રેખા ગુપ્તા દિલ્હીના મુખ્યમંત્રી બન્યા, પ્રવેશ વર્મા નાયબ CM, ગુરૂવારે લેશે શપથ...

દિલ્હીને નવા CM મળ્યા છે. ભાજપ વિધાનસભા પક્ષની બેઠકમાં રેખા ગુપ્તાના નામને મંજૂરી આપવામાં આવી છે. નવી સરકારમાં CM પદની રેસમાં આગળ ચાલી રહેલા પ્રવેશ વર્મા નાયબ CM બનશે. જ્યારે રોહિણીના ધારાસભ્ય વિજેન્દ્ર ગુપ્તા દિલ્હી વિધાનસભાના અધ્યક્ષ રહેશે.

રેખા ગુપ્તા અને વર્મા બુધવારે બપોરે 12.30 વાગ્યે રામલીલા મેદાનમાં એક ભવ્ય સમારોહમાં શપથ લેશે. તેમની સાથે મંત્રીમંડળ પણ શપથ લેશે. ભાજપ હાઈકમાન્ડે ધારાસભ્ય પક્ષની બેઠક માટે વરિષ્ઠ નેતાઓ ઓપી ધનખડ અને રવિશંકર પ્રસાદને નિરીક્ષક તરીકે નિયુક્ત કર્યા હતા. 

ભાજપ નેતા રેખા ગુપ્તા કોણ છે?

રેખા ગુપ્તા દિલ્હીના ચોથા મહિલા મુખ્યમંત્રી બનશે. હાલમાં, તે દેશના બીજા મહિલા મુખ્યમંત્રી બની રહ્યા છે. તેઓ શાલીમાર બાગના ધારાસભ્ય છે. તેમણે AAP નેતા બંદના કુમારીને 29,595 મતોથી હરાવ્યા છે.

રેખા ગુપ્તાને 68,200 મત મળ્યા. જ્યારે AAP નેતા બંદના કુમારીને 38,605 મત મળ્યા. કોંગ્રેસના પ્રવીણ જૈનને માત્ર 4,892 મત મળ્યા.

રેખા ગુપ્તા ભાજપ મહિલા મોરચાના રાષ્ટ્રીય ઉપાધ્યક્ષ છે અને હરિયાણાના જીંદના વતની છે. તે દિલ્હી યુનિવર્સિટી વિદ્યાર્થી સંઘના સચિવ અને પ્રમુખ હતા. આ સાથે, તે 2007 અને 2012 માં ઉત્તર પિતામપુરાથી કાઉન્સિલર તરીકે ચૂંટાઈ આવી હતી. છેલ્લી બે વિધાનસભા ચૂંટણીમાં તેમને હારનો સામનો કરવો પડ્યો હતો.

પરિણામોના 11 દિવસ પછી CM ની જાહેરાત...

ભાજપે 26 વર્ષ પછી દિલ્હીમાં મોટી જીત મેળવી છે. 8 ફેબ્રુઆરીએ જાહેર થયેલા પરિણામોમાં, ભાજપને 70 માંથી 48 બેઠકો મળી. પરિણામોના ૧૧ દિવસ પછી CMનું નામ જાહેર કરવામાં આવ્યું છે. વિપક્ષ આમ આદમી પાર્ટી (AAP) સતત વિલંબ અંગે પ્રશ્નો ઉઠાવી રહી હતી. 

ચૂંટણી પરિણામો આવ્યા બાદથી ભાજપમાં CM પદ માટે ઘણા નામોની ચર્ચા થઈ રહી હતી. મોટાભાગની ચર્ચા પ્રવેશ વર્મા વિશે હતી. વર્માએ નવી દિલ્હી બેઠક પરથી આમ આદમી પાર્ટી (AAP) ના રાષ્ટ્રીય સંયોજક અરવિંદ કેજરીવાલને હરાવ્યા છે. તેઓ પૂર્વ સીએમ સાહિબ સિંહ વર્માના પુત્ર છે.