરો અમૃતલાલ છગાણી પોલીસ પકડમાં ન આવે તે માટે એસીપી પટેલે તેને ઘરે ન રહેવાની કથિત સલાહ આપી હતી. આ સાથે જ આરોપીની મદદ કરવા બદલ મોટો આર્થિક વહીવટ થયો હોવાની ચર્ચાઓએ પણ જોર પકડ્યું હતું. આ ગંભીર બેદરકારી અને આક્ષેપોને પગલે તેમની સામે વિભાગીય તપાસ શરૂ કરવામાં આવી હતી.
ખાતાકીય તપાસમાં દોષિત જાહેર થતાં ગૃહ વિભાગની કડક કાર્યવાહી લાંબા સમયથી ચાલી રહેલી આ ખાતાકીય તપાસના અંતે અનેક મહત્વપૂર્ણ દસ્તાવેજો અને પુરાવાઓના આધારે વી. જી. પટેલ ગુનામાં દોષિત જાહેર થયા હતા. તપાસનો આખરી રિપોર્ટ ગૃહ વિભાગ સમક્ષ રજૂ કરવામાં આવ્યો હતો. આ રિપોર્ટને આધારે ગૃહ વિભાગે ઝીરો ટોલરન્સની નીતિ અપનાવી નિવૃત્તિની રાહ જોઈ રહેલા અધિકારી સામે કડક વલણ અપનાવ્યું હતું. પરિણામે, 31 મેના રોજ નિવૃત્ત થવાના 24 કલાક પહેલા જ એટલે કે 30 મેની સાંજે તેમને તાત્કાલિક અસરથી બરતરફ કરતો હુકમ જારી કરી દેવામાં આવ્યો હતો. આ આદેશને પગલે સમગ્ર પોલીસ બેડામાં મોટો ફફડાટ ફેલાયો છે.

નિવૃત્તિના 24કલાક પહેલાં જ ACP વી. જી. પટેલ બરતરફ

વડોદરામાં જુગારના કેસમાં આરોપીને ઘરે ન રહેવાની સલાહ આપી હતી

NCRB 2024: નેશનલ ક્રાઈમ રેકોર્ડ બ્યુરો (NCRB) દ્વારા જાહેર કરાયેલા &ldquo;ક્રાઈમ ઇન ઇન્ડિયા-2024&rdquo; અહેવાલમાં સુરત શહેરે કાયદો અને વ્યવસ્થાના ક્ષેત્રે નોંધપાત્ર સિદ્ધિ મેળવી છે. પોલીસ કમિશનર અનુપમસિંહ ગેહલોતના માર્ગદર્શન હેઠળ સુરત શહેર મુખ્ય ભારતીય દંડ સંહિતા (IPC) હેઠળના ગુનાઓના દરમાં દેશના સૌથી સુરક્ષિત મેટ્રો શહેરોમાં સ્થાન મેળવવામાં સફળ રહ્યું છે.NCRBના આંકડા મુજબ સુરતનો કુલ ક્રાઈમ રેટ 1377.7 નોંધાયો છે, પરંતુ તેમાં ગુજરાતમાં દારૂબંધીના કડક અમલને કારણે નોંધાયેલા 33,643 પ્રોહિબિશનના કેસોનો સમાવેશ થાય છે.&nbsp;
આ કેસોને બાદ કરતાં સુરતનો વાસ્તવિક IPC ક્રાઈમ રેટ માત્ર 275.0 રહે છે, જે દેશના 19 મેટ્રોપોલિટન શહેરોમાં સૌથી નીચા દરોમાંનો એક છે.દિલ્હીનો IPC ક્રાઈમ રેટ 1988.0, જયપુરનો 802.8 અને નાગપુરનો 632.0 નોંધાયો છે, જ્યારે સુરતનો દર માત્ર 275.0 છે. આથી સુરતમાં દિલ્હીની સરખામણીમાં લગભગ 7 ગણો અને જયપુરની સરખામણીમાં 3 ગણો ઓછો ગુનાદર નોંધાયો છે.19 મેટ્રો શહેરોમાં IPC ગુનાદરમાં સુરત સૌથી નીચા ક્રમે : દિલ્હી કરતા 7 ગણો, જયપુર કરતા 3 ગણો ઓછો ક્રાઈમ રેટમહિલા સુરક્ષા, ચોરી, લૂંટ અને હિંસક ગુનાઓમાં સુરતનું શ્રેષ્ઠ પ્રદર્શન&nbsp;
મહિલા સુરક્ષા મામલે સુરત આગળ મહિલાઓ વિરુદ્ધના ગુનાઓમાં સુરતનો દર માત્ર 37.6 નોંધાયો છે, જ્યારે દિલ્હીમાં આ દર 181.0 છે. એટલે કે મહિલાઓ સામેના ગુનાઓમાં સુરતનો દર દિલ્હીની સરખામણીમાં લગભગ પાંચ ગણો ઓછો છે. અપહરણ અને દુષ્કર્મ જેવા ગંભીર ગુનાઓમાં પણ સુરતનો દર રાષ્ટ્રીય સરેરાશથી નીચો રહ્યો છે.
ચોરી અને લૂંટના ગુનાઓમાં સૌથી નીચા શહેરોમાં સુરત મિલકત સંબંધી ગુનાઓમાં સુરતે નોંધપાત્ર સફળતા મેળવી છે. ચોરીનો દર માત્ર 38.9 અને લૂંટનો દર માત્ર 0.7 નોંધાયો છે. દિલ્હીમાં ચોરીનો દર 1288.6 અને લૂંટનો દર 26.0 હોવાથી સુરતમાં ચોરી લગભગ 33 ગણી અને લૂંટ 37 ગણી ઓછી નોંધાઈ છે.
હિંસક ગુનાઓ પર અસરકારક નિયંત્રણ હત્યા, હત્યાનો પ્રયાસ, મારામારી અને રાયોટિંગ જેવા હિંસક ગુનાઓનો દર સુરતમાં માત્ર 23.7 નોંધાયો છે, જે રાષ્ટ્રીય સરેરાશ 45.2 કરતાં ઘણો ઓછો છે. આ દર્શાવે છે કે શહેરમાં કાયદો અને વ્યવસ્થા મજબૂત રીતે જળવાઈ રહી છે.
પોલીસ તંત્રના સંયુક્ત પ્રયાસોનું પરિણામ પોલીસ કમિશનર અનુપમસિંહ ગેહલોતના માર્ગદર્શન હેઠળ ક્રાઈમ પ્રિવેન્શન, ક્રાઈમ ડિટેક્શન, ટેક્નોલોજી આધારિત પોલીસિંગ, કોમ્યુનિટી પોલિસિંગ અને સતત પેટ્રોલિંગ જેવી કામગીરીઓને પ્રાથમિકતા આપવામાં આવી છે. સેક્ટર-1 અને સેક્ટર-2ના સંયુક્ત પોલીસ કમિશનર, ક્રાઈમ બ્રાન્ચ, એસઓજી, ટ્રાફિક શાખા તેમજ તમામ પોલીસ સ્ટેશનોના અધિકારીઓ અને કર્મચારીઓના સહિયારા પ્રયાસોના પરિણામે સુરત શહેરે આ સિદ્ધિ મેળવી છે.
ભ્રામક પ્રચારથી સાવચેત રહેવાની જરૂર તાજેતરમાં સોશિયલ મીડિયા પર પ્રોહિબિશનના આંકડાને આધારે સુરતને અસુરક્ષિત શહેર તરીકે દર્શાવતી કેટલીક પોસ્ટ વાયરલ થઈ હતી. જોકે NCRBના વિગતવાર આંકડા સ્પષ્ટ દર્શાવે છે કે મુખ્ય IPC ગુનાઓના મામલે સુરત દેશના સૌથી સુરક્ષિત શહેરોમાં સ્થાન ધરાવે છે. તેથી નાગરિકોએ અધૂરી માહિતીના આધારે ભ્રમિત થવાને બદલે સત્તાવાર આંકડાઓ પર વિશ્વાસ રાખવો જોઈએ.
સુરત કેમ બન્યું સુરક્ષિત શહેર? IPC ક્રાઈમ રેટ માત્ર 275.0 મહિલાઓ વિરુદ્ધ ગુનાઓનો દર માત્ર 37.6 ચોરીનો દર માત્ર 38.9 લૂંટનો દર માત્ર 0.7 હિંસક ગુનાઓનો દર રાષ્ટ્રીય સરેરાશથી ઘણો ઓછો અનુપમસિંહ ગેહલોતના નેતૃત્વમાં ટેક્નોલોજી આધારિત પોલીસિંગ 19 મેટ્રો શહેરોમાં સુરત સૌથી સુરક્ષિત શહેરોમાં સામેલ પ્રોહિબિશનના 33,643 કેસોને કારણે કુલ ક્રાઈમ રેટ ઊંચો દેખાય છે, પરંતુ IPC ગુનાઓમાં સુરત દેશના શ્રેષ્ઠ શહેરોમાં સ્થાન ધરાવે છે.

NCRB  રિપોર્ટમાં થયો ખુલાસો

સુરત બન્યું દેશનું  સૌથી સુરક્ષિત શહેર

મહેસાણામાં કોંગ્રેસની ઉત્તર ઝોનની સમીક્ષા બેઠકમાં IB કર્મચારીઓ ઘૂસતાં રાજકીય ગરમાવો

ગુજરાત કોંગ્રેસની સમીક્ષા બેઠકમાં સરકારની જાસૂસી?

Jet Fuel Price Slump: વૈશ્વિક બજારમાં ક્રૂડ ઓઇલના ભાવોમાં ચાલી રહેલી ભારે અફરાતફરી વચ્ચે ભારતીય ઉડ્ડયન ક્ષેત્ર (Aviation Sector) માટે એક મોટા અને રાહતના સમાચાર સામે આવ્યા છે. આંતરરાષ્ટ્રીય ફ્લાઇટ્સ માટે ઉપયોગમાં લેવાતા એવિએશન ટર્બાઇન ફ્યુઅલ (ATF) એટલે કે જેટ ઇંધણના ભાવમાં 27 ટકાનો મસમોટો ઘટાડો કરવામાં આવ્યો છે. જોકે, બીજી તરફ સ્થાનિક (Domestic) ફ્લાઇટ્સના મુસાફરો અને એરલાઇન્સ કંપનીઓ માટે જેટ ઇંધણના ભાવમાં કોઈ જ ફેરફાર કરવામાં આવ્યો નથી. આ સાથે જ ઓઇલ માર્કેટિંગ કંપનીઓએ હોટેલ અને રેસ્ટોરન્ટ્સમાં વપરાતા કોમર્શિયલ એલપીજી (LPG) સિલિન્ડરના ભાવમાં પણ ઝીંકાયેલો વધારો યથાવત રાખતા વ્યાપારીઓમાં ચિંતા ફેલાઈ છે.
આંતરરાષ્ટ્રીય જેટ ઇંધણના ભાવ પ્રતિ કિલોલિટર $400 ઘટ્યા ઉદ્યોગના સત્તાવાર સૂત્રો પાસેથી મળતી માહિતી અનુસાર, આંતરરાષ્ટ્રીય ફ્લાઇટ્સ માટેના જેટ ઇંધણના ભાવમાં કરાયેલા 27 ટકાના ધરખમ ઘટાડાને કારણે હવે કિંમતો પ્રતિ કિલોલિટર $400 કરતાં પણ વધુ ઘટી ગઈ છે. આ ઘટાડા બાદ હવે આંતરરાષ્ટ્રીય ATFનો ભાવ ઘટીને લગભગ $1,100 પ્રતિ કિલોલિટરના સ્તરે આવી પહોંચ્યો છે. નોંધનીય છે કે અગાઉ 1 મેના રોજ આંતરરાષ્ટ્રીય ફ્લાઇટ્સ માટેના ઇંધણના ભાવમાં 5.33 ટકા એટલે કે $76.55નો વધારો ઝીંકાયો હતો, જેના કારણે કિંમત $1,511.86 પ્રતિ કિલોલિટર થઈ ગઈ હતી. તે પહેલાં પશ્ચિમ એશિયાના તણાવ અને આંતરરાષ્ટ્રીય ઊર્જા સંકટને કારણે એપ્રિલ મહિનામાં આ દર બમણાથી પણ વધુ વધીને $1,435.31 પર પહોંચી ગયા હતા, જેની સામે હવે મોટી રાહત મળી છે.
સ્થાનિક ફ્લાઇટ્સના દરો યથાવત આંતરરાષ્ટ્રીય સ્તરે આટલો મોટો ઘટાડો થયો હોવા છતાં, ઘરેલું વિમાની મુસાફરી કરતા લોકો અને સ્થાનિક એરલાઇન્સ માટે રાહતના કોઈ સમાચાર નથી. સ્થાનિક ફ્લાઇટ્સ માટે ATFના ભાવમાં કોઈ જ ફેરફાર કરવામાં આવ્યો નથી. ભારતીય એરલાઇન્સે સ્થાનિક ઉડ્ડયન માટે પ્રતિ કિલોલીટર રૂ. 1,04,927.18 ચૂકવવાનું ચાલુ રાખવું પડશે. આ દર 1 એપ્રિલથી અમલમાં છે. સૂત્રોના જણાવ્યા અનુસાર, મે મહિનામાં જ્યારે આંતરરાષ્ટ્રીય દરો આસમાને હતા, ત્યારે સામાન્ય મુસાફરો પર આર્થિક બોજ ન નાખવા માટે સરકારી તેલ કંપનીઓએ વધારાનો માત્ર એક ચતુર્થાંશ (1/4) ભાગ જ એરલાઇન્સ પર ટ્રાન્સફર કર્યો હતો અને બાકીનું નુકસાન પોતે સહન કર્યું હતું. હવે જ્યારે વૈશ્વિક સ્તરે કિંમતો નરમ પડી છે, ત્યારે કંપનીઓએ આંતરરાષ્ટ્રીય ફ્લાઇટ્સને તો રાહત આપી છે, પરંતુ સ્થાનિક સપ્લાય પર અગાઉ થયેલા નુકસાનની ભરપાઈ કરવા માટે ઘરેલું દરો સ્થિર રાખ્યા છે.
પશ્ચિમ એશિયા સંકટ વચ્ચે કેમ લેવાયો આ નિર્ણય? ભારતમાં છેલ્લા બે દાયકા કરતાં વધુ સમયથી જેટ ઇંધણના ભાવો નિયંત્રણમુક્ત કરવામાં આવ્યા છે, જે સીધા આંતરરાષ્ટ્રીય બજાર સાથે જોડાયેલા છે. જોકે, પશ્ચિમ એશિયામાં ચાલી રહેલા યુદ્ધ અને તણાવને કારણે વૈશ્વિક પુરવઠા શૃંખલા ખોરવાઈ ગઈ છે. વૈશ્વિક ઉર્જા પ્રવાહ માટેનો સૌથી મહત્વપૂર્ણ ગણાતો 'હોર્મુઝ સ્ટ્રેટ' માર્ગ છેલ્લા ચાર મહિનાથી મોટાભાગે બંધ જેવી સ્થિતિમાં છે, જેના કારણે ઇંધણની ભારે અછત સર્જાઈ છે. આ અસાધારણ સ્થિતિમાં જ્યારે ATFના ભાવમાં ઇતિહાસનો સૌથી મોટો વધારો તોળાઈ રહ્યો હતો, ત્યારે ભારત સરકાર અને રાજ્ય હસ્તકની તેલ કંપનીઓએ સંતુલિત અભિગમ અપનાવ્યો હતો. આ વ્યૂહરચના હેઠળ જ આંતરરાષ્ટ્રીય ફ્લાઇટ્સના દરો વૈશ્વિક બજાર આધારિત મુકાયા છે, જ્યારે સ્થાનિક દરોને ભારતીય બજારની સ્થિરતા માટે નિયંત્રિત રાખવામાં આવ્યા છે.
કોમર્શિયલ LPG નવો રેકોર્ડ સ્તરે, પણ ઘરગથ્થુ ગ્રાહકો સુરક્ષિત એક તરફ એવિએશન સેક્ટરને રાહત મળી છે, તો બીજી તરફ વ્યાપારી ગ્રાહકોને મોટો ઝટકો લાગ્યો છે. તેલ કંપનીઓએ 19 કિલોગ્રામના કોમર્શિયલ એલપીજી સિલિન્ડરના ભાવમાં પ્રતિ સિલિન્ડર ₹42નો વધારો ઝીંકી દીધો છે. આ વધારા સાથે હવે દિલ્હીમાં કોમર્શિયલ સિલિન્ડરની કિંમત ₹3,071.50થી વધીને ₹3,113.50ના રેકોર્ડ સ્તરે પહોંચી ગઈ છે. આ અગાઉ 1 મેના રોજ પણ તેમાં ₹993નો ઐતિહાસિક વધારો કરવામાં આવ્યો હતો. આ ઉપરાંત, 5 કિલોના ફ્રી-ટ્રેડ એલપીજી (FTL) સિલિન્ડરના ભાવમાં પણ ₹11નો વધારો થતાં તે હવે ₹821.50 થયો છે. રાહતની વાત એ છે કે સ્થાનિક ઘરગથ્થુ ગ્રાહકોને આ ભાવવધારામાંથી સંપૂર્ણ મુક્તિ અપાઈ છે. 14.2 કિલોગ્રામના ઘરેલું એલપીજી સિલિન્ડરની કિંમત માર્ચ મહિનાથી ₹913 પર જ યથાવત રાખવામાં આવી છે.
પેટ્રોલ અને ડીઝલના ભાવોમાં યથાસ્થિતિ ગયા મહિને પેટ્રોલ અને ડીઝલના ભાવમાં પ્રતિ લિટર આશરે ₹7.50નો તોતિંગ વધારો ઝીંકાયા બાદ સામાન્ય જનતાના માથે મોંઘવારીનો માર પડ્યો હતો. જોકે, આ મહિનાની સમીક્ષામાં ઓઇલ માર્કેટિંગ કંપનીઓએ ઇંધણના ભાવ સ્થિર રાખ્યા છે. હાલમાં રાજધાની દિલ્હીમાં પેટ્રોલનો ભાવ પ્રતિ લિટર ₹102.12 અને ડીઝલનો ભાવ પ્રતિ લિટર ₹95.20 પર સ્થિર છે. સ્થાનિક કર અને વેટ (VAT)ના કારણે અલગ-અલગ રાજ્યોમાં આ ભાવોમાં થોડો તફાવત જોવા મળી શકે છે.

પ્રતિકાત્મક તસવીર

આંતરરાષ્ટ્રીય ફ્લાઇટ્સના જેટ ફ્યુઅલના ભાવમાં 27%નો તોતિંગ ઘટાડો

શું વિમાનના ભાડાં સસ્તા થશે?

TMC Expels Two MLA: પશ્ચિમ બંગાળ વિધાનસભા ચૂંટણીમાં કારમી હારનો સામનો કર્યા બાદ તૃણમૂલ કોંગ્રેસ (TMC) માં ભડકેલો આંતરિક અસંતોષ હવે સપાટી પર આવી ગયો છે. પક્ષમાં ચાલી રહેલા ભારે હોબાળા અને રાજકીય ખેંચતાણ વચ્ચે ટીએમસી નેતૃત્વએ એક ખૂબ જ મોટું અને કડક પગલું ભર્યું છે. પક્ષ વિરોધી પ્રવૃત્તિઓ અને આંતરિક શિસ્તભંગ બદલ ટીએમસીએ તેના બે વરિષ્ઠ ધારાસભ્યો, ઋતબ્રત બેનરજી અને સંદીપન સાહાને તાત્કાલિક અસરથી પક્ષમાંથી હાંકી કાઢ્યા છે. આ આકરી કાર્યવાહી બાદ બંગાળના રાજકારણમાં ભારે ગરમાવો આવી ગયો છે.
શુભેન્દુ અધિકારીના ધડાકા બાદ ત્વરિત કાર્યવાહી રાજકીય નિષ્ણાતોના મતે, ટીએમસી દ્વારા લેવાયેલો આ આકરો નિર્ણય મુખ્યમંત્રી શુભેન્દુ અધિકારીની એક મહત્વપૂર્ણ પ્રેસ કોન્ફરન્સ બાદ તરત જ સામે આવ્યો છે. મુખ્યમંત્રી શુભેન્દુ અધિકારીએ પત્રકાર પરિષદમાં સનસનાટીપૂર્ણ દાવો કર્યો હતો કે પશ્ચિમ બંગાળ વિધાનસભામાં થયેલા કથિત સહી બનાવટી કેસ (Signature Forgery Case) ની સીઆઈડી (CID) તપાસ શરૂ કરવામાં આવી છે. તેમણે ખુલાસો કર્યો હતો કે આ તપાસ અન્ય કોઈના કારણે નહીં, પરંતુ ટીએમસીના જ આ બંને બાગી ધારાસભ્યો દ્વારા વિધાનસભા અધ્યક્ષ (સ્પીકર) ને સત્તાવાર રીતે આપવામાં આવેલી ફરિયાદના આધારે જ બેસાવવામાં આવી છે. આ દાવાએ પક્ષની આબરૂ દાવ પર લગાવી દીધી હતી, જેના પરિણામે ટીએમસીએ કલાકોમાં જ બંનેને બહારનો રસ્તો બતાવી દીધો.
મમતા બેનરજીની બેઠકનો બહિષ્કાર: 60 ધારાસભ્યો ગેરહાજર રહેતા બેઠક રદ પક્ષમાં ચાલી રહેલો આ આંતરિક કલહ ત્યારે વધુ વકર્યો જ્યારે પક્ષ સુપ્રીમો મમતા બેનરજીએ તેમના કાલીઘાટ સ્થિત નિવાસસ્થાને તમામ ધારાસભ્યોની એક કટોકટીની સમીક્ષા બેઠક બોલાવી હતી. જોકે, ચૂંટણી હારના આઘાત વચ્ચે પક્ષને મોટો ઝટકો આપતા આશરે 60 જેટલા ધારાસભ્યો આ મહત્વની બેઠકમાં હાજર રહ્યા ન હતા. આટલી મોટી સંખ્યામાં ધારાસભ્યો ગેરહાજર રહેતા આખરે બેઠક રદ કરવાની ફરજ પડી હતી. જોકે, આ આંતરિક બળવા પર પડદો પાડવાનો પ્રયાસ કરતા ટીએમસી પ્રવક્તા કુણાલ ઘોષે દાવો કર્યો હતો કે, મોટાભાગના ધારાસભ્યો પોતાના વિસ્તારમાં ફાટી નીકળેલી હિંસા સામે લડી રહ્યા હોવાથી તેમણે અગાઉથી ફોન કરીને અસમર્થતા વ્યક્ત કરી હતી.
બાગી ધારાસભ્ય સંદીપન સાહાએ પક્ષની આંતરિક પ્રક્રિયાઓ પર ઉઠાવ્યા સવાલ બીજી તરફ, પક્ષમાંથી હાંકી કઢાયેલા ધારાસભ્ય સંદીપન સાહાએ મમતા બેનરજીની બેઠકમાં હાજર ન રહેવાનું કારણ જાહેરમાં મીડિયા સમક્ષ જણાવીને ટીએમસીની પોલ ખોલી નાખી હતી. સાહાએ જણાવ્યું કે, વિધાનસભામાં પક્ષના નેતા, ઉપનેતા અને મુખ્ય દંડક (વ્હીપ) ની નિમણૂક અંગે અગાઉ જ એક બેઠક યોજાઈ ચૂકી હતી અને તેમાં એક સત્તાવાર ઠરાવ પણ પસાર કરવામાં આવ્યો હતો. તેમણે આરોપ લગાવ્યો કે, વિધાનસભામાં આ ઠરાવ મોકલતી વખતે જરૂરી કાયદાકીય પ્રક્રિયાઓ અને નિયમોનું ચુસ્તપણે પાલન કરવામાં આવ્યું ન હતું, જેના કારણે આખો મામલો પાછળથી તપાસ હેઠળ આવ્યો હતો. સાહાએ ખુલ્લેઆમ સવાલ કર્યો કે, "જ્યારે એકવાર પ્રક્રિયા થઈ ગઈ છે અને તે વિવાદમાં છે, ત્યારે નવી બેઠક બોલાવતા પહેલાં શું તમામ નિયમોની સમીક્ષા કરવામાં આવી હતી ખરી? મને આ બેઠકમાં જવાની કોઈ ખાસ જરૂરિયાત ન જણાતા હું દૂર રહ્યો હતો."
ટીએમસીમાં ભવિષ્યના મોટા રાજકીય સંકટના સંકેત સામાન્ય રીતે ટીએમસીના ધારાસભ્યો જાહેર મંચ પર પક્ષના નેતૃત્વ કે સંગઠનાત્મક નિર્ણયો સામે આ પ્રકારે પ્રશ્નો ઉઠાવવાનું ટાળતા હોય છે. તેવી સ્થિતિમાં સંદીપન સાહાની આ આક્રમક ટિપ્પણી અને પક્ષ દ્વારા કરવામાં આવેલી આકરી હકાલપટ્ટી પશ્ચિમ બંગાળના રાજકારણમાં એક મોટા તોફાન તરફ ઈશારો કરે છે. હાર બાદ સર્જાયેલો આ આંતરિક અસંતોષ આગામી દિવસોમાં મમતા બેનરજી માટે નવું રાજકીય સંકટ ઊભું કરી શકે છે.

બે ધારાસભ્યોની પક્ષમાંથી હકાલપટ્ટી

બળવાખોરો પર મમતા બેનરજીની કડક કાર્યવાહી

ચાર રાજ્યોના જાહેર કરેલા નવા પ્રદેશ અધ્યક્ષોમાં કોંગ્રેસી ગોત્ર ધરાવનારા બે નેતાઓને સ્થાન

ભાજપ સંગઠનમાં બહારથી આવેલા નેતાઓનું વધતું મહત્વ

LCB પીઆઈ A.P. ચૌધરી સામે ગંભીર આક્ષેપ, "પરિણામ ભોગવવા તૈયાર રહેજો"-ગેનીબેન ઠાકોર

વાવ-થરાદ LCB PI ને MP ગેનીબેનની ખુલ્લી ચીમકી

દેશભરની હાઇકોર્ટોને 3 મહિનામાં ચુકાદો આપવાનો આદેશ, વિલંબ થવાથી કેસ ટ્રાન્સફર થશે

વિલંબિત ચુકાદા મુદ્દે સુપ્રીમ કોર્ટનો મહત્વનો આદેશ

જામીન મળ્યા બાદ મહિલા કેદીને કોઈ લેવા ન આવતાં ગુજરાત પોલીસે ભજવી પરિવારની ભૂમિકા

ખાખીનો માનવીય ચહેરો, મહિલાને વાહનમાં વતન પહોચાડી

IB અધિકારી બની ધમકી આપવાના AAPના વડોદરા શહેર પ્રમુખ અશોક ઓઝાના કાવતરાનો પર્દાફાશ

નકલી IB અધિકારી બની ધમકી આપનાર AAPના નેતા ઝડપાયા

બ્રાઝિલથી દિલ્હી સુધી જોડાયેલા છે તાર, કોસ્ટગાર્ડ-ATS અને કચ્છ SOGનું સંયુક્ત ઓપરેશન

મુંદ્રાના દરિયામાંથી ₹1,150 કરોડનું કોકેઈન ઝડપાયું

કોર્પોરેશન ઓફિસ તાત્કાલિક ખાલી કરાવાઈ, સત્તાવાર એકાઉન્ટ પર ધમકીભર્યો ઇમેઇલ મળ્યો

દિલજીત દોસાંઝ અને મેયરને મળી બોમ્બની ધમકી

100 થી વધુ બેડના સ્પેશિયલ આઇસોલેશન વોર્ડ તૈયાર, આરોગ્ય મંત્રીએ જનતાને આપી ખાતરી

ઈબોલાના વધતાં કેસોને પગલે રાજ્ય સરકાર એલર્ટ મોડમાં

ફરાર મુખ્ય આરોપી અલ્તાફ ઉર્ફે 'છ આંગળી' અમદાવાદથી ઝડપાયો