કોઇ મોટી આફતના સંકેત..? બિહાર અને બાંગ્લાદેશમાં પણ ધરતી ધ્રુજી, લોકોમાં ભારે ગભરાટ

દિલ્હી બાદ બિહારમાં પણ ભૂકંપના જોરદાર આંચકા અનુભવાયા હતા. નેશનલ સેન્ટર ફોર સિસ્મોલોજી (NCS) અનુસાર, સોમવારે સવારે 8:02 વાગ્યે 4.0 ની તીવ્રતાનો ભૂકંપ આવ્યો હતો. 

બિહારમાં આવેલા ભૂકંપની તીવ્રતા રિક્ટર સ્કેલ પર 4.0 માપવામાં આવી હતી, જ્યારે તેનું કેન્દ્રબિંદુ સિવાન જિલ્લામાં જમીનથી 10 કિલોમીટર નીચે હતું. NCS એ પુષ્ટિ આપી કે ભૂકંપ 25.93 અક્ષાંશ અને 84.42 રેખાંશ પર નોંધાયો હતો.

સોમવારે સવારે 8:54 વાગ્યે બિહાર ઉપરાંત બાંગ્લાદેશમાં પણ ભૂકંપના આંચકા અનુભવાયા હતા. અહીં આવેલા ભૂકંપની તીવ્રતા 3.5 માપવામાં આવી હતી, જ્યારે તેનું કેન્દ્ર જમીનથી 10 કિલોમીટર નીચે હતું. NCS અનુસાર, બાંગ્લાદેશમાં ભૂકંપનું અક્ષાંશ 24.86 અને રેખાંશ 91.94 નોંધાયું હતું.

ભૂકંપના આંચકાથી બિહાર અને બાંગ્લાદેશમાં કોઈ મોટું નુકસાન થયું નથી, પરંતુ સ્થાનિક લોકોમાં ભયનું વાતાવરણ જોવા મળ્યું. ભૂકંપ પછી, લોકો સાવધાની સાથે પોતાના ઘરો અને ઓફિસોમાંથી બહાર નીકળી ગયા.

તમને જણાવી દઈએ કે આ પહેલા રાજધાની દિલ્હીમાં પણ સવારે 5.37 વાગ્યે ભૂકંપ આવ્યો હતો. ભૂકંપ એટલો જોરદાર હતા કે ઇમારતો ધ્રુજવા લાગી અને લોકો પોતાના ઘરોમાંથી બહાર નીકળી આવ્યા. ઝાડ પર બેઠેલા પક્ષીઓ પણ મોટા અવાજો સાથે અહીં-ત્યાં ઉડવા લાગ્યા. રાષ્ટ્રીય ભૂકંપ કેન્દ્ર અનુસાર, રિક્ટર સ્કેલ પર તીવ્રતા 4.0 માપવામાં આવી હતી. તેનું કેન્દ્ર જમીનથી માત્ર પાંચ કિલોમીટર નીચે, ૨૮.૫૯ ડિગ્રી ઉત્તર અક્ષાંશ અને ૭૭.૧૬ ડિગ્રી પૂર્વ રેખાંશ પર સ્થિત હતું. ભૂકંપની ઊંડાઈ ઓછી હોવાથી અને તેનું કેન્દ્ર દિલ્હીમાં હોવાથી, તેની અસર દિલ્હી-એનસીઆર ક્ષેત્રમાં વધુ અનુભવાઈ. લાંબા સમય પછી, દિલ્હીમાં ભૂકંપનું કેન્દ્રબિંદુ આવ્યું, જેના કારણે અહીંના લોકોએ લાંબા સમય સુધી ભૂકંપના આંચકા અનુભવ્યા.

NCS એ સોશિયલ મીડિયા પોસ્ટ દ્વારા ભૂકંપની પુષ્ટિ કરી અને કહ્યું, "ભૂકંપની તીવ્રતા: 4.0, તારીખ: 17/02/2025 05:36:55 IST, અક્ષાંશ: 28.59 ઉત્તર, રેખાંશ: 77.16 પૂર્વ, ઊંડાઈ: 5 કિમી હતું"

—IANS