ભારતીય સેનાનું 'ઓપરેશન સિંદૂર' | પહેલગામ હુમલાનો લીધો આકરો બદલો, જામસાહેબની વડાપ્રધાનને શુભેચ્છા

 

પહલગામમાં થયેલા આતંકવાદી હુમલાના જવાબમાં ભારતીય સશસ્ત્ર દળોએ પાકિસ્તાન અને પીઓકેમાં આતંકીઓ વિરુદ્ધ જડબાતોડ કાર્યવાહી કરી છે. 'ઓપરેશન સિંદૂર' હેઠળ ભારતીય સેનાએ ચોક્કસ માહિતીના આધારે આતંકવાદીઓના નવ જેટલા ઠેકાણાઓને નિશાન બનાવીને સફળતાપૂર્વક ધ્વસ્ત કર્યા છે. આ ઓપરેશન બુધવારે હાથ ધરવામાં આવ્યું હતું.

જામસાહેબની વડાપ્રધાનને શુભેચ્છા

રાજકોટના જામસાહેબે વડાપ્રધાન નરેન્દ્ર મોદીને પત્ર લખીને આ સફળ કાર્યવાહી બદલ અભિનંદન પાઠવ્યા છે. તેમણે પોતાના પત્રમાં ભારતીય સેનાની બહાદુરી, બુદ્ધિમત્તા અને અત્યાધુનિક ઉપકરણોના ઉપયોગની પ્રશંસા કરી છે. તેમણે કહ્યું કે આ કાર્યવાહીએ વિશ્વને ભારતની અજોડ ક્ષમતા અને ભાવનાનું પ્રદર્શન કરાવ્યું છે.

'ઓપરેશન સિંદૂર'નું નામકરણ

પહેલગામમાં થયેલા હૃદયદ્રાવક હુમલામાં આતંકવાદીઓએ નિર્દોષ નાગરિકોને તેમનો ધર્મ પૂછીને હત્યા કરી હતી. ખાસ કરીને કાશ્મીર ફરવા ગયેલા પરિણીત યુગલોને નિશાન બનાવવામાં આવ્યા હતા અને તેમની સામે જ તેમના પતિઓની હત્યા કરવામાં આવી હતી, તેમના સિંદૂરને ભૂંસી નાખવામાં આવ્યું હતું. ભારતીય સંસ્કૃતિમાં સિંદૂર સ્ત્રીઓ માટે તેમના પતિના લાંબા આયુષ્યનું પ્રતીક છે. આતંકવાદીઓને તેમના આકાઓ તરફથી હિન્દુઓને નિશાન બનાવવાની સ્પષ્ટ સૂચનાઓ હતી, જેને ધ્યાનમાં રાખીને આ ઓપરેશનને 'ઓપરેશન સિંદૂર' નામ આપવામાં આવ્યું છે.

પાકિસ્તાનનું સરહદ પર અવળચંડાઈ

ભારતની આ સફળ કાર્યવાહી બાદ પાકિસ્તાન અકળાયું હતું અને નિયંત્રણ રેખા (LoC) પર આડેધડ ગોળીબાર શરૂ