ઓસ્ટ્રેલિયા સામે દસ વર્ષ પછી બોર્ડર-ગાવસ્કર શ્રેણી હાર્યા બાદ, BCCI&nbsp; ખેલાડીઓ પર કડક બન્યું છે અને તેણે ક્રિકેટરો અને તેમના પરિવારો માટે નવી માર્ગદર્શિકા જારી કરી છે. નવા નિયમો હેઠળ, હવે જો કોઈ પ્રવાસ કે ટુર્નામેન્ટ 45 દિવસ કે તેથી વધુ સમયનો હોય, તો ખેલાડીઓની પત્નીઓને વધુમાં વધુ બે અઠવાડિયા સુધી પ્રવાસ પર રહેવાની મંજૂરી આપવામાં આવશે.
આ સાથે, દરેક ખેલાડીએ ટીમ બસ દ્વારા મુસાફરી કરવી પડશે અને તેમને હવે અલગથી મુસાફરી કરવાની મંજૂરી આપવામાં આવશે નહીં. એક અહેવાલ મુજબ, BCCIએ મુખ્ય કોચ ગૌતમ ગંભીર અને મેનેજર સામે પણ કડક કાર્યવાહી કરી છે. આ અંતર્ગત, ગંભીર અને તેમના મેનેજર ન તો ટીમ હોટલમાં રોકાશે અને ન તો VIP બોક્સમાં બેસશે. નવી માર્ગદર્શિકા અનુસાર, જો ફ્લાઇટ દરમિયાન ખેલાડીઓનો સામાન 150 કિલોથી વધુ હશે, તો BCCI તેનો ખર્ચ ચૂકવશે નહીં. ખેલાડીઓને કહેવામાં આવ્યું છે કે તેઓ આ ખર્ચ પોતે ઉઠાવશે.
તાજેતરમાં, ભારતના ટેસ્ટ અને વનડે કેપ્ટન રોહિત શર્મા, ગંભીર અને પસંદગી સમિતિના વડા અજિત અગરકર તથા નવા સેક્રેટરી અને ખજાનચી સહિત બીસીસીઆઈના ટોચના અધિકારીઓને મળ્યા હતા, જ્યાં આ મુદ્દાઓ પર ચર્ચા કરવામાં આવી હતી. બેઠક દરમિયાન ચર્ચાના મુખ્ય વિષયોમાં વિરાટ કોહલી અને રોહિત સહિતના અનુભવી સ્ટાર ખેલાડીઓનું ભવિષ્ય તેમજ ગંભીરના કોચિંગ સ્ટાફનો કાર્યકાળ હતો. બેઠકમાં એવું પણ સૂચન કરવામાં આવ્યું હતું કે ટીમમાં સપોર્ટ સ્ટાફનો કાર્યકાળ ત્રણ વર્ષ સુધી મર્યાદિત રાખવો જોઈએ. બીસીસીઆઈનું માનવું છે કે ટીમના પ્રદર્શનમાં પણ ઘટાડો થયો છે કારણ કે કેટલાક સપોર્ટ સ્ટાફ સભ્યો ઘણા લાંબા સમયથી ટીમ સાથે છે.

બોર્ડર-ગાવસ્કર શ્રેણી હાર્યા બાદ, BCCI  ખેલાડીઓ પર કડક બન્યું છે અને તેણે ક્રિકેટરો અને તેમના પરિવારો માટે નવી માર્ગદર્શિકા જારી કરી

January 14, 2025 | 12:03 IST