ભારત અને ઓસ્ટ્રેલિયા વચ્ચે આગામી ટેસ્ટને લઈ રિકી પોન્ટિંગની ભવિષ્યવાણી

ઓસ્ટ્રેલિયાના ભૂતપૂર્વ કેપ્ટન રિકી પોન્ટિંગનું માનવું છે કે ઓસ્ટ્રેલિયા આગામી ટેસ્ટ શ્રેણીમાં ભારતને 3-1થી હરાવશે. તેણે કહ્યું કે મોહમ્મદ શમીની ઈજાને કારણે ભારતની બોલિંગ નબળી પડી છે.   પોન્ટિંગે આઈસીસીની સમીક્ષામાં કહ્યું કે ઓસ્ટ્રેલિયામાં ટેસ્ટ મેચ જીતવા માટે ભારતે 20 વિકેટ લેવી પડશે.જે તેમના માટે મુશ્કેલ હશે. જોકે તેમનું માનવું હતું કે ભારત ટેસ્ટ મેચ જીતી શકે છે.   પોન્ટિંગે કહ્યું કે સ્ટીવ સ્મિથ અથવા રિષભ પંત આ સિરીઝમાં સૌથી વધુ રન બનાવી શકે છે.   પોન્ટિંગ અનુસાર,ઓસ્ટ્રેલિયન બેટ્સમેન સ્ટીવ સ્મિથ ટોપ ઓર્ડરમાંથી નંબર 4 પર પરત ફરવાથી ટેસ્ટ શ્રેણીમાં તેના વધુ સારા પ્રદર્શનની શક્યતા વધી શકે છે. સ્મિથે ઓપનર તરીકે કેટલીક મેચ રમી હતી. પરંતુ તેમાં તેને ખાસ સફળતા મળી ન હતી. હવે ભારત સામેની સિરીઝ પહેલા ઓસ્ટ્રેલિયાના આ મજબૂત બેટ્સમેનને નંબર 4 પર પરત મોકલવામાં આવશે તે લગભગ નિશ્ચિત છે.   રિકી પોન્ટિંગનું માનવું છે કે સ્મિથનું આ સ્થાન પર વાપસી એ સાબિત કરી શકે છે કે ઓપનરની જગ્યાએ નંબર 4 પર રમવું તેની કારકિર્દી માટે યોગ્ય સ્થાન બની શકે છે.અને સંભવતઃ તે જ્યાં તેની કારકિર્દી સમાપ્ત કરશે.પોન્ટિંગે એમ પણ ઉમેર્યું હતું કે રિષભ પંતની ટીમમાં વાપસી સ્મિથને પડકાર આપી શકે છે.   પોન્ટિંગે ઋષભ પંતના ફોર્મનું વર્ણન કર્યું જ્યારે તે મિડલ ઓર્ડરમાં આવ્યો અને બોલની ચમક અને કઠિનતામાં ઘટાડો થયા પછી રમવાની સ્થિતિ તેના માટે ફાયદાકારક ગણાવી.તેણે પંતને શ્રેણીમાં સૌથી વધુ રન બનાવનાર ખેલાડી તરીકે ધ્યાનમાં લેવાની પણ વાત કરી.   બોલરોમાં,સૌથી વધુ વિકેટ લેવા માટે પોન્ટિંગે અનુભવી ઝડપી બોલર જોશ હેઝલવુડનું સમર્થન કર્યું હતું. ઓસ્ટ્રેલિયાના ત્રણ અગ્રણી ઝડપી બોલરો (મિચેલ સ્ટાર્ક, પેટ કમિન્સ અને હેઝલવુડ)માંથી, પોન્ટિંગે સ્વીકાર્યું કે સ્ટાર્ક અને કમિન્સ કદાચ તમામ પાંચ ટેસ્ટ મેચ રમી શકશે નહીં.જ્યારે હેઝલવુડની સ્થિતિ અલગ છે.   પોન્ટિંગે કહ્યું,હેઝલવુડ આ ક્ષણે તેની સંભવિતતાની ટોચ પર છે,એટલા માટે હું તેને આ સિરીઝનો ટોપ વિકેટ લેનાર બોલર માનું છું.   ભારત અને ઓસ્ટ્રેલિયા વચ્ચે 22 નવેમ્બરથી પ્રથમ ટેસ્ટ શરૂ થશે. આ મહત્વપૂર્ણ શ્રેણી ICC વર્લ્ડ ટેસ્ટ ચેમ્પિયનશિપની ફાઇનલમાં પહોંચનાર ટીમોની આગાહી કરવામાં મદદ કરી શકે છે.કારણ કે ઓસ્ટ્રેલિયા અને ભારત હાલમાં ટેબલમાં ટોચના સ્થાને છે.