ગાંધીજીના નામે બીયર વેચાયું! ભારતીયોનો રોષ, PM મોદીને અપીલ

રશિયન દારૂ કંપનીએ બિયરના કેન પર મહાત્મા ગાંધી (બાપુ) ની તસવીરનો ઉપયોગ કર્યો હતો. આના કારણે સોશિયલ મીડિયા પર યુઝર્સ ગુસ્સે ભરાયા અને તેમણે PM મોદીને રશિયા સમક્ષ આ મુદ્દો ઉઠાવવાની અપીલ પણ કરી. રશિયન બ્રાન્ડ 'Rewort' દ્વારા બનાવવામાં આવેલા બીયરના કેનની તસવીરો ઓનલાઈન સામે આવ્યા બાદ વિવાદ શરૂ થયો છે. કંપનીએ આ બીયરનું નામ પણ મહાત્મા ગાંધીના નામ પરથી રાખ્યું છે. ઓડિશાના ભૂતપૂર્વ CM નંદિની સતપથીના પૌત્ર અને રાજકારણી સુપર્ણો સતપથીએ પણ ઇન્સ્ટાગ્રામ પર તસવીરો શેર કરી છે.

સુપર્ણો સતપથીએ પોતાની પોસ્ટમાં કહ્યું, "PM નરેન્દ્ર મોદીજીને મારી નમ્ર વિનંતી છે કે તેઓ આ મામલો તેમના મિત્ર રશિયાના રાષ્ટ્રપતિ સમક્ષ ઉઠાવે. એવું જાણવા મળ્યું છે કે, રશિયન 'Rewort' ગાંધીજીના નામે બીયર વેચી રહ્યું છે." આ પોસ્ટમાં આપેલા ચિત્રો પરથી સ્પષ્ટ થાય છે કે બિયરના કેન પર મહાત્મા ગાંધીના ચિત્રો છપાયેલા છે. આ જોઈને યુઝર્સ ખૂબ ગુસ્સે થયા.

એક યુઝરે પૂછ્યું કે મહાત્મા ગાંધી અને દારૂ વચ્ચે શું જોડાણ છે અને તેથી આ તસવીર પ્રકાશિત કરવામાં આવી છે. યુઝરે લખ્યું કે આ સંપૂર્ણપણે અસ્વીકાર્ય છે. ગાંધીજી અને દારૂ વચ્ચે શું સંબંધ છે? દારૂ પર તેમનું નામ અને ફોટો વાપરવાનું બંધ કરો, તેઓ દારૂડિયા નહોતા, તેના બદલે તેમના વ્યક્તિત્વને અનુરૂપ અન્ય ઉત્પાદનો પર તેમનું નામ અને ફોટો વાપરવા દો.

બીજા એક સોશિયલ મીડિયા યુઝરે બ્રાન્ડિંગની નિંદા કરતા કહ્યું, “આઘાતજનક અને અસ્વીકાર્ય. રશિયન બ્રુઇંગ કંપની, Rewort, શાંતિ પ્રતિમા મહાત્મા ગાંધીના વારસાની મજાક ઉડાવીને મહાત્મા જી નામની બીયર વેચી રહી છે. આ ભારતના મૂલ્યો અને ભારતીયોનું અપમાન છે.

સુપર્ણો સતપથીએ પોતાની પોસ્ટમાં ઘણી તસવીરો શેર કરી છે. આ ડબ્બામાં મહાત્માજી લખેલું છે અને ગાંધીજીનો ફોટો છપાયેલ છે. કંપનીનું નામ Rewort પણ દેખાય છે. આ પોસ્ટ સોશિયલ મીડિયા પ્લેટફોર્મ પર વાયરલ થઈ ગઈ છે અને તેને લગભગ 1.5 લાખ વ્યૂઝ મળ્યા છે. આ ઉપરાંત, મોટી સંખ્યામાં લોકોએ ટિપ્પણી કરીને દારૂ બનાવતી કંપની પર પોતાનો ગુસ્સો વ્યક્ત કર્યો છે.