ગુજરાતની વિદ્યાર્થીની ઉપર પુણેમાં ગેંગરેપ, પોલીસ બે આરોપીઓના સ્કેચ જાહેર કર્યા

ગુરુવારે મોડી રાત્રે પૂણેના બોપદેવ ઘાટ પાસે ત્રણ વ્યક્તિઓ વિદ્યાર્થીની અને તેના પુરુષ મિત્રને ઝાડીઓમાં ઘસડી જઇ, પુરુષમિત્રને ઝાડ સાથે બાંધી દઈ, આરોપીઓએ ગુજરાતની વિદ્યાર્થીની પર બળાત્કાર કર્યો હતો. આરોપીઓએ પીડિતા પર લોખંડના સળિયાથી માર માર્યો હતો. બળાત્કાર ગુજારતા પહેલા, વિદ્યાર્થિની અને તેના મિત્રને ધમકી પણ  આપી હતી. ગુન્હો આચરી, આરોપીઓ બાઇક પર ભાગી ગયાં હતાં.   વિદ્યાર્થિનીનો મિત્ર જલગાંવ નો છે, અને તે વિદ્યાર્થીને સસુન સરકારી હોસ્પિટલમાં સારવાર માટે લઇ ગયો હતો. શુક્રવાર સવારે પાંચ કલાકે કોંઢવા પોલીસ સ્ટેશનમાં બળાત્કારની ફરિયાદ નોંધાઈ છે. ફરિયાદી અને પીડિતાએ આરોપીઓની આપેલી માહિતીના આધારે પુણે પોલીસે તેમના સ્કેચ તૈયાર કરી જાહેર કર્યા છે.   શુક્રવારે બપોરે પુણે પોલીસ કમિશનર અમિતેષ કુમારે ઘટના સ્થળની મુલાકાત લીધી હતી. આ ગુન્હાની તપાસ સંયુક્ત પોલીસ કમિશનર રંજન કુમાર શર્માની નિગરાની નીચે થઈ રહી છે. પોલીસે આરોપીઓને પકડવા માટે દસ જેટલી ટીમ બનાવી જુદી જુદી દિશામાં દોડાવી છે,   સ્ત્રી પર અત્યાચાર અને ગુન્હા વધવાના કારણે મહા યુતિ સરકાર પર પસ્તાળ પડી રહી છે. વિપક્ષ આક્ષેપ કરે છે કે સરકારનું ધ્યાન સ્ત્રી સુરક્ષા કરતા વધારે મત મેળવવા 'લડકી બહેન યોજના' પરંતુ વધુ ધ્યાન આપે છે.