કોહલીને બૂમો પાડી છતાં ન રોકાયો, લાગે મામલો ગંભીર!

દક્ષિણ આફ્રિકા સામેની ટેસ્ટ સિરીઝમાં કારમી હાર બાદ ભારતીય ટીમે પ્રથમ વનડેમાં શાનદાર વાપસી કરીને મહેમાનોને ૧૭ રનથી હરાવ્યા. કેપ્ટન કેએલ રાહુલ, રોહિત શર્મા અને વિરાટ કોહલીની બેટિંગ તેમજ કુલદીપ યાદવ અને હર્ષિત રાણાની ઘાતક બોલિંગના સહારે લાંબા સમય બાદ ટીમ ઈન્ડિયાના ડ્રેસિંગ રૂમમાં જશ્નનો માહોલ બન્યો. જોકે, જીત બાદના કેટલાક વાયરલ વીડિયો અને વિઝ્યુઅલ્સ પરથી એવા સવાલો ઉઠી રહ્યા છે કે ટીમની અંદરનો માહોલ તણાવપૂર્ણ છે.

કેપ્ટનનું સેલિબ્રેશન, કોહલીની અવગણના

શુભમન ગિલની ગેરહાજરીમાં કેપ્ટનશીપ સંભાળી રહેલા કેએલ રાહુલની આગેવાનીમાં જીત મળ્યા બાદ ટીમ હોટેલ પરત ફરી હતી. જીતની ઉજવણી કરવા માટે રાહુલ કેક કાપી રહ્યો હતો અને ટીમના તમામ ખેલાડીઓ ત્યાં હાજર હતા.

Gautam Gambhir seen talking with Rohit Sharma at the team hotel while the Indian team was celebrating their victory by cutting a cake.🇮🇳❤️ pic.twitter.com/iw6ld3PCv4

— 𝐑𝐮𝐬𝐡𝐢𝐢𝐢⁴⁵ (@rushiii_12) December 1, 2025

• સેલિબ્રેશન સમયે પ્લેયર ઓફ ધ મેચ વિરાટ કોહલી લોબીમાંથી પસાર થયો હતો.

• કોહલી કેએલ રાહુલને કેક કાપતો જોઈ રહ્યો હોવા છતાં, તે ત્યાં ઊભો ન રહ્યો અને સેલિબ્રેશનમાં સામેલ ન થયો.

• આ દરમિયાન તેને વારંવાર 'વિરાટ સર, વિરાટ સર' કહીને બૂમો પાડવામાં આવી, પરંતુ તે પોતાની ધૂનમાં લીન થઈને અવગણીને સીધો એલિવેટર તરફ આગળ વધી ગયો. આ વીડિયો સોશિયલ મીડિયા પર વાઈરલ થઈ રહ્યો છે.

રોહિત અને ગંભીર વચ્ચે 'ગંભીર' ચર્ચા

આ સાથે જ ડ્રેસિંગ રૂમ અને હોટેલ લોબીમાંથી અન્ય વિઝ્યુઅલ પણ વાયરલ થયા છે, જેણે ડ્રેસિંગ રૂમના માહોલ પર સવાલો ઉભા કર્યા છે.

• ભારતના હેડ કોચ ગૌતમ ગંભીર અને પૂર્વ કેપ્ટન રોહિત શર્મા હોટેલના લોબી એરિયામાં બેસીને કોઈ ટોપિક પર 'ગંભીર' ચર્ચા કરતા દેખાયા હતા. આ પહેલા પણ મેચ પૂરી થયા બાદ ડ્રેસિંગ રૂમમાં બંને બેટિંગ કોચ સિતાંશુ કોટક સાથે વાતચીત કરતા દેખાયા હતા.

• એક અન્ય ક્લિપમાં વિરાટ કોહલી ડ્રેસિંગ રૂમ તરફ જઈ રહ્યો છે અને કાચની બીજી બાજુ ગૌતમ ગંભીર દેખાય છે. જોકે, કોહલી તેની નજીક પહોંચતા જ મોબાઈલ ફોનમાં વ્યસ્ત થઈ જાય છે અને ગંભીરને સંપૂર્ણપણે અવગણીને આગળ વધી ગયો હોય તેવું દેખાઈ રહ્યું છે.

આ ક્લિપ્સ એવા સમયે વાયરલ થઈ રહી છે જ્યારે કેટલાક અહેવાલોમાં દાવો કરવામાં આવ્યો છે કે કોહલી, રોહિત અને ટીમ મેનેજમેન્ટ વચ્ચે બધું બરાબર નથી. અહેવાલો મુજબ, રોહિત શર્મા અને ચીફ સિલેક્ટર અજિત અગરકર તેમજ વિરાટ કોહલી અને ગૌતમ ગંભીર વચ્ચે એક કોચ અને ખેલાડી તરીકે જરૂરી વાતચીત થતી નથી.