લાલ કિલ્લા વિસ્ફોટ કેસમાં વધુ એક આતંકી ઝડપાયો

લાલ કિલ્લા વિસ્તારમાં થયેલા કાર બોમ્બ વિસ્ફોટ કેસમાં રાષ્ટ્રીય તપાસ એજન્સી NIAએ તપાસને વધુ ગતિ આપતાં એક વધુ મુખ્ય સાથીદારને પકડી પાડ્યો છે. આતંકવાદી નેટવર્ક સાથે જોડાયેલા આ આરોપીની ધરપકડ જમ્મુ અને કાશ્મીરના શ્રીનગર વિસ્તારમાં કરવામાં આવી છે.

NIAની ટીમે જાસીર બિલાલ વાની, જેને દાનિશ તરીકે પણ ઓળખવામાં આવે છે, તેને પકડી પાડ્યો છે. તપાસમાં ખુલ્યું છે કે જાસીરે ડ્રોનમાં ફેરફાર કરવા અને રોકેટ જેવી ઘાતક તકનિકી બનાવવા માટે સહાય કરીને આતંકવાદીઓને મદદ કરી હતી. આ ટેકનિકલ સપોર્ટ લાલ કિલ્લા નજીક થયેલા કાર બોમ્બ વિસ્ફોટ પહેલા આપવામાં આવ્યો હતો, જેમાં 10 લોકોનાં મોત થયા હતા અને 32 લોકો ઘાયલ થયા હતા.

જાસીર અનંતનાગ જિલ્લાના કાઝીગુંડનો રહેવાસી છે અને વિસ્ફોટના મુખ્ય કાવતરાને આગળ ધપાવવા માટે આતંકવાદી ઉમર ઉન નબી સાથે નજીકથી કાર્યરત હતો. NIAનું માનવું છે કે જાસીર આ હુમલાનું મહત્વપૂર્ણ સહ-ષડયંત્રકારી છે.

એજન્સી હાલ અનેક ખૂણાઓમાંથી તપાસ આગળ ધપી રહી છે. અનેક ટીમો રાજ્યોમાં છાપા મારી રહ્યા છે જેથી આ આતંકવાદી હુમલામાં સંડોવાયેલા દરેક વ્યક્તિની ઓળખ કરી શકાય. NIAનું ધ્યાન સમગ્ર કાવતરાની કડી શોધવામાં કેન્દ્રિત છે.