ગઢવા જિલ્લામાં ફટાકડાની દુકાનમાં આગ, 5 ના કરૂણ મોત...

ઝારખંડના ગઢવા જિલ્લામાં એક ફટાકડાની દુકાનમાં ભીષણ આગ લાગી હતી . આ અકસ્માતમાં શ્વાસ રૂંધાવાથી પાંચ લોકોના મોત થયા છે. મૃત્યુ પામેલા પાંચ લોકોમાંથી ત્રણ બાળકો હતા. ફટાકડા દુકાનની બહાર રાખવામાં આવ્યા હતા. જ્યારે આગ લાગી ત્યારે દુકાનદાર અને અન્ય લોકો ડરી ગયા અને દુકાનની અંદર ગયા. બધાના મોત ગૂંગળામણને કારણે થયા. 

આ મામલો જિલ્લાના રાંકા પોલીસ સ્ટેશન વિસ્તારનો છે. દુકાનમાં તાળું હોવાથી ગૂંગળામણને કારણે પાંચ લોકોના મોત થયા હોવાની પ્રાથમિક માહિતી મળી છે. પોલીસે મૃતદેહોને પોસ્ટમોર્ટમ માટે હોસ્પિટલમાં મોકલી આપ્યા છે. જિલ્લા વહીવટીતંત્ર મૃતકોના પરિવારોને આર્થિક સહાય પૂરી પાડવા માટે જરૂરી પગલાં લઈ રહ્યું છે. 

ઝારખંડના મુખ્યમંત્રી હેમંત સોરેને દુઃખ વ્યક્ત કર્યું...

સોશિયલ મીડિયા દ્વારા આ ઘટના પર શોક વ્યક્ત કર્યો અને લખ્યું, "ગઢવા જિલ્લાના રંકા બ્લોકમાં ફટાકડાની દુકાનમાં આગ લાગવાથી 5 લોકોના મોતના દુઃખદ સમાચાર પ્રાપ્ત થયા છે. મારંગ બુરુ મૃતકોના આત્માને શાંતિ આપે અને શોકગ્રસ્ત પરિવારોને આ મુશ્કેલ સમય સહન કરવાની શક્તિ આપે. જિલ્લા વહીવટીતંત્ર દ્વારા આ મામલાની તપાસ કરવામાં આવી રહી છે."