4399 દિવસનો રેકોર્ડ: નેહરુને પાછળ મૂકી મોદી આગળ

ચૂંટાયેલા વડાપ્રધાન તરીકે મોદીએ રચ્યો નવો ઇતિહાસ

વડાપ્રધાન નરેન્દ્ર મોદીએ 10 જૂનના રોજ એક મહત્વપૂર્ણ સિદ્ધિ હાંસલ કરી છે. 26 મે 2014થી શરૂ થયેલા તેમના કાર્યકાળના 4399 દિવસ પૂર્ણ થતાં તેઓ ભારતના સૌથી લાંબા સમય સુધી ચૂંટાયેલા વડાપ્રધાન બની ગયા છે. અગાઉ આ રેકોર્ડ દેશના પ્રથમ વડાપ્રધાન જવાહરલાલ નેહરુના નામે હતો. લોકશાહી રીતે ચૂંટાયેલા વડાપ્રધાન તરીકે સૌથી લાંબા કાર્યકાળનો આ રેકોર્ડ હવે નવો ઈતિહાસ બનશે.

નેહરુના 4398 દિવસના રેકોર્ડને પાછળ છોડ્યો

મોદી 10 જૂનના રોજ સતત 4,399 દિવસ સુધી વડાપ્રધાન પદ પર રહીને પંડિત જવાહરલાલ નેહરુનો રેકોર્ડ તોડ્યો છે. નેહરુએ લોકસભાની પ્રથમ ચૂંટણી પછી 13 મે 1952 થી 27 મે 1964 સુધી સત 4,398 દિવસ વડાપ્રધાન તરીકે કાર્ય કર્યું હતું.

વર્ષ 1952 માં ભારતે પહેલી લોકસભાની ચૂંટણી પછી સરકાર બનાવી, ત્યારે પંડિત નેહરુએ 13 મે 1952 ના રોજ શપથ લીધા. ત્યારથી 27 મે 1964 સુધી, એટલે કે 4,398 દિવસ સુધી તેઓ દેશના વડાપ્રધાન રહ્યા. આ રેકોર્ડ પછીના દરેક વડાપ્રધાન માટે એક સીમારેખા બની ગયો.

બરાબર 62 વર્ષ પછી, 10 જૂન 2026 ના રોજ નરેન્દ્ર મોદી એ જ આંકને પાર કર્યો છે. 26 મે 2014 ના રોજ ગુજરાતના મુખ્યમંત્રીપદેથી દિલ્હીની ગાદી સંભાળનારા મોદીએ 2014, 2019 અને 2024 ની લોકસભા ચૂંટણીમાં સતત ત્રીજી વખત જીત મેળવી હતી.

આ માત્ર આંકડાનો ખેલ નથી. જ્યારે નેહરુએ કાર્યભાર સંભાળ્યો ત્યારે ભારતની વસતી 34 કરોડ હતી. સાક્ષરતા ઓછી હતી અને લોકશાહી સંસ્થાઓ હજુ ઘડાઈ રહી હતી. આજે 146 કરોડથી વધુની વસતી, 96 કરોડથી વધુ મતદારો અને 744 રાજકીય પક્ષો વચ્ચે સ્પર્ધા વચ્ચે મોદીનો આ કાર્યકાળ ચાલ્યો છે. જુલાઈ 2025 માં મોદી ઈન્દિરા ગાંધીનો 4,077 દિવસનો રેકોર્ડ પણ તોડી ચૂક્યા છે. હવે 10 જૂન 2026ના રોજ મોદીએ નેહરુને પાછળ છોડ્યા છે.

મોદી ભારતના પ્રથમ એવા વડાપ્રધાન છે જે આઝાદી પછી જન્મ્યા અને સતત ત્રણ વખત પૂર્ણ બહુમતી સાથે સરકાર બનાવી. તેઓ ગુજરાતના મુખ્યમંત્રી તરીકે પણ 2001 થી 2014 સુધી સતત 13 વર્ષ રહ્યાં. એટલે રાજ્ય અને કેન્દ્ર મળીને લગભગ 25 વર્ષનો સતત શાસનનો અનુભવ છે.

"રેકોર્ડ બ્રેકર-આંકડામાં મોદી"

પહેલીવાર શપથઃ 26 મે 2014ના રોજ વડાપ્રધાન બન્યા

ઈન્દિરા ગાંધીનો રેકોર્ડ તોડ્યોઃ 25 જુલાઈ 2025ના રોજ 4,078 દિવસ સાથે બીજા ક્રમે આવ્યા

નેહરુનો રેકોર્ડ તોડ્યોઃ 10 જૂન 2026ના રોજ 4,399 દિવસ વડાપ્રધાન રહી પહેલા ક્રમે આવ્યા

મોદી શાસનની નેહરુ શાસન સાથે તુલના

નેહરુનો સમય: 34 કરોડ વસતી, 17 કરોડ મતદાર, 53 પક્ષો

મોદીનો સમય: 146 કરોડ વસતી, 96 કરોડ મતદાર, 744 પક્ષો

મોદી કાર્યકાળની આછેરી ઝલક

26 મે 2014: પહેલીવાર શપથઃ "મેક ઈન ઈન્ડિયા" ના નારાથી શરૂઆત

2016: નોટબંધી અને સર્જિકલ સ્ટ્રાઈકનો મુદ્દો ઉછળ્યો

2019: બીજી વખત સત્તા મેળવી,  જમ્મુ-કાશ્મીરમાંથી કલમ 370 હટાવી

2020-21: કોવિડ મહામારી દરમિયાન દેશમાં સફળ રીતે સંચાલન

2024: ત્રીજી વખત શપથ, 25 જુલાઈ 2025: ઈન્દિરા ગાંધીનો રેકોર્ડ તોડ્યો

10 જૂન 2026: 4,399 દિવસ પૂર્ણ, જવાહરલાલ નેહરુનો રેકોર્ડ તોડ્યો

શા માટે આ રેકોર્ડ વિશેષ છે?

આ "લોકશાહી રીતે ચૂંટાયેલા વડાપ્રધાન" તરીકે સૌથી લાંબો સત કાર્યકાળનો રેકોર્ડ છે. મોદી 26 મે 2014 ના રોજ પહેલીવાર વડાપ્રધાન બન્યા હતાં. 2014, 2019, 2024 માં સત ત્રણ વખત ચૂંટણી જીત્યા.

જુલાઈ 2025 માં તેઓ ઈન્દિરા ગાંધીનો 4,077 દિવસનો રેકોર્ડ પણ તોડી ચૂક્યા છે. 10 જૂન પછી મોદી નેહરુને પાછળ છોડીને ભારતના સૌથી લાંબા સમય સુધી સત સેવા આપનારા ચૂંટાયેલા વડાપ્રધાન બન્યા છે.  

10 જૂન 2026ના રોજ સૂરજ આથમશે ત્યારે ભારતના સંસદીય ઈતિહાસમાં એક નવું પ્રકરણ શરૂ થશે. નેહરુના નામે રહેલો રેકોર્ડ હવે મોદીના નામે થશે અને તેની સાથે 12 વર્ષના સતત શાસનની કહાની પણ લખાઈ જશે.