કરીના-સૈફની પ્રિ-દિવાળી પાર્ટીમાં પરિવારનો જલસો

દિવાળીનો તહેવાર આવી ગયો છે, ત્યારે બોલિવૂડમાં પણ ઉજવણીનો માહોલ જામ્યો છે. અભિનેત્રી કરીના કપૂર ખાન અને તેના પતિ સૈફ અલી ખાને ધનતેરસના શુભ અવસર પર પોતાના ઘરે એક શાનદાર પ્રિ-દિવાળી પાર્ટીનું આયોજન કર્યું હતું. આ ભવ્ય પાર્ટીમાં સમગ્ર કપૂર અને પટૌડી પરિવારના સભ્યો એકસાથે જોવા મળ્યા હતા, જેની તસવીરો હાલમાં સોશિયલ મીડિયા પર ધૂમ મચાવી રહી છે. આ પાર્ટી કરીના કપૂર ખાન અને સૈફ અલી ખાનની સાથે સમગ્ર પરિવારના પારિવારિક બોન્ડિંગની ઝલક રજૂ કરે છે.

નણંદ આલિયા ભટ્ટ અને કરીનાનો રોયલ લુક

કરીના અને સૈફના ઘરે યોજાયેલી આ દિવાળી પાર્ટીમાં આલિયા ભટ્ટ, નીતુ કપૂર, કરિશ્મા કપૂર, બબીતા, રણધીર કપૂર, કૃણાલ કપૂર, આદર જૈન અને અરમાન જૈન સહિત પરિવારના અનેક સભ્યો હાજર રહ્યા હતા. જોકે, એક્ટર રણબીર કપૂર આ ઉજવણીનો હિસ્સો બની શક્યા ન હતા, પરંતુ તેમની પત્ની આલિયા ભટ્ટે નણંદ કરીના સાથે ખૂબ જ મજા કરી હતી. આલિયા ભટ્ટ ગોલ્ડન સાડીમાં સુંદરતાના ચાર ચાંદ લગાવી રહી હતી, જ્યારે કરીના કપૂર ખાન લાઈટ ગ્રે કલરના ગ્રેસફુલ લહેંગામાં રોયલ ક્વીન જેવી લાગી રહી હતી. કરીનાએ પોતાના લુકને વાળમાં ગજરો અને માથે બિંદી વડે વધુ આકર્ષક બનાવ્યો હતો.

ટ્રેડિશનલ ડ્રેસમાં સ્ટાર્સનો ગ્લેમરસ જલસો અને ફેમ-જેમ 

પાર્ટીમાં હાજર તમામ સ્ટાર્સ ટ્રેડિશનલ ડ્રેસમાં ખૂબ જ સુંદર લાગી રહ્યા હતા. 'બેબો' કરીના કપૂર ખાન બ્લુ કલરના એથનિક આઉટફિટમાં 'રૂપ સુંદરી' લાગી રહી હતી, જ્યારે સૈફ અલી ખાન કુર્તા-પાયજામામાં જોવા મળ્યા હતા. અરમાન જૈનની પત્ની અનિસા મલ્હોત્રાએ પોતાના સોશિયલ મીડિયા પર આ ઉજવણીના ગ્રુપ ફોટા શેર કર્યા હતા, જેમાં કરીના અને આલિયા ભટ્ટ સાસુ નીતુ કપૂર સાથે પોઝ આપતી જોવા મળી હતી. આલિયાએ પણ તેના ઈન્સ્ટાગ્રામ પર તસવીરો શેર કરી હતી અને કેપ્શનમાં 'fam jam x diwali glam' લખ્યું હતું.

 આ પણ વાંચો: દિવાળી પર ઘરે લઈ આવો 4 વસ્તુ, ધનની થશે વર્ષા

પટૌડી ફેમિલીનું બોન્ડિંગ અને ઇબ્રાહિમની ક્યૂટ પોસ્ટ 

પટૌડી પરિવારની વાત કરીએ તો, સોહા અલી ખાને પણ તેના ભાઈ સૈફ અલી ખાન, ભાભી કરીના કપૂર અને પતિ કૃણાલ ખેમુ સાથેની પ્રિ-દિવાળી ઉજવણીના ફોટા સોશિયલ મીડિયા પર પોસ્ટ કર્યા હતા. આ ઉપરાંત ઈબ્રાહિમ અલી ખાન, જેહ અને તૈમૂર અલી ખાન પણ આ પારિવારિક ગેટ-ટુગેધરમાં હાજર રહ્યા હતા. ઈબ્રાહિમે નાના ભાઈઓ સાથેનો એક ક્યૂટ ગ્રુપ ફોટો તેના સોશિયલ મીડિયા એકાઉન્ટ પર પોસ્ટ કર્યો હતો અને તેને કેપ્શન આપ્યું હતું: 'ત્રણ ભાઈઓ, ત્રણેય તબાહી, હેપ્પી દિવાળી.'

આ તસવીરમાં જેહનો મજેદાર અને રમૂજી પોઝ બધાનું ધ્યાન ખેંચી રહ્યો હતો. એકંદરે, કપૂર અને ખાન પરિવારની આ દિવાળી પહેલાની ઉજવણીની તસવીરોએ ફેન્સનું દિલ જીતી લીધું છે.