દેશની દીકરીઓ બનશે હવે સરહદોની શાન

NDA Passing Out Parade 2026: ભારતના સૈન્ય ઇતિહાસમાં 13 જૂન, 2026નો દિવસ એક ઐતિહાસિક દિવસ તરીકે નોંધાયો છે. દેશની 14 દીકરીઓએ પ્રથમ વખત નેશનલ ડિફેન્સ એકેડેમી (NDA) મારફતે તાલીમ પૂર્ણ કરીને ભારતીય સેના અને ભારતીય વાયુસેનામાં અધિકારી તરીકે કમિશન મેળવ્યું.આ સાથે કુલ 746 કેડેટ્સે વિવિધ સૈન્ય અકાદમીઓમાંથી તાલીમ પૂર્ણ કરીને દેશસેવામાં પ્રવેશ કર્યો.આ ઘટના માત્ર એક સૈનિક સમારોહ નહોતી,પરંતુ ભારતના બદલાતા સમાજ, મહિલાઓની વધતી ભાગીદારી અને સશક્તિકરણનું જીવંત પ્રતિક બની રહી.

 

President Droupadi Murmu reviewed the passing out parade of the 158th Regular Course and the 141st Technical Graduate Course at the Indian Military Academy, Dehradun. The President said that as Army officers, the officer cadets will be responsible for leading, guiding and caring… pic.twitter.com/cClhQ1PPMP

— President of India (@rashtrapatibhvn) June 13, 2026

 

આર્મીને મળી 9 અને એરફોર્સને મળી 5 મહિલા ઓફિસર્સ
આ ઐતિહાસિક પાસિંગ આઉટ પરેડ દરમિયાન દેશને કુલ 746 નવા સૈન્ય અધિકારીઓ મળ્યા છે,દેહરાદૂન IMAમાંથી કુલ 515 કેડેટ્સ પાસ આઉટ થયા, જેમાં NDAના પહેલા મહિલા બેચની 9 મહિલા કેડેટ્સ સૈન્ય અધિકારી બની છે.હૈદરાબાદ એરફોર્સ એકેડમીમાંથી કુલ 231 ફ્લાઇટ કેડેટ્સ પાસ આઉટ થયા, જેમાં 5 મહિલા કેડેટ્સ (NDA બેચની) વાયુસેનામાં ઓફિસર તરીકે કમિશન થઈ છે.વિશેષ વાત એ છે કે, દેહરાદૂન એકેડમીમાંથી આ વખતે 16 મિત્ર દેશોના 34 વિદેશી કેડેટ્સે પણ ટ્રેનિંગ પૂરી કરી છે, જે ભારતની વૈશ્વિક સૈન્ય તાકાત દર્શાવે છે.

94 વર્ષમાં પહેલીવાર મહિલા કેડેટ્સે મેળવ્યા કદમથી કદમ
દેહરાદૂનની ઇન્ડિયન મિલિટરી એકેડમીની સ્થાપના 1932માં થઈ હતી. પોતાના લગભગ 94 વર્ષના ગૌરવશાળી ઇતિહાસમાં પ્રથમ વખત IMAના પરેડ ગ્રાઉન્ડ પર મહિલા કેડેટ્સે પુરુષ કેડેટ્સની સાથે કદમથી કદમ મિલાવીને અંતિમ પરેડ પૂર્ણ કરી હતી. જ્યારે ચેટવુડ બિલ્ડિંગ સામે મહિલા કેડેટ્સે સૈનિકી શિસ્ત અને આત્મવિશ્વાસ સાથે માર્ચ પાસ્ટ કર્યું ત્યારે સમગ્ર પરિસર દેશભક્તિના રંગમાં રંગાઈ ગયું હતું. આ દ્રશ્ય માત્ર ત્યાં હાજર લોકો માટે જ નહીં પરંતુ સમગ્ર દેશ માટે ગર્વની ક્ષણ બની રહ્યું.

દેશને મળ્યા 746 નવા સૈન્ય અધિકારીઓ
આ વર્ષની પાસિંગ આઉટ પરેડ દરમિયાન કુલ 746 કેડેટ્સે સફળતાપૂર્વક તાલીમ પૂર્ણ કરી અને દેશની સેવામાં જોડાયા. દેહરાદૂન સ્થિત IMAમાંથી કુલ 515 કેડેટ્સ પાસઆઉટ થયા, જેમાં NDAની પ્રથમ મહિલા બેચની 9 મહિલા કેડેટ્સ ભારતીય થલસેનામાં અધિકારી બની છે. જ્યારે હૈદરાબાદની એરફોર્સ એકેડમીમાંથી 231 ફ્લાઇટ કેડેટ્સે તાલીમ પૂર્ણ કરી, જેમાં NDA બેચની 5 મહિલા કેડેટ્સ ભારતીય વાયુસેનામાં અધિકારી તરીકે કમિશન થઈ છે. આ ઉપરાંત 16 મિત્ર દેશોના 34 વિદેશી કેડેટ્સે પણ તાલીમ પૂર્ણ કરી હતી, જે ભારતની સૈનિકી તાલીમ પ્રણાલી પર વિશ્વના વધતા વિશ્વાસને દર્શાવે છે.

 

I am happy to be here amongst you at the historic campus of the Indian Military Academy. This Academy that stands as a shining symbol of honour, courage and selfless service to the nation. pic.twitter.com/Dq1f1fM6nM

— President of India (@rashtrapatibhvn) June 13, 2026

 

'આ છે ઐતિહાસિક ક્ષણ': દ્રૌપદી મુર્મૂ 
કેડેટ્સને સંબોધિત કરતા રાષ્ટ્રપતિ દ્રૌપદી મુર્મૂએ આ ક્ષણને દેશ માટે ખૂબ જ ગૌરવપૂર્ણ ગણાવી હતી. તેમણે કહ્યું, 'આ ભારતીય સૈન્ય એકેડમીના ઇતિહાસમાં પહેલીવાર 9 મહિલા કેડેટ્સ પાસ આઉટ થઈ રહી છે, જે માત્ર આ એકેડમી માટે નહીં પણ સમગ્ર દેશ માટે ગર્વની ક્ષણ છે. તેનો સ્પષ્ટ અર્થ એ છે કે ભારતમાં મહિલાઓને પુરુષો સમાન જ હક છે અને તેઓ દેશની સુરક્ષામાં બરાબરીની ભાગીદારી નોંધાવી રહી છે.'

રક્ષા મંત્રી રાજનાથ સિંહનો સંદેશ
હૈદરાબાદની એરફોર્સ એકેડમીમાં યોજાયેલા કોમ્બાઇન્ડ ગ્રેજ્યુએશન પરેડ દરમિયાન રક્ષા મંત્રી રાજનાથ સિંહે નવા અધિકારીઓને સંબોધિત કર્યા હતા.તેમણે કહ્યું કે આધુનિક યુદ્ધની પદ્ધતિઓ ઝડપથી બદલાઈ રહી છે. આજે ડ્રોન, સેટેલાઇટ, રોબોટિક્સ અને અદ્યતન ટેક્નોલોજી યુદ્ધના મહત્વપૂર્ણ સાધનો બની ગયા છે. તેથી નવા અધિકારીઓએ સતત શીખતા રહેવું જોઈએ અને નવી ટેક્નોલોજીને અપનાવવી જોઈએ.

શ્રેષ્ઠ પ્રદર્શન કરનારા કેડેટ્સને મળ્યા એવોર્ડ્સ 
પરેડ દરમિયાન શ્રેષ્ઠ પ્રદર્શન કરનારા કેડેટ્સને વિવિધ પ્રતિષ્ઠિત એવોર્ડ્સ અને મેડલ્સ એનાયત કરવામાં આવ્યા હતા. ઓફિસર કેડેટ વિશાલ કુમારે પ્રતિષ્ઠિત 'સ્વોર્ડ ઓફ ઓનર' અને ગોલ્ડ મેડલ જીત્યો હતો. પ્રિન્સ રાજને સિલ્વર મેડલ અને તેજસ ભટ્ટને બ્રોન્ઝ મેડલ એનાયત કરવામાં આવ્યો હતો. ટેક્નિકલ ગ્રેજ્યુએટ કોર્સમાં પ્રથમ સ્થાન મેળવનાર ઋષભ મિશ્રાને સિલ્વર મેડલ મળ્યો હતો, જ્યારે બાંગ્લાદેશના કેડેટ જેફ સદી અલ્વીને મિત્ર દેશોના શ્રેષ્ઠ કેડેટ તરીકે સન્માનિત કરવામાં આવ્યા હતા.

વિશ્વના દેશોની હરોળમાં ભારત
અમેરિકા, બ્રિટન, ફ્રાન્સ, ઇઝરાયેલ અને ઓસ્ટ્રેલિયા જેવા અનેક દેશોમાં મહિલાઓ લાંબા સમયથી સશસ્ત્ર દળોમાં મહત્વપૂર્ણ ભૂમિકાઓ ભજવી રહી છે. હવે ભારત પણ તે દેશોની હરોળમાં વધુ મજબૂતીથી સ્થાન બનાવી રહ્યું છે.આ બદલાવ માત્ર સમાનતાનું પ્રતિક નથી, પરંતુ રાષ્ટ્રીય સુરક્ષામાં મહિલાઓની ક્ષમતાને મળેલી માન્યતા પણ છે.

મહિલાઓ માટે ખુલ્યા NDAના દરવાજા
એક સમય એવો હતો જ્યારે NDAમાં મહિલાઓને પ્રવેશ મળતો નહોતો. મહિલાઓ માત્ર ઓફિસર્સ ટ્રેનિંગ એકેડમી (OTA) અથવા અન્ય વિશેષ પ્રવેશ યોજનાઓ દ્વારા જ સશસ્ત્ર દળોમાં જોડાઈ શકતી હતી.જોકે,વર્ષ 2021માં સુપ્રીમ કોર્ટે મહિલાઓને પણ NDA પ્રવેશ પરીક્ષામાં સામેલ કરવાની મંજૂરી આપી હતી.આ નિર્ણય બાદ 2022માં પ્રથમ વખત મહિલા કેડેટ્સે NDAમાં પ્રવેશ મેળવ્યો હતો. શરૂઆતમાં કુલ 17 મહિલા કેડેટ્સે તાલીમ શરૂ કરી હતી. ત્યારબાદ વિવિધ શાખાઓ અનુસાર કેટલીક કેડેટ્સે આર્મી અને કેટલીકએ એરફોર્સમાં વિશેષ તાલીમ લીધી હતી.

યુવા પેઢી માટે પ્રેરણાસ્ત્રોત
આ 14 મહિલા અધિકારીઓ દેશની લાખો દીકરીઓ માટે પ્રેરણાસ્ત્રોત બની છે. તેમણે સાબિત કર્યું છે કે જો તક મળે તો મહિલાઓ કોઈપણ ક્ષેત્રમાં પુરુષોની સમકક્ષ કામગીરી કરી શકે છે.દેશના અનેક વિસ્તારોમાં યુવતીઓમાં સશસ્ત્ર દળોમાં જોડાવાની ઇચ્છા વધી રહી છે. નેશનલ કેડેટ કોર્પ્સ (NCC) અને અન્ય તાલીમ સંસ્થાઓમાં પણ યુવતીઓની ભાગીદારી સતત વધી રહી છે.

દેશભરમાં ગૌરવની લાગણી
આ ઐતિહાસિક ઘટનાના પગલે સમગ્ર દેશમાં ગૌરવ અને આનંદની લાગણી જોવા મળી હતી. સોશિયલ મીડિયા પર પણ લાખો લોકોએ આ મહિલા અધિકારીઓને અભિનંદન પાઠવ્યા હતા.લોકોએ આ ઘટનાને "નારી શક્તિનો વિજય" અને "નવા ભારતની ઓળખ" તરીકે વધાવી હતી.વિશેષજ્ઞોના મતે આગામી વર્ષોમાં વધુ મહિલાઓ NDA મારફતે સશસ્ત્ર દળોમાં જોડાશે.આથી આર્મી, એરફોર્સ અને નેવીમાં મહિલાઓનું પ્રતિનિધિત્વ સતત વધશે.નવી પેઢી માટે આ મહિલા અધિકારીઓ એક જીવંત ઉદાહરણ બની રહેશે કે સપનાઓને સાકાર કરવા માટે મહેનત, શિસ્ત અને સંકલ્પ સૌથી મહત્વપૂર્ણ છે.

નારીશક્તિ માટે નવા યુગનો પ્રારંભ 
13 જૂન, 2026નો દિવસ ભારતના સૈન્ય ઇતિહાસમાં સોનાના અક્ષરે લખાશે. પહેલીવાર 14 દીકરીઓએ આર્મી અને એરફોર્સમાં અધિકારી તરીકે કમિશન મેળવીને માત્ર પોતાનું જ નહીં, પરંતુ સમગ્ર દેશનું ગૌરવ વધાર્યું છે.કુલ 746 કેડેટ્સના કમિશનિંગ સાથે ભારતને નવા યુવા અધિકારીઓ મળ્યા છે, જે દેશની સુરક્ષા અને અખંડિતતા માટે સમર્પિત રહેશે. આ ઘટના નારી શક્તિ, સમાનતા અને નવા ભારતની પ્રગતિનું પ્રતિક છે.આ ઐતિહાસિક ક્ષણ આવનારી પેઢીઓને સતત પ્રેરણા આપતી રહેશે અને દેશની લાખો દીકરીઓને પોતાના સપનાઓ સાકાર કરવા માટે નવી ઊર્જા આપશે.