ઓસ્ટ્રેલિયા સામેની ટેસ્ટમાં કાગીસો રબાડાએ ઘાતક બોલિંગ સાથે 350 ટેસ્ટ વિકેટનો વર્લ્ડ રેકોર્ડ બનાવ્યો
Kagiso Rabada World Record: દક્ષિણ આફ્રિકાના સ્ટાર ફાસ્ટ બોલર કાગીસો રબાડાએ ઓસ્ટ્રેલિયા સામેની ત્રીજી અને નિર્ણાયક ટેસ્ટમાં ઇતિહાસ રચી દીધો છે. કેપટાઉનમાં રમાઈ રહેલી ટેસ્ટના પાંચમા દિવસે રબાડાએ પોતાની ઘાતક બોલિંગથી ઓસ્ટ્રેલિયાની બેટિંગ લાઇનઅપને મુશ્કેલીમાં મૂકી દીધી. આ દરમિયાન તેણે ટેસ્ટ ક્રિકેટમાં 350 વિકેટ અને આંતરરાષ્ટ્રીય ક્રિકેટમાં 600 વિકેટનો આંકડો પાર કર્યો. એટલું જ નહીં, બોલની સંખ્યાની દૃષ્ટિએ 350 ટેસ્ટ વિકેટ ઝડપનાર તે વિશ્વનો સૌથી ઝડપી બોલર બની ગયો છે.
ડેલ સ્ટેનનો વર્લ્ડ રેકોર્ડ તોડ્યો
ઓસ્ટ્રેલિયા સામે બીજી ઇનિંગમાં મેથ્યુ રેનશો, માર્નસ લાબુશેન અને ટ્રેવિસ હેડને આઉટ કરીને રબાડાએ પોતાની 350મી ટેસ્ટ વિકેટ પૂર્ણ કરી. તેણે માત્ર 13,808 બોલમાં આ સિદ્ધિ મેળવીને દક્ષિણ આફ્રિકાના દિગ્ગજ ડેલ સ્ટેનનો રેકોર્ડ તોડી નાખ્યો. સ્ટેને 14,719 બોલમાં 350 વિકેટ પૂરી કરી હતી. આ યાદીમાં પાકિસ્તાનના વકાર યુનિસ 14,905 બોલ સાથે ત્રીજા, માલ્કમ માર્શલ 16,285 બોલ સાથે ચોથા અને મિચેલ સ્ટાર્ક 16,908 બોલ સાથે પાંચમા ક્રમે છે.
75મી ટેસ્ટ મેચમાં 350 વિકેટ
રબાડાએ પોતાની 75મી ટેસ્ટ મેચમાં 350 વિકેટ પૂર્ણ કરી છે. મેચોની સંખ્યાની દૃષ્ટિએ આ સિદ્ધિ મેળવનાર તે માલ્કમ માર્શલ સાથે સંયુક્ત રીતે ત્રીજા ક્રમે છે. રિચર્ડ હેડલી અને ડેલ સ્ટેને 69 ટેસ્ટમાં આ મુકામ હાંસલ કર્યો હતો, જ્યારે ડેનિસ લિલીએ 70 અને ગ્લેન મેકગ્રાએ 74 ટેસ્ટમાં 350 વિકેટ પૂરી કરી હતી. આ ઉપરાંત રબાડાએ 260 આંતરરાષ્ટ્રીય મેચોમાં 601 વિકેટ સાથે 600 વિકેટનો આંકડો પણ પાર કર્યો છે. તે આ સિદ્ધિ મેળવનાર દક્ષિણ આફ્રિકાનો પાંચમો બોલર બન્યો છે. આ યાદીમાં શોન પોલોક 823 વિકેટ સાથે પ્રથમ, ડેલ સ્ટેન 697 વિકેટ સાથે બીજા, મખાયા ન્ટિની 661 વિકેટ સાથે ત્રીજા અને એલન ડોનાલ્ડ 602 વિકેટ સાથે ચોથા ક્રમે છે.
રબાડાના ઝટકાથી ઓસ્ટ્રેલિયા મુશ્કેલીમાં
ત્રીજી ટેસ્ટની વાત કરીએ તો દક્ષિણ આફ્રિકાએ પ્રથમ ઇનિંગમાં 329 રન બનાવ્યા હતા, જેના જવાબમાં ઓસ્ટ્રેલિયાએ 429 રન બનાવી 100 રનની લીડ મેળવી હતી. ત્યારબાદ બીજી ઇનિંગમાં દક્ષિણ આફ્રિકાએ જોરદાર વાપસી કરી હતી. રાયન રિકેલ્ટને 101 રનની શાનદાર સદી ફટકારી હતી, જ્યારે વિઆન મુલ્ડરે 115 રનની મહત્વપૂર્ણ ઇનિંગ રમી હતી. બંનેની બેટિંગના આધારે દક્ષિણ આફ્રિકાએ બીજી ઇનિંગમાં 387 રન બનાવ્યા અને ઓસ્ટ્રેલિયાને જીતવા માટે 288 રનનો લક્ષ્યાંક આપ્યો હતો.
લક્ષ્યાંકનો પીછો કરવા ઉતરેલી ઓસ્ટ્રેલિયન ટીમની શરૂઆત ખરાબ રહી હતી. રબાડાએ પોતાની શરૂઆતની ઓવરોમાં જ બે મોટા ઝટકા આપ્યા હતા. તેણે પહેલા મેથ્યુ રેનશોને શૂન્ય રને આઉટ કર્યો અને ત્યારબાદ માર્નસ લાબુશેનને માત્ર 4 રને LBW કર્યો હતો. પછી ટ્રેવિસ હેડને 14 રને આઉટ કરીને પોતાની 350મી ટેસ્ટ વિકેટ પૂર્ણ કરી હતી. ઓસ્ટ્રેલિયાને વધુ એક ઝટકો જોશ ઇંગ્લિસના રનઆઉટ રૂપે લાગ્યો હતો. રબાડાની ઐતિહાસિક બોલિંગે નિર્ણાયક ટેસ્ટમાં દક્ષિણ આફ્રિકાને મજબૂત સ્થિતિમાં પહોંચાડી દીધું હતું. એક તરફ રબાડાએ વ્યક્તિગત રેકોર્ડ્સની હારમાળા સર્જી હતી, તો બીજી તરફ દક્ષિણ આફ્રિકા ટેસ્ટ જીતવાની નજીક પહોંચી ગયું હતું. હવે સૌની નજર ઓસ્ટ્રેલિયાની બાકીની બેટિંગ અને રબાડાના વધુ એક મેચવિનિંગ પ્રદર્શન પર છે.
અનુભવ: 4 વર્ષ
પત્રકાર
પવન દ્વિવેદી વર્ષ 2022થી પત્રકારના ક્ષેત્રમાં કામ કરી રહ્યા છે. કારકિર્દીની શરૂઆતથી ગુજરાત, ક્રાઇમ, નેશનલ, ઈન્ટરનેશનલ, રાજકારણ, મનોરંજન, સ્પોર્ટ્સના સમાચાર જેવી વિવિધ કેટેગરીમાં કામ કરી રહ્યા છે. કારકિર્દીની શરૂઆતમાં સંદેશ, ગુજરાત સમાચાર, રાજસ્થાન ફર્સ્ટ, ગુજરાત વંદન અને હાલ બેનિફિટ ન્યૂઝ 24 માં કામ કરી રહ્યા છે
તાજા અપડેટ્સ મેળવો સીધા તમારા WhatsApp પર
ન્યૂઝીલેન્ડ સામેની ટેસ્ટ શ્રેણી પહેલાં ટીમ ઈન્ડિયાની ચિંતા વધી છે. ન્યૂઝીલેન્ડ A સામેની બીજી બિનસત્તાવાર ટેસ્ટમાં યશસ્વી પહેલી જ ઓવરમાં LBW આઉટ થયો! સતત ત્રીજી ઇનિંગમાં નિષ્ફળતા બાદ તેના ફોર્મ પર સવાલો ઊભા થયા છે.
4 રનમાં બે વિકેટથી શરૂઆત અને અંતે 87 રનની કારમી હાર! ન્યૂઝીલેન્ડ સામે ચોથી T20Iમાં ટીમ ઈન્ડિયાની કેવી હાલત થઈ?
દિલ્હી કેપિટલ્સે ઉમા કાશ્વીને ₹10 લાખમાં ખરીદી, અને તેણે તોડી નાખ્યો સૌથી નાની ઉંમરે WPL કરાર મેળવવાનો રેકોર્ડ! 7 વર્ષની ઉંમરે ક્રિકેટ શરૂ કરનાર આ ખેલાડીએ અંડર-15 ટુર્નામેન્ટમાં 516 રન બનાવી સૌનું ધ્યાન ખેંચ્યું હતું.