ગુજરાતમાં 17 નવા તાલુકાની રચના થશે

ગુજરાતમાં આગામી સ્થાનિક સ્વરાજ્યની ચૂંટણીઓ પહેલાં રાજ્ય સરકાર દ્વારા વહીવટી માળખામાં મોટા ફેરફારો થવાની શક્યતા છે. મુખ્યમંત્રી ભૂપેન્દ્ર પટેલની અધ્યક્ષતામાં મળેલી કેબિનેટ બેઠકમાં 15થી 17 નવા તાલુકાઓની રચના અંગે ચર્ચા કરવામાં આવી છે અને તેને સૈદ્ધાંતિક મંજૂરી મળી શકે છે. આ નિર્ણયનો મુખ્ય ઉદ્દેશ્ય શાસનને વધુ સુગમ બનાવવાનો અને નાગરિકો માટે સરકારી સેવાઓની પહોંચ સરળ બનાવવાનો છે.    સ્થાનિક સ્વરાજ્યની ચૂંટણીઓમાં નવા તાલુકાઓનો સમાવેશ   નવા તાલુકાઓ અસ્તિત્વમાં આવવાથી લોકોને સરકારી કામકાજ માટે દૂર સુધી જવું નહિ પડે, જેના પરિણામે સમય અને શક્તિ બન્નેનો બચાવ થશે. આ પગલું લોકોની લાંબા સમયથી ચાલી આવતી માંગણીઓને સંતોષવા અને વહીવટી સુધારાઓ લાવવા માટેનું એક મહત્વપૂર્ણ પગલું માનવામાં આવે છે. જો આ નિર્ણયનું અમલીકરણ થશે, તો આગામી સ્થાનિક સ્વરાજ્યની ચૂંટણીઓમાં નવા રચાયેલા તાલુકાઓનો સમાવેશ કરવામાં આવશે.   આ નવા તાલુકાઓની યાદી નીચે મુજબ છે, જે હાલના તાલુકાઓમાંથી અલગ કરીને બનાવવામાં આવશે.   ક્યા તાલુકામાંથી અલગ થશે? ક્યો નવો તાલુકો બનશે? સંતરામપુર અને શહેરા ગોધર લુણાવાડા                     કોઠંબા ડેડિયાપાડા ચીકદા વાપી, કપરાડા     પારડી, નાનાપોંઢા થરાદ રાહ વાવ ધરણીધર કાંકરેજ ઓગળ દાતા હડાદ ઝાલોદ ગુરુ ગોવિંદ લીંબડી ફતેપુરા સુખસર જેતપુર પાવી                 કદવાલ કપડવંજ,કઠલાલ                 ફાગવેલ ભિલોડા                     શામળાજી બાયડ                     સાઠંબા સોનગઢ                     ઉકાઈ માંડવી                     અરેઠ મહુવા                     અંબિકા

ગુજરાતની સ્થાપના સમયે 17 જિલ્લા હતા

આ નિર્ણય સરકાર દ્વારા લોકોની જરૂરિયાતોને ધ્યાનમાં રાખીને લેવામાં આવ્યો છે. ઉલ્લેખનીય છે કે, આ પહેલાં 2025ની શરૂઆતમાં જ રાજ્ય સરકારે 9 નગરપાલિકાઓને મહાનગરપાલિકાનો દરજ્જો આપ્યો હતો, જેમાં મહેસાણા, ગાંધીધામ, વાપી, નવસારી, આણંદ, સુરેન્દ્રનગર, નડિયાદ, મોરબી અને પોરબંદરનો સમાવેશ થાય છે, જેનાથી રાજ્યમાં કુલ મહાનગરપાલિકાની સંખ્યા 17 થઈ ગઈ છે. ગુજરાત રાજ્યની સ્થાપના સમયે 17 જિલ્લા હતા અને સમય જતાં નવા જિલ્લાઓ બન્યા છે.

આ પણ વાંચો: 24 કલાકમાં 145 તાલુકામાં મેઘમહેર

વહીવટી સુધારાઓની પ્રક્રિયાને વેગ મળશે

છેલ્લે 2025માં વાવ-થરાદની નવા જિલ્લા તરીકે રચના થઈ હતી અને તે પહેલાં 2013માં 7 નવા જિલ્લા (અરવલ્લી, બોટાદ, છોટાઉદેપુર, દેવભૂમિ દ્વારકા, ગીર સોમનાથ, મહીસાગર અને મોરબી) બનાવવામાં આવ્યા હતા. આ નવા તાલુકાઓની રચના શાસનને લોકોની વધુ નજીક લાવવાનો એક પ્રયાસ છે, જે વહીવટી સુધારાઓની પ્રક્રિયાને વેગ આપશે.