Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

બિહારના રાજકારણમાં આજે એક મહત્વપૂર્ણ ફેરફાર જોવા મળી રહ્યો છે. રાજ્યના મુખ્યમંત્રી નીતિશ કુમાર આજે પોતાના પદેથી રાજીનામું આપી શકે છે તેવી રાજકીય ચર્ચાઓ વચ્ચે તેમણે પોતાના કાર્યકાળની અંતિમ કેબિનેટ બેઠક યોજી હતી. આ બેઠક દરમિયાન વાતાવરણ ભાવુક બની ગયું હતું અને નીતિશ કુમાર પોતે પણ ભાવુક દેખાયા હતા.
કેબિનેટ બેઠકમાં નીતિશ કુમારે વર્ષ 2005થી લઈને આજ સુધી બિહારના વિકાસ માટે કરેલા કાર્યોને યાદ કર્યા હતા. તેમણે કહ્યું કે, &ldquo;જ્યારથી હું સત્તામાં આવ્યો ત્યારથી લઈને અત્યાર સુધી મારી શક્તિ મુજબ મેં બિહાર માટે કામ કર્યું છે. રાજ્યના વિકાસ માટે દરેક શક્ય પ્રયાસ કર્યો છે.&rdquo; તેમના આ શબ્દો સાંભળીને બેઠકમાં હાજર અન્ય મંત્રીઓ અને અધિકારીઓ પણ ભાવુક બની ગયા હતા.
આ અંતિમ બેઠકમાં નીતિશ કુમારે નવી બનનારી સરકારને શુભેચ્છાઓ પાઠવી હતી. તેમણે જણાવ્યું કે, રાજ્યના વિકાસના કાર્યો અટકવા જોઈએ નહીં અને બિહાર પ્રગતિના માર્ગ પર સતત આગળ વધતું રહેવું જોઈએ. સાથે જ તેમણે ખાતરી આપી હતી કે ભવિષ્યમાં જો નવી સરકારને માર્ગદર્શનની જરૂર પડશે તો તેઓ હંમેશા મદદ માટે તૈયાર રહેશે.
કેબિનેટ બેઠક બાદ રાજકીય વર્તુળોમાં ગમગીની છવાઈ ગઈ હતી. જેડીયુ અને ભાજપના નેતાઓએ નીતિશ કુમારના યોગદાનની પ્રશંસા કરી હતી. મંત્રી લેશી સિંહે જણાવ્યું હતું કે, &ldquo;તેમના જેવો વડીલ સમાન નેતા બિહારને ફરી નહીં મળે.&rdquo; જ્યારે ભાજપના ધારાસભ્ય લાખેન્દ્ર કુમારે પણ કહ્યું હતું કે, &ldquo;નીતીશજી ભલે રાજીનામું આપે, પરંતુ તેઓ હંમેશા અમારા માર્ગદર્શક રહેશે.&rdquo;
નીતીશ કુમારની રાજકીય સફર પણ અત્યંત રસપ્રદ અને પ્રેરણાદાયક રહી છે. વર્ષ 1974માં જયપ્રકાશ નારાયણના આંદોલનથી તેમણે રાજકારણમાં પ્રવેશ કર્યો હતો. ત્યારબાદ 1985માં પહેલીવાર બિહાર વિધાનસભામાં ચૂંટાઈ આવ્યા અને પછી 1989માં લોકસભા સુધીનો સફર કર્યો.
1990ના દાયકામાં તેમણે લાલુ પ્રસાદ યાદવ સાથે મતભેદોને કારણે અલગ રસ્તો અપનાવ્યો અને જ્યોર્જ ફર્નાન્ડિસ સાથે સમતા પાર્ટીની સ્થાપના કરી. 1998થી 2004 દરમિયાન તેઓ અટલ બિહારી વાજપેયીની સરકારમાં રેલવે મંત્રી અને કૃષિ મંત્રી તરીકે મહત્વપૂર્ણ જવાબદારીઓ સંભાળી હતી.
3 માર્ચ, 2000ના રોજ તેઓ પહેલીવાર બિહારના મુખ્યમંત્રી બન્યા હતા, જોકે બહુમતીના અભાવે તેમને માત્ર 7 દિવસમાં રાજીનામું આપવું પડ્યું હતું. ત્યારબાદ 2005માં ભાજપ સાથે ગઠબંધન કરીને તેમણે ફરી સત્તા મેળવી અને બિહારમાં વિકાસના નવા અધ્યાયની શરૂઆત કરી.
2010માં તેઓ ભારે બહુમતી સાથે ફરી સત્તામાં આવ્યા. ત્યારબાદ રાજકીય સમીકરણોમાં અનેક ફેરફારો આવ્યા. ક્યારે ભાજપ સાથે, તો ક્યારે આરજેડી સાથે ગઠબંધન કરીને તેમણે સત્તા સંભાળી. 2020 અને ત્યારબાદના વર્ષોમાં પણ તેઓ સતત રાજકીય કેન્દ્રમાં રહ્યા.
2025ની વિધાનસભા ચૂંટણીમાં પણ નીતિશ કુમારે પોતાની પકડ જાળવી રાખીને દસમી વખત મુખ્યમંત્રી બનીને ઈતિહાસ રચ્યો હતો. હવે તેમના સંભવિત રાજીનામા સાથે બિહારના રાજકારણમાં નવા અધ્યાયની શરૂઆત થવાની સંભાવના છે.
આ સમગ્ર ઘટનાક્રમને કારણે બિહારમાં રાજકીય હલચલ તેજ બની ગઈ છે અને આગામી દિવસોમાં રાજ્યની રાજનીતિમાં મોટા ફેરફારો જોવા મળી શકે છે.

રાજીનામા પહેલા નીતિશ કુમાર ભાવુક

રાજીનામા પહેલા નીતિશ કુમાર ભાવુક, 20 વર્ષના શાસનને યાદ કર્યું

બિહાર રાજકારણમાં મોટો વળાંક

ગુજરાત હાઈકોર્ટની ફાઈલ તસવીર

પાડલીયા ઘર્ષણ કેસમાં હાઈકોર્ટનું કડક વલણ, આદિજાતિ હક્કો અને તંત્રની ભૂમિકા સામે સવાલ

દાંતાના પાડલીયા વિવાદઃ હાઈકોર્ટે તંત્રનો ઉધડો લીધો

ઉત્તર પ્રદેશના નોઈડામાં પગાર વધારાની માંગ સાથે શરૂ થયેલું શ્રમિકોનું પ્રદર્શન બીજા દિવસે પણ અત્યંત હિંસક રહ્યું છે. સોમવારે 80થી વધુ સ્થળોએ 40 હજારથી વધુ ફેક્ટરી કર્મચારીઓ અને સુરક્ષા દળો વચ્ચે ઘર્ષણ થયું હતું. આ હિંસાના મામલે અત્યાર સુધીમાં 300 લોકોની ધરપકડ કરવામાં આવી છે, જ્યારે 100થી વધુ લોકોની પૂછપરછ કરવામાં આવી છે.
યુપીના મંત્રીને પાકિસ્તાન કનેક્શનની આશંકા&nbsp;
આ હિંસામાં હવે એક નવો વળાંક આવ્યો છે. ઉત્તર પ્રદેશના શ્રમ મંત્રી અનિલ રાજભરે દાવો કર્યો છે કે આ હિંસા ભડકાવવા પાછળ વિદેશી તાકાતો અથવા 'પાકિસ્તાની લિંક' હોઈ શકે છે. હાલમાં જ પકડાયેલા કેટલાક આતંકવાદીઓના સંદર્ભમાં પોલીસ આ એન્ગલથી તપાસ કરી રહી છે કે શું શ્રમિકોને ઉશ્કેરવા પાછળ કોઈ ષડયંત્ર છે.
સરકારે વેતન વધાર્યું પણ શ્રમિકો સંતુષ્ટ નહીં
હિંસક દેખાવોને જોતા ઉત્તર પ્રદેશ સરકારે તાત્કાલિક અસરથી લઘુત્તમ વેતનમાં વધારો કર્યો છે.
અકુશળ શ્રમિકો: રૂ. 11,313 થી વધારીને 13,690&nbsp;
અર્ધ-કુશળ શ્રમિકો: રૂ. 15059&nbsp;
કુશળ શ્રમિકો: રૂ. 16868&nbsp;
શ્રમિકોની માંગ- 20થી 25 હજાર હોવો જોઈએ પગાર
આ વધારો 1 એપ્રિલ 2026થી લાગુ ગણવામાં આવશે. તેમ છતાં, શ્રમિકોની માંગ છે કે મોંઘવારીને જોતા પગાર ઓછામાં ઓછો 20થી 25 હજાર હોવો જોઈએ. કેટલાક અફવાખોરોએ શ્રમિકોને એવી ખોટી માહિતી આપી છે કે સરકારે 20 હજાર પગાર નક્કી કર્યો છે પણ માલિકો આપતા નથી, જેના કારણે રોષ વધ્યો છે.
ઘરકામ કરતી મહિલાઓએ પણ પથ્થરમારો કર્યો
માત્ર ફેક્ટરી જ નહીં, પણ હવે સેક્ટર 121 જેવી સોસાયટીઓમાં કામ કરતી મેડ (ઘરકામ કરતી મહિલાઓ) અને સફાઈ કામદારોએ પણ પગાર વધારાની માંગ સાથે પથ્થરમારો શરૂ કર્યો છે. નોઈડાના સેક્ટર 70 અને 80માં સ્થિતિ હજુ પણ તણાવપૂર્ણ છે અને ભારે પોલીસ કાફલો તૈનાત કરવામાં આવ્યો છે.
&nbsp;

નોઇડામાં સતત બીજા દિવસે હિંસા

ઘરકામ કરતી મહિલાઓ પણ રસ્તા પર ઉતરી; સરકારને પાકિસ્તાન કનેક્શનની આશંકા

નોઈડામાં બીજા દિવસે પણ ઉગ્ર પ્રદર્શન

હોર્મુઝની ખાડીને લઈને વધી રહેલા વૈશ્વિક તણાવ વચ્ચે ભારત માટે મહત્વપૂર્ણ રાહતના સમાચાર સામે આવ્યા છે. ઈરાને સ્પષ્ટ રીતે જાહેરાત કરી છે કે હોર્મુઝમાંથી પસાર થતા ભારતીય જહાજો પાસેથી કોઈપણ પ્રકારનો &lsquo;ટોલ ટેક્સ&rsquo; વસૂલવામાં નહીં આવે. અમેરિકાની કડક નાકાબંધી અને વધતા સૈન્ય દબાણ વચ્ચે ઈરાનનો આ નિર્ણય ભારત માટે વ્યૂહાત્મક રીતે અત્યંત મહત્વપૂર્ણ માનવામાં આવી રહ્યો છે.
ભારતમાં ઈરાનના રાજદૂત મોહમ્મદ ફતાલીએ આ મુદ્દે મહત્વપૂર્ણ નિવેદન આપ્યું છે. તેમણે જણાવ્યું કે ઈરાન અને ભારત વચ્ચેના સંબંધો વિશ્વાસ અને સહયોગ પર આધારિત છે. &ldquo;તમે ભારત સરકારને પૂછી શકો છો કે શું અમે અત્યાર સુધી કોઈ પણ પ્રકારનો ચાર્જ વસૂલ્યો છે? મુશ્કેલ સમયમાં પણ અમારા સંબંધો મજબૂત રહ્યા છે,&rdquo; એમ તેમણે જણાવ્યું. તેમણે વધુમાં ઉમેર્યું કે ભવિષ્યમાં પણ ભારતીય જહાજોને હોર્મુઝમાંથી સુરક્ષિત રીતે પસાર થવા દેવામાં આવશે.
આ જાહેરાત એવા સમયે આવી છે જ્યારે અમેરિકાના પૂર્વ પ્રમુખ ડોનાલ્ડ ટ્રમ્પે ઈરાન સામે &lsquo;ઓપરેશન બ્લોકેડ&rsquo; શરૂ કર્યું છે. અમેરિકાએ ઈરાનના બંદરો અને સમુદ્રી માર્ગો પર કડક નાકાબંધી લાદી છે. અરબ સાગર અને હોર્મુઝની ખાડીમાં અમેરિકી નૌકાદળના 15થી વધુ વિધ્વંસક જહાજો તૈનાત કરવામાં આવ્યા છે, જે ઈરાનની ગતિવિધિઓ પર નજર રાખી રહ્યા છે.
અમેરિકન સેન્ટ્રલ કમાન્ડ અનુસાર USS ત્રિપોલી (LHA-7) ને ખાસ કરીને આ અભિયાન માટે તૈનાત કરવામાં આવ્યું છે. આ જહાજ પરથી આધુનિક F-35B સ્ટીલ્થ ફાઈટર જેટ્સ ઉડાન ભરી શકે છે, જે ઈરાનની હલચલ પર સતત નજર રાખી રહ્યા છે. અમેરિકાએ સ્પષ્ટ કર્યું છે કે નાકાબંધી માત્ર ઈરાન સાથે સીધા જોડાયેલા જહાજો માટે જ છે, જ્યારે અન્ય દેશોના જહાજોને પસાર થવાની મંજૂરી આપવામાં આવશે.
આ દરમિયાન ભારત સરકારે પણ સક્રિય પગલાં લીધા છે. જળમાર્ગ મંત્રાલયે જણાવ્યું છે કે હોર્મુઝ વિસ્તારમાં ફસાયેલા 15 ભારતીય જહાજોને સુરક્ષિત રીતે પરત લાવવા માટે વિદેશ મંત્રાલય સાથે મળીને પ્રયાસો તેજ કરવામાં આવ્યા છે. ભારત માટે હોર્મુઝનો માર્ગ ઊર્જા સપ્લાય માટે અત્યંત મહત્વપૂર્ણ છે, કારણ કે મોટા પ્રમાણમાં તેલ આયાત આ માર્ગથી થાય છે.
બીજી તરફ, બ્રિટન અને ઓસ્ટ્રેલિયા જેવા દેશોએ અમેરિકાની નાકાબંધીને સંપૂર્ણ સમર્થન આપવાનું ટાળ્યું છે, જે વૈશ્વિક સ્તરે મતભેદોને દર્શાવે છે. નિષ્ણાતો માને છે કે આ પરિસ્થિતિ આંતરરાષ્ટ્રીય રાજકારણમાં નવા ગઠબંધનો અને બદલાતા સમીકરણો તરફ ઈશારો કરે છે.
ટ્રમ્પે સોશિયલ મીડિયા પર ઈરાનને કડક ચેતવણી આપતાં જણાવ્યું હતું કે જો ઈરાની નૌકાદળ કોઈ પણ પ્રકારની આક્રમક હરકત કરશે તો અમેરિકી સેના તેનો કડક જવાબ આપશે. તેમણે ઈરાનની નૌકાદળની ક્ષમતાને લઈને પણ ટિપ્પણી કરી હતી, જેનાથી બંને દેશો વચ્ચે તણાવ વધુ વધ્યો છે.
આ દરમિયાન ઈરાનની સેનાએ પણ વળતો પ્રહાર કરતા ચેતવણી આપી છે કે જો તેમના તેલ નિકાસ અથવા બંદરોને નુકસાન પહોંચાડવામાં આવશે, તો તેઓ અરબ સાગર અને ઓમાનની ખાડીમાં અન્ય દેશોના હિતોને પણ અસર પહોંચાડી શકે છે.
ઈસ્લામાબાદમાં થયેલી અમેરિકા-ઈરાન વચ્ચેની શાંતિ વાટાઘાટો નિષ્ફળ જતા હાલ પરિસ્થિતિ વધુ ગંભીર બની છે. જોકે, ભારત માટે ઈરાનનો આ તાજો નિર્ણય વેપાર અને ઊર્જા સુરક્ષાના દ્રષ્ટિકોણથી રાહતરૂપ છે.
આ સમગ્ર પરિસ્થિતિમાં હવે દુનિયાની નજર હોર્મુઝની ખાડી પર ટકેલી છે, જ્યાંથી પસાર થતા જહાજો વૈશ્વિક અર્થતંત્ર માટે જીવનરેખા સમાન છે. ભારત માટે ઈરાનની આ ખાતરી ભવિષ્યમાં સ્થિરતા અને સુરક્ષા માટે મહત્વપૂર્ણ સાબિત થઈ શકે છે.

નાકાબંધી વચ્ચે ઈરાને ભારત સાથે નિભાવી મિત્રતા

ભારતીય જહાજોને ટોલમાંથી મુક્તિ, ટ્રમ્પની નાકાબંધી વચ્ચે ભારતને મોટી રાહત

હોર્મુઝમાં તણાવ વચ્ચે ઈરાનનો મોટો નિર્ણય

ગાંધીનગરના સાયબર સેન્ટર ઓફ એક્સલન્સ ખાતે પકડાયેલા આરોપીઓની તસવીર

સૌથી મોટા સાયબર ફ્રોડમાં ઉત્તર ગુજરાતના 16 શખ્સો ઝડપાયા, કરોડોના નેટવર્કનો ખુલાસો

સાયબર ફ્રોડ મામલે ઉત્તર ગુજરાત બન્યું ‘જામતાડા’

22 ગામના ખેડૂતોએ એકઠાં થઈ અધૂરી કેનાલ મુદ્દે રાજ્ય સરકાર સામે મોરચો માડતાં તંત્રમાં દોડધામ

વાવ તાલુકાના ખેડૂતોનો પાણી મુદ્દે ચૂંટણી બહિષ્કાર

સ્થાનિક સ્વરાજની ચૂંટણી પહેલાં ટિકિટ વિતરણથી ભાજપ-કોંગ્રેસમાં બળવો અને પક્ષપલટાની મોસમ

ટિકિટ મુદ્દે ભાજપ-કોંગ્રેસમાં બળવો અને રાજીનામા

ક્રિકેટથી મેડિકલ સુધીની પ્રેરણાદાયી સફરનું વર્ણન, ડોક્ટરની માનવતા અને સંવેદનાની કહાની

Human First પુસ્તક, એક ડોક્ટરની માનવતાની સફર

જિલ્લા પંચાયતની બેઠકોના સીમાંકન અને અનામત ફાળવણીની અરજી ગુજરાત હાઈકોર્ટે ફગાવી

વાવ-થરાદ જિલ્લા પંચાયત સીમાંકનની વાંધા અરજી ફગાવી

રાજ્યના પોલીસ વડા ડૉ. કે.એલ.એન રાવે ‘સાયબર સેન્ટર ઓફ એક્સેલન્સ’ની કામગીરીની સમીક્ષા કરી

સાયબર ગુનાઓ બાબતે ગુજરાત પોલીસ ગંભીરઃ DGP

28 હજારને આંશિક અસર, ગેસની અછત નહી પણ આર્થિક અડચણના કારણે ઉદ્યોગો બંધ થયાનો દાવો

મિડલ ઈસ્ટ યુદ્ધઃ ગુજરાતના 1212 ઉદ્યોગગૃહોને તાળાં

16 વર્ષ બાદ રાષ્ટ્રીય પોલીસ ડ્યુટી મીટમાં ગુજરાત પોલીસ ડોગે ગોલ્ડ જીતી ગૌરવ વધાર્યું

ગુજરાત પોલીસ ડોગ ‘ચેક’એ જીત્યો ગોલ્ડ મેડલ

ઢોસાના ખીરા બાદ બાળકીઓના મોતનો મામલો; માતા-પિતાના રિપોર્ટમાં ઘેનની દવા, હત્યા કે આત્મહત્યા