ભાજપ ઉમેદવારને ખરીદી શકે, પ્રજાને નહીં, વિસાવદર જીત બાદ ઇસુદાન ગઢવીનો હુંકાર, AAP નો ઐતિહાસિક વિજય

ગુજરાતના રાજકારણમાં એક મોટા અપસેટ સમાન ઘટનાક્રમમાં, વિસાવદરમાં આમ આદમી પાર્ટી (AAP) ના ઉમેદવાર ગોપાલ ઇટાલિયાએ ભવ્ય જીત હાંસલ કરી છે. આ પરિણામને AAP ના નેતાઓએ ભાજપ માટે પ્રજા તરફથી મળેલી "લપડાક" ગણાવી છે. AAP ના ગુજરાત પ્રદેશ પ્રમુખ ઈસુદાન ગઢવીએ આ જીતને પ્રજાની જીત ગણાવી, ભાજપની "તાનાશાહી" સામે ખેડૂતો, માલધારીઓ અને મજૂરોની જીત તરીકે વર્ણવી હતી.

પ્રજાની જીત, ભાજપની તાનાશાહી સામેનો વિજય...

વિસાવદરના પરિણામ બાદ ઉત્સાહિત ઈસુદાન ગઢવીએ જણાવ્યું કે, "આ ચૂંટણી પ્રજાએ લડી અને પ્રજાએ જ જીતી છે." તેમણે ભારપૂર્વક કહ્યું કે, "તાનાશાહી સામે ખેડૂત, માલધારી, મજૂરોએ જીત હાંસલ કરી છે." AAP પાસે ચૂંટણી લડવા માટે પૈસાનો અભાવ હોવા છતાં, જનતાના સાથ અને સમર્થનથી આ જીત શક્ય બની હોવાનું તેમણે જણાવ્યું.

ઈસુદાન ગઢવીએ ભાજપ પર સીધો પ્રહાર કરતા કહ્યું કે, "ભાજપ ઉમેદવારને ખરીદી શકે છે, પણ જનતાને નહીં." આ નિવેદન ભાજપ દ્વારા પૈસા અને સત્તાના દુરૂપયોગના આક્ષેપોને વધુ વેગ આપે છે.

આ પણ વાંચો : Ahmedabad : દેશભરમાં બોમ્બની ધમકી આપનાર ટેકનોક્રેટ મહિલા રેની જોશીલ્ડા ઝડપાઈ!

સમગ્ર ગુજરાતની જીત અને કોંગ્રેસ પર પ્રહાર...

ઈસુદાન ગઢવીએ આ જીતને માત્ર આમ આદમી પાર્ટીની જ નહીં, પરંતુ "સમગ્ર ગુજરાતની જીત" ગણાવી હતી. તેમણે કોંગ્રેસ પર પણ નિશાન સાધતા કહ્યું કે, "કોંગ્રેસના નેતાઓ સેટિંગ કરે છે, જ્યારે AAP ના કાર્યકરો જનતા માટે લડે છે." આ નિવેદન કોંગ્રેસની નિષ્ક્રિયતા અને ભાજપ સાથેના કથિત "સેટિંગ" ના આરોપોને પુનરાવર્તિત કરે છે.

આ પણ વાંચો : Vadodara : નવરચના સ્કૂલ ફરી ધમકીના નિશાન પર, બોમ્બની આશંકાએ શાળા ખાલી કરાવાઈ

આ જીતને પગલે ઈસુદાન ગઢવીએ ભાજપને હરાવવા માંગતા લોકોને "આમ આદમી પાર્ટીમાં આવવા" નું ખુલ્લું આમંત્રણ આપ્યું હતું. તેમણે દાવો કર્યો કે, વિસાવદરના પરિણામે સાબિત કરી દીધું છે કે, "નોટ, દારૂ અને ધમકીથી જનતા ખરીદાતી નથી." આ જીત ગુજરાતમાં આગામી સ્થાનિક સ્વરાજ્યની ચૂંટણીઓ અને વિધાનસભા ચૂંટણી પહેલા AAP માટે એક મોટો ઉત્સાહવર્ધક સંકેત છે. આ પરિણામ દર્શાવે છે કે, પ્રજા ભાજપના શાસનથી કંટાળી ગઈ છે અને પરિવર્તન ઈચ્છે છે.

આ પણ વાંચો : Sabarkantha માં ભયાનક અકસ્માત, ખાનગી બસ ટ્રકમાં ઘૂસતાં 2 ના મોત, 8 થી વધુ ઘાયલ