શું અધિકારીઓ સામે ઘુટણીયે આવી સરકાર

બે દિવસ પહેલા કુંભ મેળમાં બનેલી કરુણાંતિકા તો તમને યાદ જ હશે જેમાં મોડી રાત્રે થયેલી ભાગદોડમાં 30 નિર્દોષ લોકોએ પોતાનો જીવ ગુમાવ્યો હતો. ત્યારે મને આવી જ એક ઘટના યાદ આવે છે અને કદાચ તમને પણ યાદ જ હશે, થોડા દિવસો પહેલા પુષ્પા-2 ના રિલીઝ સમયે અભિનેતા અલ્લુ અર્જુન એક થિયેટર પર પહોંચ્યો હતો, અને તેને જોવા માટે ઉમટેલી ભીડમાં ભાગદોડ મચી હતી જેમાં એક મહિલાનું મોત થયું હતું, આ ઘટનાને પગલે અભિનેતા અલ્લુ અર્જુન પર ફરિયાદ થઈ હતી અને તેને એક રાત જેલમાં પણ રહેવું પડ્યુ હતું, 

ત્યારે અહી સવાલએ આવે છે કે જો એક મહિલાના મૃત્યુ પર એક અભિનેતાને જેલમાં મોકલવામાં આવતો હોય તો અહિતો 30 નિર્દોષ વ્યક્તિઓ કે જેઓ આરમથી સુઈ રહ્યા હતા તેમણે પોતાનો  જીવ ગયા છે. તો આ ઘટના માટે કેમ હજુ સુધી કોઈના સામે ફરિયાદ નોંધવામાં નથી આવી, અરે ફરિયાદની તો વાત દુરની રહી પણ કોઈ જવાબદાર અધિકારીઓ સામે કડક શિક્ષાત્મક પગલા પણ લેવામાં નથી આવ્યા. જો હૈદરાબાદમાં એર થિયેટર બાહાર બનેલી ઘટનામાં ત્યાં સ્થળ પર હાજર અભિનેતા અને અભિનેતાને સ્થળ પર બોલાવનાર ઓર્ગેનાઈઝરને જવાબદાર ગણવામાં આવતા હોય તો પછી આટલુ મોટી મહાકુભમાં થયેલી ભાગદોડ માટે તેનું આયોજન કરના ઉત્તરપ્રદેશ સરકાર અને તેના અધિકારીઓ આ ઘટના માટે જવાબદાર કેમ ન કહેવાય.શું સરકાર માત્ર જસ ખાટવા માટે જ છે. જો અત્યારે મહાકુંભના આયોજન બદલ જશ ખાટવાનો હોય તો સરકાર અને તેના અધિકારીઓ પહેલી હરોળમાં બેસી જશે. પણ જ્યારે આ દુખદ ઘટનાની જવાબદારી સ્વિકારવાની વાત આવે ત્યારે તો માત્ર નિવેદનો કરીને એકબીજા પર ઢોળવા અને માત્ર બહાના બાજી કરીને છુટવા માગે છે. 

તો બીજી તરફ સરકાર જો એક દેશ એક ચૂનાાવની વાત કરતી હોય તો પથી અહી એક દેશ એક કાનુન કેમ ના હોય શકે. આ તો વળી કેવું કહેવાય કે એક જ દેશમાં બે અલગ અલગ રાજ્યોમાં અલગ અલગ કાનુન, જો એક રાજ્યમાં થયેલા ભાગદોડને કારણે જો એક મહિલાના મૃત્યુ પર જો એક મોટા ગજાના અભિનેતાને જેલમાં મોકલવામાં આવતો હાય  તો પછી અહીયા તો 30-30 નિર્દોષ લોકોએ પોતાનો જીવ ગયા છે. આટલી મોટી ઘટના બની છે  તો પણ કોઈના પેટનું પાણી સુધ્ધા હલતુ નથી. આવું કેમ, શુ ઉત્તરપ્રદેશ સરકાર માત્ર મૃતકોના પરિવાર જનોને 25 લાખ આપી અને તપાસની વાતો કરીને છુટી જવા માંગે છે. 

તો બીજી તરફ હાલ સોશિયલ મીડિયામાં જવાબદાર અધિકારીઓ સામે કડકમાં કડક પગલા લેવાની માંગ અને આ કાર્યક્રમનું આયોજન કરનાર ઉત્તરપ્રદેશ સરકર સામે કડક પગલા લેવાની માંગ કરવામાં આવી રહી છે, ત્યારે હવે જોવાનું એ રહ્યું કે શુ ખરેખર કોઈ મોટા અધિકારી સામે પગલા લેવામાં આવે છે કે પછી ફરી કોઈ નાના કર્મચારીઓને બલીનો બકરો બનાવીને ભીનું સંકેલી લેવાનો પ્રયત્ન કરવામાં આવશે એતો હવે જોવું જ રહ્યું.