દેશની સૌથી મોટી એરલાઇન ઈન્ડિગોનું ફ્લાઇટ શેડ્યૂલ ખોરવાઈ જતાં લાખો મુસાફરોને ભારે હાલાકીનો સામનો કરવો પડ્યો છે. ઈન્ડિગો દ્વારા મોટા પાયે ફ્લાઇટ રદ થવા અને ઓપરેશનલ નિષ્ફળતાઓના કારણે આ મુદ્દો હવે સંસદ, પરિવહન મંત્રાલય અને નિયમનકાર DGCAના દરવાજે પહોંચ્યો છે, જેના કારણે સરકારે કડક પગલાં લેવાનું શરૂ કર્યું છે. પરિવહન, પર્યટન અને નાગરિક ઉડ્ડયન અંગેની સંસદીય સ્થાયી સમિતિએ આ મામલે કડક વલણ અપનાવીને ઈન્ડિગો, અન્ય એરલાઇન્સ, DGCA અને નાગરિક ઉડ્ડયન મંત્રાલયના વરિષ્ઠ અધિકારીઓને બોલાવવાનો નિર્ણય લીધો છે. JDU સાંસદ સંજય કુમાર ઝાની અધ્યક્ષતામાં આ સમિતિ સમગ્ર ઘટનાની વિગતવાર ચર્ચા કરીને જવાબદારી નક્કી કરશે અને ભવિષ્યમાં આવી પરિસ્થિતિ ન સર્જાય તે માટે નક્કર પગલાં સૂચવશે.
મુસાફરોની સુવિધાઓમાં ગંભીર બેદરકારી
આ કટોકટીની ગંભીરતા એ વાત પરથી જાણી શકાય છે કે સીપીએમ સાંસદ જોન બ્રિટાસે તો વડાપ્રધાન નરેન્દ્ર મોદીને પત્ર લખીને આ સમગ્ર મામલાની તપાસ માટે સંયુક્ત સંસદીય સમિતિ (JPC) અથવા ન્યાયિક કમિશનની રચના કરવાની માંગ કરી છે. આ ઉપરાંત, ઉડ્ડયન નિયમનકાર DGCA એ પણ ઈન્ડિગોના CEO પીટર એલ્બર્સ અને એકાઉન્ટેબલ મેનેજર ઇસિડ્રો પોર્કેરાસને વ્યાપક ઓપરેશનલ નિષ્ફળતાઓ અને સુધારેલા FDTL (ફ્લાઇટ ડ્યુટી સમય મર્યાદા) નિયમોનું પાલન ન કરવા બદલ કારણદર્શક નોટિસ ફટકારી છે, જેમાં 24 કલાકમાં જવાબ માંગવામાં આવ્યો છે. DGCAએ આને નિયમોનું પ્રથમ દૃષ્ટિએ ઉલ્લંઘન ગણાવ્યું છે અને મુસાફરોની સુવિધાઓમાં ગંભીર બેદરકારી જોવા મળી હોવાનું પણ નોંધ્યું છે.
આ પણ વાંચો:<a href="https://www.benefitnews24.com/gujarati/international/air-india-low-fares-free-cancellation-upgrade/23782" target="_blank" rel="noopener"> </a><a href="https://www.benefitnews24.com/gujarati/international/air-india-low-fares-free-cancellation-upgrade/23782" target="_blank" rel="noopener">નો કેન્સલેશન ફી, ફ્રી રિશિડ્યુલિંગ, ફિક્સ્ડ ભાડું</a>
ઈન્ડિગોના ખુલાસાઓને અસંતોષકારક ગણાવ્યા
નાગરિક ઉડ્ડયન મંત્રાલય દ્વારા ઈન્ડિગોના ખુલાસાઓને અસંતોષકારક ગણાવીને 4 સભ્યોની ઉચ્ચ સ્તરીય સમિતિને ઝડપથી રિપોર્ટ તૈયાર કરવાનો નિર્દેશ આપવામાં આવ્યો છે. આ સમિતિ સમગ્ર ઘટનાના મૂળ કારણો અને જવાબદારોને ઓળખીને નાણાકીય અને શિક્ષાત્મક કાર્યવાહીની ભલામણ કરી શકે છે. નાગરિક ઉડ્ડયન મંત્રી કે. રામમોહન નાયડુએ પણ ઈન્ડિગોના CEO સાથે બેઠક યોજીને FDTL નિયમોનું કડક પાલન સુનિશ્ચિત કરવા સૂચના આપી હતી. બીજી તરફ, કોંગ્રેસના વરિષ્ઠ નેતા પી. ચિદમ્બરમે આ કટોકટીને એરલાઈન મેનેજમેન્ટ, DGCA અને કેન્દ્ર સરકારની સામૂહિક નિષ્ફળતા ગણાવી છે. ઈન્ડિગો &nbsp;એ એક નિવેદનમાં સ્વીકાર્યું છે કે, નેટવર્ક "રીબૂટ" કરવા માટે ફ્લાઈટ્સ રદ્દ કરવામાં આવી છે અને વિશ્વાસ પુનઃસ્થાપિત કરવાની ખાતરી આપી છે.

ઈન્ડિગોની ફ્લાઇટ રદ્દ થવા અને ભાડા વધારાની કટોકટીને પગલે પરિવહન અંગેની સંસદીય તપાસ શરૂ

December 7, 2025 | 21:20 IST