તમિલનાડુમાં ગેસ સિલિન્ડર ભરેલી ટ્રક પલટી

તમિલનાડુના અરિયાલૂર જિલ્લામાં એક મોટો અને અકસ્માત થયો છે. અરિયાલૂર પાસે વરણાવાસી ખાતે મંગળવારે LPG સિલિન્ડરો ભરેલી એક ટ્રક પલટી ગયો. આ અકસ્માત બાદ તરત જ સિલિન્ડરોમાં આગ લાગી ગઈ અને એક પછી એક ધમાકા થવા લાગ્યા, જેનાથી આખો વિસ્તાર ધણધણી ઉઠ્યો.

ટ્રક સંપૂર્ણપણે બળીને ખાખ થયો

મળતી માહિતી અનુસાર, ટ્રકચાલકે વાહન પરનું નિયંત્રણ ગુમાવતા આ દુર્ઘટના સર્જાઈ હતી. ટ્રક પલટ્યા બાદ ડ્રાઈવરે માંડ-માંડ પોતાનો જીવ બચાવ્યો અને બહાર કૂદી ગયો. જોકે, તે નજીવા પ્રમાણમાં ઈજાગ્રસ્ત થયો હતો અને તેને સારવાર માટે અરિયાલૂરની એક હોસ્પિટલમાં દાખલ કરવામાં આવ્યો છે. જોકે, ટ્રક સંપૂર્ણપણે બળીને ખાખ થઈ ગયો હતો.

 આ પણ વાંચો: આયોધ્યામાં ભીષણ વિસ્ફોટ, ત્રણ બાળકો સહિત 5નાં મોત.

સિલિન્ડરોના ફાટવાનો અવાજ 2 કિમી સુધી સંભળાયો

આ અકસ્માતમાં ટ્રકમાં રાખેલા સિલિન્ડરોના ફાટવાનો અવાજ લગભગ 2 કિલોમીટર દૂર સુધી સંભળાયો હતો, જેના કારણે આસપાસના લોકોમાં પણ ડરનો માહોલ સર્જાયો હતો. આ પ્રકારની દુર્ઘટનાઓ દર્શાવે છે કે, ગેસ સિલિન્ડર જેવી જોખમી વસ્તુઓનું પરિવહન કરતી વખતે સુરક્ષાના ધોરણો અને સાવચેતીનું પાલન કરવું કેટલું અનિવાર્ય છે, કારણ કે ટ્રક પલટવા જેવી નાની ભૂલ પણ મોટા હાડસાનું કારણ બની શકે છે. આ ઘટનાથી જાનહાનિ ટળી છે, પરંતુ વિસ્તારમાં ભયનું વાતાવરણ ફેલાઈ ગયું છે.