દિલ્હીની બિલ્ડીંગમાં વિકરાળ આગ, સાતમા માળેથી પિતા 2 સંતાનો સાથે કુદ્યા

દિલ્હીના દ્વારકામાં એક બહુમાળી એપાર્ટમેન્ટમાં આગ લાગવાથી મોટી દુર્ઘટના સર્જાઈ છે.  પળવારમાં જ સાતમા માળે લાગેલી આગથી આખી ઈમારત આગની લપેટમાં આવી ગઈ. પોતાને બચાવવા માટે એક પરિવારના સભ્યો સાતમા માળેથી નીચે કૂદી પડ્યા હતા. આ ઘટનામાં એક પુત્ર, એક પુત્રી અને એક પિતાનું મોત થયું. આ ઘટના મંગળવારે સવારે 10 વાગ્યાની આસપાસ બની હતી.

ફાયર વિભાગના જણાવ્યા અનુસાર, દિલ્હીના દ્વારકા સેક્ટર-13 સ્થિત એક એપાર્ટમેન્ટમાં આગ લાગી હોવાના સમાચાર મળ્યા હતા. ફાયર બ્રિગેડની 8 ગાડીઓ ઘટનાસ્થળે હાજર પહોંચી ગઇ હતી. આગ એટલી ભયંકર હતી કે આખી ઈમારત આગની લપેટમાં આવી ગઈ હતી, જેના પછી આસપાસના વિસ્તારમાં અફડાતફરી મચી ગઈ હતી.

આગમાં ઘેરાયેલા જોઈને સાતમા માળે રહેતો એક પરિવાર ગભરાઈ ગયો હતો અને પિતા બે બાળકો સાથે કૂદી પડ્યો હત

 

પોલીસના જણાવ્યા અનુસાર, દ્વારકા સેક્ટર ૧૩ ની શપથ સોસાયટીમાં ૮મા અને ૯મા માળે આગ લાગી હોવાનું જાણવા મળ્યું છે. બે બાળકો (એક છોકરો અને એક છોકરી, બંને ૧૦ વર્ષના) એ પોતાને બચાવવા માટે બાલ્કનીમાંથી કૂદી પડ્યા હતા, જેમને આકાશ હોસ્પિટલમાં મૃત જાહેર કરવામાં આવ્યા હતા. બાદમાં, આ બાળકોના પિતા, યશ યાદવ (૩૫ વર્ષ) એ પણ બાલ્કનીમાંથી કૂદી પડ્યા હતા, તેમને પણ IGI હોસ્પિટલમાં મૃત જાહેર કરવામાં આવ્યા હતા. યશ યાદવ ફ્લેક્સ બોર્ડના વ્યવસાય સાથે સંકળાયેલા હતા.

યશ યાદવની પત્ની અને મોટો દીકરો આગમાંથી બચી ગયા હતા અને તેઓ સુરક્ષિત છે. તેમને તબીબી સહાય માટે IGI હોસ્પિટલમાં મોકલવામાં આવ્યા છે. સોસાયટીના તમામ રહેવાસીઓને ખાલી કરાવવામાં આવ્યા છે. વીજળી અને PNG કનેક્શન જેવી તમામ સુવિધાઓ કાપી નાખવામાં આવી છે. પરિસ્થિતિનો તાગ મેળવવા માટે DDA અને MCD ને જાણ કરવામાં આવી છે. પરિવારને મદદ કરવા માટે આકાશ અને IGI હોસ્પિટલમાં ટીમો તૈનાત કરવામાં આવી છે.

આ પણ વાંચો--- Mumbai લોકલ ટ્રેન દુર્ઘટના: રેલવેના સુરક્ષા પગલાં, ઓટોમેટીક દરવાજા લગાવશે