આગામી દિવસોમાં કડકડતી ઠંડી પડશે ?

રાજ્યમાં ઠંડીની ધીમી શરૂઆત થઈ છે. સવારે અને રાતે લોકો ઠંડીનો અનુભવ કરી રહ્યા છે. જો કે, બપોરનાં સમયે તાપમાન વધુ રહેતા લોકો બેવડી ઋતુનો અનુભવ કરી રહ્યા છે. દરમિયાન, હવામાન વિભાગની આગાહી સામે આવી છે. આગામી 7 દિવસ દરમિયાન વાતાવરણ સૂકું રહેવાની સંભાવના છે. જ્યારે બે દિવસ બાદ વાતાવરણમાં 2 થી 3 ડિગ્રી સુધીનો ઘટાડો થઈ શકે છે. પરંતુ, 4 દિવસ બાદ તાપમાન 2 ડિગ્રી સુધી વધી શકે છે.

ગુજરાતના પાટનગરમાં નોંધાયું લઘુત્તમ તાપમાન

નવેમ્બર મહિનામાં રાજ્યમાં ઠંડીનું પ્રમાણ વધતું જોવા મળી રહ્યું છે. આ મહિનામાં સરેરાશ તાપમાનમાં 2 થી 3 ડિગ્રીનો ઘટાડો નોંધાયો છે. રવિવારે દિવસ દરમિયાન લઘુત્તમ તાપમાન 15.8 ડિગ્રીથી 25.4 ડિગ્રી નોંધાયું હતું. ગુજરાતના પાટનગર ગાંધીનગરમાં પણ લઘુત્તમ તાપમાન 15.8 ડિગ્રી નોંધાયું હતું. જે રાજ્યનું સૌથી ઓછું તાપમાન હતું.આ સિવાય ગુજરાતના ઓખામાં લઘુત્તમ તાપમાન 25.4 ડિગ્રી નોંધાયું હતું. 

9 શહેરોમાં લઘુત્તમ તાપમાન 20 ડિગ્રીથી ઓછું નોંધાયું છે. આ સિવાય નલિયામાં સૌથી ઓછું 15.8 ડિગ્રી તાપમાન નોંધાયુ હતું. અમદાવાદમાં તાપમાન 18.9 ડિગ્રી નોંધાયુ હતું. પાટનગર ગાંધીનગરમાં તાપમાન 16 ડિગ્રી, વડોદરા અને રાજકોટમાં 17 ડિગ્રી તેમજ ડીસામાં 18.4 ડિગ્રી તાપમાન નોંધાયું હતું. પોરબંદરમાં 18.8, અમરેલીમાં 19.6 ડિગ્રી તાપમાન, ભૂજમાં 19.7 ડિગ્રી, ભાવનગરોમાં 20.2 ડિગ્રી તાપમાન નોંધાયુ હતું. 

હવામાન વિભાગની આગાહી

હવામાન વિભાગના જણાવ્યા અનુસાર, ઉત્તર ભારતના પહાડી વિસ્તારોમાં થઈ રહેલી હિમવર્ષાની અસર ગુજરાત પર પડી રહી છે. જેની અસરે આગળના દિવસોમાં પણ રાજ્યમાં ઠંડા પવનો ફૂંકાવા લગાશે અને આગામી દિવસોમાં કડકડતી ઠંડી પડશે.