મિત્રો, શિયાળાની ગુલાબી ઠંડીમાં નવા વર્ષ 2026ની શરૂઆત કંઈક અલગ અને ધમાકેદાર અંદાજમાં કરવી છે? 
તો કેલેન્ડરમાં તારીખ નોંધી લેજો! 2થી 4 જાન્યુઆરી દરમિયાન અમદાવાદના શેલા વિસ્તારમાં આવેલ ગુજરાત પોલો ક્લબ ગ્રાઉન્ડ ખાતે &lsquo;અમદાવાદ પોલો ટૂર્નામેન્ટ&rsquo;ની પહેલી સીઝન ધૂમ મચાવવા આવી રહી છે. અમદાવાદ હવે એક શાહી પરિવર્તન માટે તૈયાર છે.&nbsp; વર્ષોથી માત્ર વાર્તાઓમાં સાંભળેલો &lsquo;શાહી ખેલ&rsquo; રોમાંચનું એક એવું પેકેજ હવે તમારી આંખોની સામે રમાશે. આ માત્ર એક રમત નથી, પણ સંસ્કૃતિ, ગ્લેમર અને સાહસનું અદભૂત મિશ્રણ છે.
અદાણી ગ્રુપના સહયોગથી આયોજિત આ ટૂર્નામેન્ટમાં 8 ટીમ છે અને સ્ટાર પાવર આ ટૂર્નામેન્ટમાં પુરુષોની 6 અને મહિલાઓની 2 ટીમો મેદાનમાં ઉતરશે. અદાણી આર્ચર્સથી લઈને જિંદાલ પેન્થર્સ સુધીની ટીમો જીત માટે ટકરાશે. ખાસ વાત એ છે કે 30થી વધુ ખેલાડીઓમાંથી 25 ખેલાડીઓ આંતરરાષ્ટ્રીય અનુભવ ધરાવે છે, જેમાં ભારતના પૂર્વ કેપ્ટન ધ્રુવ પાલ ગોદારાનું નામ પણ સામેલ છે. 
ગુજરાતના પ્રોફેશનલ પોલો પ્લેયર જયવીરસિંહ ગોહિલ આ રમતને ગુજરાતના દરેક યુવાન સુધી પહોંચાડવા માટે ઉત્સાહિત છે. મહિલા ટીમમાં ગુજરાતની મહિલા ખેલાડી મિલી જોશી શેઠ પણ સામેલ થવાના છે.&nbsp;
રમત સાથે મનોરંજનનો તડકો ટૂર્નામેન્ટની શરૂઆત કોઈ બોલિવૂડ બ્લોકબસ્ટરથી ઓછી નહીં હોય. પૂર્વ મિસ વર્લ્ડ માનુષી છિલ્લર આ ભવ્ય ટ્રોફીનું અનાવરણ કરશે. ઓપનિંગ સેરેમનીમાં 80 ડાન્સર્સ, &lsquo;અમેરિકા ગોટ ટેલેન્ટ&rsquo; ફેમ વોરિયર સ્ક્વોડ અને વી-અનબીટેબલ ગ્રુપના કરતબ જોવા મળશે. સાંજના સમયે લાઈટિંગ સાથેનો હોર્સ પરેડ અને મધ્ય આકાશમાં આતશબાજી અમદાવાદની સાંજને &lsquo;મેજિકલ&rsquo; બનાવી દેશે.
કેમ આ ટૂર્નામેન્ટ ખાસ છે?
ગુજરાત પોલો ક્લબના પ્રમોટર અર્પણ ગુપ્તા અને સંજય પલાડિયાનું વિઝન અમદાવાદને પશ્ચિમ ભારતનું &lsquo;પોલો હબ&rsquo; બનાવવાનું છે. અત્યાર સુધી જે રમત માત્ર હાઈ-સોસાયટી પૂરતી મર્યાદિત મનાતી હતી, તેને હવે સામાન્ય શહેરીજનો અને યુવા વર્ગ માટે એક ફેમિલી આઉટિંગ અને સ્પોર્ટ્સ એક્સપિરિયન્સ તરીકે રજૂ કરવામાં આવી રહી છે.
પરંપરા અને આધુનિકતાના આ અદભૂત સંગમ સાથે અમદાવાદ ફરી એકવાર &lsquo;કિંગ ઓફ ગેમ્સ&rsquo;ના દબદબા સાથે ગુંજી ઉઠશે.&nbsp;
જો તમે રમતગમતના શોખીન હોવ અથવા કંઈક નવું અનુભવવા માંગતા હોવ, તો આ રોયલ ઇવેન્ટ મિસ કરવા જેવી નથી. તો ચાલો, શાહી ઠાઠ સાથે નવા વર્ષનું સ્વાગત કરીએ!

અમદાવાદ ‘રોયલ’ બન્યું: ‘ગેમ ઓફ કિંગ્સ’- પોલોની રમત સાથે શહેરમાં 3 દિવસનો શાનદાર જશ્ન!

December 24, 2025 | 20:10 IST