2036માં યોજાનાર ઓલમ્પિકની દાવેદારી ભારતે નોંધાવી: સૂત્ર

ભારતે ઔપચારિક રીતે 2036 ઓલિમ્પિક્સની યજમાની માટે ઇરાદાનો પત્ર મોકલ્યો: સૂત્રો     ઓલિમ્પિક્સ 2024નું આયોજન પેરિસ ખાતે કરવામાં આવ્યું હતું. જે બાદ આગળનો એટલે કે 2028નો ઓલમ્પિક લોસ એંજેલસમાં યોજાશે. ત્યારે સુત્રો પાસેથી માહિતી મળી રહી છે કે 2036માં યોજાનાર ઓલમ્પિકની દાવેદારી ભારતે નોંધાવી છે.    સૂત્રોએ IANS ને જણાવ્યું હતું કે, ભારતીય ઓલિમ્પિક એસોસિએશન (IOA) એ ઔપચારિક રીતે આંતરરાષ્ટ્રીય ઓલિમ્પિક સમિતિ (IOC) ને 1 ઓક્ટોબરના રોજ ઔપચારિક પત્ર મોકલ્યો છે. જે પત્ર દ્વારા 2036 માં ઓલિમ્પિક્સ અને પેરાલિમ્પિક્સ ગેમ્સની યજમાની કરવા માટે ભારતે રુચિ દર્શાવી છે.  

સૂત્રો દ્વારા જણાવવામાં આવ્યું છે કે ભારત સરકારે 1 ઓકટોબરના રોજ એક પત્ર લખીને એટલે કે લેટર ઑફ ઇન્ટેન્ટ દ્વારા ઈચ્છા વ્યક્ત કરી છે કે ભારતમાં ઓલિમ્પિક 2036નું આયોજન કરવામાં આવે. હાલ 2032 સુધીના ઓલિમ્પિકની યજમાની નક્કી થઈ ગઈ છે. 2028માં લોસ એન્જલસ અને 2032માં બ્રિસ્બેનમાં ઓલિમ્પિકની યજમાની કરવામાં આવી હતી. ભારતે છેલ્લે દિલ્હીમાં કોમનવેલ્થ ગેમ્સની યજમાની કરી હતી. અગાઉ 1982 અને 1951માં ભારતે એશિયન ગેમ્સની યજમાની પણ કરી હતી. 

  વડાપ્રધાન નરેન્દ્ર મોદીએ અનેક પ્રસંગોએ 2036 ઓલિમ્પિક અને પેરાલિમ્પિક્સ ગેમ્સની યજમાનીમાં ભારતની રુચિ દર્શાવી હતી. નવી દિલ્હીમાં તેમના નિવાસસ્થાને સ્વતંત્રતા દિવસની ઉજવણી પર પેરિસ ઓલિમ્પિક્સના ખેલાડીઓ સાથેની વાતચીત કરી હતી. જે દરમિયાન પણ  તેમને 2036 માટે  તૈયારીઓને લઈ તેમના ઇનપુટ્સ આપવા કહ્યું હતું.   ગયા વર્ષે મુંબઈમાં IOCના 141મા સત્રમાં, PM મોદીએ વર્ષ 2036માં ઓલિમ્પિક ગેમ્સની યજમાનીમાં ભારતની રુચિની પુષ્ટિ કરી હતી, અને દાવો કર્યો હતો કે 140 કરોડ ભારતીયો આ ગેમ્સનું આયોજન કરવા માટે પ્રતિબદ્ધ છે.   2036 ઓલિમ્પિક ગેમ્સની યજમાનીમાં રસ દર્શાવનાર 10 દેશોમાં ભારતનો સમાવેશ થાય છે. નવેમ્બર 2022 માં, IOC એ ભારત સહિત આ દેશો સાથે ચર્ચા શરૂ કરી, જેણે રસ દાખવ્યો.