ચર્ચાસ્પદ બ્રાન્ડ &lsquo;કમલા પસંદ&rsquo;ના માલિક કમલ કિશોર ચૌરસિયાના પુત્ર હરપ્રીતની પત્ની દીપ્તિ ચૌરસિયાનું મંગળવારે સાંજે કથિત રીતે આત્મહત્યાથી મૃત્યુ થયું હતું. 40 વર્ષીય દીપ્તિનો મૃતદેહ લટકતી હાલતમાં મળી આવતા ખળભળાટ મચી ગયો છે. દીપ્તિના પરિવારે હવે આ મામલે ગંભીર આક્ષેપો કરીને આ કેસને નવો વળાંક આપ્યો છે.
દીપ્તિના ભાઈ ઋષભે આક્ષેપ કર્યો છે કે, તેની બહેનને તેની સાસુ અને પતિ દ્વારા શારીરિક અને માનસિક ત્રાસ આપવામાં આવતો હતો.
પતિના 'અફેર'ના આક્ષેપો
પોલીસ અધિકારીઓના જણાવ્યા અનુસાર, દીપ્તિના મૃત્યુ બાદ ઘટનાસ્થળેથી એક ડાયરી પણ મળી આવી છે. આ ડાયરીમાં દીપ્તિએ તેના પતિ હરપ્રીત સાથેના પારિવારિક વિવાદનો ઉલ્લેખ કર્યો હોવાનું કહેવાય છે. દીપ્તિ અને હરપ્રીતનાં લગ્ન 2010માં થયાં હતાં અને તેમને 14 વર્ષનો એક પુત્ર પણ છે.
દીપ્તિના ભાઈ ઋષભે પત્રકારો સાથેની વાતચીતમાં જણાવ્યું હતું કે, &ldquo;...તેના સાસુ અને પતિ તેને માર મારતા હતા. તેના પતિ હરપ્રીતના એક્સ્ટ્રા મેરીટલ અફેર્સ હતા. જ્યારે અમને આ વિશે ખબર પડી, ત્યારે અમે અમારી દીકરીને ઘરે લઈ ગયા હતા... ત્યારબાદ તેની સાસુ તેને પાછી લઈ ગઈ. મારી બહેન મને ફોન કરીને કહેતી કે તેને ટોર્ચર કરવામાં આવે છે અને તેના પતિના અન્ય સંબંધો છે.&rdquo;
અહેવાલો મુજબ, હરપ્રીતે કથિત રીતે એક દક્ષિણ ભારતીય અભિનેત્રી સાથે બીજું લગ્ન કર્યું હોવાથી દીપ્તિ અત્યંત અસંતુષ્ટ હતી અને આ જ બાબત તેના આત્યંતિક પગલા પાછળનું કારણ હોઈ શકે છે.
દીપ્તિનો મૃતદેહ મંગળવારે રાત્રે દિલ્હીની સફદરજંગ હોસ્પિટલમાં લાવવામાં આવ્યો હતો, જ્યાં ડૉક્ટરોની ટીમ દ્વારા પોસ્ટમોર્ટમ કરવામાં આવશે.&nbsp;
દીપ્તિના પરિવારે હવે આત્મહત્યા માટે ઉશ્કેરણી&nbsp;હેઠળ ફરિયાદ નોંધાવવાની તૈયારી દર્શાવી છે. ભારતીય ન્યાય સંહિતા (BNS)ની કલમ 108 હેઠળ આ એક ગંભીર ગુનો છે. ઋષભે સ્પષ્ટ કર્યું હતું કે, "મને ખબર નથી કે મારી બહેનની હત્યા થઈ છે કે તેણે આત્મહત્યા કરી છે... હું માત્ર ન્યાય ઈચ્છું છું."
પોલીસ હવે મૃતક મહિલાની ડાયરી અને તેના ભાઈના નિવેદનોના આધારે કેસની સઘન તપાસ કરી રહી છે.
&nbsp;

કમલા પસંદના પુત્રવધૂ દીપ્તિનો મૃતદેહ લટકતો મળ્યો

પુત્રવધુની ડાયરીમાં પતિ સાથેના ઝઘડાનો ઉલ્લેખ; બીજા લગ્ન કર્યાના અહેવાલોથી વિવાદની આશંકા

November 26, 2025 | 20:24 IST