ભારતમાં અત્યાર સુધી હેલ્મેટ માર્કેટ મોટાભાગે પુરુષોને ધ્યાનમાં રાખીને ડિઝાઈન કરવામાં આવતું હતું, પરંતુ 'TVARRA' બ્રાન્ડે આ પરંપરા તોડી છે. TVARRAએ ભારતની પ્રથમ હેલ્મેટ બ્રાન્ડ છે જે માત્ર અને માત્ર મહિલાઓ માટે ઓપન-ફેસ હેલ્મેટ બનાવે છે. ભારતીય મહિલાઓના માથાની સરેરાશ સાઈઝ (560mm અને 570mm)ને ધ્યાનમાં રાખીને તૈયાર કરાયેલા આ હેલ્મેટ્સ હળવા વજનના અને એકદમ સ્ટાઈલિશ છે.
ટેકનોલોજી અને ડિઝાઈનનો સમન્વય:
કંપનીએ Flora, Lilt અને Silver Blossom જેવા નામ સાથે આકર્ષક મોડલ્સ લોન્ચ કર્યા છે. આ હેલ્મેટ્સની સૌથી મોટી ખાસિયત તેમાં આપેલી 'ઇયરરિંગ નોત્ચ' (Earring Notch) છે, જે મહિલાઓને કાનમાં બુટ્ટી પહેરી હોવા છતાં આરામદાયક ફિટિંગ આપે છે. આ ઉપરાંત, એન્ટી-ઓડર ઇનર લાઈનિંગ અને ISI સર્ટિફિકેશન સુરક્ષાની સાથે હાઈજીનનું પણ ધ્યાન રાખે છે. કોરલ પિંક, મેરીન બ્લુ અને પેરલ વ્હાઈટ જેવા પ્રીમિયમ કલર્સમાં ઉપલબ્ધ આ હેલ્મેટ Nykaa અને Flipkart જેવા પ્લેટફોર્મ પર ₹2,650 થી ₹2,950 માં મળી રહ્યા છે.
જેમિમા રોડ્રિગીસનું રોકાણ અને સફળતા:
ભારતીય મહિલા ક્રિકેટર જેમિમા રોડ્રિગીસે તાજેતરમાં આ બ્રાન્ડમાં રોકાણ કરીને તેને એક નવી ઊંચાઈ આપી છે. જેમિમાના જોડાણ બાદ બ્રાન્ડની લોકપ્રિયતામાં મોટો ઉછાળો આવ્યો છે અને કંપનીના વેચાણમાં 30% નો વધારો નોંધાયો છે. સોશિયલ મીડિયા પર જેમિમાની પ્રમોશનલ રીલ્સથી યુવા મહિલા રાઈડર્સમાં હેલ્મેટ પહેરવા પ્રત્યેનો ઉત્સાહ વધ્યો છે. બ્રાન્ડે તાજેતરમાં &lsquo;Bronze Glow&rsquo; જેવો નવો કલર પણ લોન્ચ કર્યો છે જે માર્કેટમાં ટ્રેન્ડ કરી રહ્યો છે.
AR ટ્રાય-ઓન અને વિન્ટર કલેક્શન:
TVARRA માત્ર ઉત્પાદન સુધી મર્યાદિત રહેવા માંગતી નથી. આગામી સમયમાં કંપની આર્ટિફિશિયલ ઇન્ટેલિજન્સ (AI) આધારિત 'AR વર્ચ્યુઅલ ટ્રાય-ઓન' સુવિધા લાવવાની તૈયારીમાં છે, જેથી મહિલાઓ ઘરે બેઠા જોઈ શકશે કે કયું હેલ્મેટ તેમના પર સૂટ થાય છે. આ ઉપરાંત, શિયાળા માટે ખાસ વિન્ટર-સ્પેશિફિક હેલ્મેટ્સ પણ પાઈપલાઈનમાં છે. TVARRA એ સાબિત કર્યું છે કે સેફ્ટી ક્યારેય બોરિંગ હોતી નથી, તે સ્ટાઈલિશ પણ હોઈ શકે છે.

સ્ટાઈલ સાથે સેફ્ટી: મહિલાઓ માટે ખાસ ISI હેલ્મેટ

ભારતીય મહિલાઓ માટે ખાસ ડિઝાઈન કરેલા સ્ટાઈલિશ હેલ્મેટ, જેમિમાના જોડાણથી બ્રાન્ડને બૂસ્ટ..

January 7, 2026 | 22:50 IST