IND vs AFG ODI Series: ભારતીય ક્રિકેટ ટીમ 13 જૂનથી અફઘાનિસ્તાન સામે શરૂ થઈ રહેલી વનડે (ODI) શ્રેણી માટે સજ્જ થઈ રહી છે, ત્યારે ટીમ માટે સૌથી મોટા અને રાહતના સમાચાર સામે આવ્યા છે. ભારતના બે દિગ્ગજ ખેલાડીઓ રોહિત શર્મા અને હાર્દિક પંડ્યા સંપૂર્ણ ફિટ જાહેર થયા છે. બેંગલુરુ સ્થિત સેન્ટર ઓફ એક્સેલન્સ (CoE) દ્વારા બંને ખેલાડીઓને ફિટનેસ ક્લિયરન્સ આપી દેવામાં આવ્યું છે. આ ક્લિયરન્સ મળતાની સાથે જ અફઘાનિસ્તાન સામેની વનડે શ્રેણીમાં તેમની ભાગીદારી અંગે લાંબા સમયથી ચાલી રહેલા સસ્પેન્સનો સુખદ અંત આવ્યો છે.
હાર્દિક પંડ્યાએ મેચ સિમ્યુલેશનમાં ફેંકી 10 ઓવર IPL 2026 માં મુંબઈ ઈન્ડિયન્સના અભિયાનના સમાપ્તિ બાદ ઓલરાઉન્ડર હાર્દિક પંડ્યા વિદેશમાં રજાઓ ગાળવા ગયો હતો. ત્યાંથી પરત ફર્યા બાદ તે 2 જૂનના રોજ બેંગલુરુની CoE કચેરીએ પહોંચ્યો હતો. હાર્દિકે અહીં ઘણા દિવસો સુધી સખત પ્રેક્ટિસ કરી અને ખાસ મેચ સિમ્યુલેશન સત્રોમાં ભાગ લીધો હતો. આ ફિટનેસ ટેસ્ટ દરમિયાન હાર્દિકે કોઈપણ અગવડતા વિના પોતાની પૂરી 10 ઓવર બોલિંગ કરી હતી. ભારતીય ક્રિકેટ કંટ્રોલ બોર્ડ (BCCI) ના સૂત્રોના જણાવ્યા અનુસાર, સ્ટ્રેન્થ અને કન્ડીશનીંગ કોચ દ્વારા હાર્દિકના ફિટનેસ સંબંધિત તમામ પરિમાણોને લીલી ઝંડી આપી દેવામાં આવી છે.
હેમસ્ટ્રિંગની ઈજામાંથી ઉગરી સીધા ધર્મશાલામાં જોડાશે રોહિત હાર્દિક પંડ્યા બાદ પૂર્વ ભારતીય કેપ્ટન રોહિત શર્માએ પણ CoE ખાતે પોતાની ફિટનેસ સાબિત કરી છે. IPL 2026 દરમિયાન રોહિત શર્માને હેમસ્ટ્રિંગ (પગના સ્નાયુની ઈજા) ની ગંભીર સમસ્યા નડી હતી. આ ઈજાને કારણે તે ઘણી મેચો રમી શક્યો ન હતો અને મુંબઈ માટે મોટાભાગની મેચોમાં તેણે માત્ર 'ઇમ્પેક્ટ પ્લેયર' તરીકે જ મેદાન પર આવવું પડ્યું હતું. જોકે, બેંગલુરુમાં સંપૂર્ણ તબીબી તપાસ બાદ ડૉક્ટરોએ રોહિતને 'રીટર્ન ટુ પ્લે' (RTP) માટે યોગ્ય ગણાવ્યો છે. અહેવાલો મુજબ, રોહિત અને હાર્દિક મુલ્લાનપુર ખાતે ટીમ સાથે નહીં જોડાય, પરંતુ તેઓ સીધા ધર્મશાલા પહોંચશે, જ્યાં 13 જૂને શ્રેણીની પ્રથમ વનડે મેચ રમાવાની છે.
ઇજાગ્રસ્ત વિરાટ કોહલી બહાર, યશસ્વી જયસ્વાલને સ્થાન એક તરફ રોહિત-હાર્ડિકની વાપસી થઈ છે, તો બીજી તરફ રન-મશીન વિરાટ કોહલી ઈજાના કારણે ટીમમાંથી બહાર થઈ ગયો છે. IPL 2026 ની રોમાંચક ફાઇનલ મેચ દરમિયાન વિરાટ કોહલીને પણ હેમસ્ટ્રિંગની ઈજા થઈ હતી. કોહલી ફાઇનલમાં રોયલ ચેલેન્જર્સ બેંગ્લોર (RCB) માટે અણનમ 75 રનની શાનદાર ઇનિંગ રમી હતી, પરંતુ આ દરમિયાન સ્નાયુ ખેંચાઈ ગયા હતા. કોહલીના સ્થાને યુવા અને વિસ્ફોટક ઓપનર યશસ્વી જયસ્વાલનો વનડે ટીમમાં સમાવેશ કરાયો છે. આશા છે કે કોહલી ઇંગ્લેન્ડ સામેની આગામી વનડે શ્રેણી પહેલા સંપૂર્ણ ફિટ થઈ જશે. હવે મુખ્ય પ્રશ્ન એ છે કે જયસ્વાલને ટીમમાં ક્યાં રમાડવા, કારણ કે ઈશાન કિશન પહેલેથી ઓપનિંગ સ્લોટમાં ફિક્સ હોવાથી જયસ્વાલને નંબર 3 પર અજમાવવામાં આવી શકે છે.
&nbsp;
<blockquote class="twitter-tweet">
🚨 News 🚨 Prasidh Krishna replaces Mohd. Siraj in <a href="https://x.com/hashtag/TeamIndia?src=hash&amp;ref_src=twsrc%5Etfw">#TeamIndia</a>'s T20I squads for Ireland &amp; England. Siraj has been advised a period of rest as part of his workload management programme. More Details 🔽 | <a href="https://x.com/hashtag/IREvIND?src=hash&amp;ref_src=twsrc%5Etfw">#IREvIND</a> | <a href="https://x.com/hashtag/ENGvIND?src=hash&amp;ref_src=twsrc%5Etfw">#ENGvIND</a><a href="https://t.co/LNPOVVVHq5">https://t.co/LNPOVVVHq5</a>
&mdash; BCCI (@BCCI) <a href="https://x.com/BCCI/status/2064268043530973660?ref_src=twsrc%5Etfw">June 9, 2026</a></blockquote>
<script src="https://platform.x.com/widgets.js" async="" charset="utf-8"></script>
&nbsp;
મોહમ્મદ સિરાજ વિદેશ પ્રવાસમાંથી બહાર, પ્રસિદ્ધ કૃષ્ણા ઇન અફઘાનિસ્તાન શ્રેણી વચ્ચે જ બીસીસીઆઈએ આગામી આયર્લેન્ડ અને ઇંગ્લેન્ડ પ્રવાસ માટેની T20 ટીમમાં મોટો ફેરફાર કર્યો છે. અગાઉ 6 જૂને જાહેર કરાયેલી 15 સભ્યોની ટીમમાં મોહમ્મદ સિરાજનું નામ સામેલ હતું, પરંતુ હવે તેને આ પ્રવાસમાંથી બાકાત રાખવામાં આવ્યો છે. સિરાજના સ્થાને કર્ણાટકના ફાસ્ટ બોલર પ્રસિદ્ધ કૃષ્ણાની પસંદગી કરવામાં આવી છે. ભારતનો આયર્લેન્ડ અને ઇંગ્લેન્ડનો પ્રવાસ આ જ વર્ષે જૂન-જુલાઈ મહિનામાં યોજાવાનો છે.
સિરાજે કેમ લીધો આરામ? મોહમ્મદ સિરાજને ટીમમાંથી બહાર કરવા પાછળ કોઈ ઈજા નથી, પરંતુ સાવચેતીનું પગલું છે. વ્યસ્ત ક્રિકેટ શેડ્યૂલને જોતાં ડૉક્ટરોએ સિરાજને પૂરતો આરામ કરવાની સલાહ આપી હતી, જેના કારણે તેણે પોતે જ આ પ્રવાસમાંથી પોતાનું નામ પાછું ખેંચી લીધું છે. રસપ્રદ વાત એ છે કે, સિરાજ અને પ્રસિદ્ધ કૃષ્ણા બંને IPL 2026 માં ગુજરાત ટાઇટન્સ (GT) ના મુખ્ય બોલરો હતા. સિરાજે 19 મેચમાં 17 વિકેટ ઝડપી હતી, જ્યારે પ્રસિદ્ધ કૃષ્ણાએ માત્ર 12 મેચમાં 16 વિકેટ લઈને તરખાટ મચાવ્યો હતો. બંને બોલરો ગુજરાત ટાઇટન્સ માટે સૌથી સફળ સાબિત થયા હતા અને તાજેતરમાં જ અફઘાનિસ્તાન સામે રમાયેલી એકમાત્ર ટેસ્ટ મેચમાં પણ ભારતીય ટીમનો હિસ્સો હતા.
પ્રસિદ્ધ કૃષ્ણા માટે બે વર્ષ બાદ T20 માં તક અનુભવની દ્રષ્ટિએ મોહમ્મદ સિરાજ ઘણો આગળ છે, જોકે તેણે છેલ્લા ત્રણ વર્ષથી ભારત માટે કોઈ આંતરરાષ્ટ્રીય T20 મેચ રમી નથી. બીજી તરફ, તેના સ્થાને આવેલા પ્રસિદ્ધ કૃષ્ણાની ટૂંકી આંતરરાષ્ટ્રીય T20 કારકિર્દી પર નજર કરીએ તો તેણે અત્યાર સુધી માત્ર 5 T20 આંતરરાષ્ટ્રીય મેચ રમી છે, જે તમામ 2023 માં રમાઈ હતી. આ ફેરફાર બાદ હવે પ્રસિદ્ધ કૃષ્ણા લગભગ બે વર્ષના લાંબા અંતરાલ પછી ફરી એકવાર બ્લુ જર્સીમાં ભારત વતી T20 ફોર્મેટમાં રમતો જોવા મળશે, જે તેની કારકિર્દી માટે એક મોટો ટર્નિંગ પોઈન્ટ સાબિત થઈ શકે છે.

ફિટનેસ ક્લિયરન્સ બાદ રોહિત-હાર્દિકની વાપસી

June 9, 2026 | 16:23 IST