ઓપરેશન સિંદુરની જેણે માહિતી આપી તે કર્નલ સોફિયા વડોદરાના..વાંચો તેમની ગાથા

પહલગામ હુમલા બાદ ભારતે આજે ઓપરેશન સિંદૂર સફળતાપૂર્વક પાર પાડીને પાકિસ્તાનમાં આવેલા 9 આતંકી સ્થળોને નષ્ટ કર્યા છે અને 90થી વધુ આતંકવાદીઓને ઠાર કર્યા છે. આજે જ્યારે સામાન્ય ભારતવાસી ઉંઘમાંથી જાગ્યો ત્યારે તેને ઓપરેશ સિંદુરના સમાચાર મળ્યા હતા અને સવારથી જ લોકો ભારતીય સેનાની બહાદુરીને વખાણીને ગર્વ અનુભવી રહ્યા છે. 

આજે આ મામલે ભારતીય સેના અને વિદેશ વિભાગ દ્વારા સંયુક્ત રીતે પ્રેસ કોન્ફરન્સ યોજવામાં આવી હતી જેમાં ઓપરેશન સિંદૂર વિશે માહિતી આપવામાં આવી હતી. ભારતના વિદેશ સચિવ વિક્રમ મિસ્ત્રી, વાયુસેનાની વિંગ કમાન્ડર વ્યોમિકા સિંહ અને કર્નલ સોફિયા કુરેશીએ પ્રેસ કોન્ફરન્સમાં આ માહિતી આપી હતી.

દેશવાસીઓ આ રીતે પહેલીવાર 2 મહિલા અધિકારીઓને પ્રેસ કોન્ફરન્સમાં જોઇને આશ્ચર્યચકિત થઇ ગયા હતા. તમને એક ગુજરાતી તરીકે ગર્વ થશે કે આ પ્રેસ કોન્ફરન્સમાં અને સમગ્ર ઓપરેશનમાં જેની ભૂમિકા અહમ હતી તે ઇન્ડિયન આર્મીના કર્નલ સોફિયા કુરેશી ગુજરાતી છે.

કર્નલ સોફિયા ગુજરાતની છે અને બાયો-કેમિસ્ટ્રીમાં અનુસ્નાતકની ડિગ્રી ધરાવે છે. તેમના દાદા પણ સેનામાં હતા અને તેમના લગ્ન પણ મિકેનાઇઝ્ડ ઇન્ફન્ટ્રીના એક આર્મી ઓફિસર સાથે થયા છે. લેફ્ટનન્ટ કર્નલ કુરેશી ગુજરાતના છે. તેમના દાદા આર્મીમાં સેવા આપી હતી. તેમના પિતાએ પણ થોડા વર્ષો માટે આર્મીમાં ધાર્મિક શિક્ષક તરીકે કામ કર્યું હતું. તેથી, સોફિયાને શરૂઆતથી જ આર્મી જીવનનો ઘણો અનુભવ હતો. કર્નલ સોફિયા એમ.એસયુનિ.ના વિદ્યાર્થી છે અને 1997માં તેમણે એમએસયુમાં બાયોકેમેસ્ટ્રીનો અભ્યાસ કર્યો છે. 

કર્નલ સોફિયા કુરેશી 2016માં યોજાયેલી મલ્ટી નેશનલ મિલટરી એક્સરસાઇઝમાં ભાગ લેનારા પહેલા મહિલા અધિકારી બન્યા હતા. તેઓ લેફ્ટનન્ટ કર્નલનો હોદ્દો ધરાવે છે. 1981માં તેમને જન્મ થયો હતો અને તેઓ મુળ વડોદરાના છે અને વડોદરામાં તેમનો જન્મ થયો હતો. તેમને શૂટીંગ, ટ્રાવેલંગ તથા ટ્રેકીંગ અને વાંચનનો શોખ ધરાવે છે તથા તેમના લગ્ન મેજર તજુદ્દીન કુરેશી સાથે થયા છે. તેમને સંતાનમાં એક પુત્ર અને પુત્રી છે. 1999માં તેમણે ઓફિસર્સ ટ્રેનિંગ એકેડેમીમાંથી તાલીમ મેળવી આર્મીમાં લેફ્ટનન્ટ તરીકે જોડાયા હતા. તેમણે યુનાઇટેડ નેશન્સના શાંતિ મિશનમાં કોંગો ખાતે પણ 6 વર્ષ ફરજ બજાવી હતી

કર્નલ સોફિયાને પંજાબ બોર્ડર ખાતેના આર્મીના ઓપરેશન પરાક્રમમાં કમેન્ડેશન કાર્ડ એવોર્ડ પણ મળ્યો હતો તો તેમણે નોર્થ ઇસ્ટમાં પૂરની સ્થિતીમાં ફરજ બજાવી એવોર્ડ મેળવ્યો હતો. ભારતમાં યોજાયેલા એક્સરસાઇઝ ફોર્સ 18 મિલટરી એક્સરસાઇઝમાં પણ તેમણે ભાગ લીધો હતો.