ઓડિશાના MLAની દાદાગીરી: શોભાયાત્રામાં ફાયરિંગ

ઓડિશાના બલાંગીર જિલ્લામાં રામનવમીની ઉજવણી દરમિયાન કાયદો અને વ્યવસ્થાના લીરેલીરા ઉડાવતી ઘટના સામે આવી છે. ટિટલાગઢના ધારાસભ્ય નવીન જૈને શોભાયાત્રા દરમિયાન જાહેરમાં હવામાં ગોળીબાર કર્યો હોવાનો ગંભીર આરોપ લાગ્યો છે.

આ ઘટનાનો વીડિયો સોશિયલ મીડિયા પર વાયરલ થયા બાદ પોલીસે ધારાસભ્ય અને તેમના સુરક્ષાકર્મી (PSO) વિરુદ્ધ ગુનો નોંધી તપાસ તેજ કરી છે.

ભક્તોમાં ફેલાયો ફફડાટ

શનિવારે (28 માર્ચ) રામનવમીની શોભાયાત્રામાં જ્યારે હજારો ભક્તો સામેલ હતા, ત્યારે ધારાસભ્ય નવીન જૈને અચાનક પોતાની બંદૂક કાઢી હવામાં ફાયરિંગ કર્યું હતું. જોકે, આ ફાયરિંગમાં કોઈને ઈજા પહોંચી નથી, પરંતુ હજારોની મેદની વચ્ચે હથિયારના પ્રદર્શન અને ફાયરિંગથી ભક્તોમાં ગભરાટ ફેલાયો હતો.

પોલીસના જણાવ્યા અનુસાર,

#ବିଧାୟକ_ନବୀନ_ଜୈନଙ୍କ_ଫାଙ୍କା_ଗୁଳି_ଚାଳନା
-ରାମନବମୀରେ ଟିଟିଲାଗଡ଼ ବିଧାୟକ ନବୀନ ଜୈନଙ୍କ ଫାଙ୍କା ଗୁଳି ଚାଳନା
-ପିଏସ୍‌ଓଙ୍କ ବନ୍ଧୁକ ନେଇ ଶହ ଶହ ଲୋକଙ୍କ ଭିତରେ ଗୁଳି ଚଳାଇଲେ
-କିପରି ପିଏସ୍‌ଓ ବନ୍ଧୁକ ଦେଲେ, ବିଧାୟକ ଗୁଳି ଚଳାଇଲେ ତାକୁ ନେଇ ଚର୍ଚ୍ଚା#RamNavami #Titlagarh #NaveenJain #MLA_Firing #BlankShots… pic.twitter.com/T1PZLUgRft

— ଓଟିଭି (@otvkhabar) March 28, 2026

જાહેર કાર્યક્રમમાં આ પ્રકારે હથિયારનો ઉપયોગ કરવો એ સુરક્ષા પ્રોટોકોલનું ગંભીર ઉલ્લંઘન છે.

આર્મ્સ એક્ટ હેઠળ કાર્યવાહી

ઘટનાની ગંભીરતાને ધ્યાનમાં લેતા બલાંગીર પોલીસે ધારાસભ્યના પર્સનલ સિક્યુરિટી ઓફિસર (PSO) પ્રેમચંદ નાગને તાત્કાલિક અસરથી સસ્પેન્ડ કરી દીધા છે. પોલીસ તપાસમાં સામે આવ્યું છે કે PSOની હાજરીમાં જ આ ઘટના બની હતી.

ટિટલાગઢ પોલીસે ધારાસભ્ય અને PSO વિરુદ્ધ ભારતીય ન્યાય સંહિતાની કલમ ૧૨૫ અને આર્મ્સ એક્ટની કલમ ૨૫ હેઠળ એફઆઈઆર નોંધી છે.

પોલીસે હથિયાર જપ્ત કર્યું

બલાંગીરના એડિશનલ એસપી હિમાંશુ બેહેરાએ જણાવ્યું હતું કે, "અમે એફઆઈઆર નોંધીને સંબંધિત વ્યક્તિઓને નોટિસ પાઠવી છે. ફાયરિંગમાં વપરાયેલ હથિયાર પણ જપ્ત કરવામાં આવ્યું છે. કાયદાકીય જોગવાઈઓ મુજબ આગળની કાર્યવાહી હાથ ધરવામાં આવી રહી છે."

રાજ્યમાં રામનવમી દરમિયાન અનેક જગ્યાએ અરાજકતાના અહેવાલો વચ્ચે આ ઘટનાએ રાજકીય ગરમાવો પણ લાવી દીધો છે.