Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

રાજસ્થાનના જોધપુર જિલ્લામાં એક હૃદયકંપાવનારી ઘટનાએ સમગ્ર વિસ્તારમાં શોક અને સંવેદનાની લહેર ફેલાવી છે. અહીં સગી બહેનોના એકસાથે લગ્ન થવાના હતા, પરંતુ બારાત આવવાની થોડા કલાકો પહેલાં જ બંને બહેનોના અચાનક મોત થયા. આ દુઃખદ ઘટનાએ પરિવારજનો ઉપરાંત સમગ્ર ગામને સ્તબ્ધ કરી દીધું છે.
મૃત બહેનોની ઓળખ શોભા (ઉંમર 25 વર્ષ) અને વિમલા (ઉંમર 23 વર્ષ) તરીકે કરવામાં આવી છે. બંને બહેનો ખાનગી શાળામાં શિક્ષિકા તરીકે ફરજ બજાવતી હતી. બંનેના લગ્ન શનિવારે યોજાવાના હતા અને તેના માટે ઘરમાં ઉજવણીનો માહોલ હતો. રાત્રે બિંદોળી સહિતના કાર્યક્રમો પૂરા થયા બાદ બંને બહેનો પોતાના રૂમમાં આરામ કરવા ગઈ હતી. વહેલી સવારે અચાનક તેમની તબિયત બગડતા પરિવારજનો તેમને નજીકની ખાનગી હોસ્પિટલમાં લઈ ગયા, જ્યાં તબીબોએ બંનેને મૃત જાહેર કરી દીધી.
આ ઘટના જોધપુરના સુરાસાગર પોલીસ સ્ટેશન વિસ્તારના માણાઈ ગામની છે. ઘટનાની જાણ થતાં જ પોલીસ ટીમ તાત્કાલિક ઘટનાસ્થળે પહોંચી અને જરૂરી કાર્યવાહી શરૂ કરી. મૃતદેહોને કબજામાં લઈ પોસ્ટમોર્ટમ કરાવાયું છે. અધિકારીઓના જણાવ્યા મુજબ, પોસ્ટમોર્ટમ રિપોર્ટ આવ્યા બાદ જ મોતનું ચોક્કસ કારણ સ્પષ્ટ થશે. હાલ અપ્રાકૃતિક મૃત્યુનો કેસ નોંધી તપાસ હાથ ધરવામાં આવી છે.
પરિવારના એક નજીકના સગાએ ગંભીર આરોપ લગાવતા જણાવ્યું કે બહેનો પર લગ્ન બાબતે ભારે માનસિક દબાણ હતું. અગાઉ તેમની સગાઈ તૂટી ગઈ હતી અને ત્યારબાદ બીજી જગ્યાએ લગ્ન નક્કી કરવામાં આવ્યા હતા. પરિવારના કેટલાક સભ્યો તરફથી સતત દબાણ અને તણાવના કારણે બંને બહેનો માનસિક તણાવમાં હતી હોવાનો આરોપ મૂકવામાં આવ્યો છે. પોલીસ આ તમામ આરોપોની તપાસ કરી રહી છે અને દરેક પાસાની બારીકાઈથી ચકાસણી કરી રહી છે.
આ દુઃખદ ઘટનાથી સમગ્ર ગામમાં શોકનો માહોલ છે. લગ્નની તૈયારીઓ વચ્ચે જ ઘરમાં શ્મશાન જેવી શાંતિ છવાઈ ગઈ છે. ગ્રામજનો અને સંબંધીઓ મોટી સંખ્યામાં પરિવારને સાંત્વના આપવા માટે પહોંચ્યા છે. પોલીસે જણાવ્યું છે કે કેસની તપાસ નિષ્પક્ષ રીતે કરવામાં આવશે અને જો કોઈની ભૂમિકા સામે આવશે તો કાયદેસર કાર્યવાહી કરવામાં આવશે.
આ ઘટનાએ સમાજમાં માનસિક દબાણ, પારિવારિક તણાવ અને યુવતીઓની માનસિક સુરક્ષા જેવા ગંભીર મુદ્દાઓ પર ફરી એક વખત વિચાર કરવા મજબૂર કર્યા છે. તપાસ પૂર્ણ થયા બાદ જ સમગ્ર ઘટનાનું સાચું ચિત્ર સામે આવશે.

જોધપુરમાં શોકનો માહોલ

જાન આવવાની તૈયારી વચ્ચે જ બે બહેનોના મોત, પરિવાર પર માનસિક દબાણના ગંભીર આરોપ

સગી બહેનોની એકસાથે લગ્ન પહેલાં જ અચાનક મોત

જોધપુરના સાધ્વી પ્રેમ બાઈસાના શંકાસ્પદ સંજોગોમાં થયેલા મૃત્યુના કેસે રાજસ્થાનમાં ખળભળાટ મચાવી દીધો છે. આ મામલે ગઠિત SITના વડા અને ACP છવી શર્માની આગેવાનીમાં થઈ રહેલી તપાસમાં અનેક ચોંકાવનારી વિગતો બહાર આવી રહી છે. સાધ્વી પ્રેમ બાઈસાના રહસ્યમય મૃત્યુના મુખ્ય આરોપી કમ્પાઉન્ડર દેવી સિંહે પોલીસ પૂછપરછમાં પોતાનો ગુનો કબૂલતા જણાવ્યું છે કે, તેણે સાધ્વીને માત્ર એક જ ઈન્જેક્શન નહિ, પરંતુ એકથી વધુ ઈન્જેક્શન આપ્યા હતા. અત્યાર સુધી માત્ર 'ડેક્સોના' ઈન્જેક્શનની વાત જ સામે આવી રહી હતી, પરંતુ હવે દેવી સિંહે કબૂલાત કરી છે કે, તેણે અન્ય કેટલીક દવાઓ પણ શરીરમાં ઇન્જેક્ટ કરી હતી. હવે SIT એ બાબતની ઝીણવટભરી તપાસ કરી રહી છે કે, તે ઈન્જેક્શનમાં કયા પ્રકારનું સોલ્ટ હતું, તેની માત્રા કેટલી હતી અને તે કયા હેતુથી આપવામાં આવ્યા હતા. પોલીસ દેવી સિંહની મેડિકલ ડિગ્રી અને તેની સારવાર કરવાની સત્તા છે કે નહીં તેની પણ તપાસ કરી રહી છે.
નાણાકીય લેવડદેવડ કે 'મની ટ્રેલ' નો પત્તો લગાવ્યો
SIT ની તપાસ માત્ર તબીબી બેદરકારી પૂરતી મર્યાદિત નથી, પરંતુ પોલીસ આ કેસમાં આર્થિક પાસાને પણ ખૂબ ગંભીરતાથી જોઈ રહી છે. આશ્રમ સાથે જોડાયેલા તમામ સત્તાવાર બેંક ખાતાઓ અને આશ્રમના મુખ્ય વ્યક્તિઓના ખાનગી બેંક ખાતાઓની પણ ઝીણવટભરી તપાસ કરવામાં આવી રહી છે, જેથી કોઈ શંકાસ્પદ નાણાકીય લેવડદેવડ કે 'મની ટ્રેલ' નો પત્તો લગાવી શકાય. ACP છવી શર્માએ સ્પષ્ટ કર્યું છે કે, સાધ્વી પ્રેમ બાઈસાના રહસ્યમય મૃત્યુના કેસમાં દરેક વ્યક્તિ હાલમાં શંકાના દાયરામાં છે અને જરૂર પડ્યે સાધ્વીના પિતાની પણ પૂછપરછ કરવામાં આવશે. તપાસ ટીમ તબીબી, આર્થિક અને સાંકળબદ્ધ પુરાવાઓને એકસાથે જોડી રહી છે જેથી સત્ય સામે આવી શકે.
પ્રેમ બાઈસા મૃત્યુના આ કેસમાં મોટું આર્થિક ષડયંત્ર
આ હાઈ-પ્રોફાઈલ કેસમાં સૌથી મહત્વની કડી હવે પોસ્ટમોર્ટમ રિપોર્ટ માનવામાં આવી રહ્યો છે. રિપોર્ટ આવવામાં હજુ 2થી 3 દિવસનો સમય લાગી શકે છે, જેનાથી સ્પષ્ટ થશે કે, મોતનું સાચું કારણ ઈન્જેક્શનનો ઓવરડોઝ હતો, કોઈ રિએક્શન હતું કે શરીરમાં અન્ય કોઈ ઝેરી તત્વ હાજર હતું. સાધ્વી પ્રેમ બાઈસાના રહસ્યમય મૃત્યુ બાદ આશ્રમના અનુયાયીઓ અને સ્થાનિક લોકોમાં ભારે રોષ જોવા મળી રહ્યો છે, જેના કારણે પોલીસ ખૂબ જ સાવચેતીપૂર્વક આગળ વધી રહી છે. કમ્પાઉન્ડર દેવી સિંહના ભૂતકાળ અને તેના આશ્રમ સાથેના સંબંધોની તપાસમાં પણ ચોંકાવનારા વળાંકો આવવાની શક્યતા છે. સાધ્વી પ્રેમ બાઈસાના મૃત્યુના આ કેસમાં મેડિકલ માફિયા કે કોઈ મોટા આર્થિક ષડયંત્રની ગંધ પોલીસને આવી રહી છે, જેની તપાસ અત્યારે પૂરજોશમાં ચાલી રહી છે.

પ્રેમ બાઈસા કેસ

મુખ્ય આરોપી કમ્પાઉન્ડર દેવી સિંહે સ્વીકાર્યું કે, તેણે સાધ્વીને એકથી વધુ ઈન્જેક્શન આપ્યા

પ્રેમ બાઈસા કેસ: SIT તપાસમાં આર્થિક કૌભાંડની શંકા

રાજસ્થાનના જોધપુરમાં જાણીતા સાધ્વી પ્રેમ બાઈસાનું શંકાસ્પદ સંજોગોમાં અવસાન થતા સમગ્ર પંથકમાં ચકચાર મચી ગઈ છે. 29 જાન્યુઆરી, 2026ના રોજ આશ્રમમાં બીમારી બાદ એક કમ્પાઉન્ડર દ્વારા આપવામાં આવેલા ઈન્જેક્શનના માત્ર 5 મિનિટમાં જ સાધ્વીનું મૃત્યુ નીપજ્યું હતું, જેને લઈને પોલીસે હાલ મેડિકલ બેદરકારીના એંગલથી તપાસ શરૂ કરી કમ્પાઉન્ડરને કસ્ટડીમાં લીધો છે. જોકે, આ કેસમાં સૌથી મોટો વળાંક ત્યારે આવ્યો જ્યારે સાધ્વી પ્રેમ બાઈસાના મૃત્યુના અંદાજે 4 કલાક બાદ તેમના સત્તાવાર ઈન્સ્ટાગ્રામ એકાઉન્ટ પરથી એક લાંબી અને ભાવુક પોસ્ટ શેર કરવામાં આવી.&nbsp;
7 લાખથી વધુ ફોલોઅર્સ
7 લાખથી વધુ ફોલોઅર્સ ધરાવતી આ સાધ્વીની અંતિમ પોસ્ટમાં સનાતન ધર્મ પ્રત્યેની અતૂટ શ્રદ્ધા અને જીવન સમર્પણની વાતો લખવામાં આવી હતી, જે ઘણાને અંતિમ સંદેશ કે સ્યુસાઈડ નોટ જેવી લાગી રહી છે. આ રહસ્યમય પોસ્ટને કારણે સવાલ ઉઠ્યો છે કે, જો સાધ્વી પ્રેમ બાઈસાનું અવસાન 5 વાગ્યે થયું હતું, તો રાત્રે 9 વાગ્યે આ પોસ્ટ કોણે કરી?
પોસ્ટ પહેલેથી શિડ્યુલ કરવામાં આવી
આ મામલે સાધ્વી પ્રેમ બાઈસાના પિતા અને ગુરુ વીરમ નાથે ખુલાસો કર્યો છે કે, આ પોસ્ટ સાધ્વીના જ મોબાઈલમાંથી કરવામાં આવી હતી. તેમના દાવા મુજબ, સાધ્વીએ પોતાના અંતિમ સમયમાં એક નજીકના ગુરુ મહારાજને આ સંદેશ સોશિયલ મીડિયા પર શેર કરવાની સૂચના આપી હતી. જોકે, પોલીસ કમિશનર ઓમપ્રકાશના નેતૃત્વમાં તપાસ કરી રહેલી ટીમ હવે ટેકનિકલ પુરાવાઓ એકત્ર કરી રહી છે કે, શું આ પોસ્ટ પહેલેથી શિડ્યુલ કરવામાં આવી હતી કે કોઈ અન્ય વ્યક્તિએ સાધ્વીના ફોનનો ઉપયોગ કર્યો હતો.
પ્રેમ બાઈસાના મોતના રહસ્ય પાછળ કોઈ ષડયંત્ર નથી
સાધ્વી પ્રેમ બાઈસાના મૃત્યુ બાદ આવેલી આ પોસ્ટે ભક્તોમાં અનેક શંકા-કુશંકાઓ જન્માવી છે. પિતા વીરમ નાથના જણાવ્યા મુજબ, સાધ્વી પ્રેમ બાઈસા હમેશાં સંતો અને ભગવાન પર વિશ્વાસ રાખતા હતા અને તેમને આશા હતી કે તેમના ગયા પછી પણ તેમને ન્યાય મળશે. હાલમાં પોલીસ સાધ્વીના મોબાઈલ લોગિન અને લોકેશનની ઝીણવટભરી તપાસ કરી રહી છે જેથી જાણી શકાય કે સાધ્વી પ્રેમ બાઈસાના મોતના રહસ્ય પાછળ કોઈ ષડયંત્ર તો નથી ને.

સાધ્વી પ્રેમ બાઈસા

પ્રેમ બાઈસાના મૃત્યુના 4 કલાક બાદ ઈન્સ્ટાગ્રામ પરથી થયેલી ભાવુક પોસ્ટે અનેક સવાલ ઉભા કર્યા

સાધ્વી પ્રેમ બાઈસાના મોત બાદ ઈન્સ્ટાગ્રામ પર પોસ્ટ

મંગળવારે સાંજે રાજસ્થાનના જોધપુર નજીક એક હૃદયદ્રાવક માર્ગ અકસ્માત સર્જાયો હતો. રામદેવરાથી જેસલમેર જઈ રહેલી ગુજરાતના મુસાફરો ભરેલી બસ અને એક ટેન્કર વચ્ચે જોરદાર ટક્કર થઈ હતી. આ દુર્ઘટનામાં અત્યાર સુધીમાં ચાર લોકોના મોતની પુષ્ટિ થઈ છે, જ્યારે ૨૦ થી વધુ શ્રદ્ધાળુઓ ઇજાગ્રસ્ત થયા છે.
બાઈક સવારને બચાવવા જતાં સર્જાઈ હોનારત :&nbsp;
પોલીસના જણાવ્યા અનુસાર, હાઈવે પર એક મોટરસાઈકલ સવારને બચાવવાના પ્રયાસમાં ટેન્કર ચાલકે કાબૂ ગુમાવ્યો હતો અને ટેન્કર સામેથી આવતી બસ સાથે અથડાયું હતું. અકસ્માત એટલો ભયાનક હતો કે બસમાં સવાર મુસાફરોમાં ચીસાચીસ મચી ગઈ હતી. ઘટનાની જાણ થતાં જ પોલીસ કાફલો અને સ્થાનિક પ્રશાસન મદદ માટે દોડી આવ્યું હતું.
ગ્રીન કોરિડોર બનાવી ઘાયલોને હોસ્પિટલ ખસેડાયા :&nbsp;
ઇજાગ્રસ્તોની હાલત ગંભીર હોવાથી વહીવટી તંત્ર દ્વારા તાત્કાલિક ગ્રીન કોરિડોર બનાવી તમામ ૨૦ થી વધુ દર્દીઓને જોધપુરની મથુરાદાસ માથુર હોસ્પિટલમાં ખસેડવામાં આવ્યા હતા. હોસ્પિટલના સત્તાધીશોના જણાવ્યા મુજબ, એક દર્દીની હાલત અત્યંત નાજુક છે, જ્યારે અન્યની સારવાર નિષ્ણાત તબીબોની દેખરેખ હેઠળ ચાલી રહી છે.
ઉચ્ચ અધિકારીઓ અને નેતાઓ હોસ્પિટલ પહોંચ્યા :&nbsp;
દુર્ઘટનાની ગંભીરતાને જોતા જિલ્લા કલેક્ટર, પોલીસ કમિશનર અને અન્ય વરિષ્ઠ અધિકારીઓ તાત્કાલિક હોસ્પિટલ દોડી ગયા હતા. સ્થાનિક નેતાઓએ પણ અસરગ્રસ્તોની મુલાકાત લીધી હતી અને ઘાયલોને શ્રેષ્ઠ સારવાર મળે તેવી ખાતરી આપી હતી. કલેક્ટરે અધિકારીઓને સૂચના આપી છે કે ગુજરાતથી આવતા મુસાફરોના પરિવારો સાથે સંપર્ક કરી તેમને જરૂરી તમામ સુવિધાઓ પૂરી પાડવામાં આવે છે.

બાઈક સવારને બચાવવા જતાં ગુજરાતની મુસાફરો ભરેલી બસ અને ટેન્કર વચ્ચે ભયાનક ટક્કર

જોધપુરમાં ગુજરાતની બસને નડ્યો અકસ્માત: 4ના મોત

રાજસ્થાનના જોધપુર-બાલેસર નેશનલ હાઇવે નંબર 125 પર આજે વહેલી સવારે એક ગમખ્વાર અકસ્માત સર્જાયો હતો. ખારી બેરી ગામ નજીક બાજરીની બોરીઓ ભરેલા એક ટ્રક અને યાત્રીઓ ભરેલા ટેમ્પો વચ્ચે જોરદાર ટક્કર થતાં 6 શ્રદ્ધાળુઓના કરૂણ મોત નીપજ્યા છે, જ્યારે 14 જેટલા લોકો ગંભીર રીતે ઘાયલ થયા છે.
મૃતકો અને ઘાયલોમાં બાળકો અને મહિલાઓનો પણ સમાવેશ થાય છે. આ તમામ શ્રદ્ધાળુઓ ગુજરાતના સાબરકાંઠા અને ધનસુરા (બનાસકાંઠા) વિસ્તારના રહેવાસી હતા અને રામદેવરાના દર્શન કરવા જઈ રહ્યા હતા.
ટક્કરમાં ટેમ્પોનો કચ્ચરઘાણ
બાલેસર પોલીસ સ્ટેશનના અધિકારી મૂળસિંહ ભાટીએ જણાવ્યું કે આ અકસ્માત રવિવારે સવારે લગભગ 5:30 વાગ્યે થયો હતો. પૂરપાટ ઝડપે આવી રહેલા ટ્રકે ટેમ્પોને સામેથી ટક્કર મારતા અકસ્માતની ભયાનકતા વધી ગઈ હતી. ટક્કર એટલી જોરદાર હતી કે ટેમ્પોનો આગળનો ભાગના ભુક્કે- ભુક્કા થઈ ગયા હતા, જ્યારે ટ્રક રોડથી આગળ જઈને પલટી મારી ગયો હતો. ટેમ્પોમાં મહિલાઓ અને બાળકો સહિત લગભગ 20 શ્રદ્ધાળુઓ સવાર હતા.
મૃતકોમાં 4 બાળકો
પોલીસના જણાવ્યા અનુસાર, ટેમ્પોમાં સવાર ત્રણ લોકોનું ઘટનાસ્થળે જ મોત થયું હતું, જ્યારે અન્ય બે લોકોનું જોધપુરની મથુરા દાસ માથુર (MDM) હોસ્પિટલમાં સારવાર દરમિયાન મોત થયું હતું, જેથી મૃત્યુઆંક 6 પર પહોંચ્યો છે. મળતી માહિતી મુજબ મૃતકોમાં 4 બાળકો પણ સામેલ છે. મૃતકોમાં કોકિલાબેન કાલૂસિંહ પરમાર (ઉં.વ. 58) અને પ્રિયા (ઉં.વ. 14)ની ઓળખ થઈ છે.
ઈજાગ્રસ્તોને જોધપુર રેફર કરાયા
આ ભીષણ અકસ્માતમાં 7 બાળકો સહિત કુલ 14 લોકો ઘાયલ થયા છે. ઘાયલોને તાત્કાલિક બાલેસરની સામૂહિક આરોગ્ય કેન્દ્ર (CHC)માં પ્રાથમિક સારવાર આપીને વધુ સારવાર માટે જોધપુરની MDM હોસ્પિટલ ખાતે રિફર કરવામાં આવ્યા છે.
ઘાયલોમાં મહેન્દ્રસિંહ, કાળુસિંહ, હિંમતસિંહ, કિશાભાઈ તેમજ અનુરાધા, વીરા, ઉમા, આરાધના, હની, નિકિતા, આશિક અને અર્જુન જેવા લોકોનો સમાવેશ થાય છે. પોલીસે ટ્રક અને ટેમ્પોને કબજામાં લઈને ઘટના અંગે ગુનો નોંધીને વધુ તપાસ હાથ ધરી છે.
&nbsp;

રામદેવરાના દર્શને જતા ગુજરાતીઓને નડ્યો અકસ્માત

જોધપુર હાઇવે પર ટેમ્પો અને ટ્રક વચ્ચે ભીષણ ટક્કરમાં 6 ગુજરાતીના મોત, ટેમ્પોના ભૂક્કા..

રાજસ્થાનના ફાલોડી જિલ્લામાં રવિવારે મોડી સાંજે ભારતમાલા એક્સપ્રેસવે પર એક હૃદયદ્રાવક માર્ગ અકસ્માત સર્જાયો હતો. મતોડા પોલીસ સ્ટેશન વિસ્તારમાં કોલાયત મંદિરના દર્શન કરીને પરત ફરી રહેલા શ્રદ્ધાળુઓથી ભરેલો એક ટેમ્પો ટ્રાવેલર રોડની બાજુમાં ઊભેલા એક ટ્રક સાથે અથડાયો હતો. આ ગમખ્વાર અકસ્માતમાં 15&nbsp;લોકોના ઘટનાસ્થળે જ કરૂણ મૃત્યુ થયા છે, જ્યારે 3 લોકો ગંભીર રીતે ઘાયલ થયા છે.
<h3 style="text-align: justify;">ભારે ગતિ અને ઓછી વિઝિબિલિટી બની કારણ</h3>
ફાલોડીના પોલીસ અધિક્ષક કુંદન કંવરિયાએ હાલ સુધી 18 લોકોના મૃત્યુની પુષ્ટિ કરી છે. પોલીસના જણાવ્યા મુજબ, મૃત્યુ પામેલા અને ઘાયલ થયેલા તમામ લોકો જોધપુરના સુરતસાગર વિસ્તારના રહેવાસી હતા અને પરિવાર સાથે ધાર્મિક યાત્રાએ ગયા હતા.
પ્રાથમિક તપાસ મુજબ, હનુમાન સાગર ચાર રસ્તા પાસે તેજ ગતિથી આવી રહેલા ટેમ્પો ટ્રાવેલરના ડ્રાઇવરને કદાચ ઓછી વિઝિબિલિટીના કારણે રોડ કિનારે ઊભેલો ટ્રક દેખાયો ન હતો. ટક્કર એટલી ભયંકર હતી કે ટેમ્પો ટ્રાવેલરના સંપૂર્ણપણે પરચખા ઊડી ગયા હતા અને મૃતદેહો સીટ તથા લોખંડના ભાગોમાં ખરાબ રીતે ફસાઈ ગયા હતા. પોલીસ, SDRF અને સ્થાનિક લોકો દ્વારા ભારે જહેમત બાદ તેમને બહાર કાઢવામાં આવ્યા હતા.
<h3 style="text-align: justify;">PM અને CM દ્વારા શોક વ્યક્ત</h3>
આ દુર્ઘટનાના સમાચાર મળતા જ જોધપુર પોલીસ કમિશનર ઓમપ્રકાશ માથુર ઘટનાસ્થળે પહોંચ્યા હતા. ગંભીર રીતે ઘાયલ થયેલા 3 લોકોને તાત્કાલિક ઓસિયાં હોસ્પિટલ અને ત્યાંથી ગ્રીન કોરિડોર બનાવીને જોધપુર રિફર કરવામાં આવ્યા હતા.
વડાપ્રધાન નરેન્દ્ર મોદી અને રાજસ્થાનના મુખ્યમંત્રી ભજનલાલ શર્માએ આ દુર્ઘટના પર ગહન શોક વ્યક્ત કર્યો હતો. વડાપ્રધાને ટ્વિટ કરીને મૃતકોના પરિજનોને PMNRFમાંથી રૂ. 2 લાખ અને ઘાયલોને રૂ. 50,000ની સહાય આપવાની જાહેરાત કરી છે. જ્યારે મુખ્યમંત્રી શર્માએ જિલ્લા વહીવટીતંત્રને ઘાયલોની યોગ્ય સારવાર સુનિશ્ચિત કરવા નિર્દેશ આપ્યો છે. હાલમાં પોલીસ આ મામલે વધુ તપાસ કરી રહી છે.
&nbsp;

ટેમ્પો ટ્રાવેલર ટ્રક સાથે અથડાતા અકસ્માત

કોલાયત મંદિરના દર્શન કરીને જોધપુર પાછા ફરતા ૧૮ મુસાફરો દુર્ઘટનાનો ભોગ બન્યા..

જોધપુર: ટેમ્પો ટ્રાવેલર ટ્રક સાથે અથડાતા અકસ્માત

<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">ઈતિહાસના પન્નાઓમાં દાટેલી જોધા-અકબરની પ્રખ્યાત પ્રેમકથા શું ખરેખર એક ભ્રમણા છે? રાજસ્થાનના રાજ્યપાલ હરિભાઉ બાગડેએ મહારાણા પ્રતાપની જયંતિના અવસરે ઉદયપુરના પ્રતાપ ગૌરવ કેન્દ્રમાં આયોજિત કાર્યક્રમમાં આવો જ એક સનસનાટીજનક દાવો કરીને ઈતિહાસકારો અને સામાન્ય લોકોમાં ચર્ચાનો વંટોળ ઉભો કર્યો છે. રાજ્યપાલે જણાવ્યું કે, આમેરના રાજા ભારમલની પુત્રી જોધા અને મુઘલ શાસક અકબરના લગ્ન થયા જ ન હતા, અને આ વાત ઈતિહાસમાં ખોટી રીતે રજૂ કરવામાં આવી છે.</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">અકબરની આત્મકથામાં લગ્નનો ઉલ્લેખ નથી </div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">રાજ્યપાલ બાગડેએ તેમના સંબોધનમાં કહ્યું કે, ભારતનો ઈતિહાસ શરૂઆતમાં વિદેશી ઈતિહાસકારો દ્વારા લખાયો હતો, જેમાં અનેક હકીકતોને ખોટી રીતે રજૂ કરવામાં આવી. તેમણે દાવો કર્યો કે, અકબરની આત્મકથા &lsquo;અકબરનામા&rsquo;માં જોધા સાથેના લગ્નનો કોઈ ઉલ્લેખ નથી. તેમના મતે, રાજા ભારમલે અકબરના લગ્ન એક દાસીની પુત્રી સાથે કરાવ્યા હતા, જેને ખોટી રીતે આમેરની રાજકુમારી તરીકે રજૂ કરવામાં આવી. આ દાવાએ ઈતિહાસના વિદ્યાર્થીઓ અને નિષ્ણાતોમાં નવી ચર્ચાને જન્મ આપ્યો છે.</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">મહારાણા પ્રતાપનું સ્વાભિમાન અને ઈતિહાસનું વિકૃતિકરણ </div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">રાજ્યપાલે મહારાણા પ્રતાપની બહાદુરીના વખાણ કરતાં જણાવ્યું કે, તેમણે ક્યારેય પોતાના સ્વાભિમાન સાથે સમાધાન નથી કર્યું. તેમણે આરોપ લગાવ્યો કે વિદેશી ઈતિહાસકારોએ મુઘલ શાસકોના ગુણગાન ગાયા, જ્યારે મહારાણા પ્રતાપ જેવા વીરોની બહાદુરીને ઓછી રજૂ કરી. તેમણે ઉમેર્યું કે, મહારાણા પ્રતાપે અકબરને સંધિ માટે પત્ર લખ્યો હોવાની વાત પણ ભ્રામક છે અને ઈતિહાસમાં આવી ઘણી બાબતો ખોટી રીતે લખાઈ છે.</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">નવી શિક્ષણ નીતિ લાવશે ફેરફાર </div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">બાગડેએ જણાવ્યું કે, નવી રાષ્ટ્રીય શિક્ષણ નીતિ (NEP) હેઠળ ઈતિહાસના શિક્ષણમાં સુધારા થઈ રહ્યા છે, જેનાથી નવી પેઢીને ભારતની સંસ્કૃતિ અને ગૌરવશાળી ઈતિહાસની સાચી માહિતી મળશે. તેમણે ભારપૂર્વક કહ્યું કે, મહારાણા પ્રતાપ જેવા વીરોની ગાથાઓને યોગ્ય સ્થાન આપવું જરૂરી છે, જેથી યુવાનો પોતાના ગૌરવશાળી વારસાને સમજી શકે.</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr"> રાજ્યપાલના આ નિવેદનથી ઈતિહાસકારો, શિક્ષણવિદો અને રાજકીય વર્તુળોમાં ચર્ચા ગરમાઈ છે. જોધા-અકબરની લોકપ્રિય વાર્તા, જે ફિલ્મો અને સિરિયલોમાં પણ રજૂ થઈ છે, તે શું ખરેખર એક ભ્રમણા છે? શું ઈતિહાસના પુસ્તકોમાં ફેરફારની જરૂર છે? આ દાવાઓની સત્યતા ચકાસવા માટે ઈતિહાસકારો હવે &lsquo;અકબરનામા&rsquo; અને અન્ય ઐતિહાસિક દસ્તાવેજોની ઝીણવટભરી તપાસ કરવાની તૈયારીમાં છે.</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-1b5gpbm r-a8ghvy" dir="ltr">&nbsp;</div>
<div class="css-146c3p1 r-bcqeeo r-1ttztb7 r-qvutc0 r-37j5jr r-a023e6 r-16dba41 r-1adg3ll r-a8ghvy r-p1pxzi" dir="ltr">આ ઘટનાએ એક વાત સ્પષ્ટ કરી છે કે, ભારતનો ઈતિહાસ હજી પણ ઘણા રહસ્યો અને ચર્ચાઓથી ભરેલો છે, અને તેની સાચી તસવીર સામે લાવવા માટે વધુ સંશોધનની જરૂર છે.</div>

રાજ્યપાલનો ચોંકાવનારો દાવો

રાજસ્થાનના રાજ્યપાલ હરિભાઉ બાગડેએ મહારાણા પ્રતાપની જયંતિના અવસરે ઉદયપુરના પ્રતાપ ગૌરવ કેન્દ્રમાં આયોજિત કાર્યક્રમમાં એક સનસનાટીજનક દાવો કર્યો

જોધા-અકબરના લગ્ન એક મિથ્યા? રાજસ્થાનના રાજ્યપાલનો ચોંકાવનારો દાવો!

IPL 2024 પહેલા, મુંબઈ ઈન્ડિયન્સે બરોડાના એક યુવા ક્રિકેટરને તેમની ટીમમાં સામેલ કર્યો હતો આ ખેલાડીને આવનારા સમયમાં ભારતીય ક્રિકેટનું ભવિષ્ય માનવામાં આવતું હતું. પરંતુ હવે આ ક્રિકેટર પર યુવતી સાથે દુષ્કર્મ કરવાનો ગંભીર ગુનાનો આરોપ લાગ્યો છે. જે ખેલાડીની વાત થઈ રહી છે તેનું નામ શિવાલિક શર્મા છે. શિવાલિક વિરુદ્ધ જોધપુરના કુડી ભગતસુની હાઉસિંગ બોર્ડ પોલીસ સ્ટેશનમાં ફરિયાદ નોંધાઈ છે.
યુવતીનો આરોપ છે કે શિવાલિકે સગાઈ પહેલા લગ્નનું વચન આપીને તેની સાથે બળજબરીથી શારીરિક સંબંધ બાંધ્યા હતા. પોલીસે ગુનો નોંધીને તપાસ શરૂ કરી છે અને આરોપીઓની શોધખોળ શરૂ કરી છે. આ ઘટનાએ ક્રિકેટ જગતમાં હડકંપ મચાવી દીધો છે.
યુવતીએ પોલીસને જણાવ્યું કે શિવાલિક શર્મા તેના ઘરે આવ્યો અને તેની સાથે દુષ્કર્મ કર્યું હતું. મામલાની ગંભીરતાને ધ્યાનમાં રાખીને પોલીસે તાત્કાલિક કાર્યવાહી શરૂ કરી દીધી છે. પોલીસનું કહેવું છે કે આરોપીની ટૂંક સમયમાં ધરપકડ કરવામાં આવશે.
બરોડાના રહેવાસી શિવાલિક વિરુદ્ધ જોધપુરના કુડી ભગતસુની હાઉસિંગ બોર્ડ પોલીસ સ્ટેશનમાં બળાત્કારનો FIR દાખલ કરવામાં આવી છે. પોલીસે જણાવ્યું હતું કે દુષ્કર્મના આરોપી શિવાલિક શર્માની ગમે ત્યારે ધરપકડ થઈ શકે છે. પોલીસને આપેલી ફરિયાદમાં પીડિતાએ જણાવ્યું હતું કે શિવાલિક શર્માએ લગ્નના બહાને તેની સાથે ઘણી વખત શારીરિક સંબંધો બાંધ્યા હતા. પીડિતાએ આરોપ લગાવ્યો હતો કે શિવાલિક શર્માએ સગાઈ પહેલા જ તેની સાથે બળજબરીથી શારીરિક સંબંધ બાંધ્યા હતા.&nbsp;
શિવાલિક શર્મા અગાઉ બરોડા અને મુંબઈ ઇન્ડિયન્સ તરફથી રમી ચૂક્યો છે. હાલમાં તે ક્રિકેટથી દૂર છે. શિવલિકે સફળ ક્રિકેટર બનવા માટે ખૂબ જ મહેનત કરી હતી. પરંતુ હવે તેની કારકિર્દી પર એક ડાઘ છે. તેના પિતાએ તેને ક્રિકેટમાં રસ જગાડ્યો હતો. ઓપન ટ્રાયલમાં વિસ્ફોટક બેટિંગ બતાવ્યા બાદ થોડા મહિનામાં જ શિવાલિકની બરોડા U12 ટીમ માટે પસંદગી થઈ ગઈ હતી.
શરૂઆતમાં શિવલિકને ક્રિકેટમાં ખાસ રસ નહોતો. પરંતુ જ્યારે તેણે U19 ટીમમાં રન બનાવવાનું શરૂ કર્યું, ત્યારે તેને મજા આવવા લાગી. પછી તેને લાગ્યું કે ક્રિકેટ તેનું જીવન છે અને તે તેના માટે કંઈ પણ કરી શકે છે. જોકે, જ્યારે તેણે ક્રિકેટને ગંભીરતાથી લેવાનું શરૂ કર્યું, ત્યારે તેના માર્ગમાં મુશ્કેલીઓ આવવા લાગી. U23 સ્તર સુધી બધું બરાબર હતું, પરંતુ તેને U25 ટીમમાં ઘણી તકો મળી ન હતી.
શિવાલિકે જમ્મુ અને કાશ્મીર સામે SMAT ડેબ્યૂમાં 37 બોલમાં 46 રન બનાવ્યા હતા. ૧૩૪.૧૧ ના સ્ટ્રાઇક રેટથી ૧૧૪ રન બનાવ્યા અને વિજય હજારે ટ્રોફી માટે તેની પસંદગી કરવામાં આવી. તેવી જ રીતે, તેણે પોતાના ડેબ્યૂમાં પંજાબ સામે અડધી સદી ફટકારીને પોતાનું સ્થાન મજબૂત કર્યું. બાદમાં શિવાલિક શર્માને મુંબઈ ઇન્ડિયન્સ તરફથી ટ્રાયલ માટે બોલાવવામાં આવ્યો હતો
આ તેના માટે એક મોટી તક હતી. ટ્રાયલમાં ઘણા મોટા ખેલાડીઓ હતા, પરંતુ શિવાલિકે કોઈ પણ ડર વગર પોતાની રમત બતાવી. તેનો મુંબઈ ઈન્ડિયન્સ ટીમમાં સમાવેશ કરવામાં આવ્યો હતો. જોકે, તેને મુંબઈ તરફથી રમવાની તક મળી ન હતી. બાદમાં, 2025 IPL પહેલા, તેને મુંબઈ ટીમ દ્વારા રિલીઝ કરવામાં આવ્યો હતો
આ પણ વાંચો--- <a style="color: rgb(224, 62, 45);" href="https://www.benefitnews.in/gujarati/sports/teen-sensation-or-age-cheat-vaibhav-suryavanshi-s-century-sparks-controversy/10568" target="_blank" rel="noopener">IPL 2025 : <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi;">વૈભવની સદીની વાહવાહી વચ્ચે ભાંડો ફૂટ્યો? BCCI <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi;">કરી શકે છે કડક કાર્યવાહી!</a>
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi;"><a href="https://whatsapp.com/channel/0029Vb34ERXCnA7lrMp57S3N" target="_blank" rel="noopener">સમાચાર મેળવવા આજે જ અમારી&nbsp;WAHTSAPP&nbsp;ચેનલ સાથે જોડાવ</a>

રાજસ્થાનના જોધપુરના પોલીસ સ્ટેશનમાં યુવતીએ ફરિયાદ નોંધાવતા ખળભળાટ

વડોદરાના આ સ્ટાર ક્રિકેટર સામે દુષ્કર્મનો ગુનો નોંધાયો

જીપ અને કાર વચ્ચે અકસ્માત

જીપ અને કાર વચ્ચે અકસ્માત, એક જ પરિવારના 5 લોકોના મોત, 8 ઘાયલ

રાજસ્થાનમાં ગમખ્વાર અકસ્માત

Samsung vs Apple Social Media War: Appleએ 9 સપ્ટેમ્બર 2026ના રોજ પોતાનો પહેલો ફોલ્ડેબલ iPhone Duo લોન્ચ કર્યો અને સાથે iPhone 18 Pro તથા iPhone 18 Pro Max પણ રજૂ કર્યા. પરંતુ નવા iPhoneના લોન્ચ સાથે ટેક માર્કેટમાં માત્ર ફોલ્ડેબલ સ્માર્ટફોનની સ્પર્ધા જ નહીં, પરંતુ Apple અને Samsung વચ્ચેનું જૂનું સોશિયલ મીડિયા વૉર પણ ફરી ચર્ચામાં આવ્યું. Samsung Mobile USએ Appleના લોન્ચ દરમિયાન X પર એક પછી એક પોસ્ટ કરીને iPhone Duo અને iPhone 18 Proને નિશાન બનાવ્યા.
iPhone Duo પર Samsungનો સીધો કટાક્ષ Appleનું iPhone Duo કંપનીનો પ્રથમ foldable iPhone છે. Apple અનુસાર, ફોન ખુલ્યા બાદ 7.6 ઇંચની અંદરની ડિસ્પ્લે મળે છે, જ્યારે બંધ સ્થિતિમાં 5.4 ઇંચની બહારની ડિસ્પ્લે રહે છે. iPhone Duoની શરૂઆતની કિંમત $1,999 રાખવામાં આવી છે. Samsungએ Appleની ફોલ્ડેબલ એન્ટ્રીને લઈને સોશિયલ મીડિયા પર &lsquo;So Far, So Same&rsquo; જેવા શબ્દોનો ઉપયોગ કર્યો. આ પોસ્ટ દ્વારા Samsungએ સંકેત આપ્યો કે Apple જે ટેક્નોલોજી સાથે ફોલ્ડેબલ માર્કેટમાં આવ્યું છે, તેમાં Samsung પહેલેથી લાંબો અનુભવ ધરાવે છે.
Samsungની નજર iPhone 18 Pro પર પણ Samsungનો કટાક્ષ માત્ર iPhone Duo સુધી મર્યાદિત રહ્યો નહોતો. કંપનીએ iPhone 18 Proની ડિઝાઇન અને નવા ફીચર્સને લઈને પણ સોશિયલ મીડિયા પર Apple પર નિશાન સાધ્યું. Appleના જણાવ્યા મુજબ iPhone 18 Proમાં 48MP Fusion Main Camera સાથે variable aperture, A20 Pro ચિપ, સુધારેલું Dynamic Island અને નવી AI ક્ષમતાઓ આપવામાં આવી છે. iPhone 18 Pro અને iPhone 18 Pro Maxમાં કેમેરા, પરફોર્મન્સ અને બેટરીમાં મોટા અપગ્રેડનો દાવો Appleએ કર્યો છે.
ફોલ્ડેબલ ફોનમાં Samsungનો લાંબો અનુભવ Apple હવે ફોલ્ડેબલ સ્માર્ટફોન માર્કેટમાં પ્રવેશ્યું છે, પરંતુ Samsung આ સેગમેન્ટમાં ઘણા વર્ષોથી સક્રિય છે. Reutersના અહેવાલ મુજબ Samsungએ 2019માં Galaxy Fold સાથે આ માર્કેટમાં શરૂઆત કરી હતી અને ત્યારથી ફોલ્ડેબલ ફોનની અનેક પેઢીઓ રજૂ કરી છે. હવે iPhone Duoની એન્ટ્રીથી બંને કંપનીઓ વચ્ચેની પ્રીમિયમ ફોલ્ડેબલ સ્માર્ટફોન સ્પર્ધા વધુ રસપ્રદ બની શકે છે.
iPhone Duoના નામ પર Duolingo પણ જોડાયું Apple અને Samsungની સોશિયલ મીડિયા ટક્કરમાં ભાષા શીખવાની એપ Duolingo પણ જોડાઈ. iPhone Duo નામને લઈને Duolingoએ મજાકિયા અંદાજમાં પ્રતિક્રિયા આપી, જેના કારણે Appleના નવા ફોલ્ડેબલ iPhoneને લઈને સોશિયલ મીડિયા ચર્ચા વધુ વધી.
Apple vs Samsung: હવે ફોલ્ડેબલ ફોનની નવી લડાઈ iPhone Duo માત્ર Appleનો નવો iPhone નથી, પરંતુ કંપનીની ફોલ્ડેબલ સ્માર્ટફોન માર્કેટમાં પ્રથમ મોટી એન્ટ્રી છે. Reuters મુજબ Counterpoint Researchના અનુમાન પ્રમાણે Apple 2026માં ફોલ્ડેબલ માર્કેટમાં આશરે 25 ટકા હિસ્સો મેળવી શકે છે, જ્યારે Samsungનો હિસ્સો લગભગ 38 ટકા રહેવાની ધારણા છે. એટલે હવે Apple vs Samsungની સ્પર્ધા માત્ર iPhone અને Galaxyના વેચાણ સુધી સીમિત નથી રહી. iPhone Duoની એન્ટ્રી પછી ફોલ્ડેબલ ફોન, નવી ટેક્નોલોજી અને સોશિયલ મીડિયા માર્કેટિંગને લઈને બંને બ્રાન્ડ વચ્ચેની ટક્કર વધુ તેજ બનવાની શક્યતા છે.

iPhone Duo લોન્ચ બાદ Apple અને Samsung વચ્ચે સોશિયલ મીડિયા પર શરૂ થયેલી ટેક વૉર

iPhone Duoની એન્ટ્રી થતાં જ Samsungએ સોશિયલ મીડિયા પર એવી પોસ્ટ્સ કરી કે Apple vs Samsungની જૂની ટેક વૉર ફરી ચર્ચામાં આવી ગઈ. ‘So Far, So Same’થી લઈને iPhone 18 Proની ડિઝાઇન સુધી Samsungએ શું કહ્યું?

Appleનું પહેલું ફોલ્ડેબલ iPhone આવ્યું અને Samsungએ તરત ઉડાવી મજાક, શું છે આખો મામલો?

Lokshahi Ni Raksha Program 2026: અમદાવાદમાં લોકશાહી, ભારતીય સંવિધાન, સામાજિક ન્યાય અને બંધારણીય અધિકારો અંગે જાહેર ચર્ચા અને વિચારમંથન માટે &lsquo;લોકશાહીની રક્ષા કાજે&rsquo; કાર્યક્રમ યોજાયો હતો. 9 સપ્ટેમ્બર 2026ના રોજ ઉસ્માનપુરાના નટરાણી થિયેટરમાં યોજાયેલા આ કાર્યક્રમમાં OBC, SC, ST અને લઘુમતી સમાજના અધિકારો, પ્રતિનિધિત્વ, સમાનતા અને સામાજિક ન્યાય જેવા મુદ્દાઓ પર ચર્ચા કરવામાં આવી હતી.
OBC, SC, ST અને લઘુમતી સમાજના અધિકારો અંગે ચર્ચા કાર્યક્રમમાં સમાજના વંચિત અને પછાત વર્ગોના અધિકારો તથા લોકશાહી વ્યવસ્થામાં તેમની ભાગીદારી અંગે વિચારમંથન કરવામાં આવ્યું હતું. વક્તાઓએ લોકશાહીને વધુ મજબૂત બનાવવા માટે સામાજિક જાગૃતિ, સંગઠિત અવાજ અને બંધારણીય મૂલ્યો પ્રત્યેની પ્રતિબદ્ધતા જરૂરી હોવાનું જણાવ્યું હતું. ભારતીય વિદ્વાન, લેખક અને સામાજિક કાર્યકર ડૉ. લક્ષ્મણ યાદવ તથા ANHADના મેનેજિંગ ટ્રસ્ટી અને સામાજિક-રાજકીય કાર્યકર દેવ દેસાઈએ OBC, SC, ST અને લઘુમતી સમાજના વિવિધ વર્ગોને પોતાના હકો અને બંધારણીય અધિકારો માટે એકજૂથ થવા આહવાન કર્યું હતું. વક્તાઓએ જણાવ્યું હતું કે વંચિત, પછાત અને શોષિત વર્ગો પોતાના પ્રશ્નો અંગે સંગઠિત રીતે અવાજ ઉઠાવે અને બંધારણીય અધિકારો અંગે જાગૃત બને તે લોકશાહી માટે મહત્વપૂર્ણ છે.
મલ્લિકા સારાભાઈનું મહિલાઓને મોટું આહવાન પ્રખ્યાત શાસ્ત્રીય નૃત્યાંગના અને સામાજિક કાર્યકર મલ્લિકા સારાભાઈએ કાર્યક્રમમાં મહિલાઓની ભૂમિકા પર ભાર મૂક્યો હતો. તેમણે મહિલાઓને લોકશાહી અને સંવિધાનના રક્ષણ માટે સક્રિય રીતે આગળ આવવા આહવાન કર્યું હતું. મલ્લિકા સારાભાઈએ કહ્યું હતું કે માત્ર વંચિત અને પછાત સમાજની મહિલાઓ જ નહીં, પરંતુ સમાજની દરેક મહિલાએ લોકશાહી અને સંવિધાનના રક્ષણમાં પોતાની ભૂમિકા ભજવવાનો સમય આવી ગયો છે. તેમણે મહિલાઓને પોતાના અધિકારો અંગે જાગૃત બનવા અને લોકશાહી મૂલ્યોના રક્ષણ માટે સક્રિય ભાગીદારી નોંધાવવા અપીલ કરી હતી.
ડૉ. લક્ષ્મણ યાદવના બે પુસ્તકોનું વિમોચન કાર્યક્રમ દરમિયાન ડૉ. લક્ષ્મણ યાદવના બે પુસ્તકો &lsquo;પ્રોફેસરની ડાયરી&rsquo; અને &lsquo;જાતિ વસ્તી ગણતરી&rsquo;નું વિમોચન કરવામાં આવ્યું હતું. પુસ્તકોના માધ્યમથી શિક્ષણ, જાતિ વ્યવસ્થા, વસ્તી ગણતરી અને સામાજિક ન્યાય જેવા મુદ્દાઓ અંગે ચર્ચાને આગળ વધારવામાં આવી હતી.
સાંસ્કૃતિક રજૂઆતો દ્વારા સામાજિક જાગૃતિનો સંદેશ &lsquo;લોકશાહીની રક્ષા કાજે&rsquo; કાર્યક્રમમાં સામાજિક જાગૃતિ અને લોકશાહી મૂલ્યોને કેન્દ્રમાં રાખીને સાંસ્કૃતિક રજૂઆતો પણ કરવામાં આવી હતી. અતીશ ઇન્દ્રેકર, મહેન્દ્ર સોલંકી, કૃષ્ણકાંત છારા, કૃણાલ અને હોઝેફાએ ક્રાંતિકારી ગીતોની રજૂઆત કરી હતી. ડાયરા કલાકાર રાજુભાઈ આહિરે પણ સાંસ્કૃતિક રજૂઆત કરી હતી. કાર્યક્રમમાં સામાજિક કાર્યકરો, યુવાનો, વિદ્યાર્થીઓ, લેખકો, કલાકારો અને વિવિધ સમાજના આગેવાનો ઉપસ્થિત રહ્યા હતા.
લોકશાહી અને સંવિધાનના રક્ષણનો સંદેશ આ કાર્યક્રમનો મુખ્ય ઉદ્દેશ લોકશાહી અને ભારતીય સંવિધાનના મૂલ્યોને મજબૂત બનાવવા માટે જાહેર સંવાદ ઊભો કરવાનો હતો. કાર્યક્રમમાં OBC, SC, ST અને લઘુમતી સમાજ ઉપરાંત મહિલાઓ, યુવાનો અને નાગરિક સમાજની સક્રિય ભાગીદારી પર ભાર મૂકવામાં આવ્યો હતો. &lsquo;લોકશાહીની રક્ષા કાજે&rsquo; કાર્યક્રમનું આયોજન ANHAD, OSSM, શરૂઆત પબ્લિકેશન, ગુજરાત સર્વોદય મંડળ અને ભીમ આર્મીના સંયુક્ત ઉપક્રમે કરવામાં આવ્યું હતું. કાર્યક્રમ દ્વારા સામાજિક ન્યાય, સમાનતા, પ્રતિનિધિત્વ અને બંધારણીય અધિકારો અંગે જનજાગૃતિ વધારવાનો સંદેશ આપવામાં આવ્યો હતો.

અમદાવાદમાં ‘લોકશાહીની રક્ષા કાજે’ કાર્યક્રમ, OBC-SC-ST અને લઘુમતી સમાજના અધિકારો પર ચર્ચા

‘લોકશાહીની રક્ષા કાજે’ કાર્યક્રમમાં OBC, SC, ST અને લઘુમતી સમાજના અધિકારોથી લઈને મહિલાઓની ભૂમિકા સુધી અનેક મહત્વના મુદ્દા ચર્ચાયા

અમદાવાદમાં લોકશાહી અને સંવિધાન પર મંથન, OBC-SC-ST અને લઘુમતી સમાજને કેમ કરાયું એકજૂથ થવા આહવાન?

Gujarat APMC Election Results 2026: ગુજરાતમાં APMC ચૂંટણી પરિણામ 2026 જાહેર થતાં સહકારી ક્ષેત્રનું રાજકારણ ફરી ગરમાયું છે. ધાનેરા, ધોળકા, જૂનાગઢ, ઈડર અને બહુચરાજી APMC ચૂંટણીના પરિણામોમાં ક્યાંક ભાજપ પ્રેરિત પેનલનો દબદબો જોવા મળ્યો છે, તો ક્યાંક કોંગ્રેસ પ્રેરિત પેનલે ભાજપને મોટો ઝટકો આપ્યો છે. ખાસ કરીને ધાનેરા અને ધોળકા APMCના પરિણામોએ ગુજરાતના સહકારી રાજકારણમાં નવી ચર્ચા જગાવી છે.
ધાનેરા APMC ચૂંટણીમાં ભાજપના મેન્ડેટને ઝટકો બનાસકાંઠાની ધાનેરા APMC ચૂંટણીમાં ભાજપના સત્તાવાર મેન્ડેટથી મેદાનમાં ઉતરેલા ઉમેદવારોને પરાજયનો સામનો કરવો પડ્યો છે. ખેડૂત વિભાગમાં ભાજપના મેન્ડેટ સાથે ચૂંટણી લડનારા પાંચ ઉમેદવારો હારી ગયા છે. આ ઉપરાંત ભાજપના મેન્ડેટથી લડેલા કુલ છ ઉમેદવારોની હાર થઈ હોવાનું સામે આવ્યું છે. ખેડૂત વિભાગમાં સુરેશ ભગવાન ચૌધરી, ડૉ. ધજાભાઈ પટેલ, જોઈતાભાઈ સાકોલીયા, મોઘજીભાઈ ઉકાભાઈ અને મોહનભાઈ ઉકાભાઈ ચૌધરી સહિતના ઉમેદવારોને હાર મળી છે. ધાનેરા APMCનું પરિણામ સ્થાનિક સહકારી રાજકારણમાં ભાજપ માટે મહત્વપૂર્ણ ઝટકા તરીકે જોવામાં આવી રહ્યું છે.
ધોળકા APMCમાં કોંગ્રેસ પ્રેરિત પેનલનો મોટો વિજય અમદાવાદ જિલ્લાના ધોળકા APMC ચૂંટણી પરિણામમાં કોંગ્રેસ પ્રેરિત &lsquo;વિકાસ પેનલ&rsquo;એ મોટી જીત મેળવી છે. ખેડૂત વિભાગની તમામ 10 બેઠકો પર કોંગ્રેસ પ્રેરિત પેનલના ઉમેદવારો વિજેતા બન્યા છે. ધોળકા APMCમાં 10 બેઠકો માટે કુલ 30 ઉમેદવારો મેદાનમાં હતા. પરિણામ બાદ ભાજપ પ્રેરિત &lsquo;ખેડૂત સહકાર પેનલ&rsquo;ને મોટો પરાજય મળ્યો છે. આ જીતને કારણે અમદાવાદ જિલ્લાના સહકારી રાજકારણમાં કોંગ્રેસ માટે મહત્વનો રાજકીય સંદેશ માનવામાં આવી રહ્યો છે.
જૂનાગઢ APMCમાં ભાજપ પ્રેરિત પેનલનો દબદબો જૂનાગઢ માર્કેટિંગ યાર્ડની ચૂંટણીમાં ભાજપ પ્રેરિત &lsquo;ખેડૂત કલ્યાણ પેનલ&rsquo;નો ભવ્ય વિજય થયો છે. ખેડૂત વિભાગની 10 બેઠકો માટે ચૂંટણી યોજાઈ હતી, જ્યારે વેપારી વિભાગની 4 અને સહકારી ખરીદ-વેચાણ વિભાગની 2 બેઠકો અગાઉથી બિનહરીફ જાહેર થઈ હતી. પરિણામ બાદ જૂનાગઢ જિલ્લા સહકારી બેંકના ચેરમેન અને પૂર્વ જિલ્લા ભાજપ પ્રમુખ કિરીટ પટેલે આ જીતને ખેડૂતો અને સહકારી ક્ષેત્ર સાથે જોડાયેલા સભાસદોની જીત ગણાવી છે. કિરીટ પટેલના જણાવ્યા મુજબ, ખેડૂત વિભાગના 955 મતદારોમાંથી 914 મતદારોએ મતદાન કર્યું હતું. AAP પ્રેરિત ઉમેદવારોના પ્રદર્શન અંગે પણ તેમણે આકરા પ્રહારો કર્યા હતા. તેમણે આગામી સમયમાં માણાવદર, માળિયા, માંગરોળ, વિસાવદર અને ભેસાણ માર્કેટિંગ યાર્ડની ચૂંટણીને લઈને મોટો રાજકીય પડકાર પણ ફેંક્યો છે.
ઈડર અને બહુચરાજી APMCમાં શું પરિણામ આવ્યું? સાબરકાંઠાની ઈડર APMC ચૂંટણીમાં ખેડૂત વિભાગની તમામ 10 બેઠકો પર &lsquo;ખેડૂત એકતા પેનલ&rsquo;નો વિજય થયો છે. જ્યારે વેપારી વિભાગની ચાર બેઠકોમાંથી ભાજપ પ્રેરિત પેનલના ત્રણ ઉમેદવારો વિજેતા બન્યા છે. બીજી તરફ મહેસાણા જિલ્લાની બહુચરાજી APMCમાં ભાજપ સમર્થિત પેનલનો દબદબો જોવા મળ્યો છે. ખેડૂત વિભાગની તમામ 10 બેઠકો પર ભાજપ સમર્થિત ઉમેદવારોનો વિજય થયો છે. વેપારી વિભાગની ચારેય બેઠકો અગાઉથી બિનહરીફ જાહેર થઈ હતી.
APMC ચૂંટણી પરિણામથી સહકારી રાજકારણમાં શું સંકેત? ગુજરાત APMC ચૂંટણી પરિણામો માત્ર માર્કેટિંગ યાર્ડની ચૂંટણી પૂરતા મર્યાદિત નથી. ખેડૂતો, સહકારી મંડળીઓ અને સ્થાનિક રાજકીય સંગઠનો સાથે APMCનું સીધું જોડાણ હોવાથી તેના પરિણામોને રાજકીય રીતે પણ મહત્વપૂર્ણ માનવામાં આવે છે. ધાનેરામાં ભાજપના મેન્ડેટવાળા ઉમેદવારોની હાર, ધોળકામાં કોંગ્રેસ પ્રેરિત પેનલની તમામ 10 બેઠકો પર જીત અને જૂનાગઢ તથા બહુચરાજીમાં ભાજપ પ્રેરિત પેનલની સફળતાએ ગુજરાતના સહકારી રાજકારણની અલગ-અલગ તસવીર રજૂ કરી છે. હવે આગામી APMC અને માર્કેટિંગ યાર્ડની ચૂંટણીઓમાં ભાજપ, કોંગ્રેસ અને અન્ય રાજકીય પક્ષો વચ્ચેની ટક્કર પર સૌની નજર રહેશે.

ગુજરાતની વિવિધ APMC ચૂંટણીના પરિણામોમાં BJP અને કોંગ્રેસ પ્રેરિત પેનલનો દબદબો

ધાનેરાથી જૂનાગઢ સુધી ક્યાં કોની જીત અને ક્યાં કોને મોટો ફટકો? જાણો સમગ્ર APMC ચૂંટણી પરિણામોની કહાની…

ક્યાંક BJPનો દબદબો તો ક્યાંક કોંગ્રેસની બાજી! ગુજરાતના APMC પરિણામોએ શું સંકેત આપ્યો?

Kainchi Dham Travel Guide : &lsquo;હનુમાન અંશ&rsquo; ફિલ્મ બાદ ઉત્તરાખંડના કૈંચી ધામ અને નીમ કરોલી બાબા આશ્રમને લઈને લોકોમાં રસ વધ્યો છે. જો તમે પણ કૈંચી ધામની યાત્રાનું આયોજન કરી રહ્યા છો, તો અહીં તમને કૈંચી ધામ ક્યાં આવેલું છે, કેવી રીતે પહોંચવું, દર્શનનો સમય, જવાનો શ્રેષ્ઠ સમય, રહેવાની વ્યવસ્થા અને આશ્રમના મહત્વના નિયમોની સંપૂર્ણ માહિતી મળશે.
ઉત્તરાખંડના નૈનીતાલ જિલ્લામાં આવેલું કૈંચી ધામ નીમ કરોલી બાબા સાથે જોડાયેલું પ્રસિદ્ધ આધ્યાત્મિક સ્થળ છે. શિપ્રા નદી અને પહાડોની વચ્ચે આવેલું આ ધામ ભક્તો અને પ્રવાસીઓ માટે શાંતિ તથા આધ્યાત્મિક અનુભવનું મહત્વનું કેન્દ્ર છે.
કૈંચી ધામ ક્યાં આવેલું છે?
કૈંચી ધામ ઉત્તરાખંડના નૈનીતાલ જિલ્લામાં આવેલું છે. નૈનીતાલથી કૈંચી ધામનું અંતર આશરે 17 કિલોમીટર છે.
નીમ કરોલી બાબા આશ્રમ તરીકે ઓળખાતું આ સ્થળ દેશ-વિદેશના ભક્તો માટે આસ્થાનું મહત્વનું કેન્દ્ર છે. પહાડી વાતાવરણ, શિપ્રા નદી અને આશ્રમનું શાંત વાતાવરણ કૈંચી ધામને ખાસ બનાવે છે.
કૈંચી ધામ કેવી રીતે પહોંચવું?
કૈંચી ધામ પહોંચવા માટે રોડ, ટ્રેન અને ફ્લાઈટ&mdash;ત્રણેય વિકલ્પ ઉપલબ્ધ છે. તમારી સુવિધા અને બજેટ પ્રમાણે મુસાફરીનો માર્ગ પસંદ કરી શકાય છે.
ટ્રેનથી કૈંચી ધામ કેવી રીતે પહોંચવું?
ટ્રેન દ્વારા કૈંચી ધામ જવા માટે કાઠગોદામ રેલવે સ્ટેશન નજીકનું મુખ્ય રેલવે સ્ટેશન છે. કાઠગોદામથી કૈંચી ધામનું અંતર આશરે 38 કિલોમીટર છે.
દિલ્હી સહિતના કેટલાક મોટા શહેરોથી કાઠગોદામ માટે ટ્રેન ઉપલબ્ધ છે. કાઠગોદામ રેલવે સ્ટેશન પહોંચ્યા બાદ ટેક્સી, કેબ અથવા સ્થાનિક વાહન દ્વારા કૈંચી ધામ પહોંચી શકાય છે.
રોડ દ્વારા કૈંચી ધામ કેવી રીતે જવું?
રોડ ટ્રિપ માટે હલ્દવાની, ભૌઆલી અને નૈનીતાલ તરફથી કૈંચી ધામ પહોંચી શકાય છે.
દિલ્હીથી રોડ માર્ગે કૈંચી ધામ પહોંચવામાં રસ્તાની સ્થિતિ અને ટ્રાફિક પ્રમાણે આશરે 7થી 8 કલાક અથવા વધુ સમય લાગી શકે છે.
દિલ્હીથી આવતા પ્રવાસીઓ આનંદ વિહાર ISBTથી નૈનીતાલ માટે બસ લઈ શકે છે. નૈનીતાલ પહોંચ્યા બાદ ટેક્સી અથવા સ્થાનિક વાહન ભાડે કરીને કૈંચી ધામ જઈ શકાય છે.
ફ્લાઈટથી કૈંચી ધામ કેવી રીતે પહોંચવું?
હવાઈ મુસાફરી માટે પંતનગર એરપોર્ટ નજીકનું મુખ્ય એરપોર્ટ છે. પંતનગર એરપોર્ટથી કૈંચી ધામ આશરે 70 કિલોમીટર દૂર છે.
એરપોર્ટ પરથી ટેક્સી અથવા કેબ દ્વારા કૈંચી ધામ પહોંચી શકાય છે.
કૈંચી ધામ જવાનો શ્રેષ્ઠ સમય કયો છે?
કૈંચી ધામની મુલાકાત માટે માર્ચથી જૂન અને સપ્ટેમ્બરથી નવેમ્બરનો સમય અનુકૂળ માનવામાં આવે છે.
આ સમય દરમિયાન હવામાન સામાન્ય રીતે પ્રવાસ માટે અનુકૂળ રહે છે. જોકે, ઉત્તરાખંડના પહાડી વિસ્તારમાં હવામાન ઝડપથી બદલાઈ શકે છે.
ચોમાસા દરમિયાન ભારે વરસાદ પડે ત્યારે ભૂસ્ખલન, રસ્તા બંધ થવા અને ટ્રાફિકની સમસ્યા ઊભી થઈ શકે છે. તેથી કૈંચી ધામ જતાં પહેલાં હવામાનની આગાહી અને સ્થાનિક રોડ કન્ડિશન તપાસવી જરૂરી છે.
કૈંચી ધામના દર્શનનો સમય
કૈંચી ધામમાં દર્શન અને ધાર્મિક કાર્યક્રમોના સમયમાં આશ્રમના નિયમો પ્રમાણે ફેરફાર થઈ શકે છે. ઉપલબ્ધ માહિતી અનુસાર દર્શનનો સમય સામાન્ય રીતે સવારે 6:45થી રાત્રે 8:00 વાગ્યા સુધી જણાવવામાં આવે છે.
મુખ્ય ધાર્મિક કાર્યક્રમોની માહિતી:
<ul data-spread="false">
<li>સવારની આરતી: સવારે 7:00 વાગ્યે</li>
<li>સાંજની આરતી: સાંજે 7:00 વાગ્યે</li>
<li>મંગળવારનું કીર્તન: વિશેષ ધાર્મિક કાર્યક્રમ</li>
<li>મંગળવારે કીર્તન બાદ આરતીનો કાર્યક્રમ રાત્રે આશરે 9:00 વાગ્યા સુધી ચાલી શકે છે.</li>
</ul>
યાત્રા પહેલાં દર્શન અને કાર્યક્રમોના વર્તમાન સમયની સત્તાવાર માહિતી તપાસવી વધુ યોગ્ય રહેશે.
કૈંચી ધામના નિયમો શું છે?
કૈંચી ધામ ધાર્મિક અને આધ્યાત્મિક સ્થળ હોવાથી અહીં શિસ્ત અને શાંતિનું ખાસ ધ્યાન રાખવું જોઈએ.
કૈંચી ધામની મુલાકાત દરમિયાન આ બાબતોનું ધ્યાન રાખો:
<ul data-spread="false">
<li>આશ્રમ અને મંદિર પરિસરમાં સભ્ય અને યોગ્ય વસ્ત્રો પહેરો.</li>
<li>પરિસરમાં શાંતિ જાળવો અને બિનજરૂરી ઘોંઘાટ ન કરો.</li>
<li>આશ્રમના તમામ નિયમોનું પાલન કરો.</li>
<li>જ્યાં ફોટોગ્રાફી અથવા વીડિયો બનાવવાની મનાઈ હોય ત્યાં મોબાઈલથી ફોટો-વીડિયો ન બનાવો.</li>
<li>અન્ય ભક્તોની ધાર્મિક લાગણીઓ અને આશ્રમની પવિત્રતાનું સન્માન કરો.</li>
<li>શાંતિથી બેસીને હનુમાન ચાલીસાનો પાઠ અથવા ભગવાન રામનું નામસ્મરણ કરી શકાય છે.</li>
</ul>
કૈંચી ધામમાં રહેવાની વ્યવસ્થા
કૈંચી ધામ આશ્રમમાં રહેવાની સુવિધા મર્યાદિત હોઈ શકે છે, તેથી યાત્રા પહેલાં રહેવાની વ્યવસ્થા કરવી જરૂરી છે.
ઘણા પ્રવાસીઓ નૈનીતાલ અને ભીમતાલ જેવા નજીકના વિસ્તારોમાં હોટેલ, હોમસ્ટે અથવા અન્ય રહેઠાણ વિકલ્પ પસંદ કરે છે.
વીકએન્ડ, રજાઓ અને પ્રવાસન સીઝન દરમિયાન હોટેલમાં વધારે ભીડ થઈ શકે છે. તેથી કૈંચી ધામ જતાં પહેલાં હોટેલ અથવા હોમસ્ટેનું એડવાન્સ બુકિંગ કરાવવું વધુ સારું રહેશે.
કૈંચી ધામ જતાં પહેલાં આ 5 બાબતો જરૂર તપાસો
કૈંચી ધામની યાત્રા શરૂ કરતા પહેલાં આ બાબતો ચેક કરી લો:
<ol start="1" data-spread="false">
<li>હવામાનની આગાહી</li>
<li>પહાડી રસ્તાની સ્થિતિ</li>
<li>દર્શન અને આરતીનો વર્તમાન સમય</li>
<li>હોટેલ અથવા હોમસ્ટેનું બુકિંગ</li>
<li>આશ્રમના ફોટોગ્રાફી અને અન્ય નિયમો</li>
</ol>
આ તૈયારી સાથે તમે કૈંચી ધામની યાત્રા વધુ સરળ અને સુવ્યવસ્થિત બનાવી શકો છો.
કૈંચી ધામ યાત્રા કેમ ખાસ છે?
નીમ કરોલી બાબા સાથે જોડાયેલું કૈંચી ધામ ભક્તિ, શાંતિ અને પ્રકૃતિનો અનોખો અનુભવ કરાવતું સ્થળ છે. &lsquo;હનુમાન અંશ&rsquo; બાદ જો તમે પણ આ પ્રસિદ્ધ ધામની મુલાકાત લેવાનું વિચારી રહ્યા છો, તો મુસાફરી પહેલાં કૈંચી ધામ કેવી રીતે પહોંચવું, દર્શન સમય, શ્રેષ્ઠ પ્રવાસ સમય, રહેવાની વ્યવસ્થા અને આશ્રમના નિયમોની માહિતી ચોક્કસ મેળવી લો.
નોંધ: મુસાફરી પહેલાં કૈંચી ધામના દર્શન સમય, માર્ગની સ્થિતિ, હવામાન અને આશ્રમના વર્તમાન નિયમોની સત્તાવાર માહિતી ચકાસવી.

‘હનુમાન અંશ’ બાદ કૈંચી ધામ જવાનું પ્લાન છે? યાત્રા પહેલાં રસ્તો, દર્શન સમય અને આ નિયમો જાણી લો

કૈંચી ધામ જવાની તૈયારી છે? જતા પહેલાં આ 7 વાતો જાણી લેજો, નહીં તો મુશ્કેલી પડી શકે છે!

Smartphone Price Hike In India: તહેવારોની સિઝનમાં નવો સ્માર્ટફોન ખરીદવાનું વિચારી રહેલા ગ્રાહકો માટે મહત્વના સમાચાર છે. 2026માં ભારતમાં સ્માર્ટફોનની સરેરાશ રિટેલ કિંમતમાં 21%નો વધારો થયો છે. કાઉન્ટરપોઇન્ટ રિસર્ચના તાજેતરના અહેવાલ મુજબ, મોટા વૈશ્વિક સ્માર્ટફોન બજારોમાં ભારતમાં ભાવ વધારો સૌથી વધુ રહ્યો છે. વૈશ્વિક સ્તરે સ્માર્ટફોનની સરેરાશ રિટેલ કિંમતમાં 15%નો વધારો થયો છે.
ભારતમાં સ્માર્ટફોનના ભાવ કેમ વધી રહ્યા છે? સ્માર્ટફોનની વધતી કિંમત પાછળ સૌથી મોટું કારણ મેમરી ચિપના ભાવમાં થયેલો વધારો છે. DRAM અને NAND જેવી મેમરી ચિપની કિંમતોમાં છેલ્લા કેટલાક મહિનામાં મોટો ઉછાળો આવ્યો છે. કાઉન્ટરપોઇન્ટ મુજબ, સપ્ટેમ્બર 2025થી smartphone memory prices લગભગ ચાર ગણાં વધી ચૂક્યા છે. તેના કારણે સ્માર્ટફોન કંપનીઓ માટે ઉત્પાદન ખર્ચ વધ્યો છે અને તેની અસર રિટેલ કિંમતો પર પડી રહી છે.
AIની વધતી માંગથી મેમરી માર્કેટ પર દબાણ મેમરીની કિંમતમાં વધારા પાછળ આર્ટિફિશિયલ ઇન્ટેલિજન્સ એટલે કે AI ઇન્ફ્રાસ્ટ્રક્ચરની વધતી માંગ પણ મહત્વનું કારણ છે. AI સર્વર્સ માટે મેમરીની માંગ વધતાં સેમિકન્ડક્ટર સપ્લાય પર દબાણ વધ્યું છે. પરિણામે સ્માર્ટફોનમાં ઉપયોગમાં લેવાતી મેમરીના ખર્ચમાં પણ વધારો થયો છે.
₹15,000થી ઓછી કિંમતના ફોન પર સૌથી વધુ અસર મેમરી ચિપના ભાવ વધારાની સૌથી વધુ અસર બજેટ સ્માર્ટફોન સેગમેન્ટ પર જોવા મળી રહી છે. કાઉન્ટરપોઇન્ટના જણાવ્યા મુજબ, ₹15,000થી ઓછી કિંમતના mass-market smartphonesમાં મેમરીનો Bill of Materials એટલે કે BoMમાં હિસ્સો 45%થી વધુ થઈ ગયો છે. આ સ્થિતિમાં કંપનીઓ માટે વધતા ઉત્પાદન ખર્ચને પોતાના માર્જિનમાંથી સહન કરવો મુશ્કેલ બની રહ્યો છે.
ભારતમાં સ્માર્ટફોન ખરીદી પર પણ અસર ભાવ વધારાની સીધી અસર સ્માર્ટફોનની માંગ પર પડી રહી છે. કાઉન્ટરપોઇન્ટના જણાવ્યા મુજબ, 2026ના જૂન ક્વાર્ટરમાં ભારતમાં smartphone shipmentsમાં 10%નો ઘટાડો નોંધાયો હતો. વધતી કિંમતને કારણે ખાસ કરીને price-sensitive ગ્રાહકો નવા ફોનની ખરીદી મુલતવી રાખી રહ્યા છે.
ગ્રાહકો બજેટ વધારવા અને refurbished ફોન તરફ વળી રહ્યા છે કાઉન્ટરપોઇન્ટના ભારતીય ગ્રાહક સર્વે મુજબ, 46% ગ્રાહકો પોતાની પસંદનો સ્માર્ટફોન ખરીદવા માટે બજેટ વધારવા તૈયાર છે. બીજી તરફ, લગભગ એક ચતુર્થાંશ ગ્રાહકો ખરીદી મુલતવી રાખવાનું વિચારી રહ્યા છે, જ્યારે 29% ગ્રાહકો બજેટમાં રહેવા માટે refurbished ફોન સહિતના વિકલ્પો અપનાવી રહ્યા છે. 2026માં સ્માર્ટફોન વધુ મોંઘા થવાની અસર ખાસ કરીને બજેટ અને મિડ-રેન્જ સેગમેન્ટમાં જોવા મળી શકે છે. Counterpoint Researchના તાજેતરના વિશ્લેષણ મુજબ, 2026માં નવા smartphone launches પણ ગયા વર્ષની સરખામણીમાં સરેરાશ 25% વધુ મોંઘા રહ્યા છે. આથી તહેવારોની સિઝનમાં ફોન ખરીદતા પહેલા ગ્રાહકો માટે કિંમત, storage configuration, EMI અને exchange offerની સરખામણી કરવી વધુ મહત્વપૂર્ણ બની શકે છે.

2026માં ભારતમાં સ્માર્ટફોનના વધતા ભાવ અને મેમરી ચિપની કિંમત

₹15,000થી ઓછી કિંમતના ફોન પર કેમ પડી રહી છે સૌથી મોટી અસર? મેમરીના ભાવ 4 ગણાં વધતાં શું બદલાયું? અને હવે ગ્રાહકો ફોન ખરીદવા માટે શું કરી રહ્યા છે?

2026માં ફોન ખરીદવો મોંઘો પડશે? ભારતમાં સ્માર્ટફોનના ભાવ 21% વધ્યા, કારણ જાણીને ચોંકી જશો!

Gujarat Bank Strike 2026: ગુજરાતમાં બેંક કર્મચારીઓએ 5 Day Working Week એટલે કે અઠવાડિયામાં પાંચ દિવસ બેંકિંગ કામકાજ અને તમામ શનિવારે રજાની માંગને લઈને હડતાલનું એલાન કર્યું છે. શુક્રવાર, 11 સપ્ટેમ્બર 2026ના રોજ ગુજરાતમાં જાહેર ક્ષેત્રની બેંક શાખાઓમાં કામકાજને અસર થવાની શક્યતા છે.
મહા ગુજરાત બેંક એમ્પ્લોઈઝ એસોસિએશન (MGBEA) ના નેતૃત્વ હેઠળ બેંક કર્મચારીઓએ તબક્કાવાર આંદોલન શરૂ કર્યું છે. જો 5 Day Working Weekની માંગ પર નિર્ણય નહીં આવે તો સપ્ટેમ્બરના અંતમાં ફરી હડતાલ અને ત્યારબાદ ઓક્ટોબરથી&nbsp;અનિશ્ચિત મુદતની બેંક હડતાલની ચીમકી આપવામાં આવી છે.
11 સપ્ટેમ્બરે ગુજરાતમાં બેંક હડતાલ
MGBEA દ્વારા 11 સપ્ટેમ્બર 2026ની બેંક હડતાલનું આહ્વાન કરવામાં આવ્યું છે. આ હડતાલમાં ગુજરાતભરના મોટી સંખ્યામાં બેંક કર્મચારીઓ અને અધિકારીઓ જોડાવાની શક્યતા છે.
MGBEAના જનરલ સેક્રેટરી જનક રાવલના જણાવ્યા અનુસાર, હડતાલના કારણે રાજ્યમાં અંદાજે ₹15,000 કરોડના બેંકિંગ વ્યવહારો પ્રભાવિત થઈ શકે છે.
આ ઉપરાંત, ગુજરાતમાં આશરે 5,400 બેંક શાખાઓ અને લગભગ 75,000 બેંક કર્મચારીઓ તથા અધિકારીઓ આ આંદોલન સાથે જોડાય તેવી શક્યતા છે.
<h2>સપ્ટેમ્બરના અંતમાં સતત 5 દિવસ બેંકિંગ સેવાઓને અસર</h2>
બેંક યુનિયનો દ્વારા આગામી તબક્કાની હડતાલ માટે 28, 29 અને 30 સપ્ટેમ્બર 2026ની તારીખો જાહેર કરવામાં આવી છે.આ સાથે 26 સપ્ટેમ્બરનો ચોથો શનિવાર અને 27 સપ્ટેમ્બરનો રવિવાર હોવાથી બ્રાન્ચ આધારિત બેંકિંગ સેવાઓ માટે લાંબો બ્રેક આવી શકે છે.એટલે 26 સપ્ટેમ્બરથી 30 સપ્ટેમ્બર સુધી સતત 5 દિવસ બેંક શાખાઓ બંધ રહેવાની સ્થિતિ સર્જાઈ શકે છે.જો આ સમયગાળા દરમિયાન કોઈ મહત્વપૂર્ણ બ્રાન્ચ આધારિત કામ હોય, તો ગ્રાહકોએ તારીખોનું ખાસ ધ્યાન રાખવું પડશે.
26 ઓક્ટોબરથી અનિશ્ચિત બેંક હડતાલની ચીમકી
બેંક કર્મચારીઓએ માત્ર સપ્ટેમ્બર સુધી જ વિરોધ મર્યાદિત રાખ્યો નથી.જો તેમની માંગણીઓનો ઉકેલ નહીં આવે તો 26 ઓક્ટોબર 2026થી અનિશ્ચિત મુદતની હડતાલ શરૂ કરવાની ચીમકી આપવામાં આવી છે.આ સ્થિતિમાં ગુજરાત સહિત દેશના બેંકિંગ ક્ષેત્રમાં બ્રાન્ચ આધારિત સેવાઓ પર વધુ વ્યાપક અસર પડી શકે છે.
બેંક હડતાલમાં ગ્રાહકોની કઈ સેવાઓ પ્રભાવિત થશે?
હડતાલ દરમિયાન બ્રાન્ચ અને કાઉન્ટર આધારિત બેંકિંગ સેવાઓ સૌથી વધુ પ્રભાવિત થવાની શક્યતા છે.
ગ્રાહકોને નીચેની સેવાઓમાં મુશ્કેલી અથવા વિલંબ થઈ શકે છે:
<ul data-spread="false">
<li>રોકડ જમા કરાવવી</li>
<li>રોકડ ઉપાડવી</li>
<li>ચેક જમા અને ક્લિયરન્સ સંબંધિત કામગીરી</li>
<li>ખાતા સંબંધિત બ્રાન્ચ સેવાઓ</li>
<li>અન્ય ઓવર-ધ-કાઉન્ટર બેંકિંગ કામકાજ</li>
</ul>
બીજી તરફ, UPI, મોબાઇલ બેંકિંગ, ઇન્ટરનેટ બેંકિંગ અને અન્ય ડિજિટલ બેંકિંગ સેવાઓ સામાન્ય રીતે ચાલુ રહેવાની અપેક્ષા છે. જોકે, ચોક્કસ બેંકની સેવા પરિસ્થિતિ અલગ હોઈ શકે છે.
બેંક કર્મચારીઓ શા માટે કરી રહ્યા છે હડતાલ?
બેંક કર્મચારીઓની મુખ્ય માંગ 5 Day Working Week લાગુ કરવાની છે.હાલમાં બેંકોમાં સામાન્ય રીતે માત્ર બીજા અને ચોથા શનિવારે રજા હોય છે. યુનિયનોની માંગ છે કે તમામ શનિવારે બેંકોમાં રજા આપવામાં આવે અને બેંકિંગ માટે પાંચ દિવસનું કાર્યકારી સપ્તાહ લાગુ કરવામાં આવે.યુનિયનોનું કહેવું છે કે આ માટે સોમવારથી શુક્રવાર સુધી વધારાના કામના કલાકો આપીને ગ્રાહકોના કુલ બેંકિંગ કામકાજના સમયમાં ઘટાડો ન થાય તે રીતે વ્યવસ્થા કરી શકાય છે.
2024થી પેન્ડિંગ છે 5 Day Working Weekનો પ્રસ્તાવ
5 Day Working Weekનો પ્રસ્તાવ માર્ચ 2024માં Indian Banks' Association (IBA) અને બેંક કર્મચારી યુનિયનો વચ્ચે થયેલા કરારમાં સામેલ કરવામાં આવ્યો હતો.
પ્રસ્તાવ મુજબ તમામ શનિવારે રજા આપવાના બદલામાં બેંક કર્મચારીઓ સોમવારથી શુક્રવાર દરરોજ વધારાના 40 મિનિટ કામ કરવા સંમત થયા હતા.
આ પ્રસ્તાવને અંતિમ મંજૂરી માટે કેન્દ્રીય નાણાં મંત્રાલય સમક્ષ મોકલવામાં આવ્યો હતો. MGBEAના જણાવ્યા અનુસાર આ મુદ્દો બે વર્ષથી વધુ સમયથી પેન્ડિંગ છે.
7 બેંકિંગ યુનિયનો આંદોલનમાં સામેલ
5 Day Working Weekની માંગ સાથે કુલ 7 મુખ્ય બેંકિંગ યુનિયનો આંદોલનમાં ભાગ લઈ રહ્યા છે.
આ યુનિયનોમાં:
AIBEA, AIBOC, NCBE, BEFI, INBOC, INBEF અને AIBOAનો સમાવેશ થાય છે.
યુનિયનોનું કહેવું છે કે પાંચ દિવસનું કાર્યકારી સપ્તાહ લાગુ કરવાથી ગ્રાહકોને મળતી બેંકિંગ સેવાના કુલ કલાકોમાં ઘટાડો નહીં થાય, કારણ કે કર્મચારીઓ સોમવારથી શુક્રવાર દરમિયાન વધારાના કલાકો કામ કરવા તૈયાર છે.
ગ્રાહકો માટે શું કરવું?
જો તમારે કેશ ડિપોઝિટ, કેશ વિથડ્રૉલ, ચેક અથવા અન્ય બ્રાન્ચ આધારિત બેંકિંગ કામ કરવાનું હોય તો હડતાલની તારીખો પહેલા તમારું કામ પૂર્ણ કરી લેવું યોગ્ય રહેશે.ખાસ કરીને 26થી 30 સપ્ટેમ્બર 2026ના સતત પાંચ દિવસના સમયગાળાને ધ્યાનમાં રાખીને ગ્રાહકોએ પોતાના જરૂરી બેંકિંગ કામનું અગાઉથી આયોજન કરવું જોઈએ.ટૂંકમાં: ગુજરાતમાં 11 સપ્ટેમ્બરે બેંક હડતાલ, ત્યારબાદ 28થી 30 સપ્ટેમ્બરે ફરી હડતાલ અને માંગણીઓનો ઉકેલ નહીં આવે તો 26 ઓક્ટોબરથી અનિશ્ચિત હડતાલની ચીમકી આપવામાં આવી છે. આ સમગ્ર આંદોલનનું કેન્દ્ર 5 Day Working Week અને તમામ શનિવારે બેંક રજાની માંગ છે.

બેંક ગ્રાહકો ચેતી જજો! સપ્ટેમ્બરમાં આ તારીખોએ બદલાઈ જશે બેંકિંગનું ગણિત

ગુજરાતમાં બેંકિંગને મોટો ઝટકો! આ તારીખથી શરૂ થશે હડતાલ, જાણો આખું કારણ

Apple iPhone Duo આખરે લોન્ચ થઈ ગયો છે. Appleનો આ પ્રથમ ફોલ્ડેબલ iPhone છે, જે મોટી 7.6 ઇંચની ફોલ્ડેબલ ડિસ્પ્લે, A20 Pro ચિપ, 48MP ડ્યુઅલ કેમેરા, Apple Intelligence અને iOS 27 જેવા ફીચર્સ સાથે આવ્યો છે. ભારતમાં iPhone Duoની શરૂઆતની કિંમત ₹2,99,900 રાખવામાં આવી છે.
Appleનો લાંબા સમયથી ચર્ચામાં રહેલો Foldable iPhone હવે સત્તાવાર રીતે બજારમાં આવી ગયો છે. કંપનીએ પોતાના પ્રથમ ફોલ્ડેબલ સ્માર્ટફોનનું નામ iPhone Duo રાખ્યું છે. ફોન બંધ હોય ત્યારે કોમ્પેક્ટ iPhoneનો અનુભવ આપે છે, જ્યારે તેને ખોલતાં મોટી ડિસ્પ્લે સાથે મલ્ટીટાસ્કિંગ, ગેમિંગ અને વીડિયો માટે વધુ સ્પેસ મળે છે.
&nbsp;
<blockquote class="twitter-tweet">
This is the iPhone Duo, starting at $1,999 <a href="https://x.com/hashtag/AppleEvent?src=hash&amp;ref_src=twsrc%5Etfw">#AppleEvent</a> <a href="https://t.co/5VithPkI5v">pic.twitter.com/5VithPkI5v</a>
&mdash; Apple Hub (@theapplehub) <a href="https://x.com/theapplehub/status/2097751068780486770?ref_src=twsrc%5Etfw">September 9, 2026</a></blockquote>
<script src="https://platform.x.com/widgets.js" async="" charset="utf-8"></script>
&nbsp;
iPhone Duoની 7.6 ઇંચની ફોલ્ડેબલ ડિસ્પ્લે
iPhone Duoમાં 7.6 ઇંચની Super Retina XDR ફોલ્ડેબલ ડિસ્પ્લે આપવામાં આવી છે. આ ઉપરાંત ફોનમાં 5.4 ઇંચની બાહ્ય ડિસ્પ્લે પણ મળે છે.
બંને સ્ક્રીનમાં ProMotion, Always-On Display અને 3,000 નિટ્સ સુધીની પીક આઉટડોર બ્રાઇટનેસ આપવામાં આવી છે. મોટી ફોલ્ડેબલ સ્ક્રીનને કારણે વીડિયો જોવા, ગેમિંગ અને એકસાથે અનેક કામ કરવા માટે વધુ જગ્યા મળે છે.
ફોનને IP68 રેટિંગ પણ આપવામાં આવ્યું છે, જે પાણી અને ધૂળ સામે સુરક્ષા આપે છે.
Apple iPhone Duoમાં 48MP ડ્યુઅલ કેમેરા
કેમેરાની વાત કરીએ તો Appleએ iPhone Duoમાં ટ્રિપલ કેમેરાને બદલે ડ્યુઅલ કેમેરા સેટઅપ આપ્યો છે.
કેમેરા સેટઅપમાં:
<ul data-spread="false">
<li>48MP Fusion Main Camera</li>
<li>48MP Fusion Ultra-Wide Camera</li>
</ul>
બંને કેમેરા સાથે યુઝર્સને ફોટોગ્રાફી અને અલ્ટ્રા-વાઇડ ફોટોઝ માટે અલગ-અલગ વિકલ્પો મળે છે.
A20 Pro ચિપથી મળશે પાવરફુલ પરફોર્મન્સ
Apple iPhone Duoમાં A20 Pro ચિપ આપવામાં આવી છે. ફોલ્ડેબલ ડિઝાઇનમાં સતત પરફોર્મન્સ જાળવી રાખવા માટે Appleએ કસ્ટમ Vapor Chamber ટેક્નોલોજીનો ઉપયોગ કર્યો છે.
આ ટેક્નોલોજી ફોનનું તાપમાન નિયંત્રિત કરવામાં મદદ કરે છે. ફોનમાં Dual-Battery System પણ આપવામાં આવ્યું છે.
કંપનીના દાવા પ્રમાણે iPhone Duo લગભગ 24 કલાક સુધીનો બેટરી બેકઅપ આપી શકે છે.
Apple Intelligence અને Siri AI
AIના વધતા ઉપયોગને ધ્યાનમાં રાખીને iPhone Duoમાં Apple Intelligence અને Siri AIનો સપોર્ટ આપવામાં આવ્યો છે.
આ AI ફીચર્સ યુઝર્સને વધુ વ્યક્તિગત અને સ્માર્ટ અનુભવ આપવા માટે બનાવવામાં આવ્યા છે. ફોનમાં iOS 27 પણ આપવામાં આવ્યું છે, જે Appleના નવા સોફ્ટવેર ફીચર્સનો અનુભવ આપે છે.
iPhone Duoની ભારતમાં કિંમત
Apple iPhone Duoની ભારતમાં શરૂઆતની કિંમત ₹2,99,900 છે.
ફોનને 256GBથી 2TB સુધીના સ્ટોરેજ વિકલ્પોમાં રજૂ કરવામાં આવ્યો છે.
કલર વિકલ્પોમાં:
<ul data-spread="false">
<li>Star White</li>
<li>Night Sky</li>
</ul>
શામેલ છે.
iPhone Duoનું પ્રી-ઓર્ડર અને વેચાણ ક્યારે શરૂ થશે?
ભારતમાં iPhone Duoનું પ્રી-ઓર્ડર 16 ઓક્ટોબરથી શરૂ થશે.
જ્યારે ફોનનું સત્તાવાર વેચાણ 23 ઓક્ટોબરથી શરૂ થવાનું છે.
આ રીતે ગ્રાહકોને Appleના પ્રથમ ફોલ્ડેબલ iPhone માટે પ્રી-ઓર્ડર કરવાની તક વેચાણ શરૂ થવાના થોડા દિવસો પહેલાં મળશે.
Apple iPhone Duo શા માટે ખાસ છે?
Apple iPhone Duo સાથે કંપનીએ ફોલ્ડેબલ સ્માર્ટફોન માર્કેટમાં મોટી એન્ટ્રી કરી છે. 7.6 ઇંચની ફોલ્ડેબલ ડિસ્પ્લે, 5.4 ઇંચની કવર સ્ક્રીન, A20 Pro ચિપ, 48MP ડ્યુઅલ કેમેરા, Apple Intelligence, iOS 27 અને 24 કલાક સુધીના બેટરી બેકઅપનો દાવો તેને Appleના સામાન્ય iPhone મોડલ્સથી અલગ બનાવે છે.
લગભગ ₹3 લાખની શરૂઆતની કિંમત સાથે iPhone Duo પ્રીમિયમ ફોલ્ડેબલ સ્માર્ટફોન સેગમેન્ટમાં મુકાયો છે. હવે જોવાનું એ રહેશે કે Appleનો પ્રથમ Foldable iPhone ગ્રાહકોને કેટલો પસંદ પડે છે અને ફોલ્ડેબલ સ્માર્ટફોન માર્કેટમાં તેની કેટલી અસર જોવા મળે છે.

iPhone હવે ખુલશે પણ! Appleના નવા Foldable iPhoneની કિંમત અને ફીચર્સ જોઈ ચોંકી જશો

Appleએ કરી મોટી એન્ટ્રી! નવો Foldable iPhone જોઈને Samsungને મળશે ટક્કર?

KTR Revanth Reddy Controversy: તેલંગાણાના રાજકારણમાં સરકારી જમીનની ફાળવણીને લઈને ફરી રાજકીય ગરમાવો જોવા મળી રહ્યો છે. ભારત રાષ્ટ્ર સમિતિ (BRS)ના કાર્યકારી અધ્યક્ષ કે. ટી. રામા રાવે (KTR) મુખ્યમંત્રી એ. રેવંત રેડ્ડી સરકાર પર સવાલો ઉઠાવ્યા છે. KTRએ Tesseract Advanced Systemsને કરવામાં આવેલી સરકારી જમીનની ફાળવણીની તપાસની માંગ કરી છે અને આ કંપનીનું મુખ્યમંત્રીના ભાઈ અનમુલા કોંડલ રેડ્ડી સાથે જોડાણ હોવાનો દાવો કર્યો છે.
₹200 કરોડની જમીન માત્ર ₹7 કરોડમાં ફાળવાઈ હોવાનો KTRનો દાવો KTRના જણાવ્યા મુજબ, Tesseract Advanced Systemsને તેલંગાણામાં આશરે પાંચ એકર સરકારી જમીન ફાળવવામાં આવી છે. KTRનો દાવો છે કે આ જમીનની કિંમત આશરે ₹200 કરોડ છે, જ્યારે તે લગભગ ₹7 કરોડમાં ફાળવાઈ હોવાનો આરોપ તેમણે લગાવ્યો છે. આ દાવાને આધારે KTRએ જમીન ફાળવણીની સમગ્ર પ્રક્રિયાની તપાસની માંગ કરી છે. તેમણે સવાલ ઉઠાવ્યો છે કે જમીન ફાળવતી વખતે કંપનીની નાણાકીય ક્ષમતા, પૃષ્ઠભૂમિ અને અન્ય જરૂરી માપદંડોની યોગ્ય ચકાસણી કરવામાં આવી હતી કે નહીં.
મુખ્યમંત્રીના ભાઈ સાથે જોડાણનો પણ KTRનો આરોપ KTRએ એવો પણ દાવો કર્યો છે કે Tesseract Advanced Systemsનું મુખ્યમંત્રી રેવંત રેડ્ડીના ભાઈ અનમુલા કોંડલ રેડ્ડી સાથે જોડાણ છે. આ કનેક્શનને લઈને પણ તેમણે સરકાર પાસે સ્પષ્ટતા માંગી છે. BRS નેતાએ સવાલ કર્યો કે જો સામાન્ય યુવાનો અને નાના ઉદ્યોગસાહસિકોને પોતાનો વ્યવસાય શરૂ કરવા માટે જમીન અને મૂડી મેળવવામાં મુશ્કેલી પડે છે, તો પછી સરકારી જમીનની આવી ફાળવણી કયા નિયમો હેઠળ કરવામાં આવી?
ED, IT અને CBI તપાસની KTRની માંગ KTRએ આ સમગ્ર મામલે કેન્દ્રની તપાસ એજન્સીઓ દ્વારા તપાસની પણ માંગ કરી છે. તેમણે એન્ફોર્સમેન્ટ ડિરેક્ટોરેટ (ED), આવકવેરા વિભાગ (IT) અને સેન્ટ્રલ બ્યુરો ઑફ ઇન્વેસ્ટિગેશન (CBI) દ્વારા તપાસ કરાવવાની માંગ કરી છે. તેમનો સવાલ છે કે જમીન ફાળવણીમાં તમામ નિયમો અને પ્રક્રિયાનું પાલન થયું હતું કે નહીં. જોકે, આ આરોપોની સ્વતંત્ર રીતે પુષ્ટિ થઈ નથી અને સમગ્ર મામલે સત્તાવાર તપાસ બાદ જ હકીકત સ્પષ્ટ થઈ શકે છે.
વિધાનસભામાં BRS અને કોંગ્રેસ વચ્ચે વધ્યો રાજકીય તણાવ જમીન ફાળવણીનો આ વિવાદ એવા સમયે સામે આવ્યો છે જ્યારે તેલંગાણા વિધાનસભામાં BRS અને કોંગ્રેસ વચ્ચે ટકરાવ વધ્યો છે. મોનસૂન સત્ર દરમિયાન ગૃહમાં સતત વિક્ષેપ અને વિરોધ વચ્ચે KTR તથા ટી. હરીશ રાવ સહિત 20થી વધુ BRS ધારાસભ્યોને સત્રના બાકીના સમય માટે સસ્પેન્ડ કરવામાં આવ્યા હતા. BRSનો આરોપ છે કે સરકાર વિપક્ષના મુદ્દાઓ પર ચર્ચાથી બચી રહી છે. બીજી તરફ, સત્તાધારી પક્ષનું વલણ છે કે ગૃહની કાર્યવાહી સુચારૂ રીતે ચલાવવા માટે વિક્ષેપ સામે કાર્યવાહી જરૂરી છે.
જમીન ફાળવણી મુદ્દે હવે સરકારનો જવાબ મહત્વનો Tesseract Advanced Systemsને કરવામાં આવેલી જમીન ફાળવણી અંગે KTRના આરોપો બાદ તેલંગાણાના રાજકારણમાં આ મુદ્દો વધુ ગરમાઈ શકે છે. કંપની તરફથી પણ લગાવવામાં આવેલા આરોપોને નકારવામાં આવ્યા છે. તેથી હવે સરકારની સ્પષ્ટતા અને કોઈ સત્તાવાર તપાસ થાય છે કે નહીં તેના પર સૌની નજર રહેશે.

KTRએ તેલંગાણાની સરકારી જમીન ફાળવણી મુદ્દે સરકાર પર સવાલ ઉઠાવ્યા

તેલંગાણામાં KTRએ રેવંત રેડ્ડી સરકાર સામે એવા સવાલો ઉઠાવ્યા કે રાજકીય ગરમાવો વધી ગયો. જમીન કોને મળી? CMના ભાઈ સાથે કંપનીનું કનેક્શન શું છે? અને KTRએ શા માટે ED, IT અને CBI તપાસની માંગ કરી?

CMના ભાઈનું કનેક્શન અને ₹200 કરોડની જમીન… KTRના સવાલોથી રેવંત રેડ્ડી સરકાર ફરી વિવાદમાં આવી?

Gujarat Fake Tribal Certificate: ગુજરાતમાં નકલી આદિવાસી પ્રમાણપત્ર સામે મોટી કાર્યવાહી કરવામાં આવી છે. ગુજરાત વિધાનસભામાં આદિવાસી વિકાસ મંત્રી નરેશ પટેલે જણાવ્યું કે જસ્ટિસ કારિયા સમિતિની તપાસ બાદ 1 ઓગસ્ટ 2024થી 31 જુલાઈ 2026 દરમિયાન રાજ્યમાં કુલ 75 નકલી આદિવાસી પ્રમાણપત્રો રદ કરવામાં આવ્યા છે. સરકારનો હેતુ સાચા આદિવાસી સમુદાયના અધિકારોનું રક્ષણ કરવાનો અને ખોટા પ્રમાણપત્રના આધારે મળતા સરકારી લાભોને રોકવાનો છે.
ગુજરાતમાં 75 નકલી આદિવાસી પ્રમાણપત્ર રદ વિધાનસભામાં નકલી આદિવાસી પ્રમાણપત્ર રદ કરવા અંગે પૂછાયેલા પ્રશ્નના જવાબમાં મંત્રી નરેશ પટેલે આ માહિતી આપી હતી. તેમણે જણાવ્યું કે જસ્ટિસ કારિયા સમિતિ દ્વારા કરવામાં આવેલી તપાસમાં 75 પ્રમાણપત્રો નકલી હોવાનું સામે આવ્યા બાદ તેને રદ કરવામાં આવ્યા છે. આદિવાસી પ્રમાણપત્ર શિક્ષણ, સરકારી નોકરી અને અન્ય સરકારી લાભો સાથે સીધું જોડાયેલું મહત્વપૂર્ણ દસ્તાવેજ છે. તેથી પ્રમાણપત્રની ચકાસણી દરમિયાન દસ્તાવેજો અને સંબંધિત પુરાવાની ઝીણવટભરી તપાસ કરવામાં આવે છે.
1,776 અરજીઓમાંથી 619 પર કાર્યવાહી મંત્રીના જણાવ્યા અનુસાર, ગાંધીનગર-2 વિશ્લેષણ સમિતિને આદિવાસી પ્રમાણપત્રની ચકાસણી માટે કુલ 1,776 અરજીઓ મળી હતી. તેમાંથી 619 અરજીઓ પર કાર્યવાહી કરવામાં આવી છે. આ કાર્યવાહી દરમિયાન પ્રમાણપત્રની યોગ્યતા, દસ્તાવેજો અને સંબંધિત પુરાવાની તપાસ કરવામાં આવે છે. સરકાર દ્વારા પ્રમાણપત્ર ચકાસણી પ્રક્રિયામાં પારદર્શિતા અને ગંભીરતા જાળવવામાં આવી રહી હોવાનું પણ જણાવાયું છે. ખાસ કરીને શિક્ષણ અને સરકારી નોકરીમાં અનામતના લાભ સાથે જોડાયેલા પ્રમાણપત્રોની યોગ્યતા ચકાસવી મહત્વપૂર્ણ બની જાય છે.
નકલી આદિવાસી પ્રમાણપત્ર મળે તો શું થાય? ચકાસણી દરમિયાન કોઈ આદિવાસી પ્રમાણપત્ર નકલી અથવા અમાન્ય હોવાનું સામે આવે તો આદિવાસી વિકાસ વિભાગ સંબંધિત વિભાગને તેની જાણ કરે છે. ત્યારબાદ નિયમો અનુસાર આગળની કાર્યવાહી કરવામાં આવે છે. નકલી પ્રમાણપત્રના આધારે સરકારી નોકરી, શૈક્ષણિક લાભ અથવા અન્ય સરકારી સુવિધા મેળવવામાં આવી હોય તો નિયમ મુજબ તે લાભ રદ કરવાની કાર્યવાહી થઈ શકે છે. આ પ્રક્રિયાનો મુખ્ય ઉદ્દેશ સાચા આદિવાસી લાભાર્થીઓને મળવાપાત્ર અધિકારો અને સરકારી લાભોનું રક્ષણ કરવાનો છે.
સરકારી લાભોમાં નકલી પ્રમાણપત્ર પર રોક આદિવાસી પ્રમાણપત્રના આધારે વિદ્યાર્થીઓને શિક્ષણમાં અનામત, યુવાનોને સરકારી નોકરીમાં લાભ અને પાત્ર લાભાર્થીઓને વિવિધ સરકારી યોજનાઓનો લાભ મળી શકે છે. આવી સ્થિતિમાં ખોટા પ્રમાણપત્રનો ઉપયોગ ન થાય તે માટે ચકાસણી પ્રક્રિયા મહત્વપૂર્ણ બને છે. ગુજરાત સરકારનું કહેવું છે કે સાચા આદિવાસી સમુદાયના અધિકારો સાથે કોઈ અન્યાય ન થાય અને નકલી પ્રમાણપત્રના આધારે કોઈ વ્યક્તિ અયોગ્ય લાભ ન મેળવી શકે તે માટે જરૂરી કાર્યવાહી કરવામાં આવી રહી છે. આગામી સમયમાં પણ પ્રમાણપત્રોની ચકાસણી અને તપાસની પ્રક્રિયા નિયમ મુજબ ચાલુ રહેશે. જસ્ટિસ કારિયા સમિતિની કાર્યવાહી અને ગાંધીનગર-2 વિશ્લેષણ સમિતિને મળેલી અરજીઓના આંકડા દર્શાવે છે કે નકલી આદિવાસી પ્રમાણપત્રના મામલે સરકાર ચકાસણી પ્રક્રિયાને મહત્વ આપી રહી છે.

ગુજરાતમાં 75 નકલી આદિવાસી પ્રમાણપત્ર રદ કરવાની કાર્યવાહી

ચકાસણી માટે 1,776 અરજીઓ આવી હતી, જેમાંથી 619 પર કાર્યવાહી થઈ છે. હવે સવાલ એ છે કે નકલી પ્રમાણપત્રના આધારે સરકારી નોકરી કે અન્ય લાભ મેળવનારાઓનું શું થશે?

ગુજરાતમાં નકલી આદિવાસી પ્રમાણપત્ર મામલે મોટો ખુલાસો! 1,776 અરજીઓમાં શું સામે આવ્યું?

ખાંડના ભાવમાં ફરી વધારો થયો છે. કેન્દ્ર સરકારના ભાવ નિયંત્રણના પ્રયાસો છતાં દેશના સ્થાનિક બજારમાં ખાંડના ભાવ મજબૂત બન્યા છે. ઉત્તર પ્રદેશની ખાનગી ખાંડ મિલોએ ભાવ ઘટાડવાનો ઇનકાર કર્યો છે. બીજી તરફ, મહારાષ્ટ્ર અને ગુજરાતની કેટલીક ખાંડ મિલોએ પણ પોતાના ભાવ વધાર્યા છે.તહેવારોની વધતી માંગ, બજારમાં ઓછો ખાંડનો સ્ટોક અને ટ્રકોની અછતને કારણે ખાંડના ભાવમાં વધુ વધારો થવાની ચિંતા વધી છે.
આજે ખાંડનો ભાવ કેટલો છે?
બુધવારે એક્સ-મિલ ખાંડનો ભાવ ₹4,900થી ₹5,100 પ્રતિ ક્વિન્ટલ વચ્ચે રહ્યો હતો. સપ્તાહની શરૂઆતથી ખાંડના ભાવમાં 2 ટકાથી વધુનો વધારો નોંધાયો છે.
લગભગ બે અઠવાડિયા બાદ ખાંડનો એક્સ-મિલ ભાવ ફરી ₹5,000 પ્રતિ ક્વિન્ટલની સપાટી પાર પહોંચ્યો છે. આ વધારાથી જથ્થાબંધ બજાર તેમજ ખાંડ ખરીદતા વેપારીઓ પર દબાણ વધ્યું છે.
યુપીની ખાંડ મિલોએ ભાવ ઘટાડવાનો ઇનકાર કર્યો
ખાંડ ઉદ્યોગના સૂત્રોના જણાવ્યા પ્રમાણે, ઉત્તર પ્રદેશની મોટાભાગની ખાનગી ખાંડ મિલો હાલ પોતાના ભાવ ઘટાડવા તૈયાર નથી. યુપીમાં ખાંડના ઊંચા ભાવ જળવાઈ રહેતા મહારાષ્ટ્ર અને ગુજરાતની કેટલીક મિલોએ પણ ભાવ વધાર્યા છે.મહારાષ્ટ્રની સહકારી ખાંડ મિલોએ સરકારી પગલાં બાદ શરૂઆતમાં ભાવ ઘટાડ્યા હતા. જોકે, હવે બજારમાં વધતી માંગ અને બદલાયેલી સ્થિતિ વચ્ચે મહારાષ્ટ્રની મિલોએ પણ ભાવ વધારવાનું શરૂ કર્યું છે.
મહારાષ્ટ્રમાં ખાંડના ભાવ ₹600થી ₹700 પ્રતિ ક્વિન્ટલ વધ્યા
સામાન્ય રીતે મહારાષ્ટ્રની ખાંડ ઉત્તર પ્રદેશની ખાંડ કરતાં લગભગ ₹200 પ્રતિ ક્વિન્ટલ સસ્તી હોય છે. પરંતુ તાજેતરમાં બંને રાજ્યો વચ્ચેનો ભાવ તફાવત વધીને ₹600થી વધુ થઈ ગયો હતો.
ઉદ્યોગ સૂત્રોના જણાવ્યા અનુસાર, 8 સપ્ટેમ્બરે મહારાષ્ટ્રની ખાંડ મિલોએ પોતાના પ્રથમ સપ્તાહનો વેચાણ ક્વોટા પૂર્ણ કર્યા બાદ ભાવમાં ₹600થી ₹700 પ્રતિ ક્વિન્ટલનો વધારો કર્યો હતો.
આ વધારા બાદ મહારાષ્ટ્રની ખાંડના ભાવ પણ સ્થાનિક બજારમાં વધુ મજબૂત બન્યા છે.
તહેવારોની માંગથી ખાંડના ભાવમાં વધારો
કૃષ્ણ જન્માષ્ટમી અને ગણેશ ચતુર્થી જેવા તહેવારોને કારણે ખાંડની માંગમાં વધારો થયો છે. તહેવારોની સિઝનમાં મીઠાઈ, બેકરી અને અન્ય ખાદ્ય ઉત્પાદનો માટે ખાંડની માંગ સામાન્ય દિવસોની સરખામણીએ વધી જાય છે.સરકારી હસ્તક્ષેપ બાદ ખાંડના ભાવ ઘટશે તેવી આશામાં ઘણા વેપારીઓએ શરૂઆતમાં મોટી ખરીદી ટાળી હતી. પરિણામે બજારમાં પૂરતો સ્ટોક જમા થયો નહોતો.હવે તહેવારો નજીક આવતા માંગ વધી છે અને વેપારીઓને ઓછી ઉપલબ્ધતા વચ્ચે ખરીદી કરવી પડી રહી છે. ઓછો સ્ટોક, વધતી માંગ અને ટ્રકોની અછત ખાંડના ભાવને ઉપર લઈ જતાં મુખ્ય પરિબળો બન્યા છે.
<h2>ખાંડના ભાવ ઘટાડવા સરકારે શું પગલાં લીધાં?</h2>
ખાંડના છૂટક ભાવ ₹70 પ્રતિ કિલોથી ઉપર પહોંચ્યા બાદ કેન્દ્ર સરકારે ભાવ નિયંત્રણ માટે અનેક પગલાં લીધાં છે.
ખાદ્ય મંત્રાલયે ખાંડની માસિક વેચાણ ક્વોટા સિસ્ટમમાં ફેરફાર કરીને તેને પખવાડિયા આધારિત વેચાણ વ્યવસ્થામાં ફેરવી છે.
નવા નિયમ મુજબ, ખાંડ મિલોએ પોતાના ફાળવાયેલા વેચાણ ક્વોટાના 40 ટકા જથ્થાનું વેચાણ પહેલા સપ્તાહમાં અને બાકીનો જથ્થો બીજા સપ્તાહમાં કરવો પડશે.
કાચી ખાંડની ડ્યુટી-ફ્રી આયાતને મંજૂરી
કેન્દ્ર સરકારે 20 ઓગસ્ટે 31 ઓક્ટોબર સુધી કાચી ખાંડની ડ્યુટી-ફ્રી આયાતને મંજૂરી આપી હતી. આ પગલાનો હેતુ સ્થાનિક બજારમાં ખાંડની ઉપલબ્ધતા વધારવાનો અને ભાવ પર નિયંત્રણ લાવવાનો છે.
આ ઉપરાંત, અગાઉ નિકાસ માટે નક્કી કરવામાં આવેલી ખાંડને સ્થાનિક બજારમાં વેચવાની પણ મંજૂરી આપવામાં આવી છે.
શું ખાંડના ભાવ હજુ વધશે?
સરકારના પગલાં છતાં ઉત્તર પ્રદેશની ખાંડ મિલો ભાવ ઘટાડવા તૈયાર નથી. બીજી તરફ, તહેવારોની માંગ વધી રહી છે અને બજારમાં સ્ટોક તથા પરિવહનની સમસ્યા પણ જોવા મળી રહી છે.
આ સ્થિતિમાં ટૂંકા ગાળામાં ખાંડના ભાવ પર દબાણ યથાવત રહેવાની શક્યતા છે. જોકે, સ્થાનિક બજારમાં ખાંડનો પુરવઠો વધે અને સ્ટોકની સ્થિતિ સુધરે તો આગામી સમયમાં ભાવમાં રાહત મળી શકે છે.
હાલ માટે ₹4,900થી ₹5,100 પ્રતિ ક્વિન્ટલનો એક્સ-મિલ ભાવ બજારમાં ખાંડના મજબૂત ભાવનો સંકેત આપી રહ્યો છે.

સરકારના પ્રયાસો છતાં ખાંડ મોંઘી કેમ થઈ? યુપી બાદ મહારાષ્ટ્રની મિલોએ પણ વધાર્યા ભાવ

ખાંડના ભાવમાં ફરી ઉછાળો ?  ફરી ખોરવાશે તમારા ઘર નું બજેટ , જાણો કઈ રીતે

ગુજરાતમાં વરસાદે ખેંચી તાણ અને હવે ખેડૂતોની ચિંતા વધી! 108 તાલુકામાં અછતનો ખતરો, આગામી દિવસોમાં પાક બચાવવો કેટલો મુશ્કેલ બનશે? જાણો સમગ્ર મામલો...

25 લાખ ખેડૂતો માટે ખતરાની ઘંટડી! ગુજરાતમાં 108 તાલુકા કેમ બન્યા ચિંતાનું કારણ?

નોટબુક સસ્તી થઈ રહી છે… પણ શું તેની પાછળ ભારતીય ઉદ્યોગ માટે મોટું સંકટ ઊભું થઈ રહ્યું છે?

નોટબુક સસ્તી થઈ કે સ્થાનિક ઉદ્યોગ મુશ્કેલીમાં? ASEAN આયાત વચ્ચે ઉત્પાદકોએ સરકાર પાસે કરી આ મોટી માંગ

મિત્ર ગૌરવના સમર્થનમાં ઉતરેલા ઓરીએ આકાંક્ષાની કેટલીક ટિપ્પણીઓ પર ગંભીર સવાલો ઉઠાવ્યા.

ગૌરવ ખન્નાના વિવાદમાં ઓરીએ આખરે કેમ તોડ્યું મૌન?

5 સપ્ટેમ્બર 2026ના રોજ Teacher's Day હોવા છતાં દેશભરમાં બેંક હોલિડે નથી. જાણો આજે બેંક ખુલ્લી છે કે નહીં અને તમારા શહેરમાં સ્થાનિક રજાની સ્થિતિ શું છે.

5 સપ્ટેમ્બર 2026 બેંક હોલિડે: આજે બેંક બંધ છે કે ખુલ્લી? જાણો તમારા શહેરની બેંક રજા

મસ્જિદ ધ્વંસ બાદ સહારનપુરમાં હંગામો, ઇકરા હસન હાઉસ અરેસ્ટથી લઈને માયાવતીના નિવેદન સુધી મામલો ગરમાયો

ઉત્તર પ્રદેશના સહારનપુરમાં મસ્જિદ પર બુલડોઝર ચાલ્યું અને પછી જે થયું તેણે રાજકીય ગરમાવો વધારી દીધો!

આખરે સોના-ચાંદીના ભાવમાં આ ઘટાડા પાછળ શું છે? આગામી દિવસોમાં ભાવ વધુ ઘટશે કે ફરી તેજી આવશે? રોકાણકારો માટે આ ઘટાડો શું સંકેત આપે છે? જાણો MCX પર સોના-ચાંદીના ભાવની સંપૂર્ણ સ્થિતિ...

સોનું-ચાંદી ફરી સસ્તાં! એક જ દિવસમાં કેટલો ઘટાડો થયો અને ચાંદી ઓલટાઈમ હાઈથી કેટલી નીચે આવી?

મિર્ઝાપુર ધ મૂવી રિવ્યૂ: મુન્ના ભૈયા, ગુડ્ડુ પંડિત અને કાલીન ભૈયાની વાપસી વચ્ચે સત્તાની જંગ. જાણો ફિલ્મની વાર્તા, સ્ટારકાસ્ટ અને રવિ કિશનના દમદાર અભિનય વિશે.

Mirzapur The Movie Review: મુન્ના ભૈયા, ગુડ્ડુ અને કાલીન ભૈયા તો આવ્યા, પણ મહેફિલ કોણ લૂંટી ગયું?

ભાજપે વ્હિપ જાહેર કરી છતાં બળવો કેમ ન અટક્યો? રાજકોટ લોધિકા સંઘની ચૂંટણીમાં હવે મામલો બની ગયો છે ‘ભાજપ સામે ભાજપ’નો! 5 બેઠકો પર ભાજપના જ ઉમેદવારો વચ્ચે સીધી ટક્કર

ભાજપે વ્હિપ તો જાહેર કરી, પણ બળવો ન અટક્યો! રાજકોટ લોધિકા ચૂંટણીમાં શું થશે?

રેલવેમાં બાઇક કે સાયકલ પાર્સલ કેવી રીતે કરવી? જાણો જરૂરી ડોક્યુમેન્ટ, બાઇક પાર્સલ ચાર્જ, પેકિંગ, ફ્યુઅલ, રસીદ અને ડિલિવરી સહિતના મહત્વના રેલવે નિયમો.

રેલવેમાં બાઇક પાર્સલ કેવી રીતે કરવી? જાણો જરૂરી ડોક્યુમેન્ટ, ચાર્જ અને સંપૂર્ણ નિયમો

ત્રણેય સ્તરે ભાજપનું શાસન હોવા છતાં ભાજપના જ ધારાસભ્યની રજૂઆત પર કાર્યવાહી કરવામાં દોઢ વર્ષનો સમય કેમ લાગ્યો? જાણો સમગ્ર મામલો...