Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

Supreme Court: દેશની સર્વોચ્ચ અદાલત સુપ્રીમ કોર્ટમાં એક એવી ઘટના સામે આવી છે, જેણે કોર્ટરૂમની ગૌરવશાળી પરંપરા અને શિસ્ત અંગે ફરી ચર્ચા જગાવી છે. સુનાવણી દરમિયાન એક અરજદારે ચીફ જસ્ટિસ સમક્ષ ઉગ્ર વર્તન કરતાં અપશબ્દો બોલ્યા હોવાનો અને ત્યારબાદ કોર્ટરૂમમાં કાગળો ફેંકી હોબાળો મચાવ્યાનો બનાવ સામે આવ્યો છે.સ્થિતિ બેકાબૂ બનતા સુરક્ષાકર્મીઓને વચ્ચે પડી કાર્યવાહી કરવી પડી અને સંબંધિત વ્યક્તિને કોર્ટરૂમની બહાર લઈ જવામાં આવ્યો.આ ઘટનાએ કોર્ટમાં હાજર વકીલો, અરજદારો અને અન્ય લોકોમાં આશ્ચર્ય ફેલાવ્યું હતું. સામાન્ય રીતે સુપ્રીમ કોર્ટમાં કડક શિસ્ત અને નિયમોનું પાલન કરવામાં આવે છે, ત્યારે આવી ઘટના અત્યંત અસામાન્ય માનવામાં આવી રહી છે.
શું બની સમગ્ર ઘટના? મળતી માહિતી અનુસાર, અરજદાર પોતાની અરજીની સુનાવણી દરમિયાન બેન્ચ સમક્ષ હાજર થયો હતો. શરૂઆતમાં તેણે ઉત્તર પ્રદેશ પોલીસના એક અધિકારી વિરુદ્ધ FIR નોંધાવવાનો આદેશ આપવા માટે અદાલતને કહ્યું. જોકે, સુનાવણી દરમિયાન બેન્ચ દ્વારા પૂછાયેલા પ્રશ્નો બાદ તે અચાનક ઉશ્કેરાઈ ગયો. ત્યારબાદ તેણે કેસના કાગળો કોર્ટરૂમમાં ફેંકી દીધા અને મુખ્ય ન્યાયાધીશ સહિત બેન્ચ સામે અપમાનજનક ભાષાનો ઉપયોગ કર્યો.
કાગળો ફેંકી મચાવ્યો હોબાળો સ્થિતિ વધુ તંગ ત્યારે બની જ્યારે અરજદારે પોતાની પાસે રહેલા દસ્તાવેજો અને કાગળો કોર્ટરૂમમાં ફેંકવાનું શરૂ કર્યું.કોર્ટની કાર્યવાહી થોડા સમય માટે પ્રભાવિત થઈ અને હાજર લોકો પણ ચોંકી ઊઠ્યા.કોર્ટની ગૌરવપૂર્ણ કામગીરીમાં વિક્ષેપ પડતાં સુરક્ષાકર્મીઓ તાત્કાલિક સક્રિય થયા અને સંબંધિત વ્યક્તિને કોર્ટરૂમની બહાર લઈ ગયા.
ખંડપીઠ સમક્ષ સુનાવણી દરમિયાન બની ઘટના જસ્ટિસ કે.વી. વિશ્વનાથન અને આલોક આરાધેની બનેલી ખંડપીઠ સમક્ષ સુનાવણી દરમિયાન આ ઘટના બની હતી. અરજદાર વકીલ વિના કેસમાં પોતાનું પ્રતિનિધિત્વ કરી રહ્યો હતો. સુનાવણી દરમિયાન, તેણે પોતાને સાર્વભૌમ જાહેર કર્યા અને ફાઇલો હવામાં ઉડાડી હતી. તેમના બેજવાબદાર વર્તનને ધ્યાનમાં રાખીને, કોર્ટે ખૂબ જ કડક વલણ અપનાવ્યું હતુ. સુરક્ષા અધિકારીઓને તાત્કાલિક કડક કાર્યવાહી કરવાનો નિર્દેશ આપ્યો હતો.
સુરક્ષા કર્મચારીઓની તાત્કાલિક કાર્યવાહી સુપ્રીમ કોર્ટમાં સુરક્ષા વ્યવસ્થા ખૂબ જ કડક હોય છે. ઘટનાની ગંભીરતાને ધ્યાનમાં રાખીને સુરક્ષાકર્મીઓએ વિલંબ કર્યા વિના કાર્યવાહી કરી.તેમણે અરજદારને શાંતિપૂર્ણ રીતે કોર્ટરૂમમાંથી બહાર કાઢ્યો,જેથી સુનાવણી ફરી સામાન્ય રીતે શરૂ થઈ શકે.ભારતની ન્યાયવ્યવસ્થામાં કોર્ટરૂમની શિસ્તને અત્યંત મહત્વ આપવામાં આવે છે.કોઈપણ પક્ષકારને પોતાનો મુદ્દો રજૂ કરવાનો સંપૂર્ણ અધિકાર છે, પરંતુ તે કોર્ટના નિયમો અને મર્યાદાનું પાલન કરીને જ કરવો પડે છે.અદાલતમાં ગેરવર્તન,અપશબ્દોનો ઉપયોગ અથવા કાર્યવાહી ખોરવવાનો પ્રયાસ ગંભીર બાબત માનવામાં આવે છે.
કોર્ટના ગેરવર્તણૂકની સજા શું છે? સુપ્રીમ કોર્ટના અવમાનનાની સજા અધિનિયમ, 1971 હેઠળ નક્કી કરવામાં આવે છે. સુપ્રીમ કોર્ટ પાસે અવમાનનાના દોષિત વ્યક્તિને વધુમાં વધુ 6 મહિના સુધીની કેદ, અથવા 2,000 રૂપિયા સુધીનો દંડ, અથવા બંનેની સજા આપવાનો અધિકાર છે. જોકે, સજા નક્કી કરતી વખતે કોર્ટ કેસની ગંભીરતા, આરોપીનું વર્તન અને માફી અથવા સુધારવાની સ્થિતિને ધ્યાનમાં રાખે છે.
દેશના લોકશાહી માળખાનો મહત્વપૂર્ણ આધારસ્તંભ સુપ્રીમ કોર્ટમાં બનેલી આ ઘટના ન્યાયતંત્રમાં શિસ્ત અને ગૌરવ જાળવવાના મહત્વને ફરી ઉજાગર કરે છે. કોઈપણ વ્યક્તિને પોતાનો પક્ષ રજૂ કરવાનો અધિકાર છે, પરંતુ તે હંમેશા કોર્ટના નિયમો અને મર્યાદાઓનું પાલન કરીને જ થવો જોઈએ.કોર્ટરૂમમાં અપશબ્દો બોલવા, હોબાળો મચાવવો અથવા કાર્યવાહી ખોરવવાનો પ્રયાસ માત્ર ન્યાયિક પ્રક્રિયામાં વિક્ષેપ જ નથી, પરંતુ અદાલતની ગૌરવપૂર્ણ પરંપરાને પણ અસર પહોંચાડે છે. આવી ઘટનાઓ ન્યાયતંત્ર પ્રત્યેની જવાબદારી અને શિસ્તનું મહત્વ યાદ અપાવે છે.ઘટનાને લઈને આગળ શું કાર્યવાહી થશે તે અંગે હજુ સુધી સુપ્રીમ કોર્ટ તરફથી કોઈ સત્તાવાર વિગત જાહેર કરવામાં આવી નથી
&nbsp;

કોર્ટરૂમમાં કાગળો ઉડાવ્યા,CJI સામે ગેરવર્તન પડ્યું ભારે,સુપ્રીમ કોર્ટે લીધો કડક નિર્ણય

સુપ્રીમ કોર્ટમાં બની ચોંકાવનારી ઘટના!

Ahmedabad Call Center Scam Busted: ગુજરાતના પાટનગર ગાંધીનગર સીઆઈડી ક્રાઈમના સાયબર સેન્ટર ઓફ એક્સેલન્સની ટીમે આજે 10 જુલાઈના રોજ એક મોટી સફળતા હાસલ કરી છે. સાયબર પોલીસે અમદાવાદના વસ્ત્રાલ વિસ્તારમાં ધમધમતા એક હાઈટેક કોલ સેન્ટર પર ઓચિંતો દરોડો પાડીને દેશભરના હજારો લોકો સાથે કરોડો રૂપિયાની છેતરપિંડી આચરતા એક મોટા આંતરરાજ્ય રેકેટનો પર્દાફાશ કર્યો છે. આ ગેંગ સેક્સ્યુઅલ પાવર વધારવાની અને આયુર્વેદિક દવાઓના ઓનલાઈન વેચાણના બહાને લોકોને પોતાની જાળમાં ફસાવતી હતી. પ્રાથમિક તપાસમાં સામે આવ્યું છે કે આ નેટવર્ક દ્વારા દેશભરના અસંખ્ય લોકો પાસેથી ડરાવી-ધમકાવીને કરોડો રૂપિયા પડાવવામાં આવ્યા છે. પોલીસે આ કેસમાં અમદાવાદ અને ઉત્તર પ્રદેશથી મુખ્ય સૂત્રધાર અને એક યુવતી સહિત કુલ 7 સાગરીતોની ધરપકડ કરીને કાયદેસરની કડક કાર્યવાહી હાથ ધરી છે.
સોશિયલ મીડિયા પર લોભામણી જાહેરાતો આપીને ગ્રાહકોને ફસાવવાની મોડસ ઓપરેન્ડી સાયબર પોલીસની તપાસમાં આ આરોપીઓની ગુના આચરવાની પદ્ધતિ ખૂબ જ ચોંકાવનારી હોવાનું બહાર આવ્યું છે. આ ટોળકી ફેસબુક, ઇન્સ્ટાગ્રામ અને અન્ય લોકપ્રિય સોશિયલ મીડિયા પ્લેટફોર્મ પર "શક્તિવર્ધક દવા", "100 ટકા ગેરંટી", "ચમત્કારિક આયુર્વેદિક સારવાર" અને "પરફોર્મન્સ વધારવાની અકસીર દવા" જેવી લોભામણી તેમજ આકર્ષક જાહેરાતો પોસ્ટ કરતી હતી. આ ડિજિટલ જાહેરાતોમાં આપેલા ફોન નંબર પર જ્યારે પણ કોઈ જરૂરિયાતમંદ ગ્રાહક સંપર્ક કરતો, ત્યારે કોલ સેન્ટરના તાલીમબદ્ધ કર્મચારીઓ નકલી ડોક્ટર અથવા તબીબી નિષ્ણાત બનીને વાત કરતા હતા. તેઓ ગ્રાહકોને વિશ્વાસમાં લઈને અને ખોટી તબીબી સલાહ આપીને આ નકલી દવાઓ ખરીદવા માટે સરળતાથી સમજાવી લેતા હતા.
દવા ખરીદનાર કે ન સ્વીકારનારને નકલી પોલીસ અધિકારી બની ધમકાવવાનો ખેલ આ ગેંગનો અસલી ગુનાહિત ખેલ ગ્રાહક દ્વારા ઓર્ડર આપ્યા બાદ શરૂ થતો હતો. જો કોઈ ગ્રાહક કુરિયરથી આવેલું પાર્સલ મેળવીને નાણાં ચૂકવી દે, તો આરોપીઓ થોડા દિવસો પછી તેને ફરીથી ફોન કરતા હતા. આ વખતે આરોપીઓ નકલી પોલીસ અધિકારી, કસ્ટમ ઓફિસર કે સરકારી ડોક્ટર તરીકેની ઓળખ આપતા હતા અને ગ્રાહકને ધમકાવતા હતા કે તેઓએ ઓનલાઇન માધ્યમથી પ્રતિબંધિત કે ગેરકાયદેસર શક્તિવર્ધક દવા મંગાવી છે જે કાયદાકીય ગુનો છે. ગ્રાહકના જ રહેણાંક વિસ્તારના સ્થાનિક પોલીસ સ્ટેશન કે જિલ્લા પોલીસ અધિક્ષકની કચેરીના નામે ખોટી એફઆઈઆર (FIR) અને ધરપકડનો કડક ડર બતાવીને કેસ રફેદફે કરવાના બહાને 2000 રૂપિયાથી લઇને 1 લાખ રૂપિયા સુધીની તોતિંગ રકમ બળજબરીપૂર્વક પડાવતા હતા. વળી, જો કોઈ ગ્રાહક ડરના કારણે કે અન્ય કારણસર પાર્સલ સ્વીકારવાની ના પાડે, તો પણ તેને જેલની સજા અને કોર્ટ કેસની ધમકી આપીને આ જ રીતે મોટી રકમ વસૂલવામાં આવતી હતી.
પોસ્ટ અને કુરિયર દ્વારા દવાની ડિલિવરી, ઉત્તર પ્રદેશનો દેવેન્દ્ર રાજાવત મુખ્ય માસ્ટરમાઇન્ડ આ ગુનાહિત નેટવર્કના સંચાલન માટે આરોપીઓ ગ્રાહકો પાસેથી ઓનલાઈન ઓર્ડર મેળવ્યા બાદ ભારતીય પોસ્ટ અને ખાનગી કુરિયર સર્વિસ મારફતે દવાના પાર્સલની ડિલિવરી મોકલતા હતા. આ સમગ્ર ગેરકાયદેસર કારોબાર અમદાવાદના વસ્ત્રાલ વિસ્તારમાં ભાડે રાખેલા એક હાઈટેક કોલ સેન્ટર પરથી ઓપરેટ કરવામાં આવતો હતો. સાયબર ક્રાઈમની સઘન પૂછપરછ અને ટેકનિકલ એનાલિસિસમાં જાણવા મળ્યું છે કે ઉત્તર પ્રદેશના ઇટાવામાં રહેતો દેવેન્દ્રસિંહ રાજાવત આ સમગ્ર આંતરરાજ્ય ગેરકાયદેસર ધંધાનો મુખ્ય સંચાલક અને માસ્ટરમાઇન્ડ છે, જે પડદા પાછળ રહીને આખી ગેંગને હેન્ડલ કરતો હતો.
સોશિયલ મીડિયા પર જાહેરાતો પાછળ રોજનો 30 હજાર રૂપિયાનો જંગી ખર્ચ સાયબર ક્રાઈમની ટેકનિકલ તપાસમાં વધુ એક ચોંકાવનારી વિગત સામે આવી છે કે આ ટોળકી પોતાના નકલી વેપારને વિસ્તારવા માટે સોશિયલ મીડિયા પ્લેટફોર્મ્સ પર જાહેરાતો આપવા પાછળ દરરોજ અંદાજે 30 હજાર રૂપિયા જેટલો મોટો ખર્ચ કરતી હતી. ઝડપાયેલા કમ્પ્યુટર અને ડિજિટલ ડેટાના ઝીણવટભર્યા વિશ્લેષણ પરથી સાબિત થયું છે કે આરોપીઓ હજારો લોકોના ખાનગી ડેટાબેઝનો ઉપયોગ કરીને સંભવિત ગ્રાહકોને ટાર્ગેટ કરતા હતા અને પૂર્વનિયોજિત સ્ક્રિપ્ટના આધારે લોકોને નિશાન બનાવતા હતા.
દેશભરના 5 હજારથી વધુ નિર્દોષ લોકો ભોગ બન્યા હોવાની પ્રબળ આશંકા દરોડા દરમિયાન પોલીસને મળેલા મહત્વના ડિજિટલ પુરાવાઓ અને દસ્તાવેજોના આધારે અત્યાર સુધી દેશભરમાં અંદાજે 4 થી 5 હજાર જેટલા નિર્દોષ લોકો આ સાયબર ગેંગનો શિકાર બન્યા હોવાની પ્રબળ આશંકા સેવાઈ રહી છે. ભારતના વિવિધ રાજ્યોમાંથી રાષ્ટ્રીય સાયબર પોર્ટલ પર નોંધાયેલી ફરિયાદોના આધારે પોલીસ દ્વારા વધુ તપાસ હાથ ધરવામાં આવી રહી છે. પોલીસ તપાસમાં એ પણ સામે આવ્યું છે કે આરોપીઓ વસ્ત્રાલ ખાતે 15 સીટરની ક્ષમતા ધરાવતું મોટું કોલ સેન્ટર ચલાવતા હતા, એટલું જ નહીં, આ ગેંગ ઉત્તર પ્રદેશના બીધુના ખાતે આવી જ બીજી એક ટીમ સાથે નવું કોલ સેન્ટર શરૂ કરવાની ફિરાકમાં હતી તે પહેલા જ પોલીસે તેમનો પ્લાન નિષ્ફળ બનાવ્યો છે.
દરોડા દરમિયાન 44 મોબાઈલ ફોન અને કમ્પ્યુટર સહિતનો મુદ્દામાલ જપ્ત સાયબર સેન્ટર ઓફ એક્સેલન્સની ટીમે દરોડા દરમિયાન ઘટનાસ્થળેથી મોટા પ્રમાણમાં ઇલેક્ટ્રોનિક અને ડિજિટલ મુદ્દામાલ કબ્જે કર્યો છે. જપ્ત કરાયેલા સામાનમાં 44 મોબાઇલ ફોન, 23 સીપીયુ (CPU), 2 લેપટોપ, 1 મોનિટર, 3 કોલર આઇડી ફોન, 3 પેન ડ્રાઇવ, 5 બેંક પાસબુક, 1 ચેક બુક અને 1 ક્યૂઆર (QR) કોડનો સમાવેશ થાય છે. આ ઉપરાંત ગ્રાહકોને ધમકાવવા માટે વપરાતી કોલર ટ્રાન્સસ્ક્રિપ્ટની નકલો, શક્તિવર્ધક દવાના 2 બોક્સ તેમજ ગ્રાહકોને છેતરવા માટે બનાવેલી નકલી પેઢીઓ જેવી કે તન્વી એન્ટરપ્રાઇઝિસ, અસ્વની આયુર્વેદ, ડી આર આયુર્વેદ અને આયુર્શક્તિ આયુર્વેદ નામના 5 નકલી રબર સ્ટેમ્પ પણ પોલીસે રિકવર કર્યા છે.
14 બેંક ખાતાઓમાંથી 5 કરોડ રૂપિયાથી વધુના શંકાસ્પદ નાણાકિય વ્યવહારો મળ્યા પકડાયેલા આરોપીઓની પ્રાથમિક પૂછપરછમાં તેમના દ્વારા ઓપરેટ કરવામાં આવતા વિવિધ બેંકોના 14 જેટલા શંકાસ્પદ બેંક ખાતાઓ મળી આવ્યા છે. આ ખાતાઓની પ્રાથમિક તપાસ દરમિયાન પોલીસને 5 કરોડ રૂપિયાથી વધુના શંકાસ્પદ અને ગેરકાયદેસર નાણાકીય વ્યવહારો મળી આવ્યા છે, જે ગ્રાહકો પાસેથી પડાવવામાં આવ્યા હતા. આ બેંક ખાતાઓ વિરૂદ્ધ નેશનલ સાયબર ક્રાઇમ રિપોર્ટિંગ પોર્ટલ (NCCRP) પર અગાઉથી જ દેશના અલગ-અલગ રાજ્યોમાંથી 6 જેટલી ગંભીર ફરિયાદો નોંધાયેલી છે, જેમાં દિલ્હીની 1, રાજસ્થાનની 2 અને ઉત્તર પ્રદેશની 3 ફરિયાદોનો સમાવેશ થાય છે. સાયબર સેન્ટર ઓફ એક્સેલન્સની ટીમ આ સમગ્ર આંતરરાજ્ય નેટવર્કના મૂળ સુધી પહોંચવા અને આ કાળા કારોબારમાં સામેલ અન્ય સહયોગીઓને પકડવા માટે આગળની સઘન તપાસ ચલાવી રહી છે.
ઓનલાઈન આયુર્વેદિક અને લોભામણી જાહેરાતોથી સાવચેત રહેવા પોલીસની જાહેર અપીલ સાયબર સેન્ટર ઓફ એક્સેલન્સની ટીમે આ કેસના પગલે સામાન્ય જનતાને જાગૃત કરવા માટે એક મહત્વપૂર્ણ એડવાઇઝરી અને અપીલ જાહેર કરી છે. સોશિયલ મીડિયા પ્લેટફોર્મ, સર્ચ એન્જિન, અજાણી વેબસાઇટ અથવા અન્ય ઓનલાઇન માધ્યમો પર દર્શાવાતી હેલ્થકેર, સેક્સ પાવર વધારવાની દવાઓ, આયુર્વેદિક પ્રોડક્ટ્સ કે ચમત્કારિક પરિણામોનો દાવો કરતી આકર્ષક જાહેરાતોથી પ્રભાવિત થઈને કોઈ પણ વસ્તુ ખરીદતા પહેલાં તેની વિશ્વસનીયતા અને વેચનાર કંપનીની ઓળખની સંપૂર્ણ ચકાસણી કરવી અત્યંત જરૂરી છે. કોઈપણ પ્રમાણિત ડોક્ટરની યોગ્ય સલાહ વગર ઓનલાઈન આવી દવાઓ લેવી સ્વાસ્થ્ય માટે અત્યંત હાનીકારક અને જીવલેણ સાબિત થઇ શકે છે.&nbsp;
માત્ર લોભામણી ઓફરો, ભારે ડિસ્કાઉન્ટ, "100% ગેરંટી" કે "ત્વરિત પરિણામ" દર્શાવતી જાહેરાતોના આધારે ક્યારેય ખરીદી કરવી નહીં અને હંમેશા અધિકૃત સરકારી વેબસાઇટ, રજીસ્ટર્ડ ડીલર અથવા વિશ્વસનીય ઈ-કોમર્સ પ્લેટફોર્મનો જ ઉપયોગ કરવો હિતાવહ છે. કોઈપણ અજાણી વેબસાઇટ, વોટ્સએપ નંબર કે સોશિયલ મીડિયા પેજ પર પોતાની વ્યક્તિગત માહિતી, બેંક ખાતાની વિગતો, ડેબિટ કે ક્રેડિટ કાર્ડની માહિતી, ઓટીપી (OTP), સીવીવી (CVV) અથવા યુપીઆઈ પિન (UPI PIN) જેવી ગોપનીય માહિતી ક્યારેય શેર કરવી નહીં. જો કોઈ પણ નાગરિક આવી કોઈપણ પ્રકારની ઓનલાઈન છેતરપિંડી કે સાયબર ક્રાઈમનો ભોગ બને, તો તેણે સમય બગાડ્યા વિના તાત્કાલિક રાષ્ટ્રીય સાયબર હેલ્પલાઇન નંબર 1930 પર કોલ કરવો અથવા સત્તાવાર સાયબર ક્રાઈમ પોર્ટલ પર જઈને પોતાની ફરિયાદ નોંધાવવી જોઈએ જેથી ગુનેગારો સામે ત્વરિત પગલાં લઈ શકાય.

શક્તિવર્ધક દવાના નામે કરોડોની છેતરપિંડી કરનાર ગેંગ

સાયબર પોલીસે આંતરરાજ્ય કોલ સેન્ટરનો કર્યો પર્દાફાશ, 7 ઝડપાયા

શક્તિવર્ધક દવાના નામે કરોડોની છેતરપિંડી

Rajkot: રાજકોટમાં લોકગાયિકા માયા આહીર અને જાણીતા લોકગાયક કીર્તિદાન ગઢવીને લઈને સોશિયલ મીડિયા પર શરૂ થયેલી ચર્ચાએ હવે વધુ વેગ પકડ્યો છે.તાજેતરમાં સામાજિક આગેવાન પુરુષોત્તમ પીપળીયાએ સોશિયલ મીડિયા પર કરેલી પોસ્ટ બાદ સમગ્ર મુદ્દો ફરી ચર્ચાના કેન્દ્રમાં આવી ગયો છે.સોશિયલ મીડિયા પર વિવિધ પ્રકારની પ્રતિક્રિયાઓ સામે આવી રહી છે,જેના કારણે આ મામલો માત્ર મનોરંજન જગત પૂરતો મર્યાદિત રહ્યો નથી પરંતુ સામાજિક અને જાહેર ચર્ચાનો વિષય બની ગયો છે.
પુરુષોત્તમ પીપળીયાનો દાવો છે કે મહાનગરપાલિકાના સાંસ્કૃતિક વિભાગ દ્વારા આયોજિત ડાયરા કાર્યક્રમોમાં જાહેર નાણાંમાંથી લોક કલાકારોને ચૂકવવામાં આવેલા મહેનતાણા અંગે પારદર્શિતા હોવી જોઈએ.સોશિયલ મીડિયા પર કેટલાક બિલો પણ વાયરલ થઈ રહ્યા છે, જેમાં ડાયરા કાર્યક્રમો પાછળ નોંધપાત્ર ખર્ચ દર્શાવાયો હોવાનો દાવો કરવામાં આવી રહ્યો છે.જોકે,આ વાયરલ દસ્તાવેજોની સ્વતંત્ર પુષ્ટિ થઈ નથી.
સોશિયલ મીડિયા પર વધી ચર્ચા તાજેતરના દિવસોમાં માયા આહીર અને કીર્તિદાન ગઢવીને લગતા મુદ્દે અનેક પોસ્ટ,વીડિયો અને ટિપ્પણીઓ સોશિયલ મીડિયા પર વાયરલ થઈ રહી છે.લોકો પોતાના-પોતાના અભિપ્રાયો વ્યક્ત કરી રહ્યા છે.આ દરમિયાન સામાજિક આગેવાન પુરુષોત્તમ પીપળીયાની પોસ્ટ બાદ ચર્ચામાં વધુ તેજી આવી છે.ફેસબુક, ઇન્સ્ટાગ્રામ, એક્સ (ટ્વિટર) અને વોટ્સએપ સહિત વિવિધ સોશિયલ મીડિયા પ્લેટફોર્મ પર આ મુદ્દે સતત ચર્ચા ચાલી રહી છે. કેટલાક લોકો પોસ્ટને સમર્થન આપી રહ્યા છે તો કેટલાક તેનો વિરોધ પણ કરી રહ્યા છે.
કલાકારોને ચૂકવવામાં આવેલી મોટી રકમનો ખુલાસો&nbsp; માયા આહિરે એક ડાયરાના 3.50 લાખ અને કીર્તિદાને બે ડાયરાના 10 લાખ લીધા,આ દરમિયાન કુલ 4 ડાયરા થયા હતા. જેમાં માત્ર એક સરકારી કાર્યક્રમમાં માયા આહિરે એક ડાયરાના રૂ. 3.50 લાખ સરકારી તિજોરીમાંથી લીધા હતા.જ્યારે કિર્તીદાન ગઢવીએ 2 ડાયરાના કુલ રૂ. 10 લાખ (રૂ. 5-5 લાખ લેખે બે વાર) ફી પેટે પ્રજાના ટેક્સના પૈસામાંથી વસૂલ્યા હતા.આમ,જે કલાકારો પ્રજાના ટેક્સ પર સવાલ ઉઠાવે છે,તેઓ પોતે જ પ્રજાના ટેક્સના લાખો રૂપિયા સરકારી કાર્યક્રમોમાંથી મેળવે છે.
પુરુષોત્તમ પીપળીયાની પોસ્ટ બાદ વધ્યો વિવાદ સામાજિક આગેવાન પુરુષોત્તમ પીપળીયાએ પોતાના સોશિયલ મીડિયા એકાઉન્ટ પર કરેલી પોસ્ટમાં કેટલાક મુદ્દાઓ ઉઠાવ્યા હોવાનું સામે આવ્યું છે.આ પોસ્ટ વાયરલ થતા અનેક લોકો તેની તરફ આકર્ષાયા અને તેના પર પોતાની પ્રતિક્રિયાઓ આપવા લાગ્યા.આ પોસ્ટ બાદ ચર્ચાનો વ્યાપ વધુ વધી ગયો અને વિવિધ સામાજિક સંગઠનો તેમજ લોકોએ પણ પોતાના અભિપ્રાયો વ્યક્ત કરવા શરૂ કર્યા.
માયા આહીર અને કીર્તિદાન ગઢવી ચર્ચાના કેન્દ્રમાં ગુજરાતી લોકસંગીત જગતમાં માયા આહીર અને કીર્તિદાન ગઢવી બંને લોકપ્રિય નામ છે. તેમના કાર્યક્રમો રાજ્ય ઉપરાંત દેશ-વિદેશમાં પણ યોજાતા રહે છે. તેથી તેમની સાથે જોડાયેલ કોઈપણ મુદ્દો ઝડપથી લોકો સુધી પહોંચે છે.હાલમાં સોશિયલ મીડિયા પર ચાલી રહેલી ચર્ચાને કારણે બંને કલાકારો ફરી ચર્ચાના કેન્દ્રમાં આવ્યા છે.
કલાકારોના નિવેદન અંગે વ્યક્ત કરી નારાજગી પુરુષોત્તમ પીપળીયાએ પોતાના નિવેદનમાં જણાવ્યું હતું કે સુરતમાં યોજાયેલા એક કાર્યક્રમ દરમિયાન ટેક્સ અને સોશિયલ મીડિયા પર વીડિયો બનાવતા લોકો અંગે કરવામાં આવેલી ટિપ્પણી તેમને વાંધાજનક લાગી હતી.તેમના મતે,જાહેર જીવન સાથે સંકળાયેલી વ્યક્તિઓએ સામાન્ય નાગરિકો વિશે નિવેદન આપતી વખતે વધુ જવાબદારી દાખવવી જોઈએ.તેમણે એવો પણ દાવો કર્યો કે જે કલાકારોને જાહેર સંસ્થાઓ દ્વારા આયોજિત કાર્યક્રમોમાં મહેનતાણું ચૂકવવામાં આવે છે, તેઓ પણ પરોક્ષ રીતે જાહેર નાણાંના લાભાર્થી બને છે. જોકે તેમણે સાથે એ પણ સ્પષ્ટ કર્યું કે કોઈપણ કલાકારને પોતાની કલા માટે વ્યાવસાયિક મહેનતાણું મેળવવાનો સંપૂર્ણ અધિકાર છે અને તેના સામે તેમને કોઈ વાંધો નથી. તેમનો મુદ્દો માત્ર જાહેર નાણાંના ઉપયોગ અને જાહેર નિવેદનો વચ્ચેની જવાબદારીનો હતો.
જનતાના પરસેવાના ટેક્સના પૈસા કલાકારોના ઘરમાં પણ પહોંચ્યા છે દિવ્ય ભાસ્કર સાથેની વાતચીતમાં RTI કરનારા રમેશ ઝીલરીયાએ આક્રોશ વ્યક્ત કરતા જણાવ્યું છે કે, દેશનો ગરીબમાં ગરીબ નાગરિક પણ જીએસટી અને પેટ્રોલ-ડીઝલ જેવા માધ્યમોથી સરકારને ટેક્સ ચૂકવે છે. જનતાના પરસેવાના આ જ ટેક્સના પૈસાથી સરકારી અધિકારીઓના પગાર થાય છે, નેતાઓ સુવિધાઓ ભોગવે છે અને આ જ કલાકારોના ઘરમાં પણ તે પૈસા પહોંચ્યા છે. કલાકારોએ જાહેરમાં જનતાનું અપમાન કરીને તેમની લાગણી દુભાવી છે.
સરકારી કાર્યક્રમોમાંથી કરેલી કમાણી પર ઉઠ્યા સવાલ ઉલ્લેખનીય છે કે, આ સમગ્ર ઘટનાએ લોકકલાકારોની નૈતિકતા અને તેમણે સરકારી કાર્યક્રમોમાંથી કરેલી કમાણી પર મોટા સવાલો ઉભા કર્યા છે. સામાન્ય જનતામાં એવી ચર્ચા ચાલી રહી છે કે જે કલાકારો ગરીબ અને મધ્યમ વર્ગના પૈસે જ મોટા કલાકાર બન્યા છે, તેઓ આજે પ્રજાના ટેક્સની મજાક ઉડાવી રહ્યા છે. RTI એક્ટ દ્વારા બહાર આવેલા રૂ.3.50 લાખ અને રૂ.10 લાખના આંકડાએ કલાકારોના બેવડા વલણને ખુલ્લું પાડી દીધું છે. ત્યારે હવે આગામી દિવસોમાં આ મામલો વધુ ગરમાય તેવી શક્યતા છે.
હજુ સુધી કોઈ સત્તાવાર સ્પષ્ટતા નહીં આ સમગ્ર મામલે માયાભાઈ આહિર (Mayabhai Ahir), કીર્તિદાન ગઢવી (Kirtidan Gadhvi) અથવા રાજકોટ મહાનગરપાલિકા તરફથી સત્તાવાર નિવેદન જાહેર કરવામાં આવ્યું નથી. આગામી દિવસોમાં સંબંધિત પક્ષો તરફથી સ્પષ્ટતા આવે છે કે નહીં તેના પર સૌની નજર છે.
&nbsp;

માયાભાઈ આહિરના નિવેદનનો જવાબ? પુરુષોત્તમ પીપળીયાએ જાહેર કર્યા ફીના વિગતવાર આંકડા

રાજકોટમાં ડાયરા વિવાદ વધુ ઘેરાયો

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">Suspended engineer surrenders to High Court: <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">સુરતના નાસીરનગર વિસ્તારના વિવાદાસ્પદ ડિમોલિશન કાર્યવાહી હવે કાનૂની લડાઈના નવા તબક્કામાં પ્રવેશી છે. સુરત મહાનગરપાલિકાના સસ્પેન્ડ થયેલા એક્ઝિક્યુટિવ એન્જિનિયર સુજલ પ્રજાપતિએ પોતાના સસ્પેન્શન સામે ગુજરાત હાઈકોર્ટમાં સ્પેશિયલ સિવિલ એપ્લિકેશન દાખલ કરીને કાર્યવાહીને પડકારી છે. આ અરજીમાં તેમણે સસ્પેન્શનને એકતરફી અને કુદરતી ન્યાયના સિદ્ધાંતો વિરુદ્ધ ગણાવ્યું છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">સસ્પેન્શન રદ કરી સેવા પર પુનઃસ્થાપનની માંગ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અરજીમાં સુજલ પ્રજાપતિએ કોર્ટને વિનંતી કરી છે કે, તેમની સામેનો સસ્પેન્શન આદેશ રદ કરવામાં આવે અને તેમને અગાઉના હોદ્દા પર ફરીથી ફરજ પર મુકવામાં આવે. તેમનું કહેવું છે કે, સમગ્ર કાર્યવાહી દરમિયાન તેમને યોગ્ય રીતે પોતાની વાત રજૂ કરવાની પૂરતી તક આપવામાં આવી નહોતી.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કમિશનરના આદેશથી સ્થળે ગયાનો દાવો <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">સુજલ પ્રજાપતિએ હાઈકોર્ટ સમક્ષ દાવો કર્યો છે કે, તેઓ નાસીરનગર ડિમોલિશન સ્થળે પોતાની ઇચ્છાથી ગયા નહોતા. તેમના કહેવા મુજબ તેઓ મ્યુનિસિપલ કમિશનર એમ. નાગરાજન તરફથી મળેલી સૂચનાઓના આધારે જ સ્થળ પર હાજર રહ્યા હતા. અરજીમાં તેમણે આ દાવાને સમર્થન આપવા માટે વોટ્સએપ ચેટ સહિતના ડિજિટલ સંચારના દસ્તાવેજો રજૂ કર્યા હોવાનું જાણવા મળ્યું છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">વોટ્સએપ ચેટ સહિતના પુરાવા કોર્ટમાં રજૂ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પિટિશનમાં રજૂ થયેલા દસ્તાવેજો અનુસાર, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અધિકારીઓ વચ્ચે થયેલા સંચારના આધારે ડિમોલિશન સંબંધિત સૂચનાઓ આપવામાં આવી હતી. પ્રજાપતિનું કહેવું છે કે આ પુરાવાઓથી નિર્ણય પ્રક્રિયામાં ઉચ્ચ અધિકારીઓની ભૂમિકા સ્પષ્ટ થઈ શકે છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">તપાસ પ્રક્રિયા પર પણ ઉઠાવ્યા પ્રશ્નો <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અરજીમાં આંતરિક તપાસ સમિતિની કામગીરી પર પણ સવાલ ઉઠાવવામાં આવ્યા છે. પ્રજાપતિનો આક્ષેપ છે કે, તેમણે તપાસ દરમિયાન સ્પષ્ટતા કરી હોવા છતાં તેમની રજૂઆતને યોગ્ય રીતે ધ્યાનમાં લેવામાં આવી નહોતી અને તેમને માત્ર જવાબદાર ઠેરવવા માટે સસ્પેન્ડ કરવામાં આવ્યા હતા.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ઝોનલ જવાબદારી અંગે પણ ઉલ્લેખ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અરજીમાં એવો પણ ઉલ્લેખ કરવામાં આવ્યો છે કે ડિમોલિશનની કામગીરી સંબંધિત વહીવટી જવાબદારી અન્ય ઝોન હેઠળ આવતી હતી. તેમ છતાં પોતાને નિશાન બનાવવામાં આવ્યા હોવાનો પ્રજાપતિએ દાવો કર્યો છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">કમિશનર એમ. નાગરાજનનો જવાબ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ સમગ્ર મામલે મ્યુનિસિપલ કમિશનર એમ. નાગરાજને સ્પષ્ટતા કરતાં જણાવ્યું કે, તેમણે કોઈ સત્તાવાર આદેશ આપ્યો નહોતો. તેમના જણાવ્યા અનુસાર તેમને મળેલી રજૂઆત માત્ર સંબંધિત અધિકારીઓ સુધી મોકલવામાં આવી હતી. શું કાર્યવાહી કરવી તે અંગે કોઈ સૂચના આપવામાં આવી નહોતી અને જરૂરી જવાબ હાઈકોર્ટ સમક્ષ રજૂ કરવામાં આવશે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ડિમોલિશનમાં સુજલ પ્રજાપતિની ભૂમિકા અંગે શું કહેવાય છે?<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;"> <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ઉપલબ્ધ વિગતો અનુસાર, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">સુજલ પ્રજાપતિએ ડિમોલિશન માટે જરૂરી મશીનરી અને માનવબળની વ્યવસ્થા કરાવવા સૂચના આપી હતી. તેઓ પોતાના કાર્યક્ષેત્ર બહાર હોવા છતાં સ્થળ પર હાજર રહ્યા હતા. ઉપરાંત, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">પોલીસની હાજરીમાં કામગીરી શરૂ કરવાની સૂચના આપવાનો પણ આક્ષેપ કરવામાં આવ્યો છે. જોકે, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">આ મુદ્દાઓ હવે હાઈકોર્ટમાં ચાલી રહેલી કાર્યવાહીનો ભાગ હોવાથી અંતિમ હકીકત કોર્ટના નિર્ણય બાદ જ સ્પષ્ટ થશે.

સુરતના નાસીરનગર ડિમોલિશનની ફાઈલ તસવીર

સસ્પેન્ડેડ એન્જિનિયર સુજલે હાઈકોર્ટમાં વોટ્સએપ ચેટ રજૂ કરી કમિશનરે આદેશ કર્યાનો દાવો કર્યો

નાસીરનગર ડિમોલિશન કેસમાં નવો કાનૂની વળાંક

Rajpal Yadav Cheque Bounce Case: બોલિવૂડના જાણીતા અભિનેતા અને હાસ્ય કલાકાર રાજપાલ યાદવ માટે 2026 નું વર્ષ આર્થિક અને કાનૂની મોરચે ભારે સંકટ લાવ્યું છે. દિલ્હી હાઈકોર્ટે એક જૂના ચેક બાઉન્સ કેસમાં અભિનેતાની અરજીને ફગાવી દઈને તેને મોટો ઝટકો આપ્યો છે. જસ્ટિસ સ્વર્ણકાંત શર્માની સિંગલ બેન્ચે ટ્રાયલ કોર્ટ અને સેશન્સ કોર્ટના અગાઉના આદેશોને યથાવત રાખતા રાજપાલ યાદવને 3 મહિનાની સાદી કેદની સજા ફટકારી છે અને સંબંધિત સત્તાવાળાઓને તેમને ફરીથી જેલમાં મોકલવાનો આદેશ આપ્યો છે. કોર્ટે પોતાના ચુકાદામાં કડક વલણ આપનાવતા અભિનેતાના વર્તનને "શંકાસ્પદ" ગણાવ્યું છે અને સ્પષ્ટ કર્યું છે કે વારંવાર તકો આપવા છતાં તેઓ કોર્ટ સમક્ષ કરેલા પોતાના વાયદાઓ અને કરારોનું પાલન કરવામાં સંપૂર્ણપણે નિષ્ફળ રહ્યા છે.
શું છે આખો મામલો? આ કાનૂની વિવાદની શરૂઆત વર્ષ 2010 માં થઈ હતી, જ્યારે રાજપાલ યાદવે દિગ્દર્શક તરીકે પોતાની નવી ફિલ્મ 'અતા પતા લપતા' બનાવવાનું નક્કી કર્યું હતું. આ ફિલ્મના પ્રોડક્શન અને ફંડિંગ માટે તેણે 'એમએસ મુરલી પ્રોજેક્ટ્સ પ્રાઇવેટ લિમિટેડ' નામની કંપની પાસેથી 5 કરોડ રૂપિયાની લોન લીધી હતી. જો કે, આ ફિલ્મ બોક્સ ઓફિસ પર ખરાબ રીતે ફ્લોપ સાબિત થઈ અને રાજપાલ યાદવને ભારે આર્થિક નુકસાન વેઠવું પડ્યું. આ નુકસાનના કારણે તે સમયસર લોનની રકમ ચૂકવી શક્યો નહીં અને વ્યાજ સાથે આ રકમ વધીને આશરે 9 કરોડ રૂપિયા સુધી પહોંચી ગઈ હતી. દેવું ચૂકવવા માટે રાજપાલ યાદવ દ્વારા કંપનીને આપવામાં આવેલા તમામ ચેક બેંકમાંથી વારંવાર બાઉન્સ થતાં કંપનીએ તેની સામે કાનૂની કેસ દાખલ કર્યો હતો.
કાનૂની લડાઈનો ઈતિહાસ અને અગાઉની જેલની સજા આ મામલો છેલ્લા ઘણા વર્ષોથી અલગ-અલગ અદાલતોમાં ચાલી રહ્યો છે. સૌથી પહેલા વર્ષ 2013 માં હાઈકોર્ટે રાજપાલ યાદવને 10 દિવસ માટે જેલમાં મોકલ્યો હતો, પરંતુ અપીલ બાદ તેને 4 દિવસમાં મુક્ત કરવામાં આવ્યો હતો. ત્યારબાદ એપ્રિલ 2018 માં મેજિસ્ટ્રેટ કોર્ટે તેને દોષિત ઠેરવી 6 મહિનાની જેલની સજા સંભળાવી હતી. નવેમ્બર 2018 માં તેને ફરીથી 3 મહિના માટે જેલમાં મોકલાયો હતો અને ફેબ્રુઆરી 2019 માં તે મુક્ત થયો હતો. વર્ષ 2019 માં સેશન્સ કોર્ટે પણ મેજિસ્ટ્રેટ કોર્ટના દોષિત ઠેરવવાના ચુકાદાને સમર્થન આપ્યું હતું. જૂન 2024 માં હાઇકોર્ટે તેની સજા પર અસ્થાયી રોક લગાવીને પરસ્પર સમાધાન કરવા માટે છેલ્લી તક આપી હતી. પરંતુ વચનો પૂરા ન થતાં 2 ફેબ્રુઆરી, 2026 ના રોજ હાઈકોર્ટે તેને 4 ફેબ્રુઆરી, 2026 ના રોજ આત્મસમર્પણ કરવાનો આદેશ આપ્યો હતો. રાજપાલે વધુ સમય માંગ્યો જે કોર્ટે ફગાવી દીધો, અને આખરે 5 ફેબ્રુઆરી, 2026 ના રોજ તેણે તિહાર જેલમાં સરેન્ડર કરવું પડ્યું હતું. 12 દિવસ જેલમાં વિતાવ્યા બાદ, ફરિયાદીના ખાતામાં 1.5 કરોડ રૂપિયા જમા કરાવવાની શરતે 17 ફેબ્રુઆરી, 2026 ના રોજ તેને વચગાળાના જામીન મળ્યા હતા.
બોલિવૂડ સ્ટાર્સની આર્થિક મદદ પણ એળે ગઈ ફેબ્રુઆરી 2026 માં જેલમાંથી મુક્ત થયા બાદ રાજપાલ યાદવે એક ભાવનાત્મક અપીલ કરી હતી, જેમાં તેણે જણાવ્યું હતું કે તેની પાસે હવે પૈસા બચ્યા નથી અને આ કટોકટીમાંથી બહાર નીકળવા માટે કોઈ મિત્રો પણ મદદ નથી કરી રહ્યા. તેની આ લાચારી જોઈને ફિલ્મ ઈન્ડિસ્ટ્રીના સલમાન ખાન અને સોનુ સૂદ જેવા અગ્રણી સેલિબ્રિટીઓ અને કલાકારો તેની વહારે આવ્યા હતા અને તેને નોંધપાત્ર નાણાકીય સહાય પૂરી પાડી હતી. બોલિવૂડ તરફથી આટલો મોટો આર્થિક ટેકો મળ્યા પછી પણ રાજપાલ યાદવ કંપનીનું બાકી દેવું અને કોર્ટ દ્વારા નક્કી કરાયેલી રકમ ચૂકવવામાં નિષ્ફળ રહ્યો હતો, જેના કારણે કોર્ટે હવે આકરો નિર્ણય લેવો પડ્યો છે.
હાઈકોર્ટનો નવો આદેશ: દંડ અને વળતરની વિગતો જસ્ટિસ સ્વર્ણકાંત શર્માએ સેશન્સ કોર્ટ દ્વારા લાદવામાં આવેલી સજામાં ફેરફાર કરીને નવો આદેશ જાહેર કર્યો છે. કોર્ટે રાજપાલ યાદવ સામે નોંધાયેલી તમામ 7 ફરિયાદોના કેસમાં વળતર ચૂકવવાનો આદેશ આપ્યો છે. નવા આદેશ મુજબ રાજપાલ યાદવે તમામ 7 કેસોમાં ફરિયાદીને કેસ દીઠ 1.05 કરોડ રૂપિયા ચૂકવવા પડશે. તેણે ફરિયાદીને અલગથી 1.04 લાખ રૂપિયા અને 75,000 રૂપિયા ચૂકવવાનો આદેશ પણ કરાયો છે. આ ઉપરાંત, તેણે રાજ્ય સરકારને દંડ પેટે 25,000 રૂપિયા ચૂકવવા પડશે. હાઈકોર્ટે રાજપાલ યાદવની પત્ની રાધા યાદવને પણ દરેક કેસમાં ફરિયાદીને 5,51,380 રૂપિયા ચૂકવવાનો આદેશ આપ્યો છે. કોર્ટે સ્પષ્ટતા કરી છે કે અભિનેતા દ્વારા અગાઉ જમા કરાવાયેલા 2.25 કરોડ રૂપિયાને આ અંતિમ ચુકવણીમાં એડજસ્ટ કરવામાં આવશે. આ તમામ સજાઓ એકસાથે ચાલશે અને આ ચુકાદા સામે ઉપલી અદાલતમાં અપીલ કરવા માટે કોર્ટે રાજપાલ યાદવને 2 મહિનાનો સમય આપ્યો છે.
વારંવાર વચનો તોડવા બદલ અદાલતની કડક ટિપ્પણી સુનાવણી દરમિયાન જસ્ટિસ સ્વર્ણકાંત શર્માની બેન્ચે અભિનેતાના વલણ પ્રત્યે ભારે નારાજગી વ્યક્ત કરી હતી. કોર્ટે નોંધ્યું કે રાજપાલ યાદવે અગાઉ હપ્તામાં 2.5 કરોડ રૂપિયા ચૂકવવાની પરવાનગી માંગી હતી પરંતુ તેનું પાલન કર્યું નથી. કોર્ટે કહ્યું કે અભિનેતાને રકમ ચૂકવવા અને સમાધાન કરવા માટે ઘણી સુવર્ણ તકો આપવામાં આવી હતી, પરંતુ તેઓ કોર્ટના વિશ્વાસનો ભંગ કરીને પોતાના વચનો પૂરા કરવામાં સંપૂર્ણપણે નિષ્ફળ ગયા છે. જ્યારે રાજપાલ યાદવના વકીલે દલીલ કરી કે થોડા દિવસ જેલમાં રહ્યા પછી કોઈ વ્યક્તિ પૈસાની વ્યવસ્થા કેવી રીતે કરી શકે, ત્યારે કોર્ટે જણાવ્યું કે બાકી રકમ અંગે અગાઉ ઘણી વખત કડક ચેતવણી આપવામાં આવી હતી. વારંવાર કરારના ભંગને કારણે હવે તેમને જેલમાં જવું જ પડશે અને હાઈકોર્ટના આ કડક વલણ બાદ અભિનેતાની મુશ્કેલીઓમાં અભૂતપૂર્વ વધારો થયો છે.

3 મહિનાની જેલની સજા યથાવત, કોર્ટે વલણને ગણાવ્યું 'શંકાસ્પદ'

ચેક બાઉન્સ કેસમાં રાજપાલ યાદવને હાઈકોર્ટનો ઝટકો

ચેરમેન ડોલર કોટેચાની પોલ ન ખૂલે તે માટે સાધારણ સભા પહેલાં 3 ખેડૂત પ્રતિનિધિઓની અટકાયત

ખેતી બેંકની સાધારણ સભા પહેલાં અટકાયતને લઈ વિવાદ!

4 રાજ્યો વચ્ચે ઐતિહાસિક સમજૂતી, ગુજરાતને મળશે ₹1,650 કરોડ

ત્રણ દાયકા જૂનો નર્મદા જળ વિવાદ ઉકેલાયો

અર્ધબેભાન દર્દીને ‘દારૂડિયો’ ગણી સિક્યુરિટીએ રોડ પર ફેંકી દીધો

રાજકોટ સિવિલ હોસ્પિટલમાં માનવતા મરી પરવારી

માથાદીઠ આવકમાં દિલ્હી, કર્ણાટક, તેલંગાણા, તમિલનાડુ બાદ ગુજરાત દેશમાં પાંચમાં સ્થાને

વર્લ્ડ બેંકના અપર મીડલ ઈન્કમ કલબમાં ગુજરાતને સ્થાન

નજીવી બાબતે પિતા-પુત્રોએ મચાવ્યો જાહેરમાં આતંક, કાયદો-વ્યવસ્થાના લીરેલીરા

રાજકોટમાં ધોળે દહાડે કાકા-ભત્રીજા પર ફાયરિંગ

દક્ષિણ ગુજરાત અને સૌરાષ્ટ્રમાં મેઘતાંડવ,24 કલાક ભારેથી અતિભારે વરસાદની ચેતવણી

6 વરસાદી સિસ્ટમ સક્રિય થતાં ગુજરાતમાં મેઘતાંડવ

એક જ દિવસમાં 18 ઇંચ વરસાદ,85 વર્ષનો રેકોર્ડ તૂટ્યો,શાળા-કોલેજો અને કાપડ માર્કેટ બંધ

સુરત પર મેઘરાજાનો મહાકહેર!

સુરતમાં વરસાદી તાંડવ,બે દિવસમાં 12 ઇંચ વરસાદ,છઠ પૂજા માટે ખોદાયેલો ખાડો બન્યો જોખમી

ભારે વરસાદે લીધો બે બાળકોનો ભોગ

₹7600 કરોડના રોકાણ સાથે સાણંદના OSAT પ્લાન્ટથી ભારતના સેમિકન્ડક્ટર યુગને મળશે નવી દિશા