લસણ-ડુંગળીના વિવાદે 11 વર્ષના લગ્નજીવનનો અંત

ગુજરાત હાઈકોર્ટમાં એક અજીબોગરબી કેસ સામે આવ્યો છે, જેમાં લસણ અને ડુંગળી જેવા સામાન્ય ખાદ્યપદાર્થોને કારણે પતિ-પત્ની વચ્ચેનો વિવાદ એટલો વધ્યો કે 11 વર્ષના લગ્નજીવનનો અંત આવી ગયો. પત્ની સ્વામિનારાયણ સંપ્રદાયની કડક અનુયાયી હોવાથી ડુંગળી-લસણથી દૂર રહેતી હતી, જ્યારે પતિ અને તેના પરિવાર આને કોઈ મહત્વ આપતા નહોતા. આ મતભેદને કારણે ઘરમાં અલગ-અલગ રસોઈ અને જમણું થવા લાગ્યું, જેના પરિણામે પત્ની વારંવાર બાળક સાથે ઘર છોડીને જતી રહી. આખરે ફેમિલી કોર્ટ અને હાઈકોર્ટના ચુકાદાથી છૂટાછેડા મંજૂર થયા, જેમાં પતિને ભરણપોષણ આપવાનો આદેશ પણ જારી રહ્યો છે.    ધાર્મિક માન્યતા અને પરિવારિક વિવાદમળતી માહિતી અનુસાર,  દંપતીનાં લગ્ન 2002માં થયા હતા. મહિલા સ્વામિનારાયણ સંપ્રદાયના નિયમોનું ચુસ્તપણે પાલન કરતી હતી. ડુંગળી અને લસણ ખાવાથી દૂર રહેતી હતી. તે નિયમિત પ્રાર્થના અને ધાર્મિક વિધિઓમાં ભાગ લેતી હતી, જેના કારણે તે આહારમાં કોઈ ફેરફાર કરવા તૈયાર ન હતી.      જોકે, પતિના પરિવારમાં આવો કોઈ પ્રતિબંધ ન હતો, અને તેઓ રોજિંદા રસોઈમાં લસણ-ડુંગળીનો ઉપયોગ કરતા હતા.આ મતભેદને કારણે ઘરમાં ઝઘડા વધ્યા. પતિ અને સાસુ પત્ની પર આહાર બદલવાનું દબાણ કરવા લાગ્યા, પરંતુ તેની ના પડતાં અલગ-અલગ રસોઈ બને: પત્ની માટે એક અને પતિ-સાસુ માટે અલગ. આ કકળાટ વધતાં પત્ની વારંવાર બાળક સાથે પિયર જવા લાગી, જેને પતિએ માનસિક ક્રૂરતા ગણાવી.      કોર્ટની કાર્યવાહી: 2013થી ચાલતો કેસ2013માં પતિએ અમદાવાદ ફેમિલી કોર્ટમાં પત્ની પર ક્રૂરતા અને ત્યજી દેવાનો આરોપ લગાવી છૂટાછેડાની અરજી કરી હતી. કોર્ટે 8 મે, 2024ના રોજ છૂટાછેડા મંજૂર કર્યા, પરંતુ પતિને પત્ની અને બાળકને ભરણપોષણ આપવાનો આદેશ આપ્યો.     આ ચુકાદા વિરુદ્ધ બંને પક્ષોએ ગુજરાત હાઈકોર્ટમાં અપીલ કરી: પત્નીએ છૂટાછેડા અને ભરણપોષણ સામે, જ્યારે પતિએ ભરણપોષણની રકમ વધારાની ગણાવી. હાઈકોર્ટમાં સુનાવણી દરમિયાન પત્નીએ જણાવ્યું કે હવે તે છૂટાછેડા સામે વાંધો નથી રાખતી, અને પતિએ કહ્યું કે તે બાકીની ભરણપોષણની રકમ કોર્ટની રજિસ્ટ્રીમાં હપ્તામાં જમા કરાવશે, જે પત્નીને મળશે.     આખરે હાઈકોર્ટે ફેમિલી કોર્ટના ચુકાદાને માન્ય રાખી પત્નીની અપીલ ફગાવી દીધી, અને છૂટાછેડા મંજૂર થયા.    નાના મતભેદો મોટા વિવાદમાં ન પરિવર્તિત થાય આ કેસ સમાજમાં ધાર્મિક માન્યતાઓ અને પરિવારિક જીવન વચ્ચેના સંતુલનનું મહત્વ દર્શાવે છે. કાનૂની નિષ્ણાતો કહે છે કે આવા કેસમાં કાઉન્સલિંગ અને મધ્યસ્થીથી ઘણી વાર સંબંધો બચાવી શકાય.    આ કેસથી પરિવારોને ચેતવણી મળે કે નાના વિવાદોને વહેલી તકે ઉકેલવા જરૂરી છે.