Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

રાજસ્થાનના કોટા જિલ્લામાં આઠ વર્ષ પહેલાં થયેલી એક લોહિયાળ હત્યાના કેસમાં કોર્ટે ઐતિહાસિક ચુકાદો આપ્યો છે. માત્ર બકરાના વિવાદ જેવી નજીવી બાબતે થયેલી આ હત્યાના કેસમાં કોર્ટે કડક વલણ અપનાવતા એક જ પરિવારના 12 સભ્યોને જન્મટીપની સજા સંભળાવી છે. આ ચુકાદો સમગ્ર રાજ્યમાં ચર્ચાનું કેન્દ્ર બન્યો છે કારણ કે કોટાના ઇતિહાસમાં પ્રથમવાર એકસાથે આટલા લોકોને આજીવન કેદ થઈ છે.
શું હતી સમગ્ર ઘટના ?
આ મામલો વર્ષ 2018નો છે. કોટાના ઉદ્યોગ નગર પોલીસ સ્ટેશન હેઠળના બોમ્બે યોજના વિસ્તારમાં 31 ઓગસ્ટના રોજ હિંસક અથડામણ થઈ હતી. મૃતક ઈશ્તિયાક હુસૈન, જે નિવૃત્ત એએસઆઈનો પુત્ર હતો, તેના મામા અબ્દુલ અઝીઝનો પાડોશી રમઝાની સાથે બકરાને લઈને સામાન્ય ઝઘડો થયો હતો.
જ્યારે આ વિવાદના સમાધાન માટે કેટલાક લોકો રમઝાનીના ઘરે ગયા, ત્યારે મામલો વધુ બિચક્યો હતો. રમઝાની અને તેના પરિવારજનોએ પૂર્વ આયોજિત કાવતરાના ભાગરૂપે લાકડીઓ, છરીઓ અને અન્ય તીક્ષ્ણ હથિયારો વડે હુમલો કરી દીધો હતો. આ હુમલામાં ઈશ્તિયાક હુસૈનને ગંભીર ઈજાઓ પહોંચતા તેનું કરુણ મોત નીપજ્યું હતું.
કોર્ટનો કડક આદેશ :&nbsp;
લાંબી કાનૂની પ્રક્રિયા બાદ કોર્ટે તમામ પુરાવા અને સાક્ષીઓને ધ્યાને રાખીને 12 આરોપીઓને દોષિત જાહેર કર્યા છે. કોર્ટે પ્રત્યેક ગુનેગારને જન્મટીપની સજાની સાથે 13,000 રૂપિયાનો દંડ પણ ફટકાર્યો છે. કોર્ટે નોંધ્યું હતું કે સામૂહિક હુમલો કરીને જીવ લેવો એ ગંભીર અપરાધ છે.
સજા પામેલા 12 ગુનેગારોની યાદી :&nbsp;
આ કેસની સૌથી ચોંકાવનારી બાબત એ છે કે સજા પામેલા તમામ લોકો એક જ પરિવાર સાથે સંકળાયેલા છે. જેમાં નીચે મુજબના લોકોનો સમાવેશ થાય છે:
મુખ્ય આરોપી રમઝાની
રમઝાનીની પત્ની ફરઝાના
રમઝાનીના બે પુત્રો: મુશ્તાક અને મુખ્તાર
અન્ય આરોપીઓ: સદ્દામ ખાન, શાહરુખ, મુબારક અલી, ઝહીર ખાન, નઈમુદ્દીન, શહાદત અને શાહીન ખાનમ.
કોટાના ઇતિહાસમાં પ્રથમવાર :&nbsp;
કાનૂની નિષ્ણાતોના મતે કોટા જિલ્લામાં આ પહેલી ઘટના છે જ્યાં એક જ કેસમાં 12 લોકોને આજીવન કેદની સજા મળી હોય. અગાઉ આ જ વર્ષે એક પોલીસકર્મીની હત્યાના કેસમાં 10 લોકોને સજા થઈ હતી, પરંતુ આ કેસમાં આંકડો વધુ મોટો છે. આ ચુકાદાથી સમાજમાં કડક સંદેશ ગયો છે કે કાયદો હાથમાં લેનાર કોઈ પણ બચી શકશે નહીં.&nbsp;

કોટા હત્યા કેસ જન્મટીપ સજા

8 વર્ષ બાદ મળ્યો ન્યાય: એક જ પરિવારના 12 સભ્યોને જન્મટીપની સજા ફટકારતી રાજસ્થાનની કોર્ટ

કોટામાં બકરાના વિવાદમાં હત્યા: 12 ને આજીવન કેદ

પ્રતિકાત્મક તસવીર

એક ગુણથી રહી ગયેલી મહિલા ઉમેદવારનો કેસ, GPSCના મેનેજમેન્ટ સામે હાઈકોર્ટની ગંભીર ટકોર

એક માર્કના વિવાદ મામલે GPSC સામે હાઈકોર્ટ કડક

માર્ચ અને એપ્રિલ મહિનામાં જ્યારે રાજ્યના મોટાભાગના શહેરોમાં તાપમાન 40 ડિગ્રીને પાર પહોંચતું હોય છે, ત્યારે આ વર્ષે કુદરતે મિજાજ બદલ્યો છે. પૂર્વ ઇરાન અને તેની આસપાસના વિસ્તારોમાં સમુદ્ર સપાટીથી 3.1 કિલોમીટરની ઊંચાઈએ સર્જાયેલા વેસ્ટર્ન ડિસ્ટર્બન્સને કારણે ગુજરાતમાં વેધર પેટર્ન સંપૂર્ણપણે ખોરવાઈ ગઈ છે. આ પરિવર્તનને લીધે રાજ્યમાં વાદળછાયા વાતાવરણ વચ્ચે હળવાથી મધ્યમ વરસાદની એન્ટ્રી થઈ છે.
તાપમાનમાં ઘટાડો અને પવનની ગતિમાં વધારો :&nbsp;
હવામાન વિભાગના જણાવ્યા અનુસાર, આગામી 24 કલાકમાં રાજ્યના મહત્તમ તાપમાનમાં 2 થી 3 ડિગ્રીનો ઘટાડો નોંધાઈ શકે છે, જેનાથી ગરમીમાં આંશિક રાહત મળશે. જોકે, વરસાદની સાથે પવનની ગતિ ચિંતાજનક બની શકે છે. ખાસ કરીને દરિયાકાંઠાના વિસ્તારોમાં 40 થી 50 કિલોમીટર પ્રતિ કલાકની ઝડપે પવન ફૂંકાવાની શક્યતા છે.
3 એપ્રિલ: આ જિલ્લાઓમાં વરસાદની ચેતવણી :&nbsp;
3 એપ્રિલ, શુક્રવારના રોજ રાજ્યના અનેક જિલ્લાઓમાં મેઘમહેર (કે મેઘકહેરી) જોવા મળી શકે છે. હવામાન વિભાગે નીચે મુજબના વિસ્તારોમાં આગાહી કરી છે:
ઉત્તર ગુજરાત: બનાસકાંઠા અને સાબરકાંઠા
સૌરાષ્ટ્ર અને કચ્છ: પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, કચ્છ અને દીવ. આ વિસ્તારોમાં ગાજવીજ સાથે હળવોથી મધ્યમ વરસાદ અને કેટલીક જગ્યાએ થન્ડરસ્ટ્રોર્મ એક્ટિવિટી (વીજળીના કડાકા-ભડાકા) પણ જોવા મળશે.
4 થી 10 એપ્રિલ સુધીનું ચિત્ર :&nbsp;
માવઠાની આ અસર માત્ર એક દિવસ પૂરતી મર્યાદિત નથી. 4 એપ્રિલના રોજ મધ્ય અને દક્ષિણ ગુજરાતના ભાગોમાં વરસાદની અસર વરતાશે:
અરવલ્લી, પંચમહાલ, દાહોદ, મહીસાગર
વડોદરા, છોટાઉદેપુર, નર્મદા અને ભરૂચ
અમરેલી અને કચ્છમાં પણ કમોસમી વરસાદ ચાલુ રહેશે
રાજ્યમાં 10 એપ્રિલ સુધી વાદળછાયું વાતાવરણ રહેશે અને છૂટોછવાયો વરસાદ વરસી શકે છે. આ બદલાયેલી વેધર પેટર્ન માત્ર ગુજરાત જ નહીં, પણ ઉત્તર અને પશ્ચિમ ભારતના અન્ય રાજ્યો જેવા કે રાજસ્થાન, મહારાષ્ટ્ર અને કોંકણમાં પણ 15 એપ્રિલ સુધી અસર કરશે.
1. 3 થી 6 એપ્રિલ: સૌરાષ્ટ્ર અને કચ્છના ભાગોમાં આંધી-વંટોળ સાથે વરસાદ પડશે.
2. 7 થી 10 એપ્રિલ: મધ્ય ગુજરાતના વિસ્તારોમાં વરસાદની તીવ્રતા જોવા મળશે.
3. પવનનો ફફડાટ: વરસાદ પહેલા પવનની ગતિમાં ભારે ઉછાળો આવશે, જે ખેતીના પાકને નુકસાન પહોંચાડી શકે છે.
ગરમીનો બીજો રાઉન્ડ ક્યારે ?
અત્યારે ભલે તાપમાનમાં ઘટાડો થયો હોય, પરંતુ આ રાહત ક્ષણિક છે. હવામાન વિભાગના મતે 15 એપ્રિલ સુધી વાતાવરણ ડિસ્ટર્બ રહેશે, પરંતુ 26 એપ્રિલ બાદ ગુજરાતમાં ગરમીનું પ્રમાણ ફરીથી વધશે અને તાપમાનનો પારો ઊંચે જશે.&nbsp;

ગુજરાત કમોસમી વરસાદ આગાહી

વેસ્ટર્ન ડિસ્ટર્બન્સને કારણે 15 એપ્રિલ સુધી રાજ્યના વિવિધ ભાગોમાં ગાજવીજ સાથે માવઠું પડશે

ગુજરાતમાં કમોસમી વરસાદની આફત: હવામાન વિભાગની આગાહી

બોલીવુડ સુપરસ્ટાર રણવીર સિંહની મોસ્ટ અવેટેડ ફિલ્મ &lsquo;ધુરંધર 2&rsquo; બોક્સ ઓફિસ પર ઈતિહાસ રચી રહી છે. રિલીઝના પ્રથમ દિવસથી જ આ ફિલ્મ કમાણીના નવા શિખરો સર કરી રહી છે. માત્ર 14 દિવસના ટૂંકા ગાળામાં ફિલ્મે વિશ્વભરમાં આશરે 1,466.47 કરોડ રૂપિયાનું અધધ કલેક્શન કરીને સિનેમા જગતને ચોંકાવી દીધું છે. આ સાથે જ તે ભારતીય સિનેમાના ઇતિહાસમાં સૌથી વધુ કમાણી કરનારી ટોચની ચાર ફિલ્મોની યાદીમાં સામેલ થઈ ગઈ છે.
ભારતીય બજારમાં ફિલ્મે મચાવી ધૂમ :&nbsp;
ટ્રેડ એનાલિસ્ટ વેબસાઇટ સેકનિલ્કના આંકડા અનુસાર, ફિલ્મે તેની રિલીઝના બીજા બુધવારે (14મા દિવસે) ભારતમાં 20.10 કરોડ રૂપિયાનું નેટ કલેક્શન કર્યું છે. અત્યાર સુધીમાં ભારતનું કુલ નેટ કલેક્શન 920.02 કરોડ રૂપિયા પર પહોંચ્યું છે, જ્યારે ગ્રોસ કલેક્શન (ટેક્સ પહેલાની રકમ) 1,101.47 કરોડ રૂપિયા થઈ ગયું છે. વિદેશી બજારોમાં પણ ફિલ્મે શાનદાર પ્રદર્શન કરતા 365 કરોડ રૂપિયાની કમાણી કરી છે.
હિન્દી વર્ઝનનો સૌથી વધુ ફાળો :&nbsp;
ધુરંધર 2 ને અલગ-અલગ ભાષાઓમાં રિલીઝ કરવામાં આવી હતી, જેમાં હિન્દી વર્ઝન સૌથી સફળ સાબિત થયું છે. 14મા દિવસના કલેક્શન પર નજર કરીએ તો:
હિન્દી: 18.75 કરોડ રૂપિયા
તેલુગુ: 85 લાખ રૂપિયા
તમિલ: 30 લાખ રૂપિયા
કન્નડ: 15 લાખ રૂપિયા
મલયાલમ: 5 લાખ રૂપિયા
રેકોર્ડબ્રેક સફળતા અને જૂના રેકોર્ડ્સ :&nbsp;
આ ફિલ્મ હવે દુનિયાની સૌથી વધુ કમાણી કરનારી ચોથી ભારતીય ફિલ્મ બની ગઈ છે. હવે તેની આગળ માત્ર &lsquo;દંગલ&rsquo;, &lsquo;બાહુબલી 2&rsquo; અને &lsquo;પુષ્પા 2&rsquo; જેવી બ્લોકબસ્ટર ફિલ્મો જ બાકી છે. ઉલ્લેખનીય છે કે આ ફિલ્મની પ્રથમ કડી એટલે કે 'ધુરંધર' પણ અત્યંત સફળ રહી હતી, જેણે વિશ્વભરમાં 1,307 કરોડની કમાણી કરી હતી.
વિદેશમાં પણ રણવીર સિંહનો જાદુ :&nbsp;
ફિલ્મને ખાસ કરીને અમેરિકા અને કેનેડામાં અભૂતપૂર્વ પ્રતિસાદ મળ્યો છે, જ્યાં તેણે બાહુબલી 2 ના કેટલાક અગાઉના રેકોર્ડ પણ તોડી નાખ્યા છે. નોંધનીય બાબત એ છે કે ખાડી દેશોમાં રિલીઝ માટે મંજૂરી ન મળી હોવા છતાં, ફિલ્મે ગ્લોબલ માર્કેટમાં મજબૂત પક્કડ બનાવી રાખી છે. આ ઉપરાંત, તે ભારતીય સિનેમાની સૌથી વધુ કમાણી કરનારી &lsquo;A&rsquo; રેટેડ ફિલ્મ તરીકે પણ ઉભરી આવી છે.&nbsp;

ધુરંધર 2 બોક્સ ઓફિસ કલેક્શન

રણવીર સિંહની ફિલ્મનો રેકોર્ડબ્રેક દેખાવ,વિશ્વભરમાં સૌથી વધુ કમાણી કરનારી ચોથી ભારતીય ફિલ્મ

ધુરંધર 2 ની બોક્સ ઓફિસ પર સુનામી: 1466 કરોડ પાર

સુરતના પાંડેસરા વિસ્તારમાં ફૂડ વિભાગ અને SOG (સ્પેશિયલ ઓપરેશન ગ્રુપ) દ્વારા પાડવામાં આવેલા દરોડામાં ઝડપાયેલા 1400 કિલો શંકાસ્પદ પનીરનો લેબોરેટરી રિપોર્ટ જાહેર થયો છે. સુરત મહાનગરપાલિકાના ફૂડ વિભાગના પરીક્ષણમાં આ પનીરનો જથ્થો 'સબ-સ્ટાન્ડર્ડ' અને આરોગ્ય માટે જોખમી સાબિત થયો છે. રિપોર્ટ મુજબ, પનીરમાં કુદરતી મિલ્ક ફેટને બદલે સસ્તું પામોલીન તેલ અને ખતરનાક ઇન્ડસ્ટ્રીયલ એસિડનું મિશ્રણ કરવામાં આવ્યું હતું.
રિપોર્ટમાં શું બહાર આવ્યું ?
સુરત મહાનગરપાલિકાના ફૂડ સેફ્ટી ઓફિસરના જણાવ્યા અનુસાર, પાંડેસરાની ભીડભંજન સોસાયટીમાંથી લેવામાં આવેલા પનીરના નમૂના જાહેર આરોગ્ય પ્રયોગશાળામાં નિષ્ફળ ગયા છે. પનીરમાં દૂધના ફેટનું પ્રમાણ અત્યંત ઓછું જોવા મળ્યું હતું. તેની જગ્યાએ વેજીટેબલ ઓઈલ (બીટા-સિટોસ્ટેરોલ) મોટા જથ્થામાં ભેળવવામાં આવ્યું હતું. આ ભેળસેળિયા પનીરને અસલ જેવું દેખાડવા માટે પામોલીન તેલ, મિલ્ક સોલિડ પાવડર અને પાણીનું મિશ્રણ તૈયાર કરવામાં આવતું હતું.
કેન્સર અને કિડની ફેલ થવાનું જોખમ :&nbsp;
તપાસ દરમિયાન સૌથી ભયાનક બાબત એ સામે આવી છે કે, દૂધ ફાડવા માટે જે સાઇટ્રિક એસિડ કે લીંબુના ફૂલનો ઉપયોગ થવો જોઈએ, તેના બદલે આરોપીઓ કારખાનામાં વપરાતો 'ઇન્ડસ્ટ્રીયલ ગ્રેડ' એસિટિક એસિડ વાપરતા હતા. નિષ્ણાતોના મતે, આ પ્રકારના કેમિકલયુક્ત એસિડનું લાંબા સમય સુધી સેવન કરવાથી આંતરડાનું કેન્સર અને કિડની ફેલ થવા જેવી જીવલેણ બીમારીઓ થઈ શકે છે. સુરતીઓ અજાણતામાં છેલ્લા બે વર્ષથી આવું ઝેરી પનીર આરોગી રહ્યા હોવાની આશંકા છે.
આરોપીની મોડસ ઓપરેન્ડી અને છેતરપિંડી :&nbsp;
મુખ્ય આરોપી મહેશ શર્મા તંત્રની આંખમાં ધૂળ નાખવા માટે મહારાષ્ટ્રના વસઈનું FSSAI લાયસન્સ બતાવતો હતો, જ્યારે તેની ગેરકાયદે ફેક્ટરી સુરતમાં ધમધમતી હતી. શુદ્ધ પનીરની પડતર કિંમત અંદાજે 380 રૂપિયાથી વધુ થતી હોય છે, જ્યારે આ ટોળકી માત્ર 180 થી 220 રૂપિયામાં 'એનાલોગ પનીર' વેચતી હતી. સસ્તા પનીરની લાલચમાં નાની ડેરીઓ અને લારી-ગલ્લાવાળાઓ આ ઝેરી જથ્થો ખરીદતા હતા.
તંત્રનો તપાસનો સકંજો :&nbsp;
SOG એ ફેક્ટરીમાંથી 28 લાખ રૂપિયાની હાઈટેક મશીનરી જપ્ત કરી છે. પોલીસ તપાસમાં ખૂલ્યું છે કે આરોપી છેલ્લા 2 વર્ષથી સુરતના અલગ-અલગ વિસ્તારોમાં આ નેટવર્ક ચલાવતો હતો અને દરરોજ અંદાજે 400 કિલો નકલી પનીર તૈયાર કરતો હતો. ખાસ કરીને પનીર ભૂર્જી અને પનીર ટીક્કા પીરસતી હોટલોમાં આ પનીર સપ્લાય થતું હોવાથી, હવે તંત્ર આવી હોટલો અને ડેરીઓ સામે પણ કડક કાર્યવાહી કરવાની તૈયારી કરી રહ્યું છે.&nbsp;

સુરત નકલી પનીર લેબોરેટરી રિપોર્ટ

પાંડેસરામાં ઝડપાયેલું 1400 કિલો પનીર 'ઝેર' સમાન,મિલ્ક ફેટને બદલે પામોલીન તેલ અને એસિડ

નકલી પનીર: લેબોરેટરી રિપોર્ટમાં ચોંકાવનારો ખુલાસો

ખંભાળિયા પોલીસ સ્ટેશનમાં AAP નેતાઓ-પોલીસ વચ્ચે ઘર્ષણ બાદ અટકાયતથી રાજકીય ગરમાવો

AAP નેતા ઈસુદાન ગઢવીની અટકાયતથી તણાવ

શેઠ સી.એન.વિદ્યાવિહાર કેમ્પસની PTC કોલેજમાં છેડતી કરનાર અધ્યાપકને સસ્પેન્ડ કરાયો

અમદાવાદની PTC કોલેજમાં વિદ્યાર્થિની સાથે છેડતી

'ઓપરેશન એગ ટ્રાન્સફર' હેઠળ રાજસ્થાનના બ્રીડિંગ સેન્ટરમાંથી ઘોરાડનું ફલિત ઈંડું કચ્છ લવાયું

કચ્છમાં એક દાયકા બાદ ઘોરાડનાં બચ્ચાનો જન્મ

પૂર્વ ધારાસભ્ય ગોવિંદ પરમારના પુત્ર હર્ષદ પરમારને ટિકિટ આપી, સહાનુભૂતિ મેળવવાનો પ્રયાસ

ઉમરેઠ વિધાનસભા પેટાચૂંટણીમાં ભાજપનો પરિવારવાદ

15 મનપા, 84 નગરપાલિકા, 34 જિ.પં., 260 તા.પં.માં ચૂંટણી, 26 એપ્રિલે મતદાન, 28એ મત ગણતરી

ગુજરાતમાં સ્થાનિક સ્વરાજની ચૂંટણીની તારીખો જાહેર

ડિજિટલ જનગણના સાથે પ્રથમ વખત સ્વ-ગણતરીની સુવિધા, ગુજરાતમાં 5 એપ્રિલથી શરૂ થશે

ભારતમાં વસતી ગણતરી 2027નો આજથી પ્રારંભ

શેઠના વોટ્સઅપ પરથી આવેલી એક ફાઈલ એકાઉન્ટન્ટને ભારે પડી,સાયબર ઠગોએ મોબાઈલ હેક કર્યો

અમદાવાદમાં APK ફાઈલ મોકલી 10.70 લાખની લૂંટ

સતત ત્રણ મહિના સુધી આચર્યું સૃષ્ટિ વિરુદ્ધનું કૃત્ય; સ્ટોન કિલર કેસનો સાક્ષી નીકળ્યો મુખ્ય

રાજકોટ: રાષ્ટ્રીય શાળામાં બે સગીરો પર કુકર્મ

ધાંગધ્રાથી પરત ફરતી બસની એક્સલ તૂટતા અકસ્માત સર્જાયો, ગંભીર ઈજાગ્રસ્તોને જૂનાગઢ રિફર કરાયા

Leave a Comment :