G-20 સંમેલનથી Gen-Z સુધી...

વડાપ્રધાન નરેન્દ્ર મોદીએ રવિવારે  ‘મન કી બાત’ના 128મા એપિસોડમાં દેશવાસીઓને સંબોધિત કર્યા. નવેમ્બર મહિનાની પ્રેરણાઓથી શરૂઆત કરતાં પીએમ મોદીએ બંધારણ દિવસ, વંદે માતરમના 150 વર્ષ, અયોધ્યામાં ધર્મધ્વજા આરોહણ, કુરુક્ષેત્રમાં પાંચજન્ય સ્મારકના લોકાર્પણથી લઈને ભારતની નવીનતા અને યુવા શક્તિની વાત કરી.

ભારતે બનાવ્યો ઐતિહાસિક ખાદ્યાન્ન ઉત્પાદનનો રેકોર્ડ

પીએમ મોદીએ ગર્વથી જણાવ્યું, “આ વર્ષે ભારતે કૃષિ ક્ષેત્રમાં મોટી ઉપલબ્ધિ હાંસલ કરી છે. દેશે 357 મિલિયન ટન ખાદ્યાન્નનું ઉત્પાદન કરીને નવો ઐતિહાસિક રેકોર્ડ બનાવ્યો છે.” તેમણે ખેડૂતોને આ સફળતા માટે શુભેચ્છા પાઠવી.

યુવાનોની નવીનતા: મંગળ જેવી પરિસ્થિતિમાં ડ્રોન ઉડાડ્યું

પીએમ મોદીએ ISROની એક ડ્રોન સ્પર્ધાનો વીડિયો શેર કર્યો. પુણેની યુવા ટીમે મંગળ જેવી પરિસ્થિતિમાં ડ્રોન ઉડાડવાનો પ્રયાસ કર્યો. “ઘણી વખત ડ્રોન પડ્યું, ક્રેશ થયું, પણ યુવાનોએ હાર ન માની અને આખરે સફળતા મેળવી,” એમ કહીને પીએમએ યુવા શક્તિની પ્રશંસા કરી.

ભારતનો મધમાખી પાલનનો વારસો

• જમ્મુ-કાશ્મીરનું ‘રામબન સુલાઈ હની’ – સફેદ રંગનું અનોખું મધ, GI ટેગ મેળવ્યું.
• કર્ણાટકના ટુમકુરમાં ‘શિવગંગા કલાંજિયા’ – ખેડૂતોને બે-બે બી-બોક્સ આપીને આવક વધારી.
• નાગાલેન્ડનું ‘ક્લિફ હની હન્ટિંગ’ – ખિયામની-યાંગન જનજાતિ સદીઓથી ઊંચા ખડકો પરથી મધ કાઢે છે, મધમાખીઓની પરવાનગી માંગીને!

સાંસ્કૃતિક વારસો

• કુરુક્ષેત્રનું ‘મહાભારત અનુભવ કેન્દ્ર’ – 3D, લાઇટ-સાઉન્ડ શો દ્વારા મહાભારતનો સાક્ષાત્ અનુભવ.
• બીજા વિશ્વયુદ્ધમાં ગુજરાતના જામ સાહેબ દિગ્વિજયસિંહજીએ હજારો પોલિશ યહૂદી બાળકોને આશ્રય આપ્યો.
• G20માં ભારતીય હસ્તકલાનું ગૌરવ: દક્ષિણ આફ્રિકાને નટરાજ, કેનેડાને રાજસ્થાની ચાંદીનો ઘોડો, જાપાનને તેલંગાણાની ચાંદીની બુદ્ધ પ્રતિમા ભેટ.

એક ભારત શ્રેષ્ઠ ભારત

• 2 ડિસેમ્બરથી કાશીમાં ‘ચોથું કાશી-તમિલ સંગમમ્’ શરૂ થશે. આ વર્ષની થીમ: ‘Learn Tamil – તમિલ કરકલમ’.
• ભગવાન બુદ્ધના પવિત્ર અવશેષો ભારતથી ભૂટાન અને રશિયા (કાલ્મીકિયા) લઈ જવાયા, લાખો લોકોએ દર્શન કર્યા.

વિંટર ટુરિઝમનો નવો ટ્રેન્ડ

ઉત્તરાખંડમાં ઔલી, મુનસ્યારી, ચોપટા, દિયારા જેવા સ્થળો લોકપ્રિય બન્યા. પિથોરાગઢમાં 14,500 ફૂટથી વધુ ઊંચાઈએ ‘આદિ કૈલાશ અલ્ટ્રા મેરેથોન’ યોજાઈ, 18 રાજ્યોના 750થી વધુ એથ્લીટ્સે ભાગ લીધો.

પીએમ મોદીએ કહ્યું, “નવેમ્બરે ઘણી પ્રેરણાઓ આપી. ભારતના નવા વિચારો, નવીનતા અને યુવા શક્તિનું પ્રતિબિંબ આખા મહિનામાં દેખાયું.” આ સાથે વર્ષ 2025નો અંતિમ ‘મન કી બાત’ પૂરો થયો. આવતા મહિને નવા વર્ષની નવી શરૂઆત સાથે ફરી મળીશું, એમ કહીને વડાપ્રધાને વિદાય લીધી.