Madhya Pradesh : પન્ના JK Cement ફેક્ટરીમાં અકસ્માત, 3 મજૂરોના મોત, 30 થી વધુ ઘાયલ

મધ્યપ્રદેશ (Madhya Pradesh)ના પન્ના જિલ્લામાં જેકે સિમેન્ટ ફેક્ટરી પ્લાન્ટમાં એક દુ:ખદ અકસ્માત થયો હતો, જેમાં 3 કામદારોના મોત થયા હતા અને 30 થી વધુ લોકો ઘાયલ થયા હતા. મળતી માહિતી મુજબ ફેક્ટરીના એક યુનિટમાં કાટમાળ પડવાને કારણે કામ કરતા મજૂરો નીચે દટાયા હતા. આ અકસ્માતમાં બે મજૂરોના ઘટનાસ્થળે જ મોત થયા હતા, જ્યારે અન્ય ઘાયલ થયા હતા.

જેકે સિમેન્ટ પ્લાન્ટમાં સ્લેબ પડી જવાથી મોટો અકસ્માત સર્જાયો છે. પ્લાન્ટમાં બાંધકામ હેઠળના ભાગમાં છતનો સ્લેબ નાખવામાં આવી રહ્યો હતો. આ દરમિયાન સેન્ટરિંગ તૂટી ગયું, જેના કારણે 3 મજૂરોના ઘટનાસ્થળે જ મોત થયા અને 30 થી વધુ ઘાયલ થયા.

5 ડઝનથી વધુ મજૂરો કામ કરી રહ્યા હતા...

કહેવાય છે કે સિમેન્ટ ફેક્ટરીમાં પાંચ ડઝનથી વધુ મજૂરો કામ કરી રહ્યા હતા. પોલીસ અને પ્રશાસનની ટીમો હાલ કાટમાળ નીચે ફસાયેલા કામદારોને બહાર કાઢવામાં વ્યસ્ત છે. અકસ્માતનું ચોક્કસ કારણ જાણવા માટે વહીવટીતંત્ર પહોંચી ગયું છે. જો કે, હજુ સુધી મૃતકો અને ઘાયલોની ચોક્કસ સંખ્યાની પુષ્ટિ થઈ નથી.

ઇજાગ્રસ્તોને યોગ્ય સારવાર માટે સૂચના...

ત્યારે આ ઘટનાને લઈને સ્થાનિક લોકોમાં રોષ જોવા મળી રહ્યો છે. ખજુરાહોના સાંસદ અને ભાજપના પ્રદેશ અધ્યક્ષ વિષ્ણુદત્ત શર્માએ આ અકસ્માત અંગે જિલ્લા વહીવટીતંત્ર સાથે વાત કરી હતી. અકસ્માતમાં તાત્કાલિક મદદ પહોંચાડવા સૂચના આપવામાં આવી હતી. ઘાયલોને યોગ્ય સારવાર માટે પણ સૂચનાઓ આપવામાં આવી હતી.