હિટમેનનું હવે નવું મિશન! રોહિત શર્માની આ નવી શરૂઆત પાછળ શું છે ખાસ?

Rohit Sharma TV Debut: ભારતીય ક્રિકેટ ટીમના પૂર્વ કેપ્ટન અને ‘હિટમેન’ રોહિત શર્મા હવે ક્રિકેટના મેદાન બાદ ટીવીની દુનિયામાં નવી શરૂઆત કરવા જઈ રહ્યા છે. રોહિત શર્મા પ્રથમ વખત ટીવી શોમાં હોસ્ટ તરીકે જોવા મળશે. તેમનો નવો શો ‘Family Full House With Rohit Sharma’ 19 સપ્ટેમ્બર 2026થી દર્શકોનું મનોરંજન કરશે. રોહિત શર્માના આ નવા શોને લઈને તેમના ક્રિકેટ ચાહકોમાં પણ ઉત્સુકતા છે. શોમાં રોહિત શર્મા હોસ્ટની ભૂમિકામાં જોવા મળશે અને સ્પર્ધકો તથા મહેમાનો સાથે મજેદાર વાતચીત ઉપરાંત વિવિધ પડકારોમાં પણ ભાગ લેશે.

રોહિત શર્માનો ટીવી શો ક્યારે શરૂ થશે?

‘Family Full House With Rohit Sharma’નું પ્રીમિયર 19 સપ્ટેમ્બર 2026ના રોજ થશે. આ શો રોહિત શર્માના પ્રથમ મોટા ટીવી હોસ્ટિંગ પ્રોજેક્ટ તરીકે ખાસ છે. ક્રિકેટના મેદાન પર પોતાની આક્રમક બેટિંગ માટે જાણીતા રોહિત શર્મા હવે નાના પડદા પર અલગ અંદાજમાં જોવા મળશે. શોમાં તેમની સાથે સ્પર્ધકો અને જાણીતા મહેમાનો મજેદાર ગેમ્સ, પડકારો અને વાતચીતમાં જોડાશે.

Family Full House With Rohit Sharmaમાં કોણ-કોણ જોવા મળશે?

શો શરૂ થાય તે પહેલાં જ ‘Family Full House With Rohit Sharma’ના અનેક પ્રોમો સામે આવ્યા છે. આ પ્રોમોમાં મનોરંજન અને ક્રિકેટ જગતના જાણીતા ચહેરાઓ જોવા મળ્યા છે. એક પ્રોમોમાં કોમેડિયન ભારતી સિંહ અને હર્ષ લિંબાચિયા જોવા મળે છે. અન્ય એક પ્રોમોમાં ભારતીય ક્રિકેટરો શાર્દુલ ઠાકુર અને શ્રેયસ ઐયર પણ નજરે પડે છે. આ ઉપરાંત કુણાલ ખેમુની ફિલ્મ ‘વાઇબ’ની સ્ટાર કાસ્ટ પણ શોના પ્રથમ એપિસોડમાં જોવા મળે તેવી શક્યતા છે. આ મહેમાનોની હાજરીને કારણે રોહિત શર્માના ટીવી ડેબ્યૂ શોમાં ક્રિકેટ અને મનોરંજન બંનેનો તડકો જોવા મળી શકે છે.

રોહિત શર્માનો શો SonyLIV પર ક્યાં અને કેવી રીતે જોવો?

‘Family Full House With Rohit Sharma’ ટેલિવિઝનની સાથે ડિજિટલ પ્લેટફોર્મ પર પણ ઉપલબ્ધ રહેશે. આ શોનું નિર્માણ સોની પિક્ચર્સ દ્વારા કરવામાં આવ્યું છે. દર્શકો રોહિત શર્માનો નવો ટીવી શો SonyLIV પર પણ જોઈ શકશે. શોનું ટેલિવિઝન પ્રસારણ દર શનિવાર અને રવિવારે રાત્રે 9:30 વાગ્યે થશે. એટલે જે દર્શકો રોહિત શર્માને ક્રિકેટ સિવાયના નવા અવતારમાં જોવા માંગે છે, તેમના માટે વીકએન્ડમાં આ શો ખાસ બની શકે છે.

રોહિત શર્મા બાદ સેહવાગ પણ કરશે મનોરંજન ક્ષેત્રમાં એન્ટ્રી

ભારતીય ક્રિકેટ સાથે જોડાયેલા અનેક જાણીતા પૂર્વ ક્રિકેટરો છેલ્લા કેટલાક સમયથી મનોરંજન ક્ષેત્રમાં પણ જોવા મળી રહ્યા છે. પૂર્વ ભારતીય ક્રિકેટર સૌરવ ગાંગુલી ‘બિગ બોસ બાંગ્લા’ની નવી સીઝન હોસ્ટ કરી રહ્યા છે. હવે રોહિત શર્માનું ટીવી ડેબ્યૂ પણ ક્રિકેટ અને મનોરંજન વચ્ચેનું નવું જોડાણ દર્શાવે છે. બીજી તરફ, પૂર્વ ભારતીય ક્રિકેટર વીરેન્દ્ર સેહવાગ પણ રિયાલિટી શો દ્વારા OTT પર નવી ઇનિંગ શરૂ કરશે. તેઓ ‘રાઇઝ એન્ડ ફોલ 2’ હોસ્ટ કરશે. આ શોમાં સ્વરા ભાસ્કર, કરણ પટેલ, પ્રિયંકા ચહર ચૌધરી અને શહઝાદ પૂનાવાલા સહિતના જાણીતા ચહેરાઓ ભાગ લેવાના છે. આ શોનું પ્રીમિયર 26 સપ્ટેમ્બર 2026ના રોજ થવાનું છે.

ક્રિકેટ બાદ રોહિત શર્માની નવી ઇનિંગ

રોહિત શર્માનું ટીવી ડેબ્યૂ તેમના ચાહકો માટે એક નવો અનુભવ બનશે. ક્રિકેટમાં લાંબી કારકિર્દી બાદ હવે રોહિત શર્મા ‘Family Full House With Rohit Sharma’ દ્વારા મનોરંજન જગતમાં પોતાની નવી ઓળખ બનાવવાનો પ્રયાસ કરતા જોવા મળશે. 9 સપ્ટેમ્બર 2026થી શરૂ થનારા આ શોમાં રોહિત શર્મા હોસ્ટ તરીકે કેવી રીતે દર્શકોને એન્ટરટેઇન કરે છે, તે જોવું રસપ્રદ રહેશે.