પોતાની જીવનભરની કમાણી અમેરિકામાં જ મુકીને આ જિલ્લાના 33 ગુજરાતીઓ આજે ભારત આવશે

અમેરીકાના રાષ્ટ્રપતિ ડોનાલ્ડ ટ્રમ્પના આદેશ બાદ અમેરિકામાં ગેરકાયદેસર રહેતા ભારતીયોને ડીપોર્ટ કરી ભારત પરત મોકલવામાં આવ્યા છે. અમેરિકાથી હાંકી કઢાયેલા આ 205 ભારતીયો પૈકી 33 ગુજરાતી છે જેઓ વર્ષોથી અમેરિકા રહેતા હતા અને અમેરિકામાં વસાવેલી પોતાની તમામ સંપત્તિ અને આવક છોડીને તેમને ભારત પરત આવવું પડ્યું છે.

અમેરિકાથી પરત થવામાં બે ક્લોલના  માતા અને પુત્રીનો સમાવેશ થાય છે. તેઓ હજુ બે મહિના પહેલા જ અમેરિકા ગયા હતા. મહિલાનો પતિ અમેરિકા હોઈ પતિ જોડે જતા ડિપોર્ટ કરાયા છે. બીજી તરફ વિજાપુરના વસાઈ ડાભલાના ગોસ્વામી પરિવારના 4 સભ્યો હોવાની માહિતી છે. 

આજે અમદાવાદના જિજ્ઞેશ ઝાલા અને તેનો પરિવાર પણ પરત ફરશે. જાણકારી મુજબ નકલી પાસપોર્ટને આધારે જિજ્ઞેશભાઈ અમેરિકા પહોચ્યા હતા. આ પરિવાર ડોક્યુમેન્ટમાં ચેડા કરી અમેરિકા ગયો હતો. તેમણે  પાસપોર્ટમાં આપેલું એડ્રેસ પણ ખોટું હોવાનું સામે આવ્યું છે.  જિજ્ઞેશભાઈએ દર્શાવેલા મકાનમાં અન્ય કોઈ વ્યક્તિ રહે છે. જિજ્ઞેશભાઈએ દેવનગર આવાસ કોલોનીનું એડ્રેસ બતાવ્યું છે. હવે જિજ્ઞેશ ઝાલાની પૂછપરછ બાદ હકીકત સામે આવશે. ઉપરાંત પરત આવી રહેલો પરિવાર સુરતના ડિંડોલી વિસ્તારની શુભ વાટિકા સોસાયટીમાં રહેતો હતો.અને એક વર્ષ અગાઉ ફ્લેટ વેચીને વિદેશ ગયા હોવાનું બહાર આવ્યું છે.

અમેરિકાએ પોતાના દેશમાં વર્ષોથી ગેરકાયદેસર રીતે રહેતા અલગ અલગ દેશોના લોકોને ડીપોર્ટ કરીને તેમના વતનમાં પરત મોકલવાની કડક કાર્યવાહી શરુ કરી છે અને તેના ભાગરુપે ભારતીયોની પણ ઓળખ કરવામાં આવી રહી છે જેઓ અમેરિકામાં ગેરકાયદેસર રીતે રહેતા હતા. આ ભારતીયોની ઓળખ કરીને 205 જેટલા ભારતીયો ને સી-17 પ્લેન દ્વારા ડીપોર્ટ કરીને ભારત પરત મોકલવામાં આવ્યા છે. આજે બપોરે આ ભારતીયોને લઇને આવનારી ફ્લાઇટ અમૃતસરમાં લેન્ડ કરશે. 

અમેરીકાથી હાંકી કઢાયેલા આ 205 ભારતીયોમાં 33 ગુજરાતીઓનો પણ સમાવેશ થાય છે. આ સિવાય તેમની સાથે હરિયાણાના 50 અને પંજાબના 140 લોકો છે. બપોરે દોઢ વાગે આ પ્લેન અમૃતસરમાં લેન્ડ થશે 33 ગુજરાતીઓમાં ગાંધીનગર જિલ્લાના 9 લોકો હોવાનું બહાર આવ્યું છે. આ ઉપરાંત માણસા, કલોલ, વસાઇ અને ડાભલા ગામોના લોકોનો પણ સમાવેશ થાય છે. 

ગાંધીનગર અને મહેસાણાના 12 લોકો તથા સુરતના 4, અમદાવાદના 2, તથા વડોદરા અને ખેડા તથા પાટણના એક અને વસાઇ ડાભલાના 4 લોકોને પણ અમેરિકાથી પરત ફરવું પડ્યું છે. 

આ તમામ લોકોને તેમની અત્યાર સુધી કમાયેલી તમામ સંપત્તિ ત્યાં જ મુકીને ભારત પરત ફરવું પડ્યું છે. કેટલાકની તો જીવનભરની કમાણ અમેરિકામાં જ મુકીને પહેરેલે કપડે પરત ફરવું પડ્યું છે જેથી તેમની હાલત કફોડી બની છે. 

 

એની પટેલ, ઉંમર-17 વર્ષ, વતન-સુરત
કેતુલ પટેલ, ઉંમર-41 વર્ષ, વતન-સુરત
મંત્ર પટેલ, ઉંમર-12 વર્ષ, વતન-સુરત
કિરણ પટેલ, ઉંમર-39 વર્ષ, વતન-સુરત

અરૂણા ઝાલા, ઉંમર-35 વર્ષ, વતન-અમદાવાદ
જિજ્ઞેશકુમાર ઝાલા, ઉંમર-38 વર્ષ, વતન-અમદાવાદ

સતવંતસિંહ રાજપૂત, ઉંમર-40 વર્ષ, વતન-પાટણ
ખુશ્બુ પટેલ, ઉંમર-30 વર્ષ, વતન-વડોદરા
સ્મિત પટેલ, ઉંમર-24 વર્ષ, વતન-ખેડા

જયેન્દ્રસિંહ વિહોલ, ઉંમર-29 વર્ષ, વતન-મહેસાણા
હિરલ વિહોલ, ઉંમર-24 વર્ષ, વતન-મહેસાણા
પીન્ટુકુમાર પ્રજાપતિ, ઉંમર-40 વર્ષ, વતન-મહેસાણા
શિવાની ગોસ્વામી, ઉંમર-27 વર્ષ, વતન-મહેસાણા
નિકીતા પટેલ, ઉંમર-29 વર્ષ, વતન-મહેસાણા
એષા પટેલ, ઉંમર-24 વર્ષ, વતન-મહેસાણા
બીના રામી, ઉંમર-36 વર્ષ, વતન-મહેસાણા
જયેશ રામી, ઉંમર-36 વર્ષ, વતન-મહેસાણા
ધ્રુવગીરી ગોસ્વામી, ઉંમર-9 વર્ષ, વતન-મહેસાણા
હેમલ ગોસ્વામી, ઉંમર-6 વર્ષ, વતન-મહેસાણા
હાર્દિકગીરી ગોસ્વામી, ઉંમર-30 વર્ષ, વતન-મહેસાણા
હિમાની ગોસ્વામી, ઉંમર-28 વર્ષ, વતન-મહેસાણા

કેતુલ દરજી, ઉંમર-27 વર્ષ, વતન-ગાંધીનગર
પ્રેક્ષા પ્રજાપતિ, ઉંમર-20 વર્ષ, વતન-ગાંધીનગર
બલદેવ ચૌધરી, ઉંમર-40 વર્ષ, વતન-ગાંધીનગર
રૂચિ ચૌધરી, ઉંમર-25 વર્ષ, વતન-ગાંધીનગર
જીવણજી ગોહિલ, ઉંમર-36 વર્ષ, વતન-ગાંધીનગર
માયરા પટેલ, ઉંમર-7 વર્ષ, વતન-ગાંધીનગર
રિશીતા પટેલ, ઉંમર-35 વર્ષ, વતન-ગાંધીનગર
કરણસિંહ ગોહિલ, ઉંમર-34 વર્ષ, વતન-ગાંધીનગર 
મિત્તલ ગોહિલ, ઉંમર-27 વર્ષ, વતન-ગાંધીનગર 
હેયાનસિંહ ગોહિલ, ઉંમર-4 વર્ષ, વતન-ગાંધીનગર 
એન્જલ ઝાલા, ઉંમર-11 વર્ષ, વતન-ગાંધીનગર
માહી ઝાલા, ઉંમર-11 વર્ષ, વતન-ગાંધીનગર