ઘરે બેઠા બનાવો ડિજિટલ જીવન પ્રમાણ પત્ર

ઘરે બેઠા બનાવો ડિજિટલ જીવન પ્રમાણ પત્ર: જાણો સંપૂર્ણ પ્રક્રિયા

ડિજિટલ ઈન્ડિયા અભિયાન હેઠળ હવે વરિષ્ઠ નાગરિકો માટે પેન્શનની પ્રક્રિયા વધુ સરળ બની ગઈ છે. પહેલાં જ્યાં પેન્શન માટે સરકારી ઓફિસના ચક્કર લગાવવા પડતા હતા, ત્યાં હવે માત્ર થોડા મિનિટોમાં ઘરે બેઠા જ ડિજિટલ જીવન પ્રમાણ પત્ર બનાવી શકાય છે.

સરકારની ‘Jeevan Pramaan’ એપ દ્વારા પેન્શનધારકો હવે ઘરે બેઠા જ પોતાનું જીવન પ્રમાણ પત્ર સબમિટ કરી શકે છે. આ માટે માત્ર બે એપ્લિકેશનની જરૂર રહેશે – AadhaarFaceRD અને JeevanPramaan.

ડિજિટલ લાઇફ સર્ટિફિકેટ માટે જરૂરી એપ્સ અને સ્ટેપ્સ : 

1.Google Play Store પરથી AadhaarFaceRD અને JeevanPramaan એપ ડાઉનલોડ કરો

2. JeevanPramaan એપ ખોલી જરૂરી માહિતી ભરો – આધાર નંબર, મોબાઇલ નંબર અને ઇમેઇલ એડ્રેસ દાખલ કરો

3. OTP મળ્યા બાદ ફેસ સ્કેન માટે પરવાનગી આપો

4. AadhaarFaceRD એપ દ્વારા ફેસ ઓથેન્ટિકેશન પૂર્ણ કરો

5. ચહેરાની ઓળખ થયા બાદ જરૂરી વિગતો ભરી સબમિટ કરો

આ પ્રક્રિયા પૂર્ણ થતાં જ તમારું ડિજિટલ જીવન પ્રમાણ પત્ર તૈયાર થઈ જશે. આ સિસ્ટમ સંપૂર્ણપણે સુરક્ષિત અને વિશ્વસનીય છે, જેનાથી વરિષ્ઠ નાગરિકોને હવે સરકારી ઓફિસ સુધી જવાની જરૂર નથી