Anand : ભરતસિંહ સોલંકીનો ગૃહક્લેશ ચરમસીમા પર, જાહેરમાં હાઈવોલ્ટેજ ડ્રામા, CCTV ફૂટેજ વાયરલ!

કોંગ્રેસના દિગ્ગજ નેતા અને પૂર્વ કેન્દ્રીય મંત્રી ભરતસિંહ સોલંકીનો ગૃહ ક્લેશ ફરી એકવાર જાહેરમાં વકર્યો છે, જેના કારણે રાજકીય વર્તુળોમાં ભારે ખળભળાટ મચી ગયો છે. આણંદના વિદ્યાનગર રોડ પર આવેલા એક આઈસ્ક્રીમ પાર્લર બહાર ભરતસિંહના પત્ની અને તેમની કથિત સ્ત્રી મિત્ર વચ્ચે ઉગ્ર બોલાચાલી અને ઝપાઝપી થતાં આ ઘટનાએ કોંગ્રેસ પક્ષને શરમજનક સ્થિતિમાં મૂકી દીધો છે.

વિદ્યાનગર રોડ પર જાહેરમાં મોટો તમાશો!

પ્રાથમિક માહિતી અનુસાર, આણંદના વિદ્યાનગર રોડ પર મોડી રાત્રે આ ચોંકાવનારી ઘટના બની હતી. ભરતસિંહ સોલંકીના પત્ની અને તેમની સ્ત્રી મિત્ર સામસામે આવી ગયા હતા. જાહેરમાં જ ભરતસિંહના પત્નીએ સ્ત્રી મિત્રને ધમકાવ્યા હોવાની ચર્ચાઓએ જોર પકડ્યું છે. બંને વચ્ચે લાંબા સમય સુધી ઉગ્ર બોલાચાલી ચાલતી રહી, જેને જોવા માટે લોકોના ટોળા ઉમટી પડ્યા હતા. આ ઘટનાના CCTV ફૂટેજ પણ સામે આવ્યા છે, જે સમગ્ર ઘટનાને સમર્થન આપે છે અને રાજકીય નેતાઓના અંગત જીવનના ખુલ્લેઆમ ડખાનો કાળો ચહેરો બતાવે છે.

અગાઉ પણ હંગામો, વીડિયો વાયરલ થયો હતો!

નોંધનીય છે કે, આ પહેલીવાર નથી કે ભરતસિંહનો પારિવારિક વિખવાદ જાહેરમાં આવ્યો હોય. અગાઉ પણ તેમના પત્નીએ ઘરમાં ઘૂસીને આ જ સ્ત્રી મિત્રને માર માર્યો હતો અને તે ઘટનાનો વીડિયો પણ સોશિયલ મીડિયા પર વાયરલ થયો હતો, જેણે તે સમયે ભારે રાજકીય ગરમાવો પેદા કર્યો હતો. તે ઘટના બાદ પણ ભરતસિંહ સોલંકીએ પોતાના પત્ની વિરૂદ્ધ જાહેર નોટિસ પાઠવી હતી અને સ્પષ્ટપણે કહ્યું હતું કે, પત્ની સાથે હવે તેમને કોઈ સંબંધ નથી. જોકે, આ નવી ઘટના દર્શાવે છે કે આ અંગત વિખવાદ હજુ પણ શમ્યો નથી અને જાહેરમાં આવીને પક્ષ અને નેતા બંને માટે મુશ્કેલીઓ સર્જી રહ્યો છે.

આ પણ વાંચો : US માં ભારતીય વિદ્યાર્થી સાથે બર્બરતા, નેવાર્ક એરપોર્ટ પર ઘાતકી વર્તનનો Video Viral

પોલીસ મથકે ધમાલ અને રાજકીય દોડધામ...

આ બબાલ બાદ મોડી રાત્રે ભરતસિંહ સોલંકી પોતાની સ્ત્રી મિત્રને લઈને સીધા આણંદ ટાઉન પોલીસ મથકે પહોંચ્યા હતા, જ્યાં સ્ત્રી મિત્રએ ભરતસિંહના પત્ની વિરૂદ્ધ લેખિત અરજી આપી હતી. આ સંવેદનશીલ મામલાને પગલે કોંગ્રેસના સ્થાનિક આગેવાનો અને હોદ્દેદારો પણ તાત્કાલિક આણંદ ટાઉન પોલીસ મથકે દોડી આવ્યા હતા. હાલ ભરતસિંહ સોલંકી અને તેમના પત્ની વચ્ચેનો વિવાદ કોર્ટમાં ચાલી રહ્યો છે, ત્યારે આ નવી ઘટનાએ કેસને વધુ જટિલ બનાવ્યો છે અને રાજકીય આબરૂના લીરા ઉડાડ્યા છે.

આ પણ વાંચો : Rajkot માં ભ્રષ્ટાચારનો વધુ એક પર્દાફાશ, નિવૃત્ત શિક્ષક પાસેથી રૂ. 2 લાખની લાંચ લેતા બે ઝડપાયા!