ઓસ્ટ્રેલિયા સામે મેલબોર્ન ટેસ્ટમાં ટીમ ઈન્ડિયાની શરમજનક હાર

ઓસ્ટ્રેલિયા સામે મેલબોર્ન ટેસ્ટમાં ટીમ ઈન્ડિયાને શરમજનક હારનો સામનો કરવો પડ્યો છે. મેલબોર્નમાં આ બોક્સિંગ-ડે ટેસ્ટ મેચના પાંચમા અને છેલ્લા દિવસે ઓસ્ટ્રેલિયાએ ભારતને 184 રનથી હરાવ્યું હતું. આ સાથે ઓસ્ટ્રેલિયાએ પાંચ મેચની ટેસ્ટ શ્રેણીમાં 2-1ની અજેય સરસાઈ મેળવી લીધી છે.

યશસ્વી જયસ્વાલે બીજી ઇનિંગમાં ભારત માટે સૌથી વધુ 84 રન બનાવ્યા હતા, પરંતુ તે પોતાની ટીમને હારથી બચાવી શક્યો નહોતો. તમને જણાવી દઈએ કે આ પહેલા ભારતે 2018-19 અને 2020-21ના ઓસ્ટ્રેલિયા પ્રવાસ પર ટેસ્ટ શ્રેણી જીતીને ઈતિહાસ રચ્યો હતો. ભારતે બંને વખતે કાંગારૂ ટીમને 2-1થી હરાવ્યું હતું. બોર્ડર-ગાવસ્કર ટ્રોફી હેઠળ ભારત અને ઓસ્ટ્રેલિયા વચ્ચે અત્યાર સુધીમાં 16 ટેસ્ટ શ્રેણી રમાઈ છે. ભારતે આમાંથી 10 ટેસ્ટ શ્રેણી જીતી છે. આ સાથે જ ઓસ્ટ્રેલિયાએ 5 ટેસ્ટ શ્રેણી જીતી લીધી છે. આ સિવાય ભારત અને ઓસ્ટ્રેલિયા વચ્ચેની ટેસ્ટ શ્રેણી ડ્રોમાં સમાપ્ત થઈ છે.

ઓસ્ટ્રેલિયાએ ટીમ ઈન્ડિયાને 340 રનનો ટાર્ગેટ આપ્યો હતો. જવાબમાં ભારત બીજા દાવમાં 79.1 ઓવરમાં 155 રનમાં ઓલઆઉટ થઈ ગયું હતું. કાંગારૂ ટીમે પ્રથમ દાવમાં 474 રન બનાવ્યા હતા. આ પછી ટીમ ઈન્ડિયાએ પ્રથમ દાવમાં 369 રન બનાવ્યા હતા જ્યારે ઓસ્ટ્રેલિયાને 105 રનની લીડ મળી હતી. પેટ કમિન્સની ટીમે બીજા દાવમાં 234 રન બનાવ્યા અને ભારતને 340 રનનો લક્ષ્યાંક આપ્યો.

ભારતના બે મહાન બેટ્સમેન રોહિત શર્મા અને વિરાટ કોહલીનું ફોર્મ હજું સુધર્યું નથી. વિરાટ અને રોહિત બંને ઇનિંગ્સમાં નિષ્ફળ રહ્યા હતા. 2024માં ભારતની આ છેલ્લી ટેસ્ટ મેચ હતી. હવે ટીમ ઈન્ડિયા તેની આગામી મેચ ઓસ્ટ્રેલિયા સામે 3 જાન્યુઆરીએ સિડનીમાં રમશે. રોહિત પ્રથમ દાવમાં 3 અને બીજી ઇનિંગમાં 9 રન બનાવીને આઉટ થયો હતો. જ્યારે વિરાટ કોહલીએ પ્રથમ દાવમાં 36 રન બનાવ્યા હતા. બીજા દાવમાં તે માત્ર 5 રન જ બનાવી શક્યો હતો.

ભારતે 6 વિકેટે 130 રન બનાવ્યા હતા. અહીંથી મેચ બચાવવાની જવાબદારી યશસ્વી અને વોશિંગ્ટન સુંદરની હતી. યશસ્વી અને સુંદરે મળીને 45 બોલનો સામનો કર્યો અને 10 રનની ભાગીદારી કરી. પેટ કમિન્સે 71મી ઓવરમાં યશસ્વીને આઉટ કરીને મેચને પલટી દીધી હતી. ૉ