ફાગણી પૂનમ મેળા માટે ડાકોરમાં દર્શન સમયમાં ફેરફાર

સુપ્રસિદ્ધ યાત્રાધામ ડાકોરમાં ફાગણી પૂનમ (હોળી પૂનમ)નો ત્રિદિવસીય મેળો 1થી 3 માર્ચ 2026 દરમિયાન યોજાશે, જેમાં રાજાધિરાજ રણછોડરાયજી મંદિરે લાખો ભક્તોનો વિશાળ મહેરામણ ઉમટવાની શક્યતા છે. મેળા દરમિયાન ભક્તોને સરળ અને સુવિધાજનક દર્શન મળે તેમજ કાયદો-વ્યવસ્થા જળવાઈ રહે તે માટે ડાકોર ટેમ્પલ કમિટીએ રણછોડરાયજી મંદિરના દર્શન સમયમાં વિશેષ ફેરફાર કર્યા છે. ખાસ કરીને 3 માર્ચે ફાગણ સુદ 15 (હોળી પૂનમ)ના દિવસે ચંદ્રગ્રહણ હોવાથી બપોરે 2 વાગ્યે મંદિર બંધ કરી દેવાશે અને ત્યારબાદ ભક્તો દર્શન નહીં કરી શકે.

ડાકોર ટેમ્પલ કમિટી દ્વારા જાહેર કરાયેલા દર્શન સમય અનુસાર:

ફાગણ સુદ 14 (હોળી પૂજન) – તા. 02/03/2026 (સોમવાર)

• 4:45 વાગ્યે નિજ મંદિર ખુલશે
• 5:00 વાગ્યે મંગળા આરતી
• 5:00 થી 7:30 સુધી દર્શન
• 7:30 થી 8:00 સુધી બાલભોગ, શૃંગાર ભોગ, ગોવાળ ભોગ (દર્શન બંધ)
• 8:00 વાગ્યે શણગાર આરતી
• 8:00 થી 1:30 સુધી દર્શન
• 1:30 થી 2:00 સુધી રાજભોગ (દર્શન બંધ)
• 2:00 વાગ્યે રાજભોગ આરતી
• 2:00 થી 5:30 સુધી દર્શન
• 5:30 થી 6:00 સુધી દર્શન બંધ (ઠાકોરજી પોઢી જશે)
• 6:00 વાગ્યે ઉત્થાપન આરતી
• 6:00 થી 8:00 સુધી દર્શન
• 8:00 થી 8:15 સુધી શયનભોગ (દર્શન બંધ)
• 8:15 વાગ્યે શયનભોગ આરતી
• ત્યારબાદ નિયમિત ક્રમાનુસાર સેવા ચાલુ રહેશે

ફાગણ સુદ 15 (દોલોત્સવ) – તા. 03/03/2026 (મંગળવાર)

• 1:45 વાગ્યે નિજ મંદિર ખુલશે
• 2:00 વાગ્યે મંગળા આરતી
• 2:00 થી 3:30 સુધી દર્શન
• 3:30 થી 4:00 સુધી બાલભોગ, શૃંગાર ભોગ, ગોવાળ ભોગ (દર્શન બંધ)
• 4:00 વાગ્યે શણગાર આરતી
• 4:00 થી 6:00 સુધી ગોપાલલાલજી મહારાજ ફૂલડોળમાં બિરાજશે (ફૂલડોળ દર્શન)
• 6:00 થી 7:00 સુધી રાજભોગ (દર્શન બંધ)
• 7:00 વાગ્યે રાજભોગ આરતી
• 7:00 થી 8:00 સુધી દર્શન
• 8:00 થી 8:15 સુધી દર્શન બંધ (ઠાકોરજી પોઢી જશે)
• 8:15 વાગ્યે નિજ મંદિર ખુલશે
• 8:15 વાગ્યે ઉત્થાપન આરતી
• 8:15 થી 9:30 સુધી દર્શન
• 9:30 થી 10:00 સુધી શયનભોગ-સખડી ભોગ (દર્શન બંધ)
• 10:00 વાગ્યે દર્શન ખુલશે
• બપોરે 2:00 વાગ્યે ચંદ્રગ્રહણને કારણે મંદિર બંધ થઈ જશે, ત્યારબાદ દર્શનાર્થીઓનો પ્રવેશ બંધ રહેશે.

ડાકોર ટેમ્પલ કમિટી અને જિલ્લા વહીવટી તંત્ર દ્વારા મેળા દરમિયાન કાયદો-વ્યવસ્થા, યાત્રીઓની સુવિધા અને સુરક્ષા માટે વિશેષ વ્યવસ્થા કરવામાં આવી છે. ચંદ્રગ્રહણને લઈને ધાર્મિક નિયમોનું પાલન કરવા માટે બપોરે 2 વાગ્યા પછી દર્શન બંધ રાખવાનો નિર્ણય લેવામાં આવ્યો છે. ભક્તોને વિનંતી કરવામાં આવી છે કે તેઓ વહેલી સવારથી દર્શન કરી લે અને ચંદ્રગ્રહણના સમયે મંદિર પરિસરમાં ન આવે. મેળા દરમિયાન લાખો ભક્તોની અવરજવર રહેશે તેથી ટ્રાફિક, પાર્કિંગ અને સુરક્ષા વ્યવસ્થા પણ મજબૂત કરવામાં આવી છે. ભક્તોને સલાહ આપવામાં આવી છે કે તેઓ નિયત સમયમાં દર્શન કરીને મંદિરના નિયમોનું પાલન કરે.