ખોટી દારૂ નીતિને કારણે 2002 કરોડનું નુકસાન, CAG નો રિપોર્ટ દિલ્હી વિધાનસભામાં રજૂ

દિલ્હી વિધાનસભા સત્રના બીજા દિવસે, CM રેખા ગુપ્તાએ LG ના સંબોધન પછી 14 માંથી 1 CAG રિપોર્ટ રજૂ કર્યો. હજુ પણ આવા 13 વધુ અહેવાલો રજૂ કરવાના બાકી છે. આ રિપોર્ટ દિલ્હી દારૂ કૌભાંડ સાથે સંબંધિત છે. રિપોર્ટમાં કહેવામાં આવ્યું છે કે AAP સરકારે પોતાની ખોટી દારૂ નીતિને કારણે દિલ્હીને 2026 કરોડ રૂપિયાનું નુકસાન પહોંચાડ્યું છે.

આ અંગે સ્પીકર વિજેન્દ્ર ગુપ્તાએ કહ્યું કે, AAP સરકારે ગેરસમજ ફેલાવી કે રિપોર્ટ સ્પીકરને આપવામાં આવ્યો હતો. તેમણે કહ્યું કે, હાઈકોર્ટે તેના ચુકાદામાં કહ્યું છે કે જો યુપી સરકાર CAG રિપોર્ટ રજૂ નહીં કરે તો તે બંધારણીય આદેશનો અનાદર હશે. સ્પીકરે વધુમાં કહ્યું કે બંધારણની કલમ 152A નું ઉલ્લંઘન થયું છે. જેમાં CAG રિપોર્ટ લાંબા સમય પછી LG ને આપવામાં આવ્યો હતો.

CAG રિપોર્ટ રજૂ કરવા અંગે AAP ધારાસભ્ય ગોપાલ રાયે કહ્યું કે, અમે પણ ઈચ્છીએ છીએ કે CAG રિપોર્ટ રજૂ કરવામાં આવે જેથી સત્ય બહાર આવે. ગઈકાલે તેમણે ડૉ. ભીમરાવ આંબેડકર અને શહીદ ભગતસિંહનું જે રીતે અપમાન કર્યું તે ભાજપના ઇરાદા દર્શાવે છે. આ મામલે દિલ્હીના મંત્રી મનજિંદર સિંહ સિરસાએ કહ્યું કે AAP લડાઈ સિવાય કંઈ જાણતી નથી. ડૉ. બાબાસાહેબ ભીમરાવ આંબેડકર અને શહીદ ભગતસિંહના ચિત્રો કોઈ હટાવી શકતું નથી અને ન તો આપણે તેમને હટાવ્યા છે. તેઓ CAG રિપોર્ટ પરથી ધ્યાન હટાવવા માટે આ પ્રકારનું નાટક કરી રહ્યા છે.