Shyam Plastic Industries Right

Parth Engineers & Consultant Right

Versatile Solution Bottom

Parth Engineers & Consultant Bottom

Shyam Plastic Industries Bottom

Versatile Solution Right

Benefit-top add-1

Benefit-top add-2

Benefit-top add-3

મ્યાનમાર અને થાઈલેન્ડ પછી, હવે બીજા એક પેસિફિક ટાપુ દેશમાં એક પ્રચંડ ભૂકંપ આવ્યો છે. રિક્ટર સ્કેલ પર તેની તીવ્રતા 7 થી વધુ હોવાનું પણ કહેવાય છે. એપીના અહેવાલ મુજબ, આ ભૂકંપ ટોંગા નજીક આવ્યો હતો. રિક્ટર સ્કેલ પર તેની તીવ્રતા 7.1 નોંધાઈ હતી. આટલી તીવ્રતાના ભૂકંપ પછી સુનામીની ચેતવણી જારી કરવામાં આવી છે. ભૂકંપથી થયેલા નુકસાનની વિગતોની રાહ જોવાઈ રહી છે.&nbsp;
US ભૂસ્તરશાસ્ત્રીય સર્વે અનુસાર, આ ભૂકંપ ટોંગા નજીક આવ્યો હતો. તેની તીવ્રતા 7.1 છે. આ કારણે, પેસિફિક ટાપુ દેશ માટે સુનામીની ચેતવણી જારી કરવામાં આવી છે. US ભૂસ્તરશાસ્ત્રીય સર્વેક્ષણે જણાવ્યું હતું કે સોમવારે સવારે સ્થાનિક સમય મુજબ મુખ્ય ટાપુથી લગભગ 100 કિલોમીટર (62 માઇલ) ઉત્તરપૂર્વમાં ભૂકંપ આવ્યો હતો.&nbsp;
<video style="display: table; margin-left: auto; margin-right: auto;" poster="" controls="controls" width="500" height="400">
<source src="https://ibp-benefits.s3.ap-south-1.amazonaws.com/prod/news/uploads/videos/1743342992469_Tonga.mp4" type="video/mp4"></video>
ખતરનાક મોજાની ચેતવણી...
વિનાશક ભૂકંપ પછી, પેસિફિક સુનામી ચેતવણી કેન્દ્રએ ચેતવણી જારી કરી હતી કે ભૂકંપના કેન્દ્રથી 300 કિલોમીટર (185 માઇલ) દૂર આવેલા દરિયાકાંઠે ખતરનાક મોજા ઉછળી શકે છે. હજુ સુધી કોઈ જાનહાનિના તાત્કાલિક અહેવાલ નથી. તમને જણાવી દઈએ કે, ટોંગા પોલિનેશિયાનો એક દેશ છે જે 171 ટાપુઓનો બનેલો છે અને તેની વસ્તી 1,00,000 થી થોડી વધુ છે, જેમાંથી મોટાભાગના લોકો ટોંગાટાપુના મુખ્ય ટાપુ પર રહે છે. તે ઓસ્ટ્રેલિયાના પૂર્વ કિનારાથી 3,500 કિલોમીટર (2,000 માઇલ) થી વધુ દૂર આવેલું છે.

ટોંગામાં વિનાશક ભૂકંપ, સુનામીનો ખતરો મંડરાયો...

પેસિફિક ટાપુ દેશ ટોંગામાં 7.1 તીવ્રતાનો ભૂકંપ આવ્યો છે. US ભૂસ્તરશાસ્ત્રીય સર્વે મુજબ, ભૂકંપ ટોંગાના મુખ્ય ટાપુથી 100 કિમી દૂર નોંધાયો...

મ્યાનમાર-થાઈલેન્ડ બાદ ટોંગામાં 7.1 નો ધરતીકંપ, સુનામીની ચેતવણી

India's Spice Exports Decline: વૈશ્વિક સ્તરે મસાલાના ઉત્પાદનમાં અગ્રેસર ગણાતા ભારતની મસાલા નિકાસમાં ચાલુ નાણાકીય વર્ષમાં નોંધપાત્ર ઘટાડો જોવા મળ્યો છે. ભારતીય મસાલા બોર્ડના તાજેતરના અહેવાલ મુજબ, નાણાકીય વર્ષ 2025-26 માં ભારતની મસાલા નિકાસમાં જથ્થાની દ્રષ્ટિએ 4% અને મૂલ્યની દ્રષ્ટિએ 6% નો વાર્ષિક ઘટાડો નોંધાયો છે. ગયા વર્ષના સમાન સમયગાળામાં ભારતની કુલ મસાલા નિકાસ $4.72 બિલિયન હતી, જે ચાલુ વર્ષે ઘટીને $4.43 બિલિયન પર પહોંચી ગઈ છે.
મરચાં, જીરું અને હળદરની નિકાસમાં ભારે કડાકો ચીન અને બાંગ્લાદેશ જેવા ભારતના મુખ્ય ખરીદદાર દેશો તરફથી માંગ ઓછી રહેવાને કારણે મસાલા બજારને મોટો ફટકો પડ્યો છે. ભારતમાંથી સૌથી વધુ નિકાસ થતા મરચાંના જથ્થામાં 4% અને મૂલ્યમાં 12% નો ઘટાડો થયો છે. ગયા વર્ષે મરચાંની નિકાસ $1.34 બિલિયન થઈ હતી, જે આ વર્ષે ઘટીને $1.17 બિલિયન થઈ ગઈ છે. આ ઉપરાંત, જીરાની નિકાસ ગયા વર્ષના 229,000 ટનની સરખામણીએ 14% ઘટીને 196,000 ટન થઈ છે, જ્યારે મૂલ્યની દ્રષ્ટિએ તે 28% ના મોટા ઘટાડા સાથે $732 મિલિયન થી ઘટીને $524.22 મિલિયન થઈ ગઈ છે. હળદરની નિકાસ પણ 4% ના ઘટાડા સાથે $341 મિલિયનથી ઘટીને $327 મિલિયન અને ફુદીનાના ઉત્પાદનોની નિકાસ 15% ઘટીને $354 મિલિયન નોંધાઈ છે.
એલચી અને આમલીની નિકાસમાં શાનદાર ઉછાળો બીજી તરફ, કેટલાક મુખ્ય મસાલાઓની નિકાસમાં પ્રોત્સાહક વધારો પણ જોવા મળ્યો છે. એલચીની નિકાસમાં રેકોર્ડબ્રેક 124% નો ઉછાળો આવ્યો છે, જે ગયા વર્ષના $184 મિલિયનથી વધીને $413 મિલિયન થઈ ગઈ છે. મરીની નિકાસના જથ્થામાં 5% નો ઘટાડો થયો હોવા છતાં, આંતરરાષ્ટ્રીય બજારમાં સારા ભાવો મળવાને કારણે તેની કમાણી 11% વધીને $137.84 મિલિયન પર પહોંચી છે. તેમજ આમલીની નિકાસ 42% વધીને $50.77 મિલિયન અને કરી પાવડર-પેસ્ટની નિકાસ 5% ના વધારા સાથે $259.98 મિલિયન થઈ છે.

પ્રતિકાત્મક તસવીર

વૈશ્વિક બજારમાં માંગ ઘટતાં અર્થતંત્ર પર અસર

ભારતની મસાલા નિકાસમાં મોટો ઘટાડો

World Environment Day: દર વર્ષે 5 જૂનના રોજ સમગ્ર વિશ્વમાં 'વિશ્વ પર્યાવરણ દિવસ' ની ઉજવણી કરવામાં આવે છે. આધુનિક દુનિયામાં જ્યારે ગ્લોબલ વોર્મિંગ, પ્રદૂષણ અને ક્લાયમેટ ચેન્જ જેવી ગંભીર સમસ્યાઓ પર મોટા-મોટા સેમિનારો અને એર કન્ડિશન્ડ રૂમોમાં ચર્ચાઓ થતી હોય છે, ત્યારે દક્ષિણ ગુજરાતના આદિવાસી વિસ્તારોમાંથી પર્યાવરણ બચાવવાનો એક જીવંત અને વ્યવહારુ સંદેશ મળી રહ્યો છે. ડાંગ, વલસાડ, તાપી અને વાંસદાના જંગલોમાં વસતો આદિવાસી સમાજ કોઈ પણ મોટી વનસ્પતિશાસ્ત્રની ડિગ્રી વગર સદીઓથી પ્રકૃતિના સાચા રક્ષક તરીકે પોતાની ભૂમિકા ભજવી રહ્યો છે. જાણીતા પ્રકૃતિપ્રેમી અને લેખક કિરણ પાડવીના જણાવ્યા અનુસાર, "જે વૃક્ષ આપણને છાંયો આપે છે, તેની કુહાડીથી નહીં પણ કરુણાથી માવજત કરો. પ્રકૃતિ બચશે તો જ માણસ બચશે."
વૈશ્વિક પર્યાવરણ કટોકટી અને સ્ટોકહોમ કોન્ફરન્સની પૃષ્ઠભૂમિ વર્ષ 1972 માં સંયુક્ત રાષ્ટ્ર (UN) દ્વારા માનવ પર્યાવરણ પર ઐતિહાસિક સ્ટોકહોમ કોન્ફરન્સનું આયોજન કરવામાં આવ્યું હતું, જેમાં આ દિવસની ઉજવણી નક્કી થઈ હતી. ત્યારબાદ વર્ષ 1974 થી દર વર્ષે એક ચોક્કસ થીમ સાથે વૈશ્વિક સ્તરે લોકોને જાગૃત કરવાના પ્રયાસો થાય છે. આ દિવસની મૂળ રૂપરેખા એ જ છે કે મનુષ્યને સમજાવવું કે આ પૃથ્વી માત્ર માનવજાત માટે નથી, પરંતુ કરોડો વનસ્પતિ, પશુ-પક્ષીઓ અને જીવજંતુઓનું પણ આના પર સમાન અસ્તિત્વ છે. વર્તમાન સમયમાં સિમેન્ટના જંગલો વધવાને કારણે ઋતુચક્ર સંપૂર્ણપણે ખોરવાયું છે, જેના પરિણામે ઉનાળામાં તાપમાન 40&deg;C થી વધુ થઈ જાય છે અને ચોમાસામાં અનિયમિત વરસાદ વરસે છે. આ વૈશ્વિક કટોકટી વચ્ચે પ્રકૃતિ સાથે સહ-અસ્તિત્વ સ્વીકારવું એ જ એકમાત્ર વિકલ્પ બચ્યો છે.
સસ્ટેનેબલ ડેવલપમેન્ટ: આદિવાસી સંસ્કૃતિનો મૂળ આધાર વૈજ્ઞાનિકો જેને આજે 'સસ્ટેનેબલ ડેવલપમેન્ટ' એટલે કે ટકાઉ વિકાસ કહે છે, તે આદિવાસી સમાજની પરંપરાગત જીવનશૈલીમાં વણાયેલું છે. આદિવાસી સંસ્કૃતિ એ મૂળભૂત રીતે પ્રકૃતિ-પૂજક સંસ્કૃતિ છે. તેઓ જંગલ, નદી અને જમીનને ક્યારેય વ્યાપારી સંસાધન કે કમાણીનું સાધન ગણતા નથી, પરંતુ તેને પોતાના દેવ સમાન માને છે. તેઓ વાઘદેવ, નાગદેવ અને ધરતી માતા તરીકે માવલી માતાની પૂજા કરે છે. આ પરંપરા પાછળનો હેતુ એ છે કે જે પ્રકૃતિ આપણું પાલન-પોષણ કરે છે, તેનું રક્ષણ કરવું એ આપણી નૈતિક ફરજ છે. આદિવાસીઓ ક્યારેય લીલા વૃક્ષો કાપતા નથી અને જંગલમાંથી માત્ર પોતાની રોજિંદી જરૂરિયાત પૂરતું જ સૂકું લાકડું કે ફળ-ફૂલ એકત્રિત કરે છે. સંગ્રહખોરી ન કરવાની આ માનસિકતા જ પર્યાવરણને લાંબા સમય સુધી સુરક્ષિત રાખે છે.
<img src="https://ibp-benefits.s3.us-east-005.backblazeb2.com/prod/news/uploads/images/1780567151728_WhatsApp%2520Image%25202026-06-04%2520at%25202.43.02%2520PM.jpeg.jpeg" alt="WhatsApp Image 2026-06-04 at 2.43.02 PM.jpeg" width="1000" height="667">
દક્ષિણ ગુજરાતના ગ્રીન ફેફસાં: ડાંગ અને વાંસદાના ગાઢ જંગલો દક્ષિણ ગુજરાતનો વન્ય પટ્ટો સમગ્ર રાજ્યના વાતાવરણને શુદ્ધ અને સંતુલિત રાખવામાં સૌથી મોટો ભાગ ભજવે છે. આ જંગલો સાગ, સાદડ, વાંસ, મહુડા અને ખેર જેવા કિંમતી વૃક્ષોથી સમૃદ્ધ છે. ડાંગ જિલ્લો એ ગુજરાતનો 100% આદિવાસી વસ્તી ધરાવતો અને સૌથી વધુ વન આચ્છાદિત વિસ્તાર છે. અહીં આવેલો વાંસદા નેશનલ પાર્ક અદ્ભુત જૈવ-વિવિધતા ધરાવે છે. વૈજ્ઞાનિક દ્રષ્ટિએ, અહીંના વાંસના વિશાળ ઝુંડ હવામાંથી મોટા પ્રમાણમાં કાર્બન ડાયોક્સાઇડ શોષીને ઓક્સિજન મુક્ત કરવાનું કામ કરે છે, જે આખા ગુજરાત માટે કુદરતી એર-પ્યુરિફાયર સમાન છે.
<img src="https://ibp-benefits.s3.us-east-005.backblazeb2.com/prod/news/uploads/images/1780567188194_WhatsApp%2520Image%25202026-06-04%2520at%25202.43.02%2520PM%2520%25281%2529.jpeg.jpeg" alt="WhatsApp Image 2026-06-04 at 2.43.02 PM (1).jpeg" width="1000" height="539">
ગુજરાતનું ચેરાપુંજી અને જળ-જંગલનો સમન્વય તાપી અને વલસાડ જિલ્લાની ગિરિમાળાઓ પર્યાવરણ સંતુલનનું મોટું ઉદાહરણ છે. વલસાડ જિલ્લાના કપરાડા અને ધરમપુરના જંગલોને 'ગુજરાતનું ચેરાપુંજી' તરીકે ઓળખવામાં આવે છે. અહીં થતો ભારે વરસાદ આ વિસ્તારોમાં આવેલા ગાઢ જંગલોના કારણે જ સંભવ બને છે. તાપી નદીના કિનારે વસેલી સંસ્કૃતિએ હંમેશા જળ અને જંગલના સમન્વયને જાળવી રાખ્યો છે. જંગલો બચશે તો જ ભૂગર્ભ જળના સ્તર જળવાઈ રહેશે તે વાત આદિવાસીઓ સારી રીતે જાણે છે.
પર્યાવરણ રક્ષણ માટે સ્થાનિક સ્તરે લેવાયેલા મહત્વના પગલાં સ્થાનિક આદિવાસી સમુદાયોએ જંગલોને ગેરકાયદેસર કટીંગ અને નુકસાનથી બચાવવા માટે કેટલીક અદ્ભુત પરંપરાઓ અને લોક-આંદોલનો શરૂ કર્યા છે: 'દેવરાઈ' ની પરંપરા: ડાંગ અને વલસાડના અંતરિયાળ ગામોમાં જંગલના ચોક્કસ ભાગને દેવતાઈ સ્થાન ગણીને આરક્ષિત રાખવામાં આવે છે. આ દેવરાઈ વિસ્તારમાંથી એક નાનું પાંદડું તોડવાની પણ કડક મનાઈ હોય છે, જેના લીધે સેંકડો વર્ષ જૂની દુર્લભ વનસ્પતિઓ આજે પણ ત્યાં સુરક્ષિત છે. સ્વયંભૂ જંગલ સુરક્ષા સમિતિઓ: સરકારી વન વિભાગની સમાંતર સ્થાનિક આદિવાસી યુવાનોએ પોતાના મંડળો બનાવ્યા છે. આ યુવાનો રાત્રિના સમયે જંગલમાં પેટ્રોલિંગ કરે છે અને લાકડા ચોરોથી વન સંપત્તિનું રક્ષણ કરે છે. 100% ઓર્ગેનિક ખેતી: રાસાયણિક ખાતરોથી જમીન બગાડવાને બદલે અહીંના ખેડૂતો ગાયના છાણ અને કુદરતી ખાતરનો ઉપયોગ કરીને નાગલી (રાગી), વરાઈ અને અડદ જેવા પૌષ્ટિક પાકો લે છે, જે જમીનની ફળદ્રુપતા વધારે છે. પરંપરાગત બીજ બેંક: આદિવાસી મહિલાઓ જંગલની લુપ્ત થતી ઔષધિઓ અને વૃક્ષોના બીજ એકઠા કરીને તેનું જતન કરે છે. ચોમાસાની શરૂઆત થતાં જ તેઓ જંગલના ખુલ્લા વિસ્તારોમાં જઈને આ બીજોનું કુદરતી વાવેતર કરે છે.
સરકારી વહીવટી તંત્ર અને સામાજિક સંસ્થાઓની સરાહનીય કામગીરી વર્તમાન સમયમાં સરકારી અને સામાજિક સ્તરે પણ આ વિસ્તારોમાં પર્યાવરણ સુધારણા માટે મોટા પાયે કામગીરી ચાલી રહી છે. સાપુતારા, કિલાડ, મહાલ અને પૂર્ણા સેન્ચુરી જેવા પ્રકૃતિના ખોળામાં વસેલા સ્થળોએ ઇકો-ટુરિઝમ (Eco-Tourism) નો વિકાસ કરવામાં આવ્યો છે. આ પ્રવૃત્તિનો મુખ્ય હેતુ પ્રકૃતિને કોઈ પણ પ્રકારનું નુકસાન પહોંચાડ્યા વગર પ્રવાસીઓને પર્યાવરણ પ્રત્યે સંવેદનશીલ બનાવવાનો છે. આ ઉપરાંત, ડાંગ જિલ્લાને પ્લાસ્ટિક મુક્ત અને સંપૂર્ણ ઓર્ગેનિક જિલ્લો બનાવવા માટે સ્થાનિક વહીવટી તંત્ર અને નાગરિકો સંયુક્ત રીતે ઝુંબેશ ચલાવી રહ્યા છે.
વિનાશના ભોગે વિકાસ નહીં વિકાસની આંધળી દોડમાં મનુષ્ય ઘણીવાર એ ભૂલી જાય છે કે તે પ્રકૃતિનો એક ભાગ છે, તેનો માલિક નથી. જો ગ્લોબલ વોર્મિંગની અસરો ઓછી કરવી હોય તો માત્ર કાગળ પર કે સોશિયલ મીડિયા પર સ્ટેટસ મૂકીને પર્યાવરણ દિવસ ઉજવવાની માનસિકતા બદલવી પડશે. આપણે વિકાસ જરૂર કરીએ પરંતુ વિનાશના ભોગે નહીં. આજના આ વિશેષ દિવસે દક્ષિણ ગુજરાતના પ્રકૃતિપુત્રો પાસેથી પ્રેરણા લઈને દરેક નાગરિકે માત્ર એક છોડ વાવવાનો નથી, પરંતુ તેને મોટો કરીને વટવૃક્ષ બનાવવાનો સંકલ્પ લેવો પડશે, જેથી આવનારી પેઢીને શુદ્ધ હવા અને પાણી મળી રહે.
નોંધ: લેખક પોલીસ વિભાગમાં પોલીસ ઈન્સ્પેક્ટર તરીકે ફરજ બજાવે છે અને લેખમાં લખેલા તેમના સ્વતંત્ર વિચારો છે.

જાણો આદિવાસીઓની અદ્ભુત જીવનશૈલી

ડાંગ-વાંસદાના જંગલો કેવી રીતે બને છે રાજ્યના ફેફસા

Operation Delta Hunt : રાજયભરમાં બાંગ્લાદેશીઓ સામે ઓપરેશન ડેલ્ટા હંટ ચાલી રહ્યું છે.જેમાં રાજયભરમાંથી 501 ગેરકાયદેસર બાંગ્લાદેશીઓ ઝડપાયા છે.નાયબ મુખ્યમંત્રીની સૂચના બાદ હાથ ધરાયું હતું ઓપરેશન અને અલગ-અલગ જિલ્લાઓમાં હાથ ધરવામાં આવી હતી તપાસ.આ કાર્યવાહી બાદ રાજ્યભરમાં સુરક્ષા મુદ્દે ફરી ચર્ચા શરૂ થઈ છે.અધિકારીઓના જણાવ્યા અનુસાર,વિવિધ જિલ્લાઓમાં એકસાથે દરોડા અને ચકાસણી અભિયાન હાથ ધરવામાં આવ્યું હતું.શંકાસ્પદ વ્યક્તિઓના દસ્તાવેજોની તપાસ,ઓળખની ચકાસણી અને કાયદેસર વસવાટ અંગે પૂછપરછ બાદ અનેક લોકો સામે કાર્યવાહી કરવામાં આવી છે. રાજ્ય સરકારનું કહેવું છે કે,ગેરકાયદેસર રીતે રહેતા લોકો સામે આવી કાર્યવાહી ભવિષ્યમાં પણ સતત ચાલુ રહેશે.
એજન્ટ ક્યા કયા છે તેની તપાસ ચાલુ છે અમદાવાદ ક્રાઈમ બ્રાન્ચના જેસીપીનું કહેવું છે કે, સમગ્ર મામલે તપાસ ચાલી રહી છે અને કોણ કોણ એજન્ટો છે તે દિશામાં તપાસ ચાલુ છે. જે મહિલાઓ ઝડપાઈ છે તેમાં મોટા ભાગની મહિલાઓ સ્પામાં કામ કરતી હોવાની વાત સામે આવી છે.હાલ પકડેલ બાંગ્લાદેશીઓની ફિંગર પ્રિન્ટ લેવામાં આવશે,જેના આધારે ખ્યાલ આવશે કે અગાઉ પકડાયેલા પૈકી હમણાં છે કે કેમ !સૌથી વધુ વેસ્ટ બંગાળ બોર્ડર મારફતેથી ગુજરાતમાં બાંગ્લાદેશીઓ આવ્યા છે અને અમદાવાદના નારોલ વિસ્તારમાં સૌથી વધુ બાંગ્લાદેશી ઝડપાયા છે.
&lsquo;ઓપરેશન ડેલ્ટા હન્ટ&rsquo; હેઠળ રાજ્યવ્યાપી સર્ચ ગુજરાત પોલીસ દ્વારા રાજ્યની સુરક્ષા વ્યવસ્થાને વધુ મજબૂત બનાવવા માટે &lsquo;ઓપરેશન ડેલ્ટા હન્ટ&rsquo; શરૂ કરવામાં આવ્યું છે. આ અભિયાન અંતર્ગત રાજ્યના અનેક શહેરો અને જિલ્લાઓમાં એકસાથે સર્ચ ઓપરેશન હાથ ધરવામાં આવ્યું હતું. અધિકારીઓએ જણાવ્યું હતું કે તપાસ દરમિયાન શંકાસ્પદ દસ્તાવેજો ધરાવતા લોકોની ઓળખ કરવામાં આવી હતી અને તેમની કાયદેસરની સ્થિતિ અંગે તપાસ હાથ ધરવામાં આવી હતી. આ કાર્યવાહી દરમિયાન 501 ગેરકાયદેસર બાંગ્લાદેશી નાગરિકોને કસ્ટડીમાં લેવામાં આવ્યા છે.
સૌથી વધુ નારોલ વિસ્તારમાં બાંગ્લાદેશી ઝડપાયા અમદાવાદ ક્રાઈમ બ્રાન્ચના જેસીપીનું વધુમાં કહેવું છે કે, એજન્ટો 50 હજારથી વધુ રૂપિયા મેળવતા હતા અને ટ્રેન મારફતે બાંગ્લાદેશીઓ અહીં આવ્યાં છે.એજન્ટો ઘરઘાટી તરીકે કામની વાત કહીને ભારત કે ગુજરાત લાવે છે,બાદમાં મહિલાઓને દેહવ્યાપારમાં ધકેલવામાં આવે છે.હાલ પકડાયેલ બાંગ્લાદેશીઓ સામે માત્ર ડિપોર્ટેશન કામગીરી થશે,જો કોઈ ગેરકાયદે કામગીરીમાં હશે તો ફરિયાદ થશે અને ગયા વર્ષે 465 બાંગ્લાદેશીઓને ડિપોર્ટ કર્યા હતા જે ઝડપી પ્રક્રિયા હતી.
&nbsp;
<blockquote class="twitter-tweet">
24 घंटे। Special Drive। 501 अवैध बांग्लादेशी गिरफ्तार। गुजरात पुलिस का संदेश साफ है अवैध घुसपैठ का एक ही जवाब: सख्त कार्रवाई!
&mdash; Harsh Sanghavi (@sanghaviharsh) <a href="https://x.com/sanghaviharsh/status/2062466639418040361?ref_src=twsrc%5Etfw">June 4, 2026</a></blockquote>

<script src="https://platform.x.com/widgets.js" async="" charset="utf-8"></script>

&nbsp;
હર્ષ સંઘવીએ આપી કાર્યવાહી અંગે માહિતી ગુજરાતના ગૃહ રાજ્યમંત્રી હર્ષ સંઘવીએ સોશિયલ મીડિયા મારફતે આ કાર્યવાહી અંગે માહિતી આપતા જણાવ્યું હતું કે, રાજ્યવ્યાપી સ્પેશિયલ ડ્રાઈવ અંતર્ગત માત્ર 24 કલાકમાં મોટી સંખ્યામાં ગેરકાયદેસર બાંગ્લાદેશી ઘૂસણખોરોને ઝડપી પાડવામાં આવ્યા છે. તેમણે જણાવ્યું હતું કે, રાજ્યમાં કોઈપણ પ્રકારની ગેરકાયદેસર ઘૂસણખોરી કે રાષ્ટ્રીય સુરક્ષાને ખતરો ઉભો કરનારી પ્રવૃત્તિઓને સહન કરવામાં આવશે નહીં. સરકારની &lsquo;ઝીરો ટોલરન્સ&rsquo; નીતિ હેઠળ આવી કાર્યવાહી સતત ચાલુ રહેશે.
ગેરકાયદેસર વસવાટ સામે સરકારની કડક નીતિ રાજ્ય સરકારના જણાવ્યા મુજબ,ગેરકાયદેસર રીતે રહેતા વિદેશી નાગરિકો સામે કાયદાકીય કાર્યવાહી કરવામાં આવશે.જરૂરી પ્રક્રિયા પૂર્ણ થયા બાદ આવા લોકો સામે દેશના કાયદા મુજબ આગળની કાર્યવાહી હાથ ધરાશે.સરકાર અને સુરક્ષા એજન્સીઓએ સ્પષ્ટ કર્યું છે કે,રાજ્યની સુરક્ષા સાથે કોઈ સમાધાન કરવામાં આવશે નહીં અને ભવિષ્યમાં પણ આવા વિશેષ ઓપરેશનો ચલાવવામાં આવશે.
શંકાસ્પદ લોકોની પણ પૂછપરછ ધરપકડ સિવાય અનેક શંકાસ્પદ લોકોની ઓળખ કરીને તેમની પણ સઘન પૂછપરછ કરવામાં આવી રહી છે.સુરક્ષા એજન્સીઓ દ્વારા દસ્તાવેજોની ચકાસણી, રહેઠાણની માહિતી અને અન્ય વિગતોની તપાસ ચાલી રહી છે.પોલીસનું માનવું છે કે, આ કાર્યવાહીથી રાજ્યમાં ગેરકાયદેસર વસવાટ અને સંભવિત સુરક્ષા જોખમોને રોકવામાં મદદ મળશે.
સૌરાષ્ટ્ર અને કચ્છના દરિયાકાંઠાના વિસ્તારોમાંથી પણ ઝડપાયા સૌરાષ્ટ્ર અને કચ્છના દરિયાકાંઠાના વિસ્તારોમાંથી પણ 53 જેટલા બાંગ્લાદેશી ઘૂસણખોરો ઝડપાયા છે. જેમાં સૌથી વધુ કચ્છ પૂર્વમાં 27 અને કચ્છ પશ્ચિમમાં 7 બાંગ્લાદેશીઓ પકડાયા છે. આ ઉપરાંત રાજકોટ શહેરમાં 5, સુરેન્દ્રનગરમાં 5, બોટાદમાં 3, મોરબીમાં 2 તેમજ જામનગર, દેવભૂમિ દ્વારકા અને જૂનાગઢમાંથી 1-1 બાંગ્લાદેશી નાગરિકની ધરપકડ થઈ છે. હાલમાં રાજ્યભરમાં સુરક્ષા એજન્સીઓ દ્વારા 280થી વધુ શંકાસ્પદ વ્યક્તિઓની અટકાયત કરીને તેમના દસ્તાવેજોની વેરિફિકેશનની પ્રક્રિયા યુદ્ધના ધોરણે ચાલી રહી છે.ઉચ્ચ પોલીસ અધિકારીઓના જણાવ્યા અનુસાર, જેમ-જેમ તપાસ અને પૂછપરછ આગળ વધશે તેમ-તેમ ઝડપાયેલા ગેરકાયદેસર બાંગ્લાદેશી નાગરિકોનો આંકડો હજી પણ વધી શકે છે.
&nbsp;

રાજયભરમાંથી 501 ગેરકાયદેસર બાંગ્લાદેશીઓ ઝડપાયા

ગુજરાત પોલીસનું 'ઓપરેશન ડેલ્ટા હન્ટ' સફળ

India Next T20I Captain: ભારતીય T20I ક્રિકેટ ટીમના ભવિષ્ય અને કેપ્ટનશીપને લઈને ક્રિકેટ જગતમાં ભારે ખળભળાટ મચી ગયો છે. આયર્લેન્ડ અને ઈંગ્લેન્ડ પ્રવાસ માટે ભારતીય ટીમની જાહેરાત થાય તે પૂર્વે જ કેપ્ટન પદને લઈને અટકળો તેજ થઈ છે. T20I વર્લ્ડ કપ 2026 વિજેતા કેપ્ટન સૂર્યકુમાર યાદવનું કેપ્ટન પદેથી રાજીનામું લગભગ નિશ્ચિત માનવામાં આવી રહ્યું છે. માત્ર કેપ્ટનશીપ જ નહીં, પરંતુ ખરાબ ફોર્મના કારણે તેને ટીમની લાંબા ગાળાની યોજનાઓમાંથી પણ બહાર રાખવાની ગંભીર હિલચાલ ચાલી રહી છે, જે ભારતીય ક્રિકેટના સૌથી આકરા નિર્ણયોમાંનો એક સાબિત થઈ શકે છે.
BCCI એપેક્સ કાઉન્સિલની કટોકટી બેઠક અને નવો રોડમેપ ભારતીય ક્રિકેટ કંટ્રોલ બોર્ડ (BCCI) હાલમાં વર્ષ 2028 ના T20I વર્લ્ડ કપ ચક્રને ધ્યાનમાં રાખીને એક નવી કોર ટીમ બનાવવા માટે સક્રિય થયું છે. આ સંદર્ભમાં ગુરુવારે BCCI ની એપેક્સ કાઉન્સિલ કમિટીની એક મહત્વપૂર્ણ ઓનલાઈન બેઠક યોજાવાની છે. ક્રિકેટ નિષ્ણાતોના મતે, જો આ માત્ર કેપ્ટન બદલવાનો સામાન્ય નિર્ણય હોત, તો તે પસંદગી સમિતિ અને ટીમ મેનેજમેન્ટ સ્તરે પતી ગયો હોત. પરંતુ એપેક્સ કાઉન્સિલની સંડોવણી દર્શાવે છે કે બોર્ડ સમગ્ર T20I માળખામાં ધરમૂળથી ફેરફાર કરવા જઈ રહ્યું છે. ભૂતકાળમાં રોહિત શર્માના નેતૃત્વમાં ભારતે આઈસીસી ચેમ્પિયન્સ ટ્રોફી જીતી હતી, છતાં મુંબઈ ઇન્ડિયન્સ (MI) અને ગુજરાત ટાઇટન્સ (GT) વચ્ચેની મેચ પહેલા BCCI મુખ્યાલયમાં મળેલી કટોકટી બેઠક બાદ તેને વનડે (ODI) કેપ્ટનશીપ પરથી હટાવીને શુભમન ગિલને કમાન સોંપવામાં આવી હતી. બોર્ડ હવે સૂર્યકુમાર યાદવ મામલે પણ આ જ પ્રકારની કડક વ્યુહરચના અપનાવી રહ્યું છે. બોર્ડ હવે લાગણીઓને બાજુ પર મૂકીને માત્ર પ્રદર્શન અને લાંબા ગાળાની વ્યૂહરચનાના આધારે નિર્ણયો લેવાના મૂડમાં છે.
ખરાબ ફોર્મ અને IPL 2026 માં નિષ્ફળતા નડી સૂર્યકુમાર યાદવની કેપ્ટનશીપ હેઠળ ભારતે મેન્સ T20I વર્લ્ડ કપ 2026 નો ખિતાબ જીત્યો હતો, પરંતુ તાજેતરના મહિનાઓમાં તેનું વ્યક્તિગત ફોર્મ ચિંતાનો વિષય બન્યું છે. પસંદગીકારોએ તેને IPL 2026 દ્વારા પોતાનું ફોર્મ સાબિત કરવાની સુવર્ણ તક આપી હતી, પરંતુ તે આ ટૂર્નામેન્ટમાં અપેક્ષા મુજબનું પ્રદર્શન કરવામાં સંપૂર્ણપણે નિષ્ફળ રહ્યો હતો. મુખ્ય પસંદગીકાર અજિત અગરકરની આગેવાની હેઠળની સમિતિનું માનવું છે કે ભારતીય ટીમને હવે એવા સુકાનીની જરૂર છે જે આગામી બે વર્લ્ડ કપ સુધી સતત ટીમનું નેતૃત્વ કરી શકે અને ટીમમાં પોતાનું સ્થાન પણ મજબૂત રાખી શકે.
શ્રેયસ અય્યર અને સંજુ સેમસન વચ્ચે કેપ્ટનશીપની જંગ નવા કેપ્ટનની રેસમાં હાલમાં બે મોટા નામો સૌથી આગળ ચાલી રહ્યા છે, જેમાં મુખ્ય કોચ ગૌતમ ગંભીર અને પસંદગીકારોના વિચારો અલગ હોવાનું સામે આવ્યું છે. પસંદગી સમિતિ શ્રેયસ અય્યરને કેપ્ટન પદ માટે સૌથી મજબૂત દાવેદાર માને છે. તેણે આઈપીએલ અને સ્થાનિક ક્રિકેટમાં પોતાની નેતૃત્વ ક્ષમતા સાબિત કરી છે. અહેવાલ મુજબ, મુખ્ય કોચ ગૌતમ ગંભીર સંજુ સેમસનને કેપ્ટન બનાવવાના પક્ષમાં છે. સેમસને 2026 ના T20I વર્લ્ડ કપની નોકઆઉટ મેચોમાં શાનદાર પ્રદર્શન કર્યું હતું, જેનાથી ગંભીર ખૂબ પ્રભાવિત છે. જોકે, પસંદગી સમિતિ સંજુ સેમસન અને વિકલ્પ તરીકે જોવામાં આવી રહેલા ઇશાન કિશન અંગે સંપૂર્ણપણે સહમત નથી. પસંદગીકારોનું માનવું છે કે આ બંને ખેલાડીઓને કાયમી કેપ્ટનશીપ સોંપતા પહેલા તેમણે આંતરરાષ્ટ્રીય સ્તરે લાંબા સમય સુધી સાતત્યપૂર્ણ પ્રદર્શન કરવું પડશે.
ગંભીર અને શ્રેયસ વચ્ચેનો જૂનો વિવાદ કેપ્ટનશીપની આ રેસમાં એક રસપ્રદ પાસું ગૌતમ ગંભીર અને શ્રેયસ અય્યર વચ્ચેના સંબંધોનું પણ છે. આઈપીએલ 2024 માં કોલકાતા નાઈટ રાઇડર્સ (KKR) ચેમ્પિયન બન્યું ત્યારે શ્રેયસ અય્યર ટીમનો કેપ્ટન હતો અને ગંભીર મેન્ટર (માર્ગદર્શક) ની ભૂમિકામાં હતો. તે સીઝન પૂરી થયા બાદ શ્રેયસ અય્યરે જાહેરમાં વિવાદિત નિવેદન આપ્યું હતું કે તેને પોતાની સિદ્ધિઓ માટે પૂરતો શ્રેય મળ્યો નથી. આ ટિપ્પણી બાદ ક્રિકેટ વહીવટી વર્તુળોમાં ભારે ચર્ચા જાગી હતી અને આ જ કારણસર ગંભીર અત્યારે શ્રેયસની ઉમેદવારી અંગે અનિશ્ચિત હોવાનું કહેવાય છે.
તિલક વર્મા ડાર્ક હોર્સ તરીકે ઉભર્યો આ તમામ દિગ્ગજોની લડાઈ વચ્ચે યુવા ખેલાડી તિલક વર્માનું નામ એક 'ડાર્ક હોર્સ' તરીકે ઝડપથી આગળ આવી રહ્યું છે. BCCI ની ભવિષ્યની યોજનાઓમાં તિલક વર્માને મુખ્ય ભાગ માનવામાં આવી રહ્યા છે. તાજેતરમાં જ તેને શ્રીલંકા 'A' પ્રવાસ માટે ભારતીય ટીમની કેપ્ટનશીપ સોંપવામાં આવી છે, જે સ્પષ્ટ સંકેત છે કે પસંદગીકારો લાંબા ગાળા માટે યુવા નેતૃત્વ તૈયાર કરી રહ્યા છે.
26 જૂનથી શરૂ થનારા પ્રવાસ પર નજર ભારતીય ટીમની સત્તાવાર જાહેરાત 26 જૂનથી આયર્લેન્ડ સામે શરૂ થઈ રહેલી 2 મેચની T20 શ્રેણી પહેલા કરવામાં આવશે. આ પ્રવાસ માટે પસંદ થનારો કેપ્ટન જ આગામી સમયમાં ભારતીય ક્રિકેટના નવા યુગની શરૂઆત કરશે. ક્રિકેટ ચાહકો અને નિષ્ણાતો અત્યારે BCCI ની સત્તાવાર જાહેરાતની આતુરતાથી રાહ જોઈ રહ્યા છે, કારણ કે આ નિર્ણય આગામી કેટલાક વર્ષો માટે ભારતીય ક્રિકેટનું ભવિષ્ય નક્કી કરશે.

સૂર્યકુમાર યાદવની કેપ્ટનશીપ છીનવાશે? શ્રેયસ અય્યર અને સંજુ સેમસન વચ્ચે ટક્કર

ટીમ ઈન્ડિયા નવો T20I કેપ્ટન શોધવા તૈયાર

Pahlaj Nihalani Passes Away: ફિલ્મ ઉદ્યોગમાંથી એક અત્યંત આઘાતજનક અને દુઃખદ સમાચાર સામે આવ્યા છે. સેન્ટ્રલ બોર્ડ ઓફ ફિલ્મ સર્ટિફિકેશન (CBFC)ના ભૂતપૂર્વ ચેરમેન અને જાણીતા ફિલ્મ નિર્માતા પહલાજ નિહલાની હવે આપણી વચ્ચે નથી રહ્યા. અહેવાલો અનુસાર, તેઓ છેલ્લા કેટલાક સમયથી લીવર સંબંધિત ગંભીર સમસ્યાઓથી પીડાતા હતા. 76 વર્ષની વયે તેમના અવસાનના સમાચાર મળતા જ સમગ્ર બોલિવૂડ અને ચાહકોમાં શોકની લહેર ફેલાઈ ગઈ છે. તમામ કલાકારો અને સોશિયલ મીડિયા યુઝર્સ તેમને આંસુભરી આંખોએ શ્રદ્ધાંજલિ આપી રહ્યા છે.
ગોવિંદા અને ચંકી પાંડેના ગોડફાધર હતા પહલાજ એક સફળ ફિલ્મ નિર્માતા તરીકે પહલાજ નિહલાનીએ બોલિવૂડને ઘણી યાદગાર હિન્દી ફિલ્મો આપી છે. તેમણે વર્ષ 1982 માં આવેલી ફિલ્મ "હથકડી" થી નિર્માતા તરીકે પોતાની શાનદાર કારકિર્દીની શરૂઆત કરી હતી. ત્યારબાદ તેમણે "આંખેં", "શોલા ઔર શબનમ", "અંદાઝ", "પાપ કી દુનિયા" અને "તલાશ" જેવી સુપરહિટ ફિલ્મોનું નિર્માણ કર્યું હતું. બોલિવૂડના સુપરસ્ટાર ગોવિંદા અને ચંકી પાંડેને ઇન્ડસ્ટ્રીમાં મોટો બ્રેક આપી તેમની કારકિર્દીને આકાર આપવામાં પહલાજ નિહલાનીનો મોટો હાથ હતો. વર્ષ 2019 માં આવેલી ગોવિંદાની ફિલ્મ "રંગીલા રાજા" નિર્માતા તરીકે તેમની છેલ્લી ફિલ્મ હતી. આ ઉપરાંત, તેઓ વર્ષ 1980 થી 2009 સુધી મોશન પિક્ચર્સ એન્ડ ટીવી પ્રોગ્રામ પ્રોડ્યુસર્સ એસોસિએશન (AMPTPP) ના પ્રમુખ પણ રહ્યા હતા.
સેન્સર બોર્ડનો વિવાદાસ્પદ કાર્યકાળ પહલાજ નિહલાનીએ વર્ષ 2015 થી 2017 દરમિયાન સેન્સર બોર્ડ (CBFC) ના અધ્યક્ષ તરીકે સેવા આપી હતી. આ 2 વર્ષનો તેમનો કાર્યકાળ ફિલ્મોના સર્ટિફિકેશન અને કાપને લઈને ભારે વિવાદોમાં રહ્યો હતો. ખાસ કરીને ફિલ્મ "ઉડતા પંજાબ" ના નિર્માતાઓ સાથેનો તેમનો વિવાદ દેશભરમાં ચર્ચાનો વિષય બન્યો હતો. આ સતત વિવાદોના કારણે વર્ષ 2017 માં તેમને અધ્યક્ષપદેથી હટાવીને તેમના સ્થાને પ્રસૂન જોશીની નિમણૂક કરવામાં આવી હતી. સેન્સર બોર્ડમાંથી મુક્ત થયા બાદ તેમણે વર્ષ 2017 માં આવેલી ફિલ્મ "જુલી 2" નું વિતરણ અને નિર્માણ કર્યું હતું. તેમનું નિધન ફિલ્મ જગત માટે એક ક્યારેય ન પુરી શકાય તેવી મોટી ખોટ છે.

સેન્સર બોર્ડના રહી ચૂક્યા છે અધ્યક્ષ, બોલિવૂડને ઘણી યાદગાર હિન્દી ફિલ્મો આપી

ગોવિંદાના 'ગોડફાધર' ગણાતા પીઢ પ્રોડ્યુસરનું નિધન

Gujarat Rain Alert: ગુજરાતમાં ચોમાસાના સત્તાવાર આગમન પૂર્વે જ હવામાનમાં મોટો પલટો આવ્યો છે. છેલ્લા 3 દિવસથી રાજ્યના વિવિધ ભાગોમાં ભારે પવન, ગાજવીજ અને કરા સાથે પ્રી-મોન્સૂન વરસાદ વરસી રહ્યો છે. આ કવખતના વરસાદ અને વાવાઝોડાએ રાજ્યના અનેક વિસ્તારોમાં ભારે તારાજી સર્જી છે. હવામાન વિભાગના જણાવ્યા અનુસાર, આગામી દિવસોમાં દક્ષિણ-પશ્ચિમ ચોમાસું આગળ વધવા માટે સાનુકૂળ પરિસ્થિતિઓ સર્જાઈ રહી છે, જેના કારણે સમગ્ર રાજ્યમાં વાતાવરણ પ્રભાવિત રહેશે.
વીજળી પડતાં મોત&nbsp; છેલ્લા 24 કલાકમાં સાબરકાંઠા અને મહીસાગર જિલ્લામાં કુદરતનો પ્રકોપ જોવા મળ્યો છે. સાબરકાંઠા જિલ્લાના પોશીના અને વિજયનગર તાલુકામાં તીવ્ર પવન અને કરા સાથે વરસાદ તૂટી પડ્યો હતો. આ દરમિયાન પોશીનાના દાંતિયા ગામે એક અત્યંત કરુણ ઘટના ઘટી હતી, જેમાં અચાનક વીજળી પડવાના કારણે 17 વર્ષીય કિશોર વિક્રમ માલાભાઈ તરારનું ઘટનાસ્થળે જ મોત નીપજ્યું હતું.
વાવાઝોડાથી વ્યાપક નુકસાન બીજી તરફ, મહીસાગર જિલ્લાના કડાણા તાલુકામાં સાંજના સમયે અચાનક ધસી આવેલા ભીષણ વાવાઝોડાએ ગ્રામ્ય વિસ્તારોને બાનમાં લીધા હતા. તીવ્ર પવનના કારણે અનેક કાચા મકાનોના પતરા અને છાપરા હવામાં ઉડી ગયા હતા. ગ્રામીણ વિસ્તારોમાં સેંકડો વૃક્ષો અને વીજપોલ ધરાશાયી થઈ જતાં વીજ પુરવઠો ખોરવાયો છે અને જનજીવન અસ્તવ્યસ્ત બન્યું છે. વાવાઝોડાની તીવ્રતા એટલી વધારે હતી કે રસ્તા પર ઉભેલા વાહનો પણ પલટી ખાઈ ગયા હતા.
ગરમીનો પારો ફરી ઊંચકાયો વાવાઝોડા અને વરસાદી માહોલ વચ્ચે રાજ્યમાં ગરમીના પારામાં આશ્ચર્યજનક ઉછાળો જોવા મળ્યો છે. માત્ર 24 કલાકના ગાળામાં જ રાજ્યના મહત્તમ તાપમાનમાં 3&deg;C સુધીનો વધારો ઝીંકાયો છે. સૌથી મોટો ફેરફાર ડીસામાં નોંધાયો છે, જ્યાં તાપમાન 36.8&deg;C થી એકાએક 3.9&deg;C વધીને 40.7&deg;C પર પહોંચી ગયું છે. તેવી જ રીતે ગાંધીનગરમાં તાપમાન 36.2&deg;C થી વધીને 39.6&deg;C (3.4&deg;C નો વધારો) અને અમદાવાદમાં 37.0&deg;C થી વધીને 40.2&deg;C (3.2&deg;C નો વધારો) નોંધાયું છે.
રાજકોટ 42.9&deg;C સાથે સૌથી ગરમ સૌરાષ્ટ્રના આંતરિક ભાગો પણ અગનભઠ્ઠી બન્યા છે. રાજકોટમાં તાપમાન 2.2&deg;C ના વધારા સાથે 42.9&deg;C એ પહોંચી ગયું છે, જે સમગ્ર રાજ્યનું સૌથી ઊંચું તાપમાન હતું. અમરેલીમાં તાપમાન 41.7&deg;C અને ભાવનગરમાં 38.9&deg;C નોંધાયું છે. મધ્ય ગુજરાતના વડોદરામાં તાપમાન 38.2&deg;C નોંધાયું છે. જ્યારે દરિયાકાંઠાના વિસ્તારોની વાત કરીએ તો દ્વારકામાં 35.2&deg;C, સુરતમાં 35.6&deg;C અને કંડલા એરપોર્ટ પર 41.2&deg;C તાપમાન નોંધાયું છે.
સમગ્ર ગુજરાત માટે 24 કલાકની 'થંડરસ્ટોર્મ વોર્નિંગ' ભારતીય હવામાન વિભાગ (IMD) દ્વારા આગામી 24 કલાક માટે સમગ્ર ગુજરાતમાં 'થંડરસ્ટોર્મ વોર્નિંગ' એટલે કે વાવાઝોડા અને વીજળીના કડાકા-ભડાકા સાથે વરસાદની કડક ચેતવણી જારી કરવામાં આવી છે. આ સમયગાળા દરમિયાન સમગ્ર રાજ્યમાં ધૂળની ડમરીઓ ઉડશે અને 40 થી 50 કિલોમીટર પ્રતિ કલાકની પ્રચંડ ઝડપે પવન ફૂંકાશે. અમદાવાદ, ગાંધીનગર, વડોદરા, સુરત, બનાસકાંઠા, પાટણ, મહેસાણા, સાબરકાંઠા, અરવલ્લી, ખેડા, આણંદ, પંચમહાલ, દાહોદ, મહીસાગર, છોટાઉદેપુર, નર્મદા, ભરૂચ, ડાંગ, નવસારી, વલસાડ, તાપી તેમજ દમણ અને દાદરા નગર હવેલીમાં ગાજવીજ સાથે વરસાદની સંભાવના છે.&nbsp;સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં પણ છૂટાછવાયા સ્થળોએ વરસાદી ઝાપટાં પડશે.&nbsp;અમદાવાદમાં મુખ્યત્વે વાદળછાયું વાતાવરણ રહેશે અને સાંજના સમયે ગાજવીજ સાથે હળવાથી મધ્યમ વરસાદના 1 થી 2 સ્પેલ થવાની સંભાવના છે.
આગામી 3 દિવસ તાપમાન ઘટશે હવામાન વિભાગની અદ્યતન આગાહી મુજબ, આગામી 3 દિવસ દરમિયાન રાજ્યના મહત્તમ તાપમાનમાં 2 થી 3&deg;C નો ક્રમશઃ ઘટાડો થતાં લોકોને ગરમીથી થોડી રાહત મળશે. જોકે, આ 3 દિવસ બાદ ફરીથી તાપમાનમાં 2 થી 3&deg;C નો ધીમો વધારો થઈ શકે છે.
દેશના 24 રાજ્યોમાં એલર્ટ રાષ્ટ્રીય સ્તરે, હવામાન વિભાગે ગુજરાત, ઓડિશા, રાજસ્થાન, ઉત્તરાખંડ, હિમાચલ પ્રદેશ, દિલ્હી અને તેલંગાણા સહિત દેશના 24 રાજ્યોમાં આગામી થોડા દિવસો સુધી ભારે વરસાદ અને વાવાઝોડાનું એલર્ટ જાહેર કર્યું છે. દક્ષિણ-પશ્ચિમ ચોમાસાના પવનો આજે સાંજે 7:00 થી 8:00 વાગ્યાની વચ્ચે કેરળમાં પ્રવેશી શકે છે, જેના માટે સાનુકૂળ વાતાવરણ સર્જાઈ ગયું છે. કેરળ ઉપરાંત તમિલનાડુ અને કર્ણાટકમાં આગામી 7 દિવસ સુધી ભારેથી અતિભારે વરસાદની સંભાવના વ્યક્ત કરવામાં આવી છે.
4 થી 10 જૂન સુધીનું સાપ્તાહિક હવામાન હવામાન વિભાગે આગામી એક સપ્તાહ માટે જિલ્લાવાર વિસ્તૃત રોડમેપ જાહેર કર્યો છે: 4 થી 5 જૂન: ઉત્તર ગુજરાતના અરવલ્લી, પંચમહાલ, દાહોદ અને મહીસાગર જિલ્લામાં તેમજ સમગ્ર દક્ષિણ ગુજરાતના તમામ ભાગોમાં વરસાદ ચાલુ રહેશે. સૌરાષ્ટ્રના અમરેલી, ભાવનગર, ગીર સોમનાથ અને દીવમાં પણ 40 થી 50 કિમીની ઝડપે પવન સાથે વરસાદી માહોલ રહેશે, જ્યારે બાકીના વિસ્તારોમાં હવામાન સૂકું થઈ જશે. 5 થી 10 જૂન: આ સમયગાળા દરમિયાન ઉત્તર ગુજરાત અને સૌરાષ્ટ્રના મોટાભાગના વિસ્તારોમાં વરસાદ રોકાઈ જશે અને વાતાવરણ સૂકું બનશે. જોકે, દક્ષિણ ગુજરાતના સુરત, ડાંગ, નવસારી, વલસાડ, તાપી અને સૌરાષ્ટ્રના દરિયાકાંઠાના વિસ્તારોમાં હળવો વરસાદ સતત ચાલુ રહેશે.
તંત્ર દ્વારા નાગરિકો અને ખેડૂતો માટે મહત્વની એડવાઈઝરી હવામાનની આ પ્રતિકૂળ પરિસ્થિતિને ધ્યાનમાં રાખીને સ્થાનિક વહીવટી તંત્ર અને હવામાન વિભાગ દ્વારા નાગરિકો તથા ખેડૂતો માટે ખાસ સૂચનાઓ જાહેર કરવામાં આવી છે. વાવાઝોડું અને વીજળીના કડાકા થતા હોય તેવા સમયે કોઈ પણ નાગરિકે મોટા વૃક્ષો, વીજળીના થાંભલા કે નબળા કાચા મકાનોની નીચે આશ્રય ન લેવો. ખેડૂતોને પણ પોતાના પાક અને પશુઓને સલામત સ્થળે ખસેડી લેવા તથા પવન દરમિયાન બિનજરૂરી બહાર ન નીકળવા અપીલ કરવામાં આવી છે.

આગામી 3 દિવસ તાપમાન ઘટશે, જાણો 4 થી 10 જૂનની વરસાદની આગાહી

સમગ્ર રાજ્ય માટે 24 કલાકની 'થંડરસ્ટોર્મ વોર્નિંગ'

Surat SMC Bribery Case: સુરત મહાનગરપાલિકા (SMC)માં ભ્રષ્ટાચારનો વધુ એક ચોંકાવનારો કિસ્સો સામે આવ્યો છે, જેમાં ઉધના ઝોનના ક્લાસ-2 આસિસ્ટન્ટ એન્જિનિયર જિજ્ઞેશ નટવરલાલ મોદી પોતાની જ સરકારી કચેરીના મુખ્ય દરવાજે લાંચ લેતા રંગેહાથ ઝડપાયા છે. લાંચ રુશ્વત વિરોધી બ્યુરો (ACB) દ્વારા ગોઠવવામાં આવેલા સફળ છટકામાં અધિકારીને દબોચી લેવામાં આવ્યા છે. આ ભ્રષ્ટ અધિકારીનો માસિક પગાર આશરે રૂપિયા 1,17,000 જેટલો હોવા છતાં, માત્ર થોડા રૂપિયાની લાલચમાં તેમણે પોતાની આબરૂ અને આખી જિંદગીની કમાણી દાવ પર લગાવી દીધી છે.
કોન્ટ્રાક્ટરનું બિલ મંજૂર કરવા માગી હતી લાંચ આ કેસની વિગત એવી છે કે, એક જાગૃત નાગરિકે સુરત મનપાના ઉધના ઝોન વિસ્તારમાં પાણીની પાઇપલાઇન નાખવાનું સરકારી કામ રાખ્યું હતું. આ કોન્ટ્રાક્ટ હેઠળનું કામ સફળતાપૂર્વક પૂર્ણ થઈ ગયા બાદ, કોન્ટ્રાક્ટરના બિલના નાણાં મંજૂર કરવાના થતા હતા. આ બિલની ફાઇલ આગળ વધારવાના અવેજ પેટે આસિસ્ટન્ટ એન્જિનિયર જિજ્ઞેશ મોદીએ 50,000 રૂપિયાની લાંચની માંગણી કરી હતી. ફરિયાદી આ ભ્રષ્ટ અધિકારીને પૈસા આપવા માંગતા ન હોવાથી તેમણે રકઝક કરી હતી, જેના અંતે 45,000 રૂપિયા આપવાનું નક્કી થયું હતું. જોકે, ફરિયાદી ભ્રષ્ટાચાર સામે લડવા મક્કમ હોવાથી તેમણે તાત્કાલિક સુરત ACBનો સંપર્ક સાધી ફરિયાદ નોંધાવી હતી.
કચેરીના ગેટ બહાર ACBનું સફળ ટ્રેપ ઓપરેશન ફરિયાદીની વિગતોના આધારે ACBની ટીમે પૂર્વ આયોજિત વ્યૂહરચના મુજબ ઉધના સાઉથ ઝોનની ઓફિસ નજીક લાંચના છટકાનું આયોજન કર્યું હતું. યોજના મુજબ, ફરિયાદી લાંચની રકમ આપવા માટે ઓફિસ પહોંચ્યા ત્યારે એન્જિનિયર જિજ્ઞેશ મોદીએ તેમની સાથે હેતુલક્ષી વાતચીત કરી લાંચના નાણાંની ખાતરી કરી હતી. મનપા કચેરીના મુખ્ય ગેટની બહાર, રોડની સાઇડમાં આરોપીએ જેવા 45,000 રૂપિયા સ્વીકાર્યા, કે તરત જ છૂપાઈને ઉભેલી ACBની ટીમે ત્રાટકીને તેમને સ્થળ પર જ દબોચી લીધા હતા અને લાંચની પૂરેપૂરી રકમ જપ્ત કરી લીધી હતી.
નિવૃત્તિના માત્ર 2 વર્ષ બાકી હતા છતાં ન સુધર્યા અહીં સૌથી આશ્ચર્યજનક બાબત એ છે કે આરોપી એન્જિનિયર જિજ્ઞેશ મોદીની ઉંમર હાલ 55 વર્ષની છે અને સરકારી નિયમોનુસાર તેમની નોકરીના અને નિવૃત્તિના માત્ર 2 વર્ષ જ બાકી રહ્યા હતા. 2 વર્ષ પછી તેમને લાખો રૂપિયાના નિવૃત્તિના લાભો અને પેન્શન મળવાનું હતું. પરંતુ સત્તાના નશા અને પૈસાની અંધ લાલચે તેમની પ્રતિષ્ઠા પર પાણી ફેરવી દીધું છે. બીજી વખત લાંચના કેસમાં પકડાવાને કારણે હવે તેમને નોકરીમાંથી બરતરફી સહિતની કડક અદાલતી અને વિભાગીય કાર્યવાહીનો સામનો કરવો પડશે.
વર્ષ 2021 માં પણ લાંચ લેતા પકડાયા હતા અત્રે ઉલ્લેખનીય છે કે, આસિસ્ટન્ટ એન્જિનિયર જિજ્ઞેશ મોદી ભૂતકાળમાં પણ ભ્રષ્ટાચારના કેસમાં ઝડપાઈ ચૂક્યા છે. વર્ષ 2021 માં જ્યારે તેઓ રાંદેર ઝોનમાં ફરજ બજાવતા હતા, ત્યારે ડ્રેનેજ કનેક્શનની મંજૂરી આપવાના બદલામાં 15,000 રૂપિયાની લાંચ લેતા સુરત ACBના હાથે રંગેહાથ પકડાયા હતા. આમ છતાં તેમની આદત સુધરી ન હતી. હાલમાં ACB દ્વારા આરોપી વિરૂદ્ધ ભ્રષ્ટાચાર નિવારણ અધિનિયમ હેઠળ ગુનો નોંધી તેમની વિધિવત ધરપકડ કરવામાં આવી છે. એજન્સીએ જનતાને પણ અપીલ કરી છે કે જો કોઈ સરકારી કચેરીમાં કામ માટે લાંચ માંગવામાં આવે, તો તુરંત જ ACBનો સંપર્ક કરવો.

આરોપી આસિસ્ટન્ટ એન્જિનિયર જિજ્ઞેશ મોદી

સુરત મનપાના ભ્રષ્ટ એન્જિનિયર ACBના સકંજામાં

લાખોનો પગાર, નિવૃત્તિના 2 વર્ષ બાકી છતાં ન સુધર્યા

Gadhinagar : વડાપ્રધાન GIDC હેઠળ ભરૂચમાં ₹894 કરોડથી વધુના અને વલસાડમાં ₹169.3 કરોડના પ્રોજેક્ટ્સનું લોકાર્પણ કરશે દહેજ PCPIR ખાતે પ્રદૂષિત પાણીના અસરકારક નિકાલ માટે ₹474.61 કરોડના એફ્લુઅન્ટ પાઇપલાઇન પ્રોજેક્ટનું લોકાર્પણ થશે જંબુસર બલ્ક ડ્રગ પાર્કમાં ₹274.96 કરોડના ખર્ચે રોડ, સ્ટોર્મ વોટર ડ્રેન નેટવર્ક અને સેન્ટ્રલ ડ્રેનની સુવિધાઓથી ફાર્મા ક્લસ્ટરના વિકાસને મળશે નવી ગતિ
વડાપ્રધાન નરેન્દ્ર મોદી આગામી 5 જૂન, 2026ના રોજ ગુજરાતની મુલાકાત લેવાના છે. આ દરમિયાન તેઓ સુરત ખાતેથી ભારત સરકાર અને ગુજરાત સરકારના મળીને કુલ ₹18,777 કરોડથી વધુના વિકાસકાર્યોનું લોકાર્પણ અને ખાતમુહૂર્ત કરશે. દક્ષિણ ગુજરાત પ્રદેશના વિકાસને વેગ આપતાં આ વિકાસકાર્યોમાં GIDC (ગુજરાત ઔદ્યોગિક વિકાસ નિગમ) હેઠળ ₹1063.43 કરોડના ખર્ચે 8 પ્રોજેક્ટ્સના લોકાર્પણનો સમાવેશ થાય છે. આ અંતર્ગત ભરૂચને ₹894 કરોડથી વધુના અને વલસાડને ₹169.3 કરોડના પ્રોજેક્ટ્સની ભેટ મળવા જઈ રહી છે. આ પ્રોજેક્ટ્સથી દક્ષિણ ગુજરાતના ઔદ્યોગિક વિસ્તારોમાં ઇન્ફ્રાસ્ટ્રક્ચર, પ્રદૂષિત પાણીના નિકાલ અને ડ્રેનેજ વ્યવસ્થાને વધુ મજબૂતી મળશે.
વડાપ્રધાન ભરૂચમાં ₹894 કરોડથી વધુના 6 GIDC પ્રોજેક્ટ્સનું લોકાર્પણ કરશે ભારતના ઔદ્યોગિક વિકાસમાં ગુજરાત હંમેશા મોખરે રહ્યું છે, જેમાં ભરૂચ જિલ્લો કેમિકલ અને પેટ્રોકેમિકલ ઉદ્યોગ માટેના મુખ્ય કેન્દ્ર તરીકે ઊભરી આવ્યો છે. ભરૂચની ઔદ્યોગિક ક્ષમતાને વધુ સશક્ત બનાવવા માટેના પ્રયાસોના ભાગરૂપે, વડાપ્રધાનશ્રી ₹894 કરોડથી વધુના 6 જીઆઈડીસી પ્રોજેક્ટ્સનું લોકાર્પણ કરશે. દહેજ PCPIR ઔદ્યોગિક ક્લસ્ટરમાં સાયખા પમ્પિંગ સ્ટેશનથી દહેજ ના લેન્ડ ફોલ પોઇન્ટ સુધી 90 MLD ક્ષમતાની ઑફશોર અને ઑનશોર એફ્લુઅન્ટ નિકાલ પાઇપલાઇનનું નિર્માણ કરવામાં આવ્યું છે.&nbsp;
તેમાં 5 વર્ષના ઓપરેશન અને મેન્ટેનન્સ (O&amp;M) સાથે સિવિલ સ્ટ્રક્ચર્સ, ઇલેક્ટ્રો-મિકેનિકલ કમ્પોનન્ટ્સ અને પીએલસી સ્કાડા (PLC SCADA) સિસ્ટમ્સની ડિઝાઇન, ઇરેક્શન, ટેસ્ટિંગ અને કમિશનિંગનો સમાવેશ થાય છે. ₹474.61 કરોડના આ પ્રોજેક્ટથી દહેજ અને સાયખા ઔદ્યોગિક વિસ્તારમાં પ્રદૂષિત પાણીના નિકાલ અને વ્યવસ્થાપનને વધુ મજબૂતી મળશે. ઉલ્લેખનીય છે કે, દહેજ પીસીપીઆઈઆર વિસ્તારમાં મુખ્યત્વે રાસાયણિક, ટેક્સટાઈલ, ફાર્મા, ડાઈઝ અને ઈન્ટરમીડીયેટ, ઈજનેરી ઉદ્યોગોના વિકાસ માટે માળખાકીય સુવિધાઓ વિકસાવવામાં આવી રહી છે. હાલમાં આ વિસ્તારમાં 1,000થી વધુ ઔદ્યોગિક એકમો કાર્યરત છે.&nbsp;
જંબુસર બલ્ક ડ્રગ પાર્કમાં ₹274.96 કરોડના ખર્ચે રોડ
<img src="https://ibp-benefits.s3.us-east-005.backblazeb2.com/prod/news/uploads/images/1780492187940_WhatsApp%2520Image%25202026-06-03%2520at%25206.04.13%2520PM.jpeg.jpeg" alt="WhatsApp Image 2026-06-03 at 6.04.13 PM.jpeg" width="527" height="358"> આ ઉપરાંત, ભરૂચ જિલ્લાના જંબુસર ખાતેના બલ્ક ડ્રગ પાર્કમાં ફાર્માસ્યુટિકલ ઉદ્યોગોની જરૂરિયાતોને ધ્યાનમાં રાખીને રોડ, સ્ટોર્મ વોટર ડ્રેનેજ નેટવર્ક અને સેન્ટ્રલ ડ્રેન જેવી મહત્વપૂર્ણ આંતરમાળખાકીય સુવિધાઓ વિકસાવવામાં આવી છે. ₹274.96 કરોડના ખર્ચે હાથ ધરાયેલ આ પ્રોજેક્ટથી બલ્ક ડ્રગ પાર્કના માળખાકીય વિકાસને વેગ મળશે.
દહેજમાં ડ્રેનેજ પમ્પિંગ સ્ટેશનનું લોકાર્પણ
<img src="https://ibp-benefits.s3.us-east-005.backblazeb2.com/prod/news/uploads/images/1780491911301_WhatsApp%2520Image%25202026-06-03%2520at%25206.04.10%2520PM.jpeg.jpeg" alt="WhatsApp Image 2026-06-03 at 6.04.10 PM.jpeg" width="582" height="291"> વડાપ્રધાન દહેજ-2 ઔદ્યોગિક વસાહત માટે ૩૦ એમએલડી (MLD) ડ્રેનેજ પમ્પિંગ સ્ટેશનનું પણ લોકાર્પણ કરશે. ઉલ્લેખનીય છે કે, દહેજ-2 ઔદ્યોગિક વસાહતમાં સુવા પમ્પિંગ સ્ટેશનથી અંતિમ પમ્પિંગ સ્ટેશન Z-93 સુધી રાઇઝિંગ મેઇન સાથે 30 MLD ક્ષમતાનું ડ્રેનેજ પમ્પિંગ સ્ટેશન નિર્માણ કરવામાં આવ્યું છે.આ પ્રોજેક્ટથી ઔદ્યોગિક ડ્રેનેજ વ્યવસ્થાપન વધુ કાર્યક્ષમ બનશે તેમજ સંકલિત એફ્લુઅન્ટ વહન નેટવર્કને મજબૂતી મળશે.
આ ઉપરાંત, પાનોલી વિસ્તરણ ઔદ્યોગિક વસાહતમાં ફ્લેક્સિબલ રોડ પેવમેન્ટ, ક્રોસ ડ્રેનેજ વર્ક, પાણી પુરવઠા નેટવર્ક, કમ્પાઉન્ડ વૉલ, પેવર બ્લોક, વૃક્ષારોપણ અને સ્ટ્રીટ લાઇટ સહિતની વિવિધ માળખાકીય સુવિધાઓનો વિકાસ કરવામાં આવ્યો છે. આ વિકાસકાર્યોથી ઔદ્યોગિક વસાહતમાં વધુ સારી માળખાકીય સુવિધાઓ ઉપલબ્ધ થશે.અન્ય પ્રોજેક્ટ્સમાં અંકલેશ્વર ખાતે એફ્લુઅન્ટ ટ્રાન્સમિશન પાઇપલાઇન પર ઇન્ટરમીડિયેટ બૂસ્ટર પમ્પિંગ સ્ટેશનનું નિર્માણ કરવામાં આવ્યું છે. આ પ્રોજેક્ટથી પ્રદૂષિત પાણીનું કાર્યક્ષમ વહન તો થશે, સાથે જ પર્યાવરણીય ધોરણોનું સંરક્ષણ પણ સુનિશ્ચિત થશે.આ ઉપરાંત, દહેજ-1 ઔદ્યોગિક વસાહતની વરસાદી પાણી વહનની ક્ષમતા સુધારવા, પાણી ભરાવાના જોખમો ઘટાડવા અને વસાહતના સમગ્ર વરસાદી પાણીના નિકાલની વ્યવસ્થાના માળખાને મજબૂત કરવા માટે નેચરલ ડ્રેઇન-2નું અપગ્રેડેશન કરવામાં આવ્યું છે.
વલસાડમાં ₹169 કરોડથી વધુના GIDC પ્રોજેક્ટ્સનું લોકાર્પણ વલસાડ જિલ્લાના સરીગામ ખાતે વડાપ્રધાનશ્રી GIDCના બે મહત્વપૂર્ણ પ્રોજેક્ટ્સનું લોકાર્પણ કરશે. આ અંતર્ગત સરીગામ સ્થિત કોમન એફ્લુઅન્ટ ટ્રીટમેન્ટ પ્લાન્ટ (CETP)ની ક્ષમતા 15 MLDથી વધારીને 25 MLD કરવામાં આવી છે, જેનાથી પ્રદૂષિત પાણીના શુદ્ધિકરણની ક્ષમતામાં વધારો થશે અને પર્યાવરણ ધોરણોનું અસરકારક પાલન સુનિશ્ચિત થશે. આ પ્રોજેક્ટમાં ડિઝાઇન, એન્જિનિયરિંગ, પ્રોક્યોરમેન્ટ, કન્સ્ટ્રક્શન, કમિશનિંગ, ટેસ્ટિંગ, ટ્રાયલ રન અને ઓપરેશન, મેન્ટેનન્સ અને રિપેરિંગની કામગીરીનો સમાવેશ થાય છે.
આ ઉપરાંત, સરીગામ ઔદ્યોગિક વસાહતમાં સમ્પ અને પમ્પિંગ સ્ટેશન સાથે એચડીપીઈ (HDPE) ઑનશોર અને ઑફશોર આઉટફૉલ પાઇપલાઇનનું નિર્માણ કરવામાં આવ્યું છે. આ પ્રોજેક્ટ હેઠળ પમ્પિંગ સ્ટેશનથી લેન્ડફોલ ચેમ્બર અને ઊંડા સમુદ્રમાં નિકાલના સ્થળ સુધી એચડીપીઈ ઑનશોર અને ઑફશોર પાઇપલાઇન નેટવર્ક વિકસાવવામાં આવ્યું છે.

દક્ષિણ ગુજરાતને મળશે ₹1063 કરોડથી વધુના GIDC પ્રોજેક્ટ્સની ભેટ

વડાપ્રધાન નરેન્દ્ર મોદી 5 જૂને ગુજરાતના પ્રવાસે

Karnataka CM DK Shivakumar Sworn in: કર્ણાટકના રાજકારણમાં આખરે એક મોટો અને ઐતિહાસિક વળાંક આવ્યો છે. બેંગલુરુના લોક ભવન ખાતે આયોજિત એક ભવ્ય અને હાઈ-પ્રોફાઈલ શપથ ગ્રહણ સમારોહમાં કોંગ્રેસના કટોકટી વ્યવસ્થાપક અને વરિષ્ઠ નેતા ડી.કે. શિવકુમારે સત્તાવાર રીતે કર્ણાટકના મુખ્યમંત્રી તરીકે પદ અને ગુપ્તતાના શપથ લીધા છે. શપથ ગ્રહણ દરમિયાન શિવકુમારે ગરિમાપૂર્વક બંધારણની નકલ હાથમાં રાખીને શપથ લીધા હતા. તેમની સાથે કોંગ્રેસના અન્ય વરિષ્ઠ નેતા જી. પરમેશ્વરે નાયબ મુખ્યમંત્રી તરીકે શપથ ગ્રહણ કર્યા છે. રાજ્યપાલ થાવરચંદ ગેહલોતે બંને ટોચના નેતાઓને પદના શપથ લેવડાવ્યા હતા. આ સમારોહમાં કોંગ્રેસના રાષ્ટ્રીય નેતાઓ, પક્ષના પદાધિકારીઓ અને હજારોની સંખ્યામાં સમર્થકો ઉપસ્થિત રહ્યા હતા, જેના કારણે વાતાવરણ ઉત્સવમય બન્યું હતું. આ સત્તા પરિવર્તન પૂર્વ મુખ્યમંત્રી સિદ્ધારમૈયાના રાજીનામા બાદ થયું છે. 23 મે 2023થી રાજ્યની કમાન સંભાળી રહેલા સિદ્ધારમૈયાએ 28 મે 2026ના રોજ પોતાના પદ પરથી સત્તાવાર રાજીનામું આપ્યું હતું. ત્યારબાદ 30 મેના રોજ બેંગલુરુમાં મળેલી કોંગ્રેસ ધારાસભ્ય દળ (CLP)ની બેઠકમાં ડી.કે. શિવકુમારને સર્વાનુમતે નવા નેતા તરીકે પસંદ કરવામાં આવ્યા હતા. રસપ્રદ વાત એ છે કે, આ બેઠકમાં શિવકુમારના નામનો પ્રસ્તાવ ખુદ સિદ્ધારમૈયાએ જ મૂક્યો હતો, જેને તમામ ધારાસભ્યોએ ટેકો આપ્યો હતો.
કેબિનેટનું વિસ્તરણ: 12 મંત્રીઓએ પણ લીધા શપથ મુખ્યમંત્રી અને નાયબ મુખ્યમંત્રીની સાથે નવી સરકારના પ્રથમ કેબિનેટ વિસ્તરણ હેઠળ અન્ય 12 વરિષ્ઠ અને યુવા ધારાસભ્યોએ પણ મંત્રી પદના શપથ લીધા છે. મંત્રીમંડળના આ પ્રથમ જૂથમાં પૂર્વ સીએમ સિદ્ધારમૈયાના પુત્ર અને વિધાન પરિષદના સભ્ય (MLC) ડૉ. યતીન્દ્ર સિદ્ધારમૈયાનો પણ સમાવેશ થાય છે. શપથ લેનારા અન્ય અગ્રણી નેતાઓની યાદી નીચે મુજબ છે: એમ.બી. પાટિલ રામલિંગા રેડ્ડી સતીશ જરકીહોલી કૃષ્ણ બાયરે ગૌડા પ્રિયાંક ખડગે (મલ્લિકાર્જુન ખડગેના પુત્ર) યુ.ટી. ખાદર ઈશ્વર ખાંડ્રે બાયરથી સુરેશ ડૉ. શરણ પ્રકાશ પાટિલ કે.એચ. મુનિયપ્પા કે.જે. જ્યોર્જ
કે.એચ. મુનિયપ્પાએ ભગવાનના નામે શપથ લઈને ડી.કે. શિવકુમારના મંત્રીમંડળમાં સ્થાન મેળવ્યું છે. આ હાઈ-પ્રોફાઈલ કેબિનેટમાં અનુભવી ચહેરાઓ અને પ્રાદેશિક સમીકરણોને સંતુલિત કરવાનો પક્ષ હાઈકમાન્ડ દ્વારા પૂરો પ્રયાસ કરવામાં આવ્યો છે.
મહત્વપૂર્ણ વિભાગોની વહેંચણી: કોને કયું મંત્રાલય મળવાની શક્યતા? નવી સરકારના શપથ ગ્રહણની સાથે જ મંત્રીમંડળમાં વિભાગોની વહેંચણી અંગેની ચર્ચાઓ પણ અંતિમ તબક્કામાં પહોંચી ગઈ છે. સૂત્રોના જણાવ્યા અનુસાર, વરિષ્ઠ નેતાઓની સિનિયોરિટી અને ક્ષમતાને ધ્યાનમાં રાખીને મહત્વના પોર્ટફોલિયો નક્કી કરવામાં આવ્યા છે: નાયબ મુખ્યમંત્રી જી. પરમેશ્વર: તેમને અત્યંત મહત્વનો ગણાતો મહેસૂલ (Revenue) વિભાગ સોંપવામાં આવે તેવી પ્રબળ શક્યતા છે. પ્રિયાંક ખડગે: ગૃહ મંત્રાલય (Home Department)નો મહત્વનો હવાલો તેમને મળી શકે છે, જે રાજ્યની કાયદો અને વ્યવસ્થા જાળવવામાં મુખ્ય ભૂમિકા ભજવશે. કૃષ્ણ બાયરે ગૌડા: તેમને ગ્રામીણ વિકાસ અને પંચાયત રાજ (RDPR) તેમજ બેંગલુરુ વિકાસ પોર્ટફોલિયો (BMRDA સિવાય) સોંપવામાં આવી શકે છે. રામલિંગા રેડ્ડી: બેંગલુરુના ઈન્ફ્રાસ્ટ્રક્ચર પડકારોને જોતાં તેમને બેંગલુરુ વિકાસ અથવા જળ સંસાધન વિભાગ મળી શકે છે. એમ.બી. પાટિલ અને અન્ય: એમ.બી. પાટિલને ઉદ્યોગ વિભાગ, યુ.ટી. ખાદરને આરોગ્ય વિભાગ અને ડૉ. શરણ પ્રકાશ પાટિલને તબીબી શિક્ષણ વિભાગ સોંપવામાં આવે તેવી ચર્ચા છે.
અઢી-અઢી વર્ષની પાવર-શેરિંગ ફોર્મ્યુલા અને બદલાયેલું રાજકારણ કર્ણાટકમાં આ સત્તા પરિવર્તન કોઈ અચાનક આવેલો વળાંક નથી, પરંતુ 2023ની વિધાનસભા ચૂંટણી જીત્યા બાદ હાઈકમાન્ડ દ્વારા નક્કી કરાયેલી ગુપ્ત પાવર-શેરિંગ ફોર્મ્યુલાનો એક ભાગ છે. 2023માં જ્યારે કોંગ્રેસે બહુમતી મેળવી ત્યારે સિદ્ધારમૈયા અને ડી.કે. શિવકુમાર બંને સીએમ પદ માટે અડગ હતા. તે સમયે એવી ફોર્મ્યુલા બનાવવામાં આવી હતી કે બંને નેતાઓ અઢી-અઢી વર્ષ માટે મુખ્યમંત્રી બનશે. નવેમ્બર 2025માં સિદ્ધારમૈયાનો અઢી વર્ષનો કાર્યકાળ પૂર્ણ થઈ ગયો હતો, પરંતુ તે સમયે તેઓ પદ છોડવા તૈયાર નહોતા. ડિસેમ્બર 2025માં જ સત્તા પરિવર્તન થવાનું હતું, પરંતુ રાહુલ ગાંધી સહિતના તમામ કેન્દ્રીય નેતાઓ કેરળની ચૂંટણી પ્રક્રિયામાં વ્યસ્ત હોવાને કારણે આ ફેરફાર ટળી ગયો હતો. આખરે, મે 2026ના અંતમાં હાઈકમાન્ડે હસ્તક્ષેપ કરીને આ ફોર્મ્યુલાનો અમલ કરાવ્યો છે.
માત્ર 3 દિવસમાં પલટાયો કર્ણાટકનો રાજકીય ઘટનાક્રમ રાજ્યમાં સત્તા પરિવર્તનની સ્ક્રિપ્ટ માત્ર ત્રણ દિવસની અંદર ખૂબ જ નાટ્યાત્મક રીતે લખાઈ હતી: 28 મે: તત્કાલીન મુખ્યમંત્રી સિદ્ધારમૈયાએ લોક ભવન જઈને રાજ્યપાલના સચિવને પોતાનું રાજીનામું સોંપ્યું હતું (રાજ્યપાલ તે સમયે પારિવારિક કારણોસર બેંગલુરુ બહાર હતા). રાજીનામું આપતાં પહેલાં તેમણે પોતાના નિવાસસ્થાને મંત્રીઓની બેઠક બોલાવી હતી, જ્યાં ભાવુક દ્રશ્યો સર્જાયા હતા અને ડી.કે. શિવકુમારે સિદ્ધારમૈયાના ચરણ સ્પર્શ કરી આશીર્વાદ લીધા હતા. 29 મે: સિદ્ધારમૈયા અને શિવકુમાર તાબડતોબ દિલ્હી પહોંચ્યા હતા, જ્યાં તેમણે કોંગ્રેસ અધ્યક્ષ મલ્લિકાર્જુન ખડગે અને રાહુલ ગાંધી સાથે લાંબી બેઠક કરી હતી. આ બેઠકમાં સિદ્ધારમૈયાએ પોતાના પુત્ર યતીન્દ્ર માટે કેબિનેટમાં મહત્વના પદની માંગ કરી હતી, જે સ્વીકારવામાં આવી હતી. 30 મે: બેંગલુરુમાં કોંગ્રેસ ધારાસભ્ય દળની સત્તાવાર બેઠક મળી, જેમાં સિદ્ધારમૈયાના પ્રસ્તાવ બાદ ડી.કે. શિવકુમારને વિધિવત રીતે નવા નેતા તરીકે ચૂંટવામાં આવ્યા હતા.
વિદ્યાર્થી નેતાથી સીએમ પદ સુધી: ડી.કે. શિવકુમારની રાજકીય સફર 1962માં બેંગલુરુ નજીક કનકપુરામાં જન્મેલા ડી.કે. શિવકુમાર વોક્કાલિગા સમુદાયના એક મજબૂત અને પ્રભાવશાળી નેતા છે. તેમણે 1980ના દાયકાની શરૂઆતમાં એક સામાન્ય વિદ્યાર્થી નેતા તરીકે પોતાની રાજકીય કારકિર્દી શરૂ કરી હતી. 1979માં જ્યારે દેવરાજ ઉર્સ કોંગ્રેસથી અલગ થયા, ત્યારે શિવકુમારે પક્ષ પ્રત્યે વફાદારી દર્શાવી કોંગ્રેસમાં પ્રવેશ કર્યો હતો. 1985માં તેમની પ્રથમ ચૂંટણી પહેલાં, પક્ષના વિદ્યાર્થી સંગઠન NSUI એ તેમને ટિકિટ આપવાનો ઇનકાર કર્યો હતો અને ભાજપના નેતા અનંત કુમારે તેમને ABVPમાં લાવવાનો પ્રયાસ કર્યો હતો, પરંતુ શિવકુમાર કોંગ્રેસમાં જ રહ્યા. 1985માં તેમણે સત્તાનુર બેઠક પરથી દિગ્ગજ નેતા એચ.ડી. દેવગૌડા સામે પ્રથમ વિધાનસભા ચૂંટણી લડી પરંતુ તેઓ હારી ગયા હતા. જોકે, હારથી હિંમત હાર્યા વિના તેમણે મહેનત ચાલુ રાખી અને 1989માં માત્ર 27 વર્ષની ઉંમરે સત્તાનુરથી પ્રથમ વખત ધારાસભ્ય તરીકે ચૂંટાઈ આવ્યા હતા.
અઢળક સંપત્તિ, વિવાદો અને પક્ષના 'સંકટમોચક' ડી.કે. શિવકુમારની ગણતરી દેશના સૌથી ધનિક રાજકારણીઓમાં થાય છે. તેમની પાસે ₹1,413 કરોડથી વધુની જંગમ અને સ્થાવર સંપત્તિ છે. તેઓ રિયલ એસ્ટેટ, માઇનિંગ (ખાણકામ) અને હોટેલ ઉદ્યોગના મોટા બિઝનેસમેન છે. રસપ્રદ વાત એ છે કે, આટલી અઢળક સંપત્તિ હોવા છતાં, તેમના ચૂંટણી એફિડેવિટમાં માત્ર એક જૂની ટોયોટા ક્વોલિસ કાર નોંધાયેલી છે અને તેમના પર ₹263 કરોડનું દેવું પણ છે.
કોંગ્રેસ પક્ષમાં તેમની મુખ્ય ઓળખ એક 'ટ્રબલશૂટર' (સંકટમોચક) તરીકેની છે. જ્યારે પણ પક્ષના ધારાસભ્યોને તૂટતા બચાવવાના હોય, રિસોર્ટ પોલિટિક્સ કરવાનું હોય, ચૂંટણીનું આર્થિક કે લોજિસ્ટિકલ મેનેજમેન્ટ કરવાનું હોય કે કોઈ ગુપ્ત રાજકીય વ્યુહરચના ઘડવાની હોય, ત્યારે હાઈકમાન્ડ હંમેશા 'ડીકે' પર જ ભરોસો કરે છે. જોકે, આ ભવ્ય રાજકીય કારકિર્દીની સાથે તેઓ વિવાદોમાં પણ ઘેરાયેલા રહ્યા છે. તેમની સામે 19 થી વધુ ગુનાહિત કેસો નોંધાયેલા છે. એન્ફોર્સમેન્ટ ડિરેક્ટોરેટ (ED) તેમની સામે મની લોન્ડરિંગના કેસમાં તપાસ કરી રહ્યું છે. 2017માં આવકવેરા વિભાગના દરોડા દરમિયાન તેમના ઘરેથી ₹8.5 કરોડ રોકડા મળી આવ્યા હતા, જેના કારણે 2019માં તેમની ધરપકડ થઈ હતી અને તેમણે દિલ્હીની તિહાર જેલમાં 50 દિવસ વિતાવવા પડ્યા હતા. આ ઉપરાંત સેન્ટ્રલ બ્યુરો ઓફ ઇન્વેસ્ટિગેશન (CBI) પણ તેમની સામે આવક કરતાં વધુ સંપત્તિના કેસમાં તપાસ ચલાવી રહી છે. આ તમામ કાનૂની પડકારો અને જેલયાત્રા છતાં, ડી.કે. શિવકુમારે પક્ષ સંગઠન પર પોતાની પકડ મજબૂત રાખી અને આખરે કર્ણાટકના સર્વોચ્ચ પદ સુધી પહોંચવામાં સફળ રહ્યા છે.

જી. પરમેશ્વર બન્યા ડેપ્યુટી સીએમ

ડી.કે. શિવકુમારે લીધા મુખ્યમંત્રી પદના શપથ

<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">મમતા બેનર્જીએ ટીએમસી ગુમાવી, ઋતબ્રત બેનર્જી બન્યા વિરોધપક્ષના નેતા
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">પશ્ચિમ બંગાળની રાજનીતિમાં મોટો વળાંક આવ્યો છે. તૃણમૂલ કોંગ્રેસ (ટીએમસી)માં ચાલી રહેલા આંતરિક મતભેદો ખુલ્લા બળવામાં ફેરવાયા છે. વિધાનસભા અધ્યક્ષ રવિન્દ્રનાથ બોઝે ઋતબ્રત બેનર્જીને સત્તાવાર રીતે વિરોધ પક્ષના નેતા તરીકે માન્યતા આપતાં પશ્ચિમ બંગાળના રાજકારણમાં નવી ચર્ચા શરૂ થઈ છે.
60 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ધારાસભ્યોનો ઋતબ્રતને ટેકો
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">મમતા બેનર્જીએ શોભનદેવ ચટ્ટોપાધ્યાયને વિરોધ પક્ષના નેતા તરીકે જાહેર કર્યા હતા. તેના કારણે પાર્ટીમાં બળવો થયો છે. 80 માંથી 60 ધારાસભ્યોએ શોભનદેવ ચટ્ટોપાધ્યાયને વિરોધ પક્ષના નેતા તરીકે સ્વીકારવાનો ઇનકાર કર્યો હતો. ત્યારબાદ, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ઋતાબ્રત બેનર્જીના નેતૃત્વમાં 60 ધારાસભ્યો સ્પીકર રવિન્દ્રનાથ બોઝને મળ્યા અને તેમને કહ્યું કે, તેઓ ટીએમસીનું અસલી જૂથ છે અને ઋતબ્રત બેનર્જીને વિરોધ પક્ષના નેતા તરીકે માન્યતા આપવી જોઈએ. ધારાસભ્યોની અપીલને ધ્યાનમાં લેતાં <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સ્પીકરે ઋતબ્રત બેનર્જીને વિરોધ પક્ષના નેતા તરીકે માન્યતા આપી છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સ્પીકરના નિર્ણયથી રાજકીય સમીકરણ બદલાયું
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ધારાસભ્યોના સમર્થનને ધ્યાનમાં રાખીને વિધાનસભા અધ્યક્ષે ઋતબ્રત બેનર્જીને વિરોધ પક્ષના નેતા તરીકે સ્વીકાર્યા છે. તેમને વિપક્ષના નેતાના કાર્યાલયની સત્તાવાર જવાબદારી પણ સોંપવામાં આવી છે. આ નિર્ણયને ટીએમસીની અંદરના શક્તિ સંતુલનમાં મોટો ફેરફાર માનવામાં આવી રહ્યો છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">નવી વિપક્ષી ટીમની રચના
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ઋતબ્રત બેનર્જીના જૂથે વિધાનસભામાં પોતાની નવી ટીમ પણ જાહેર કરી છે. જાવેદ અહેમદખાન, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">શબીના યાસ્મીન, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">શીલુ શાહ અને સંદીપન શાહને વિપક્ષના ઉપનેતા તરીકે જવાબદારી સોંપવામાં આવી છે. જ્યારે અખરૂજમાને મુખ્ય દંડક તરીકે પસંદ કરવામાં આવ્યા છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સસ્પેન્શન બાદ શરૂ થયો બળવો
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ચૂંટણી પરિણામો બાદ પક્ષ વિરોધી પ્રવૃત્તિના આરોપ હેઠળ મમતા બેનર્જીએ ઋતબ્રત બેનર્જી અને સંદીપન શાહને પક્ષમાંથી સસ્પેન્ડ કર્યા હતા. ત્યારબાદ પક્ષમાં અસંતોષ વધતો ગયો અને અંતે મોટી સંખ્યામાં ધારાસભ્યો ઋતબ્રતના સમર્થનમાં ખુલ્લેઆમ સામે આવ્યા.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">મમતાને નેતા તરીકે સ્વીકારવાનો દાવો
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">વિરોધ પક્ષના નેતા તરીકે પસંદગી થયા બાદ ઋતબ્રત બેનર્જીએ સ્પષ્ટ કર્યું કે, તેઓ મમતા બેનર્જીને હજુ પણ પોતાના નેતા માને છે. તેમણે જણાવ્યું કે, આ લડત વ્યક્તિગત નહીં પરંતુ સંગઠનને મજબૂત બનાવવાના હેતુથી શરૂ કરવામાં આવી છે. તેમણે મમતાને માર્ગદર્શન આપતા રહેવા અપીલ પણ કરી.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">અભિષેક બેનર્જી પર પરોક્ષ નિશાન
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ઋતબ્રતે પક્ષની અંદર નિર્ણય પ્રક્રિયા અંગે સવાલો ઉઠાવ્યા હતા. તેમણે સંકેત આપ્યો કે પક્ષના કેટલાક નિર્ણયો અંગે ધારાસભ્યોમાં અસંતોષ હતો. તેમના નિવેદનને અભિષેક બેનર્જી પર પરોક્ષ પ્રહાર તરીકે જોવામાં આવી રહ્યું છે.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ચૂંટણી હાર બાદ વધ્યો અસંતોષ
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">તાજેતરની વિધાનસભા ચૂંટણીમાં ટીએમસીને મોટો ઝટકો લાગ્યો હતો. ભાજપે 207 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">બેઠકો જીતતા ટીએમસી 80 <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">બેઠકો સુધી સીમિત રહી ગઈ હતી. હાર બાદ સંગઠનાત્મક ખામીઓ, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">નેતૃત્વની કાર્યશૈલી અને આંતરિક અસંતોષના મુદ્દાઓ વધુ પ્રબળ બન્યા હતા.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">૩૦ દિવસમાં ટીએમસીનું પતન
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">વિધાનસભા ચૂંટણીના પરિણામો જાહેર થયાના એટલે કે ટીએમસી ચૂંટણી હાર્યાના માત્ર 30 દિવસ પછી જ તૂટી પડી છે. ભાજપે 207 બેઠકો જીતી હતી. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">જ્યારે સત્તા પરથી હાંકી કાઢવામાં આવેલી ટીએમસી 80 બેઠકો પર સમેટાઈ ગઈ હતી. તેનાથી પાર્ટીમાં વ્યાપક અસંતોષ ફેલાયો હતો. પરિણામો જાહેર થયા પછી તરત જ <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ઘણા નેતાઓએ ખુલ્લેઆમ બળવો કર્યો<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">. <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">હાર માટે મમતા બેનર્જી અને અભિષેક બેનર્જીને જવાબદાર ઠેરવવામાં આવ્યા. ઘણા નેતાઓએ અભિષેક બેનર્જી પર મનમાની, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સંગઠનાત્મક નિષ્ફળતા અને એકપક્ષીય નિર્ણય લેવાનો આરોપ લગાવ્યો. હારેલા ઉમેદવારો અને સ્થાનિક નેતાઓએ ભ્રષ્ટાચાર, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સંગઠનની નિષ્ફળતા, <span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">ભત્રીજાવાદ અને મતદાન પછીની હિંસા અંગે પ્રશ્નો ઉઠાવ્યા હતા. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">બંગાળની રાજનીતિમાં નવા સમીકરણો
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-language: GU;">સ્પીકરના નિર્ણય બાદ પશ્ચિમ બંગાળમાં ટીએમસીની આંતરિક રાજનીતિ નવા તબક્કામાં પ્રવેશી છે. આગામી દિવસોમાં પક્ષનું સંગઠન કેવી પ્રતિક્રિયા આપે છે અને આ વિવાદ ક્યાં સુધી પહોંચે છે તેના પર સમગ્ર દેશની નજર રહેશે.

60 ધારાસભ્યોના સમર્થન બાદ સ્પીકરે બળવાખોર નેતા ઋતબ્રત જૂથને આપી મોટી માન્યતા

ટીએમસીમાં મોટું ભંગાણ, ઋતબ્રતને મળી માન્યતા

ચાર રાજ્યોના જાહેર કરેલા નવા પ્રદેશ અધ્યક્ષોમાં કોંગ્રેસી ગોત્ર ધરાવનારા બે નેતાઓને સ્થાન

ભાજપ સંગઠનમાં બહારથી આવેલા નેતાઓનું વધતું મહત્વ

LCB પીઆઈ A.P. ચૌધરી સામે ગંભીર આક્ષેપ, "પરિણામ ભોગવવા તૈયાર રહેજો"-ગેનીબેન ઠાકોર

વાવ-થરાદ LCB PI ને MP ગેનીબેનની ખુલ્લી ચીમકી

મહેસાણામાં કોંગ્રેસની ઉત્તર ઝોનની સમીક્ષા બેઠકમાં IB કર્મચારીઓ ઘૂસતાં રાજકીય ગરમાવો

ગુજરાત કોંગ્રેસની સમીક્ષા બેઠકમાં સરકારની જાસૂસી?

મમતા બેનર્જી સામે આંતરિક અસંતોષ તેજ, બળવાખોરોનો ‘અસલી TMC’ હોવાનો દાવો

મમતા સાથે મહાખેલા! 60 ધારાસભ્યોનો સ્પીકરને પત્ર

જામીન મળ્યા બાદ મહિલા કેદીને કોઈ લેવા ન આવતાં ગુજરાત પોલીસે ભજવી પરિવારની ભૂમિકા

ખાખીનો માનવીય ચહેરો, મહિલાને વાહનમાં વતન પહોચાડી

દેશભરની હાઇકોર્ટોને 3 મહિનામાં ચુકાદો આપવાનો આદેશ, વિલંબ થવાથી કેસ ટ્રાન્સફર થશે

વિલંબિત ચુકાદા મુદ્દે સુપ્રીમ કોર્ટનો મહત્વનો આદેશ

IB અધિકારી બની ધમકી આપવાના AAPના વડોદરા શહેર પ્રમુખ અશોક ઓઝાના કાવતરાનો પર્દાફાશ

નકલી IB અધિકારી બની ધમકી આપનાર AAPના નેતા ઝડપાયા

વડોદરામાં જુગારના કેસમાં આરોપીને ઘરે ન રહેવાની સલાહ આપી હતી

નિવૃત્તિના 24કલાક પહેલાં જ ACP વી. જી. પટેલ બરતરફ

ઉવા ગામ નજીક ટેન્કરને બચાવતાં સર્જાયો ગમખ્વાર અકસ્માત, બંને બસમાં આગ ભભૂકી

બારડોલી પાસે બે ST બસ અથડાઈ, 7નાં મોત, અનેક ઘાયલ

ટૂંક સમયમાં થશે ડિપોર્ટ, ‘ઓપરેશન ચેકમેટ’માં થઈ કાર્યવાહી