Delhi : CAG રિપોર્ટ રજૂ, સત્ર લંબાવાયું, AAP ના 21 ધારાસભ્યોને ત્રણ દિવસ માટે સસ્પેન્ડ કરાયા

દિલ્હી વિધાનસભામાં લેફ્ટનન્ટ ગવર્નર વીકે સક્સેનાના સંબોધન દરમિયાન હોબાળો અને સૂત્રોચ્ચારને કારણે વિરોધ પક્ષના નેતા આતિશી સહિત આમ આદમી પાર્ટી (AAP) ના 21 ધારાસભ્યોને ત્રણ દિવસ માટે સસ્પેન્ડ કરવામાં આવ્યા છે. સક્સેનાના ભાષણ દરમિયાન AAP ધારાસભ્યો દ્વારા કરવામાં આવેલા વિક્ષેપને કારણે, કેબિનેટ મંત્રી પ્રવેશ સાહિબ સિંહે ગૃહમાં અભદ્ર વર્તન કરનારાઓ સામે કડક કાર્યવાહીની માંગણી કરતો પ્રસ્તાવ રજૂ કર્યો, જેને ધારાસભ્ય અભય વર્માએ ટેકો આપ્યો અને તમામ 21 સભ્યોને ત્રણ દિવસ માટે સસ્પેન્ડ કરવાની માંગ કરી.

દિલ્હીના CM રેખા ગુપ્તાએ આજે ​​દિલ્હી વિધાનસભામાં એક્સાઇઝ પોલિસી 2024 પર CAG રિપોર્ટ રજૂ કર્યો. આ દરમિયાન દિલ્હી વિધાનસભાના અધ્યક્ષ વિજેન્દ્ર ગુપ્તાએ કહ્યું કે, એ જાણીને આશ્ચર્ય થાય છે કે 2017-18 પછી CAG રિપોર્ટ વિધાનસભામાં રજૂ કરવામાં આવ્યો નથી. આ સંદર્ભમાં, તત્કાલીન વિપક્ષી નેતા, એટલે કે, મેં અને અન્ય પાંચ વિપક્ષી નેતાઓએ રાષ્ટ્રપતિ અને વિધાનસભા અધ્યક્ષને આ અહેવાલ વિધાનસભામાં રજૂ કરવા વિનંતી કરી હતી. તમારી સરકારે CAG રિપોર્ટ દબાવી દીધો. CAG રિપોર્ટ LG ને મોકલવામાં આવ્યો ન હતો. 

ઉલ્લેખનીય છે કે ભાજપ આરોપ લગાવી રહ્યું છે કે AAP સરકારે CAG રિપોર્ટને રોકી રાખ્યો હતો . દિલ્હીના CM રેખા ગુપ્તાએ ગયા ગુરુવારે જાહેરાત કરી હતી કે નવી સરકારના પહેલા સત્રમાં અહેવાલો જાહેર કરવામાં આવશે. CAG ના પેન્ડિંગ રિપોર્ટમાં રાજ્યના નાણાકીય, જાહેર આરોગ્ય માળખાગત સુવિધાઓ, વાહનો દ્વારા થતા વાયુ પ્રદૂષણ, દારૂ નિયમન અને દિલ્હી પરિવહન નિગમ (DTC) ની કામગીરીની સમીક્ષાનો સમાવેશ થાય છે. 

CAG રિપોર્ટમાં શું છે?
 
નવી આબકારી નીતિને કારણે દિલ્હી સરકારને લગભગ 2000 કરોડ રૂપિયાનું નુકસાન થયું છે. 

નવી દારૂ નીતિમાં, પહેલા એક વ્યક્તિને એક લાઇસન્સ મળતું હતું.

નવી નીતિ હેઠળ, એક વ્યક્તિ બે ડઝનથી વધુ લાઇસન્સ લઈ શકશે.

અગાઉ, દિલ્હીમાં 60 ટકા દારૂનું વેચાણ 4 સરકારી કોર્પોરેશનો દ્વારા થતું હતું. પરંતુ નવી દારૂ નીતિમાં, કોઈપણ ખાનગી કંપની છૂટક વેચાણનું લાઇસન્સ લઈ શકે છે.

દારૂના વેચાણ પરનું કમિશન 5 ટકાથી વધારીને 12 ટકા કરવામાં આવ્યું.

દારૂ વિતરકો અને દારૂ બનાવતી કંપનીઓને પણ જથ્થાબંધ લાઇસન્સ આપવામાં આવ્યું હતું, જે ઉલ્લંઘન છે.

આ નીતિ હેઠળ, કોઈપણ ખાનગી કંપની રિટેલ લાઇસન્સ લઈ શકે છે.

લાઇસન્સ આપતા પહેલા કોઈ નાણાકીય કે ગુનાહિત તપાસ હાથ ધરવામાં આવી ન હતી. 

CAG રિપોર્ટમાં ખુલાસો થયો છે કે દારૂના લાઇસન્સ આપવામાં રાજકીય હસ્તક્ષેપ અને સગાવાદ હતો.

પાછલી સરકારોએ એવી વાત ફેલાવી હતી કે CAG રિપોર્ટ સ્પીકરને આપવામાં આવ્યો છે. 

હાઈકોર્ટે કહ્યું હતું કે CAG રિપોર્ટને લાંબા સમય સુધી પેન્ડિંગ રાખી શકાય નહીં.

તમને જણાવી દઈએ કે મંગળવારે દિલ્હી વિધાનસભાના બીજા દિવસે દિલ્હીના ઉપરાજ્યપાલ વિનય કુમાર સક્સેનાના સંબોધન દરમિયાન, આમ આદમી પાર્ટીના ધારાસભ્યોએ હંગામો મચાવ્યો અને ઘણી ઓફિસોમાંથી બાબાસાહેબ આંબેડકર અને ભગતસિંહના ફોટા હટાવવાનો વિરોધ કર્યો. આ પછી, આતિશી સહિત AAP ના તમામ ધારાસભ્યોને આખા દિવસ માટે ગૃહની કાર્યવાહીમાંથી સસ્પેન્ડ કરવામાં આવ્યા છે અને તમામ સસ્પેન્ડ કરાયેલા ધારાસભ્યો દિલ્હી વિધાનસભાની બહાર આવીને ધરણા પર બેઠા છે. આમ આદમી પાર્ટીના ધારાસભ્યો બાબા સાહેબનો ફોટો હાથમાં લઈને વિરોધ પ્રદર્શન કરી રહ્યા છે.

આખા દિવસ માટે વિધાનસભામાંથી સસ્પેન્ડ કર્યા પછી, AAP ધારાસભ્ય સંજીવ ઝાએ કહ્યું, "ગઈકાલે, CM કાર્યાલયમાં ડૉ. બીઆર આંબેડકરની તસવીરને બદલે પીએમ મોદીની તસવીર લગાવવામાં આવી હતી. જ્યારે અમે સ્પીકરને પૂછ્યું કે શું પીએમ મોદી ડૉ. બીઆર આંબેડકર કરતા મોટા છે, ત્યારે તેમણે અમને સસ્પેન્ડ કરી દીધા."

ઉલ્લેખનીય છે કે ભાજપ આરોપ લગાવી રહ્યું છે કે AAP સરકારે CAG રિપોર્ટને રોકી રાખ્યો હતો . દિલ્હીના CM રેખા ગુપ્તાએ ગયા ગુરુવારે જાહેરાત કરી હતી કે નવી સરકારના પહેલા સત્રમાં અહેવાલો જાહેર કરવામાં આવશે. CAGના પેન્ડિંગ રિપોર્ટમાં રાજ્યના નાણાકીય, જાહેર આરોગ્ય માળખાગત સુવિધાઓ, વાહનો દ્વારા થતા વાયુ પ્રદૂષણ, દારૂ નિયમન અને દિલ્હી પરિવહન નિગમ (DTC) ની કામગીરીની સમીક્ષાનો સમાવેશ થાય છે.