કુંભમેળામાં ઇસ્કોનન કિચનમાં મોટી આગ, અનેક કોટેજ બળીને ખાખ

પ્રયાગરાજ મહાકુંભમાં આગની  ત્રીજી મોટી ઘટના પ્રકાશમાં આવી છે. મહાકુંભમાં ફરી આગ લાગી હતી. શુક્રવારે સવારે મેળા વિસ્તારમાં સેક્ટર-૧૮ શંકરાચાર્ય માર્ગ પર સ્થિત ઇસ્કોનના રસોડામાં આગ લાગી હતી. આગમાં અનેક કોટેજ બળીને રાખ થઈ ગયા છે.

માહિતી મળતાં જ ફાયર બ્રિગેડની ગાડીઓ તાત્કાલિક ઘટનાસ્થળે પહોંચી ગઈ હતી. ભારે જહેમત બાદ ફાયર બ્રિગેડે આગ પર કાબુ મેળવ્યો છે. આગમાં કોઈ જાનહાનિ નથી.  આ કેમ્પમાં મહારાજ કોટેજ હતા, જેમાં એસી લગાવવામાં આવ્યા હતા. એસીના ગેસ સિલિન્ડરના વિસ્ફોટને કારણે આગ લાગી હોવાનું જાણવા મળ્યું છે.

તમને જણાવી દઈએ કે આ પહેલા મહાકુંભમાં ગીતા પ્રેસ ગોરખપુરના કેમ્પમાં ભીષણ આગ લાગી હતી. સારી વાત એ હતી કે આગમાં કોઈ જાનહાનિ થઈ ન હતી. આગ પછી થયેલી નાસભાગમાં ફક્ત એક મહિલા આંશિક રીતે દાઝી ગઈ હતી અને એક પુરુષ ઘાયલ થયો હતો. આમાં સોથી વધુ  ટેન્ બળીને રાખ થઈ ગઈ હતી. વહીવટીતંત્રે કહ્યું હતું કે સિલિન્ડરમાંથી લીકેજ આગનું કારણ હતું. રવિવારે મેળા વિસ્તારમાં સ્નાન કરનારાઓની ભારે ભીડને કારણે, ફાયર બ્રિગેડના વાહનોને ઘટનાસ્થળે પહોંચવામાં મુશ્કેલી પડી હતી, જોકે, તાત્કાલિક બચાવ કાર્યને કારણે, આગ ખૂબ જ જલ્દી કાબુમાં આવી ગઈ.